ភ្នំពេញ៖ ជនជាប់ចោទ២នាក់ធាក់ទ្វារថយន្តរបស់អធិការដ្ឋាននគរបាលខណ្ឌ៧មករាលោតចុះរត់គេចខ្លួនទាំដៃជាប់ខ្នោះ។

ហេតុការណ៏ភ្ញាក់ផ្អើលខាងលើនេះបានកើតឡើងកាលកាលពីម៉ោង៧និង៥០នាទីព្រឹកថ្ងៃទី៣ខែឧសភាឆ្នាំ២០២០ស្ថិតនៅចំនុចលើស្ពានអាកាសស្ទឹងមានជ័យផ្លូវ២១៧ សង្កាត់ស្ទឹងមានជ័យទី១ខណ្ឌមានជ័យរាជធានីភ្នំពេញ។

ប្រភពព័ត៍មានពីសត្ថកិច្ចបានឲ្យដឹងថាមុនពេលកតហេតុកម្លាំងនគរបាលព្រហ្មទណ្ឌខណ្ឌ៧មករាបានដឹកជនដែលត្រូវជាប់ចោទចេញពីអធិការដ្ឋាននគរបាលខណ្ឌ៧មករាតាមដិការបង្កាប់ឲ្យឃុំខ្លួនជនល្មើសទាំង២នាក់នៅពន្ធនាគារព្រៃស លុះសមត្ថកិច្ចបានបញ្ជូនជនជាប់ចោទទាំង២នាក់ដល់ពាក់កណ្តាលផ្លូវត្រូវជនជាប់ចោទទាំង២នាក់ធាក់ទ្វាររថយន្តរបស់សមត្ថកិច្ចទាំងដៃជាប់ខ្នោះលោតចុះពីលើស្ពានអាកាស៧មករាចុះរត់គេចខ្លួនបាត់ភ្លាមនោះផងដែរកម្លាំព្រហ្មទណ្ឌនិងកម្លាំងអន្តរាគមន៏ខណ្ឌ៧មករាសហការណ៏ជាមួយកម្លាំងប៉ុស្តិនគរបាលរដ្ឋបាលស្ទឹងមានជ័យទី១ឡោមពទ្ធ័និងរុករកឃាត់ខ្លួនបានម្នាក់ចំណែកម្នាក់ទៀតបានរត់គេចខ្លួនលុះនៅវេលាម៉ោង១១និង២៥នាទីថ្ងៃដដែលកម្លាំងនគរបាលព្រហ្មទណ្ឌខណ្ឌ៧មករាបានស្រាវជ្រាវចាប់ជនជាប់ចោទម្នាក់ទៀតដែលសំងំលាក់ខ្លួនពួនក្នុងផ្សារស៊ីតធីម័ល។
បច្ចប្ប្នន្នជនជាប់ចោទទាំង២នាក់ត្រូវបានកម្លាំងនគរបាលព្រហ្មទណ្ឌខណ្ឌ៧មករាបញ្ជូនទៅឃុំខ្លួននៅពន្ធនាគារព្រៃសរួចរាល់ផងដែរ៕