សម្តេចធិបតី បានលើកទឹកចិត្តឱ្យ JMAS បន្តពង្រឹង និងពង្រីកកិច្ចសហប្រតិបត្តិការជាមួយប្រតិបត្តិករបោសសម្អាតមីននៅកម្ពុជា ដូចជា CMAC និងអង្គភាពពាក់ព័ន្ធមួយចំនួនបន្ថែមទៀត ដើម្បីរួមចំណែកក្នុងការបោសសម្អាតមីនលើផ្ទៃដីដែលនៅសេសសល់។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/1HDAJNULLe4
សម្តេចតេជោ ហ៊ុន សែន ប្រធានព្រឹទ្ធសភា បានផ្តល់អនុសាសន៍ទៅក្រុមនិស្សិតជ័យលាភីអាហារូបករណ៍សាធារណរដ្ឋឆេក និងជប៉ុនត្រូវទៅទាញយកខួរក្បាលបច្ចេកវិទ្យា និងជំនាញផ្សេងៗពីបរទេស ដើម្បីអភិវឌ្ឍប្រទេស និង សូមកុំខ្លាចគេ កុំចាញ់ប្រៀបគេដោយសារគេជាប្រទេសអ្នកមាន ប៉ុន្តែ កុំច្រឡោមខាង និងមានមោទនភាពជ្រុល។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/VVtjzafDYH4
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានណែនាំរដ្ឋបាលខេត្តស្ទឹងត្រែង យកចិត្តទុកដាក់ដឹកនាំការប្រយុទ្ធប្រឆាំងគ្រឿងញៀនខុសច្បាប់ ជាពិសេសការចរាចរណ៍ឆ្លងកាត់ព្រំដែន ពង្រឹងការធានាសុវត្ថិភាពម្ហូបអាហារនិងឱសថ ពិសេសការអប់រំនិងបញ្ចៀសកុំឱ្យកុមារតូចហូបអាហារផ្អែមច្រើនលើសកម្រិត ពិនិត្យលទ្ធភាពឈានទៅកាត់បន្ថយនិងបញ្ចប់ការផ្សព្វផ្សាយផលិតផលគ្រឿងស្រវឹងតាមទីសាធារណៈ ពង្រឹងគុណ ភាពសេវាផ្សេងៗ រួមទាំងសេវាអត្តសញ្ញាណកម្ម និងបង្កើនកិច្ចសហប្រតិបត្តិការឱ្យបានល្អជាមួយអាជ្ញាធរជាប់ព្រំដែន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/dbaf97eTqVg
MC:ត្រាវិញជាខេត្តដែលមានប្រជាជនខ្មែររស់នៅច្រើនជាងគេនៅប្រទេស វៀតណាម។ដែលស្មើនឹងប្រមាណ ៣២% នៃចំនួនប្រ ជាជនទូទាំងខេត្ត។កន្លងទៅនេះ អាជ្ញាធរមូលដ្ឋានតែងយកចិត្តទុកដាក់លើការបណ្តុះបណ្តាល និងលើកកម្ពស់គុណវុឌ្ឍិជូនមន្ត្រីដែលជាពលរដ្ឋខ្មែរក្រោម។ ត្រូវបានរៀបចំឡើងស្របតាមសមត្ថភាពរបស់ខ្លួន មន្ត្រីខ្មែរក្រោមទាំងនោះកំពុងរួមចំណែកយ៉ាងសកម្មក្នុងការអភិវឌ្ឍន៍សេដ្ឋកិច្ចសង្គមទូទៅក្នុងមូលដ្ឋាន ក៏ដូចជាការពង្រឹងទំនាក់ទំនងពិសេសរវាងប្រទេសទាំងពីរកម្ពុជា និងវៀតណាម។
ប្រធានរដ្ឋនៃសាធារណៈរដ្ឋសង្គមនិយមវៀតណាម – នាយឧត្តមសេនីយ៍ តូ ឡឹម បានសម្រេចថា នឹងធ្វើការជាមួយអាជ្ញាធរស្វែងរកដំណោះស្រាយជួយខេត្តត្រាវិញ ដោយបង្កើតលក្ខខណ្ឌអំណោយផលដើម្បីអភិវឌ្ឍន៍ខេត្តនេះក្នុងពេលខាងមុខ។ ប្រធានរដ្ឋវៀតណាមបានវិភាគលើការលំបាកមួយចំនួនដែលខេត្តកំពុងជួបប្រទះ។
ទាំងនេះក៏ជាការលំបាករួមរបស់តំបន់ទាំងមូលទាក់ទងនឹងហេដ្ឋា រចនាសម្ព័ន្ធដឹកជញ្ជូន បម្រែបម្រួលអាកាសធាតុ ព្រមទាំងបានដាក់ចេញនូវទិសដៅអភិវឌ្ឍន៍ថ្មីៗមួយចំនួន ដូចជាការទាញយកផលប្រយោជន៍ពីសក្តានុពលនៃថាមពលកកើតឡើងវិញ។ ការតភ្ជាប់ការដឹកជញ្ជូនតាមផ្លូវទឹក និងជំរុញការផ្លាស់ប្តូរសកម្មភាពការងារតាមបែបឌីជីថល។
សូមចុច Link ដើម្បីទស្សនាបទយកការណ៍ពិស្ដារ៖ https://youtu.be/7ogpXTVZ68k
MC:ព្រឹកថ្ងៃទី១០ ខែកក្កដា ឆ្នាំ២០២៤ ខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តរតនគិរី បានធ្វើការលែងកូនត្រីចម្រុះប្រមាណ ៣ម៉ឺន ក្បាលចូលក្នុងបឹងទំនប់អាងទឹកវារីអគ្គិសនីអូរជុំទី១។ការប្រារព្ធពិធីនេះឡើងគឺដើម្បីអបអរសាទរ ទិវាមច្ឆាជាតិ ១កក្កដា។
ពិធីលែងកូនត្រីប្រមាណ៣ម៉ឺនក្បាលនេះ ក្រោមអធិបតីភាព ឯកឧត្តម ជា ថាវរិទ្ធសមាជិកក្រុមប្រឹក្សាខេត្ត និងឯកឧត្តម ញ៉ែម សំអឿន អភិបាលខេត្តរតនគិរី ។ អង្គពិធីបានធ្វើការលែងកូនត្រីចម្រុះប្រមាណ ៣ម៉ឺនក្បាលចូលក្នុងបឹងទំនប់អាងទឹកវារីអគ្គិសនីអូរជុំទី១ និងត្រីមេពូជមួយចំនួនទៀតដូចជា ត្រីរ៉ស់ ត្រីក្រាញ់ ត្រីកន្ធរ ត្រីអណ្តែង ដើម្បីធ្វើឲ្យអាងទឹកនេះសំបូរត្រី ទុកជាតំបន់ទេសចរណ៍ ទាក់ទាញសម្រាប់ការនេសាទត្រីកំសាន្ត ផង និងបម្រើសេចក្តីត្រូវការហូបចុក របស់ពលរដ្ឋក្នុងតំបន់នេះ ផងដែរ។
ថ្លែងក្នុងឱកាសនេះ ឯកឧត្តម ញ៉ែម សំអឿន បានលើកឡើងថា ការប្រារព្ធពិធីនេះ ក្នុងគោលបំណងបំផុសប្រជាពលរដ្ឋ ចូលរួមចំណែកការពារ អភិរក្ស និងអភិវឌ្ឍន៍វិស័យជលផលដើម្បីធានាសន្តិសុខស្បៀង និងនិរន្តរភាព ធនធានជលផល ដែលជាផលប្រយោជន៍សេដ្ឋកិច្ច សង្គម និងបរិស្ថាន។
ឯកឧត្តម អភិបាលខេត្តបន្តថា សម្តេចបវធិបតី ហ៊ុន ម៉ាណែត នាយករដ្ឋមន្ត្រី បានគាំទ្រសកម្មភាព ដែលក្រសួងកសិកម្ម រុក្ខាប្រមាញ់ និងនេសាទ បាននឹងកំពុងអនុវត្ត ដើម្បីពង្រឹងការគ្រប់គ្រង ការអភិរក្ស និង ការអភិវឌ្ឍធនធានជលផលប្រកបដោយចីរភាព សម្រាប់កូនចៅជំនាន់ក្រោយ និងបំផុសស្មារតី ចូលរួមតាមរយៈទិវាមច្ឆជាតិ ១កក្កដា រៀងរាល់ឆ្នាំ ។
ឯកឧត្តម អភិបាលខេត្ត ក៏បានអំពាវនាវដល់ បងប្អូនប្រជាពលរដ្ឋ សហគមន៍នេសាទ និងអាជ្ញាធរសមត្ថកិច្ចពាក់ព័ទ្ធបន្តយកចិត្តទុកដាក់ពង្រឹងការអភិរក្សអន្លង់ត្រីមេពូជនៅតាមសហគមន៍នេសាទ និងស្រះជម្រកត្រីបឹងធម្មជាតិ និងបន្តលែងកូនត្រី ត្រីមេពូជទៅបឹងជម្រកត្រីធម្មជាតិ។ ជាមួយគ្នានេះស្នើអាជ្ញាធរមាន សមត្ថកិច្ចពាក់ព័ន្ធនៅក្រុងបានលុង ពិសេសសង្កាត់បឹងកន្សែង ត្រូវបន្តផ្សព្វ ផ្សាយ និងណែនាំដល់ប្រជាពលរដ្ឋហាមមិនឱ្យនេសាទត្រី និងការប្រមាញ់សត្វព្រៃដែលមាននៅបឹងកន្សែងដែលជាបឹងទេសចរណ៍របស់ខេត្ត ។
ត្រូវពង្រឹងសមត្ថភាពសហគមន៍នេសាទក្នុងការគ្រប់គ្រង ការពារ និងអភិរក្សធនធានជលផល ស្របតាមទិសស្លោក សហគមន៍នេសាទគ្មានបទល្មើសជលផល។ជំរុញវារីវប្បកម្មដល់សហគមន៍នេសាទ និងកសិករដែលមានស្រះទឹកអាចចិញ្ចឹមត្រីទាំងប្រាំង និងវស្សា ដើម្បីលើកម្ពស់ជីវភាពរស់នៅរបស់សហគមន៍នេសាទ។ ដៃគូអភិវឌ្ឍន៍ត្រូវបន្តចូលរួមគាំទ្រទាំងបច្ចេកទេស និងថវិកាដល់សហគមន៍នេសាទ និងវារីវប្បកម្ម។
ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តរតនគិរី បានឲ្យដឹងថា នៅក្នុងខេត្តរតនគិរី មានសហគមន៍នេសាទចំនួន ១៤សហគមន៍ ដែលរស់នៅតាមដងទន្លេសេសាន្ត និងទន្លេស្រែពក គ្រប់គ្រងអន្លង់អភិរក្សត្រីមេពូជចំនួន ៣៤អន្លង់ មានផ្ទៃក្រឡា ៣២៤ហិកតានិង៦៤អារ ៕ គឹមសាន៖ ខេត្តរតនគិរី
រាជរដ្ឋាភិបាលកម្ពុជា បន្តគាំទ្រគម្រោងរបស់ JMAS ជប៉ុន ក្នុងសកម្មភាពបោសសម្អាតមីន និងសំណល់ជាតិផ្ទុះពីសង្រ្គាម រួមជាមួយនឹងកម្មវិធីអភិវឌ្ឍន៍សហគមន៍ ក្រោយបោសសម្អាតរួច។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/nquZbefmAIU
សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអនុញ្ញាតឱ្យ សិក្ខាកាមទាំង ៥០រូបនៃវគ្គបណ្តុះបណ្តាលថ្នាក់ដឹកនាំវ័យក្មេងគណបក្សជាប់ព្រំដែន កម្ពុជា-ឡាវ-វៀតណាម ចូលជួបសម្តែងការគួរសម និងសំណេះសំណាល នៅវិមាន៧មករា រាជធានីភ្នំពេញ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/rKCVgsxv3Wk
ឯកឧត្តម ប៊ិន ត្រឈៃ រដ្ឋមន្រ្តីក្រសួងផែនការ នៅព្រឹកថៃ្ងទី១០ ខែកក្កដា ឆ្នាំ២០២៤ បានអញ្ជើញដឹកនាំគណៈ ប្រតិភូក្រសួង មកកាន់វិមានរដ្ឋសភា ដើម្បីជម្រាបជូនគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និង ឧតុនិយម (គណៈកម្មការទី៣) នៃរដ្ឋសភា ដឹកនាំដោយ ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ និងឯកឧត្តម លោកជំទាវ ជាតំណាងគណៈកម្មការជំនាញទាំង១០ នៃរដ្ឋសភា អំពីវឌ្ឍនភាពការងារ ផែនការសកម្មភាព និងលទ្ធផលនៃការអនុវត្តន៍ផែនការយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ពាក់ព័ន្ធនឹងវិស័យផែនការ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/wxp_o3IpF_s
សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃពុធ ទី១០ ខែកក្កដា ឆ្នាំ២០២៤
សូមចុច Link ដើម្បីទស្សនាព័ត៌មានពិស្ដារ៖ https://youtu.be/g0DaGKb_FJU
(ខេត្តកោះកុង)៖ ឯកឧត្តម នាយឧត្តមសេនីយ៍ គីម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅថ្ងៃទី០៨ ខែកក្កដា ឆ្នាំ២០២៤ បានអញ្ជើញមកសំណេះសំណាល និងប្រគល់អំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ្រ ចន្ទមុន្នី ហ៊ុន ម៉ាណែត ក្នុងនោះមាន អង្ករ១០តោន ឧបត្ថម្ភដល់បញ្ជាការដ្ឋានតំបន់ប្រតិបត្តិការសឹករងកោះកុង ដើម្បីធ្វើការងារមនុស្សធម៌ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/4309lclcStg
(ខេត្តកំពង់ឆ្នាំង)៖ មន្ទីរសុខាភិបាល ខេត្តកំពង់ឆ្នាំង បានតាមដានយ៉ាងយកចិត្តទុកដាក់នូវបញ្ហាសុខភាពប្រជាពលរដ្ឋដែល កើតឡើងថ្មីៗនេះ បន្ទាប់ពីបានសង្គ្រោះព្យាបាលអ្នកជំងឺមានអាការៈពុល៧ករណីបណ្តាលមកពីបរិភោគត្រី ក្រពត នៅភូមិដំបូកកកោះ ឃុំក្រាំងដីមាស បានជាសះស្បើយ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/q6G5ig_PS8c
ពីវេទិកាអធិបតី នៃពិធីប្រកាសចូលកាន់មុខតំណែង ឯកឧត្តម នួន ផារ័ត្ន ជាអភិបាល នៃគណៈអភិបាលខេត្តកំពង់ នារសៀលថ្ងៃ៨ ខែកក្កដា ឆ្នាំ២០២៤ នេះ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានផ្ដល់គោលការណ៍ឱ្យរដ្ឋបា លខេត្តទាំងអស់ ពិនិត្យសើរើឡើងវិញ រាល់ឯកសារព្រមព្រៀងជាមួយក្រុមហ៊ុនផលិត លក់ចែកចាយ និងទទួលផ្សព្វផ្សាយគ្រឿងស្រវឹងទាំងអស់ ដើម្បីឈានទៅបញ្ចប់រាល់ការព្រមព្រៀងផ្សព្វផ្សាយផលិតផលគ្រឿងស្រវឹងតាមដងផ្លូវ និងទីសាធារណៈ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/6xOFhbzPl3o
ក្រុមហ៊ុនធំៗចំនួន ១២ នឹងផ្តល់ឱកាសការងារថ្មីបន្ថែមទៀតសរុបចំនួន ៧២១ កន្លែង ជូនដល់យុវជន សិស្ស/និស្សិត និងអ្នកស្វែងរកការងារនៅក្នុងវេទិកាការងារ និងកម្មសិក្សាការងារ ដែលរៀបចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយ ស.ស.យ.ក. វិស័យការងារ និងបណ្តុះបណ្តាលវិជ្ជាជីវៈ និងវិទ្យាស្ថានជាតិពាណិជ្ជសាស្ត្រ (NIB) នាថ្ងៃព្រហស្បតិ៍ ទី១១ ខែកក្កដា ឆ្នាំ២០២៤ ខាងមុខនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/2AZYqBdG0gU
ព្រះករុណា ព្រះមហាក្សត្រ មានព្រះរាជបន្ទូលថា ការដាំដើមឈើ គឺមានផលប្រយោជន៍ធំធេងណាស់ សម្រាប់ប្រទេសជាតិ និងមានអត្ថប្រយោជន៍សម្រាប់មនុស្សជាតិទាំងអស់គ្នា និងសត្វគ្រប់ប្រភេទនៅលើភពផែនដីនេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/tgPpSVZ6zIA
ប៉ុន្មានថ្ងៃនេះមានការជជែកវែកញែកយ៉ាងផុសផុលពាក់ព័ន្ធនឹងការតម្លើងបន្ទះសូឡា ដោយបងប្អូនប្រជាពលរដ្ឋយើងជាច្រើនបានបង្ហាញនូវកង្វល់ ក៏ដូចជាចម្ងល់ពាក់ព័ន្ធនឹងសិទ្ធិ ក៏ដូចជាកាតព្វកិច្ចពាក់ព័ន្ធនឹងការតម្លើងបន្ទះសូឡា។
សូមស្ដាប់ការបកស្រាយរបស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និង ថាមពល។
https://youtu.be/9lElcYWFqxw
