ភ្នំពេញ ៖ នៅមុនការប្រជុំពិសេសអាស៊ាន-អូស្ត្រាលី ក៏មានជំនួបទ្វេរភាគីផ្លូវការរវាងសម្តេចតេជោ ហ៊ុន សែន ជាមួយឯកឧត្តម ម៉ាល់ខូម ថើនប៊ុល នាយករដ្ឋមន្ត្រីនៃប្រទេសអូស្ត្រាលី។
លោកនាយករដ្ឋមន្ត្រីនៃប្រទេសអូស្ត្រាលីបានស្វាគមន៍សម្តេចតេជោ ដែលបានអញ្ជើញ មក ដល់អូស្ត្រាលីនេះ។ នេះបើតាមការគូសបញ្ជាក់របស់លោក កៅ គឹមហួន រដ្ឋមន្ត្រីប្រតិភូអម
នាយករដ្ឋមន្ត្រី នៅថ្ងៃទី១៦ ខែមិនា ឆ្នាំ២០១៨ បន្ទាប់ពីជំនួបបានបញ្ចប់។
លោក កៅ គឹមហួន បានបន្ថែមថា នាយករដ្ឋមន្ត្រីនៃប្រទេសអូស្ត្រាលី បានគូសបញ្ជាក់ ប្រាប់ សម្តេចតេជោថា លោក ពិតជាស្វាគមន៍វត្តមានរបស់សម្តេច មកកាន់ប្រទេសអូស្ត្រាលី ដើម្បីចូលរួមកិច្ចប្រជុំកំពូលពិសេសអាស៊ាន-អូស្ត្រាលី ហើយ ប្រទេសអូស្ត្រាលី មានឆន្ទៈក្នុងការ បន្ត ការគាំទ្រដល់ការអភិវឌ្ឍន៍នៅប្រទេសកម្ពុជា។ ប្រទេសអូស្ត្រាលីនឹងផ្តល់ជំនួយ ដើម្បីអភិវឌ្ឍន៍ ប្រទេសកម្ពុជា ក្នុងទឹកប្រាក់ប្រមាណ ៨៧លានដុល្លាអូស្ត្រាលីសម្រាប់ឆ្នាំនេះ(២០១៨)។
លោកនាយករដ្ឋមន្ត្រីនៃប្រទេសអូស្ត្រាលីក៏បានគាំទ្រនូវគោលជំហររបស់សម្តេចតជោនាយករដ្ឋមន្ត្រី ក៏ដូចជាគោលជំហររបស់រាជរដ្ឋាភិបាលកម្ពុជា ពាក់ព័ន្ធនឹងការប្រឆាំង និងដាក់ទណ្ឌ កម្ម កូរ៉េខាងជើង កន្លងមកនេះ ដែលនេះ ជាការងារដែលមានលក្ខណៈជាសកល មានការចូល រួម ពីគ្រប់បណ្តាប្រទេស ជាពិសេសប្រទេសចិន បានដើរតួនាទីសំខាន់ក្នុងបញ្ហានេះ។
លោកនាយករដ្ឋមន្ត្រីអូស្ត្រាលីចង់ឃើញការវិនិយោគពីអូស្ត្រាលីទៅកម្ពុជា មានកាន់តែ ច្រើនជាងពេលបច្ចុប្បន្ននេះ។នៅក្នុងជំនួបនោះ នាយយករដ្ឋមន្ត្រីអូស្ត្រាលីបានលើកឡើងថា អាស៊ាន ជាតំបន់មួយដែលមានលក្ខណៈទន់ភ្លន់ និងមានការរីកចម្រើន។ លោកចង់ឃើញ អូស្ត្រាលី និងអាស៊ាន មានទំនាក់ទំនងគ្នាកាន់តែជិតស្និទ លើកិច្ចសហប្រតិបត្តិការ និងភាពជាដៃ គូរយុទ្ធសាស្ត្ររវាងអាស៊ាន-អូស្ត្រាលី ដែលមានសារសំខាន់ណាស់សម្រាប់សន្តិភាព និងស្ថេរ ភាព ក្នុងតំបន់។
ជាការឆ្លើយតប សម្តេចតេជោនាយករដ្ឋមន្ត្រី ក៏បានថ្លែងអំណរគុណដល់ឯកឧត្តម នាយយក រដ្ឋមន្ត្រីអូស្ត្រាលី ដែលបានអញ្ជើញសម្តេចផ្ទាល់ រួមជាមួយគណប្រិតភូរកម្ពុជា។សម្តេចក៏បានថ្លែង អំណរគុណ ដល់ប្រទេសអូស្ត្រាលី ដែលបានផ្តល់ជំនួយដល់កម្ពុជា ក្នុងទឹកប្រាក់៨៧លានដុល្លា អូស្ត្រាលី។
សម្តេចក៏បានអរគុណអូស្ត្រាលីដែលបានគាំទ្រជំហរកម្ពុជាពាក់ព័ន្ធនឹងរឿងកូរ៉េខាងជើង។ កន្លងមកកូរ៉េខាងជើង ចង់ប្រើប្រាស់ប្រទេសកម្ពុជា ដោយបានបញ្ជូនថ្នាក់ដឹកនាំ ក៏ដូចជាមន្ត្រី ការ បរទេសកូរ៉េខាងជើង មកទស្សនកិច្ចនៅកម្ពុជា។សំណើររបស់កូរ៉េខាងជើង ត្រូវបានបដិសេធដោយ រដ្ឋាភិបាលប្រទេសកម្ពុជា ដោយសម្តេចមិនចង់ឃើញទស្សនៈកិច្ចមកកម្ពុជា ដើម្បីបញ្ចប់ភាពឯកោរ របស់ កូរ៉េខាងជើងទេ។
សម្តេចក៏បានថ្លែងអំណរគុណដល់អូស្ត្រាលីដែលបញ្ជូនអ្នកសង្កេតការណ៍២៦នាក់មក
កម្ពុជា កាលពីឆ្នាំទៅ ដើម្បចូលរួមអង្កេតការបោះឆ្នោតក្រុមប្រឹក្សាឃុំ-សង្កាត់។ ក្នុងនោះសម្តេចក៏ស្វាគមន៍ អ្នកសង្កេតការណ៍ពីអូស្ត្រាលីសម្រាប់ការបោះឆ្នោតខែ៧ខាងមុខនេះនៅកម្ពុជា។ សម្តេចក៏បាន លើកពីការរួមចំណែករបស់ប្រទេសអូស្ត្រាលីនៅកម្ពុជា ជាពិសេស អ្វីដែលអូស្ត្រាលីបាន បន្សល់គឺ ការស្រាវជ្រាវអំពីស្រូវអង្ករ ដែលធ្វើឱ្យកម្ពុជាធ្លាប់ជាប់ជាអង្ករលេខ១ ទូទាំងពិភពលោក ក្នុងរយៈ ពេល៣ឆ្នាំជាប់គ្នា។ សម្តេចក៏បានថ្លែងអំណរគុណដល់អូស្រា្តលី ជាពិសេសគឺ រដ្ឋាភិបាលអូស្រា្តលី តែម្តង ដែលកន្លងមកបានផ្តល់ជំនួយក្នុងការដោះមីន និងយុទ្ធភ័ណ្ឌមិនទាន់ផ្ទុះ។
សម្តេចបានអំពាវនាវដល់អូស្រា្តលីឱ្យបន្តការគាំទ្រអាស៊ាន និងផ្តល់ជំនួយដល់មជ្ឈមណ្ឌល កំចាត់ មីនអាស៊ានក្នុងតំបន់។ នៅកម្ពុជា មជ្ឈមណ្ឌលនេះបានបណ្តុះបណ្តាលនិស្សិតជាច្រើន ទាំង មកពី បណ្តាប្រទេសអាស៊ាន និងបណ្តាប្រទេសក្រៅតំបន់ ក្នុងការដកស្រង់បទពិសោធន៍ក្នុងការ ដោះមីន ។ សម្តេចបានបញ្ជាក់ថា មជ្ឈមណ្ឌលនេះ មិនទាន់បានដំណើរការពេញលេញ នៅឡើយ ទេ។ ដូច្នេះយើងចង់បានការគាំទ្រពីអូស្ត្រាលី និងប្រទេសដទៃទៀត។ ដំណើរការរបស់មជ្ឈមណ្ឌលនេះមិនមែនសម្រាប់តែកម្ពុជា និងអាស៊ានទេ គឺសម្រាប់បណ្តា ប្រទេសផ្សេងទៀតក្នុងពិភពលោក។ ពាក់ពន្ធ័ទៅនឹងការបញ្ជូនទ័ព មួកខៀវក្រោមឆ័ត្រ អង្គការ សហប្រជាជាតិ សម្តេចបានបញ្ជាក់ថា កម្ពុជាបានបញ្ជូនទ័ពទៅកាន់ប្រទេសមួយចំនួន ដើម្បីចូល រួមថែរក្សាសន្តិភាព។ លោកនាយករដ្ឋមន្ត្រីអូស្រា្តលី ថាកម្ពុជា និងអូស្ត្រាលីអាចជជែកគ្នា ថាតើ អូស្ត្រាលីអាចជួយទ័ពមួកខៀវកម្ពុជានាពេលអនាគត។ សម្តេចតេជោនាយករដ្ឋមន្ត្រីក៏ បានគោរព អញ្ជើញនាយករដ្ឋមន្ត្រីអូស្រា្តលីមកធ្វើទស្សនកិច្ចនៅកម្ពុជា ក្នុងពេលវេលាណាមួយសមស្របផង ដែរ៕
