ផ្ទះ​ជាង​៥០​ខ្នង​នៅ​តំបន់​ក្បាលឆាយ ត្រូវ​ទឹក​ជន់​លិច​ដោយសារ​ទប់​ទំនប់ទឹក​របស់​ក្រុមហ៊ុន​ទឹកស្អាត អាន​កូ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 18 April, 2018 ក+ ក-

​ខេត្ត​ព្រះសីហនុ ៖ តំណាង​ប្រជាពលរដ្ឋ​មានផ្ទះ​ដែល​កំពុង​លិចលង់​ដោយ ជំនន់​ទឹកភ្លៀង​នៅ​តំបន់​នៅ​តំបន់​ប្រើប្រាស់​ច្រើនយ៉ាង​ក្បាលឆាយ​ដែលមាន​​ទីតាំង​ស្ថិតក្នុង​ក្រុមទី​១០​និង​ទី​១១ ភូមិ​មួយ​សង្កាត់​លេខ​មួយ​ក្រុង​-​ខេត្ត​ព្រះ​សី​ហ​នុ លោក​បាន​ឡើ​ក​លើង​ថាៈ ដើម្បី​ផលប្រយោជន៍​របស់​ក្រុមហ៊ុន ឯកជន មួយ ឈ្មោះ ក្រុមហ៊ុន ផ្គត់ផ្គង់ ទឹកស្អាត អាន​កូ សំរាប់​យក​ទឹក​មក​បំរើ​សេច ត្រូវការ អ្នក​រស់ នៅក្នុង​ក្រុងព្រះសីហនុ ស្រុក​ស្ទឹងហាវ និង ស្រុក​ព្រៃនប់ បាន​លើក​ទំនប់ទឹក ការពារ​ទឹកស្អាត របស់​ក្រុមហ៊ុន មួយ​នេះ ទើប​បណ្តាល​​អោយមាន​ការលិចលង់​ផ្ទះសំបែង របស់​ប្រជាពលរដ្ឋ​អស់​ជាង​៥០​ខ្នង​​ដែល​បង្ករ​អោយមាន​ការលំបាក ដល់​ការរស់នៅ របស់​ប្រជាពលរដ្ឋ​រស់នៅក្នុង​​តំបន់​នោះ​។​

​ថ្លែងប្រាប់​អ្នកយកព័ត៌មាន មេគង្គ​ប៉ុស្តិ៍ ប្រចាំខេត្ត​ព្រះសីហនុ​
​ដែល​បាន​ចុះទៅ​ផ្ទឹ​ត​យក​រូបភាព​ដល់​កន្លែង​កើតហេតុ បងប្រុស​ឈ្មោះ ឌិន ស្រឿ​ន ដែលជា​ប្រជាពលរដ្ឋ​រស់នៅក្នុង​តំបន់​លិចលង់​
​ដោយសារ​ជំនន់​ទឹកភ្លៀង​នេះ​បានអោយដឹងថា​៖​ផ្ទះ​ប្រជាពលរដ្ឋ​ដែល​ត្រូវ​
​លិចលង់​នេះ​ប្រហែលជា​៦០​ទៅ​៧០​គ្រួសារ​បើ​គិត​ជា​ខ្នង​ផ្ទះ អស់​ជាង​៥០​ខ្នង​
​បងប្រុស​ថា ការលិចលង់​ផ្ទះ​នេះ​គឺ​បណ្តាលមកពី​ក្រុមហ៊ុន​ទឹកស្អាត អាន កូ​
​ទប់​ទំនប់​ទើប​បណ្តាលអោយ​លិចលង់​ផ្ទះ​ប្រជាពលរដ្ឋ​បែបនេះ​។​

ចំណែក​បងស្រី ឈ្មោះ ស៊ីម ណា​រ៉េត ដែលជា​ប្រជាពលរដ្ឋ​រស់នៅ​ទីនោះ​៨
​ឆ្នាំកន្លងមក​ហើយ​បាន​មានប្រសាសន៍​អោយដឹងថា​៖​ទឹក​ជន​លិច​នេះ​មាន​រយៈ​​ពេល​ជិត​៤​ខែ មកហើយ ការ​ពីមុនមក​មិនដែល​ជន​លិច​បែបនេះ​ទេ​។​អ៊ំស្រី​បាន​បន្តថា កន្លងមក​ធ្លាប់មាន​អាជ្ញា​​ធរ​មូលដ្ឋាន​ចុះទៅពិនិត្យ​ដល់ទី​តាំង​នោះដែរ តែ​បាន​ត្រឹម​ទៅ​មើល​តែប៉ុណ្ណោះ​​ទេ មិនអាច​ទៅ​សម្របសម្រួល​ជាមួយ​ក្រុមហ៊ុន អាន កូន អោយ​រំដោះ ទឹក ដើម្បី​ការលិចលង់​ផ្ទះសំបែង​របស់​ពួកគាត់​បានទេ​។ អ៊ំស្រី​បន្តថា​ប្រជា​ពល​
​រដ្ឋ​ធ្លាប់​ឡើងទៅ​ប្រជុំ​នៅ​សាលាសង្កាត់ លេខ​១ ក្រុងព្រះសីហនុ ពេលនោះ លោក ចៅសង្កាត់ និយាយថា​បងប្អូន ចង់អោយ​ទឹក​លិច​ផ្ទះ​បងប្អូន ឆាប់​ស្រក​
​ទាល់តែ​នាំគ្នា​ទៅ តវ៉ា នៅ​សាលាក្រុង​ឬ​សាលាខេត្ត​ដោយ​ខ្លួនឯង​ទៅ​។ សំដី​
​មិន​ទទួលខុសត្រូវ​របស់លោក​ចៅសង្កាត់​រូប នេះ​ត្រូវបាន​មតិ​ហា​ជន​រស់ នៅ ក្នុង ក្រុងព្រះសីហនុ រិះគន់​ចំៗ​ថា​លោក ចៅសង្កាត់​លេខ​១ ក្រុងព្រះសីហនុ​
​នេះ​រូបនេះ​មិនមាន​សមត្ថភាព ធ្វើជា​ចៅសង្កាត់​នោះទេ​។​

​ដូចគ្នា​នោះដែរ បងស្រី​ឈ្មោះ ស៊ូ អ៊ា​ន តំណាងអោយ​ប្រជាពលរដ្ឋ​រងគ្រោះ ដោយសារ ទឹក លិច​ផ្ទះ ពួក​គាត រស់នៅ ក្នុង​ទី​១១ បាន​ប្រាប់​អោយដឹងថា​៖ បងស្រី​រង​ផលប៉ះពាល់​ពី​ផ្លូវ​រទេះភ្លើង​ហើយ​ត្រូវបាន​អាជ្ញាធរខេត្ត​ចែក​ដី​អោយមក​រស់នៅ​ទីនេះ​ជិត​១០​ឆ្នាំ​មកហើយ​មិនដែល​មាន​ផល​លិច​លង​ផ្ទះ សំបែង នោះទេ តែ ឥឡូវនេះ​បងស្រី​ជួបប្រទះ​ហើយ បងស្រី​ថា សព្វថ្ងៃ​គឺ​ពិបាក រស់ នៅ​ណាស់​ហេតុ​ដូច្នេះហើយ បងស្រី ក៏ដូចជា ប្រជាពលរដ្ឋ​ទាំងអស់ ផងដែរ សូម​សំនូមពរ​អោយ អាជ្ញាធរ​គ្រប់លំដាប់​ថ្នាក់​នៅក្នុង​ខេត្ត​ព្រះសីហនុ មេត្តា ជួយ ធ្វើ​អន្តរាគមន៍​ជាមួយ​ក្រុមហ៊ុន ទឹកស្អាត អាន​កូ​នេះ​ដើ​ម្បិ​អោយ ក្រុមហ៊ុន ជួយ រំដោះ ទឹក​ដែល​កំពុង​លិចលង់​ផ្ទះសំបែង​របស់​ពួកគាត់ អោយមក ដូច ដើម វិញ​។

ទាក់ទង​ទៅ​និង​បញ្ហា​នេះ លោក ប្រធាន​រដ្ឋបាល​របស់ ក្រុមហ៊ុន ផ្គត់ផ្គង់ ទឹកស្អាត អាន​កូ មិនអាច​ធ្វើការ​ទំនាក់​ទំ​នង់​បានទេ ដោយសារតែ អ្នក​
​យក​ព័ត៌មាន​យើង​ខំព្យាយាម ខ​ល​ទៅ​ទំនាក់​ទំ​នង់ តាម ទូរស័ព្ទ​ដែរ តែ​ទូរស័ព្ទ លោក​ប្រធាន​រដ្ឋបាល​មិនអាច​ទាក់ទង​បាន​។​

ចំណែក លោក ស្រ៊ុន ស្រ៊ន់ អភិបាល រង ខេត្ត​ព្រះសីហនុ និង ជា​ប្រធាន​
​ក្រុមការងារ​ដោះស្រាយ​ទំនាស់ លោក​បាន​មានប្រសាសន៍​តាមរយៈ​ទូរស័ព្ទ​
​កាលពី​វេលា​ម៉ោង ១០​និង ៤៦ នាទី ព្រឹក​ថ្ងៃទី​១១ ខែ មេសា នេះ​ថា ៖ បញ្ហា​ទឹក​លិចលង់​ផ្ទះ​ប្រជាពលរដ្ឋ​នេះ លោក បាន​បង្កើត​ក្រុមការងារ​គណៈ​
​បញ្ជាការ​ឯកភាព​ខេត្ត​ចុះទៅ ពិនិត្យមើល​ផលប៉ះពាល់ ផ្ទះ​ប្រជាពលរដ្ឋ​ទាំង​
​ជាមួយ តំណាង​ក្រុមហ៊ុន ផ្គត់ផ្គង់ ទឹកស្អាត អាន​កូ​នេះហើយ​។ ហើយ​ខាង​ក្រុមហ៊ុន សន្យា​ជាមួយនិង​ក្រុមការងារ​ថា ក្រុមហ៊ុន នឹង​យក​គ្រឿង​
​ចក្រ មក​កាយ​ទំនប់​ដើម្បី​រំដោះ​ទឹក​ចេញ តែ​ហូត​មកដល់ពេលនេះ ទឹក​ទាំង នោះ នៅតែ​មិនឃើញ​ស្រក លោក ថា លោក និង​ព្យាយាម ខ​ល ទៅប្រាប់ ក្រុមហ៊ុន​ម្តងទៀត​ដើម្បី​ក្រុមហ៊ុន​ជួយ រំដោះទុក្ខ​លំបាក​ពី​ផល​លិច លង​ផ្ទះ សំបែង​របស់ បងប្អូន ប្រជា​ពល រដ្ឋ ដែល​កំពុង​រង គ្រោះ​នេះ អោយ​ខាន តែ​បាន ព្រោះ​បើ​ប្រជាពលរដ្ឋ​ដែល​កំពុងមាន​ទុក្ខលំបាក​រដ្ឋបាលខេត្ត ក៏​មិន​សប្បាយចិត្ត​ដែរ​៕​