តួអង្គ «​តា​ជូជក់​» ​ក្នុង​រឿង « ព្រះមហា​វេសន្តរជាតក » ទទួលមរណភាព ក្នុង​វ័យ​ជាង​៨០​ឆ្នាំ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 20 July, 2020 ក+ ក-

ភ្នំពេញ ៖ វិ​រ​សិល្បករ​ជើងចាស់​ដ៏​មាន​ទេពកោសល្យ​ និង​ល្បីឈ្មោះ​ក្នុង​វិស័យ​សិ​ល្បៈ​នៅ​កម្ពុជា​លោក ព្រឹទ្ធាចារ្យ ព្រីង សាឃ​ន ដែល​ត្រូវបាន​គេ​ស្គាល់​តាមរយៈ​នៃ​ការសម្តែង​ជា​តួអង្គ « តា​ជូជក់ » ក្នុង​យីកេរ រឿង​ព្រះមហា​វេសន្តរជាតក​នោះបាន​ទទួលមរណភាព​ ក្នុង​វ័យ​ជាង​៨០​ឆ្នាំ ដោយ​រោគាពាធ។​

​តាម​ព័ត៌មាន​ទទួលបាន​វរ​សិល្បករ​ជើងចាស់​ដ៏​ល្បីល្បាញ​រូបនោះ​បានទទួល​មរណភាព​នៅ​ល្ងាច​ថ្ងៃអាទិត្យ ទី​១៩ ខែកក្កដា ឆ្នាំ​២០២០ ហើយ​ ខណៈ​នៅវេលា​ម៉ោង ៩​ព្រឹក​នេះ សាច់ញាតិ និង​ក្រុមគ្រួសារ យក​សព​របស់លោក ព្រឹ​ទ្ធា​ចា​រ្យ​ទៅ​តម្កល់​ធ្វើបុណ្យ​តាម​ប្រពៃណី​នៅ​វត្ត ឫស្សី​ស្រស់ រាជធានី​ភ្នំពេញ​។​

​មរណភាព​វរ​សិ​ល្ប​ករ​ជើងចាស់​រូបនោះ​គឺជា​ការបាត់បង់​ធនធានមនុស្ស​ផ្នែក​វិស័យ​សិ​ល្បៈ​នៅ កម្ពុជា​ដែល​គ្រប់គ្នា​សូម​សម្តែង​នូវ​ការសោកស្តាយ​និង​ចូលរួម​មរណទុក្ខ​ជាមួយ​ក្រុមគ្រួសារ​នៃ​សព ហើយ​បួងសួង​សូម​វិញ្ញាណ​ក្ខ​ន្ធ័​លោក​ទៅកាន់​សុគតិភព៕