ភ្នំពេញ ៖ មនុស្សប្រុសស្រី២នាក់ បានស្លាប់បាត់បង់ជីវិត និង ក្មេងចាស់ប្រុសស្រី ប្រមាណ៥នាក់ទៀត បានរងរបួសស្រាលនិងធ្ងន់ នៅក្នុងគ្រោះថ្នាក់ចរាចរណ៍ដ៍រន្ធត់ មួយ ដែលបង្កឡើង ដោយរថយន្តម៉ាកLexus RX300ពណ៌ស្ករមួយគ្រឿងបើកបរដោយបុរសញៀ្នថ្នាំនិងស្រវឹងជោកជាំបើកបុកចូល វង់រាំងនិងផឹកស៊ីនៅក្នុងពិធីបុណ្យភូមិ ។

គ្រោះថ្នាក់ចរាចរណ៍ដ៍រន្ធត់នេះបានកើតឡើងកាលពីវេលាម៉ោងប្រមាណ១២ថ្ងៃត្រង់ទី២៨ ខែ មិនា ឆ្នាំ ២០១៩ នៅចំណុចផ្ទះលេខ១២ផ្លូវ៣២៤ ភូមិ៤ សង្កាត់បឹងសាឡាង ខណ្ឌទួលគោករាជធានីភ្នំពេញ ក្រោយអធិការដ្ឋានខណ្ឌទួលគោក ។

រថយន្តដែលបង្កនោះ ត្រូវបាននគរបាលអោយដឹងថា ម៉ាកLexus RX300ពណ៌
ស្ករពាក់ស្លាកលេខ ភ្នំពេញ2AN-2395 បើកបរដោយឈ្មោះ ទឹម គឹមតិច ភេទប្រុស អាយុ៣៣ឆ្នាំ ជនជាតិខ្មែរមុខរបរ លក់សារធម៌ដូងស្នាក់នៅផ្ទះលេខ២៥អា ផ្លូវ៣២៤
ភូមិ២ សង្កាត់បឹងសាឡាង ខណ្ឌទួលគោកជាមនុស្សញៀនថ្នាំ និងស្ថិតនៅក្នុងស្ថានភាពស្រវឹងមានកំរិតជាតិអាល់កុល ០, ២៦ ក្នុង១លីត្រខ្យល់ ។

ជនរងគ្រោះដែលបានស្លាប់បាត់បង់ជីវីត ត្រូវបាននគរបាលអោយដឹងថា ១.ឈ្មោះពិល យុំ ភេទស្រី អាយុ៦០ឆ្នាំ,២,ស៊ុយ សឿន ប្រុស អាយុ៤២ឆ្នាំ ជនជាតិខ្មែរ
មុខរបរ លក់ដូរស្នាក់នៅផ្ទះលេខជួល កន្លែងកើតហេតុ ។

ចំណែកអ្នករងរបួស ស្រាលធ្ងន់ ត្រូវបានគេស្គាល់១.ឈ្មោះណា អារីយ៉ា ភេទស្រី អាយុ៣ឆ្នាំជនជាតិខ្មែរ ស្នាក់នៅផ្ទះជួល ខណ្ឌមានជ័យ (រងបួស
ធ្ងន់)២.សំ បូរដាភេទប្រុស អាយុ៣២ឆ្នាំរបួសស្រាល៣.ថា បញ្ញា ភេទប្រុស អាយុ២០ឆ្នាំរបួសស្រាល,៤ឈ្មោះដួង ដាវ ភេទស្រី អាយុ៣០ឆ្នាំរបួសធ្ងន់និង៥ពុំត្រូវបានស្គាល់ឈ្មោះឡើយ ។ទោះបីជាយ៉ាងណា ប្រជាពលរដ្ឋ អះអាងថា មានអ្នករងរបួសផ្សេងទៀតលើនេះ ត្រូវបានបញ្ជូនទៅសង្គ្រោះ នគរបាលកំពុងតែស្រាលស្រាលរកអត្តសញ្ញាណនោះ។

តាមព័ត៌មានអោយដឹងថា នៅមុនពេលកើតហេតុ បន្ទាប់ពីធ្វើបុណ្យ ភូមិ រួច ប្រជាពលរដ្ឋ ទាំងក្មេងទាំងចាស់កំពុងតែ ជួបជុំគ្នាពិសារបាយផឹក រាំងលេង ស្រាប់តែ រថយន្ត បើកបុរចូល ក្នុងហ្វូងមនុស្ស បណ្តាលអោយដួលរណូករណែល ហើយ រថយន្តនោះក៍បានរ៉យែលថយចេញ វិញហើយ ក៍បានបើកមកបំបុកទៀត ជ្រុលទៅបុកផ្ទះប្រជាពលរដ្ឋ ជាប់ទៅមុខលែងរួច ។

តាមព័ត៌មានអោយដឹងថា ស្រ្តីម្នាក់ បានស្លាប់នៅកន្លែងកើតហេតុ ចំណែកបុរស ម្នាក់ស្លាប់នៅពេលបញ្ជូនទៅកាន់មន្ទីរពេទ្យ ។ដោយឡែកជនរងគ្រោះត្រូវបានរថយន្តដឹងទៅកាន់មន្ទីរពេទ្យពេទ្យ ។នៅកន្លែងកើតហេតុ បាយ ម្ហូប តុតៅអី ប៊ីយ៉ែល បានប៉ើង រប៉ាត់រប៉ាយនិងគេឭស្នូរតែសម្លេង ទ្រហោយំពីសំណាក់បងប្អូនសាច់ញាតិជនរងគ្រោះ។ភ្លាមៗ អ្នកបើកបរត្រូវបាននគរបាលខណ្ឌទួលគោកទៅអន្តរាគមន៍ឃាត់ខ្លួន សង្គ្រោះទាន់កុំអីប្រជាពលរដ្ឋច្បាស់ជាកាត់ទោសប្រហាជីវិតបាត់ទៅហើយ ។នៅក្នុងហេតុការណ៍កនោះដែរបុរសម្នាក់ដែលជាបងប្អូនជនរងគ្រោះត្រូវបាននគរបាលឃាត់ខ្លួន បន្ទាប់ពីយកដំថ្មវាយកម្ទេចកញ្ចក់រថយន្តបង្កនោះបន្ទាប់ពីកើតមានគ្រោះថ្នាក់នេះ ។

ទាក់ទិនការគ្រោះថ្នាក់នេះត្រូវបានប្រជាពលរដ្ឋដែលជាអ្នករងគ្រោះបានអោយដឹងថា ដោយសារតែ ជននោះ ខឹងមិនហៅផឹកស៊ី នៅក្នុងពិធីបុណ្យភូមិ បានជាបើករថយន្តទៅបំបុកបែបនេះ ។ចំណែក ជនបង្កអោយសមត្ថកិច្ច ដឹងថា ដោយសាតែខឹង ជនរងគ្រោះមិនលក់ថ្នាំញៀនអោយ ។ទោះបីជាយ៉ាង ណា នគរបាលអោយដឹងថា អ្នកបើកបររថយន្ត ជាមនុស្សញៀនថ្នាំនិយាយលែងដឹងខុសត្រូវ ៕

ភ្នំពេញ ៖ សម្តេចតេជោនាយករដ្ឋមន្ត្រីមានប្រសាសន៍ថា រាជរដ្ឋាភិបាលបាន និង កំពុងធ្វើការ ដោះស្រាយយ៉ាងសកម្មចំពោះបញ្ហាអគ្គិសនី ដោយយើងបានសុំទៅប្រទេសថៃ ឡាវ និង វៀតណាម ឱ្យជួយបង្កើនទំហំនៃការផ្គត់ផ្គង់មកឱ្យកម្ពុជា ហើយថា ចំពោះការនាំយកនាវា ផលិតអគ្គិសនីពីប្រទេសតួគីដែលដើរដោយប្រេងខ្មៅ មានថាមពល ២០០មេហ្គាវ៉ាត់ ចូលមក ភ្នំពេញនោះ គឺជារឿងដែលមិនអាចចៀសរួចឡើយ។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបិទសន្និបាតអប់រំ យុវជន និងកីឡា នារសៀលថ្ងៃទី២៧ មីនានេះមានប្រសាសន៍ថា យើងកំពុងជួបវិបត្តិអគ្គិសនីប្រើប្រាស់ យើងបានព្យាករណ៍ទុកខុសអំពីរឿងនេះ ខុសដោយ សារការវិនិយោគបានកើនឡើងខ្ពស់ដែលយើងមិននឹកស្មានដល់ ក្នុងនោះការវិនិយោគក្នុង វិស័យសំណង់បានកើនឡើងខ្ពស់ ដែលការងារសាងសង់នេះគឺត្រូវការប្រើប្រាស់ថាមពលអគ្គិសនីច្រើនណាស់។

ដោយឡែកទាក់ទងទៅនឹវិស័យអប់រំវិញ សម្តេចតេជោនាយករដ្ឋមន្ត្រីបានគូសបញ្ជាក់ ថា ការពង្រឹងគុណភាពអប់រំកម្ពុជា គឺជាគោលដៅអាទិភាពរបស់រាជរដ្ឋាភិបាល ដែលបាន កំណត់ក្នុងយុទ្ធសាស្ត្រចតុកោណសម្រាប់អនុវត្តនៅគ្រប់ដំណាក់កាល គឺការអប់រំ បណ្តុះ បណ្តាលជំនាញបច្ចេកទេសវិទ្យាសាស្ត្រ និង បច្ចេកវិទ្យា ការតម្រង់ទិសសម្រាប់ទីផ្សារការងារ ជាពិសេសការពង្រឹងជំនាញបច្ចេកទេសដល់យុវជនសំដៅធានាថា យុវជនម្នាក់មានជំនាញ បច្ចេកទេសមួយយ៉ាងតិចប្រចាំជីវិត សម្រាប់លើកស្ទួយជីវភាពគ្រួសារឱ្យកាន់តែល្អប្រសើរ រួម ចំណែកក្នុងការអភិវឌ្ឍសង្គម និង សេដ្ឋកិច្ចជាតិ។

បើតាមការបញ្ជាក់របស់ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួង អប់រំ យុវជន និង កីឡាថា វិស័យអប់រំកំពុងមានសភាពល្អប្រសើរឡើងខ្លាំង។ ល្អប្រសើរឡើង ខ្លាំងទាំងគុណភាពអប់រំ ទាំងហេដ្ឋារចនាសម្ព័ន្ធនៃវិស័យអប់រំ ស្របទៅនឹងនិន្នាការនៃអភិវឌ្ឍ របស់ប្រទេសកម្ពុជា និង ស្របទៅនឹងកំណែទម្រង់ក្នុងវិស័យអប់រំរបស់ក្រសួងអប់រំ យុវជន និង កីឡា៕

ភ្នំពេញ ៖ ភរិយាលោក ថោង សារ៉ាត់ ស្រែកយំនៅមុខសាលាដំបូងរាជធានីភ្នំពេញ នៅល្ងាចថ្ងៃទី២៦ មីនា ម្សិលមិញ បានស្រែកយំនេះក្រោយពេលដែលចៅក្រមនៃសាលាដំបូងរាជធានីភ្នំពេញ ប្រកាសពីការផ្តន្ទាទោសឱ្យស្វាមីលោកស្រី អតីតឧកញ៉ា ថោង សារ៉ាត់ ជាប់ពន្ធនាគារអស់មួយជីវិត។ លោកស្រី ចាត់ទុកថា នេះជារឿងអយុត្តិធម៌ព្រោះថា លោកស្រី និងស្វាមី មិនដែលស្គាល់ឧកញ៉ា អ៊ឹង ម៉េងជឺ ទេ។ លោកស្រី ក៏បានអំពាវនាវឱ្យសម្តេចនាយករដ្ឋមន្ត្រី កែទម្រង់ប្រព័ន្ធយុត្តិធម៌ផងដែរ។

លោកស្រី ទាវ ធីតា បានស្រែកទាមទារថា « សម្តេច ហ៊ុន សែន និងសម្តេច ប៊ុនរ៉ានី ជាម៉ែជាឪរបស់កូន នៅឯណាហេតុអីមិនចេញមកជួយ? ខ្ញុំសុំប្រាប់កាលពីថ្ងៃទី២២ ប្តីរបស់ខ្ញុំនៅជាមួយខ្ញុំ ខ្ញុំមិនដែលស្គាល់គ្នាជាមួយ អ៊ឹង ម៉េងជឺ ប្តីខ្ញុំក៏មិនដែលស្គាល់គ្នាជាមួយ អ៊ឹង ម៉េងជឺ។ ថ្ងៃទី១ លោកពូ ជួន សុវណ្ណ ឱ្យប្តីខ្ញុំទៅប្រជុំបក្ស ហើយមកវិញគាត់ឱ្យប៉េអឹមតែងខ្លួនជាជនស៊ីវិលចាប់ប្តីខ្ញុំ។ ភ្ជង់កាំភ្លើងគ្មានសាលក្រមគ្មានអីទាំងអស់ ភ្ជង់ដាក់ឡាន។

លោក ស្រី ទាវ ធីតា៖ «អយុត្តិធម៌ណាស់ សម្តេច  ហ៊ុន សែន ត្រូវតែធ្វើរឿងនេះឱ្យមានយុត្តិធម៌ ឱ្យមានយុត្តិធម៌ឡើងវិញ បើមិនអ៊ីចឹងទេ ប្រទេសជាតិក្តៅក្រហាយណាស់ គ្មានអ្នកអាចជ្រកកោនបានទេ​។

កាលពីម្សិលមិញ សាលាដំបូងរាជធានីភ្នំពេញបានសម្រេចកាត់ទោសលោក ថោង សារ៉ាត់ ម្ចាស់បុរី៩៩៩ និងអង្គរក្ស៤នាក់ឱ្យជាប់ពន្ធនាគារអស់មួយជីវិត ក្នុងករណីឃាតកម្មបាញ់សម្លាប់ឧកញ៉ាអ៊ឹង ម៉េងជឺ ជាថៅកែស៊ីម៉ង់យ៍ត្បូងពេជ្រ កាលពីខែវិច្ឆិកា ឆ្នាំ២០១៤។

ជនជាប់ចោទមានឈ្មោះ ទី១. លោក ថោង សារ៉ាត់ ជាមេក្លោង, ទី២. ឈ្មោះ ស៊ាង វាសនា, ទី៣. ឈ្មោះ មាស សម្បត្តិ , ទី៤. ឈ្មោះ កុយ ចាន់ថុល និងទី៥. ឈ្មោះ ឈុំ ចិត្រា។

សូមរំលឹកថា ហេតុការណ៍បាញ់សម្លាប់លោកឧកញ៉ា អ៊ឹង ម៉េងជឺ ដ៏កក្រើកនៅរាជធានីភ្នំពេញនេះ បានកើតឡើងកាលពីវេលាម៉ោង ៧៖១៨នាទីយប់ ថ្ងៃទី២២ ខែវិច្ឆិកា ឆ្នាំ២០១៤ ខណៈលោកឧកញ៉ាចុះពីរថយន្តឡិចស៊ីស ៥៧០ ដើម្បីទៅទិញផ្លែឈើនៅមុខហាងលក់ផ្លែឈើ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន៕

ភ្នំពេញ ៖ ស្ពានជ្រោយចង្វារចាស់មិត្តភាព កម្ពុជា ជប៉ុន គ្រោងដាក់ឲ្យធ្វើចរាចរណ៍ជាផ្លូវកលារឡើងវិញនៅថ្ងៃទី៣ ខែមេសា ខាងមុខនេះបន្ទាប់ពីបានដំណើរការជួសជុលអស់រយៈពេលជិត ២ឆ្នាំរួចមក។ មន្ត្រីជាន់ខ្ពស់ក្រសួងសាធារណការ និងដឹកជញ្ជូនរូបនេះ បានអះអាងថា ស្ពានមិត្តភាពកម្ពុជា-ជប៉ុន បានជួសជុលសព្វគ្រប់អស់ហើយ រង់ចាំតែថ្ងៃសម្ពោធដាក់ឱ្យប្រើប្រាស់ឡើងវិញប៉ុណ្ណោះ ហើយបើតាមគម្រោង នឹងសម្ពោធដាក់ឱ្យដំណើរការឡើងវិញ នៅថ្ងៃទី៣ ខែមេសា ឆ្នាំ២០១៩ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ស្ពានមិត្តភាពកម្ពុជា-ជប៉ុន មានប្រវែង៩៧១ម៉ែត្រ ទទឹង១៣ម៉ែត្រ ស្ថិតនៅតាមបណ្តោយផ្លូវជាតិលេខ៦A ក្នុងភូមិសាស្ត្រទឹកដី រាជធានីភ្នំពេញ ត្រូវបានសាងសង់ និងសម្ភោធឱ្យប្រើប្រាស់ក្នុងឆ្នាំ១៩៦៣ ក្រោមជំនួយឥតសំណងរបស់ប្រទេសជប៉ុន។

សូមជម្រាបថា ស្ពាននេះ មានអាយុកាលដ៏ចំណាស់ ហើយស្របពេលកំណើនសេដ្ឋកិច្ច និងលំហូរចរាចរណ៍កើនឡើងជាលំដាប់នោះ ស្ពាននេះតម្រូវឱ្យមានការជួសជុលឡើងវិញជាបន្ទាន់ ដោយចំណាយថវិកាអស់ប្រមាណ ៣០លានដុល្លារអាមេរិក ក្រោមជំនួយឥតសំណងរបស់រដ្ឋាភិបាលជប៉ុន ដែលបានចាប់ផ្តើមបើកការដ្ឋានសាងសង់នៅថ្ងៃទី១៥ ខែកញ្ញា ឆ្នាំ២០១៧។

គួររំលឹកថា ស្ពាននេះ បានរងការខូចខាតដោយសង្គ្រាមស៊ីវិលនៅកម្ពុជា និងត្រូវបានសាងសង់ឡើងវិញនៅឆ្នាំ១៩៩២ ដោយប្រទេសជប៉ុន ហើយត្រូវបានប្តូរឈ្មោះទៅជាស្ពានមិត្តភាពកម្ពុជា-ជប៉ុន ដោយព្រះមហាវិរៈក្សត្រ ព្រះបរមរតនកោដ្ឋ សម្ដេចព្រះបាទ នរោត្ដម សីហនុ៕

ភ្នំពេញ ៖ ឯកអគ្គរដ្ឋទូតជប៉ុនប្រចាំនៅកម្ពុជា ហូរីណូអ៊ូជិ ហ៊ីដិហ៊ីសា បានបញ្ជាក់ថា ជប៉ុនបានផ្តល់ជំនួយក្រោមគម្រោ ងជំនួយអភិវឌ្ឍផ្លូវការ ODA ប្រមាណជិត៤ពាន់លានដុល្លារអាមេរិក គិតចាប់តាំងពីឆ្នាំ១៩៩១មក។ ការបញ្ជាក់នេះធ្វើឡើងនៅក្នុងឱកាសដែលអ្នកសារព័ត៌មានជាច្រើនស្ថាប័នបានចុះទស្សនកិច្ចសិក្សាអំពីគម្រោងអភិវឌ្ឍន៍ផ្លូវការរបស់ជប៉ុន។

លោក ហូរីណូអ៊ុជិ ហ៊ីដេហ៊ីសា ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា បានថ្លែងថា៖ក្នុងរយៈពេល ៣០ ឆ្នាំចុងក្រោយនេះជប៉ុនបាននិងកំពុងគាំទ្រដល់កម្ពុជាចាប់ពីដំណើរការសន្តិភាពដំបូងតាមរយៈការកសាងឡើងវិញជាបន្តបន្ទាប់ និងរហូតដល់ការអភិវឌ្ឍន៍សេដ្ឋកិច្ច។ រដ្ឋាភិបាលជប៉ុនបានផ្តល់ថវិកាប្រមាណ៣ ពាន់៩រយលានដុល្លារអាមេរិកក្រោមជំនួយអភិវឌ្ឍផ្លូវការ(ODA)គិតត្រឹមឆ្នាំសារពើពន្ធ២០១៨។

ឯកអគ្គរាជទូត បានបន្តថា៖ ប្រទេសជប៉ុនគាំទ្រដល់ការពង្រឹងបន្ថែមនូវគ្រឹះសេដ្ឋកិច្ចសង្គម ដើម្បីកម្ពុជាសម្រេចបាននូវឋានៈជាប្រទេសដែលមានចំណូលមធ្យមកម្រិត ខ្ពស់ត្រឹមឆ្នាំ២០៣០ ដោយផ្តោតលើវិស័យអាទិភាពចំនួនបី៖ (១)ការអភិវឌ្ឍន៍ឧស្សាហកម្ម (២)ការផ្តល់នូវគុណភាពនៃជីវភាពរស់នៅប្រសើរជាងមុន (៣)ការជំរុញឲ្យមានសង្គមប្រកបដោយនិរន្តភាពតាមរយៈការពង្រឹងអភិបាលកិច្ច។

ប្រទេសជប៉ុនបាននិងកំពុងធ្វើការរួមគ្នាជាមួយប្រទេសកម្ពុជាក្នុងវិស័យជាច្រើន ក្នុងនោះកសាងហេដ្ឋា រចនា សម្ព័ន្ធសេដ្ឋកិច្ចសង្គមដូចជាផ្លូវថ្នល់ កំពង់ផែ មន្ទីរពេទ្យ សាលារៀន ធនធានមនុស្ស និងប្រព័ន្ធផ្គត់ផ្គង់ទឹក ការលុបបំបាត់គ្រាប់មីន និងយុទ្ធភណ្ឌមិនទាន់ផ្ទុះ និងការជម្រុញការវិនិយោគជាដើម។ ការបញ្ជាក់ថាកិច្ចខិតខំប្រឹង ប្រែងរបស់យើងត្រូវបានយល់ដឹងយ៉ាងត្រឹមត្រូវ និងគាំទ្រពីប្រជាជនកម្ពុជា និងជប៉ុនគឺសំខាន់។

លោក តូម៉ូហ៊ីរ៉ូ ខាណាតាក លេខាទី១ស្ថានទូតជប៉ុន ទទួលបន្ទុកខាងODA បានឱ្យដឹងថា៖ ជប៉ុនបានបានអនុវត្តជំនួយODAយ៉ាងសកម្មតាំងពីឆ្នាំ១៩៩១។ទឹក ប្រាក់សរុបនៃជំនួយជំនួយអភិវឌ្ឍផ្លូវការ ជាង៣ពាន់លានដុល្លារអាម៉េរិក ដែលក្នុងនោះកម្ចីសម្បទាន១ពាន់ ២៧៥លានដុល្លារ ជំនួយឥតសំណងប្រហែល១ ពាន់ ៨៣១លានដុល្លារ និងជំនួយកិច្ចសហប្រតិបត្តិការបច្ចេកទេសប្រហែល៧៨៤លានដុល្លារ។

លោកបានបញ្ជាក់បន្ថែមថាទាក់ទងនឹងគម្រោងODAថ្មី ជប៉ុនបានចាប់ផ្តើមគម្រោងសាងសង់ផ្លូវជាតិលេខ៥និងគម្រោងកំពង់ផែកុងតឺនឺថ្មីនៃកំពង់ផែក្រុងព្រះសីហនុដើម្បីលើកកកម្ពស់ការតភ្ជាប់តំបន់និងការអភិវឌ្ឍន៍ឧស្សាហកម្ម។ ក្រៅពីនេះ បាននិងកំពុងសាងប្រព័ន្ធការពារទឹកជំនន់និងលូបង្ហូរទឹក និងគម្រោងពង្រីកខ្សែបញ្ជូននិងចែកចាយនៅរាជធានីភ្នំពេញ ក្នុងគោលបំណ ងផ្តល់ជូននូវគុណភាពជីវិតនិងបរិស្ថានល្អប្រសើរឡើងសម្រាប់អ្នករស់នៅតំបន់ទីក្រុង៕

​ភ្នំពេញ ៖ សម្ដេចតេជោ ហាមដាច់ខាត មិនឲ្យមានការដោះដូរទីតាំងវិទ្យាស្ថានបណ្ដុះបណ្ដាល និងស្រាវជ្រាវដើម្បីអភិវឌ្ឍន៍កម្ពុជា CDRI ដែលកំពុងស្ថិតនៅតាមបណ្ដោយផ្លូវលេខ៣១៥ ក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ជាដាច់ខាតនោះឡើយ។

បំរាមរបស់សម្ដេចតេជោ ហ៊ុន សែន បានធ្វើឡើងបន្ទាប់ពីនាពេលថ្មីៗនេះ សម្ដេចទទួលបានសំណើសុំប្ដូរទីតាំង ដោយយកទីតាំងបច្ចុប្បន្ននេះ ប្ដូរជាមួយវិស័យឯកជន ហើយរកទីតាំងថ្មី សម្រាប់វិទ្យាស្ថាន CDRI។ សំណើនេះត្រូវបានសម្ដេចបដិសេធចោលទាំងស្រុង មិនអនុញ្ញាឲ្យមានការផ្ដាស់ប្ដូរទីតាំងអ្វីនោះទេ។

ការប្រកាសរបស់សម្ដេចតេជោ  ហ៊ុន សែន ត្រូវបានធ្វើឡើងនៅព្រឹកថ្ងៃទី២៦ ខែមីនា ឆ្នាំ២០១៩នេះ ក្នុងឱកាស អញ្ជើញជាអធិបតី បើកសន្និសីទចក្ខុវិស័យ ប្រទេសកម្ពុជា លើកទី១៣ ឆ្នាំ២០១៩។ សន្និសីទ នេះធ្វើឡើងក្រោមប្រធានបទស្តីពី «ការប្រែក្លាយផ្នែកឌីជីថល ឆ្ពោះទៅកាន់ឧស្សាហកម្ម ៤.០» ៕

បើតាមសម្តីរបស់លោក តេង សុវណ្ណរត្ន័ នាយសង្កាត់រដ្ឋបាលព្រៃឈើស្រុកថ្ពង និងជាប្រធានសហគមន៍សត្វព្រៃភ្នំព្រះបានឱ្យក្រុមអ្នកសារព័ត៌មានដឹងថាប្រឡាយទាំង០៤កន្លែងនេះបានចំណាយទឹកប្រាក់សរុប១៥លានរៀលដែលជាប្រាក់របស់សហគមន៍ទាំង០៣និងមានការចូលរួមពីរអាជ្ញាធរផងដែរដោយមានការអាណិតសត្វព្រៃដែលកម្រនេះបានផឹករស់នៅបន្តពូជទៀតនោះ។

លោកបានបន្តទៀតថាប្រឡាយទាំង០៤កន្លែងនេះប្រឡាយមួយមានទំហំទទឹង២ម៉ែត្រនិងបណ្តោយ១០ម៉ែត្រជម្រៅ៣ម៉ែត្រចាក់សាបរៀបឥដ្ឋនិង ធ្វើរបាំងដាក់ទឹកការពារហូរច្រោះបាក់ថែមទៀតផង។ចំណែកអូរឬស្សីស្រុកកាយធ្វើប្រឡាយបង្ហៀរទឹកដោយរៀបឥដ្ឋ២០កម្ពស់០៤ម៉ែត្រមានប្រវ៉ែង២៥ម៉ែត្រទទឹងនិងបណ្តោយ១៥៥ម៉ែត្រជាចំណុចកន្លែងដែលសត្វគោក្របីនិងសត្វព្រៃទៅផឹកទឹកជារៀងរាល់ថ្ងៃនោះដោយសារតែនៅតាមបណ្តាស្ទឹងរីងហួតហែងអស់ទឹកហើយនោះ។សត្វព្រៃដែលទៅផឹកទឹកនៅចំណុចអូរឬស្សីស្រុកនោះរួម ១សត្វស្វា ២សត្វទោច ៣សត្វសម្ពោច ៤សត្វជ្រូកព្រៃ ៥សត្វទន្សោង(គោព្រៃ) ៦សត្វក្តាន់ញែង ៧សត្វកុក ៨សត្វឈ្លុស ៩សត្វគោក្របីជ្រូកមាន់ទារ។ល។របស់បងប្អូនប្រជាពលរដ្ឋផងដែរ។

លោក តេង សុវណ្ណរត្ន័ បានបញ្ជាក់បន្ថែមទៀតថាប្រឡាយនិងទំនប់បង្ហៀរទឹកទាំង០៤មានការចូលរួមអាជ្ញាធរឃុំស្រុកខេត្តព្រមទាំងមានការយកចិត្តទុកដាក់ពីក្រសួងកសិកម្មផងដែរយោងទៅតាមអាកាសធាតុប្រែប្រួលនារដូវប្រាំងក្តៅហួតហែង។ទៅខាងសហគមន៍និងអាជ្ញធររករថយន្តដឹកទឹកមកចាក់ក្នុងប្រឡាយដែលកសាងរួចទុកដើម្បី ឱ្យសត្វទាំងអស់នោះគ្រាន់ផឹក។ណាមួយនៅចំណុចអូរឬស្សីស្រុកស្ថិតក្នុងភូមិពាណិជ្ជឃុំយាអង្គស្រុកថ្ពង
ជាតំបន់ទេសចរណ៍ដែលបងប្អូនប្រជាពលរដ្ឋតែងតែមកលំហែនៅចុងសប្តាហ៍រឺរដូវបុណ្យទានផ្សេងៗទៀតផងនោះ៕

ភ្នំពេញ ៖ អតីតឧកញ៉ា ថោង សារ៉ាត់ និងមុនស្ស៤នាក់ទៀត ត្រូវបានសាលាដំបូងរាជធានីភ្នំពេញនៅរសៀលថ្ងៃទី២៦ ខែមីនា ឆ្នាំ២០១៩នេះ ប្រកាសសាលក្រមផ្ទន្ទាទោសដាក់ពន្ធនាគារអស់មួយជីវិត ក្នុងសំណុំរឿងឃាតកម្មបាញ់សម្លាប់ឧកញ៉ា អ៊ឹង ម៉េងជឺ ថៅកែស៊ីម៉ង់ សញ្ញាត្បូង កាលពីឆ្នាំ២០១៤។

ជនជាប់ចោទមានឈ្មោះ ទី១. លោក ថោង សារ៉ាត់ ជាមេក្លោង, ទី២. ឈ្មោះ ស៊ាង វាសនា, ទី៣. ឈ្មោះ មាស សម្បត្តិ , ទី៤. ឈ្មោះ កុយ ចាន់ថុល និងទី៥. ឈ្មោះ ឈុំ ចិត្រា។

សូមរំលឹកថា ហេតុការណ៍បាញ់សម្លាប់លោកឧកញ៉ា អ៊ឹង ម៉េងជឺ ដ៏កក្រើកនៅរាជធានីភ្នំពេញនេះ បានកើតឡើងកាលពីវេលាម៉ោង ៧៖១៨នាទីយប់ ថ្ងៃទី២២ ខែវិច្ឆិកា ឆ្នាំ២០១៤ ខណៈលោកឧកញ៉ាចុះពីរថយន្តឡិចស៊ីស ៥៧០ ដើម្បីទៅទិញផ្លែឈើនៅមុខហាងលក់ផ្លែឈើ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន៕

ភ្នំពេញ ៖ ដោយមិនសំដៅទៅប្រទេសណាមួយ សម្ដេចនាយករដ្ឋមន្ត្រីបានអះអាងថា កង្វល់របស់អ្នកដទៃ មិន មែនជាបន្ទាត់ ឬច្បាប់ដែលកម្ពុជា ត្រូវអនុវត្តទេ កម្ពុជាត្រូវមានច្បាប់របស់ខ្លួនមួយដោយឡែក ដែលត្រូវអនុវត្ត។ សម្តេចបានបញ្ជាក់ថា ប្រទេសដទៃសុទ្ធតែមានស្ថានភាពខុសៗគ្នា ហើយប្រទេសធំខ្លះ ទទួលស្គាល់ថា ប្រទេសដទៃមានស្ថានភាពខុសគ្នា ប៉ុន្តែម៉េចក៏មិនទទួលស្គាល់ថា កម្ពុជាមានស្ថានភាពខុសគេដែរ»។

សម្ដេចតេជោបានបញ្ជាក់ថាពិភពលោកបច្ចុប្បន្នមិនមែនអនុវត្តស្តង់ដារតែមួយនោះទេចំពោះកម្ពុជា ប្រទេសខ្លះចាប់បង្ខំឲ្យប្រទេសមួយ ធ្វើតាមខ្លួន ដូច្នោះតើឲ្យប្រទេសដទៃដែលមានឯករាជ្យ និងអធិបតេយ្យភាពទៅធ្វើតាមខ្លួនម៉េចនឹងបាន។ សម្តេចតេជោ បញ្ជាក់ដូច្នោះនៅក្នុងពិធីបើកថ្លែងនៅក្នុងពិធីបើក សន្និសីទចក្ខុវិស័យប្រទេសកម្ពុជាលើកទី១៣ ឆ្នាំ២០១៩ នៅព្រឹកថ្ងៃទី ២៦ មីនានេះ។

ជារឿយៗសម្តេចតេជោ ហ៊ុន សែន នាយករដ្ឋមន្ត្រី បានប្រកាសជំហរកម្ពុជា ដោយមិនអោនក្បាលចំពោះមុខបរទេសណានោះឡើយ។ កម្ពុជាចង់បានមិត្តដែលគោរពអធិបតេយ្យភាពជាតិ និងគោរពសិទ្ទិគ្នាដោយស្មើភាពទៅវិញទៅមក។ សម្តេចតេជោក៏បានប្រកាសដែរថា កម្ពុជាមិនយកអធិតេយ្យភាពជាតិរបស់ខ្លួន ទៅដូរនឹងជំនួយរទេស រឺការអនុគ្រោះណាមួយនោះឡើយ៕

ភ្នំពេញ ៖ កម្ពុជាប្តេជ្ញាខិតខំកសាងអគារសិក្សាថ្មីៗជាច្រើនបន្ថែមទៀត នៅគ្រប់ច្រកល្ហកនៅទូទាំងប្រទេសពិសេសនៅតាមតំបន់ព្រំដែន និងតំបន់ជួបការលំបាក ដើម្បីបង្ខិតសាលារៀនឱ្យទៅជិតលំនៅឋានរបស់ប្រជាពលរដ្ឋ។

លោក បណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជននិងកីឡាមានប្រសាសន៍ថា ការកសាងអគារសិក្សាថ្មីៗបន្ថែមនេះ គឺដើម្បីឆ្លើយតបទៅនឹងចំនួនសិស្សដែលមានការកើនឡើងពីមួយឆ្នាំទៅមួយឆ្នាំ ខណៈបច្ចុប្បន្នមានសិស្សជាង៣លាន៥សែន នៅគ្រប់ភូមិសិក្សាសាធារណៈ និងឯកជនចាប់ពីមត្តេយ្យសិក្សាដល់មធ្យមសិក្សា។

ការពង្រីកការសាងសង់អគារសិក្សាថ្មីនេះ ដោយសារតែបច្ចុប្បន្ននៅតាមតំបន់ដាច់ស្រយាល នៅតាមបណ្តាខេត្តមួយចំនួនមិនមានសាលារៀនគ្រប់គ្រាន់ទេ ព្រោះតែបញ្ហាផ្លូវគមនាគមន៍ ដែលធ្វើឲ្យកុមារបង្ខំចិត្តទៅរៀននៅតំបន់ឆ្ងាយៗ ពីលំនៅដ្ឋាន និងខ្លះទៀតរៀននៅក្រោមដើមឈើជាដើម។

ថ្លែងនៅក្នុងពិធីបើកសន្និបាតបូក សរុបការងារអប់រំយុវជន និង កីឡា ឆ្នាំសិក្សា២០១៨ ២០១៩ នៅព្រឹកថ្ងៃទី២៥ មីនា នៅវិទ្យាស្ថាន បច្ចេកវិទ្យាកម្ពុជា ឯ.ឧ បណ្ឌិត សភាចារ្យ ហង់ជួន ណារ៉ុន បានបន្តថា ការមានសាលារៀនគ្រប់គ្រាន់ នឹងជួយធ្វើឲ្យសិស្សានុសិស្សអាចមានលទ្ធភាពទទួលបាននូវការសិក្សាគ្រប់ៗគ្នានិងពេញមួយជីវិតស្របតាមផែនការយុទ្ធសាស្ត្ររបស់ក្រសួងអប់រំយុវជននិងកីឡា។

លោក រដ្ឋមន្ត្រីបានបន្ថែមទៀតថាបច្ចុប្បន្ននេះនៅទូទាំងប្រទេសមានសាលាមត្តេយ្យសិក្សានិងសាលារៀនចំណេះទូទៅទាំងសាធារណៈនិងឯកជនសរុបជាង១ម៉ឺន៤ពាន់ ក្នុងនោះមានសាលាមត្តេយ្យសិក្សាជិត៥ពាន់សាលាបឋមសិក្សាជាង៧ពាន់៧រយសាលា អនុវិទ្យាល័យជាង១ពាន់៣រយសាលានិង វិទ្យាល័យមានជិត៧រយសាលា គ្រឹះស្ថានឧត្តមសិក្សាទូទាំងប្រទេសមាន ១២៥ ក្នុងនោះ គ្រឹះស្ពានឧត្តមសិក្សារដ្ឋ និងឯកជន ៧ដែលមាននិស្សិតសរុបជាង២១ម៉ឺននាក់ ស្រីជិត១ម៉ឺនស្មើនឹង៤៦,៣% ។

លោក រដ្ឋមន្ត្រីបានឲ្យដឹងទៀតថា ក្រៅពីកាសាងសង់អគារសិក្សាក្រសួង ក៏មានការផ្តល់គ្រូបង្រៀន ការផ្តល់ថវិកាដំណើរការសាលារៀន ការផ្តល់អាហារូបករណ៍ដល់សិស្សមកពីគ្រួសារក្រីក្រដើម្បីបង្កលក្ខណៈឱ្យកុមាមានល ទ្ធភាពកាន់តែច្រើនក្នុងការទទួលបានការអប់រំផងដែរ។

លោក កិត្តិនីតិកោសល បណ្ឌិត ប៊ិន ឈិន ឧបនាយករដ្ឋ មន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានស្វាគមន៍ ចំពោះលទ្ធផល ដែលក្រសួងអប់រំយុវជននិងកីឡា ទទួលបាននាពេលកន្លងមកក្រោយកិច្ចខិតខំប្រឹងប្រែងរបស់លោករដ្ឋមន្ត្រីក្នុងការកែលម្អគុណភាពអប់រំនៅក្នុងប្រទេសកម្ពុជាឲ្យកាន់តែមានភាពល្អពីមួយឆ្នាំទៅមួយឆ្នាំផងដែរ។

គួរបញ្ជាក់ថា សន្និបាតអប់រំយុវជន និងកីឡានេះផ្តោតសំខាន់ទៅលើការអនុវត្តយុទ្ធសាស្រ្តកំណែទម្រង់វិស័យអប់រំយុជននិងកីឡាក្នុងនោះរួមមាន ការគ្រប់គ្រងតាមសាលារៀន ការលើកកម្ពស់ប្រសិទ្ធភាពគុណភាពអប់រំ វិធានការអនុវត្តវិធីសាស្រ្តបង្រៀនក្នុងបរិបទថ្មី ការប្រែក្លាយមជ្ឈមណ្ឌលសិក្សាសហគមន៍ទៅជាមជ្ឈមណ្ឌលសិក្សាពេ ញមួយជីវិត យុវជនម្នាក់មានជំនាញមួយយ៉ាងតិចប្រចាំជីវិតនិងការឈានឆ្ពោះទៅកាន់កីឡាស៊ីហ្គេមឆ្នាំ២០២៣ខាងមុខនេះ៕

ភ្នំពេញ ៖ សមត្ថកិច្ចបានឈានទៅចាប់ខ្លូនមនុស្សចំនួន៨នាក់ ជាបន្តបន្ទាប់ពាក់ព័ន្ធករណីបាញ់សម្លាប់បុរសម្នាក់ និងម្នាក់ទៀតរងរបួស ដោយសង្ស័យថា ជាចោរលួចរថយន្ត។ មនុស្សទាំង៨នាក់ ដែលត្រូវបានឃាត់ខ្លួន មានបីក្រុម គឺក្រុមមន្ត្រីប៉ូលិសចំនួនបីនាក់ ម្ចាស់ឡានដែលប្តឹង អ្នកផ្តល់ព័ត៌មាន និងសន្តិសុខនៅបេនឡានទួលខ្លូតរបស់ឧកញ៉ា ជឹម សុខ។ រីឯជនដៃដល់ដែលជាប៉ូលិសម្នាក់ទៀត បានរត់គេចខ្លួន (កូនឧកញ៉ា ជឹម សុខ)។

យោងតាមប្រភពលេចធ្លាយបានឲ្យដឹងថា ជនដែលត្រូវឃាត់ខ្លួនទាំង៨នាក់មានដល់ទៅ៣ក្រុម។ ក្រុមទី១.គឺភាគីម្ចាស់ឡានអ្នកលក់, ក្រុមទី២. ដៃជើងបក្ខពួកមេការលោកឧកញ៉ាជឹម សុខ និង ក្រុមទី៣.សមត្ថកិច្ចនគរបាលខេត្តព្រៃវែង ។

សូមរំលឹកថា ករណីស្ទាក់បាញ់សម្លាប់ជនសង្ស័យ បានកើតឡើងកាលពីម៉ោង ១១យប់ ថ្ងៃទី២៣ ខែមីនា ឆ្នាំ២០១៩ នៅចំណុចភូមិគោកសណ្តែក ឃុំរក្សជ័យ ស្រុកបាភ្នំ ខេត្តព្រៃវែង។ ជនរងគ្រោះដែលត្រូវបានគេសង្ស័យថា ជាចោរលួចរថយន្តនោះ គ្មានអាវុធនៅក្នុងខ្លួនទេ ប៉ុន្តែពេលដែលឈប់រថយន្ត គឺត្រូវប៉ូលិសដែលជាជនដៃដល់បាញ់យកតែម្តង។

ប្រភពព័ត៌មានបានរំលឹកហេតុការណ៍នោះថា ក្នុងពេលកើតហេតុ កូនលោកឧកញ៉ា ជឹម សុខ និងក្មួយ រួមទាំងមេប៉ុស្តិ៍កំពង់ សឹង ដេញ ស្ទាក់បាញ់សម្លាប់បុរសម្នាក់យ៉ាងព្រៃផ្សៃ និងរបួសម្នាក់ នៅស្រុកបាភ្នំ ដោយចោទថា ចោរលួចឡាននោះ គិតមកដល់យប់ថ្ងៃទី២៥ខែមីនា ឆ្នាំ២០១៩ ម្សិលមិញ ការស្រាវជ្រាវបានឈានដល់ឃាត់ខ្លួនជនពាក់ព័ន្ធចំនួន៨នាក់។ ក្នុងនោះរួមមានម្ចាស់ឡាន ដែលផ្ដល់ព័ត៌មានកុហកថាចោរលួច។ អ្នកប្ដឹង អ្នកទទួលបណ្ដឹង អ្នករួមដំណើរ អ្នកដឹកនាំកម្លាំង រួមទាំងជនដៃដល់ម្នាក់ ខណៈខ្មាន់កាំភ្លើងម្នាក់ទៀត ជាកូនលោកឧកញ៉ា ជឹម សុខ កំពុងរត់គេចខ្លួន។

យោងតាមឯកសារមួយចំនួនដែលយើងខ្ញុំទទួលបាននៅព្រឹកថ្ងៃទី២៦ ខែមីនានេះ បានឲ្យដឹងថា ជនដែលត្រូវឃាត់ខ្លួនរួមមានទី១.ឈ្មោះ សេង ឈិន ជាម្ចាស់បណ្ដឹងផ្ដល់ព័ត៌មានមកឈ្មោះ ផាន់ សុឌី ឲ្យជួយចាប់ចោរលួចឡាន។២.ឈ្មោះ ឈុន ឡាយ អ្នករួមដំណើរ។៣.ឈ្មោះ ផាន់ សុឌី ភេទប្រុស នៅភូមិតាម៉ៅ ឃុំកំពង់សឹង ស្រុកព្រះស្ដេច ខេត្តព្រៃវែង បច្ចុប្បន្នជាជាងជួសជុលឡាននៅភ្នំពេញដែលជួលរថយន្តនោះឲ្យទៅជនជាតិចិននិងជាម្ចាស់ដើម។៤.ឈ្មោះ វ៉ែន ប៊ុនសារៈ អ្នករួមដំណើរ។៥. លោកអនុសេនីយ៍ឯក ជា ឡាឌីន មេប៉ុស្តិ៍កំពង់សឹង ជាអ្នកដឹកនាំកម្លាំងនិងផ្ដល់មធ្យោបាយសម្រាប់ប្រព្រឹត្តបទល្មើស។៦.ឈ្មោះ អ៊ូ ប៊ុតទីឃីយ៉ាត់ ជាមេការបេនទួលខ្លូត របស់លោកឧកញ៉ាជឹមសុខ។៧.អនុសេនីយ៍ទោ ជឹម វិន មន្ត្រីប៉ុស្តិ៍កំពង់សឹង ស្រុកព្រះស្ដេច ត្រូវជាក្មួយលោកឧកញ៉ាជឹមសុខ និងជាជនដៃដល់។និងទី៨ ភាព ផានី ជាពលរដ្ឋដែលផ្ដល់ព័ត៌មានមកប៉ុស្តិ៍ថា ចោរលួចឡាន។ ដោយឡែកខ្មាន់កាំភ្លើងឈ្មោះ ជឹម រតនៈ ប្រធានផ្នែកអន្តោប្រវេសន៍ស្រុកព្រះស្ដេច ត្រូវជាកូនប្រុសលោកឧកញ៉ា ជឹម សុខ កំពុងរត់គេចខ្លួន។

បុរសដែលស្លាប់ឈ្មោះ ម៉ន រ៉ាវុធ ភេទប្រុស អាយុ៣២ឆ្នាំ មុខរបរជាងម៉ៅការសំណង់ មានស្រុកកំណើតនៅឃុំឈើកាច់ ស្រុកបាភ្នំ ខេត្តព្រៃវែង។ ចំណែកអ្នករួមដំណើរជាមួយជនសង្ស័យឈ្មោះ វ៉ាន ខេមរិន ភេទប្រុស អាយុ២៧ឆ្នាំ នៅភូមិឈើកាច់ ឃុំឈើកាច់ ស្រុកបាភ្នំ ខេត្តព្រៃវែង បានរងរបួស និងត្រូវសមត្ថកិច្ចឃាត់ខ្លួន។

លោក នេត សាវវឿន អគ្គស្នងការនគរបាលជាតិ បានបញ្ជាក់ប្រាប់ថា មន្ត្រីប៉ូលិសដែលរត់គេចខ្លួននេះ សមត្ថកិច្ចនៅមិនទាន់ចាប់ខ្លួនបាននៅឡើយទេ គឺកំពុងតែតាមរកយ៉ាងយកចិត្តទុកដាក់៕