តារា សេង សូ​ណា ប្រកាស​បន្ត​សម្តែង​ភាព​ស៊ិ​ច​ស៊ី និង​ឈុត​ឆាក​ស្ន​ហា​រោលរាល​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 23 January, 2018

​ភ្នំពេញ ៖ ពីមុនមក​គរ​ធ្លាបតែ​ដឹងថា តារា​សម្ដែង​ស៊ិ​ច​ស៊ី កញ្ញា ដេ​នី ក្វាន់ ត្រូវបាន​ក្រសួង​វប្បធម៌​ចេញ​ច្បាប់​មិនអោយ​បង្ហាញមុខ​ក្នុង​កម្មវិធី​ទូរទស្សន៍​រហូតដល់​១​ឆ្នាំ ដោយសារតែ​នាង​មាន​ទម្លាប់​បង្ហោះ​រូប​ស៊ិ​ច​ស៊ី​ជា​សាធារណៈ ។​ឥឡូវនេះ ក៏មាន​តារា​សម្ដែង​ស៊ិ​ច​ស៊ី​មួយ​ដួង​ទៀត​គឺ​កញ្ញា សេង សូ​ណា ដែល​នាង​បានប្រកាស​ជា​ឱឡារិក​ថា​​នាង​មិន​ប្ដូរ​ជំហរ​លុបចោល​បំណង​សម្តែង​ភាព​ស៊ិ​ច​ស៊ី​នេះ​ទេ និង​អាច​សម្តែង​ក្នុង​ឈុត​ស្នេហា​រោលរាល​ដោយ​មិន​ខ្វល់​ពី​ការរិះគន់​ថែម​ទៀតផង​។​

​កញ្ញា សេង សូ​ណា បាន​អះអាង​យ៉ាង​ដូច្នេះ​នៅ​ចំពោះមុខ​មិត្ត​ភ័ក្តិ និង​អ្នកសារព័ត៌មាន​នៅក្នុង​កម្មវិធី​ខួបកំណើត​កាលពី​ថ្ងៃទី​២១ មករា នៅ​បុរី​ល្អ​ពេញចិត្ត ក្នុង​ឫស្សីកែវ ។ កញ្ញា​ប្រាប់ថា មហាជន​ភាគច្រើន​បាន​ស្គាល់​ថា​នាង​ជាតា​រា​ស៊ិ​ច​ស៊ី ដូច្នេះ​បើ​នាង​ប្ដូរ​ទម្លាប់​មកជា​សម្តែង​ជា​តារា​ស្រគត់ស្រគំ
​គឺ​មហាជន​ពិតជា​ឈប់​ស្គាល់​នាង ឬ​អាច​មើល​នឹង​លែង​ស្គាល់​។
​ទោះជា​យ៉ាងណាក្តី នាង​បាន​បញ្ជាក់ថា​នាង​បង្ហាញ​ភាព​ស៊ិ​ច​ស៊ី ស្នេហា​រោលរាល​តែ​ក្នុង​រឿង​ប៉ុណ្ណោះ​គឺ​ត្រឹម​កម្រិត​មួយ​ដែល​មហាជន​អាច​ទទួលយកបាន​ប៉ុណ្ណោះ​
​គឺ​មិន​ដល់​ថ្នាក់​ធ្វើអោយប៉ះពាល់​ដល់​ប្រពៃណី​ខ្មែរ ប៉ះពាល់​ដល់​អារម្មណ៍​ទស្សនិកជន​ដែល​ធ្លាប់​គាំទ្រ​នាង និង​មានប្រតិកម្ម​ពី​ក្រសួង​នោះឡើយ​។

​នាង​និយាយថា «​សម្រាប់​ខ្ញុំ​អត់​ខ្លាច​អ្នកណា​រិះគន់​រឿង​ថា​ខ្ញុំ​ស៊ិ​ច​ស៊ី​ហ្នឹង​ទេ ព្រោះ​រាល់ថ្ងៃ​បើ​កុំ​តែ​ចឹ​ង​ក៏​ខ្ញុំ​ប្រហែល​មិនអាច​ជោគជ័យ​ដល់​ប៉ុណ្ណឹង​ដែរ​!»​។​
​នាង​អះអាងថា​ក្រៅពី​ការងារ​សិល្បៈ​ដែលមាន​ការរីកចំរើន​ខុសគ្នា​ដាច់​ឆ្ងាយ មុនពេល​ដែល​នាង​មិនទាន់​ហ៊ាន​បញ្ចេញ​ភាព​ស៊ិ​ច​ស៊ី នាង​ក៏​ទទួលជោគជ័យ​ក្នុងការ​លក់ដូរ​ផលិតផល​នៅតាម​អន​ឡាញ​ដែល​រកចំណូលបាន​ច្រើន​ពាន់​ដុល្លារ​ក្នុង​មួយខែៗ​នោះ​ផងដែរ​។​

​នាង​បន្តថា «​កន្លងមក​ខ្ញុំ​សម្ដែង​ជា​តួអង្គ​ស្នេហា​រោលរាល​យ៉ាង​ជោគជ័យ​ច្រើន​រឿង​ហើយ ឥឡូវ​នៅ​ខែកុម្ភៈ​នេះ ខ្ញុំ​កុងត្រា​សម្ដែង​រឿង​អោយ​អាមេរិក​២​រឿង​ទៀតហើយ ដែល​រឿង​ទាំងពីរ​គឺ​សុទ្ធ​តែមាន​ប្លង់​ស្នេហា​រោលរាល​តែម្ដង ហើយ​ខ្ញុំ​អត់​គិតថា​ក្រោយពេល​សម្ដែង​ហើយ​មានការ​ប្រកាស​បិទ​ខ្ញុំ​ពី​សិល្បៈ​អី​ដូច ដេ​នី ក្វាន់ ទេ ព្រោះ​បើ​ក្រសួង​អោយគេ​ថត​រឿង​ហ្នឹង​មានន័យថា​ខ្ញុំ​សម្ដែង​ក្នុង​រឿង​ហ្នឹង​ក៏​មិន​ខុស​ដែរ​»​។​

​ទាក់ទង​នឹង​រឿង​ជីវិត​ឯកជន នាង​ប្រកាសថា បុរស​ដែល​នាង​ជ្រើសរើស​លុះត្រាតែ​ចេញមុខ​ស្ដីដណ្ដឹង និង​ហ៊ាន​រៀបការ​ជាមួយ​នាង​តាមច្បាប់​តែបើ​ត្រឹម​តែម​កលិប​លៗ​នោះទេ គឺ​នាង​មិន​ព្រម​ទទួល​ឡើយ​បើទោះជា​នាង​ជានា​រី​ស៊ិ​ច​ស៊ី ដែល​ត្រូវគេ​វាយតម្លៃថា​ទំនងជា​រាយមាយ​ក្នុង​រឿង​ស្នេហា​ក៏ដោយ​៕