ភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញអនុក្រឹត្យថ្មីមួយស្តីពីតារាងភាគនៃប្រាក់ចំណូលជាប់ពន្ធប្រចាំឆ្នាំ និងតារាងភាគនៃប្រាក់បៀវត្សជាប់ពន្ធប្រចាំខែ។

ក្នុងអនុក្រឹត្យបានបញ្ជាក់ថា អនុក្រឹត្យថ្មីនេះ មានគោលដៅកំណត់ភាគនៃប្រាក់ចំណូល ជាប់ពន្ធប្រចាំឆ្នាំ ដែលសម្រេចបានដោយរូបវន្តបុគ្គល សហគ្រាសឯកបុគ្គល និងចំណែកដែលត្រូវបែងចែកឲ្យសមាជិកម្នាក់ៗ របស់ក្រុមហ៊ុនសហកម្មសិទ្ធិ ដែលមិនត្រូវបានចាត់ទុកជាតិនីតិបុគ្គល និងភាគនៃប្រាក់បៀវត្សជាប់ពន្ធ ប្រចាំខែរបស់និយោជិតនិវាសនជន៕

សូមអានអនុក្រឹត្យទាំងស្រុង៖

ប្រទេសថៃ ៖ ពលករខ្មែរចំនួន ១២នាក់ ជិះតាមរថយន្តដឹកអ្នកដំណើរមួយគ្រឿងបានស្លាប់បាត់បង់ជីវិតម្នាក់ និង១១ នាក់ទៀត រងរបួសធ្ងន់ ស្រាល ខណៈដែលពួកគេទាំងអស់គ្នា បានម៉ៅរថយន្តនេះចេញដំណើរពីស្រុកអារញ្ញប្រាថេត ក្នុងខេត្តស្រះកែវ ទៅកាន់រោងចក្រមួយកន្លែង ក្នុងខេត្តសុងខ្លា ហើយក៏បានជួបនឹងឧប្បទ្ទវហេតុ គ្រោះថ្នាក់ចរាចរណ៍នៅតាមផ្លូវ ដោយសភាពផ្លូវរអិល ។

យោងតាមរបាយការណ៍របស់ក្រុមហ៊ុនមូលនិធិ មិត្តភាព សាមគ្គី ហាតយ៉ៃ បានបញ្ជាក់ថា ហេតុការណ៍ដ៏រន្ធត់នេះ បានកើតឡើងនៅវេលាម៉ោង ៧ និង ៣០ នាទី ព្រឹក ថ្ងៃទី ១៨ ខែកុម្ភះ ឆ្នាំ២០២០ ដោយ រថយន្តម៉ាកតួរីស ដឹក ពលករ ខ្មែរ ចំនួន ១២ នាក់ ពី ព្រំដែន អារញ្ញ ប្រាថេត ទៅ ខេត្ត សុងខ្លា ជួប គ្រោះថ្នាក់ ចរាចរណ៍ តាម ផ្លូវ បណ្ដាល ឲ្យ ពលការិនីខ្មែរ ស្លាប់បាត់បង់ ជីវិត ០១នាក់ របួស ធ្ងន់ស្រាល ១១នាក់ ។

ហេតុការណ៍ នេះ បានកេីតឡើងនៅម្ដុំផ្លូវជាតិអេសៀររ៉ាត់តះភូមិ ស្ថិត នៅ ក្នុង ភូមិ ៤ សង្តាត់ថាឆាង ស្រុកបាង ក្លាំ ខេត្ត សង់ក្លា ប្រទេស ថៃ ។

យោង តាម ប្រភព ព័ត៌មាន បាន ឲ្យ ដឹង ថា រថយន្ត ឈ្នួល ខាង លើ បាន ធ្វើ ដំណើរ ទៅទទួល ពលករខ្មែរចំនួន១២នាក់ ពី ព្រំដែន ស្រុក អារញ្ញ ប្រាថេត ក្នុងខេត្តស្រះកែវ ដេីម្បី បន្ត ដំណើរ ទៅ ខេត្ត សុងខ្លា ប៉ុន្ដែ អកុសល រថយន្ត ឈ្នួល ខាង លើ បាន ជ្រុល ទៅ បុក គូទ រថយន្ត សណ្ដោង តាម ផ្លូវ ដែលឈប់សំចត បណ្ដាល ឲ្យ មាន មនុស្ស ស្លាប់ និង រង របួស ជា ច្រើន នាក់ បច្ចុប្បន្ន ជនរងគ្រោះ ត្រូវ បាន សមត្ថកិច្ច ថៃ បញ្ជូន យក ទៅ ព្យាបាល នៅ មន្ទីរ ពេទ្យ បាងក្លាំ និង មន្ទីរពេទ្យ ហាតយ៉ៃ ខេត្ដសង់ក្លា ។

នៅកន្លែងកើតហេតុនោះដែរ គេសង្គេតឃើញអ្នកបើកបររថយន្តធំឈ្មោះ ផុងសាក់ ច័ន្ទថន កំពុងឈររេរារង់ចាំសមត្ថកិច្ចហៅទៅសាកសួរ ដោយលោកមិនបានគេចខ្លួនទៅណានោះទេ ។

ដោយឡែក អ្នកបើកបររថយន្តតួរីសឈ្មោះ វ៉ាត់រិន ផៈកៈម៉ា អាយុ ៥៣ ឆ្នាំ ដែលបានរងរបួសស្រាល បាននិយាយថា រថយន្តរបស់លោកត្រូវបានគេជួលអោយដឹកពលករខ្មែរស្របច្បាប់ ពីព្រំដែនថៃ កម្ពុជា ក្នុងស្រុកអារញ្ញប្រាថេត ទៅកាន់រោងចក្រផលិតអាហារសមុទ្រ មួយកន្លែង ក្នុងខេត្តសុងខ្លា ។

លោកបានបន្តថា លុះមកដល់ត្រង់ចំណុចកើតហេតុ គឺលោកក៏បានឃើញដែរ ចំពោះរថយន្តធំដែលកំពុងឈប់នៅលើផ្លូវផ្នែកខាងឆ្វេងដៃ ( ថៃប្រកាន់ឆ្វេង ) ដោយលោកបានបួងចង្កូតងាកទៅខាងស្តាំដើម្បីឡើងជែងរថយន្តនោះ ប៉ុន្តែដោយសារផ្លូវទើបភ្លៀងរួច ហាក់បីដូចជាមានសភាពរអិល គឺរថយន្តរបស់លោកមិនអាចគេចផុតពីរថយន្តធំ ទើបធ្វើអោយជញ្ជាំងមួយចំហៀងផ្នែកខាងឆ្វេង ត្រូវច្រៀកខ្ទេចគ្មានសល់ ទើបបង្កអោយមានបញ្ហាបែបនេះ ។

បច្ចុប្បន្នតម្រួតថៃកំពុងធ្វើការយ៉ាងសស្រាក់សស្រាំហើយចំពោះបញ្ហាខាងលើនេះ ក្នុងការដោះស្រាយទៅលើអាយុជីវិតពលករខ្មែរទាំងស្លាប់ និង របួស ដោយសារតែពួកគេសុទ្ធតែជាពលករដែលចូលទៅបម្រើការងារស្របច្បាប់ទាំងអស់ ៕

ខេត្តកំពង់ចាម ៖ ជនសង្ស័យក៏ម្នាក់ត្រូវបានកំលាំងជំនាញរបស់ស្នងការដ្ឋាននគរបាលខេត្តកំពង់ចាម តាមប្រម៉ាញ់ចាប់ខ្លួនបាន បន្ទាប់ពីបានធ្វើសកម្មភាពវាយសំលាប់ប្រពន្ធខ្លួនហើយគេចខ្លួន។

លោកឧត្តមសេនីយ៍ត្រី ហេង វុទ្ធីស្នងការរងនគរបាលខេត្តកំពង់ចាមបានអោយដឹងថានៅថ្ងៃទី១៨ខែកុម្ភះឆ្នាំ២០២០វេលាម៉ោង៦និង៣០នាទី សមត្ថកិច្ចនគរបាលយើងបានទទួលពត៌មានពីប្រជាពលរដ្ឋថាបានប្រទះឃើញមនុស្សស្លាប់ នៅចំណុចក្បែរមាត់ស្រះ ស្ថិតនៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម ។

បន្ទាប់ពីទទួលបានពត៌ភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាអោយកម្លាំងសមត្ថកិច្ចនគរបាលជំនាញស្រុកកំពង់សៀម សហការជាមួយកម្លាំងសមត្ថកិច្ចជំនាញព្រហ្មទណ្ឌខេត្ត និងកម្លាំងសមត្ថកិច្ចជំនាញបច្ចេកទេសខេត្តកំពង់ចាម ព្រមទាំងកម្លាំងសមត្ថកិច្ចនគរបាលប៉ុស្តិ៍រដ្ឋបាលរអាងចាត់វិធានការជាបន្ទាន់ចុះដល់កន្លែងកើតហេតុធ្វើការស្រាវជ្រាវ និងពិនិត្យលើសាកសពឈ្មោះ ចន្ធូ ភេទស្រី អាយុប្រហែល ៣០ឆ្នាំ ជាង មិនស្គាល់ស្រុកកំណើត បច្ចុប្បន្នស្នាក់នៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម ។

លោក ហេង វុទ្ធី បានបន្តថាបន្ទាប់ពីធ្វើការពិនិត្យនិងស្រាវ ជ្រាវរួចមក សមត្ថកិច្ចជំនាញកំណត់បានមុខសញ្ញាជនសង្សយឈ្មោះ ណេន ប៉ឹក ភេទប្រុស អាយុ២៥ឆ្នាំ ជាតិខ្មែរ មានទីលំ នៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម (ត្រូវជាប្តី) បានធ្វើសកម្មភាពវាយសម្លាប់ទៅ NJ in the TVលើជនរងគ្រោះ។ ក្រោយធ្វើសកម្មភាពរួចជនសង្ស័យបានរត់គេចខ្លួនបាត់ពីមូលដ្ឋាន ។ លោក ហេង វុទ្ធី បានបញ្ជាក់ថាបច្ចុប្បន្នសាកសពជនរងគ្រោះត្រូវបានក្រុមបរក្សាឃុំរអាង យកទៅបញ្ចុះនៅមុខវត្តបល្ល័ងពេជ្រ ស្ថិតនៅភូមិ៕

ភ្នំពេញ ÷ អ្នកនាំពាក្យសាលាខេត្តព្រះសីហនុ បានបញ្ជាក់នៅថ្ងៃនេះថា អ្នកទេសចរចំនួន២៣៣នាក់ចុងក្រោយ បានចាកចេញពីនាវា Westerdam ហើយនៅថ្ងៃពុធនេះ ក្រោយពីលទ្ធផលតេស្តអវិជ្ជមាននៃវីរុស COVID-19។

លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុ បានឲ្យដឹងនៅរសៀលថ្ងៃនេះថា អ្នកទេសចរចំនួន២៣៣នាក់ចុងក្រោយ បានចាកចេញពីនាវា Westerdam អស់ហើយនៅព្រឹកថ្ងៃពុធនេះ ក្រោយលទ្ធផលពីវិទ្យាស្ថាន ប៉ាស្ទ័ររកមិនឃើញវត្តមាននៃវីរុសចំពោះពួកគេទាំងអស់។ អ្នកទេសចរទាំងនោះ បានធ្វើដំណើរមកកាន់រាជធានីភ្នំពេញ តាមរថយន្តក្រុងចំនួន១០ ដែលអាជ្ញាធរបានរៀបចំ ដើម្បីបន្តដំណើរទៅកាន់ប្រទេសរៀងៗខ្លួនវិញ។ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងនាយកប្រតិបត្តិនាវា Westerdam លោក Orlando Ashford និងតំណាងកំពង់ផែស្វយ័តក្រុងព្រះសីហនុ បានទទួលស្វាគមន៍អ្នកទេសចរណ៍ ចុះពីលើនាវា ថែមទាំងជូននូវវត្ថុអនុស្សាវរីយ៍ដល់អ្នកទេសចរម្នាក់មួយផងដែរ។

យ៉ាងណាក្តីចំពោះនាវិកចំនួន៧៤៧នាក់វិញ ពួកគេត្រូវរង់ចាំលទ្ធផលពីវិទ្យាស្ថានប៉ាស្ទ័រសិន ដើម្បីបង្ហាញថាពួកគេបានចាកចេញពីកម្ពុជាទៅវិញជាមួយនឹងសុខភាពល្អ និងសុវត្ថិភាព។ នេះជាការបញ្ជាក់របស់ លោក ឃាង ភារម្យ អ្នកនាំពាក្យសាលាខេត្តព្រះសីហនុ។ ចំណែកអ្នកបម្រើការងារនៅលើនាវាចំនួន៧៤៧នាក់ នឹងធ្វើដំណើរត្រឡប់ទៅវិញតាមកប៉ាល់ Westerdam ឆ្ពោះទៅកាន់ហ្វីលីពីនវិញ។ នេះជាការបញ្ជាក់របស់ លោល ទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន។ តាមការគ្រោងទុក ភ្ញៀវទេសចរ ដែលនៅសល់ជាង៥០០នាក់ នឹងធ្វើដំណើរទៅកាន់ប្រទេសរៀងៗខ្លួន នៅថ្ងៃទី២០ ខែកុម្ភៈ ឆ្នាំ២០២០។

សូមបញ្ជាក់ដែរថា នៅក្នុងសេចក្តីប្រកាសព័ត៌មានរបស់ក្រសួងសុខាភិបាល នៅព្រឹកថ្ងៃទី១៩ កុម្ភៈនេះ បានបញ្ជាក់ថា សំណាកអ្នកដំណើរតាមនាវាខ្នាតធំ Westerdam នៅខេត្តព្រះសីហនុ និងនៅរាជធានីភ្នំពេញចំនួន៧៨១នាក់ ត្រូវ បានធ្វើតេស្តទាំងអស់ ដោយទទួលលទ្ធផលអវិជ្ជមាននៃវីរុសកូរូណាថ្មី។ ចំពោះស្ថានភាពរបស់អ្នកដំណើរទាំងអស់ មិនមានបញ្ហាគួរឲ្យកត់សំគាល់ឡើយ គឺមានសុខភាពធម្មតា និងមិនមានអ្នកមានឡើងកំដៅខ្លួនឡើយ។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ម្សិលម៉ិញថា ការអនុញ្ញាឲ្យនាវាខ្នាតយក្សមួយនេះចូលចត គឺដើម្បីបុព្វហេតុជួយសង្គ្រោះប្រជាពលរដ្ឋ គ្រប់ជាតិសាសន៏នៅលើនាវា និងដើម្បីដោះស្រាយវិបត្តិមនុស្សធម៌ ត្បិតប្រទេសផ្សេងទៀត មិនព្រមឲ្យនាវាមួយនេះចូលចត៕

ភ្នំពេញ ៖ នៅក្នុងឆ្នាំ២០១៩ កម្ពុជានៅតែរក្សាបានអត្រាមានការងារធ្វើ ៩៩.៣% ដដែល ខណៈចំនួនប្រជាពលរដ្ឋដែលមានការងារ ធ្វើមានប្រមាណ១០លាននាក់ កំពុងធ្វើការនៅក្រៅប្រទេស និងក្នុងប្រទេស ក្នុងនោះមានទាំងសេដ្ឋកិច្ចក្នុងប្រព័ន្ធ និងក្រៅប្រព័ន្ធ វិស័យកសិកម្ម មន្ត្រីសាធារណៈ និងផ្នែកនានាមួយចំនួនទៀត។ នេះបើតាមរបាយការណ៍របស់ក្រសួងការងារ និងបណ្ដុះបណ្ដាលវិជ្ជាជីវៈ។

របាយការណ៍នេះត្រូវបានបង្ហាញឡើងក្នុងសន្និបាតបូកសរុបការងារឆ្នាំ២០១៩ និងទិសដៅបន្តនៅឆ្នាំ២០២០ របស់ក្រសួងការងារ នាថ្ងៃទី១៩ ខែកុម្ភៈ ឆ្នាំ២០២០ នៅទីស្ដីការក្រសួងការងារ ក្រោមអធិបតីភាពលោក អ៉ិត សំហេង រដ្ឋមន្ត្រីក្រសួងការងារ។

នាឱកាសនោះ លោករដ្ឋមន្ត្រីបានឱ្យដឹងថា ក្រសួងបានខិតខំបន្តគ្រប់គ្រងទីផ្សារការងារ និងកម្លាំងពលកម្មដែលរាជរដ្ឋាភិបាលខិតខំបង្កើតការងារជូនប្រជាពលរដ្ឋ រហូតមានកម្លាំងពលកម្មសរុបប្រមាណ ១០លាននាក់។

លោកបានបន្តថា ក្នុងចំណោមកម្លាំងពលកម្មសរុបប្រមាណ ១០លាននាក់នោះ មានអ្នកធ្វើការនៅក្នុងប្រទេសប្រមាណ ៣.៦៩លាននាក់ (នៅក្នុងផ្នែកសេដ្ឋកិច្ចក្នុងប្រព័ន្ធមានប្រមាណជាង ១.៥០លាននាក់ និងផ្នែកសេដ្ឋកិច្ចក្រៅប្រព័ន្ធមានប្រមាណ ២.២លាននាក់) នៅក្នុងវិស័យកសិកម្មមានប្រមាណ ៤លាននាក់ មន្ត្រីសាធារណៈមានប្រមាណ ៥០ម៉ឺននាក់ ព្រមទាំងពលករ និងកម្មសិក្សាការីនៅក្រៅប្រទេសមានប្រមាណជាង ១.២៨លាននាក់ ដោយបាននាំចំណូលប្រមាណ ៦.៥០០លានដុល្លារ៕

ភ្នំពេញ ÷ អគ្គរដ្ឋទូតអាមេរិកប្រចាំនៅកម្ពុជា លោក ផាទ្រីក មើហ្វី បានចាត់ទុកឥរិយាបថរបស់កម្ពុជា ថា ជាកាយវិការមនុស្ស ធម៌យ៉ាងធំធេងសម្រាប់ពិភពលោក។ ការបង្ហាញទស្សន:បែបនេះខណៈលោកជួបពិភាក្សាការងារជាមួយ
សម្ដេចតេជោ ហ៊ុន សែន នាយករដ្ឋមន្ត្រីនៃព្រះរា ជាណាចក្រកម្ពុជា។

លោកអគ្គរដ្ឋទូតអាមេរិកប្រចាំកម្ពុជា ក៏បានអរគុណចំពោះរាជរដ្ឋាភិបាល និងប្រជាជនកម្ពុជាទាំងមូល ដែលបានឆ្លើយតប យ៉ាងឆាប់រហ័សជាទី បំផុត ក្នុងការទទួលឲ្យកប៉ាល់ westerdam បានចូលចតនៅក្រុងព្រះសីហនុ ។

ឯកឧត្តម ចាត់ទុកថា នេះជាកាយវិកា មនុស្សធម៌យ៉ាងពិតប្រាកដ ហើយប្រសិនបើគ្មានការអនុញ្ញាតឱ្យចូលចតទេនោះ នោះនឹងអាចមាន វិបត្តិមនុស្សធម៌ជាក់ជាមិនខាន ។ លោក បានបញ្ជាក់ថា អាមេរិក បានសហការជាមួយស្ថាប័នកម្ពុជា ជាពិសេ សក្រសួងសុខាភិបាល ក្រសួងក្រសួងទេសចរណ៍ ក្រសួងសាធារណការ និងអាជ្ញាធរដែនដី បានយ៉ាងល្អ។ អ្វីដែលជាកត្តាសំខាន់នោះ គឺនៅពេលនេះយើងមានមូលដ្ឋានកិច្ចសហប្រតិបត្តិការយ៉ាងរឹងមាំជាមួយនឹងក្រសួងសុខាភិបាល ហើយសហរដ្ឋអាមេរិកនឹងបន្តសហការជាមួយកម្ពុជាបន្តទៀត។

សម្ដេចតេជោ មានប្រសាសន៍ថា អ្វីដែលកម្ពុជាធ្វើ គឺដើម្បីការងារមនុស្សធម៌សុទ្ធសាធ ហើយការងារនេះ គឺធ្វើដើម្បីបញ្ចៀសកុំឲ្យមានវិបត្តិមបុស្សធម៌ ព្រោះថាប្រសិនណា បើនាវា westerdam នេះ មិនត្រូវបានអនុញ្ញាតឱ្យចូលចតនៅកំពង់ផែក្រុងព្រះសីហនុទេ មិនដឹងថាកប៉ាល់នេះ ត្រូវបានទៅចូលចតនៅទីណាឡើយ។

ម្យ៉ាងទៀតប្រសិនបើ មានអ្វីកើតឡើងនៅលើកប៉ាល់នោះ អ្នកដំណើរពិតជាមានបញ្ហាជាមិនខាន។ សម្ដេចបានបញ្ជាក់ថា បើទោះបីកប៉ាល់មានអ្នកជំងឺ ក្ដី ក៏កម្ពុជានៅតែឲ្យចូលចតនៅកម្ពុជាដែរ ហើយកាន់តែឱ្យចូលចតកាន់តែលឿនបំផុតទៀតផង ដើម្បីធ្វើយ៉ាងណាជួយសង្គ្រោះអ្នកជំងឺនៅលើកប៉ាល់ កុំឲ្យឆ្លងទៅកាន់អ្នកដទៃទៀត។ សម្ដេចពិតជាមានក្ដី សង្វេគចិត្តខ្លាំងណាស់ ពេលឃើញអ្នកដំណើរចុះមកពីកប៉ាល់ ដោយទឹកមុខរីករាយ ហើយខ្លះទៀត បាន ឱនលុតជង្គង់ថើបដី ដែលនោះគឺជាកាយវិកាមួយ ធ្វើឱ្យសម្ដេចមានភាពតក់ស្លុតបំផុត។ សម្ដេចបានថ្លែងថា នៅពេលនេះអ្នកដំណើរតាមកប៉ាល់ភាគច្រើនបានចេញពីកម្ពុជាទៅហើយ ហើយមិនមានផ្ទុកមេរោគអ្វីសោះឡើយ លើកលែងតែអ្នកដំណើរម្នាក់ដែលឆ្លងកាត់ប្រទេសម៉ាឡេស៊ី ដែលរដ្ឋាភិបាលម៉ាឡេស៊ី បញ្ជាក់ថា មានជំងឺនេះ។

ប៉ុន្តែអ្វីយ៉ាងណាក៏ដោយ ក៏កម្ពុជាស្នើសុំឲ្យពិនិត្យឡើងវិញដែរ ថាតើពិតជាមានមែនឬអត់? ព្រោះថា អ្នកដំណើរនៅកម្ពុជាទាំងប៉ុន្មាន ដែលបានធ្វើតេស្តកន្លងមក គឺមិនមានទេ ហើយអ្នកដំណើរ ដែលបានទៅដល់ប្រទេសថៃ ក៏រដ្ឋាភិបាលថៃ ក្រសួងសុខាភិបាលថៃ បញ្ជាក់ថា មិនមានជំងឺនេះដែរ។ ម្យ៉ាងទៀតថ្មីៗនេះអ្នកធ្វើការនៅលើកប៉ាល់ ដែលជាជនជាតិឥណ្ឌូនេស៊ី ប្រមាណ២៦៣នាក់ ក៏ត្រូវបាន រដ្ឋមន្ត្រីក្រសួងការបរទេសឥណ្ឌូនេស៊ី ប្រកាសថាមិនមានជំងឺនេះដែរ៕

​ភ្នំពេញ​៖ នៅ​ព្រឹក​ថ្ងៃទី​១៩ ខែកុម្ភៈ ឆ្នាំ​២០២០​នេះ ក្រសួងសុខាភិបាល បានចេញ​សេចក្តីប្រកាស​ស្ដីពី​បច្ចុប្បន្នភាព​សុខភាព​អ្នកដំណើរ​លើ​នាវា Westerdam ទាំងអស់​ដែល​នៅ​សេសសល់​ប្រមាណ​៧៨១​នាក់ ទាំង​នៅ​រាជធានី​ភ្នំពេញ និង​ក្រុងព្រះសីហនុ គឺ​មិនមាន​មេរោគ​កូ​រ៉ូ​ណា​ថ្មី (Covid-19) ទេ ហើយ​ពេលនេះ​ភាគី​ពាក់ព័ន្ធ​កំពុង​សម្រួល​ដល់​ពួកគេ​ដើម្បី​ចាកចេញ​ពី​កម្ពុជា​។​

​ព័ត៌មាន​លម្អិត​សូម​អាន​សេចក្ដីជូនដំណឹង​របស់​ក្រសួង​ទាំងស្រុង​នៅ​ខាងក្រោម​នេះ​៖

បន្ទាយមានជ័យ ៖ គ្រឿងឧបភោគ បរិភោគ ដែលជាអំណោយរបស់សប្បុរសជនតាមរយៈសមាគមចលនាយុវជនកម្ពុជា(ក្រុម១៥៧) ក្រុងប៉ោយប៉ែត សាខាខេត្តបន្ទាយមានជ័យ ត្រូវបាននាំយកទៅចែកជូនដល់ដៃបងប្អូនប្រជាពលរដ្ឋចំនួន៦គ្រួសារនៅក្នុងភូមិក្បាលទំនប់ ឃុំអូរសំព័រ ស្រុកម៉ាឡៃដែលកំពុងជួបប្រទះនូវការខ្វះខាតព្រោះតែទីទ័លក្រ។ការចែកជូនធ្វើឡើងនៅរសៀលថ្ងៃទី១៨ ខែកុម្ភៈ ឆ្នាំ២០២០ក្រោមការចូលរួមពីអាជ្ញាធរដែនដីនិងកងកម្លាំងគ្រប់ប្រភេទ។

លោក គង់ រិទ្ធា ប្រធានសមាគមចលនាយុវជនកម្ពុជា(ក្រុម១៥៧) ក្រុងប៉ោយប៉ែត សាខាខេត្តបន្ទាយមានជ័យ បានប្រាប់ថា ក្រោមការយកចិត្តទុកដាក់និងណែនាំពីសំណាក់ឯកឧត្តម ម៉ឹង ពន្លក ប្រធានសមាគមចលនាយុវជនកម្ពុជា(ក្រុម១៥៧) ជនចាស់ជរា ជនពិការនិងមានជំងឺប្រចាំកាយខ្វះខាតជួបការលំបាក និងក្មេងងាយរងគ្រោះត្រូវបានទទួលការជួយជ្រោមជ្រែង ផ្តល់ការយកចិត្តទុកដាក់និងជួយឧបត្ថម្ភ។ ជាក់ស្តែងដោយទទួលបានព័ត៌មានថា មានជនចាស់ជរាជនពិកានិងមានជំងឺប្រចាំចំនួន៦គ្រួសាររស់នៅភូមិសាស្ត្រខាងលើដែលកំពុងជួបការលំបាក លោកបានដឹកនាំ សមាជិក និងកៀងគរសប្បុរសជនដើម្បី ជួយដល់ពួកគាត់។ក្រោយប្រមូលបានសម្ភារ និងគ្រឿងឧបភោគបរិភោគពីសប្បុរសជនសមាគមន៍បានធ្វើការបែងចែកនិងប្រគល់ជូន ក្នុង១គ្រួសារ អង្ករ៥០គីឡូក្រាម ទឹកស៊ីអ៊ីវ១យួរ ទឹកត្រី១យួរ មី១កេះស្ករស១គីឡូក្រាម អំបិល១គីឡូក្រាម ប៊ីចេង១កញ្ចប់ សាប៊ូ១កញ្ចប់ ប្រេងឆា២ដប ទឹកបរិសុទ្ធ១យួរ ត្រីខ១០កំប៉ុង ។ដោយឡែកគ្រួសារទាំង៦គ្រួសារ មានចាស់ជរា៣គ្រួសារត្រូវបានទទួលទឹកប្រាក់បន្ថែម៥ម៉ឺនរៀល ហើយសម្រាប់១គ្រួសារដែលមានជំងឺធ្ងន់ទទួលបានទឹកប្រាក់ព្យាបាល៦៦ម៉ឺនរៀល ជនពិកាដំបៅជើង២៣ម៉ឺនរៀល និងជនពិកាខ្វះខាត១គ្រួសារនៅសង្កាត់ប៉ោយប៉ែតទទួលបានថវិកា១០ម៉ឺនរៀល៕

ភ្នំពេញ ៖ ជាទិសដៅរដ្ឋបាលរាជធានីភ្នំពេញ នឹងធ្វើការប្រគល់ជូន ម៉ូតូដឹកសំរាមទំនើបៗឱ្យគ្រប់ខណ្ឌ និងសង្កាត់ទាំង១០៥ ដើម្បីងាយស្រួលក្នុងការនាំយកកាកសំណល់ទៅចាក់ ឬ ប្រមូលផ្តុំ នៅទីលានចាក់សំរាម ធ្វើយ៉ាងណាពន្លឿនការងារប្រមូលសំរាម និងថែរក្សាបរិស្ថាន អនាម័យ ជូនប្រជាពលរដ្ឋ ក្នុងរាជធានីភ្នំពេញ។

ពិធីប្រគល់ម៉ូតូដឹកសំរាមទំនើបៗជាលើកទី៣នេះ ត្រូវបានធ្វើឡើងនៅល្ងាចថ្ងៃទី១៨ ខែកុម្ភ: ឆ្នាំ២០២០ នៅសាលារាជធានីភ្នំពេញ ក្រោមវត្តមាន លោក កើត ឆែ អភិបាលរងរាជធានីភ្នំពេញ ទៅឱ្យខណ្ឌចំនួន៤គឺខណ្ឌកំបូលចំនួន៧គ្រឿង ខណ្ឌដង្កោរ១២គ្រឿង ខណ្ឌព្រែកព្នៅ៥គ្រឿង និងខណ្ឌច្បារអំពៅចំនួន២គ្រឿងបន្ថែមទៀត។

សូមបញ្ជាក់ថា កាលពីទី៤ខែវិច្ឆិកា ឆ្នាំ២០១៩ អភិបាលរាជធានីភ្នំពេញ បានប្រគល់ម៉ូតូដឹកសំរាមប្រភេទទំនើបនេះលើកទី១ដល់ចំនួន៤ គឺខណ្ឌ ជ្រោយចង្វារ,ដូនពេញ,ចំការមន និងខណ្ឌបឹងកេងកង លើកទី២នៅដើមខែកុម្ភៈ ឆ្នាំ២០២០ ប្រគល់ទៅខណ្ឌ ច្បារអំពៅ, ពោធសែនជ័យ,មានជ័យ,ទួលគោក ,៧មករា ,សែនសុខ និងរដ្ឋាករស្វយ័តផ្សារធំថ្មីចំនួន១គ្រឿង ៕