ភ្នំពេញ ៖ កម្លាំងមានសម្ថកិច្ចធ្វើការចាប់ឃាត់ខ្លួនបុរសជាឃាតករម្នាក់ ដែលបានធ្វើសកម្មភាព វាយប្លន់សម្លាប់នារី ម៉ាស្សាម្នាក់នៅក្នុងផ្ទះកាលពីថ្ងៃម្សិលមិញ នៅ ក្នុងសង្កាត់ផ្សារដើមថ្កូវ ខណ្ឌចំការមន។
បុរសជាបុគ្គលិកហាងម៉ាស្សាជាជនដៃដល់ម្នាក់ ត្រូវបានកម្លាំងមានសម្ថកិច្ចធ្វើការស្រាវជ្រាវ និង ឈានទៅដល់ការ ចាប់ខ្លួនបានហើយ ក្រោយពីរូបគេបានធ្វើសកម្មភាពវាយប្លន់សម្លាប់នារីម៉ាស្សាម្នាក់យកគ្រឿងអង្ការ និង ទ្រព្យសម្បត្តិមួយ ចំនួននៅក្នុងផ្ទះយ៉ាងសាហាវព្រៃផ្សៃកាលពីថ្ងៃម្សិលមិញ ដោយបង្ករអោយមានការភ្ញាក់ផ្អើលយ៉ាងខ្លាំងនោះ។ការចាប់ឃាត់ខ្លួននេះដែរបានធ្វើឡើងកាលពីវេលាម៉ោង ១ និង ០០នាទីថ្ងៃត្រង់ ថ្ងៃទី ១៨ ខែមេសា ឆ្នាំ ២០១៨ នៅក្នុងតំបន់មិនរៀបរយ មួយកន្លែង ដែលស្ថិតនៅតាមបណ្តោយផ្លូវ ៦០ ម៉ែត្រ ក្នុងសង្កាត់ចាក់អង្រែលើ ខណ្ឌមានជ័យ ដែលជាតំបន់គ្រឿងញៀន នោះ និងបានបញ្ជូនបន្តយកមកកាន់អធិការដ្ឋានខណ្ឌចំការមនវិញផងដែរ។
តាមប្រភពព័ត៌មានពីសម្ថកិច្ចបានប្រាប់ឱ្យដឹងថា ក្រោយពីកើតមាននូវករណីឃាតកម្មប្លន់សម្លាប់ដ៏សាហាវ ទៅលើស្ត្រី ម៉ាស្សាម្នាក់នៅក្នុងផ្ទះរួចមក កម្លាំងនៃអធិការដ្ឋានខណ្ឌចំការមន សហការជាមួយនិង កម្លាំងនាយកដ្ឋាន ព្រហ្មទណ្ឌ ក្រសួងមហាផ្ទៃ កម្លាំងព្រហ្មទណ្ឌកំរិតធ្ងន់រាជធានីភ្នំពេញ និង កម្លាំងនគរបាលខណ្ឌមានជ័យ បានធ្វើការស្រាវជ្រាវ យ៉ាងយកចិត្តទុកដាក់រហូតឈានទៅដល់បុរសជាជនដៃដល់ម្នាក់ផងដែរ។បុរសជាឃាតករនេះមានឈ្មោះ ហុង សុខហេង អាយុ ៤១ឆ្នាំ មុខរបរជាបុគ្គលិកក្នុងហាងម៉ាស្សាមួយកន្លែង ដែលមានទីតាំងនៅក្បែររង្វង់មូលផ្សាដើមថ្កូវ និង ផ្ទះកើតហេតុខាងលើ និង ស្នាក់នៅក្នុងកន្លែងធ្វើការនោះផងដែរ។តាមប្រភពដដែលបានប្រាប់បន្តទៀតថា ក្រោយពេល កើតហេតុកាលពីថ្ងៃទី ១៧ ខែ មេសា ឆ្នាំ ២០១៨ ក្រោយពេលថ្ងៃចូលឆ្នាំហើយមួយថ្ងៃ កាលពីថ្ងៃម្សិលមិញរួចមក កម្លាំងរបស់លោកក៏បានធ្វើការស្រាវជ្រាវយ៉ាងដុតដៃជើង ទើបឈានទៅដល់ការចាប់ឃាត់ខ្លួនបានជនដៃដល់ក្នុងអំពើរប្លន់ សម្លាប់យកគ្រឿងអង្ការ និងទ្រព្យសម្បត្តិម្នាក់ខាងលើនេះ ដោយធ្វើការដកហូតបានខ្សែរករ ខ្សែរដៃ ខ្សែរជើង និង ទូរស័ព្ទដៃម៉ាកសាំស៊ុង ចំនួនមួយគ្រឿងផងដែរ ដែលសុទ្ធជារបស់នារីរងគ្រោះទាំងអស់មកវិញ។
ក្រោយមានការសហការគ្នានិងឈានដល់ការចាប់ឃាត់ខ្លួនបុរសជាជនដៃដល់ក្នុងអំពើរឃាតកម្មប្លន់សម្លាប់ម្នាក់ខាង លើ ឬយមទាំងវត្ថុតាងរួចហើយ ក៏បាននាំខ្លួនយកមកកាន់អធិការសដ្ឋានខណ្ឌចំការមន ដើម្បីធ្វើការសាកសួរ និង កំណត់ហេតុ ដើម្បីបញ្ជូនទៅកាន់តុលាការចាត់ការទៅតាមផ្លូវច្បាប់ជាបន្តទៅទៀតផងដែរ៕
