(ភ្នំពេញ)៖ ក្នុងឱកាសអភិមង្គលដ៏នក្ខត្តឫក្ស នៃខួបចម្រើនជន្មាយុគម្រប់ ៤៩ឆ្នាំ ឈានចូល ៥០ឆ្នាំ នៅព្រឹកថ្ងៃទី២០ ខែតុលា ឆ្នាំ២០២៦ នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញជួបសំណេះសំណាល និងរៀបចំអាហារសាមគ្គីជូនដល់កុមារមានពិការភាពភ្នែក គថ្លង់ និងកុមារកំព្រា ប្រមាណជាង ៥០០នាក់ មកពីវិទ្យាល័យអប់រំពិសេសភ្នំពេញថ្មី វិទ្យាល័យអប់រំពិសេសច្បារអំពៅ វិទ្យាស្ថានជាតិអប់រំពិសេស និងមណ្ឌលកុមារកំព្រាភ្នំពេញថ្មី។

សូមទស្សនាព័ត៌មានពិស្ដារ៖

(ភ្នំពេញ)៖ នាថ្ងៃទី២០ ខែតុលា ឆ្នាំ២០២៦ នេះ រដ្ឋបាលរាជធានីភ្នំពេញបានរៀបចំ «វេទិកាផ្សព្វផ្សាយ និងពិគ្រោះយោបល់» នៅអគារពិពរណ៍កោះពេជ្រ ខណ្ឌចំការមន ក្រោមអធិបតីភាព ឯកឧត្តម ប៊ី ប្រេម សមាជិកក្រុមប្រឹក្សារាជធានីភ្នំពេញ តំណាង ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និង ឯកឧត្តម ពេញ ធារម្យ អភិបាលរងរាជធានីភ្នំពេញ តំណាង ឯកឧត្តម ឃួង ស្រេង អភិបាលរាជធានីភ្នំពេញ ដោយមានការចូលរួមពីអាជ្ញាធរមូលដ្ឋាន តំណាងសង្គមស៊ីវិល និងប្រជាពលរដ្ឋយ៉ាងច្រើនកុះករ។

សូមទស្សនាព័ត៌មានពិស្ដារ៖

(កំពង់ចាម)៖ នាព្រឹកថ្ងៃទី២០ ខែតុលា ឆ្នាំ២០២៦ គម្រោងស្ថាបនាផ្លូវបេតុងចំនួន ៣ខ្សែ នៅក្នុងស្រុកកំពង់សៀម ដែលមានថវិកាប៉ាន់ស្មានសរុបប្រមាណជិត ១៥០លានរៀល ត្រូវបានដាក់ឱ្យដេញថ្លៃជាសាធារណៈនៅសាលាស្រុកកំពង់សៀម ដោយមានការចូលរួមប្រកួតប្រជែងយ៉ាងស្មើភាព និងតម្លាភាពពីសំណាក់ក្រុមហ៊ុនសាងសង់ជាច្រើន ដែលធ្វើឱ្យតម្លៃដេញថ្លៃចុះទាប និងផ្តល់ផលចំណេញច្រើនដល់ថវិការដ្ឋ។

សូមទស្សនាព័ត៌មានពិស្ដារ៖

(បន្ទាយមានជ័យ)៖ នាព្រឹកថ្ងៃទី១៩ ខែតុលា ឆ្នាំ២០២៦ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អមដំណើរដោយ លោក ហុឹល រ៉ាយ៉ា អភិបាលរងខេត្ត លោក ស្រេង សុផល អភិបាលក្រុងសិរីសោភ័ណ និងក្រុមការងារ ចុះពិនិត្យទីតាំងត្រៀមរៀបចំ ផ្ទាំងសិលាចារឹក “សូមស្វាគមន៍ខេត្តបន្ទាយមានជ័យ” ដាក់នៅចំនុចប្រសប់ផ្លូវបំបែកវាងក្រុង ចូលមកក្រុងសិរីសោភ័ណ ស្ថិតនៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ។

សូមទស្សនាព័ត៌មានពិស្ដារ៖

(សៀមរាប)៖ គម្រោងពង្រឹងជញ្ជាំង និងកាំជណ្តើរជ្រុងខាងលិច នៃខ្លោងទ្វារទន្លេអុំ បាន និងកំពុងដំណើរការយ៉ាងរលូន ដោយបច្ចុប្បន្នការជួសជុលពង្រឹងជញ្ជាំងប្រវែង ១៥ម៉ែត្រ ត្រូវបានសម្រេចជាស្ថាពរ ហើយក្រុមការងារនៃនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា កំពុងបន្តខិតខំបង្ហាប់ដី បិទបាយអ និងពង្រាបដីនៅផ្នែកខាងលើ ដោយរំពឹងថានឹងបញ្ចប់ជាស្ថាពរនាពេលឆាប់ៗខាងមុខនេះ។

សូមទស្សនាព័ត៌មានពិស្ដារ៖

(រាជធានីភ្នំពេញ)៖ នារសៀលថ្ងៃទី១៨ ខែតុលា ឆ្នាំ២០២៦ នេះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានដឹកនាំមន្ត្រីជំនាញ និងអាជ្ញាធរដែនដី ចុះពិនិត្យទីតាំងបាក់ច្រាំងទន្លេមេគង្គនៅចំណុចផ្សារក្រមួន ស្ថិតក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ ដើម្បីចាត់វិធានការបង្ការ និងទប់ស្កាត់ការបាក់ស្រុតបន្តទៀត។

សូមទស្សនាព័ត៌មានពិស្ដារ៖

(ភ្នំពេញ)៖ តបតាមការអញ្ជើញរបស់អង្គការសុខភាពពិភពលោក (WHO) និងមានការអនុញ្ញាតដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានដឹកនាំគណៈប្រតិភូជាន់ខ្ពស់ អញ្ជើញចូលរួមកិច្ចប្រជុំលើកទី៧៧ របស់អង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច ចាប់ពីថ្ងៃទី១៩ ដល់ថ្ងៃទី២២ ខែតុលា ឆ្នាំ២០២៦ ក្រោមមូលបទ «Weaving health for all» នៅរដ្ឋធានីម៉ានីល សាធារណរដ្ឋហ្វ៊ីលីពីន។

សូមទស្សនាព័ត៌មានពិស្ដារ៖

(កំពង់ឆ្នាំង)៖ នៅថ្ងៃទី១៩ ខែតុលា ឆ្នាំ២០២៦ កងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ឆ្នាំង បានចុះអប់រំ ណែនាំ និងបញ្ជាឱ្យប្រជាពលរដ្ឋធ្វើការរុះរើឧបករណ៍នេសាទ (ដាយ) ដែលបានសាងសង់នៅតំបន់អូរប្រឡាយ (បឹងឥន្ធពេជ្រ) និងចំណុចព្រែកជីកកោះរការ ស្ថិតក្នុងឃុំពាមឆ្កោក ស្រុកជល់គិរី ចេញជាបណ្តោះអាសន្ន ដើម្បីរក្សាស្ថានភាពដើម ព្រោះការស្នើសុំសិទ្ធិនេសាទរបស់តំណាងប្រជាពលរដ្ឋ ២២៤នាក់ (ក្នុងគោលបំណងប្រមូលថវិកាសាងសង់ស្ពានប្រវែង ៣០ម៉ែត្រ) មានត្រឹមលិខិតអនុញ្ញាតជាគោលការណ៍ ប៉ុន្តែមិនទាន់ទទួលបានលិខិតសម្រេចផ្លូវការចុងក្រោយពីក្រសួង-ស្ថាប័នពាក់ព័ន្ធនៅឡើយទេ។

សូមទស្សនាព័ត៌មានពិស្ដារ៖

(ភ្នំពេញ)៖ នៅព្រឹកថ្ងៃទី១៩ ខែតុលា ឆ្នាំ២០២៦ នេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតីក្នុងពិធីបិទវគ្គបណ្តុះបណ្តាល «ភាសាអង់គ្លេស ក្នុងវិស័យព័ត៌មាន និងប្រព័ន្ធផ្សព្វផ្សាយ» ជូនដល់មន្ត្រីរាជការនៃក្រសួងព័ត៌មាន ដោយបានជំរុញឱ្យមានការបង្កើនការបណ្តុះបណ្តាលធនធានមនុស្សលើផ្នែកភាសាបរទេស សំដៅពង្រឹងការផលិត និងផ្សព្វផ្សាយព័ត៌មានពិតពីកម្ពុជាទៅកាន់ពិភពលោក។

សូមទស្សនាព័ត៌មានពិស្ដារ៖