លោក ឡាយ វណ្ណៈ ជា​ជន​ចុងក្រោយ​ក្នុងការ​បំភ្លឺ​រឿង​ស្ត្រី​មេម៉ាយ​ធ្វើអត្តឃាត​នៅ​ក្រុង​ដូន​កែវ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 1 April, 2018 ក+ ក-

​ភ្នំពេញ ៖ ខណៈ​សភា​ស៊ើបសួរ​សាលាដំបូង​រាជធានី​ភ្នំពេញ កំពុងដំណើរការ​សួរចម្លើយ​ជន សង្ស័យ​៥​នាក់ ក្នុងនោះ​មាន​ស្នងការរង​ខេត្តតាកែវ​ម្នាក់ ដែល​ត្រូវជា​បងប្រុស បង្កើត​របស់លោក ឡាយ វណ្ណៈ អតីត​អភិបាល​ខេត្តតាកែវ ពាក់ព័ន្ធ​ករណី​ឃាតកម្ម​ដ៏​កក្រើក​សម្លាប់ ស្ត្រី​វ័យ​៣៦​ឆ្នាំ ម្នាក់​នៅ​ក្រុង​ដូន​កែវ ខេត្តតាកែវ នោះ មន្ត្រីជាន់ខ្ពស់​ក្រសួងមហាផ្ទៃ បាន​ទម្លាយ​ឲ្យ​ដឹងថា រឿង​ស្ត្រី មេម៉ាយ​កូន​បី​ម្នាក់​ស្លាប់​របៀប​ចងក នៅ​ក្រុង​ដូន​កែវ គឺជា​រឿង​ឃាតកម្ម ហើយ​រឿងនេះ អ្នក​នៅ​ជា មួយ​ស្ត្រី​រងគ្រោះ បាន​សារភាព​អស់ហើយ​ថា លោក ឡាយ វណ្ណៈ ជា​អ្នក​នៅ​ពីក្រោយ​ទង្វើ​នេះ​។​

សូមជម្រាបថា​នៅ​ចុងខែ​មីនា នេះ អាថ៌កំបាំង​នៃ​អត្តឃាត​របៀប​ចង ក របស់​ស្ត្រី​វ័យ​៣៦​ឆ្នាំ ម្នាក់​នៅ​ក្រុង​ដូន​កែវ ត្រូ​ច​បាន​សមត្ថកិច្ច​ឃាត់ខ្លួន​ជនសង្ស័យ​ទាំង​៥​នាក់ ក្នុងចំណោម​៨ នាក់ ដែល នគរបាល​នាយកដ្ឋាន​ព្រហ្មទណ្ឌ​ក្រសួងមហាផ្ទៃ​ឃាត់ខ្លួន​កាលពី​ថ្ងៃទី​២៩ ខែមីនា ឆ្នាំ​២០១៨ ដើម្បី សួរនាំ​ជុំវិញ​ករណី​ស្ត្រី​ម្នាក់​ស្លាប់​នៅ​ក្រុង​ដូន​កែវ ខេត្តតាកែវ​កាលពី​ចុងខែ​មករា ឆ្នាំ​២០១៨ បន្ទាប់ពី ករណី​ស្លាប់​នេះ មាន​ហេតុផល​មិន​សមរម្យ​មួយចំនួន​ដែល​ធ្វើ​ឲ្យ​សមត្ថកិច្ច​បន្ត​ស្រាវជ្រាវ​រហូតមក ។​

​បើតាម ឯ​.​ឧ ខៀវ សុភ័គ ដែល​បញ្ជាក់​នៅ​រសៀល​ថ្ងៃទី​៣១ ខែមីនា នេះ បាន​ឲ្យ​ដឹងថា​រឿង នេះ មិនមាន​នរណា​ពាក់ព័ន្ធ​ទៀត​ទេ គឺ​បញ្ចប់​ត្រឹម​លោក ឡាយ វណ្ណៈ អតីត​អភិបាលខេត្ត តាកែវ ។ លោក​ថា យើង​មិន​នឹកស្មានថា គាត់​ហ៊ាន​ធ្វើបែបនេះ គាត់​ឧស្សាហ៍​ទៅ​ទីនោះ​ញឹកញាប់ …… ជា រឿង​ធម្មតា​ទេ ពីព្រោះ​គាត់​ជា​អភិបាលខេត្ត​…​រហូតមកទល់​ពេលនេះ មិនទាន់​ចាប់ខ្លួន​ទេ តែ​កម្លាំង យើង​ឃ្លាំមើល​រហូត ពីព្រោះ​មិនទាន់មាន​ដីកា​……​។​

នា​ព្រលប់​ថ្ងៃទី​៣១ ខែមីនា នេះដែរ អតីត​អភិបាល​ខេត្តតាកែវ​លោក ឡាយ វណ្ណៈ បាន​សរសេរ បង្ហោះ​ក្នុង​ហ្វេ​ស​ប៊ុ​ក​ផ្ទាល់ខ្លួន​ដោយ​ទទួលស្គាល់ថា លោក និង​ស្ត្រី​រងគ្រោះ​ឈ្មោះ ចែវ សុ​វ​ឌ្ឍ​នា ពិត​ជាមាន​ទំនាក់ទំនង​ស្នេហា​ប្រាកដ​មែន ប៉ុន្តែ​បដិសេធថា លោក និង​បងប្រុស​(​ឡាយ ណា​រិ​ទ្ធ​) មិន​ជាប់​ពាក់ព័ន្ធ​នឹង​ការសម្លាប់​ស្ត្រី​រងគ្រោះ​នោះឡើយ​។ លោក​ថា បើសិនជា​លោក និង បងប្រុស ជា​អ្នកប្រព្រឹត្ត ម្ល៉េះ​ពេលនេះ អ្នក​ទាំងពីរ​បានគេច​ខ្លួន​ទៅ​ក្រៅប្រទេស​បាត់ទៅហើយ លោក​មិន​រត់ ទៅណា​ទេ​។​

លោក ឡាយ វណ្ណៈ ក៏បាន​សរសេរ​រំឭក​ដែរ​ថា «​រូបខ្ញុំ និង​ប្អូនស្រី ចេ​វ សុ​វ​ឌ្ឍ​នា មាន​ទំនាក់ ទំនង​ស្នេហា ស្រឡាញ់គ្នា​ពិតប្រាកដ​មែន​ក្នុង​រយៈពេល​ជាង​១​ឆ្នាំ​កន្លងមកនេះ ! ក្រោយមក ដោយ ភរិយា​ខ្ញុំ​បានដឹង ខ្ញុំ​បាន​សុំ​កាត់ផ្តាច់​ទំនាក់​ទំនងជា​មួយ​គាត់ ដែល​ធ្វើ​ឲ្យ​គាត់​ខឹងសម្បារ​នឹង​ខ្ញុំ រហូត ដល់​គាត់​គិត​ខ្លី​ធ្វើអត្តឃាត​ខ្លួនឯង​…… ស្អែក​នេះ …​ខ្ញុំ​នៅ​ខេត្តតាកែវ ដើម្បី​ចូលរួម​ពិធី​ផ្ទេរ​មុខ តំណែង​ប្រធាន​គណៈកម្មាធិការ​គណបក្ស​ប្រជាជន​ខេត្តតាកែវ ពី​ខ្ញុំ​ឲ្យ​ទៅ​ឯកឧត្តម អ៊ូច ភា ដែល ជា​អភិបាល​ថ្មី​ខេត្តតាកែវ ក្រោម​អធិបតីភាព​ឯកឧត្តម​ឧបនាយករដ្ឋមន្ត្រី​ប្រចាំការ ប៊ិន ឈិន​…»​។​

សូម​រំឭកថា កាលពី​យប់​ថ្ងៃទី​២៦ ខែមករា ឆ្នាំ​២០១៨ សព​ស្ត្រី​ម្នាក់​ឈ្មោះ ចេ​វ សុ​វ​ឌ្ឍ​នា អាយុ ៣៦​ឆ្នាំ រស់នៅ​រាជធានី​ភ្នំពេញ ជា​សមាជិក​នៃ​ក្រុមយុវជន “​ក​១៥៧” និង​ក៏​ជា​អ្នក​បម្រើការ ងារ​នៅ​ស្ថាប័ន​កិច្ចការ​រដ្ឋសភា​ផងដែរ ត្រូវបាន​អ្នកធ្វើការងារ​ផ្ទះ​ប្រទះឃើញ​ស្លាប់ របៀប​ចងក នៅ ក្នុង​បន្ទប់ដេក ជាប់​នឹង​ខ្សែ​វាំងនន​បង្អួច ក្នុងភូមិ​គ្រឹះ​មួយ នៅ​ភូមិ​ផ្សារ​តា​កោរ សង្កាត់​រកា​ក្នុង ក្រុង​ដូន​កែវ ខេត្តតាកែវ​។ ភ្លាមៗ ប៉ូលិស​ខេត្តតាកែវ បាន​សន្និដ្ឋានថា ចេ​វ សុ​វ​ឌ្ឍ​នា ដែលមាន​ទំនាក់ ទំនង​សេ្ន​ហា​ជាមួយ​ថ្នាក់ដឹកនាំ​ខេត្តតាកែវ បាន​ចងក​សម្លាប់ខ្លួន​ដោយសារតែ​វិបត្តិ​ស្នេហា​ត្រីកោណ ។ ប៉ុន្តែ​សាច់ញាតិ និង​មហាជន បានដាក់​ការសង្ស័យថា មិនមែនជា​រឿង​អត្តឃាត​ទេ តែ​ជា​រឿង​ឃាតកម្ម​សម្លាប់​នាង​ហើយ​ទើប​យកទៅ​ព្យួរ ក ដែល​ការសង្ស័យ​នេះ ទើប​នាំ​ឲ្យ​សមត្ថកិច្ច​បន្ត​បើក​ការស៊ើបអង្កេត​ហើយ​ឈានទៅ​ឃាត់ខ្លួន​ជនសង្ស័យ​៥​នាក់​ខាងលើ ក្នុងចំណោម​ជនសង្ស័យ​៨​នាក់​។​

សូមជម្រាបថា ពាក់ព័ន្ធ​សំណុំរឿង​សម្លាប់​ស្ត្រី​មេម៉ាយ​កូន​បី នៅ​ក្រុង​ដូន​កែវ ខេត្តតាកែវ នេះ ត្រូវបាន​ផ្ទេរ​សមត្ថកិច្ច​ពី​សាលាដំបូង​ខេត្តតាកែវ មកកាន់​សាលាដំបូង​រាជធានី​ភ្នំពេញ ដែល​សំណុំ រឿងនេះ​ស្ថិតក្នុង​ដៃ​លោក​ព្រះរាជអាជ្ញារង សៀង សុខ ជា​អ្នក​ស៊ើបសួរ​ជនសង្ស័យ ប៉ុន្តែ​នៅវេលា ម៉ោងជាង​៦​ល្ងាច ថ្ងៃ​សៅរ៍ ទី​៣១ ខែមីនា ឆ្នាំ​២០១៨ នេះ ជនសង្ស័យ​៥​នាក់ ត្រូវបាន​តុលាការ រាជធានី​ភ្នំពេញ​សម្រេច​បញ្ជូន​ជន សង្ស័យ​យកទៅ​ឃុំ ខ្លួន​នៅ​ក្រសួងមហាផ្ទៃ​ជា​បណ្ដោះអាសន្ន សិន រង់ចាំ​ធ្វើការ​សាកសួរ​បន្ថែមទៀត នៅ​ថ្ងៃ​បន្ទាប់ រួម​មនា​ន ៖ ១.​ឈ្មោះ ឡាយ ណា​រិ​ទ្ធ ,២.​ឈ្មោះ ចាន់ រី ភេទ​ស្រី ,៣.​ឈ្មោះ ជឹម វុ​ធ (​ប្តី​របស់​ចាន់ រី​) ជា​អ្នកបម្រើ​នៅផ្ទះ​អ្នកស្រី ចេ​វ សុ​វ ឌ្ឍ​នា​, ៤.​ឈ្មោះ មេន សម័យ អ្នកបើក​ឡាន​ឲ្យ​លោក​ឡាយ វណ្ណៈ និង​៥.​ឈ្មោះ តាក់​រតនា ជា​អ្នក បើកឡាន​ឲ្យ​លោក ឡាយ ណា​រិ​ទ្ធ អតីត​ស្នងការរង​ខេត្តតាកែវ​៕