ឃាត់ខ្លួន​ស្ត្រី​ម្នាក់​តាម​បណ្តឹង​លួច​មាន​សា​ហាយ​ស្មន់​ជាមួយ​បុរស​ចិន​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 21 March, 2018

​ប៉ោយប៉ែត ៖ កម្លាំង​នគរបាល​ក្រុង​ប៉ោយប៉ែត​បាន​ឃាត់ខ្លួន​ស្ត្រី​ម្នាក់​តាម​ពាក្យបណ្ដឹង​របស់​ប្ដី​ដោយ​លួចលាក់​មាន​សា​ហាយ​ស្មន់​ជាមួយ​ជនជាតិ​ចិន កាលពី​ព្រឹក​ថ្ងៃ​ពុធ​ទី​២១ ខែមីនា ឆ្នាំ ២០១៨ នៅក្នុង​ភូមិ​បា​លិ​លេ​យ្យ​១ សង្កាត់​-​ក្រុង​ប៉ោយប៉ែត ខេត្តបន្ទាយមានជ័យ​។​​ប្រភពពី​សមត្ថកិច្ច​ប្រាប់ថា ស្ត្រី​ដែល​ប្តី​ចោទ​រឿង​ផិតក្បត់​ប្តី​ឈ្មោះ ស្រី​កែវ អាយុ​19​ឆ្នាំ ស្នាក់នៅ​ជាមួយ​មីង នៅ​ភូមិ​សាមគ្គី​មានជ័យ សង្កាត់​-​ក្រុង​ប៉ោយប៉ែត ចំណែក​ប្តី​រងគ្រោះ ឈ្មោះ រ

៉ូ អាយុ​21​ឆ្នាំ មុខរប​ធ្វើការ​កាស៊ីណូ នៅ​ក្រុង​ប៉ោយ​ប៉េ​ត រស់នៅ​ក្នុងភូមិ​សង្កាត់​ផ្សារកណ្ដាល ក្រុង​ប៉ោយប៉ែត ខេត្តបន្ទាយមានជ័យ​។ តែ​យើង​មិនទាន់បាន​ស្គាល់ឈ្មោះ​បុរស​ជនជាតិ​ចិន ដែលជា​ប្រុស​ស្នេហ៍​នាង​ដែល​ប្ដី​ចោទប្រកាន់​នោះឡើយ​ព្រោះ​សមត្ថកិច្ច​កំពុងតែ​សួរនាំ​។​

តាម​ការលើកឡើង​រប​ស់​ប្ដី​ប្រាប់ថា ខ្លួន​(​ប្ដី​)​បាន​រៀប​អាពាហ៍ពិពាហ៍​ជានា​ង​ត្រឹមត្រូវ​តាម​ប្រពៃណី​ខ្មែរ​ជា​ប្ដី​ប្រពន្ធ កាលពី​ខែ ធ្នូ ឆ្នាំ​2016 នៅ​ភូមិ​សាមគ្គី​មានជ័យ តែ​មិនទាន់​មានកូន​ជា​ចំណងដៃ​នៅឡើយ​។​បុរស​ជា​ប្ដី​បាន​បញ្ជាក់ទៀតថា ដោយ​ខ្លួន​រវល់​ទៅធ្វើ​ការ​នៅ​កាស៊ីណូ បាត់ៗ​ពី​ផ្ទះ​ជា​រៀង​ង​រាល់ថ្ងៃ ហើយ​ពេល​ត្រឡប់មក​ដល់ផ្ទះ​ម្ដងៗ ចេះតែ​បាត់​នាង​ជា​ប្រពន្ធ ហើយ​ពេល​សួរនាំ នាង​ចេះតែ​បដិសេធ​មិនចេះចប់ រហូទដល់​ទ្រាំលែងបាន​ក៏​សម្រេចចិត្ត​ទៅ​ដាក់ពាក្យ​ប្តឹង​ទារ​បណ្តា​ការ​នៅ​អធិការដ្ឋាន​នគរបាល​ក្រុង​ប៉ោយប៉ែត ។ បុរស​ដដែល បន្តថា ប្រពន្ធ​របស់ខ្លួន​បាន​បដ

ិសេធ​មិន​សង​តាម​ពាក្យបណ្តឹង​ចំនួន​៥​ពាន់​ដុល្លារ​នោះទេ គឺថា​ឲ្យ​តែ​1100 ដុល្លារ​ប៉ុណ្ណោះ ។​​បុរស​ជា​ប្តី​បាន​រំលឹកថា បន្ទាប់ពី​មានការ​សង្ស័យ ខ្លួន​បាន​តាមដាន​ប្រពន្ធ​តាមរយៈ​ប្រព័ន្ធ​GPS ទើប​ដឹងថា នាង​បាន​ចេញចូល និង​ស្នាក់នៅ​ជាមួយ​បុរស​ជនជាតិ​ចិន​រហូត​មានកូន ហើយ​លូច​ទៅ​ទំលាក់ចោល​ទៀតផង​។ លុះ​ថ្ងៃកើតហេតុ​ខ្លួន​ជា​ប្ដី​បាន​តាម​ហៅ​នាង​ជា​ប្រពន្ធ​ដែល​រស់នៅក្នុង​បន្ទប់​មួយ​មាន​សុទ្ធតែ​ប្រុសៗ​ជនជាតិ​ចិន តែ​នាង​មិន​ចេញ​មកជួប​ទេ ខ្លួន​ក៏​សម្រេចចិត្ត​ប្តឹង​សមត្ថកិច្ច​ចុះ​ឃាត់ខ្លួន និង​សួរ​នាំនៅ​ថ្ងៃកើតហេតុ​តែម្ដង​។ ចំពោះ​ស្ត្រី​ដែល​ត្រូវ​ប្តី​ចោទប្រកាន់ ក្រុម​អ្នកសារព័ត៌មាន មិនទាន់​អាច​សុំ​ការ​បំ​ភ្លឹ​បាន​នៅឡើយ​ទេ ព្រោះ​សមត្ថកិច្ច​កំពុង​សាកសួរ​។​

សូមបញ្ជាក់ថា ក្នុង​ការហៅ​ស្ត្រី​ខាងលើ​មក​សួរនាំ សមត្ថកិច្ច​ក៏បាន​ឈានដល់​ហៅ​ជន​ជាតិចិន​មួយក្រុម​ប្រហែលជា ៥​នាក់​ដែល​គេ​សង្ស័យ​ពាក់​ឆ្លងដែន​ខុសច្បាប់​សំងំ​លាក់​ខ្លន​បើក​ល្បែង​ស៉ី​សង​ខុសច្បាប់​ផងដែរ​៕