អ្នកភូមិ​ដែល​ធ្លាប់​ពុល​ទឹក​ព្រែ​កនៅ​ស្រុក​ឆ្លូង​ទទួល​អណ្តូង​ទឹកស្អាត​ចំនួន​៧
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 12 May, 2018 ក+ ក-

​ខេត្តក្រចេះ ៖ មានប្រសាសន៍​នៅ​ចំពោះមុខ​ពលរដ្ឋ សុ​ទ្ឋ​សឹង​ជា​ជនជាតិដើម​ភាគតិច​ព្នង ជិត​៤០០​រយ​នាក់ នៅ​ភូមិ​ស្រែ​នន ឃុំ​កន្ទួត ស្រុក​ចិត្រ​បុរី ដែល​ធ្លា​ប់រង​អ​ការៈពុល​ទឹក​ព្រែក​និង​សម្លាប់​មនុស្ស​ជាង​១០​នាក់ លោក​រដ្ឋមន្ត្រីក្រសួង​មុខងារសាធារណៈ បាន​មានប្រសាសន៍ថា អណ្តូងទឹក​ស្អាត​ចំនួន​៧ និង​ត្រូវ​ខួង​ដាក់ឱ្យ​បងប្អូន​ប្រើប្រាស់​ក្នុងពេល​ឆាប់ៗ​នេះ​។ ក្នុងនោះ​មាន​អណ្តូងទឹក​២ ជា​អំណោយ​របស់​ឯកឧត្តម​ផ្ទាល់ និង​អណ្តូងទឹក​ចំនួន​៥​ទៀត ជា​អំណោយ​របស់​ថ្នាក់ដឹកនាំ​ខេត្តក្រចេះ​។​ ​មានប្រសាសន៍​បន្ត នៅ​ថ្ងៃទី​១២​ឧសភា លោក ពេជ្រ ប៊ុនធិន​រដ្ឋមន្ត្រីក្រសួង​មុខងារសាធារណៈ និង​ជា​ប្រធាន​ក្រុមការងារ​ថ្នាក់កណ្តាល​ចុះជួយ​ខេត្តក្រចេះ​បានស្នើរ​ឱ្យ​ពលរដ្ឋ​ដែល​រង​នៅ​អ​ការៈពុល ដែល​ទើប​និង​ជាសះស្បើយ ឈប់​មានការ​ភ័យខ្លាច ព្រោះ​ស្ថាន​ការ​នេះ ត្រូវបាន​អាជ្ញាធរ​ត្រួតត្រា​ស្ថានការណ៍ និង​រក​ពី​មូលហេតុ​នៃ​អកា​រៈ ដែល​បណ្តាលឱ្យ​អ្នកភូមិ​បាន​រង​អ​ការៈពុល និង​ស្លាប់ ឃើញ​អស់ហើយ និង​ត្រូវ​នាំ​កូនតូចៗ មក​ចូល​សាលារៀន​ដូចដើម​វិញ និង​មិន​ត្រូវមាន​ការភ័យខ្លាច​តទៅទៀត​នោះទេ​។ ​ជាមួយគ្នា​នោះ​លោក ពេជ្រ ប៊ុនធិន ក៏បាន​ដឹកនាំ​ក្រុមការងារ ចុះ​ពិនិត្យមើល​នៅក្នុង​ទីតាំង​ភូមិ​កើតហេតុ ដែល​ធ្លាប់​ឆក់យក​ជីវិត​មនុស្ស​ចំនួន​១៣​នាក់​,​ស្រី​៨​នាក់ និង​រង​អ​ការៈពុល​ជាង​២០០​រយ​នាក់ និង​បាន​នែ​នាំ ដល់​ពលរដ្ឋ​ដែល​សុ​ទ្ឋ​សឹង​ជា​ជនជាតិភាគតិច​ព្នង ត្រូវ​ចេះ​ថែរក្សា​សុខភាព មិនត្រូវ​ពិសារ​ស្រា ស ដែលមាន​ប្រភព​មិន​ច្បាស់លាស់ គ្មាន​ការត្រួតពិនិត្យ​ត្រឹមត្រូវ មិនត្រូវ​ប្រើប្រាស់​ទឹក​តាម​ព្រែក​តាម​អូរ ដែរ​ជា​ប្រភពទឹក​មិន​ស្អាត ហើយ​ងៀក​មកប្រើប្រាស់​ទឹកស្អាត ដែល​ផ្តល់ជូន​ពី​អាជ្ញាធរខេត្ត រហូតដល់​អណ្តូងស្នប់ ចំនួន​៧ ត្រូវបាន​ក្រុមការងារ ជីក​ជូន ដាក់ឱ្យ​ប្រើប្រាស់​រួចរាល់ ។​ ​បាតុភាព​នៃ​អ​ការៈពុល​នេះ​ត្រូវបាន​អ្នកភូមិ​ចាត់ទុកថា ជា​បាតុភាព​ដ៏​អាក្រក់​មួយ ពុំ​ធ្លាប់មាន​នៅក្នុង​ភូមិ​រប​ស់​ពួកគាត់​និង​បានធ្វើឱ្យ​អ្នកភូមិ​មានការ​តុ​ក​ស្លុត នៅពេល​ឃើញ សភាព​អ្នកភូមិ​ជាច្រើន​នាក់ បាន​ឈឺ​ស្លាប់​ភ្លាមៗ​បែបនេះ​។ តែ​យ៉ាងណា​ពួកគាត់​មាន​ភាពកក់ក្តៅ​នៅពេល​ឃើញ​អាជ្ញាធរ កងកម្លាំងប្រដាប់អាវុធ ក្រោម​ការដឹកនាំ​ពី​ឯកឧត្តម វ៉ា ថន អភិបាល​នៃ​គណៈ​អភិបាល​ខេត្តក្រចេះ មានការ​យកចិត្តទុកដាក់ លើ​សុខទុក្ខ ការរស់នៅ​និង​ការជួយ​សង្គ្រោះ​ពួកគាត់ បាន​ទាន់ពេល​។​ ​លោក វ៉ា ថន អភិបាល​នៃ​គណៈ​អភិបាល​ខេត្តក្រចេះ បាន​មានប្រសាសន៍ថា ពេលនេះ​ស្ថាន​ការ​របស់​អ្នកភូមិ​ស្រែ​នន បាន​វិលត្រឡប់​មករក​សភាព​ដូចដើម​វិញ​ហើយ ចំណែក​អ្នកភូមិ​ដែល​បាន​ជម្លៀស​ខ្លួន​ចេញពី​ភូមិ និង​ខ្លះទៀត​ត្រូវបាន នាំទៅ​សង្គ្រោះ​ដោយសារ​រង​ការពុល​នោះ ពេលនេះ​ពួកគាត់ ក៏បាន​វិល​ចូលមក​រស់នៅ​ក្នុងភូមិ​ចាស់ របស់​ពួកគាត់​តាម​ធម្ម​តាម​វិញ ក្រោយពី​ស្ថានភាព​ពុល​បាន​ធូរស្រាល បន្ទាប់ពី​មានការ​សង្គ្រោះ​ពី​ក្រុមគ្រូពេទ្យ ។​ ​ បើទោះបីជា​ស្ថានភាព​នៃ​អ​ការៈពុល​បាន​ធូរស្រាល​យ៉ាងណាក្តី តែ​កងកម្លាំង​សមត្ថកិច្ច​នៅតែ​បន្ត​ការ ឈរជើង​ជាប់​ប្រចាំការ​នៅ​តំបន់​ក្បែរៗ​ភូមិ ក្នុង​នោះបាន​ត្រៀម​រថយន្ត​សង្គ្រោះ ក៏ដូចជា​ក្រុមគ្រូពេទ្យ​នៅជាប់​ជាប្រចាំ​ជាប់​ជានិច្ច ក៏ដូចជា​ការផ្តល់​ទឹកស្អាត ពី​សំណាក់​អាជ្ញាធរ ជូន​អ្នកភូមិ​សំរាប់​ប្រើប្រាស់​ប្រចាំថ្ងៃ​។​ ​ សុំ​បញ្ជាក់ថា ការផ្ទុះ​អ​ការៈពុល ទៅលើ​ភូមិ​ស្រែ​នន ឃុំ​កន្ទួត ស្រុក​ចិត្រ​បុរី គឺ​បាន​កើតឡើង កាលពី​ថ្ងៃទី​៥ រហូតដល់​ថ្ងៃទី​៨​ខែឧសភា ក្នុង​នោះបាន​បណ្តាលឱ្យ​អ្នកភូមិ ប្រុស​,​ស្រី​យ៉ាងតិច ចំនួន​១៣​នាក់ ស្រី​៨​បាន​ស្លាប់ និង​អ្នកភូមិ​ចំនួន ជិត​៣​រយ​នាក់​ទៀត បាន​រង​អកា​រៈ និង​ត្រូវបាន​ជួយសង្គ្រោះ​ពី​ក្រុមការងារ​អាជ្ញាធរខេត្ត​ក្រចេះ​៕ ​