សម្តេចអគ្គមហាសេនាបតីតេជោ ហ៊ុន សែន និងអគ្គលេ ខាធិការ CICA បានលើកឡើងអំពីកិច្ចសហប្រតិ បត្តិការបន្ថែមទៀតនៅក្នុងក្របខ័ណ្ឌកម្ពុជានិង CICA ទាំងក្នុងវិស័យទេសចរណ៍ វិស័យអប់រំ និងវិស័យពាណិជ្ជកម្ម ក្នុងការពង្រីកទំនាក់ទំនងទាំងក្នុងក្របខ័ណ្ឌទ្វេភាគី និងពហុភាគីនៃបរិបទកម្ពុជាជាមួយ CICA និងបណ្ដាសមាជិករបស់ CICA។
សូមទស្សនាព័ត៌មានពិស្ដារ៖
លោកស្រី June Kunugi នាយិកាការិយាល័យប្រចាំតំបន់អាស៊ីបូព៌ា និងប៉ាស៊ីហ្វិក នៃមូលនិធិកុមារអង្គការសហប្រជាជាតិ (UNICEF) បានបញ្ជាក់ថា UNICEF បន្តជួយពង្រឹងប្រព័ន្ធសុខាភិបាលសុខភាពមាតា ទារក និងកុមារ ជាពិសេសការផ្តល់ថ្នាំបង្ការ និងអាហារូបត្ថម្ភ។ ការបញ្ជាក់នេះធ្វើឡើងនៅពេលដែលឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខា ភិបាល បានទទួលជួប នាព្រឹកថ្ងៃទី៣០ ខែមីនា ឆ្នាំ២០២៦ នៅទីស្តីការក្រសួងសុខាភិបាល។
សូមទស្សនាព័ត៌មានពិស្ដារ៖
បន្ទាប់ពីមានសេចក្ដីរាយការណ៍ពីប្រជាពលរដ្ឋ នៅរសៀលថ្ងៃទី៣០ ខែមីនា ឆ្នាំ២០២៦ ក្រសួងបរិស្ថានបានបញ្ជូនមន្ត្រីជំនាញចុះពិនិត្យ ទៅដល់កន្លែងកើតហេតុ ដែលសង្ស័យមានត្រីងាប់ជាច្រើនក្បាលក្នុងស្ទឹងព្រែកត្នោត ក្នុងភូមិសាស្រ្តខណ្ឌដង្កោ រាជធានីភ្នំពេញ។
សូមទស្សនាព័ត៌មានពិស្ដារ៖
បច្ចុប្បន្នភាពស្តីពី «ការវិវឌ្ឍន៍ស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង» នៅថ្ងៃសុក្រ ៩កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣១ ខែមីនា ឆ្នាំ២០២៦ នៅទីស្តីការគណៈរដ្ឋមន្ត្រី។
សូមចុច Link ដើម្បីទស្សនាសេចក្ដីថ្លែងការណ៍៖
ប្រមុខរាជរដ្ឋាភិបាល សម្ដេចមហាបវរធិបតី ហ៊ុន ម៉ាណែត ចេញបទបញ្ជាឱ្យរដ្ឋមន្ត្រីក្រសួងយុត្តិធម៌ និងអគ្គស្នងការនគរបាលជាតិ ត្រូវធ្វេីការស្រាវជ្រាវឱ្យបានហ្មត់ចត់បំផុត និងរកឱ្យឃេីញអ្នកដែលបេីកបររថយន្តពិតប្រាកដ ដែលបុកមនុស្សស្លាប់ទាំង ៦នាក់នេះ ហើយអនុវត្តច្បាប់ឱ្យបានម៉ឺងម៉ាត់ ដើម្បីផ្ដល់ភាពយុត្តិធម៌ដល់ជនរងគ្រោះ។
គណៈកម្មការប្រឡងប្រជែងជ្រើសរើសក្របខ័ណ្ឌមន្ត្រីពន្ធនាគារសម្រាប់ឆ្នាំ២០២៦ បានដំណើរការប្រឡងប្រជែងនាព្រឹកថ្ងៃអាទិត្យ ទី២៩ មីនាឆ្នាំ២០២៦នេះ នៅ «មណ្ឌលប្រឡងវិទ្យាល័យជា ស៊ីម សន្ធរម៉ុក »មានទីតាំងស្ថិត នៅក្នុង សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញជាមួយនិងបេក្ខជនប្រឡងចំនួន ២៣៩រូប ជានារីចំនួន ៩៩ រូប ស្មើនឹង១១ បន្ទប់ ដោយត្រូវជ្រើសរើសយកចំនួន៥៣រូប។
សូមទស្សនាព័ត៌មានពិស្ដារ៖
កម្ពុជាស្នើឱ្យរដ្ឋាភិបាលជប៉ុនបន្តជួយស្ថាបនាស្ថានីយប្រព្រឹត្តកម្មទឹកកខ្វក់(ចម្រោះ)នៅក្នុងរាជធានីភ្នំពេញបន្ថែមទៀត ដើម្បីជួយលើកកម្ពស់គុណភាពទឹកដែលប្រើប្រាស់រួច មុននឹងបង្ហូរចូលទៅក្នុងប្រភពទឹកផ្សេងៗ ពិសេសដងទន្លេ ខណៈក្នុងរាជធានីភ្នំពេញនាពេលនេះមានស្ថានីយប្រព្រឹត្តកម្មទឹកកខ្វក់ តែ ១ប៉ុណ្ណោះដែលជាជំនួយរបស់រដ្ឋាភិបាលជប៉ុន។
សូមទស្សនាព័ត៌មានពិស្ដារ៖
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក និងលោកជំទាវ កែ សួនសុភី ស សុខា បានអញ្ជើញជាអធិបតីទិវាអន្តរជាតិរំលឹកជនរងគ្រោះដោយគ្រោះថ្នាក់ចរាចរណ៍ផ្លូវគោកលើកទី២០ និងសម្ពោធដាក់ឱ្យប្រើប្រាស់សួនសុវត្ថិភាពចរាចរណ៍ផ្លូវគោកនៅវិទ្យាល័យ ក្រុងកំពង់ឆ្នាំង ខេត្តកំពង់ឆ្នាំង។
សូមទស្សនាព័ត៌មានពិស្ដារ៖
ក្រសួងយុត្តិធម៌ សហការជាមួយលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំង ការឆបោកតាមប្រព័ន្ធបច្ចេកវិទ្យា (គ.ប.ឆ.ប.) នឹងរៀបចំសន្និសីទសារព័ត៌មានពាក់ព័ន្ធនឹង “ច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា”។ សន្និសីទសារព័ត៌មាននេះ នឹងប្រព្រឹត្តទៅនៅថ្ងៃទី៣ ខែមេសា ឆ្នាំ២០២៦ វេលាម៉ោង ១០:០០ នាទីព្រឹក នៅទីស្តីការក្រសួងយុត្តិធម៌ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងដោយមានការចូលរួមពី ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រី និងជាប្រធានលេខាធិការដ្ឋាន គ.ប.ច.ប.។
ទឹកប្រាក់ប្រមាណ៤៤២ពាន់លានដុល្លារ ត្រូវបានបាត់បង់ទូទាំងសកលលោកដោយសារ “Online Scam” ក្នុងរយៈពេលត្រឹមតែ១ឆ្នាំ
ក្នុងឱកាសការពារសេចក្តីព្រាងច្បាប់ស្តីពី “ការប្រឆាំងការឆបោកតាមប្រព័ន្ធ
បច្ចេកវិទ្យា” នាព្រឹកថ្ងៃទី៣០ ខែមីនា ឆ្នាំ២០២៦ ។ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានទម្លាយនូវទិន្នន័យដ៏គួរឱ្យតក់ស្លុតអំពីទំហំនៃការខូចខាតដែលបង្កឡើងដោយឧក្រិដ្ឋកម្មបច្ចេកវិទ្យា។
«ក្នុងរយៈពេលតែមួយឆ្នាំ សកលលោកបានបាត់បង់ប្រាក់ប្រមាណជា៤៤២ពាន់លានដុល្លារ ដោយសារការបោកប្រាស់តាមប្រព័ន្ធអនឡាញ(Scam) និងការបន្លំហិរញ្ញវត្ថុ។»
ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា ដោយមើលឃើញពីគ្រោះថ្នាក់ដ៏ធំធេងនេះ ប្រទេសជាច្រើនរួមទាំងកម្ពុជាផងដែរ បានកំណត់យកការប្រយុទ្ធប្រឆាំងនឹងឧក្រិដ្ឋកម្មបច្ចេកវិទ្យាជា «អាទិភាពថ្មី» ដើម្បីបង្កើនប្រសិទ្ធភាពក្នុងការទប់ស្កាត់ និងការពារប្រជាពលរដ្ឋឱ្យបានទាន់ពេលវេលា៕
រដ្ឋសភាអនុម័តសេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា និងសេចក្តីស្នើច្បាប់ស្តីពី
វិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា។
សេចក្តីថ្លែងការណ៍របស់អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បដិសេធការយកប្រសាសន៍របស់ឯកឧត្តម ប្រាក់ សុខុន ទៅធ្វើអត្ថាធិប្បាយ បំភ្លៃខុសខ្លឹមសារពិត
បច្ចុប្បន្នភាពស្តីពី «ការវិវឌ្ឍន៍ស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង»។ ថ្ងៃចន្ទ ១២កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣០ ខែមីនា ឆ្នាំ២០២៦ នៅទីស្តីការគណៈរដ្ឋមន្ត្រី។
(ខេត្តមណ្ឌលគិរី)៖ ក្រសួងបរិស្ថាន សហការជាមួយរដ្ឋបាលខេត្តមណ្ឌលគិរី និងអង្គការ WWF-កម្ពុជា បានរៀបចំកម្មវិធីទស្សនទាន «ទិវាមួយម៉ោងសម្រាប់ភពផែនដី» (Earth Hour) ឆ្នាំ២០២៦ ក្រោមប្រធានបទ «ការស្តារភាពបៃតងនៅកម្ពុជា»។ ពិធីនេះត្រូវបានប្រារព្ធឡើងយ៉ាងអធិកអធមនៅវិទ្យាល័យ ហ៊ុន សែន កោះញែក ក្រោមអធិបតីភាព ឯកឧត្តម សាម អ៊ីន រដ្ឋលេខាធិការក្រសួងបរិស្ថាន លោក ឌឹម នី អភិបាលរងខេត្តមណ្ឌលគិរី និងលោកបណ្ឌិត ឌី ប៉ាងការ នាយកអង្គការ WWF-កម្ពុជា ព្រមទាំងមានការចូលរួមពីមន្ត្រីពាក់ព័ន្ធ សិស្សានុសិស្ស និងប្រជាសហគមន៍យ៉ាងច្រើនកុះករ។
ក្នុងឱកាសនោះ លោក ឌឹម នី អភិបាលរងខេត្ត បានលើកឡើងពីក្តីបារម្ភចំពោះការប្រើប្រាស់ធនធានធម្មជាតិហួសប្រមាណ ដែលកំពុងគំរាមកំហែងដល់ភពផែនដី។ លោកបានអំពាវនាវដល់សាធារណជនឱ្យផ្លាស់ប្តូរទម្លាប់រស់នៅប្រចាំថ្ងៃ ដើម្បីនិរន្តរភាពកម្ពុជា តាមរយៈការគាំទ្រទេសចរណ៍ធម្មជាតិ ការប្រើប្រាស់ថាមពលកកើតឡើងវិញ (ថាមពលព្រះអាទិត្យ) និងការប្រើប្រាស់បរិក្ខាត្រជាក់ដោយមានការទទួលខុសត្រូវ។
ថ្លែងក្នុងពិធីកាលពីព្រឹកថ្ងៃទី២៨ ខែមីនា ឆ្នាំ២០២៦នោះដែរ ឯកឧត្តម សាម អ៊ីន រដ្ឋលេខាធិការក្រសួងបរិស្ថាន បានសង្កត់ធ្ងន់ពីតួនាទីដ៏សំខាន់នៃព្រៃឈើក្នុងការស្តុកទុកកាបូន ការពារជីវៈចម្រុះ និងទ្រទ្រង់ជីវភាពមនុស្សរាប់លាននាក់។ ឯកឧត្តមបានបញ្ជាក់ថា យើងត្រូវរួមគ្នាឱ្យកាន់តែសកម្មក្នុងការការពារ និងស្តារបេតិកភណ្ឌធម្មជាតិរបស់យើង ចាប់ពីពេលនេះតទៅ ដើម្បីទុកជាមរតកសម្រាប់មនុស្សជំនាន់ក្រោយ។
ដោយឡែក លោកបណ្ឌិត ឌី ប៉ាងការ នាយកអង្គការ WWF-កម្ពុជា បានបង្ហាញមោទនភាពដែលទិវានេះបានឈានដល់ខួបលើកទី២០ កម្រិតសកល និងលើកទី១៦ សម្រាប់កម្ពុជា។ លោកបានកៀរគរឱ្យគ្រប់មជ្ឈដ្ឋានចូលរួមស្តារព្រៃឈើ និងការពារសត្វព្រៃដែលកំពុងប្រឈមនឹងការបាត់បង់ ដើម្បីធានាអនាគតមួយដែលមនុស្ស និងធម្មជាតិរស់នៅជាមួយគ្នាដោយសុខដុមរមនា។
គួរបញ្ជាក់ថា ទិវាមួយម៉ោងសម្រាប់ភពផែនដី មិនត្រឹមតែជាការបិទភ្លើងនិមិត្តរូបមួយម៉ោងប៉ុណ្ណោះទេ ប៉ុន្តែគឺជាចលនាសកលដែលដាស់តឿនឱ្យមនុស្សគ្រប់រូបងាកមកយកចិត្តទុកដាក់លើការប្រែប្រួលអាកាសធាតុ និងការបាត់បង់ធនធានធម្មជាតិ ដើម្បីការពារ «ផ្ទះរួម» របស់ពួកយើងទាំងអស់គ្នា៕
បច្ចុប្បន្នភាពស្តីពី «ការវិវឌ្ឍន៍ស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង»។ ថ្ងៃអាទិត្យ ១១កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៩ ខែមីនា ឆ្នាំ២០២៦ នៅទីស្តីការគណៈរដ្ឋមន្ត្រី។
