សំណុំរឿងលោក សម រង្ស៊ី ចោទសម្តេចតេជោរឿង Facebook Like ឧទ្ធរណ៍បើកសវនាការរសៀលនេះ
រាជធានីភ្នំពេញ៖នៅម៉ោង២ និង០០រសៀលថ្ងៃទី១៧ ខែមករា ឆ្នាំ២០១៧នេះសាលាឧទ្ធរណ៍នឹងយកសំណុំរឿងលោក សម រង្ស៊ី ប្រធានគណបក្សសង្គ្រោះជាតិចោទប្រកាន់សម្តេចតេជោ ហ៊ុន សែន ប្រើប្រាស់ Like ក្លែងក្លាយនៅលើទំព័រ Facebook ដើម្បីបង្កើនប្រជាប្រិយភាពនោះមកជំនុំជម្រះ។ សវនាការនេះធ្វើឡើងបន្ទាប់ពីមានបណ្តឹងពីមេធាវីរបស់ លោក សម រង្ស៊ី។
គួរបញ្ជាក់ថា សាលាដំបូងរាជធានីភ្នំពេញបានសម្រេចប្រកាសសាលក្រមនៃសំណុំរឿងនេះ ដោយពិន័យប្រាក់លោក សម រង្ស៉ី ១០លានរៀល និងបង្គាប់ឱ្យសងជំងឺចិត្តទៅជនរងគ្រោះ១៥លានរៀល ដល់លោក សោម សឿន ដែលជាម្ចាស់បណ្តឹង ពីបទបរិហារកេរ្តិ៍ជាសាធារណៈ ប៉ុន្តែត្រូវបានមេធាវីរបស់ លោក សម រង្ស៊ី ដាក់ពាក្យប្តឹងជំទាស់៕
