ព្រៃវែង ៖ កុមារា២នាក់បានលង់ទឹកស្រះកន្លែងផ្សេងគ្នាស្លាប់យ៉ាងអាណោចអាធ៌ម។
យោងតាមរបាយការណ៍របស់សមត្ថកិច្ចនគរបាលបានឲ្យដឹងថាករណីក្មេងលង់ទឹកទី១បង្កឲ្យមានការភ្ញាក់ផ្អើលកាលពីវេលាម៉ោង៨និង៣០នាទីព្រឹកថ្ងៃទី២៩ខែមីនាឆ្នាំ២០១៨នៅចំណុចស្រះទឹកដែលមានជម្រៅជ្រៅជិត2ម៉ែត្រចម្ងាយពីផ្ទះក្មេងប្រុសរងគ្រោះប្រហែល៣៥០ម៉ែត្រស្ថិតក្នុងភូមិប្រោះស្វា.ឃុំបន្ទាយចក្រី.ស្រុកព្រះស្ដេច។ដែលមានកុមារារងគ្រោះឈ្មោះថាក់.មនោរ៉ាអាយុ3ឆ្នាំរស់នៅក្នុងបន្ទុកជាមួយឪពុកឈ្មោះថេង.ថាក់អាយុ31ឆ្នាំ,ម្តាយឈ្មោះមិត្ត.សាម៉េនអាយុ25ឆ្នាំរស់នៅភូមិ.ឃុំខាងលើ។បើតាមការពិនិត្យរបស់នម្ត្រីជំនាញសន្និដ្ធានថាក្មេងប្រុសរងគ្រោះប្រហែលជាដើរទៅតាមមាត់ស្រះរអិលជើងធ្លាក់ទឹកគ្មានអ្នកឃើញទើបបណ្តាលឲ្យទឹកស្លាប់តែម្តង។
បន្ទាប់ពីពិនិត្យរួចសមត្ថកិច្ចក៍ធ្វើកំណត់ហេតុប្រគល់សពជូនក្រុមគ្រួសាររៀបចំធ្វើបុណ្យតាមប្រពៃណី។ករណីកុមារាលង់ទឹកទី២បានបង្កឲ្យមានការភ្ញាក់ផ្អើលឡើងកាលពីវេលាម៉ោង១១និង៣០នាទីព្រឹកថ្ងៃទី២៩ខែមីនាឆ្នាំ២០១៨នៅចំណុចស្រះទឹកខាងលិចផ្ទះរបស់ឈ្មោះអេង.អេនភេទប្រុសអាយុ៦០ឆ្នាំ(ត្រូវជាជីតាក្មេងប្រុសរងគ្រោះ)ស្ថិតក្នុងភូមិក្រាំង.ឃំុស្ពឺ(ក).ស្រុកបាភ្នំ.ខេត្តព្រៃវែង។ កុមារារងគ្រោះឈ្មោះម៉េត.តុលាអាយុ៤ឆ្នាំរ់នៅក្នុងបន្ទុកជាមួយឪពុកឈ្មោះអេន.ម៉េតអាយុ35ឆ្នាំរស់នៅភូមិ.ឃំុកើតហេតុជាមនុស្ស(ពោះម៉ាយ)។ ក្រោយទទួលបានព៌តមានសមត្ថកិច្ចបានចុះទៅពិនិត្យនិងធ្វើកោសល្យវិច្ច័យដោយបានសន្និដ្ធានថាក្មេងប្រុសរងគ្រោះប្រហែលជាចុះលេងទឹកស្រះគ្មានដឹងទើបបណ្តាលឲ្យលង់ទឹកស្លាប់បែបនេះ!ព្រោះឪពុកមិននៅផ្ទះទេដោយជាប់រវល់ទៅបុណ្យគេ!ហេីយទុកកូនឲ្យនៅផ្ទះម្នាក់ឯងគ្មានអ្នកមើល។បន្ទាប់ពិនិត្យរួចសមត្ថកិច្ចកំណត់ហេតុប្រគល់សពជូនឲ្យក្រុមគ្រួសាររៀបចំធ្វើបុណ្យតាមប្រពៃណី។ទោះយ៉ាងណាអាជ្ញាធរសមត្ថកិច្ចក៍សូមអំពាវនាវដល់បងប្អូនប្រជាពលរដ្ធត្រូវបង្កើនការប្រុងប្រយ័ត្នឲ្យមែនទែនចំពោះកូនចៅតូចព្រោះនៅព្រៃវែងផ្ទះបងប្អូនពលរដ្ធភាគច្រើនសុទ្ធតែមានស្រះទឹកនៅជុំវិញផ្ទះនិងនៅក្រោយផ្ទះ៕
