ខេត្តក្រចេះ ៖ ជាមួយនិងស្ថានភាពទឹកជំនន់ ខ្យល់កន្ត្រាក់ ដែលគេចាត់ទុកថា ជាគ្រោះធម្មជាតិ គឺកំពុងបន្តយាយីឥតឈប់ឈរ ចំណែកខ្យល់កន្ត្រាក់បានបន្តវាយបក់ ដួលរលំនៅឋានពលរដ្ឋអស់ជា ច្រើនខ្នងផ្ទះ ចំណែកគ្រោះធម្មជាតិទឹកជំនន់ បានបន្តជន់លិចដល់លំនៅដ្ឋានពលរដ្ឋ និងឆក់យកជីវិត មនុស្ស ៦នាក់ ផងដែរ។
ជាមួយនិងគ្រោះធម្មជាតិននេះ កាលពីយប់ថ្ងៃទី២៣ ខែសីហា ខ្យល់កន្ត្រាក់ បានវាយបក់ ផ្តួល រលំ ផ្ទះពលរដ្ឋរស់នៅភូមិអូរគ្រៀង ឃុំអូរគ្រៀង ស្រុកសំបូរ ងស់ចំនួន ៩ខ្នងផ្ទះ តែមិនបង្កគ្រោះ ថ្នាក់ ដល់ ពល រដ្ឋនោះទេ។
ដោយឡែកគ្រោះធម្មជាតិទំជំនន់ គឺកំពុងបង្កើនការជន់លិចស្ទើរគ្របដណ្តប់តាមតំបន់នានានៅទូ ទាំងខេត្តក្រចេះ ហើយការជន់លិចរហូតដល់កំរិតប្រកាសអាសន្ន នេះ បានធ្វើឱ្យស្រុក៥ និងក្រុងមួយ នៅទូទាំងខេត្ត បានរងការប៉ះពាល់ធ្ងន់ធ្ងរដល់វិស័យកិសកម្ម ហេដ្ឋារចនាសម្ព័ន និងប៉ះបាល់ភូមិឋាន របស់ពលរដ្ឋ ជិត ១ម៉ឺនគ្រួសារ។
សេចក្តីរាយការណ៍បានឱ្យដឹងថា មានយុវជនយុវតីយ៉ាងហោច ៣នាក់ រស់នៅស្រុកឆ្លូង បានជួប ហេតុការណ៍លង់ទឹកស្លាប់ កាលពីចុងខែកក្កដា កន្លងមក។ ក្នុងនោះ មានយុវជនម្នាក់ ដែលមាន សតិ មិនគ្រប់រស់នៅ ស្រុកព្រែកប្រសព្វ ក៏ជួបហតុការលង់ទឹកស្លាប់ កាលពីថ្ងៃ ទី២០ ខែសីហា កន្លងទៅ នេះដែរ។ ស្របពេលនោះ ដែលមានកុមារី២នាក់ ដែលមានអាយុ ៥ឆ្នាំម្នាក់ និង៧ឆ្នាំម្នាក់ រស់នៅក្នុង ស្រុកចិត្របុរី និងស្រុកសំបូរក៏ជួបហេតុ ការលង់ ទឹកស្លាប់នៅថ្ងៃតែ មួយ ទី ២២ ខែសីហា ឆ្នាំ ២០១៨។
ក្រៅពីទឹកជំនន់ បានឆក់យកជីវិតមនុស្ស ប្រុស,ស្រី៦នាក់ ហើយនោះ ក៏នៅមានពលរដ្ឋជាង ១ពាន់គ្រួសារ ដែលកំពុងជម្លៀសខ្លួនទៅកាន់ទីទួលសុវត្ថិភាព ដែលពួកគាត់បានសម្តែងក្តីបារម្ភ ពី ជីវភាពគ្រួសារប្រចាំថ្ងៃ ដោយសារការលិចលង់ដោយទឹកជំនន់ធំនាឆ្នាំនេះ មានរយៈពេលយូរ។ ចំណែកសុខភាពពលរដ្ឋខ្លះ កំពុងធ្លាក់ទ្រុតទ្រោម និងខ្លះទៀតធ្លាក់ខ្លួនឈឺ ដោយសារត្រូវខ្យល់ ត្រូវ ទឹកភ្លៀងស្ទើររាល់ថ្ងៃ ។ លើសពីនេះពួកគាត់បារម្ភ ពីជំងឺឆ្លង ទាំងមនុស្ស និងសត្វ ការគ្មានទឹកស្អាត ប្រើប្រាស់ប្រចាំថ្ងៃ គឺជាបញ្ហាប្រឈមប្រចាំថ្ងៃ។
យោងតាមរបាយការសាលាខេត្តក្រចេះ បានបង្ហាញថា គិតត្រឹមថ្ងៃទី២៤ ខែសីហា នេះ កម្ពស់ ទឹកទន្លេមេគង្គ ខេត្តក្រចេះ នៅមានកម្ពស់ជាង ២២ម៉ែត្រ ដែលជាកម្រិតប្រកាសអាសន្ន។ ក្នុងនោះបង្កឱ្យស្រុក-ក្រុងទាំង៦ នៅទូទាំងខេត្ត កំពុងតែស្ថិតក្នុងការលិចលង់ធ្ងន់ធ្ងរ ប៉ះពាល់វិស័យ កសិកម្ម មានសន្ទូងស្រូវវស្សាចំនួន ៣.០១២ហិកតា ក្នុងនោះខូចខាតចំនួន១.៥៣២ហិកតា ប៉ះពាល់ ដំណាំរួម ផ្សំមានចំនួន១.១១៣ហិកតា ខូចខាត៧០០ហិកតា។ ផ្លូវលំជនបទ យ៉ាងហោច ប្រវែងជាង ៣៥ម៉ឺន ៥៩៦៧មែត្រ បានរងការលិចលង់ ។
ក្រៅពីនោះ ក៏នៅមានអណ្តូងទឹក ចំនួន៩៨កន្លែង លិចលង់មិន អាចប្រើប្រាស់បាន ប៉ះពាល់លំនៅឋានប្រជាពលរដ្ឋ ៩.១៥៤ពាន់ ខ្នងផ្ទះ សាលារៀន៨១កន្លែង មិន អាចសិក្សាបាន មណ្ឌលសុខភាព ៣មណ្ឌល វត្ត២៦កន្លែង ជម្លៀសពលរដ្ឋពលរដ្ឋ ១.៣០៣គ្រួសារ ទៅទីទួលសុវត្ថិភាព និងបានជម្លៀសសត្វ ពាហនៈប្រមាណ ៨.៤៣៨ក្បាល៕
