ភ្នំពេញ ៖ កងកម្លាំងរក្សាសន្តិភាពរបស់កម្ពុជាក្រោមឆត្រ័អង្គការសហប្រជាជាតិចំនួន ៨០នាក់ បាន ចាកចេញពីកម្ពុជា នៅថ្ងៃទី៣០ ខែមីនា ឆ្នាំ២០១៨ នេះ ដើម្បីបំពេញបេសកកម្មរក្សា សន្តិ ភាពមួយឆ្នាំនៅប្រទេសម៉ាលី។ ការបញ្ជូនកម្លាំងរបស់កម្ពុជាទៅម៉ាលី នៅពេលនេះនៅគ្រាដែល ប្រមុខ យោធាកម្ពុជា បានអះអាងថា កម្ពុជាគ្មានការរាថយ ក្នុងការចូលរួមរក្សាសន្តិភាព ក្រោមឆត្រ័ អង្គការសហប្រជាជាតិ បើទោះជាប្រឈមនឹងក្រុមឧទ្ទាមវាយប្រហារក៍ដោយ។
ដោយគ្រោងនឹងបំពេញបេសកកម្មរក្សាសន្តិភាពរយៈពេលមួយឆ្នាំ កងកម្លាំ ងមួកខៀវផ្នែក វិស្វកម្មរបស់កម្ពុជាចំនួន៨០នាក់ ក្នុងនោះមានស្ត្រីចំនួន៤នាក់ បានចាកចេញពីកម្ពុជា ទៅប្រទេស ម៉ាលីហើយនៅសុក្រនេះ ដើម្បីចូលរួមថែរក្សាសន្តិភាពក្រោមឆ័ត្ររបស់អង្គការសហប្រជាជាតិ។ នេះជាលើកទី៥ហើយ ដែលកម្ពុជាបានបញ្ជូនកងកម្លាំងមួកខៀវ ទៅបំពេញបេសកកម្មនៅ ប្រទេស ម៉ាលី ដែលគិតមកដល់ពេលនេះមានចំនួនជាង៣០០នាក់។
នៅក្នុងឱកាសជូនដំណើរកងកម្លាំងកម្ពុជានៅឯព្រលានយន្តហោះអន្តរជាតិភ្នំពេញ លោក នាយឧត្តមសេនីយ៍ សែម សុវណ្ណី អគ្គនាយមជ្ឈមណ្ឌលជាតិរក្សាសន្តិភាព និងគ្រប់គ្រងកងកម្លាំង បោស សំអាតមីន កាកសំណល់ពីសង្គ្រាម និងជាអនុប្រធានអាជ្ញាធរមីន មានប្រសាសន៍ថា កងកម្លាំងរក្សាសន្តិភាពរបស់កម្ពុជា នឹងធ្វើការងារផ្នែកវិស្វកម្ម និងថែរក្សាព្រលានយន្តហោះ ហើយ នេះ ជាកម្លាំងនាំមុខ រីឯកម្លាំងជំនាញបន្ទាប់ និងបញ្ជូនទៅនៅខែបន្ទាប់។ កងទ័ពរក្សាសន្តិភាព កម្ពុជា បានបណ្តុះបណ្តាលពហុជំនាញ មុននិងបញ្ជូនឲ្យទៅបំពេញ បេសកកម្មថែរក្សាសន្តិភាព ក្រោមឆ័ត្រអង្គ ការសហប្រជាជាតិ។
សូមបញ្ជាក់ថា ចាប់តាំងពីឆ្នាំ២០០៦មក កម្ពុជាបានបញ្ជូនកម្លាំងជិត៥០០០នាក់ ក្នុងនោះ មានស្ត្រីចំនួនជាង២០០នាក់ទៅចូលរួមបេសកកម្មរបស់អង្គការសហប្រជាជាតិ ហើយបច្ចុប្បន្ន កម្ពុជាមានកម្លាំងប្រមាណជាង៨០០នាក់ ដែលកំពុងបំពេញបេសកកម្មនៅប្រទេសចំនួន៥រួមមាន៖ ប្រទេសស៊ូដង់ ស៊ូដង់ខាងត្បូង អាហ្វ្រិកកណ្តាល លីបង់ និងម៉ាលី ដើម្បីចូលរួមវិភាគទាន ដល់កិច្ច ខិតខំប្រែងរបស់សហគមន៏អន្តរជាតិ ដើម្បីបុព្វហេត្វសន្តិភាពនិងមនុស្សធម៌។ កម្លាំងមួកខៀវទាំង អស់នេះ ដែលធ្វើឲ្យប្រទេសកម្ពុជាជាប្រទេសបរិច្ចាគកម្លាំងរក្សាសន្តិភាពច្រើនជាងគេលំដាប់ទី២ នៅក្នុងតំបន់អាស៊ាន៕
