ខេត្តកំពង់ចាម ៖ ភ្ញៀវទេសចរលើកប៉ាល់ Viking Cruise Journey ចំនួន ៥៣នាក់ ក្នុងចំណោមជាង ៦០នាក់ ដែលមកពីប្រទេសវៀតណាម ចូលសំចតនៅខេត្ដកំពង់ចាម ត្រូវបានរៀបចំដោយយកចិត្តទុកដាក់ផ្តល់ឲ្យចាកចេញពីសណ្ឋាគារមេគង្គ នៅល្ងាចថ្ងៃទី២៤ ខែមីនា ឆ្នាំ២០២០ នេះ ដើម្បីឲ្យពួកគាត់ត្រឡប់ទៅប្រទេសកំណើតវិញ បន្ទាប់ពីមន្ត្រីសុខាភិបាលកម្ពុជា បានពួកគេឲ្យនៅដាច់ដោយឡែករយៈពេល ១៤ថ្ងៃ ហើយក្រោយពីការធ្វើតេស្ត៣លើក រកមិនឃើញ COVID-19 នេះឡើយ។

គួរជម្រាបថា អ្នកដំណើរនៅលើកប៉ាល់ Viking Cruise Journey ដែលចូលចតនៅប្រទេសកម្ពុជា ក្រោយមកពីប្រទេសវៀតណាម ត្រូវបានរកឃើញវិជ្ជមាន COVID-19 ចំនួន ៣នាក់។ ក្រោយយកមកដាក់ឲ្យពិនិត្យព្យាបាល នៅរាជធានីភ្នំពេញ រហូតដល់ថ្ងៃទី២២ ខែមីនា មន្ត្រីសុខភាពកម្ពុជា បានបញ្ចប់ការពិនិត្យសុខភាពរួចរាល់ ទើបជួយរៀបចំឯកសារឲ្យពួកគាត់បានចាកចេញពីប្រទេសកម្ពុជាដោយស្ងបើចិត្ត។

គួរជម្រាបថា រហូតមកទល់ពេលនេះ កម្ពុជាបានរកឃើញ ករណីឆ្លងជំងឺកូវីដ សរុបចំនួន៨៧ករណី ដែលក្នុងនោះមាននារី២២នាក់ និងបុរស៦៥នាក់ ដែលមានជនជាតិខ្មែរ៣៥នាក់ និងជនបរទេស៥២នាក់៕