ភ្នំពេញ ៖ បន្ទាប់ពីបានចាប់ផ្តើម សេវាកម្មហោះហើរ ប្រចាំថ្ងៃពីទីក្រុងឌូបៃ មកកាន់ទីក្រុងភ្នំពេញ តាមរយៈទីក្រុងយ៉ាំងហ្គូន កាលពីថ្ងៃទី1 ខែកក្កដាឆ្នាំ 2017 កន្លងទៅនេះ ការតភ្ជាប់កម្ពុជា ទៅនឹងប្រទេសផ្សេងៗ លើពិភពលោក ត្រូវបានក្រុមហ៊ុនអាកាសចរណ៍ដ៏ធំបំផុត នៅលើពិភពលោកមួយនេះ បានដឹកអ្នកដំណើរ ហោះហើរ ប្រមាណជាង៧ម៉ឺននាក់ ក្នុង១ឆ្នាំ ដោយយន្តហោះប្រភេទ Boeing 777-300ER ដ៏ទំនើបបំផុតរបស់ខ្លួន ដោយកំណត់រចនាសម្ព័ន្ធ អាជីវកម្ម និងសេដ្ឋកិច្ច ហើយក៏បានដឹកជញ្ជូនទំនិញ តាមសេវាកម្ម Sky Cargo ជាង១ម៉ឺន១ពាន់តោនទៀតផង។
នៅក្នុងពិធី អបអរសារទរ ខួប១ឆ្នាំ ក្នុងការធ្វើប្រតិបត្តិការ នៅប្រទេសកម្ពុជា កាលពីថ្ងៃទី២ ខែ កក្កដា ឆ្នាំ២០១៨នេះ លោក Abdulla Adnan អ្នកគ្រប់គ្រង ក្រុមហ៊ុនអ៊ែមមឺរឹត នៅកម្ពុជា បានឱ្យដឹងថា “ នៅពេលចូលមកប្រទេសកម្ពុជា កាលពីឆ្នាំមុន ប្រទេសកម្ពុជា កំពុងមានសន្ទុះសេដ្ឋកិច្ច ក្នុង រយៈពេល ពីរទសវត្សរ៍ចុងក្រោយមកនេះ។ ឥឡូវនេះ យើងមាន មោទនភាពណាស់ ដែលបាន រួមចំណែក ដល់ការរីកចំរើនសេដ្ឋកិច្ចរបស់កម្ពុជា”។
លោក Abdulla សម្តែងអំណរគុណ ចំពោះរាជរដ្ឋាភិបាល មន្ត្រីរាជការ ស៊ីវិល និង ក្រុមអាកាសយានដ្ឋានកម្ពុជា ចំពោះការខិតខំប្រឹងប្រែង ក្នុងការជំរុញឱ្យឈានជើង ចូលទីផ្សារកម្ពុជា ដោយមានភាពរលូន និង អនុញ្ញាតឱ្យផ្តល់ជម្រើសដ៏ច្រើន សម្រាប់អតិថិជន ក្នុងការពង្រឹងទំនាក់ទំនងអាជីវកម្មនិងទេសចរណ៍ ដែលភ្ជាប់ប្រទេសជាតិដ៏អស្ចារ្យរបស់កម្ពុជាទៅកាន់ពិភពលោក។យើងមានទំនុកចិត្តចំពោះទីផ្សារ កម្ពុជា និងបន្តស្វះស្វែងរកឱកាស ដើម្បីបង្កើតទំនាក់ទំនង ការធ្វើដំណើរ រវាង ប្រទេសកម្ពុជា និង ពិភពលោក តាមរយៈ អ៊ែមមឺរឹត នៅទីក្រុងឌូបៃ ដែលជាមជ្ឈមណ្ឌលកម្សាន្តដ៏ធំមួយ។
គួរបញ្ជាក់ថា អ្នកដំណើរមកពីគ្រប់ទិសទីអាចរីករាយជាមួយនឹងកន្លែងសំរាកដ៏ល្បីល្បាញបំផុត ប្រព័ន្ធកម្សាន្ត អាយស៍ ដែលមានកម្មវិធីកម្សាន្តជាង3500ប៉ុស្ត៍ ក្នុងនោះរួមមាន ខ្សែភាពយន្ត កម្មវិធីទូរទស្សន៍ តន្ត្រីនិងហ្គេម តាមរយៈ ប្រព័ន្ធកំសាន្ត ក្នុងយន្តហោះ។ អ្នកដំណើរ ក៏អាចភ្ជាប់ប្រព័ន្ធ Wi-Fi សម្រាប់ប្រើប្រាស់លើយន្តហោះ ព្រម និងមានឱកាសពិសារអាហារ ក្នុងតំបន់ យ៉ាងឆ្ងាញ់ពិសារ ។ ក្រៅពីនេះ អ្នកដំណើរ នឹងអាច យកវ៉ាលី ចូលរហូតដល់ 35 គីឡូក្រាម សម្រាប់ថ្នាក់សន្សំសំចៃ និង 40 គីឡូក្រាម សម្រាប់អ្នកដំណើរថ្នាក់ពាណិជ្ជកម្ម។
សូមបញ្ជាក់ថា ក្រុមហ៊ុនអាកាសចរណ៍ អ៊ែមមឺរឹត ជាទីភ្ជាប់រវាង មនុស្សទូទាំងសកល និង ទីកន្លែងជាច្រើន ជាប្រយោជន៍ ពាណិជ្ជកម្ម និង ទេសចរណ៍។
អ៊ែមមឺរឹត មានយន្តហោះចំនួន 269 គ្រឿង រួមមាន យន្តហោះប្រភេទ A 380 ចំនួន 102 គ្រឿងជើងហោះហើរ ដែលទទួលបានពានរង្វាន់ជាច្រើន សំរាប់ការ ហោះហើរទៅកាន់ 159 គោលដៅ និង 85 ប្រទេស ឆ្លងកាត់ 6ទ្វីប ដោយប្រើប្រាស់ នូវយន្តហោះប្រភេទ Airbus A380 និង Boeing 777 ចំនួន 216 គ្រឿង មានតម្លៃជាទឹកប្រាក់ 108 ពាន់ លានដុល្លារ៕
