លោក អ៊ា វឌ្ឍនា អ្នកគ្រប់គ្រងទូទៅផលិតកម្មថោនទទួលមរណភាព
រាជធានីភ្នំពេញ៖អ្នកគ្រប់គ្រងទូទៅនៃផលិតកម្មថោន លោក អ៊ា វឌ្ឍនា ត្រូវបានគេរាយការណ៍ថា បានទទួលមរណភាពហើយ នៅឯមន្ទីរពេទ្យមួយប្រទេសបារាំង ដោយសារមានជំងឺ បែកទឹកប្រមាត់ ក្រោយបញ្ជូនពីប្រទេសថៃទៅព្យាបាលនៅប្រទេសបារាំង។
លោក Ros Kong ដែលគេស្គាល់ថា ជាមិត្តភ័ក្ររួមអាជីពជាមួយលោក អ៊ា វឌ្ឍនា បានសរសេរលើបណ្ដាញសង្គមហ្វេសប៊ុក ថា «ពិតជាសោកស្ដាយខ្លាំងណាស់ សូមវិញ្ញាណក្ខន្ធបងបានទៅដល់ឋានសុគតិភព» អមដោយរូបភាពលោក អ៊ា វឌ្ឍនា នៅឯមន្ទីរពេទ្យប្រទេសបារាំង។ លោក Ros Kong បានបញ្ជាក់ថា ដំណឹងមរណភាពនេះ លោកទទួលបានពីបងប្អូនជីដូន១ នៅឯប្រទេសបារាំង៕
