រាជធានីភ្នំពេញ ៖ចោរមួយក្រុមមានគ្នា៤នាក់ជិះម៉ូតូ២គ្រឿងប្រដាប់ដោយដាវសាមម៉ូរ៉ៃគ្រប់ដៃបានធ្វើសកម្មភាពកាប់ប្រហារលើយុវជនម្នាក់ប្លន់យកម៉ូតូ MSX មួយគ្រឿងបានសម្រេចដោយសុវត្ថិភាព។ ករណីនេះកើតឡើងនៅវេលាម៉ោង៩ និង៣០នាទីយប់ថៃ្ងទី២៦ ខែមេសា ឆ្នាំ២០១៦ នៅចំណុចក្នុងវត្តនាគគវ័ន្ត សង្កាត់បឹងកក់២ ខណ្ឌទួលគោក។
រាជធានីភ្នំពេញ ៖យោងរបាយការណ៍នគរបាលជាតិបានឲ្យដឹងថា នៅថ្ងៃទី២៦ ខែមេសា ឆ្នាំ២០១៧ កម្លាំងសមត្ថកិច្ចនគរបាល បានបង្ក្រាបបទល្មើសជួញដូរ រក្សាទុក និងប្រើប្រាស់ ៥ករណី ឃាត់ មនុស្ស ៨នាក់ (ស្រី១នាក់) និងរឹបអូសគ្រឿងញៀនប្រភេទមេតំហ្វេតាមីន (ice) ១៣៤,២៩ក្រាម, ១កញ្ចប់ធំ និង១១កញ្ចប់តូច មេតំហ្វេតាមីន (wy)១៨,៣៥ក្រាម។
រាជធានីភ្នំពេញ ៖ នៅព្រឹកថ្ងៃទី២៧ ខែមេសា ឆ្នាំ២០១៦នេះ កញ្ញា ធី សុវណ្ណថា ចូលខ្លួនទៅបំភ្លឺ និងការពារបណ្តឹង ដែលបានប្តឹងលោក កឹម សុខា អនុប្រធានគណបក្សសង្គ្រោះជាតិ ពីបទបរិហាកេរ្តិ៍ ទៅតាមការកោះហៅរបស់លោក កែវ សុជាតិ ព្រះរាជអាជ្ញារងសាលាដំបូង រាជធានីភ្នំពេញ។
រាជធានីភ្នំពេញ ៖បុរសម្នាក់បានស្លាប់ភា្លមៗនៅនឹងកន្លែងដោយសារជិះម៉ូតូបុករ៉ឺម៉កកង់បីដែលបើកបរក្នុងទិសដៅបញ្ច្រាសគ្នា។ ហេតុការណ៍នេះកើតឡើងនៅវេលាម៉ោង០៣ និង២០នាទីរំលងអធ្រាត្រឈានថ្ងៃទី២៧ ខែមេសាឆ្នាំ២០១៦ ត្រង់ចំណុចមុខផ្ទះលេខ ១៣ផ្លូវ ៤៧សង្កាត់ ស្រះចក ខណ្ឌដូនពេញ។
ខេត្តបន្ទាយមានជ័យ ៖រថយន្តថៃដឹកពលករខ្មែរជាច្រើននាក់ចេញពីស្រុកខ្មែរឆ្ពោះទៅប្រទេសថៃជួបសំណាងអាក្រក់ក្រឡាប់ចាក់ចោលពលករពេញស្នាមភ្លោះបណ្តាលឲ្យពលករស្លាប់ម្នាក់នៅនឹងកន្លែង ហើយមានរបួសជាច្រើននាក់ទៀត។ ហេតុការណ៍នេះកើតឡើងនៅវេលាម៉ោង២រំលងអាធ្រាត្រថ្ងៃទី២៥ ខែមេសា ឆ្នាំ២០១៦ នៅចំណុចចន្លោះបង្គោលគីឡូម៉ែត្រលេខ២១០ និង២១១ស្ថិតក្នុងភូមិ៥ឃុំបរថង ស្រុកកាប៉ិនបូរី ខេត្តស្រះកែវ។
រាជធានីភ្នំពេញ ៖បុរសស្រវឹងម្នាក់បើករថយន្តស៊េរីទំនើបមួយគ្រឿងក្នុងស្ថានភាពស្រវឹងជោកទៅបុករនាំងថ្មពុះចែកទ្រូងផ្លូវបាក់អស់៦កង់ និងរថយន្តរងការខូចខាតធ្ងន់ធ្ងរ។ ហេតុការណ៍នេះកើតឡើងនាម៉ោង២ និង០០នាទីរំលងអធ្រាត្រ ឈានចូលថ្ងៃទី២៧ ខែមេសា ឆ្នាំ២០១៦ ស្ថិតតាមបណ្តោយផ្លូវ២៧១ ក្នុងសង្កាត់ទឹកល្អក់ទី៣ ខណ្ឌទួលគោក។
ខេត្តកំពង់ស្ពឺ ៖សេចក្តីរាយការណ៍ពីខេត្តកំពង់ស្ពឺឲ្យដឹងថា មានរថយន្តដឹកកម្មករមួយគ្រឿង បានក្រឡាប់ដោយបណ្តាលឲ្យមានកម្មករជិត៧០នាក់ រងរបួសធ្ងន់ និងស្រាល។ ហេតុការណ៍នេះកើតឡើងហេតុការណ៍នេះកើតឡើងនៅម៉ោង ៦ និង១៣នាទីព្រឹកថ្ងៃទី២៧ ខែមេសានេះ ស្ថិតលើផ្លូវជាតិលេខ៤៤ ចន្លោះគីឡូម៉ែត្រលេខ ១២៥ និង ១២៦ ចំណុចភូមិចំការដូង ឃុំវាលពង់ ស្រុកឧដុង្គ ខេត្តកំពង់ស្ពឺ។
ខេត្តកណ្តាល ៖បុរសម្នាក់បានស្លាប់ពេលបញ្ជូនទៅសង្គ្រោះនៅមន្ទីរពេទ្យបន្ទាប់ពីហូបត្រីកំពតអស់ចំនួន៦ក្បាល។ ហេតុការណ៍នេះកើតឡើងកាលពីថ្ងៃទី២៥ ខែមេសា ឆ្នាំ២០១៦ ម៉ោង១៦ និង០០នាទី ចំណុចផ្ទះជនរងគ្រោះក្នុងបរិវេណឡឥដ្ឋផាច លាងស្រេង ភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្ដាល។ ជនរងគ្រោះឈ្មោះ ឈិន នាង ភេទប្រុសអាយុ៣៣ឆ្នាំ នៅភូមិទួលក្រសាំង ឃុំសិត្បូ ស្រុកស្អាង ខេត្តកណ្ដាល។
បាល់ទាត់ ៖យោងតាមសម្តីរបស់គ្រូបង្វឹក Real Madrid លោក Zinedine Zidane បានឲ្យដឹងថា ខ្សែប្រយុទ្ធ Cristiano Ronaldo និង Karim Benzema អាចលេងបាន១០០%ពេលជួបឃជាមួយក្រុម Manchester City នៅរាត្រីថ្ងៃអង្គារនេះ។
អាមេរិក ៖សារព័ត៌មាន BBC ផ្សាយថា លោក Harris Wofford វ័យ៩០ឆ្នាំ ដែលជាអតីតសមាជិកព្រឹទ្ធសភាអាមេរិកមួយរូប មកពីរដ្ឋ Pennsylvania អំឡុងឆ្នាំ ១៩៩១ ដល់ ១៩៩៥នោះ បានប្រកាសថា លោកនឹងរៀបការ ជាមួយមនុស្សម្នាក់(បុរស) ដែលមានភេទផ្ទុយនឹងភរិយារបស់លោកកាលពីមុន។ ជាមួយគ្នានោះលោក Harris Wofford បន្តទៀតថា លោកមានអារម្មណ៍ថា ខ្លួនឯងមានសំណាង នៅពេលដែលខ្លួនអាចរៀបអាពាហ៍ពិពាហ៍ក្នុងលក្ខណៈបែបនេះ។ អតីតប្រពន្ធរបស់លោកគឺលោកស្រី Clare បានទទួលមរណភាពកាលពីឆ្នាំ ១៩៩៦ ហើយបច្ចុប្បន្នលោកតាវ័យ ៩០ឆ្នាំទៅហើយនេះ កំពុងតែសាងស្នេហាផ្អែមល្ហែមជាមួយនឹងលោក Matthew Charlton វ័យ៤០ឆ្នាំ។
ហ្វីលីពីន ៖នាយករដ្ឋមន្ត្រីកាណាដាបានប្រកាសកាលពីថ្ងៃចន្ទថា ក្រុមសកម្មប្រយុទ្ធឥស្លាមនៅក្នុងប្រទេសហ្វីលីពីនបានសម្លាប់បុរសជនជាតិកាណាដាម្នាក់ដែលក្រុមនេះបានចាប់ជាចំណាប់ខ្មាំងអស់រយៈពេលជាច្រើនខែមក ដើម្បីជំរិតទារប្រាក់។ នេះបើតាមការផ្សាយពីសារព័ត៌មាន Channel News Asia។
សុខភាព ៖មានមិត្តយុវវ័យមួយចំនួន តែងតែចូលគេងយឺត ដោយសារតែហេតុផលការងារ និងកិច្ចការផ្ទាល់ផ្ទាល់ខ្លួនផ្សេងៗ។ ការចូលគេងយឺតបែបនេះ បើតាមក្រុមអ្នកស្រាវជ្រាវមួយចំនួន បង្ហាញថា អាចនឹងបង្កបញ្ហាឡើងទម្ងន់ និងជំងឺផ្សេងៗបាន។ ការសិក្សាមួយ បានចេញផ្សាយនៅក្នុង ទិនានុប្បវត្តិឈ្មោះថា Obesity ដែលបានស្រាវជ្រាវទៅលើការចូលគេងយឺតរាល់យប់ បង្ហាញថា អាចនឹងបណ្ដាលឲ្យញ៉ាំច្រើន និងឡើងទម្ងន់ឆាប់រហ័ស។
ខេត្តស្វាយរៀង ៖ក្រោយពីឆ្លងទន្លេ បានជាង២ម៉ោង ស្ត្រីម្នាក់បានស្លាប់យ៉ាងអាណោចអាធម ដោយសារ ហូរឈាមតាមទ្វារមាស រហូតក្សោះខ្លួន គាំងបេះដូង ក្នុងបន្ទប់វះកាត់ នៃមន្ទីរពេទ្យបង្អែក ខេត្តស្វាយរៀង ហើយករណីនេះ បុរសជាប្តី បានចោទប្រកាន់គ្រូពេទ្យថា មានការធ្វេសប្រហែស ទុកប្រពន្ធគាត់ ឲ្យហូរឈាមរហូតអស់ពីខ្លួន បណ្តាលឲ្យស្លាប់ នៅម៉ោង២ និង២០នាទីរសៀល ថ្ងៃទី២៥ ខែមេសា ឆ្នាំ២០១៦ ។
បាល់ទាត់ ៖យោងតាមការអះអាងរបស់ម្ចាស់ក្លិបអ្នកមាននៅបារាំង Paris Saint-Germain លោក Nasser Al-Khelaifi ថា អ្នកចាត់ការទូទៅលោក Laurent Blanc នឹងបន្តដឹកនាំក្លិបមួយនេះរហូតដល់រដូវកាលក្រោយ។
ខេត្តរតនគិរី ៖ជនជាតិវៀតណាមម្នាក់និងរយន្តមួយគ្រឿងត្រូវកម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តរតនគិរី សហការជាមួយកម្លាំងនគរបាល វរការពារព្រំដែនគោកលេខ៦២៣ និងកម្លាំងអាវុធហត្ថមូលដ្ឋានស្រុកអូរយ៉ាដាវដកហូតនិងឃាត់ខ្លូននៅយប់ថ្ងៃទី២៤ ខែមេសា ឆ្នាំ២០១៦ ក្រោយលួចចូលកាប់ឈើខុសច្បាប់ ត្រង់ចំណុចចន្លោះបង្គោលឡាក់លេខ២៨-២៩ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
