តិចសាស់៖មនុស្សយ៉ាងហោចណាស់ចំនួន៣នាក់បានស្លាប់បាត់បង់ជីវិតក្នុងហេតុការណ៍យន្តហោះពីរគ្រឿងបានហោះបុកគ្នាបណ្ដាលអោយធ្លាក់ភ្លាមៗនៅក្នុងរដ្ឋតិចសាស់សហរដ្ឋអាមេរិកកាលពីល្ងាចថ្ងៃទី ៣១ខែឆ្នូ ឆ្នាំ២០១៦ង។
តាមសម្ដីសាក្សីដែលបានឃើញហេតុការណ៍នោះបានអោយដឹងថា គេឃើញយន្តហោះមួយគ្រឿងបានហោះទៅបុកស្លាបយន្តហោះមួយគ្រឿងផ្សេងទៀតទើបបណ្ដាលអោយយន្តហោះទាំងពីរធ្លាក់។ យន្តហោះទាំងពីរជាយន្តហោះខ្នាតតូច និងមិនដឹងថា យន្តហោះទាំងពីរនោះហោះមកពីណាទេ។ យន្តហោះទីមួយធ្លាក់មកលើផ្លូវជាតិ និងយន្តហោះមួយទៀតធ្លាក់មកចូលឃ្លាំងសំរាប់ចតកាណូត៕
រាជធានីភ្នំពេញ៖មានករណីភ្ញាក់ផ្អើលមួយបានកើតឡើង គ្រាដែលបុរសម្នាក់ត្រូវជនសង្ស័យមិនស្គាល់អត្តសញ្ញាណ យកញញួរវាយរហូតទាល់តែស្លាប់ ខណៈកំពុងតែដេកលង់លក់ក្នុងអង្រឹង។ ហេតុការណ៍នេះកើតឡើងនៅព្រឹកថ្ងៃទី២ ខែមករា ឆ្នាំ២០១៧នេះ ស្ថិតក្នុងភូមិសំបូរ សង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះកំពុងតែដេកលង់លក់ នៅក្នុងអង្រឹងដែលចង់នៅក្រោមដើមឈើ ហើយតែមានជនមិនស្គាល់អត្តសញ្ញាណម្នាក់ បានធ្វើសកម្មភាពយកញញួរដែក មកវាយទាំងកម្រោល បណ្ដាលឲ្យជនរងគ្រោះស្លាប់ក្នុងថ្លុកឈាម។
ទោះបីយ៉ាងណាបើតាមអធិការខណ្ឌដង្កោលោក ជឹម ស៊ីថា បានបញ្ជាក់ថា កម្លាំងនគរបាលជំនាញរបស់លោកបានឃាត់ខ្លួនជនសង្ស័យម្នាក់ ដែលជាមិត្តភក្តិរស់នៅជាមួយជនរងគ្រោះ ដើម្បីយកទៅសួរនាំផងដែរ៕
វ៉ាស៊ីនតោន៖មន្ត្រីទូតរុស្ស៊ីចំនួន ៣៥នាក់បានចាកចេញយ៉ាងតក់ក្រហល់ពីទីក្រុងវ៉ាស៊ីនតោន នៅថ្ងៃអាទិត្យ ទី០១ ខែមករា ឆ្នាំ២០១៧ បន្ទាប់ពីរដ្ឋបាលលោក បារ៉ាក់ អូបាម៉ា បានសម្រេចបណ្តេញពួកគេចេញដោយទុកពេល ៧២ម៉ោងឲ្យរៀបចំឥវ៉ាន់។
ភ្នាក់ងារសារព័ត៌មានរុស្ស៊ី Ria Novosti បានរាយការណ៍ថា យន្ដហោះខាងលើដឹកមន្ត្រីទូតរុស្ស៊ី ៣៥នាក់ និងក្រុមគ្រួសាររបស់ពួកគេសរុប ៩៦នាក់ដែលនឹងធ្វើដំណើរត្រឡប់ទៅស្រុកកំណើតវិញ បន្ទាប់ពីត្រូវបានបណ្ដេញចេញនៅក្នុងក្របខ័ណ្ឌនៃ ការដាក់ទណ្ឌកម្មរបស់រដ្ឋាភិបាលលោក បារ៉ាក់ អូបាម៉ា ប្រឆាំងសម្រាប់ការចោទប្រកាន់ថា បានជ្រៀតជ្រែតចូលក្នុងកិច្ចការបោះឆ្នោតជ្រើសរើសប្រធានាធិបតីសហរដ្ឋអាមេរិកកាលពីថ្ងៃទី៨ ខែ វិច្ឆិកា។ មន្ត្រីទូតទាំង៣៥នាក់ នេះជាប់ចោទថាជាសមាជិកទីភ្នាក់ងារស៊ើបការសម្ងាត់រុស្ស៊ី GRU និង FSB ដែលក៏ជាកម្មវត្ថុនៃការដាក់ទណ្ឌកម្មនេះផងដែរ៕
ខេត្តមណ្ឌលគិរី៖តាមបញ្ជាផ្ទាល់របស់លោក ឡុង ហុកម៉េង ព្រះរាជអាជ្ញាអមសាលដំបូងខេត្ត លោក យិន ចន្ច័ទី មេបញ្ជាការវរៈការពារ ព្រំដែនគោគលេខ១០៣ដឹកនាំកំលាំងចុះចាប់ឃាត់រថយន្ត ប្រកុងដឹកឈើធំៗចំនួនពីរគ្រឿង រួមទាំងមនុស្សប្រាំនាក់ ខណៈកំពុងដឹកឈើបម្រុងចូលទៅក្នុងក្រុមហ៊ុនយូនីគ្រីនដោយខុសច្បាប់ កាប់ឈើពីក្រៅទីតាំងដែលប្រមុខរាជរដ្ឋាភិបាលកំពុងតែហាមឃាត់ បច្ចុប្បន្នវត្ថុតាង បញ្ជូនមកផ្ញើនៅអធិការដ្ឋានស្រុកកោះញែកកាលពីយប់ថ្ងៃទី០១ មករា ឆ្នាំ២០១៧។
សមត្តកិបានឲ្យដឹថា ក្នុងការឃាត់ចាប់រថយន្ដខាងលើនេះគឺបានឃាត់តៃកុងរថយន្ថចំនួនពីរនាក់ ព្រួបីនាក់ ដែលដឹកឈើគគីរបម្រុងដឹកចូលក្នុងឃ្លាំងក្រុមហ៊ុន យ៉ូនីគ្រីន ចំណុចជើងភ្នំក្រោលស្ថិតនៅក្នុងស្រុកកោះញែកខេត្តមណ្ដលគិរី ខណៈរថយន្ដពីគ្រឿងផ្សេងទៀតត្រូវបានរត់គេចចូលព្រៃក្រោយពីដឹងថាកំលាំងសមត្ថកិច្ចចា ប់ឃាត់រថយន្ដនៅខាងមុខ។
សកម្មភាពយ៉ាងគគ្រឹកគគ្រេងបែបនេះ មន្ត្រីក្នុងស្រុកកោះញែកដូចជាស្ងៀមស្ងាត់ខ្សឹបខ្សាវគ្នាដូចគ្មានរឿងអី បច្ចប្បន្ននេះទាំងរថយន្ត និងមនុស្សយកមករក្សាទុកនៅអធិការស្រុកកោះញែករង់ចាំប្រធានមន្ទីរកសិកម្មខេត្តចុះទៅត្រួតពិនិត្យជាក់ស្ដែង។
ប្រភពពីប្រជាពលរដ្ឋបានបង្ហើបឲ្យដឹងថា រថយន្ដខាងលើនេះបានធ្វើការដឹកជញ្ជូន ឈើជាយូរខែមកហើយ ដោយដឹកចេញពីចំណុចតំបន់ព្រៃចាស់ជាប់ដី ក្រុមហ៊ុនយូនីគ្រីន ហើយកាប់អារសុទ្ធតែប្រភេទឈើធំៗដូចជាឈើ គគីរ កកោះ សុក្រំ ដែលមានមុខកាត់ធំៗ។ ពលរដ្ឋបានបន្តថា ការដឹកជញ្ជូនឈើខាងលើនេះធ្វើទៅយ៉ាងរលូនដោយពុំឃើញ ជំនាញចុះទៅបង្ក្រាបនោះឡើយ ទើបតែបែកធ្លាយព័ត៌មានដល់ទៅ ព្រះរាជអាជ្ញាខេត្ត ទើបលោក ចេញបញ្ជាឲ្យចាប់ជាបន្ទាន់តែម្តង៕
ខេត្តសៀមរាប៖មនុស្ស៣នាក់ត្រូវឃាតករដៃឆៅចាប់អារ.កនៅក្នុងបន្ទប់ជួលបណ្ដាលឲ្យបុរស២នាក់ស្លាប់ និងស្ត្រីម្នាក់រងរបួស់ធ្ងន់បង្កឲ្យមានការភ្ញាក់ផ្អើលកាលពីវេលាម៉ោង៦ព្រឹកថ្ងៃទី១ ខែមករាឆ្នាំ២០១៧ នៅចំណុចបន្ទប់ជួលក្រុមទី៦ ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។
សមត្ថកិច្ចបានឲ្យដឹងថា ជនរងគ្រោះទាំង៣នាក់ ទី១ឈ្មោះ ឃុន សុយឹន ភេទប្រុស អាយុ ២៧ឆ្នាំ មុខរបរធ្វើការនៅក្រុមហ៊ុនអាហារបំប៉ន មានស្រុកកំណើតភូមិស្រែស្រូវ ឃុំល្បើក ស្រុកឈូក ខេត្រកំពត(ស្លាប់)។ ទី២ឈ្មោះ វេត រដ្ឋា ភេទប្រុស អាយុ២៥ឆ្នាំ មុខរបរ ធ្វើការជាមួយគ្នា មានស្រុកកណើតនៅភូមិគោកព្រិច ឃុំសូភី ស្រុកអូជ្រៅ ខេត្តបន្ទាយមានជ័យ(ស្លាប់)។ ទី៣ឈ្មោះ ឡេង ស្រីពៅ ភេទស្រី អាយុ២៥ឆ្នាំ មុខរបរធ្វើការក្រុមហ៊ុនជាមួយគ្នាស្រុកកំណើតនៅភូមិ ឃុំការ៉នជោ ឃុំអង្កាញ់ ស្រុកទ្រាំង ខេត្តតាកែវ រងរបួសធ្ងន់ កំពុងសង្គ្រោះបន្ទាន់នៅមន្ទីរពេទ្យ។ ក្នុងចំណោមជនរងគ្រោះទាំង៣នាក់នេះ មាន២នាក់ជាប្ដីប្រពន្ធនឹងគ្នា។
ស្ដ្រីដែលរងរបួសធ្ងន់ ដោយត្រូវឃាតកអារ-ក និងកាត់ដៃម្ខាងចោល តែនៅមានដង្ហើម ក៏បានខលទៅបងប្អូនមកជួយ ពេលនេះ កំពុងស្ថិតក្នុងការសង្គ្រោះបន្ទាន់នៅមន្ត្រីរពេទ្យ មិនទាន់ដឹងថាទៅជាយ៉ាងណានៅឡើយ។តាមប្រភពពត័មានពីសមត្ថកិច្ចបានអោយដឹង ជនរងគ្រោះប្រុសស្រីទាំង៣នាក់ដែលត្រូវឃាតកសម្លាប់អាកនោះ សមត្ថកិច្ចកំពុងស្រាវជ្រាវស៊ីបអង្គេតអោយច្បាស់លាស់សិន មិនទាន់សន្និដ្ឋានថា គឺជារឿងគំនុំ ឬ ជារឿងសម្លាប់ប្លន់យកទ្រព្យសម្បត្តិនោះទេ ព្រោះទ្រព្យសម្បត្តិមួយចំនួន ព្រមទាំងមានឯកសារ របស់បុគ្គលិកទាំង៣នាក់នោះ ឃើញនៅក្នុងបន្ទប់ជួល។ យ៉ាងណាអ្វីដែលគួឲ្យចាប់អារម្មណ៍នៅត្រង់ថាឃាតករពិតជាជំនាញនិងខ្លាំងព្រោះមនុស្សប្រុសពីរនាក់ត្រូវវាចាប់អាករបាន។
លោក ភឹង ចិន្តារ៉េតស្នងការនគរបាលរងនគរបាលខេត្តសៀមរាប បានបញ្ជាក់ឲ្យដឹងនៅរសៀលថ្ងៃទី១ ខែមករា ឆ្នាំ២០១៧នេះថា កម្លាំងនគរបាលរបស់លោក បានកំណត់អត្តសញ្ញាណជនសង្ស័យបានហើយ ហើយបាននឹងកំពុងស្រាវជ្រាវតាមចាប់ខ្លួន។ លោកថា លោកមិនទាន់ហ៊ានប្រាប់ថា មានជនសង្ស័យប៉ុន្មាននាក់នោះទេ ដែលធ្វើសកម្មភាពចូលទៅប្លន់ទ្រព្យសម្បត្តិ តែជនរងគ្រោះដឹងទាន់ក៏សម្លាប់តែម្តង៕
តួកគី៖អភិបាលក្រុងអ៊ីស្តង់ប៊ុលលោក វ៉ាស៊ីប សាហ៊ីន បាននិយាយថា មនុស្សយ៉ាងហោចណាស់៣៥នាក់បានស្លាប់ និង៤០នាក់ផ្សេងទៀតបានរងរបួស បន្ទាប់ពីបុរសម្នាក់បានបាញ់រះទៅលើក្លឹបកម្សាន្តមួយ នៅទីក្រុងអ៊ីស្តង់ប៊ុល នៅយប់ថ្ងៃឆ្លងឆ្នាំសកល។ នេះដោយយោងតាមសារព័ត៌មាន Channel News Asia។
ជាមួយគ្នានេះអភិបាលក្រុងរូបនេះបានចាត់ទុកការបាញ់រះនេះ គឺជាការវាយប្រហារភេរវកម្ម។ លោកថ្លែងថា មនុស្ស ៣៥នាក់ បានបាត់បង់ជីវិតរបស់ពួកគេ ក្នុងនោះមានទាំងមន្ត្រីប៉ូលិសម្នាក់ផងដែរ។
អាជ្ញាធរបាននិយាយថា មនុស្សប្រហែល៥០០ទៅ៦០០នាក់ស្ថិតនៅក្នុងក្លឹបនោះនៅពេលកើតហេតុ។ មនុស្សមួយចំនួននៅក្នុងពិធីនោះ បានលោតចូលទឹក ដើម្បីគេចពីការបាញ់រះ ហើយបន្ទាប់មកប៉ូលិសជួយសង្គ្រោះ។
គួរបញ្ជាក់ថា ការបាញ់រះនេះកើតឡើងមិនដល់មួយខែផង ក្រោយពីការបំផ្ទុះគ្រាប់បែកចំនួន២នៅខាងក្រៅកីឡដ្ឋានបាល់ទាត់កាលពីថ្ងៃទី១០ ខែធ្នូ ដែលបានសម្លាប់មនុស្ស៤៤នាក់ បង្កឡើងដោយពួកឧទ្ទាមឃឺត៕
កូរ៉េខាងជើង៖យោងតាមទីភ្នាក់ងារព័ត៌មាន Reuters បានឲ្យដឹងថា មេដឹកនាំកូរ៉េខាងជើង លោក គីម ជុងអ៊ុន បានប្រកាសថា ប្រទេសនេះជិតចាប់ផ្ដើមសាកល្បងគ្រាប់មីស៊ីលឆ្លងទ្វីបហើយ។
មេដឹកនាំកុម្មុយនីស្តមួយនេះបានថ្លែងថា ការស្រាវជ្រាវ និងការអភិវឌ្ឍសម្ភារៈសឹកថ្មីៗ បាននិងកំពុងដំណើរការទៅយ៉ាងសកម្ម ហើយការរៀបចំសម្រាប់សាកល្បងគ្រាប់ឆ្លងទ្វីប ក៏កំពុងឈានដល់ដំណាក់កាលចុងក្រោយផងដែរ។
គួរបញ្ជាក់ថា ក្នុងអំឡុងឆ្នាំ២០១៦កន្លងមកកូរ៉េខាងជើងក៏បានបាញ់សាកល្បងគ្រាប់មីស៊ីលបាលីស្ទីកជាច្រើនលើកផងដែរ បើទោះបីជាអ្នកជំនាញមួយចំនួននិយាយថា រដ្ឋកុម្មុយនីស្តមួយនេះ មិនទាន់មានសមត្ថភាពផលិតគ្រាប់មីស៊ីលឆ្លងទ្វីប បំពាក់ក្បាលគ្រាប់បែកនុយក្លេអ៊ែរ ដែលអាចបាញ់ទៅដល់អាមេរិកនោះឡើយ៕
ខេត្តត្បូងឃ្មុំ៖បុរសស្រវឹងស្រាម្នាក់បានជិះម៉ូតូទៅផ្ទះមិត្តភក្តិ ហើយសួររកទូរស័ព្ទរបស់ខ្លួន តែរកមិនឃើញ ក៏យកគ្រាប់បែកដាក់ទ្រូងមិត្តភក្តិបណ្ដាលឲ្យផ្ទុះស្លាប់ទាំង២នាក់តែម្តង។ ហេតុការណ៍នេះដ៏រន្ធត់នេះកើតឡើងនៅរសៀលថ្ងៃទី១ ខែមករា ឆ្នាំ២០១៧ ស្ថិតក្នុងភូមិត្របែក ឃុំមេមត់ ស្រុកមេមត់ ខេត្តត្បូងឃ្មុំ។
មន្ដ្រីនគរបាលមូលដ្ឋានបានឲ្យដឹងថា មុនពេលកើតហេតុជនបង្ក ឈ្មោះ សំ សារ៉ាត ហៅជា ស្ថិតក្នុងស្ថានភាពស្រវឹងជោក បានជិះម៉ូតូមួយគ្រឿងម៉ាក ស៊ីរ៉ូស ពណ៌ក្រហមខ្មៅ ដោយភ្ជាប់មកជាមួយនៅគ្រាប់បែកមួយគ្រាប់ មកឈប់មុខផ្ទះឈ្មោះ សូ ណាក់ អាយុ៤១ឆ្នាំ ហើយបានជួបជនរងគ្រោះឈ្មោះ ខុញ ខា អាយុ៤៣ឆ្នាំ ដោយបានសួររកទូរស័ព្ទរបស់ខ្លួន ហើយឈ្មោះ ខុញ ខា ឆ្លើយថាមិនឃើញរួច ជនបង្កជិះម៉ូតូចេញទៅវិញមួយសន្ទុះ ក្រោមមកត្រឡប់មកវិញ។
នគរបាលបន្ដថា ពេលត្រឡប់មកវិញ ជនបង្កបានយកគ្រាប់បែកមកដាក់ញុកទ្រូងឈ្មោះ ខុញ ខា រួចនិយាយថា «បើឯងស្រលាញ់គ្នា យើងងាប់ទាំងអស់គ្នា» ថារួចជនបង្កក៏បានដកគ្រាប់បែកចេញបណ្ដាលឲ្យផ្ទុះស្លាប់ទាំង២នាក់ភ្លាមៗ។
បច្ចុប្បន្នកម្លាំងនគរបាលជំនាញ កំពុងធ្វើការស្រាវជ្រាវបន្ដ និងប្រគល់សពជូនក្រុមគ្រួសារ ដើម្បីធ្វើបុណ្យតាមប្រពៃណី៕
ពិភពលោក៖ជនស៊ីវិលក្នុងប្រទេសស៊ីរី ប្រទេសអ៊ីរ៉ាក់ និងបណ្ដាប្រទេសនៅអឺរ៉ុបពិតជានឹងកត់សម្គាល់ឆ្នាំ២០១៦ក្នុងកំណត់ត្រាប្រវត្តិសាស្ត្ររបស់ខ្លួន។ ប្រជាជនអាមេរិកធ្វើឲ្យពិភពលោកភ្ញាក់ផ្អើលជាខ្លាំង នៅពេលដែលបានបោះឆ្នោតឲ្យលោក Donald Trump ជាប់ជាប្រធានាធិបតីអាមេរិក ។ មនុស្សរាប់ម៉ឺននាក់ត្រូវបានសម្លាប់ដោយការវាយប្រហារភេរវកម្ម ឧក្រិដ្ឋកម្មស្អប់ និងគ្រោះមហន្តរាយធម្មជាតិនៅទូទាំងទ្វីប ។ ឆ្នាំ២០១៦ នេះបានបង្ហាញពីសោកនាដកម្មជាច្រើនទាំងមនុស្សជាតិ និងធម្មជាតិ ។
ខែមករា
ថ្ងៃទី១៥ ខែមករា
តៃវ៉ាន់បោះឆ្នោតជ្រើសរើសប្រធានាធិបតីស្រីជាលើកដំបូង ៖ នៅក្នុងការបោះឆ្នោតប្រធានាធិបតីរបស់តៃវ៉ាន់នេះ ប្រធានគណបក្សចម្រើនប្រជាធិបតេយ្យ និងជាបេក្ខជនលោកស្រី Tsai Ing-wen បានកាន់តំណែងជាលើកដំបូងជាមួយនឹងការទទួលបានសម្លេងឆ្នោត ៥៦.១ភាគរយ ។ លោកស្រី Tsai បានចូលកាន់តំណែងនៅថ្ងៃទី២០ ខែឧសភា ។
ថ្ងៃទី២០ ខែមករា
បណ្តាប្រទេសដែលរងផលប៉ះពាល់មេរោគ Zika ៖ បើយោងតាមអង្គការសុខភាពពិភពលោក WHO វីរុស Zika បានរីករាលដាលការផ្ទុះនៅក្នុងទ្វីបអាមេរិក ។ មេរោគនេះបណ្តាលឲ្យក្បាលតូច ក្នុងចំណោមទារកដែលម្តាយត្រូវបានឆ្លងមេរោគនេះ ។ អ្នកឆ្លងមេរោគនេះប្រមាណ ៤លាននាក់ត្រូវបានរកឃើញមកទល់ពេលនេះ ។
ខែមីនា
ថ្ងៃទី៣ ខែមីនា
ដាក់ទណ្ឌកម្មប្រទេសកូរ៉េខាងជើង ៖ ក្រុមប្រឹក្សាសន្តិសុខអង្គការសហប្រជាជាតិជាឯកច្ឆ័ន្ទបានដាក់ទណ្ឌកម្មទៅលើប្រទេសកូរ៉េខាងជើង បន្ទាប់ពីបានបាញ់រ៉ុក្កែតដែលដាក់ចូលទៅក្នុងគន្លងផ្កាយរណបមួយនៅខែកុម្ភៈ ។
ថ្ងៃទី១៥ ខែមីនា
លោក Htin Kyaw បានជាប់ឆ្នោតជាប្រធានាធិបតីប្រទេសមីយ៉ាន់ម៉ា ៖ សភាមីយ៉ាន់ម៉ាបានបោះឆ្នោតឲ្យលោក Htin Kyaw ជាប្រធានាធីបតីដែលធ្វើឲ្យគណបក្សប្រឆាំងរបស់លោកស្រី អ៊ុងសាន ស៊ូជី ចូលទៅក្នុងរដ្ឋាភិបាល ។
ថ្ងៃទី២២ ខែមីនា
បំផ្ទុះគ្រាប់បែកនៅទីក្រុងព្រុចសែល ៖ មនុស្ស ៣២នាក់ត្រូវបានសម្លាប់ដោយការបំផ្ទុះគ្រាប់បែកនៅព្រលានយន្តហោះអន្តរជាតិ Zaventem និងនៅក្នុងស្ថានីយរថភ្លើង Maelbeek នៅទីក្រុង Brussels ។ ក្រុមរដ្ឋឥស្លាមបីនាក់ពាក់ព័ន្ធនឹងការបំផ្ទុះគ្រាប់បែកនេះដោយត្រូវបានគេស្គាល់ឈ្មោះថា Khalid el-Bakraouie, Ibrahim el-Bakraoui និង Najim Laachraoui ដែលក៏ត្រូវបានស្លាប់នៅក្នុងការវាយប្រហារនោះផងដែរ ។
ថ្ងៃទី២៧ ខែមីនា
ការបំផ្ទុះគ្រាប់បែកបុណ្យ Easter នៅថ្ងៃអាទិត្យក្នុងទីក្រុង Lahore ៖ មនុស្ស ៧៥នាក់បានស្លាប់ និងជាង ៣៤០នាក់រងរបួសនៅក្នុងការបំផ្ទុះគ្រាប់បែកអត្តឃាតមួយដែលបានវាយប្រហារឧទ្យាន Gulshan-e-Iqbal នៅទីក្រុង Lahore ប្រទេសប៉ាគីស្ថាន ។ ការវាយប្រហារនេះបានអះអាងដោយក្រុមគណបក្ស Jamaat-ul-Ahrar ដែលបានកំណត់គោលដៅលើពួកគ្រីស្ទានដែលកំពុងប្រារព្វពិធីបុណ្យ Easter ។
ថ្ងៃទី៣០ ខែមីនា
‘ស្នេហាគឺមាននៅក្នុងខ្យល់’ ៖ បុរសជនជាតិអេហ្ស៊ីប Seif Eddin Mustafa បានប្លន់យន្តហោះ EgyptAir ដែលហោះហើរពីប្រទេសអេហ្ស៊ីបទៅកាន់ទីក្រុង Cairo ។ យន្តហោះនេះត្រូវបានបង្វែរទៅកាន់ព្រលានយន្តហោះអន្តរជាតិទីក្រុង Larnaca នៅក្នុងប្រទេសសាយព្រឺស ជាកន្លែងដែលលោក Mustafa ទាមទារយកប្រពន្ធដែលបែកគ្នារបស់គាត់ ។ ក្រុមអ្នកស៊ើបអង្កេតបានរៀបរាប់ថា បុរសម្នាក់នោះ “មិនស្ថិតស្ថេរខាងចិត្តសាស្ត្រ” ។ គ្មាននរណាម្នាក់នៃអ្នកដំណើរចំនួន ៥៦នាក់ និងនាវិកចំនួនប្រាំពីរនាក់រងការឈឺចាប់ឡើយ ។
ខែមេសា
ថ្ងៃទី៣ ខែមេសា
ឯកសារប៉ាណាម៉ា ៖ ជាលើកដំបូងពិភពលោកបានឮពាក្យ “ឯកសារប៉ាណាម៉ា” ដែលសំដៅទៅលើឯកសារសម្ងាត់រាប់លានឯកសារដែលត្រូវបានលេចធ្លាយពីក្រុមហ៊ុនច្បាប់ដែលមានមូលដ្ឋាននៅប៉ាណាម៉ា Mossack Fonseca ។ ឯកសារនេះបានបង្ហាញលម្អិតពីរបៀបមួយចំនួននៃមនុស្សដែលមានជាងគេបំផុតរបស់ពិភពលោកបានប្រើប្រាស់ជម្រកពន្ធទៅលាក់ទុកទ្រព្យសម្បត្តិរបស់ពួកគេ ។
ថ្ងៃទី១៦ ខែមេសា
រញ្ជួយដីនៅប្រទេសអេក្វាឌ័រ ៖ មនុស្សជាង ៦០០នាក់ត្រូវបានស្លាប់នៅពេលដែលការរញ្ជួយដីកម្រិត ៧,៨រ៉ិចទ័របានវាយប្រហារប្រទេសអេក្វាឌ័រ ។ វាត្រូវបានចាត់ទុកថាជាគ្រោះមហន្តរាយធម្មជាតិអាក្រក់បំផុតដែលបានវាយប្រហារប្រទេសនេះ ខណៈដែលការរញ្ជួយដីនេះបណ្ដាលឲ្យមនុស្សជាង ២៧.០០០នាក់រងរបួស ។
ខែឧសភា
ថ្ងៃទី១១ ខែឧសភា
ទីក្រុងបាដាដត្រូវបានវាយប្រហារដោយក្រុម ISIS ៖ មនុស្សជាង ១០០នាក់ត្រូវបានស្លាប់នៅក្នុងការវាយប្រហារជាបន្តបន្ទាប់នៅក្នុង និងក្បែរទីក្រុងបាដាដ ។ ការបំផ្ទុះគ្រាប់បែករថយន្តមួយបានផ្ទុះឡើងនៅក្នុងហ្វូងមនុស្សនៅខាងក្រៅទ្វារផ្សារទំនិញក្នុងទីក្រុង Sadr ។ ការបំផ្ទុះគ្រាប់បែកសម្លាប់មនុស្សផ្សេងទៀតបានកើតឡើងនៅក្នុងតំបន់និកាយស៊ីអ៊ីត Kadhimiya ស្រុក Jamea និងដងផ្លូវ al-Rabie ។
ថ្ងៃទី២៣ ខែឧសភា
អាមេរិកលុបចោលការហាមឃាត់ការលក់អាវុធទៅឲ្យវៀតណាម ៖ លោក បារ៉ាក់ អូបាម៉ា បានប្រកាសថា ការហាមឃាត់ជាច្រើនទសវត្សរ៍លើការលក់អាវុធទៅឲ្យប្រទេសវៀតណាមត្រូវបានលុបចោល ។ ការហាមឃាត់ការលក់អាវុធទៅឲ្យប្រទេសវៀតណាមដែលវាជាផលិតផលមួយនៃសង្គ្រាមត្រជាក់នៅឆ្នាំ១៩៩០ ។
ថ្ងៃទី២៧ ខែឧសភា
លោក អូបាម៉ា ទស្សនកិច្ចនៅកោះហ៊ីរ៉ូស៊ីម៉ា ៖ លោកប្រធានាធិបតី បារ៉ាក់ អូបាម៉ា បានក្លាយជាប្រធានាធិបតីដំបូងគេទៅទស្សនកិច្ចកោះហ៊ីរ៉ូស៊ីម៉ា និងបានជួបជាមួយអ្នកនៅរស់រានមានជីវិតផងដែរ ។
ខែមិថុនា
ថ្ងៃទី៣ ខែមិថុនា
ការស្លាប់របស់ “មនុស្សពិសេសបំផុត” ៖ អ្នកប្រដាល់តំណាងសហរដ្ឋអាមេរិកកីឡាករ Muhammad Ali បានស្លាប់នៅអាយុ ៧៤ឆ្នាំដោយសារតែផលវិបាកផ្លូវដង្ហើម និងជំងឺ Parkinson ។
ថ្ងៃទី១២ ខែមិថុនា
ការបាញ់ប្រហារក្លិបរាត្រីនៅ Orlando ៖ មនុស្ស ៤៩នាក់ត្រូវបានសម្លាប់ និង៥៩នាក់បានរងរបួសនៅពេលដែលអ្នកវាយប្រហារ Omar Mateen បានចូលទៅបាញ់រង្គាលនៅឯក្លិបរាត្រីស្រឡាញ់ភេទដូចគ្នា Pulse ។ វាជាការបាញ់ប្រហារស្លាប់ច្រើនបំផុតដោយអ្នកបាញ់តែម្នាក់ប៉ុណ្ណោះ ហើយវាក៏ជាឧបទ្ទវហេតុសម្លាប់មនុស្សច្រើនបំផុតនៃអំពើហិង្សាប្រឆាំងនឹងមនុស្សដែលស្រឡាញ់ភេទដូចគ្នានៅអាមេរិក ។
ថ្ងៃទី១៨ ខែមិថុនា
ការទទួលជ័យជម្នះនៅក្នុងទីក្រុង Falluja ៖ រយៈពេលជាងពីរឆ្នាំមកហើយ បន្ទាប់ពីក្រុម ISIS បានអះអាងពីទីក្រុង Falluja នៅក្នុងប្រទេសអ៊ីរ៉ាក់ កងទ័ពរដ្ឋាភិបាលប្រកាសពីការទទួលជ័យជម្នះ ខណៈដែលខ្លួនបានរឹបអូសទីក្រុងនេះមកវិញ ។
ថ្ងៃទី២៣ ខែមិថុនា
ការបោះឆ្នោតចាកចេញពីសហភាពអឺរ៉ុប ៖ នៅក្នុងការទទួលជ័យជម្នះលើសម្លេង៥២ភាគរយ អ្នកបោះឆ្នោតនៃប្រទេសអង់គ្លេសបានសម្រេចចិត្តចាកចេញពីសហភាពអឺរ៉ុប ។ នាយករដ្ឋមន្ត្រីលោក David Cameron បានលាលែងពីតំណែង បន្ទាប់ពីមានការបាត់បង់នៃយុទ្ធនាការ “គ្មានការបោះឆ្នោតចាកចេញពីសហភាពអឺរ៉ុប” របស់គាត់ ។ លោកស្រី Theresa May បានជំនួសតំណែងលោក Cameron ក្នុងខែកក្កដា ។
ថ្ងៃទី២៨ ខែមិថុនា
ការបំផ្ទុះគ្រាប់បែកនៅទីក្រុង Istanbul Ataturk ៖ ភេរវករបីនាក់បានវាយប្រហារព្រលានយន្តហោះ Ataturk នៅក្នុងទីក្រុង Istanbul ប្រទេសទួរគី និងបានសម្លាប់មនុស្ស ៤០នាក់ ។
ខែកក្កដា
ថ្ងៃទី១ ខែកក្កដា
ចាប់ចំណាប់ខ្មាំងនៅហាងកាហ្វេក្នុងទីក្រុងដាកា ៖ សកម្មប្រយុទ្ធ IS ប្រាំនាក់បានចាប់ចំណាប់ខ្មាំង និងបានបើកការបាញ់ប្រហារទៅលើហាងនំបុ័ង Holey Artisan នៅទីក្រុងដាកា ប្រទេសបង់ក្លាដែស ។ មនុស្ស ២៩នាក់ត្រូវបានសម្លាប់រួមទាំងខ្មាន់កាំភ្លើងប្រាំនាក់ផងដែរ ។
ថ្ងៃទី៣ ខែកក្កដា
ការបំផ្ទុះគ្រាប់បែកនៅតំបន់ Karrada ៖ ការវាយប្រហារដោយគ្រាប់បែកមួយក្នុងតំបន់ Karrada ទីក្រុងបាដាដបណ្តាលឲ្យស្លាប់មនុស្សជាង ៣០០នាក់ ។ ការវាយប្រហារនេះបានកំណត់គោលដៅលើអ្នកលក់ទំនិញមូស្លីមដែលកំពុងរៀបចំសម្រាប់បុណ្យរ៉ាម៉ាដាន ហើយក្រុម ISIS បានអះអាងទទួលខុសត្រូវចំពោះការវាយប្រហារនេះ ។
ថ្ងៃទី៦ ខែកក្កដា
ហ្គេម Pokemon Go ៖ ក្រុមហ៊ុន Nintendo បានចេញផ្សាយហ្គេម Pokemon Go ដែលអនុញ្ញាតឲ្យអ្នកប្រើប្រាស់បង្កើតតួអង្គ និងដើរជុំវិញពិភពលោកពិតប្រាកដមួយដើម្បីចាប់ Pokemon ។ ហ្គេមទូរស័ព្ទដៃនេះបានក្លាយជាកម្មវិធីកំពូលដែលរកចំណូលបានច្រើននៅក្នុងកម្មវិធី App Store ។
ថ្ងៃទី១២ ខែកក្កដា
តុលាការអន្ដរជាតិស្តីបន្ទោសចិន ៖ តុលាការអន្តរជាតិនៅទីក្រុងឡាអេស្តីបន្ទោសទង្វើរបស់ចិននៅសមុទ្រចិនខាងត្បូង ។ សាលាក្តីនិយាយថា ប្រទេសចិនបានរំលោភច្បាប់អន្តរជាតិ ព្រមទាំងការជ្រៀតជ្រែកជាមួយនឹងការនេសាទហ្វីលីពីន ។ ខណៈពេលដែលប្រទេសហ្វីលីពីនបានអបអរលើជ័យជម្នះនេះ ប្រទេសចិនមិនទទួលយកសេចក្តីសម្រេចនេះឡើយ ។
ថ្ងៃទី១៤ ខែកក្កដា
ការវាយប្រហារដោយរថយន្តនៅទិវា Bastille ៖ ទីក្រុង Nice ប្រទេសបារាំងបានប្រារព្ធទិវា Bastille Day រថយន្តដឹកទំនិញធន់ធំមួយគ្រឿងបានបើកចូលទៅកាន់ហ្វូងមនុស្ស និងស្លាប់មនុស្ស ៨៤នាក់ ។ អ្នកបើកបរឈ្មោះ Mohamed Lahouaiej Bouhlel ត្រូវបានបាញ់ និងសម្លាប់ដោយមន្ត្រីប៉ូលីសផងដែរ ។
ថ្ងៃទី១៥ ខែកក្កដា
ការប៉ុនប៉ងធ្វើរដ្ឋប្រហារនៅប្រទេសទួរគី ៖ ការប៉ុនប៉ងធ្វើរដ្ឋប្រហារមួយដោយក្រុមទាហានបានបរាជ័យក្នុងទីក្រុងអង់ការ៉ា និងក្រុងអ៊ីស្តង់ប៊ុល ។ បុគ្គលិកយោធា និងពលរដ្ឋបានប៉ះទង្គិចគ្នានៅតាមដងផ្លូវបណ្ដាលឲ្យមនុស្ស ៦០នាក់បានស្លាប់ ។ មនុស្សរាប់ពាន់នាក់នៃពួកផ្សំគំនិតរដ្ឋប្រហារ និងអ្នកគាំទ្រត្រូវបានចាប់ខ្លួនចាប់តាំងពីពេលនោះមក ។
ថ្ងៃទី២៥ ខែកក្កដា
ការសម្លាប់អាក្រក់បំផុតនៅក្នុងប្រទេសជប៉ុន ៖ លោក Satoshi Uematsu វ័យ២៦ឆ្នាំបានវាយប្រហារមណ្ឌលចាស់ជរា Tsukui Yamayuri En ក្នុងទីក្រុង Sagamihara ដែលបានសម្លាប់មនុស្សចាស់ ១៩នាក់ ។
ខែសីហា
ថ្ងៃទី៨ ខែសីហា
ភេរវកម្មនៅប៉ាគីស្ថាន ៖ ការបំផ្ទុះគ្រាប់បែកអត្តឃាតបានវាយប្រហារមន្ទីរពេទ្យមួយនៅក្នុងទីក្រុង Quetta ប្រទេសប៉ាគីស្ថានបានសម្លាប់មនុស្ស ៧៤នាក់ ។ ពួកតាលីបង់ប៉ាគីស្ថានបានអះអាងថាការវាយប្រហារនេះ ។
ថ្ងៃទី១៩ ខែសីហា
តួនាទីរបស់ UN ក្នុងការរីករាលដាលជំងឺអាសន្នរោគប្រទេសហៃទី ៖ អង្គការសហប្រជាជាតិបានប្រកាសថា ពួកគេត្រូវបានជួយផ្នែកហិរញ្ញវត្ថុទៅដល់អ្នកដែលបានប៉ះពាល់ទាំងនោះដោយជំងឺអាសន្នរោគក្នុងប្រទេសហៃទី ។ មនុស្សជាង ៨០០.០០០ នាក់ត្រូវបានឆ្លងជំងឺអាសន្នរោគ ។
ថ្ងៃទី២៥ ខែសីហា
រញ្ជួយដីនៅអ៊ីតាលី ៖ ការរញ្ជួយដីកម្រិត ៦.២រ៉ិចទ័រ បានវាយប្រហារកណ្តាលប្រទេសអ៊ីតាលីបានសម្លាប់មនុស្សយ៉ាងហោចណាស់ ២៤៧នាក់ ។ វាក៏បានធ្វើឲ្យមានការដួលរំលំព្រះវិហារ ផ្ទះ និងហាង ហើយមនុស្សរាប់រយនាក់បានរងរបួស ។
ខែកញ្ញា
ថ្ងៃទី៩ ខែកញ្ញា
កូរ៉េខាងជើងបានសាកល្បងក្បាលគ្រាប់នុយក្លេអ៊ែរ ៖ ទីក្រុងព្យុងយ៉ាងបានសាកល្បងក្បាលគ្រាប់នុយក្លេអ៊ែរមួយដែលបញ្ជាក់ថាប្រទេសនេះបានសាងសង់អាវុធនុយក្លេអ៊ែរខ្លាំងជាងមុន និងស្រាលជាងមុនទទួលបានជោគជ័យជាមួយនឹងអត្រាផលប៉ះពាល់ខ្ពស់ ។ ការធ្វើតេស្តនេះបានបង្កើតសកម្មភាពរញ្ជួយដ៏ធំមួយនៅក្នុងប្រទេសកូរ៉េខាងត្បូង ។
ខែតុលា
ថ្ងៃទី១៣ ខែតុលា
ព្រះមហាក្សត្រ ភូមិបុល អាឌុលយ៉ាដេត សោយទិវង្គត ៖ ព្រះមហាក្សត្ររបស់ប្រទេសថៃ ភូមិបុល អាឌុលយ៉ាដេត បានសោយទិវង្គតនៅព្រះជន្ម ៨៨ព្រះវស្សា នៅទីក្រុងបាងកក បន្ទាប់ពីមានជំងឺជាបន្តបន្ទាប់ ។ ព្រះអង្គបានបម្រើការងារអស់រយៈពេល៧០ឆ្នាំដែលធ្វើឲ្យព្រះអង្គក្លាយជាព្រះមហាក្សត្រយូរជាងគេបំផុតក្នុងការបម្រើប្រទេសជាតិរបស់ពិភពលោក ។ រាជទាយាទព្រះអង្គម្ចាស់ មហា វ៉ាជីរ៉ាឡុងកន ត្រូវបានប្រកាសជាព្រះមហាក្សត្រថ្មីនៅថ្ងៃទី១ ខែធ្នូ ។
ថ្ងៃទី១៧ ខែតុលា
ការរំដោះទីក្រុង Mosul ចាប់ផ្តើម ៖ រដ្ឋាភិបាលអ៊ីរ៉ាក់បានបើកដំណើរការយុទ្ធសាស្ត្រវាយលុកដើម្បីដណ្ដើមយកមកវិញក្រុង Mosul ពីពួកសកម្មប្រយុទ្ធរដ្ឋឥស្លាម ។ ទីក្រុងដែលមានប្រជាជន ១,៥លាននាក់ត្រូវបានកាន់កាប់រយៈពេលពីរឆ្នាំកន្លងមកហើយដោយក្រុមរដ្ឋឥស្លាម ។
ថ្ងៃទី២០ ខែតុលា
ការរិះគន់របស់លោក Duterte ប្រឆាំងនឹងអាមេរិក ៖ បន្ទាប់ពីទទួលបានជ័យជម្នះការបោះឆ្នោតខែឧសភាប្រធានាធិបតីហ្វីលីពីនលោក Rodrigo Duterte បានប្រកាសជាផ្លូវការនៃការបំបែកចេញរបស់ប្រទេសនេះពីសហរដ្ឋអាមេរិក ។ លោក Duterte បានឲ្យដឹងថា ហ្វីលីពីននឹងគាំទ្រប្រទេសចិន និងប្រទេសរុស្ស៊ី ។
ខែវិច្ឆិកា
ថ្ងៃទី៧ ខែវិច្ឆិកា
ចិនរារាំងការសច្ចាប្រណិធានរបស់អ្នកតាក់តែងច្បាប់ហុងកុង ៖ ប្រធានាធិបតីចិនលោក Xi Jinping បានរារាំងអ្នកនយោបាយគាំទ្រឯករាជ្យភាពពីរនាក់គឺលោក Sixtus Leung និងលោកស្រី Yau Wai-ching ពីការទទួលយកអាសនៈនៅក្នុងអង្គនីតិប្បញ្ញត្តិរបស់ហុងកុង ។
ថ្ងៃទី៨ ខែវិច្ឆិកា
លោក Donald Trump ទទួលជ័យជម្នះជាប្រធានាធិបតី ៖ បេក្ខជនគណបក្សសាធារណៈលោក Donald Trump បានទទួលជ័យជម្នះដែលមិនបានរំពឹងទុកលើបេក្ខជនប្រធានាធិបតីគណបក្សប្រជាធិបតេត្យលោកស្រី Hillary Clinton ដោយទទួលបានសម្លេងឆ្នោត ២៧៩សម្លេង ។ មហាសេដ្ឋីជំនួញរូបនេះនឹងត្រូវស្បថចូលកាន់តំណែងនៅថ្ងៃទី២០ ខែមករា ។
ថ្ងៃទី២៤ ខែវិច្ឆិកា
ការវាយប្រហារធម្មយាត្រានិកាយស៊ីអ៊ីត ៖ យ៉ាងហោចណាស់អ្នកធម្មយាត្រា ៨០នាក់បានស្លាប់ក្នុងការបំផ្ទុះគ្រាប់បែកអត្តឃាតមួយនៅភាគខាងត្បូងប្រទេសអ៊ីរ៉ាក់ ។ អ្នកធម្មយាត្រានិកាយស៊ីអ៊ីតនេះគឺស្ថិតចេញពីផ្លូវនៃផ្ទះរបស់ពួកគេទៅកាន់ធម្មយាត្រា Arbaeen ។
ថ្ងៃទី២៥ ខែវិច្ឆិកា
លោក Fidel Castro បានទទួលមរណៈភាព ៖ អ្នកបដិវត្តន៍គុយបាលោក Fidel Castro បានស្លាប់នៅអាយុ ៩០ឆ្នាំ ។ លោក Castro គឺជាមេដឹកនាំ បដិវត្តន៍កុម្មុយនិស្តគុយបាអស់រយៈពេលជិតប្រាំទសវត្សរ៍មកហើយ ។
ថ្ងៃទី២៨ ខែវិច្ឆិក
សមាជិកក្រុមបាល់ទាត់ប្រេស៊ីលបានស្លាប់នៅក្នុងការធ្លាក់យន្តហោះ ៖ មនុស្ស ៨១នាក់បានស្លាប់ក្នុងការធ្លាក់យន្តហោះមួយនៅប្រទេសកូឡុំប៊ី ។ អ្នកស្លាប់ និងរបួស ៧១នាក់ជាសមាជិកនៃក្រុមកីឡាបាល់ទាត់ប្រេស៊ីល Chapecoense ដែលធ្វើដំណើរសម្រាប់ការប្រកួតពានរង្វាន់ Copa Sudamericana ប្រកួតជាមួយនឹងក្លិប Atletico Nacional ។
ខែធ្នូ
ថ្ងៃទី៤ ខែធ្នូ
ប្រទេសអ៊ីតាលីធ្លាក់ចូលទៅក្នុងភាពមិនប្រាកដប្រជា ៖ ប្រទេសអ៊ីតាលីស្ថិតនៅក្នុងភាពចលាចលផ្នែកនយោបាយ និងសេដ្ឋកិច្ច បន្ទាប់ពីលោកនាយករដ្ឋមន្ត្រីអ៊ីតាលី Matteo Renzi បានលាលែងពីតំណែង ។ ការប្រកាសនេះបានធ្វើឡើងបន្ទាប់ពីការធ្វើកំណែទម្រង់របស់គាត់ទៅកាន់រដ្ឋធម្មនុញ្ញដែលត្រូវបានច្រានចោលដោយអ្នកបោះឆ្នោត ។
ថ្ងៃទី៩ ខែធ្ន
ការបោះឆ្នោតសភាដើម្បីចោទប្រកាន់លោកស្រី Park Geun-hye ៖ សមាជិកសភាកូរ៉េខាងត្បូងបានបោះឆ្នោតដើម្បីចោទប្រកាន់លោកស្រីប្រធានាធិបតី Park Geun-hye ដែលក្លាយជាប្រធានាធិបតីស្ត្រីដំបូងបំផុត ។ លោកស្រីត្រូវបានចោទប្រកាន់ពីបទអំពើពុករលួយកាលពីខែតុលា រួមជាមួយនឹងមិត្តភក្ដិជិតសិទ្ធិរបស់លោកស្រីគឺលោកស្រី Choi Soon-sil ។ តាមដងផ្លូវទីក្រុងសេអ៊ូលត្រូវបានគេឃើញមានការតវ៉ាប្រចាំសប្តាហ៍ប្រឆាំងនឹងលោកស្រី Park ចាប់តាំងពីខែតុលាមក ។
ថ្ងៃទី១៩ ខែធ្នូ
ការវាយប្រហារដោយរថយន្តនៅទីក្រុងប៊ែកឡាំង ៖ រថយន្តយោធាមួយគ្រឿងបានបើកចូលទៅក្នុងផ្សារទំនិញបុណ្យណូអែលក្នុងទីក្រុងប៊ែកឡាំង ប្រទេសអាល្លឺម៉ង់ ដែលបានសម្លាប់មនុស្ស១២នាក់ ។ ជនសង្ស័យឈ្មោះ Anis Amri គឺត្រូវបានបាញ់សម្លាប់ក្នុងប្រទេសអ៊ីតាលីនៅថ្ងៃទី២៣ ខែធ្នូ ។
ថ្ងៃទី១៩ ខែធ្នូ
បេសកជនរុស្ស៊ីត្រូវបានធ្វើឃាត ៖ ប៉ូលីសទួរគីម្នាក់បានបាញ់ឯកអគ្គរដ្ឋទូតរុស្ស៊ីប្រចាំប្រទេសរុស្ស៊ីលោក Andrei Karlov នៅឯសាលតាំងពិព័រណ៍សិល្បៈក្នុងទីក្រុងអង់ការ៉ា មុនពេលដែលខ្លួនគាត់ផ្ទាល់ត្រូវបានសម្លាប់ដោយប៉ូលីសទួរគី ។
ថ្ងៃទី២២ ខែធ្នូ
រដ្ឋាភិបាលវាយដណ្ដើមយកទីក្រុងអាឡេប៉ូ ៖
រដ្ឋាភិបាលស៊ីរីបានប្រកាសពីជ័យជម្នះ បន្ទាប់ពីមានការត្រួតត្រាលើក្រុងអាឡេប៉ូ ។ ក្រុងអាឡេប៉ូបានស្ថិតនៅក្រោមការគ្រប់គ្រងរបស់ពួកសកម្មប្រយុទ្ធ IS និងក្រុមឧទ្ទាមអស់រយៈពេលបួនឆ្នាំមកហើយ ។ ជនស៊ីវិល និងក្រុមក្រុមឧទ្ទាមរាប់ពាន់នាក់គឺត្រូវបានជម្លៀសចេញទៅកាន់ទីប្រជុំជនជិតខាង៕
ខេត្តបន្ទាយមានជ័យ៖ភូមិចំនួន២០ ក្នុងឃុំ៣មាន ឃុំអូរបីជាន់ ឃុំសូភី និងឃុំសិង្គ ក្នុងស្រុកអូរជ្រៅក្នុងខេត្តបន្ទាយមានជយ័កំពង់ប្រកាសភាពអាសន្នការខ្វះទឹកប្រើប្រាស់នៅតាមមូលដ្ឋានសហគមន៍និងនៅតាមគ្រួសារ។
លោក នួន ជួម មេភូមិអូរបីជាន់ លោក ទន ប្រុស មេភូមិថ្នល់បត់និង លោក ជូរ សុភ័ណ ក្រុមប្រឹក្សាឃុំអូរបីជាន់បាននិយាយប្រាប់អ្នកយកព័ត៌មានដូចៗគ្នាថាដោយសារតែឆ្នាំនេះមានភ្លឿងធ្លាប់មកចំស្រុកអូរជ្រៅតិចតួចគ្រាន់តែសើមដីតែប៉ុណ្ណោះបណ្តាលឲ្យគ្មានទឹកធ្វើស្រែមកដល់រដូវច្រូតកាត់នេះស្រូវរបស់ប្រជាកសិករក្នុងឃុំចំនួន៣ មានឃុំ សឹង្គ ឃុំសូភី និងឃុំអូរបីជាន់មានចំនួន៣.០០០ហិចតាខូចខាតអស់ទាំងស្រុងប្រមូលផលស្រូវបានតិចតួចណាស់ប្រជាកសិករខាតចុងខាតដើម។ហើយប្រជាពលរដ្ឋចំនួន៥០០គ្រួសារកំពង់ប្រឈមនិងការខ្វះទឹកប្រើប្រាស់យ៉ាងខ្លាំង ព្រោះ អូរ បឹង បួរ ប្រឡាយ រីងហួតស្ងួតអស់ចាប់តាំងពីខែវស្សារហូតមកដល់សព្វថ្ងៃនេះ។
មេភូមិនិងក្រុមប្រឹក្សាបានបញ្ជាក់ទៀតថាប្រជាពលរដ្ឋទាំង៥០០គ្រួសារនោះអ្នកមានលទ្ធភាពកំពង់នាំគ្នាទិញទឹកយកមកប្រើប្រាស់នៅតាមផ្ទះក្នុង១រថយន្តធំមានតំលៃ៤០.០០០រៀលចំណែករថយន្តតូចវិញក្នុង១រថយន្តតំលៃ២៥.០០០រៀលចំណែកអ្នកគ្មានលទ្ធភាពទិញទឹកវិញយកម៉ូតូនិងកង់ដាក់បីដុងស្វែងទឹកនៅតាមអណ្តូងបុកនៅតាមសាលារៀនយកមកប្រើប្រាស់នៅតាមគ្រួសារ។មេភូមិនិងក្រុមប្រឹក្សាបានបញ្ជាក់ទៀតថាចំណែករថយន្តដឹកទឹកវិញទៅយកទឹកមកលក់ឲ្យប្រជាពលរដ្ឋមានចំងាយជិត២០គីឡូម៉ែត្រឯណោះឥឡូវតំលៃនៅថោកតែនៅពេលដាច់ទឹកខ្លាំងប្រហែលមួយរថយន្តតំលៃយ៉ាងតិចក៏៥០.០០០រៀលដែរ។លោកបញ្ជាក់ទៀតថានៅស្រុកអូរជ្រៅនេះកន្លងមកមានអាជ្ញាធម៌ខេត្តបានចុះទៅកាយស្រះយក្សជាច្រើនកន្លែងដែរតែវាមានភ្លៀងធ្លាក់តិចពេកធ្វើឲ្យស្រះទាំងអស់គ្មានទឹក។ពាក់ព័ន្ធនិងប្រជាពលរដ្ឋ២០ភូមិនិង៣ឃុំកំពង់ខ្វះខាតទឹកប្រើប្រាស់នោះមេភូមិនិងក្រុមប្រឹក្សាបានធ្វើការទំនាក់ទំនងជាមួយអាជ្ញាធរថៃនៅជាប់ភូមិជាមួយគ្នាដែរតែខាងភាគីថៃបដិសែកមិនឲ្យខ្មែរយកទឹកពីប្រទេសថៃមកប្រើឡើយព្រោះសំអាងថាក្នុងភូមជិតនោះគ្មានទឹកប្រើប្រាស់ដែរព្រោះសព្វថ្ងៃនេះខាងថៃកំពង់មូមទឹកពីអាងស្តុបទឹកមានចំងាយរាប់រយគីឡូម៉ែត្រមកឲ្យប្រជាពលរដ្ឋគេប្រើ។
លោកមេភូមិបានបញ្ជាក់ទៀតថាប្រជាពលរដ្ឋកំពង់ខ្វះទឹកប្រើប្រាស់ខ្លាំងនោះមានអង្ការម៉ារីតាន់មកធ្វើការទំនាក់ទំនងចង់បុកអណ្តូតជាច្រើនកន្លែងដែរតែរហូតមកដល់សព្វថ្ងៃនេះបាត់ឈឹងគ្មានស្រមោលអស់លោកមកម្នាក់សោះឡើយ៕
រាជធានីភ្នំពេញ៖ក្រសួងសុខាភិបាលបានចេញនូវសេចក្ដីណែនាំអំពីវិធីសាស្ដ្រសាមញ្ញមួយចំនួន ដល់ប្រជាពលរដ្ឋ ដើម្បីឲ្យចេះការពារ និងថែរក្សាសុខភាព នារដូវត្រជាក់នេះ ជៀសវាងជំងឺដង្កាត់ ដែលអាចកើតមានជាយថាហេតុ៕
រាជធានីភ្នំពេញ៖បុរសម្នាក់ត្រូវបានកម្លាំងនគរបាលប៉ុស្ដិ៍ស្ទឹងមានជ័យ ខណ្ឌមានជ័យឃាត់ខ្លួនបន្ទាប់ពីធ្វើសកម្មភាពបៀតបៀនកេរ្តិ៍ខ្មាស ទៅលើក្មេងស្រីអាយុ៥ឆ្នាំម្នាក់ ដែលការឃាត់ខ្លួននេះធ្វើឡើង នៅល្ងាចថ្ងៃទី៣០ ខែធ្នូ ឆ្នាំ២០១៦ នៅចំណុចបន្ទប់ផ្ទះជួល ផ្លូវលំ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។
អធិការរងនគរបាលខណ្ឌមានជ័យ លោក ម៉េង វិមានតារា បានឲ្យដឹងថា ជនសង្ស័យដែលឃាត់ខ្លួនឈ្មោះ យ៉ុង យីម អាយុ២៤ឆ្នាំ មុខរបរកម្មករសំណង់ ស្នាក់នៅផ្ទះសហគមន៍ ផ្លូវលំ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។ លោកបានបញ្ជាក់ថា ជនសង្ស័យបានអូសដៃក្មេងស្រីចូលបន្ទប់ទឹក ហើយស្ទាបអង្អែល ប៉ងចាប់រំលោភតែមិនបានសម្រេច រហូតគ្រួសារក្មេងស្រីរងគ្រោះប្តឹងទៅនគរបាលចុះស្រាវជ្រាវចាប់ខ្លួនតែម្តង។
ក្រោយឃាត់ខ្លួនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌ ដើម្បីសួរនាំ និងចាត់ការបន្ដ៕
រាជធានីភ្នំពេញ៖យោងតាកសេចក្តីជូនដំណឹងរបស់ក្រសួងធនធានទឹក និងឧតុនិយមបានឲ្យដឹងថា អាកាសធាតុចុះត្រជាក់បន្ដដល់ថ្ងៃទី៣១ ខែធ្នូ ឆ្នាំ២០១៦នេះ។
សេចក្ដីជូនដំណឹងស្ដីពីស្ថានភាពអាកាសធាតុបានបញ្ជាក់ថា «ចាប់ពីថ្ងៃទី១ ខែមករា ឆ្នាំ២០១៧ សីតុណ្ហភាពអប្បបរមា នឹងចាប់ផ្ដើមកាន់ឡើងវិញបន្ដិចម្ដងៗ ហើយចាប់ពីថ្ងៃទី២ ដល់ថ្ងៃទី៥ ខែមករា ឆ្នាំ២០១៧ នឹងមានភ្លៀងធ្លាប់បន្ដិចបន្ទួច នៅតំបន់ទំនាបកណ្ដាលភាគខាងត្បូង»៕
អង់ការ៉ា៖មេដឹកនាំកំពូលថ្នាក់តំបន់របស់ក្រុមរដ្ឋអ៊ីស្លាម ISIS ត្រូវបានគេរាយការណ៍ថា បានស្លាប់បាត់បង់ជីវិតក្រោមការវាយប្រហាររបស់កងទ័ពអាកាស ទម្លាក់គ្រាប់បែករបស់តួកគី ទៅលើតំបន់ al-Bab នៃប្រទេសស៊ីរី។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ិនហួរ។
មេដឹកនាំកំពូលខាងលើនេះមានឈ្មោះថា Ebu Husen Tunusi បានស្លាប់នៅពេលដែលក្បូនរថយន្តរបស់លោកបានទទួលរងដោយគ្រាប់បែកទម្លាក់ពីយន្តហោះចម្បាំងតួកគី ស្ថិតនៅតំបន់ al-Bab។ គួរបញ្ជាក់ថាប្រទេសតួកគីកំពុងតែបំពេញប្រតិបត្តិការមួយនៅឡើយ ដែលមានឈ្មោះថា Euphrates Shield ដើម្បីកម្ចាត់ក្រុមភេរវករ ជាពិសេសក្រុម ISIS ពីទឹកដីស៊ីរី៕
ភ្នំពេញ៖កើតភ្លើងប្រច័ណ្ឌប្តីថ្នាំកណ្តុរក្នុងម្ហូបអារហាឱ្យប្រពន្ធហូបឱ្យស្លាប់ទៅមួយគ្នាទាំងនាងផ្ទៃពោះ៧ខែត្រូវបានសមត្ថកិច្ចជួយអន្តរាគមន៍ដឹងស្ត្រីជាប្រពន្ធមកសង្គ្រោះមកមន្ទីពេទ្យ(ឡាំ ប៊ុនថន)ទាន់ពេលវេលាហេតុការដ៏ភ្ញាក់ផ្អើលមួយនេះបានកើតនៅវាលាម៉ោង១២ និង០៦នាទីថ្ងៃត្រង់ថ្ងៃទី៣០ ខែធ្នូ ឆ្នាំ២០១៦នេះ
ស្ថិតនៅផ្ទះជួលជនរងគ្រោះភូមិត្រពាំក្រសាំងសង្កាត់ត្រពាំងក្រសាំងខណ្ឌពោធិ៍សែនជ័យ។
ភ្លាមៗនោះលោក យឹម សារ៉ាន់អធិការខណ្ឌបានដឹកនាំកម្លាំងចុះអន្តរាគមន៍បញ្ជូនស្ត្រីជាប្រពន្ធទៅសង្គ្រោះបន្តនៅមន្ទីពេទ្យព្រះកុសមៈ និងឃាត់ខ្លួនបុរសជាប្តីមកសួរមូលហេតុផងដែរ។
លោក យឹម សារ៉ាន់បានឱ្យដឹងថាស្ត្រីរងគ្រោះជាប្រពន្ធឈ្មោះ ធុង ស្រីកា អាយុ២២ឆ្នាំ កម្មការិនីរោងចក្រស្នាក់នៅផ្ទះជួល និងស្នាក់នៅកន្លែងកើតហេតុខាងលើចំណែកបុរសជាប្តីឈ្មោះ ទូច សំអឿន អាយុ២២ឆ្នាំ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
