ធ្លាយ​រឿង​ពិត​ពី​ករណី​ស្ត្រី​មេម៉ាយកូន​៣ ចងក​សម្លាប់ខ្លួន​នៅ​ក្រុង​ដូន​កែវ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 30 March, 2018 ក+ ក-

​ភ្នំពេញ ៖ ក្រោយ​ការ​ស៊ើបសួរ​មន្ត្រីនគរបាល​៨​រួប រួមទាំង​លោក​ស្នងការរង​ខេត្តតាកែវ​ផង រយៈពេល​២​ថ្ងៃ​មកនេះ ត្រូវបាន​សមត្ថកិច្ច​ទ​ម្លា​យ​ឲ្យ​ដឹងថា ករណី​ស្ដ្រី​វ័យ​៣៦​ឆ្នាំ​ម្នាក់​ឈ្មោះ ចែវ សុ​វ​ឌ្ឍ​នា ដែល​ត្រូវគេ​ប្រទះឃើញ​ចងក​សម្លាប់ខ្លួន​នៅក្នុង​ផ្ទះ នា​ក្រុង​ដូន​កែវ នោះ មាន​ពន្លឺ​បណ្ដើរៗ​ហើយ ដែល​អាច​ឲ្យ​សមត្ថកិច្ច​ធ្វើការ​សន្និដ្ឋានបានថា មែន​ជា​អំពើ​អត្តឃាត​នោះទេ គឺជា​ករណី​ឃាតកម្ម​។​

​សមត្ថកិច្ច បង្ហើប​ឲ្យ​ដឹងថា តា​មកា​ផ្ទៀងផ្ទាត់​ចម្លើយសារភាព​ដែល​បាន​លេច​ចេញពី​ជន​ពាក់ព័ន្ធ​មួយចំនួន​ក្នុងចំណោម​មន្ត្រីនគរបាល​ទាំង​៨​នាក់ ក្នុងនោះ​មាន​ទាំង​លោក ឡាយ ណា​រិ​ទ្ធ ស្នងការរង​នគរបាល ខេត្តតាកែវ ជា​បងប្រុស​លោក ឡាយ វណ្ណៈ ម្នាក់​ផងដែរ ក៏បាន​សារភាព​ប្រាប់​សមត្ថកិច្ច​រួចហើយ​ដែរ​។​

​មន្ដ្រីនគរបាល​ជាន់ខ្ពស់​ក្រសួងមហាផ្ទៃ នៅ​ល្ងាច​ថ្ងៃទី​៣០ ខែមីនា ឆ្នាំ​២០១៨ នេះ​បាន​បញ្ជាក់ថា ករណីនេះ​ជន​ពាក់ព័ន្ធ​មួយចំនួន បាន​សារភាព​អស់ហើយ ប៉ុន្តែ​មិនទាន់​ដឹង​ច្បាស់​ថា​អ្នកណា​ជា​អ្នកបញ្ជា​។ សមត្ថកិច្ច​កំពុង​ជជីក​សួរនាំ តើន​រណា​ជា​មេក្លោង​នៅក្រោយ​អំពើ​ឃាតកម្ម​ដែលជា​អ្នក​ឲ្យ​សម្លាប់​ស្ដ្រី​រងគ្រោះ​ម្នាក់នេះ​។

​សូមបញ្ជាក់ថា អ្នកស្រី ចែវ សុ​វ​ឌ្ឍ​នា មានកូន​៣​នាក់​ក្នុងបន្ទុក ត្រូវបាន​គេ​ប្រទះឃើញ​ចងក​ក្នុង​បន្ទប់ដេក នៃ​ផ្ទះជួល​ដ៏​ធំ​មួយ ក្នុងភូមិ​ផ្សារ​តា​កោរ សង្កាត់រ​ការ​ក្នុង ក្រុង​ដូន​កែវ ខេត្តតាកែវ កាលពី​ល្ងាច​ថ្ងៃទី​២៦ ខែមករា ឆ្នាំ​២០១៨​កន្លងទៅ ដែល​ករណីនេះ​ក្រោយ​កើតហេតុ​ភ្លាមៗ ត្រូវបាន​សមត្ថកិច្ច​ដាក់​ការសង្ស័យថា មាន​វិបត្តិ​ស្នេហា​។។

​កាលពី​ថ្ងៃទី​២៦ ខែមីនា ឆ្នាំ​២០១៨ កន្លងមកនេះ លោក ឡាយ ណា​រិ​ទ្ធ អតីត​ស្នងការរង​នគរបាល​ខេត្តតាកែវ ត្រូវជា​បងប្រុស​របស់​លោក ឡាយ វណ្ណៈ អតីត​អភិបាល​ខេត្តតាកែវ ដែល​ត្រូវបាន​ដក​តួនាទី​ពី​អភិបាល​ខេត្តតាកែវ ឲ្យ​មក​បម្រើ​ការងារ​នៅ​ក្រសួងមហាផ្ទៃ​វិញ ។

ការកោះហៅ​លោក ឡាយ ណា​រិ​ទ្ធ មក​សាកសួរ​នេះ គឺ​បន្ទាប់ពី​លោក ឡាយ វណ្ណៈ អស់តំណែង​ជា​អភិបាល​ខេត្តតាកែវ និង​បន្ទាប់ពី​មាន​ករណី​ស្ត្រី​មេម៉ាយ​កូន​បី ឈ្មោះ ចេ​វ សុ​វ​ឌ្ឍ​នា បម្រើការ​នៅ​រដ្ឋសភាជាតិ ដែល​ធ្វើអត្តឃាត​យក​ខ្សែ​វាំងនន​បង្អួច​ចងក​សម្លាប់ខ្លួន កាលពី​ថ្ងៃទី​២៦ ខែមករា ឆ្នាំ​២០១៨ នៅក្នុង​ភូមិគ្រឹះ​មួយ នា​ភូមិ​ផ្សារ​តា​កោរ សង្កាត់​រកា​ក្នុង ក្រុង​ដូន​កែវ ខេត្តតាកែវ​។

​ចំណែក​សំបុត្រ​មួយច្បាប់​ដែល​គេ​ដឹងថា បាន​បន្សល់ទុក​នៅក្នុង​កាបូប​យួរដៃ​របស់​អ្នកស្រី ចេ​វ សុ​វ​ឌ្ឍ​នា នោះ រហូតមកដល់​ពេលនេះ មិន​ត្រូវបាន​ទម្លាយ​ឲ្យ​ដឹងថា ស្ត្រី​រងគ្រោះ​នាង​បាន​សរសេរ​អ្វីខ្លះ​នោះដែរ​៕

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

(លោក ឡាយ ណារិទ្ធ​ អតីតស្នងការរងខេត្តតាកែវ)