រាជរដ្ឋាភិបាលកម្ពុជាសូមសម្តែងនូវអំណរគុណយ៉ាងស្មោះស្ម័គ្រ ចំពោះរដ្ឋាភិបាលម៉ាឡេស៊ី និងសហរដ្ឋអាមេរិក ដែលបានដើរតួនាទីដ៏សំខាន់ក្នុងការសហការរៀបចំកិច្ចប្រជុំពិសេសមួយ នៅទីក្រុង ពូត្រារៃយ៉ា នាថ្ងៃទី២៨ ខែកក្កដា ឆ្នាំ២០២៥ ដើម្បីដោះស្រាយស្ថានភាពបច្ចុប្បន្នរវាងកម្ពុជា និងថៃ។ កម្ពុជាសូមវាយតម្លៃខ្ពស់ចំពោះការចូលរួមយ៉ាងសកម្មរបស់សាធារណៈរដ្ឋប្រជាមានិ ចូលរួមនេះបានជួយគាំទ្រដល់ដំណើរការនៃកិច្ចសន្ទនា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/nM8S4i0LVQw

សាលារៀនសុវណ្ណភូមិ មានកិត្តិយសសូមជម្រាបជូនដំណឹងដល់សាលារៀនដែល បានទទួលរងផលប៉ះពាល់ផ្ទាល់ដោយសារជម្លោះរវាងកម្ពុជា-ថៃ នៅតាមព្រំដែនឱ្យបានជ្រាបថា៖ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក៏ដូចជាក្រសួងអប់រំ យុវជន និងកីឡា លោកឧកញ៉ា ជា ធីឡាយ អគ្គនាយក និងជាស្ថាបនិក នៃស្ថាប័នអប់រំ អ៊ុន ធី ស៊ី គ្រុប សម្រេចឧបត្ថម្ភក្នុងការជួសជុលបន្ទាន់សាលារៀនដែលទទួលរងការខូចខាត។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/rxqO9VmXfZA

គិតត្រឹមរសៀលថ្ងៃនេះ រដ្ឋបាលរាជធានីទទួលបានថវិកា ជាង៧២៨ លានរៀល និងជាង២៧ម៉ឺនដុល្លារ ពីសប្បុរស ជន។ រដ្ឋបាលរាជធានីភ្នំពេញ បានទទួលអំណោយពីសប្បុរស ជននានាបានចំនួនជាង ៧២៨លានរៀល និងជាង២៧ម៉ឺនដុល្លារហើយ គិតត្រឹមម៉ោង ‎គិតត្រឹមម៉ោង ១៣ និង៧នាទី ថ្ងៃទី២៨ ខែកក្កដា ឆ្នាំ២០២៥នេះ ដើម្បីបន្តយកទៅចែកជូនដល់វីរកងទ័ពជួរមុខ និងពលរដ្ឋកំពុងជម្លៀសខ្លួន ដោយជម្លោះប្រដាប់អាវុធ បង្កឡើង ដោយទាហានថៃឈ្លានពានមកលើដែន អធិបតេយ្យភាពរបស់កម្ពុជា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/QYcSeIe4Q9o

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជាបានបញ្ជាក់ថា រាជរដ្ឋាភិបាល ចាត់ទុកកិច្ចព្រមព្រៀងបទឈប់បាញ់នេះ ថាមានតម្លៃជាសារវ័ន្ត សម្រាប់ការថែរក្សាសន្តិភាពរវាងប្រទេសទាំងពីរកម្ពុជា-ថៃ ក៏ដូចជាសន្តិភាព ស្ថិរភាពនៅក្នុងតំបន់។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/84IH-Q-VCyo

អ្នកនាំពាក្យក្រសួងការពារជាតិ លោកជំទាវ ម៉ាលី សុជាតា បានបញ្ជាក់ថា តាំងពីបទឈប់បាញ់ចូលជាធរមាននាពាក់កណ្តាលអាធ្រាតថ្ងៃទី២៨ កក្កដា កន្លងទៅ កងទ័ពទាំងពីរកម្ពុជា-ថៃ មិនមានការផ្ទុះអាវុធដាក់គ្នានោះឡើយ ពោលគឺនៅទូទាំងផ្នែកទាំង៣នៃព្រំដែន អនុវត្តបានជោគជ័យនូវកិច្ចព្រមព្រៀងបទឈប់បាញ់ ដែលសម្រេចដោយប្រមុខថ្នាក់ដឹកនាំនៃប្រទេសទាំងពីរ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/DQlN_9JbVp8

អំណោយជាគ្រឿងឧបភោគ បរិភោគប្រមាណ៣៣មុខ ត្រូវបានក្រុមការងាររដ្ឋបាលរាជធានីភ្នំពេញ នាំមកប្រគល់ជូនដល់វីរកងទ័ពតាមបន្ទាត់ព្រំដែនជួរមុខ ខេត្តព្រះវិហារ ក្រោយពីទាហានថៃបានបង្កសង្គ្រាមឈ្លានពានយ៉ាងគឃ្លើនមកលើអធិបតេយ្យភាពកម្ពុជា។ ពិធីប្រគល់ និងទទួលអំណោយដែលជាទឹករបស់ប្រជាពលរដ្ឋក្នុងរាជធានីភ្នំពេញ និងសប្បុរសជន បានធ្វើឡើង នាព្រឹកថ្ងៃទី២៩ ខែកក្កដាឆ្នាំ២០២៥នេះ  ក្រោមវត្តមាន ឯកឧត្តមឯក ឃុនដឿន អភិបាលរងរាជធានី ជូនលោកឧត្តមសេនីយ៍ឯកសួន ពិរុណ មេបញ្ជារងកងអង្គរក្ស នៅទីបញ្ជាការដ្ឋានកងអង្គរក្សប្រចាំទិសខេត្តព្រះវិហារ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/O-YxzsZo12k

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា កាលពីព្រឹកថ្ងៃទី២៩ ខែកក្កដា ឆ្នាំ២០២៥ បានដឹកនាំគណៈប្រតិភូរាជរដ្ឋាភិបាលកម្ពុជា អញ្ជើញគោរពវិញ្ញាណក្ខន្ធ ឯកឧត្តម ឧត្តមសេនីយ៍ឯក ដួង សំនៀង មេបញ្ជាការកងពលតូចអន្តរាគមន៍លេខ៧ ដែលបានពលីជីវិតជូនជាតិមាតុភូមិ ក្នុងសមរភូមិប្រយុទ្ធជាមួយសត្រូវឈ្លានពានទឹកដី ក្នុងភូមិសាស្ត្រខេត្តព្រះវិហារ កាលពីថ្ងៃសៅរ៍ ទី២៦ ខែកក្កដា ឆ្នាំ២០២៥ ក្នុងជន្មាយុ៦៧ឆ្នាំ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/w2dTTUYcfv8

អំឡុងពេលនៃសកម្មភាពឈ្លានពានរបស់យោធាថៃមកលើកម្ពុជា ដែលបានចាប់ផ្តើមពីថ្ងៃទី២៤ ខែកក្កដា ឆ្នាំ២០២៥ រហូតមកទល់ពេលនេះ យោធាថៃបានប្រើប្រាស់សព្វាវុធធន់ធ្ងន់គ្រប់ប្រភេទបំពានធម្មនុញ្ញអង្គការ សហប្រជាជាតិ ធម្មនុញ្ញអាស៊ាន និងគោលការណ៍ជាមូលដ្ឋាននៃច្បាប់អន្តរជាតិ ដូចជា យន្តហោះទម្លាក់គ្រាប់ បែក គ្រាប់បែកចង្កោម ផ្សែងពុល និងយុទ្ធភណ្ឌមិនទាន់ផ្ទុះផ្សេងៗ ដែលបានបង្កគ្រោះថ្នាក់យ៉ាងធ្ងន់ធ្ងរ និង ប៉ះពាល់ជាអវិជ្ជមានដល់ប្រជាពលរដ្ឋ បំផ្លាញបេតិកភណ្ឌពិភពលោក ហេដ្ឋារចនាសម្ព័ន្ធសាធារណៈ វត្តអារាម ប្រាសាទបុរាណ សាលារៀន មណ្ឌលសុខភាព លំនៅដ្ឋាន និងប៉ះពាល់សុខភាពធ្ងន់ធ្ងរ។ ផលវិបាកនៃការ ប្រើប្រាស់សព្វាវុធទាំងនោះ បានបង្ខំឱ្យប្រជាពលរដ្ឋរាប់ម៉ឺនគ្រួសារ ជម្លៀសទៅកាន់ទីតាំងសុវត្ថិភាពជាច្រើន កន្លែងតាមបណ្តាខេត្តនានា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/VjX2gSM5elc

កាកបាទក្រហមកម្ពុជា ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ គង់ប្រថាប់ដ៏ឧត្តុង្គឧត្តម ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានបានចាត់ឱ្យក្រុមការងារបន្តនាំយកនូវគ្រឿងឧបភោគ-បរិភោគ ជួយសម្រាលការលំបាកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន១០១គ្រួសារទៀតមកពីស្រុកមណ្ឌលសីមា និងក្រុងខេមរភូមិន្ទ នៃខេត្តកោះកុង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/JTV3X_pXF8E

នៅល្ងាចថ្ងៃទី ២៧ ខែកក្កដា ឆ្នាំ២០២៥, ក្នុងដំណើរអង្កេត និងវាយតម្លៃស្ថានភាពរស់នៅរបស់ពលរដ្ឋដែលបានភៀសសឹកពីតំបន់ដែលរងការឈ្លានពានពីសៀម, ឯកឧត្តមបណ្ឌិត ចន ណារិទ្ធ បានជូនដំណឹងដល់ពលរដ្ឋដែលកំពុងស្នាក់នៅតំបន់មានសុវត្តិភាពនៅក្នុងខេត្តសៀមរាបថា ទោះបីជាពលរដ្ឋបានចំណាក់ស្រុកពីតំបន់មួយទៅតំបន់មួយ ក៏ពិតមែន, ក៏ប៉ុន្តែពួកគាត់នៅតែទទួលបានការគាំពារពីរាជរដ្ឋាភិបាល ជាពិសេសពលរដ្ឋដែលមានស្ថានភាពក្រីក្រ និងមានបណ្ណសមធម៌ និងនៅតែទទួលបានប្រាក់ឧបត្ថម្ភប្រចាំខែជាធម្មតានៅតាមគ្រប់បញ្ជរវីងនៅទូទាំងប្រទេស នៅរៀងរាល់ចុងខែនីមួយៗ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/IIZ1qjGIfMY

អំណោយចម្រុះជាង១០០មុខ ដែលបានមកពីទឹកចិត្តសប្បុរសជន និងពលរដ្ឋភៀសសឹកនៅរាជធានីភ្នំពេញ ត្រូវបានរដ្ឋបាលរាជធានីភ្នំពេញ នាំយកទៅប្រគល់ជូនវីរកងទ័ពជួរមុខ និងពលរដ្ឋកំពុងជម្លៀសចេញពីតំបន់ប្រឈមមុខគ្នា ដោយអាវុធពីការឈ្លានពាន យ៉ាងគឃ្លើនរបស់ទាហានសៀមមកលើអធិបតេយ្យភាពកម្ពុជានៅមណ្ឌលសុវត្ថិភាពវត្តពោធិ៍ ៥០០០ដើម។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/KxmYr1rFqMw

គិតត្រឹមម៉ោង ១៧ និង០០នាទី ថ្ងៃអាទិត្យទី២៧ ខែកក្កដា ឆ្នាំ២០២៥នេះ រដ្ឋបាលរាជធានីភ្នំពេញបានបន្តទទួលអំណោយពីសប្បុរសជននានាបានចំនួន ជាង៥៧១លានរៀលនិងប្រាក់ដុល្លារបានចំនួនជាង១៤ម៉ឺនដុល្លារ ព្រមទាំងគ្រឿងឧបភោគ បរិភោគ ថ្នាំពេទ្យ សម្ភារផ្សេងៗជាច្រើនមុខទៀត ដើម្បីយកទៅចែកជូនដល់វីរកងទ័ពជួរមុខនិងពលរដ្ឋកំពុងជម្លៀសខ្លួន បន្ទាប់ពីមានជម្លោះប្រដាប់អាវុធ ដែលបង្កឡើង ដោយទាហានសៀមឈ្លានពានមកលើដែន អធិបតេយ្យភាពរបស់កម្ពុជា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/ZhI5F5tQs4A

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានបញ្ជាក់នៅក្នុងសន្និសីទសារព័ត៌មាននៃព្រឹកថ្ងៃទី២៨ កក្កដានេះថា ក្នុងនាមអ្នកនាំពាក្យរាជរដ្ឋាភិបាល សូមគោរព និងដឹងគុណយ៉ាងជ្រាលជៅចំពោះវីរៈកងទ័ពគ្រប់ប្រភេទ ដែលបានលះបង់គ្រប់បែបយ៉ាង បូជាសាច់ស្រស់ឈាមស្រស់ ដើម្បីប្រយុទ្ធតតាំងជាមួយសត្រូវឈ្លានពានទឹកដីរបស់យើង ហើយបានតស៊ូយ៉ាងស្វិតស្វាញការពារបូរណភាពទឹកដី មិនឱ្យសត្រូវឈ្លានពានដណ្តើមយក។

ឯកឧត្តមចាត់ទុកថា នេះជាគុណបំណាច់ដែលប្រជាពលរដ្ឋខ្មែរគ្រប់រូប សូមគោរពសរសើរ និងដឹងគុណ ក្នុងការជ្រោងទង់ជាតិរបស់កម្ពុជា ស្រែកប្រាប់ពិភពលោកយ៉ាងខ្ទរខ្ទារ ឱ្យបានដឹងពីការឈ្លានពានរបស់ថៃមកលើអធិបតេយ្យភាពជាតិ និងបូរណភាពទឹកដីកម្ពុជា។

នេះជាកម្លាំងចលករយ៉ាងខ្លាំងរបស់ប្រជាជាតិខ្មែរ ដើម្បីបង្ហាញប្រាប់ពិភពលោកថា កម្ពុជាស្រលាញ់សន្តិភាព និងគោរពច្បាប់អន្តរជាតិ និងប្រឆាំងដាច់ខាតទៅនឹងការឈ្លានពានរបស់ប្រទេសថៃ។

សូមរំលឹកថា កាលពីយប់ថ្ងៃអាទិត្យកន្លងទៅ សម្តេចធិបតី នាយករដ្ឋមន្ត្រីកម្បុជា មានកិច្ចសន្ទនាតាមទូរស័ព្ទជាមួយប្រធានាធិបតីអាមេរិក ហើយក្នុងកិច្ចសន្ទនានោះ គឺប្រធានាធិបតីអាមេរិក ត្រាំ បានស្នើឱ្យមានការឈប់បាញ់គ្នាជាបន្ទាន់ ហើយសម្តេចធិបតី ហ៊ុន ម៉ាណែត បានឯកភាពទាំងស្រុង។

កិច្ចសន្ទនាក៏បានដែររវាងប្រធានាធិបតីត្រាំ ជាមួយនាយករដ្ឋមន្ត្រីស្តីទីថៃ ហើយនាយករដ្ឋមន្ត្រីក៏ទទួលយកសំណើបទឈប់បាញ់នេះពីប្រធានាធិបតីអាមេរិកដូចគ្នាដែរ។

យ៉ាងណាក៏ដោយអ្នកនាំពាក្យរដ្ឋាភិបាលកម្ពុជា បានបញ្ជាក់ថា ពេញមួយថ្ងៃម្សិលម៉ិញនេះ កងទ័ពថៃនៅតែវាយប្រហារមកកងទ័ពកម្ពុជាឥតឈប់ឈរ រហូតមកដល់ពេលនេះ ទោះបីមានបទឈប់បាញ់ក៏ដោយ។ ឯកឧត្តមបានបញ្ជាក់ថា សំណើបទឈប់បាញ់គឺសមស្របណាស់ ដូចអ្វីដែលកម្ពុជាចង់បាន ព្រោះយើងដឹងទាំងអស់គ្នាហើយ កម្ពុជាឈរនៅខាងសន្តិភាព និងគោរពច្បាប់អន្តរជាតិ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/9RTzDbwL82Y

ផ្សាយបន្តផ្ទាល់ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដឹកនាំគណៈប្រតិភូជាន់ខ្ពស់កម្ពុជា ទៅចូលរួមកិច្ចប្រជុំពិសេសនៅទីក្រុងកូឡាឡាំពួរ ដែលមានម៉ាឡេស៊ី ធ្វើជាម្ចាស់ផ្ទះ សហរដ្ឋអាមេរិកជាសហអ្នករៀបចំ និងមានការចូលរួមពីតំណាងចិន ដើម្បីសម្រេចឲ្យមានបទឈប់បាញ់គ្នាជាបន្ទាន់រវាង កម្ពុជា-ថៃ។

Credit: TVK Cambodia(ទូរទស្សន៍ជាតិកម្ពុជា)

ទស្សនាវីដេអូពេញខាងក្រោមនេះ៖