ភ្នំពេញ ៖ អភិបាលរាជធានីភ្នំពេញ កាលពីរសៀលថ្ងៃទី២៣ តុលា បានបើកកិច្ចប្រជុំជាមួយមន្ត្រីជំនាញពាក់ ព័ន្ធ អាជ្ញាធរខណ្ឌទាំងអស់ និងកងកម្លាំងប្រដាប់អាវុធទាំង៣ប្រភេទដើម្បីត្រៀមផែនការរៀបចំព្រះ រាជពិធីបុណ្យបុណ្យជាតិធំៗ ជាបន្តបន្ទាប់គ្នានាពេលឆាប់ៗខាងមុខនេះ។
ក្នុងកិច្ចប្រជុំនេះ ឯកឧត្តម ឃួង ស្រេង អភិបាលរាជធានីភ្នំពេញ បានប្រកាសសេចក្តីសម្រេចបង្កើត គណ:កម្មការ និងអនុគណ:កម្មការទទួលបន្ទុករៀបចំព្រះរាជពិធីបុណ្យអុំទូក រៀបចំខួបអនុស្សាវរី លើកទី៦៥ នៃទិវាបុណ្យឯករាជ្យជាតិ ៩វិច្ឆិកា និងទិវាកំណើតនៃកងយោធពលខេមរភូមិន្ទ ឆ្នាំ ២០១៨ និងបុណ្យចូលឆ្នាំសកលដែលប្រារព្ធធ្វើឡើងនៅរាជធានីភ្នំពេញ ជាបន្តបន្ទាប់នាពេលខាង មុខនេះ ពិសេសអបអរសាទរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ ២០១៨ ឆ្នាំនេះ នឹងការរៀបចំតុបតែងលម្អតាមដងវិថី និងសួនច្បារនានា ដើម្បីទទួលស្វាគមន៍ បង ប្អូនប្រជាពលរដ្ឋ ដែលអញ្ជើញមកទទួលភាពសប្បាយរីករាយក្នុងព្រះរាជពិធីបុណ្យអុំទូកនេះ៕
