ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រ កាសដាច់ណាត់បិទផ្លូវចរចារជាមួយអតីតមន្ត្រីជាន់ខ្ពស់អតីតគណបក្សសង្គ្រោះ ជាតិ ដោយសម្តេចតេជោបានអះអាងយ៉ាងច្បាស់ថា នឹងមិនចរចារជាមួយជន ក្បត់ជាតិនោះ រឺលើកលែងទោស និងបន្ធូរបន្ថយទោសទៅជនក្បត់ជាតិនោះទេ។
ថ្លែងនៅក្នុងពិធីប្រគល់សញ្ញាបត្រជូនដល់និស្សិតជ័យលាភីនៃសាកលវិទ្យា ល័យអាស៊ីអឺរ៉ុបប្រមាណជាង២ពាន់នាក់នៅវិទ្យាស្ថានជាតិអប់រំ នៅព្រឹកថ្ងៃអង្គារនេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបានប្រកាសដាច់ណាត់មិនធ្វើការចរចារជាមួយអតីតមន្ត្រីគណបក្សសង្គ្រោះជាតិដែលសម្តេចតេ ជោបានចាត់ទុកថាជាជនក្បត់ជាតិនោះទេ។
ក្នុងសម្លេងខ្លាំងៗម៉ាត់ៗសម្តេចតេជោនាយករដ្ឋមន្ត្រីបានបញ្ជាក់ថា គ្មានឡើយការលើកលែងទោស រឺបន្ធូរបន្ថយទោសដល់ជនក្បត់ជាតិដែលកំពុងជាប់ឃុំក្នុងពន្ធនាគារ ហើយក៍គ្មានឡើយការចរចារណាមួយនោះ។
ប្រតិកម្មខ្លាំងៗរបស់សម្តេចតេជោប្រមុខរាជរដ្ឋាភិបាលនាពេលនេះ នៅគ្រាដែលលោក សម រង្ស៊ីបានបង្ហាញចេតនាចង់ឲ្យមានការចរចារ ផ្នែកនយោបាយជាមួយសម្តេចតេជោនាយករដ្ឋមន្ត្រី និងលើកឡើងថាជប៉ុនកំពុងស្វែងរកលទ្ធភាពដើម្បីឲ្យមានការចរចារផ្នែកនយោបាយ តាមរយៈដំណើរទស្សនកិច្ចរបស់ជំនួយការនាយរដ្ឋមន្ត្រីជប៉ុនមកកាន់កម្ពុជាកាលពីសុក្រកន្លង ទៅ។ យ៉ាងណាក្តីសម្តេចតេជោបានអះអាងប្រាប់សមាជិករដ្ឋសភា និងជាជំនួយការនាយរដ្ឋមន្ត្រីជប៉ុន លោក កេនតារ៉ូ សូនូរ៉ា ថាសម្តេចមិនមានសិទ្ធិចរចារជាមួយពួកគេទេ ព្រោះសម្តេចត្រូវគោរពនូវសាលក្រមរបស់តុលាការ បើសម្តេចធ្វើការចរចារ សម្តេចនឹងត្រូវជាប់ទោសខ្លួនឯង។
ច្បាប់ស្តីពីការលើកលែងទោសអ្នកដែលត្រូវកាត់សិទ្ធិនយោបាយក៍មិនទាន់មាននោះដែរ។ ជប៉ុនមិនបានគាបសង្កត់កម្ពុជាអ្វីនោះទេ គឺមានតែបន្តផ្តល់ជំនួយនិងសហការជាមួយរាជរដ្ឋាភិបាលកម្ពុជា។
សម្លេងសម្តេចតេជោ៖ ប្រកាសដាច់ខាតអត់ចរចារ ខ្ញុំប្រកាសតែពីរចំណុចទេ ១. គ្មានការចរចារជាមួយពួកក្បត់ជាតិ ២. គ្មានការលើកលែងទោស រឺបន្ធូរបន្ថយ ទោសឲ្យក្រុមពួកក្បត់ជាតិនោះទេ។ ចង់ធ្វើអ្វីធ្វើទៅ លោកឯងបង្កើតនូវហិង្សា ដុតរូបហ៊ុន សែន និងខាបព្រលឹងហ៊ុន សែន។ លោកឯងបាត់ឱកាសហើយ ថ្ងៃអាទិត្យនេះរដ្ឋមន្ត្រីការបរទេសជប៉ុននឹងមកកាន់កម្ពុជាប៉ុន្តែមិនមែនជជែក រឿង លោកឯងទេ គឺជប៉ុនគេមកផ្តល់ជំនួយដល់កម្ពុជា។
សម្តេចតេជោនាយករដ្ឋមន្ត្រីក៍បានបញ្ជាទៅកម្លាំងមានសមត្ថកិច្ចឲ្យដកទូរសព្ទ័ពី លោក មាជ សុវណ្ណារ៉ា អតីតមន្ត្រីជាន់ខ្ពស់គណបក្សសង្គ្រោះជាតិ ដែលមន្ត្រីឆ្នាំ ពន្ធនាគារបានបើកដៃឲ្យទណ្ឌិតរូបនេះមានសិទ្ធិប្រើប្រាស់ទូរសព្ទ័ដៃដើម្បីឆ្លើយឆ្លងជាមួយសកម្មជនដទៃទៀត។
សម្តេចតេជោនាយករដ្ឋមន្ត្រីបានប្រកាសដែរថាទោះត្រូវបង់ដោយតម្លៃណាក៍ដោយក៍ត្រូវតែរក្សាឲ្យបាននូវសន្តិភាពឲ្យខានតែបាន។ ការទៅពឹងអន្តរជាតិមកជួយ និងដាក់គំនាបអន្តរជាតិឲ្យគណបក្សមួយនេះរស់ឡើងវិញនោះគឺមិនអាចទៅរួចជាដាច់ខាត៕ក្រសួងការងារកម្ពុជា ធ្វើជាម្ចាស់ផ្ទះ រៀបចំកម្មវិធីចំនួន៣ ស្ដីពីបណ្ដាញសុខភាព និងសុវត្ថិភាព ការងារអាស៊ាន៕
