ភ្នំពេញ ៖ អង្គការប្រើប្រាស់ទឹកប្រកបដោយចីរភាព ហៅកាត់ថា (CSW) សហការជាមួយអង្គការ វ៉តធើ អេត អ៊ីនវ៉េសម៉ែន អ៊ីន អ៊ីនហ្វ្រេស ស្រ្តាក់ឈ័រ (Water Aid Investment in Infrastructure) បានរៀប ចំកម្មវិធីមួយមានឈ្មោះថា ជ្រុងមួយនៃទឹក (វ៉តធើ ខននឺ) ដើម្បីផ្តល់នូវចំណេះដឹងនានា ដែលទាក់ ទងនឹងវិស័យទឹកស្អាត និងអនាម័យ នៅក្នុងប្រទេសកម្ពុជា។

លោក ដាញ់ អេងកក្កដា នាយកប្រតិបត្តិ នៃអង្គការប្រើប្រាស់ទឹកប្រកបដោយចិរភាព បានមាន ប្រសាសន៍ឱ្យដឹងថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការផ្តល់នូវចំណេះដឹង នានា ដែលទាក់ទងនឹងវិស័យទឹកស្អាត និងអនាម័យ ដែលហៅកាត់ (WASH) ។ ដោយផ្តោត សំខាន់ទៅលើជំនាញ ដែលជាតម្រូវការក្នុងវិស័យទឹកស្អាត និងអនាម័យ ព្រមទាំងជំនាញ ក្នុងការ សរសេរសំណើនានាផងដែរ។

លោកបញ្ជាក់ថា អង្គការ CSW គឺជាអង្គការ មិនស្វែងរកប្រាក់ចំណេញ ដែលមានសម្មភាពទៅលើ ការ កសាងសមត្ថភាពយុវជនលើវិស័យទឹកស្អាតនិង អនម័យ ។ អង្គការនេះបានបង្កើតឡើង នៅ ពាក់កណ្តាលឆ្នាំ២០១៨ មានសម្មភាពសំខាន់ៗ ដើម្បីកសាងអ្នកជំនាញវ័យក្មេងកម្ពុជា ឱ្យក្លាយជា ភ្នាក់ងារផ្លាស់ប្តូរ និងអ្នកដឹកនាំនាពេលអនាគត សម្រាប់វិស័យទឹកស្អាត និងអនាម័យ។

ក្រៅពីនេះ ក៏ជំរុញចំណេះដឹងផ្នែកទឹកក្នុងតំបន់ និងពិភពលោក ការចងក្រងឯកសារ និងចែក រំលែកការអនុវត្តល្អ និងការងារច្នៃប្រឌិត បង្កើតដំណោះស្រាយប្រកបដោយចីរភាព ក្នុងការដោះ ស្រាយបញ្ហាទឹក តាមរបៀបដែលមានប្រសិទ្ធភាព និងប្រសើរជាងមុន ជាពិសេសប ង្កើតភាពជាដៃ គូ ដើម្បីជំរុញការបង្កើតថ្មី ភ្ជាប់ទំនាក់ទំនង ជាមួយអ្នកច្នៃប្រឌិត និងធនធានខាងក្រៅវិស័យ ក៏ដូច ជាបង្កើតក្រុមស្រាវជ្រាវ ដើម្បីជូនព័ត៌មាន និងសកម្មភាពពីតម្រូវការនានា ក្នុងការដោះស្រាយបញ្ហា ទឹក ដែលកំពុងកើតមាននៅក្នុងប្រទេសកម្ពុជា៕