ខេត្តបន្ទាយមានជ័យ ៖ បុរសម្នាក់ត្រូវបានកប់នៅក្នុងគំនរទឹកកកនិងពីរនាក់ទៀតត្រូវបានគេជួយសង្គ្រោះគ្រាដែលរថយន្តដឹកទឹកកករបស់ក្រុមហ៊ុន គីម ជី ក្រឡាប់សង្កត់លើ។ ហេតុការណ៍នោះកើតឡើងកាលពីវេលាម៉ោង៦ និង២០នាទីព្រឹកថ្ងៃទី១ ខែមិថុនា ឆ្នាំ២០២០ លើកំណាត់ ផ្លូវជាតិលេខ៥ ត្រង់ចំណុចស្រះដេីមអំពិល ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
អ្នកឃើញហេតុការណ៍និយាយថា រថយន្តដែលដឹកទឹកកករបស់ក្រុមហ៊ុនខាងលើបើកបរក្នុងល្បឿនលឿនរេក្រឡាប់លើអ្នកបើកបរម៉ូតូធ្វើដំណើរច្រាស់ទិសគ្នាបណ្តាលអោយអ្នកបើកនិងអ្នករួមដំណើរកប់ក្រោមគំនរទឹកកកស្លាប់យ៉ាងអាណោចអាធមនិងពីរនាក់ទៀតរងរបួសធ្ងន់។

ប្រធានការិយាល័យនគរបាលចរាចរណ៍ផ្លូវគោកលោក សួន នីប៉ូ បានអោយដឹងថារថយន្តដឹកទឹកកកដែលបង្ករគ្រោះថ្នាក់ពាក់ ស្លាកលេខ3A-1190បន្ទាយមានជ័យបេីកបរពីកេីតទៅលិច ក្នុងល្បឿនលឿនឡើងជែងរថយន្តពេលមានឧបសគ្គខាងមុខហើយប្រឹង កាច់ចង្កូតទៅស្តាំដៃផ្លូវរបស់ខ្លួនវិញ ដោយល្បឿនលឿនពេកក៏បណ្តាលអោយរថយន្តក្រឡាប់សង្កត់លើម៉ូតូហុងដាទ្រីម សេ125 ពាក់ស្លាកលេខ1F-9337 បន្ទាយមានជ័យដែលកំពុងបេីកបរពីលិចមកកើត (ច្រាស់ទិសគ្នា) បណ្តាលស្លាប់ម្នាក់ជាអ្នកបើកបរម៉ូតូ និងរបួសធ្ងន់ពីរនាក់ជាអ្នករួមដំណើរ។លោកបន្តថាក្រោយបង្ករគ្រោះថ្នាក់អ្នកបើកបររថយន្ត និងអ្នករួមដំណើរ (ព្រូ) ក៏រងរបួសស្រាលផងដែរ។

ក្រោយពីបានពិនិត្យទីតាំងកើតហេតុរួចមក កម្លាំងជំនាញបាននាំយកវត្ថុតាងមករក្សាទុកនៅការិយាល័យចរាចរណ៍ខេត្ត រីឯសពប្រគល់ជូនទៅក្រុមគ្រួសារយកទៅធ្វើបុណ្យតាមប្រពៃណី។

ជុំវិញនៃគ្រោះថ្នាក់នេះដែរ បងប្អូនប្រជាពលរដ្ឋដែលធ្វើដំណើរលើដងផ្លូវបានទទួចសុំអោយមន្ត្រីជំនាញនៃការិយាល័យចរាចរណ៍មេត្តាជួយអប់រំនិងរឹតបន្តឹងច្បាប់ចរាចរណ៍ដល់ពួកក្រុមអ្នកបើកបររថយន្តដឹកទឹកកកផងព្រោះជាទូទៅរាល់ការបើកបររបស់ពួកគេហាក់មានការព្រហើន លឿន ជែង គ្មានគោរពសិទ្ធិអត្ថិភាព ។ មួយវិញទៀតពួកគាត់ងើបពីយប់ដឹកទឹកកកទៅចែកចាយតាមទីជនបទ ការគេងមិនគ្រប់គ្រាន់គឺជាដើមចមនៃគ្រោះថ្នាក់ចរាចរណ៍៕

ភ្នំពេញ ៖ អមដំណើរដោយរដ្ឋមន្ត្រីជាច្រើនរូប នៅព្រឹកថ្ងៃចន្ទ ទី១ ខែមិថុនា ឆ្នាំ២០២០ នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញត្រួតពិនិត្យការ ស្ថាបនាផ្លូវនៅក្នុងក្រុងព្រះសីហនុ ដែលជាផ្លូវនៃផែនការយុទ្ធសាស្ត្រក្នុងការធ្វើឱ្យក្រុងព្រះសីហនុ ក្លាយជាទីក្រុងទេសចរណ៍ និងពាណិជ្ជកម្មដ៏ស៊ីវិល័យ នាពេលអនាគត។           

សម្ដេចតេជោ ហ៊ុន សែនបានថ្លែងនូវការកោតសរសើរចំពោះកងវិស្វកម្មក្នុងការស្ថាបនាផ្លូវ នៅក្នុងក្រុងព្រះសីហនុ។ នាយករដ្ឋមន្ត្រី នៃកម្ពុជា អមដោយរដ្ឋមន្ត្រីជាច្រើនរូប បានចំណាយពេលពេញមួយព្រឹក ដើម្បីពិនិត្យការស្ថាបនាផ្លូវក្រវាត់ក្រុង និងផ្លូវនៅក្នុងក្រុងព្រះសីហនុ ខេត្តព្រះសី ហនុ ដែលសម្រេចបានជាង ៩០% ហើយ។ ការស្ថាបនាផ្លូវបេតុងរឹងមាំ និងធំទូលាយ នៅក្នុងក្រុងព្រះសីហនុ នាពេលនេះ ត្រូវបានស្ថាបនាដោយក្រុមហ៊ុន កងវិស្វកម្មសម្តេចតេជោ ។ ការស្ថាបនាផ្លូវក្រវាត់ក្រុង មានផ្លូវខ្លះគឺត្រូវបានស្ថាបនាផ្លូវថ្មីទាំងស្រុងនៅមានការជីក ជ្រៀកភ្នំ ដើម្បីស្ថាបនាផ្លូវតែម្តង។ ការស្ថាបនាផ្លូវជាច្រើនខ្សែបែបនេះ ប្រយោជន៍ដើម្បីជំរុញការដឹកជញ្ជូន នឹងប្រែក្លាយ ខេត្តព្រះសីហនុ ទៅជាប៉ូលទេសចរណ៍ និងពាណិជ្ជកម្មដ៏ធំ នាថ្ងៃអនាគត។

ដើម្បីធានាដល់គុណភាពសំណង់ និងធ្វើយ៉ាងណាឱ្យរួច រាល់តាមផែនការនៅចុងឆ្នាំ២០២០នេះ ឧបនាយករដ្ឋ មន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយ កម្ម និងសំណង់ និងជាអ្នកគ្រប់គ្រងការស្ថាបនានេះដោយផ្ទាល់ ព្រមទាំងអាជ្ញាធរខេត្ត និងមន្ត្រីពាក់ព័ន្ធបានយកចិត្តទុកដាក់ខ្ពស់បំផុតលើដំណើរការសាងសង់។ គិតត្រឹមថ្ងៃទី១៦ ខែឧសភា ឆ្នាំ២០២០ ពោលរយៈ ពេល ៦ខែនេះ សម្រេចបានជាង ៩០ភាគរយ ដែលល្បឿននៃការសាងសង់នេះលឿនជាងការគ្រោងទុកប្រមាណ ៤,៥ភាគរយ។

យោងតាមរបាយការណ៍បានបញ្ជាក់ថា ផ្លូវទាំង ៣៤ខ្សែ មានប្រវែងផ្លូវសរុប ៨២គីឡូម៉ែត្រ នៅក្នុងក្រុងព្រះសីហនុ។ ផ្លូវទាំង ៣៤ខ្សែនេះ ចែកចេញជា ៣ប្រភេទ រួមមាន ៖ មហាវិថីចំនួន ៣ ខ្សែ ប្រវែងជាង ២២គីឡូម៉ែត្រ មានទទឹង ៥០ម៉ែត្រ ទ្រូងផ្លូវទទឹង ២៥,៧៥ម៉ែត្រ មានគន្លងផ្លូវរថយន្ត ៦គន្លង (៣ទៅ ៣មក) ផ្លូវទោចក្រយានយន្ត២គន្លង រួមមាន ៖ មហាវិថីរាម (លេខ៤៥), មហាវិថីឆ្នេររាម និងមហាវិថីជំទាវម៉ៅ (លេខ៤៧)។ ក្នុងក៏ស្ថាបនា វិថីចំនួន ១៦ខ្សែ មានប្រវែងជិត ៥០គីឡូម៉ែត្រ មានទទឹង ២០ម៉ែត្រ ទៅ ៤០ម៉ែត្រ ទ្រូងផ្លូវទទឹង ១០,២៥ម៉ែត្រ ទៅ ១៧,២៥ ម៉ែត្រ មានគន្លងផ្លូវរថយន្ត ២គន្លង ទៅ ៤គន្លង, ផ្លូវទោចក្រយានយន្ត២ គន្លង។ វិថីទាំង ១៦ខ្សែនេះ រួមមាន ៖ វិថីលេខ ៨៣៧-១ វិថីអូត្រេះ, វិថីឆ្នែរអូរឈើទាល (លេខ៥០) វិថីកោះពូឡូវៃ (លេខ៣០០), វិថីឯករាជ្យ (លេខ១០០), វិធី២ធ្នូ (លេខ៦០០), វិថីលំហែព្រះភូមិន្ទ, វិថីឆ្នេរអូរត្រេះ, វិថីគុជអាស៊ី (លេខ១២៣៧), វិថីបុរីកម្មករ (លេខ១១២), វិថីជោតញ្ញាណ (លេខ៧០១), វិថី២៨មិថុនា (លេខ១២៣) , វិថីមិត្តភាពកម្ពុជា-រុស្ស៉ី (លេខ៧០៥) វិថីចំណោតអូរត្រាវ និងវិថីឆ្នេរពយជំទាវម៉ៅ និងវិថីអូរត្រជាក់ចិត្ត។ ដោយឡែក អនុវិថី មានចំនួន ១៥ខ្សែ មានប្រវែងជិត ១២គីឡូម៉ែត្រ ក៏ត្រូវស្ថាបនាផងដែរ។ អនុវិថីនីមួយៗ មានទទឹងផ្លូវពី ១៥ ម៉ែត្រ ទៅ ៤៥ម៉ែត្រ ទ្រូងផ្លូវទទឹង ១០,២៥ម៉ែត្រ មានគន្លងផ្លូវរថយន្ត ២គន្លង និងផ្លូវទោចក្រយានយន្ត២ គន្លង។ ជាពិសេសធានាបានគុណភាពខ្ពស់ រឹងមាំ ប្រើប្រាស់បានយូរអង្វែង ការស្ថាប នាផ្លូវទាំង៣៤ខ្សែ ត្រូវគោរពតាមគោលការណ៍ និងលក្ខណៈបច្ចេកទេស ដែលគោរពតាមផែនការរៀបចំដែនដីខេត្តព្រះសីហនុ ចក្ខុវិស័យឆ្នាំ២០៣០។ ការកំណត់អ័ក្សផ្លូវតាមចំណុចកណ្តាលនៃដីចំណីផ្លូវសាធារណៈស្របតាមប្លង់សុរិយោ ដី ហើយការសាងសង់តាមគម្រោងប្លង់បច្ចេកទេសលម្អិតនៃខ្សែផ្លូវនីមួយៗដែលសិក្សាដោយគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា អនុលោមតាមបទដ្ឋានរបស់ក្រសួងសាធារណការ និងដឹកជញ្ជូន។ ពិសេសជាងនេះ ផ្លូវសំខាន់ៗនឹងត្រូវបំពាក់កាមេរ៉ាសុវត្ថិភាពផងដែរ។ រាជរដ្ឋាភិបាលបានកំណត់ក្នុងផែនការរៀបចំដែនដីខេត្តព្រះសីហនុ ចក្ខុវិស័យឆ្នាំ ២០៣០ គឺរៀបចំ និងអភិវឌ្ឍខេត្តព្រះសីហនុ ជាប៉ូលអភិវឌ្ឍជាតិប្រកបដោយចីរភាពនៅតំបន់ឆ្នេរសមុទ្រកម្ពុជា តាមរយៈការអភិវឌ្ឍទីក្រុងទំនើប រមណីយដ្ឋានឆ្នេរសមុទ្រដែលស្អាតបំផុតលើសកលលោក និងជាតំបន់សេដ្ឋកិច្ចពិសេសគំរូពហុបំណង ច្រកចេញចូលអន្តរជាតិ មជ្ឈមណ្ឌលកំណើនជាតិ មជ្ឈមណ្ឌលភស្តុ ភារកម្មជាតិ ដោយមានទំនាក់ទំ នងជាមួយទីផ្សារអាស៊ាន និងទីផ្សារសកលលោក និងជាមជ្ឈមណ្ឌលឧស្សាហកម្ម ផលិតកម្មបែបបច្ចេកវិទ្យាទំនើប ដែលមានសុខដុមនីយកម្មជាមួយនឹងបរិស្ថានរស់នៅល្អប្រសើរ។

គួរបញ្ជាក់ថា ផ្លូវទាំង ៣៤ខ្សែនេះ ត្រូវបានសម្តេចតេជោ អញ្ជើញបើកការដ្ឋានសាងសង់កាលពីថ្ងៃទី១៦ ខែវិច្ឆិកា ឆ្នាំ២០១៩ ដោយរាជរដ្ឋាភិបាលកម្ពុជា បានសម្រេចបញ្ចេញកញ្ចប់ថវិកាជាតិប្រមាណជាង ៣០០លានដុល្លារអាមេ រិក ដើម្បីកសាងផ្លូវទាំងនេះប្រកបដោយប្រណីតភាពដំបូងបំផុតនៅក្នុងប្រទេសកម្ពុជា៕

ខេត្តបន្ទាយមានជ័យ ៖ មេឃបង្អុរភ្លៀងធ្លាក់នាំយកមកជាមួយខ្យល់កន្ត្រាក់ហើយបានបោកបក់យ៉ាងខ្លាំងមកលើស្រុកក្រុងចំនួន ដោយបំផ្លាញលំនៅដ្ឋានបងប្អូនប្រជាពលរដ្ឋអស់ជាច្រើនខ្នងនិងបានឆក់យកជីវិតក្មេងប្រុស-ស្រីខណៈកំពុងស៊ីឈ្នួលដាំដំឡូងអោយគេ។ ហេតុការណ៍នេះកើតឡើងនាល្ងាចថ្ងៃទី៣១ ខែឧសភា ហើយនៅព្រឹកថ្ងៃទី១ ខែមិថុនា ឆ្នាំ២០២០ ក្រោយថ្ងៃកើតហេតុ អភិបាលក្រុង សិរីសោភ័ណ លោក ហ៊ឹល រ៉ាយ៉ា បានដឹកនាំក្រុមការងារចុះជួបសាកសួរសុខទុក្ខនិងជួសជុលលំនៅដ្ឋានជូនពួកគាត់វិញដោយប្រើប្រាស់កងកម្លាំងចម្រុះ មានកម្លាំងអាវុធហត្ថ ក្រុង កម្លាំងនគរបាល ក្រុង ផ្នែកសឹករងក្រុង និងមានការចូលរួមពីកងកម្លាំងតំបន់ប្រតិបត្តិការសិករងខេត្ត បានប្រេីប្រាស់មធ្យោបាយសរុប កម្លាំងសរុប វិធានការសរុប ។
យោងតាមរបាយការណ៍របស់អាជ្ញាធរមូលដ្ឋានបានអោយដឹងថាក្រុងសិរីសោភ័ណមានសង្កាត់ចំនួនពីរបានទទួលរងនូវផលប៉ះពាល់ក្នុងនោះមានសង្កាត់ម្កាក់ និងសង្កាត់ភ្នៀតសរុបចំនួន១១ខ្នងផ្ទះ ។
លោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណក៏បានប្រគល់សង្ក័សីដែលជាអំណោយ ឯកឧត្ដម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ប្រគល់ជូនគ្រួសាររងគ្រោះទាំង២សង្កាត់ខាងលើផងដែរ។

ជួបសំណេះសំណាលជាមួយបងប្អូនប្រជាពលរដ្ឋរងគ្រោះ លោក ហ៊ឹល រ៉ាយ៉ា បានក្រើនរំលឹក ឲ្យបងប្អូនពលរដ្ឋត្រូវមានការប្រុងប្រយ័ត្នឲ្យបានខ្ពស់ចំពោះបាតុភូតធម្មជាតិដែលតែងកេីតមាន ជាក់ស្តែវនូវរដូវនេះភ្លៀងបានចាប់ផ្តេីមធ្លាក់ជាបន្តបន្ទាប់ លាយឡំ ជាមួយនឹងផ្គរ រន្ទះ និងខ្យល់កន្រ្តាក់ ដែលវាធ្វេីឲ្យប៉ះពាល់ដល់ផ្ទះសំបែងរបស់បងប្អូនប្រជាពលរដ្ឋ មិនតែប៉ុណ្ណោះទៀតសោតវាក៏បានឆក់យកអាយុជីវិតសមាជិកគ្រួសារបងប្អូនផងដែរតាមរយៈរន្ទះបាញ់ជាដើម។ ដូច្នេះសូមបងប្អូន បង្កើនការប្រុងប្រយត្ន័អោយបានបានខ្ពស់ នៅពេលមេឃរកកលចង់ភ្លៀង ឬផ្គរ រន្ទះ ខ្យល់កន្ត្រាក់ សូមបងប្អូនរកកន្លែងមានសុវត្ថិភាព ជៀសវាងរងគ្រោះជាយថាហេតុ។

សូមបញ្ជាក់ផងដែរថា ៖ កាលពីល្ងាចថ្ងៃទី៣១ខែឧសភា ឆ្នាំ២០២០ នោះដែរក្រៅពីក្រុងសិរីសោភ័ណនៅមានស្រុកមួយចំនួនទៀតក៏ទទួលរងគ្រោះដោយខ្យល់កន្ត្រាក់នេះដែរក្នុងនោះមានស្រុកព្រះនេត្រព្រះ រលំលំនៅដ្ឋានរបស់ប្រជាពលរដ្ឋចំនួន៧ខ្នង សាលារៀន១ខ្នង ខូចខាតរបើកដំបូល។ ស្រុកស្វាចេក មានក្មេងប្រុសម្នាក់អាយុ១៥ឆ្នាំបានស្លាប់ និងយុវតីម្នាក់ អាយុ១៨ឆ្នាំ រងរបួស ដោយសាររន្ទះបាញ់ ខណៈពេលដែលជនរងគ្រោះទាំង២នាក់ ទៅស៊ីឈ្នួលដាំដំឡូងមីឲ្យអ្នកភូមិជាមួយ នៅចម្ងាយពីភូមិភូមិប្រមាណ២.១០០ម៉ែត្រ ត្រង់ចំណុចត្រពាំងក្រសាំងចំងាយពីភូមិខ្វាវកើត ឃុំរលួស ស្រុកស្វាយចេក ។ ជនរងគ្រោះឈ្មោះ ឡោម សុជាតិ ភេទប្រុស អាយុ ១៥ឆ្នាំ រស់នៅភូមិបែកចានថ្មី ឃុំរលួស ស្រុកស្វាយចេក ខេត្តបន្ទាយមានជ័យ ស្លាប់នៅនឹងកន្លែង ហេីយត្រូវបានក្រុមគ្រួសារយកទៅចាត់ចែងធ្វើបុណ្យតាមប្រពៃណី និងម្នាក់ទៀតឈ្មោះ យិន ឈុនលី ភេទ ស្រី អាយុ ១៨ឆ្នាំ រស់នៅភូមិ ឃុំជាមួយគ្នា (របួស) ត្រូវបានបញ្ជូនទៅព្យាបាលនៅមន្ទីរពេទ្យបង្អែកស្រុកស្វាយចេក៕

ភ្នំពេញ ៖ លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យ នៃអគ្គស្នងការដ្ឋាននគរបាលជាតិបានឲ្យដឹងថា រយៈពេល៣២ថ្ងៃ នៃការរឹតបន្ដឹងច្បាប់ចរាចរណ៍ផ្លូវគោក ដោយបង្កើនប្រាក់ពិន័យ តាមអនុក្រឹត្យលេខ៣៩ ពោលគឺថ្ងៃទី០១ ខែឧសភា ដល់ថ្ងៃទី០១ ខែមិថុនា ឆ្នាំ២០២០នេះ នគរបាលចរាចរណ៍ទូទាំងប្រទេស បានត្រួតពិនិត្យ និងផាកពិន័យយានយន្ត ៤៥៧៧៩គ្រឿង ក្នុងនោះម៉ូតូ ៣៣៥៨៥គ្រឿង និងរថយន្តគ្រប់ប្រភេទ ១២១៩៤គ្រឿង។

បើតាមលោកឧត្តមសេនីយ៍ឯកបានបញ្ជាក់ថា បទល្មើសកត់សម្គាល់សម្រាប់ម៉ូតូ គឺអត់មួក ល្មើសសញ្ញា គ្មានស្លាកលេខ ដឹកលើសទម្ងន់ និងប្រើប្រាស់ទូរស័ព្ទដៃ ដោយឡែកបទល្មើសកត់សម្គាល់ សម្រាប់រថយន្ត គឺលើសល្បឿន អត់ខ្សែក្រវាត់ ល្មើសសញ្ញា លើសទម្ងន់ ប្រើប្រាស់ទូរស័ព្ទ អត់ស្លាកលេខ និងស្រវឹង។ លោកឧត្តមសេនីយ៍ឯកថា រយៈពេល ៣២ថ្ងៃនេះ ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើស បានដំណើរការទៅយ៉ាងល្អប្រសើរ។

សម្រាប់ថ្ងៃទី០១ ខែមិថុនា ឆ្នាំ២០២០នេះដែរ មានយានយន្ត ១០១៤គ្រឿង ត្រូវបានត្រួតពិនិត្យ និងផាកពិន័យ។ ក្នុងនោះ ម៉ូតូមាន ៨៥៩គ្រឿង ខណៈរថយន្តមានចំនួន ១៥៥គ្រឿង។

លោកបានថ្លែងអំណរគុណ និងកោតសរសើរដល់ជនរួមជាតិ ជាអ្នកប្រើប្រាស់ផ្លូវទាំងអស់ ដែលបានចូលរួមគោរពច្បាប់ចរាចរណ៍យ៉ាងល្អប្រសើរ រយៈពេលកន្លងមកនេះ ជាពិសេសកោតសរសើរ និងអរគុណ ដល់នគរបាលចរាចរណ៍ ដែលបានលះបង់ និងខិតខំប្រឹងប្រែងជំរុញការរឹតបន្តឹងចរាចរណ៍ ប្រកបដោយស្មារតីទទួលខុសត្រូវខ្ពស់បំផុត៕

ភ្នំពេញ ៖ ស្ថានឯកអគ្គរាជទូតកម្ពុជា ប្រចាំសហរដ្ឋអាមេរិក បានអំពាវនាវដល់ប្រជាពលរដ្ឋខ្មែរដែលកំពុងរស់នៅ និងសិក្សារៀនសូត្រនៅសហរដ្ឋអាមេរិក ស្ថិតនៅឱ្យឆ្ងាយពីការជួបជុំ ឬប្រមូលផ្តុំនានា ទោះបីក្រោមរូបភាព ឬមូលហេតុអ្វីក៏ដោយ។ ស្ថានឯកអគ្គរាជទូត ក៏បានអំពាវនាវឱ្យកាត់បន្ថយការចេញទៅក្រៅផងដែរ។

ការអំពាវនាវរបស់ស្ថានឯកអគ្គរាជទូតបែបនេះ ដើម្បីគេចផុតពីហានិភ័យ ឬគ្រោះថ្នាក់ ដែលអាចបណ្តាលមកពីការធ្វើបាតុកម្មតវ៉ានានា ដែលកំពុងរីករាលដាល និងមានភាពហិង្សានៅតាមបណ្តារដ្ឋនានានៅសហរដ្ឋអាមេរិកនោះ។

ក្នុងលិខិតអំពាវនាវធ្វើឡើងនៅថ្ងៃទី០១ ខែមិថុនា ឆ្នាំ២០២០នោះ ស្ថានឯកអគ្គរាជទូតកម្ពុជាប្រចាំសហរដ្ឋអាមេរិក បានអំពាវនាវដល់ប្រជាពលរដ្ឋ និងសិស្សនិស្សិតគោរពឱ្យបានខ្ជាប់ខ្លួនតាមបម្រាមគោចរ និងបម្រាមនានារបស់អាជ្ញាធរមូលដ្ឋាន ដែលខ្លួនកំពុងស្ថិតនៅ។ បន្ថែមពីលើនេះ ក្នុងករណីចាំបាច់ ត្រូវប្រកាន់នូវស្មារតីប្រុងប្រយ័ត្នខ្ពស់បំផុត ចំពោះសុវត្ថិភាពផ្ទាល់ខ្លួនពីការឆ្លងជំងឺ និងហានិភ័យជាយថាហេតុបណ្ដាលពីបាតុកម្ម។

បើតាមស្ថានឯកអគ្គរាជទូតកម្ពុជា ប្រចាំសហរដ្ឋអាមេរិក ទ្រព្យសម្បត្តិ ព្រមទាំងអាជីវកម្មមួយចំនួនរបស់ប្រជាពលរដ្ឋខ្មែរនៅទីក្រុងឡុងប៊ិច សហរដ្ឋអាមេរិក បានរងការបំផ្លិចបំផ្លាញ ដោយសារតែព្យុះបាតុកម្មទាមទារយុត្តិធម៌នេះផងដែរ៕

ភ្នំពេញ ៖ រដ្ឋបាលរាជធានីភ្នំពេញ បាន​ប្រកាសថា ការដ្ឋាន​សាងសង់​ស្ពាន​អាកាស និង​ផ្លូវក្រោមដី​ចោមចៅ បាន​ឈាន​ដល់​ដំណាក់កាល​សាងសង់​ភ្ជាប់​ផ្លូវក្រោមដី ដែល​ផ្នែកសងខាង​នៃផ្លូវក្រោមដី​បាន​ស្ថាបនារួច ហើយ​ចាំបាច់​ត្រូវបិទចរាចរ តភ្ជាប់ពីមហាវិថី​សហព័ន្ធរុស្ស៊ី និងផ្លូវជាតិលេខ៤ មកផ្លូវវេងស្រេង។ ក្នុងនោះ ការពង្វាងចរាចរណ៍នៅទីតាំងនេះ ត្រូវធ្វើឡើង​ចាប់ពីថ្ងៃទី២ ​មិថុនា ដល់​ថ្ងៃទី ៣១ ​កក្កដា ២០២០ ដែលមានរយៈពេល ៦០ថ្ងៃ។

សូមអានបន្ថែម​ខាងក្រោម៖