ខេត្តកំពង់ចាម ៖ លោក អ៊ុន ចាន់ដា អភិបាល នៃ គណៈ អភិបាល ខេត្តកំពង់ចាម បាន ជំរុញ ដល់ អភិបាល ស្រុក កងមាស ត្រូវ ខិតខំ អនុវត្ត កម្មវិធី កំណែទម្រង់រដ្ឋបាល សាធា រណៈ ក្នុងការបង្ខិតសេវា ឲ្យ នៅជិតកៀកនឹងប្រជាពលរដ្ឋ ជាពិសេស ត្រូវ យកចិត្តទុកដាក់ ក្នុង ការ អនុវត្ត ឲ្យ បានខ្ជាប់ខ្ជួននូវគោលនយោបាយ ភូមិ ឃុំ មានសុវត្ថិភាព ការ ថ្លែង បែប នេះ ខណៈ ដែលលោក បាន អញ្ជើញ ជា គណៈអធិបតី ក្នុង ពិធី ប្រកាស តែងតាំង ចូល កាន់ មុខ តំណែង ជា អភិបាល នៃ គណៈ អភិបាល ស្រុក កងមាស ដែល បាន ធ្វើឡើង នាព្រឹក ថ្ងៃ ទី ៦ ខែកុម្ភៈ ឆ្នាំ ២០២០ នៅ សាលា ស្រុកកងមាស ដោយ មាន ការ អញ្ជើញ ចូល រួម ពី លោក ខ្លូត ផន ប្រធាន ក្រុម ក្រុមប្រឹក្សា ខេត្ត លោក លោក ស្រី អភិបាល រង ខេត្ត មន្ទីរអង្គភាព ជុំវិញ ខេត្ត និង មន្ត្រី ពាក់ព័ន្ធ ក្នុង ស្រុក ជាច្រើន រូប ផង ដែរ ។

ដោយ ពិធី ប្រកាស តែងតាំង ចូល កាន់ មុខ តំណែង នេះ គឺ លោក ភោគ សាវុធ ពី អភិបាល រង ស្រុក ត្រូវ បាន ប្រកាស តែងតាំង ជា អភិបាល នៃ គណៈ អភិបាល ស្រុក កងមាស ជំនួស លោក មឿន ផា ដែលត្រូវ ចូលនិវត្តន៍ ។

ថ្លែង ក្នុង ពិធី នោះ លោក អ៊ុន ចាន់ដា អភិបាលខេត្ត កំពង់ចាម បាន លើក ឡើង ថា ការ ផ្លាស់ ប្ដូរ និង ការ តែងតាំង មុខ តំណែងថ្មី នេះ គឺ ជា ភាព ចាំបាច់ មួយ ហើយ ក៏ ជា ការ បន្ត និរន្តរភាព រដ្ឋបាល ស្រប ទៅ តាម ច្បាប់ របស់ ក្រុម ព្រឹក្សា ស្តីពី ការ គ្រប់គ្រង រដ្ឋបាល ខណ្ឌ ក្រុង ស្រុក ពោលគឺ មិន មែន ដោយ សារ បញ្ហា ប្រឈម ដែល ត្រូវ ផ្លាស់ប្ដូរ នោះ ទេ គឺ ដល់ អាយុ កាល ត្រូវ ចូល និវត្តន៍ ។

ជាមួយគ្នា នោះ លោក អភិបាលខេត្ត បាន ថ្លែង ថា ក្នុង នាម ជា គណៈអភិបាលស្រុក ត្រូវខិតខំបម្រេីសេវាសាធារណ:ជូនប្រជាពលរដ្ឋ ឲ្យ កាន់តែល្អប្រសេីរ និងខិតខំដោះស្រាយរាល់សំណូមពររបស់ បងប្អូន ប្រជាពលរដ្ឋ ជាពិសេស ត្រូវ យកចិត្តទុកដាក់អនុវត្ត ឲ្យ បានខ្ជាប់ខ្ជួននូវគោលនយោបាយ ភូមិ ឃុំ មានសុវត្ថិភាព ជាងនេះទៅទៀតការអភិវឌ្ឍសមត្ថភាពរបស់មន្ត្រីរាជការ គ្រប់ថ្នាក់ គ្រប់ផ្នែក ត្រូវយកចិត្តដាក់ ដេីម្បីស្របទៅតាមការកែទម្រង់ គោលនយោបាយ របស់រាជរដ្ឋាភិបាល ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ផងដែរ ៕ដោយ ÷ ប៉ែន សុផល

ភ្នំពេញ ៖ ប្រធានភ្នាក់ងារសង្គមព័ត៌មានជាតិ និងជាប្រធាននៃគណៈកម្មាធិការប្រឹក្សាយោបល់ លោកសាស្រ្តាចារ្យ អាញ់ មូនស៊ុក បានបញ្ជាក់ថា ការិយាល័យ e-government កូរ៉េ សន្យាបន្តជួយអភិវឌ្ឍវិស័យ e-government កម្ពុជាឲ្យរីកកាន់តែប្រសើរឡើង តាមរយៈការបណ្តុះបណ្តាល និងជួយរៀបចំផែនការមេដល់មន្ត្រីកម្ពុជា។ ការបញ្ជាក់នេះ ធ្វើឡើងនៅក្នុងជំនួបជាមួយសម្តេចតេជោ កាលពីព្រឹកម៉ិញ នៅរដ្ឋធានីសេអ៊ូល សាធារណៈរដ្ឋកូរ៉េ។

លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីបានឲ្យដឹងថា លោកសាស្ត្រាចារ្យ អាញ់ មូនសុក ប្រធាននៃគណៈកម្មាធិការប្រឹក្សាបានបញ្ជាក់ជូនសម្តេចតេជោថា រដ្ឋាភិបាលកូរ៉េ មិនត្រឹមតែចង់ជំរុញកិច្ចសហប្រតិបត្តិការរវាងកូរ៉េ និងកម្ពុជាពាក់ព័ន្ធនឹងការងារ e-government ប៉ុណ្ណោះទេ ប៉ុន្តែកូរ៉េ មានឆន្ទៈខ្ពង់ខ្ពស់ខ្លាំង ក្នុងការគាំទ្រដល់រាជរដ្ឋាភិបាលកម្ពុជា។ ការិយាល័យ e-government របស់កូរ៉េ បានចុះកិច្ចព្រមព្រៀងជាមួយក្រសួងមហាផ្ទៃកម្ពុជា ពាក់ព័ន្ធនឹងការជំរុញ e-government រួចហើយ កាលពីថ្មីៗកន្លងទៅ។

បើតាមលោកសាស្ត្រាចារ្យ អាញ់ មូនស៊ុក លោកបានមកកាន់កម្ពុជា ដើម្បីជួយក្នុងការបណ្ដុះបណ្ដាល និងការរៀបចំផែនការមេសម្រាប់ e-government ផងដែរ។ លោកសាស្ត្រាចារ្យបន្ថែមថា នៅក្នុងប្រទេសកូរ៉េ គឺមានភ្នាក់ងារសង្គមព័ត៌មានជាតិរបស់កូរ៉េ និងជាស្ថាប័នទទួលខុសត្រូវមួយក្នុងការជួយដល់រដ្ឋាភិបាលកម្ពុជាក្នុងការធ្វើយ៉ាងណាបណ្ដុះបណ្ដាលលើវិស័យ IT ពាក់ព័ន្ធនឹង e-government។ ជារួមក្រោយពិការសិក្សា នឹងពិភាក្សារួចហើយនោះគឺខាងរដ្ឋាភិបាលកូរ៉េ នឹងរៀបចំការផ្ដល់ជាជំនួយឥតសំណងដល់ប្រទេសកម្ពុជា ក្នុងការពាក់ព័ន្ធនឹង e-government ក្នុងការបណ្ដុះបណ្ដាល និងការរៀបចំផែនការមេ និងការអភិវឌ្ឍធនធានមនុស្សក្នុងវិស័យ e-government។

នាយករដ្ឋមន្ត្រីកម្ពុជា មានប្រសាសន៍ថា រាជរដ្ឋាភិបាលកម្ពុជា បានធ្វើមួយចំនួនធំ ហើយពាក់ព័ន្ធនឹងe-government។ អ្វីដែលសម្ដេចចង់បាននោះ គឺការបណ្ដុះបណ្ដាល ការរៀបចំផែនការមេ ការចែករំលែកបទពិសោធន៍ពាក់ព័ន្ធនឹងពាក់ព័ន្ធនឹង e-government ពីកូរ៉េដល់ប្រទេសកម្ពុជា។ពិសេសការបណ្ដុះបណ្ដាលមន្ត្រី មុននឹងរៀបចំផែនការមេ ឬផែនទីចង្អុលផ្លូវ ពាក់ព័ន្ធនឹងការបណ្ដុះបណ្ដាលផ្នែក e-government នេះ។ លោកសាស្រ្តាចារ្យ បានមានប្រសាសន៍ដែរថា e-government អាចជួយរដ្ឋាភិបាលកម្ពុជាជាច្រើន ក្នុងគ្រប់វិស័យទាំងអស់ ជាពិសេសធ្វើយ៉ាងណាឲ្យមន្ត្រីរាជរដ្ឋាភិបាល ជាមន្ត្រីរាជការមានចំណេះដឹងលើបច្ចេកវិទ្យា៕

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានឹងធ្វើដំណើរទៅកាន់ទីក្រុងប៉េកាំង ដើម្បីបានជួបសម្តែងការគួសមជាមួយភាគីមិត្តចិន និងបានស្វែងយល់អំពីការយកចិត្តទុកដាក់របស់រដ្ឋាភិបាលចិនចំពោះបងប្អូន និងកូនក្មួយសិស្សនិស្សិតខ្មែរយើងដែលកំពុងរស់នៅ និងសិក្សានៅក្នុងទីក្រុងវូហាន ក៏ដូចជានៅទូទាំងប្រទេសចិន ក្រោយក្រសួងការបរទេសចិនឆ្លើយតបថាមិនអាចរៀបចំជូនដល់ការធ្វើដំណើររបស់ខ្ញុំទៅកាន់ទីក្រុងវូហានបាន។ នេះបើយោងតាមហ្វេសបុកផ្លូវការរបស់សម្តេច។

តាមរយៈទំព័រហ្វេសបុកនាព្រឹកថ្ងៃទី០៥ ខែកុម្ភៈនេះ សម្តេចបានសរសេរថា តាមគម្រោងនៅថ្ងៃទី៥ កុម្ភៈនេះ ខ្ញុំគ្រោងនឹងចាកចេញពីប្រទេសកូរ៉េខាងត្បូងឆ្ពោះទៅទីក្រុងវូហាន ខេត្តហ៊ូប៉ីប្រទេសចិន ដើម្បីទៅសួរសុខទុក្ខកូនក្មួយនិស្សិតខ្មែរ ២៣ នាក់ដែលកំពុសិក្សានៅទីនោះ។ ប៉ុន្តែមកទល់ម៉ោង១១:០០យប់មិញ ទើបក្រសួងការបរទេសចិនឆ្លើយតបថា មិនអាចរៀបចំជូនដល់ការធ្វើដំណើររបស់ខ្ញុំទៅកាន់ទីក្រុងវូហានបានទេ ព្រោះទីក្រុងនេះបានប្រកាសភាពអាសន្នបិទមិនឲ្យមានចរាចរណ៍ឆ្លងកាត់នៅក្នុងតំបន់នេះនៅឡើយ ហើយចំពោះនិស្សិតវិញក៏មិនត្រូវបានអនុញ្ញាត្តិអោយចេញក្រៅពីទីកន្លែងរស់នៅបានដែរ។

ដោយសារមិត្តចិនយល់អំពីការព្រួយបារម្ភរបស់ខ្ញុំចំពោះពលរដ្ធ និងនិស្សិតខ្មែរដែលកំពុងរស់នៅក្នុងប្រទេសចិន នៅព្រឹកមិញនេះ ខាងរដ្ធាភិបាលចិនបានអនុញ្ញាតឲ្យខ្ញុំធ្វើដំណើរទៅកាន់ទីក្រុងប៉េកាំង ដើម្បីបានជួបសម្តែងការគួសមជាមួយភាគីមិត្តចិននឹងបានស្វែងយល់អំពីការយកចិត្តទុកដាក់របស់រដ្ធាភិបាលចិនចំពោះបងប្អូននិងកូនក្មួយសិស្សនិស្សិតខ្មែរយើងដែលកំពុងរស់នៅនឹងសិក្សានៅក្នុងទីក្រុងវូហាន ក៏ដូចជានៅទូទាំងប្រទេសចិន។

ដូច្នេះនៅរសៀលនេះ ខ្ញុំនឹងដឹកនាំគណប្រតិភូកម្ពុជាចាកចេញពីប្រទេសកូរ៉េខាងត្បូងឆ្ពោះទៅកាន់ទីក្រុងប៉េកាំង មុននឹងធ្វើដំណើរវិលត្រឡប់ទៅកាន់ប្រទេសកម្ពុជាវិញ។ ខ្ញុំសូមអរគុណបងប្អូនជនរួមជាតិ និងកូនក្មួយដែលគោរពស្រឡាញ់ខ្ញុំ និងចង់អោយខ្ញុំមានសុខភាពល្អ។

សូមជូនពរបងប្អូនជនរួមជាតិ និងកូនក្មួយសិស្សនិស្សិតដែលកំពុងរស់នៅក្នុងទីក្រុងវូហាន និងនៅក្នុងប្រទេសចិនទាំងអស់ជួបតែសេចក្តីសុខ សំណាងល្អ និងចៀសផុតពីជំងឺទាំងឡាយ៕

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានជួបពិភាក្សាជាមួយ លោកស្រី ហាក់ ចា ហានមូន ស្ថាបនិកអង្គការសហព័ន្ធសន្តិភាពសកល នៅព្រឹកម៉ិញ មុនបើកកិច្ចប្រជុំកំពូលស្តីពីសន្តិភាព។ បញ្ហានៃជំងឺវីរុសកូរ៉ូណា នៅប្រទេសចិន ជាប្រធានស្នូលនៃជំនួបពិភាក្សានេះ។

សម្តេចតេជោ នាយករដ្ឋមន្រ្តី និងលោកស្រីស្ថាបនិកអង្គការសហព័ន្ធសន្តិភាពសកល បានធ្វើការពិភាក្សាគ្នាយ៉ាងយកចិត្តទុកដាក់ ទាក់ទិនទៅនិងប្រធានបទ សន្តិភាព សន្តិសុខ និងការអភិវឌ្ឍមនុស្ស ពិសេសទាក់ទិនទៅនិងបម្រែ បម្រួលអាកាសធាតុ និងការវិវត្តន៍ថ្មីៗ នៃការផ្ទុះឡើងនៃជំងឺប្រភេទថ្មី កូរ៉ូណាវីរ៉ុល នៅទីក្រុងវូហាន ប្រទេសចិន ដែលជាកង្វល់ពិតប្រាកដរបស់ពិភពលោក។ សម្តេចតេជោនាយករដ្ឋមន្រ្តីមានប្រសាសន៍ថា បញ្ហានៃការបម្រែ បម្រួលអាកាសធាតុ និងការផ្ទុះឡើងនៃជំងឺប្រភេទថ្មី កូរ៉ណាវីរ៉ុល គឺមិនតែជាកង្វល់របស់ប្រទេសចិននោះទេ គឺជាកង្វល់របស់យើងទាំងអស់គ្នា ពោលគឺយើងត្រូវរួមគ្នារិះរកវិធី សាស្រ្តក្នុងការដោះស្រាយ និងមិនត្រូវបង្កនូវការភ័យខ្លាចសម្រាប់មនុស្សជាតិនោះទេ។

លោកស្រី ហាក់ ចាហានមូន បានសំដែងនូវការវាយតម្លៃខ្ពស់ និងកោតសរសើរជូន ចំពោះសម្តេចតេជោនាយករដ្ឋមន្រ្តី និងគណះប្រតិភូជាន់ខ្ពស់រាជរដ្ឋាភិបាលកម្ពុជា ដែលបានអញ្ជើញចូលរួមកិច្ចប្រជុំកំពូលពិភពលោកឆ្នាំ២០២០ នៅទីក្រុងសេអ៊ួល សាធារណរដ្ឋកូរ៉េ ស្របពេល នៃការផ្ទុះមានឡើងនៃជំងឺប្រភេទថ្មី គូរ៉ូណាវីរ៉ុស នៅទីក្រុងវូហាន សាធារណរដ្ឋប្រជាមានិតចិន។

សម្តេចមិនបានចាត់ទុកថាការផ្ទុះនៃជំងឺប្រភេទថ្មី មិនមែនជាឧបសគ្គសម្រាប់ សម្តេចសម្តេចនោះទេ ប៉ុន្តែផ្ទុយទៅវិញ សម្តេចមានឆន្ទះពិតប្រាកដជាមួយ មេដឹកនាំពិភពលោក ក្នុងការរួមគ្នាដោះស្រាយលើបញ្ហាដែលកើតមានឡើង ចំពោះសន្តិភាព សន្តិសុខមនុស្សជាតិ ការប្រែប្រួលអាកាសធាតុ និងបញ្ហាប្រឈមដទៃទៀត ដែលពិភពលោកកំពុងប្រឈម និងរួមគ្នាដោះស្រាយ។ សម្តេចតេជោមានប្រសាសន៍ បានបញ្ជាក់ថា នៅថ្ងៃស្អែកទី៥ កុម្ភះ សម្តេចបានរាយការណ៍ជូនថ្នាក់ដឹកនាំចិនថា សម្តេចនឹងអញ្ជើញទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន ដើម្បីបង្ហាញពីភាពកក់ក្តៅ និងដើម្បីកុំឲ្យនិស្សិតខ្មែរនៅទីក្រុងវូហាន កុំឲ្យមានការភ័យខ្លាច ចំពោញការឆ្លងរឺការកើតរីករាលដាល នៃជំងឺប្រភេទថ្មីកូរ៉ណាវីរ៉ុស៕

ដោយ ៖ ប៉ែន សុផល

ខេត្តកំពង់ចាម ៖ លោក ផុស សុវណ្ណ ប្រតិភូរាជរដ្ឋាភិបាលកម្ពុជា និងជាអគ្គនាយក នៃអគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មាន បានផ្តាំផ្ញើទៅដល់បងប្អូនប្រជាពលរដ្ឋនៅតាមមូលដ្ឋានសូមកុំភ្ញាក់ផ្អើល និងមានការព្រួយបារម្មណ៍ចំពោះជំងឺប្រភេទថ្មី កូរ៉ូណា ដែលកំពុងកើតមាននៅលើពិភពលោក ព្រោះប្រទេសកម្ពុជាយើង គ្មានប្រជាពលរដ្ឋខ្មែរណាម្នាក់បានឆ្លងរាលដាលនៅឡើយទេ។ផ្ទុយទៅវិញអ្វីដែលបារម្មណ៍នោះគឺជំងឺភ័យព្រួយរបស់ ប្រជាពលរដ្ឋទៅវិញទេ។ លោកបាន​​​​​​​​​​​​​​​​​​​​​​​​​​​​​​​​​​ពន្យល់បងប្អូនប្រជាពលរដ្ឋកុំមានការព្រួយបារម្ភអំពីជំងឺនេះឲ្យសោះ ហើយម្យ៉ាងទៀតពាក់ព័ន្ធនឹងជំងឺនេះ រាជរដ្ឋាភិបាលក្រោមការដឹកនាំរបស់ សម្ដេចតេជោ ហ៊ុន សែន កំពុងយកចិត្តទុកដាក់ និងចាត់វិធានការគ្រប់រូបភាព ដើម្បីទុបស្កាត់នូវជំងឺឆ្លងនេះនិងធ្វើយ៉ាងណាដើម្បីការពារសុខមាលភាពរបស់បងប្អូនប្រជាពលរដ្ឋ។

ការបញ្ជាក់ និងផ្តាំផ្ញើខាងលើនេះគឺបានធ្វើឡើងនៅក្នុងឱកាសដែល លោក ផុស សុវណ្ណ និងលោក ទន់ សារ៉ាត រដ្ឋលេខាធិការក្រសួងព័ត៌មាន តំណាងឯកឧត្តមខៀវ កាញ្ញារីទ្ធរដ្ឋមន្ត្រីក្រសួងព័ត៌មាន បានអញ្ជើញជាអធិបតីភាពក្នុងពិធីសម្ពោធសមិទ្ធផលនានានៅក្នុងវត្ត ពោធិរិទ្ធ ហៅវត្តត្នោត ស្ថិតក្នុងឃុំកោះសូទិន ស្រុកកោះសូទិន ខេត្តកំពង់ចាមនាថ្ងៃទី០៣ ខែកុម្ភៈ ឆ្នាំ២០២០ ។

ឆ្លៀតក្នុងឱកាសនេះដែរលោក ផុស សុវណ្ណ មានប្រសាសន៍លើកឡើងទៀតថា វិស័យពុទ្ធចក្រ និងអណាចក្របានដើរទន្ទឹមគ្នា ក្រោមម្លប់សន្តិភាព និងបានធ្វើឲ្យប្រទេស កម្ពុជាមានការអភិវឌ្ឍន៍រីកចម្រើននិងសុខសន្តិភាពហើយប្រជាពលរដ្ឋមានសេរីភាពគ្រប់បែបយ៉ាង ។ហើយសមិទ្ធផលទាំងនេះគឺចាត់ថាជាការរំលឹកនិងអរគុណដល់បុព្វការីជន ដែលបាន ពាលីជីវិតនិងទុកជាទីសការៈសម្រាប់មនុស្សជំនាន់ក្រោយៗទៀតគោរពបូជា។

បន្ទាប់ពីលោក ទន់ សារ៉ាត បានលើកឡើងនូវគោលនយោបាយ និងការរីកចម្រើនរួចមកលោកស្រី ស៊ុន ចន្ថា មេឃុំកោះសូទិនបានមានប្រសាសន៍បញ្ជាក់ឲ្យដឹងផងដែរថា ទីវត្តអារាមវត្តត្នោតនេះ គឺបានកើតឡើងតាំងពីឆ្នាំ១៩៣៤មកម្ល៉េះ ដោយមានព្រះចៅអធិការវត្តចំនួន៦ព្រះអង្គ មកហើយ ដោយមានការជួយជ្រោមជ្រែង ពីគណៈពង្រឹងមូលដ្ឋានឃុំកោះសូទិន និងពុទ្ធបរិស័ទចំណុះជើងវត្ត មកដល់បច្ចុប្បន្ននេះ បានកសាងបាននូវសមិទ្ធផលយ៉ាងច្រើនរហូតបានសម្ពោធដាក់ឲ្យប្រើប្រាស់ជាផ្លូវការនាថ្ងៃនេះ។

គួរបញ្ជាក់ថា សមិទ្ធផលដែលក្រុមការងារបានជួយរួមមាន ៖ កសាងខ្លោងទ្វារវត្ត របង៨បន្លោះ និងម៉ាស៊ីនកាណូតចំនួន១។ ទន្ទឹមនឹងនេះ លោក ផុស សុវណ្ណ និង លោកជំទាវ ព្រមទាំងពុទ្ធបរិស័ទចំណុះជើងវត្តជិតឆ្ងាយក្នុងស្រុក ក្រៅស្រុក បានជួយឧបត្ថម្ភ និងកសាងសមិទ្ធផលជាច្រើនទៀតសរុបជាទឹកប្រាក់ចំនួន៣២២០០ដុល្លារ ៕

ភ្នំពេញ ៖ លោក ប៉ាទ្រីក មើហ្វី ( (H.E. W, Patrick Murphy) ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា បានថ្លែងការណ៍ការកោតសរសើរ ចំពោះការរីកចម្រើនរបស់រាជធានីភ្នំពេញ និងមានសន្តិសុខល្អ ជាពិសេសគឺរក្សាសន្តិសុខ ជូនបុគ្គលិកស្ថានទូតបានយ៉ាងល្អប្រសើរ ។ ជាងនេះទៅទៀត ក្នុងពិធីខួបគម្រប់៧០ឆ្នាំ នៃទំនងការទូតកម្ពុជា និងសហរដ្ឋអាមេរិក គឺរក្សាបានននូវសន្តិសុខយ៉ាងល្អ។

ការបង្ហាញពីអារម្មណ៍បែបនេះ របស់ លោក ប៉ាទ្រីក មើហ្វី បានធ្វើឡើងក្នុងជំនួបជាមួយ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង កាលពីរសៀលថ្ងៃទី ០៤ ខែកុម្ភៈឆ្នាំ ២០២០ នៅសាលារាជធានីភ្នំពេញ។

ក្រៅពីសម្ដែងការកោតសរសើរ ចំពោះការអភិវឌ្ឍន៍រីកចម្រើនជាមួយនឹងបញ្ហាសន្តិសុខល្អហើយនោះ លោក ឯកអគ្គរដ្ឋទូតថ្មីរបស់សហរដ្ឋអាមេរិក ក៏បានចាត់ទុកភ្នំពេញជាទីក្រុងមួយក្នុងចំណោមទីក្រុងអាស៊ានដែលត្រូវរៀបចំគម្រោងជាទីក្រុងវៃឆ្លាត(smart city) ដែលរៀបចំដោយសហរដ្ឋអាមេរិកផងដែរ ។ គម្រោងនេះ នឹងមានអត្ថប្រយោជន៍ទាំងអស់គ្នា សម្រាប់រាជធានីភ្នំពេញ និង បណ្ដារទីក្រុងផ្សេងទៀត។

លោក បន្តថា ពាក់ព័ន្ធនឹងទីក្រុងវៃឆ្លាតនេះ នៅសហរដ្ឋអាមេរិក បានធ្វើសន្តិសុខព័ត៌មានមួយ ជុំវិញទីក្រុងវៃឆ្លាតមួយដែរ ក្នុងនោះសម្រាប់កម្ពុជា គឺមានទីក្រុង បីបានចូលរួម ក្នុងនោះមានទីក្រុង សៀមរាប បាត់ដំបង និងរាជធានីភ្នំពេញ ។ សហរដ្ឋអាមេរិកសន្យាថា នឹងបណ្ដុះបណ្ដាល ធនធានមនុស្សជុំវិញទីក្រុងឆ្លាតវៃ (smart city) ជាមួយនឹងគម្រោង បណ្ដុះបណ្ដាលបច្ចេកទេសទៅលើកាកសំណល់ផងដែរ។

លោក ឃួង ស្រេង ក៏បានរំលឹក ពីរបបប៉ុលពត ដែលបានធ្វើឲ្យប្រទេសប្រទេសកម្ពុជា ធ្លាក់ដល់ចំណុចសូន្យ។ ប៉ុន្តែដោយការខិតខំប្រឹងប្រែងរបស់រាជរដ្ឋាភិបាល បានធ្វើឱ្យប្រទេសកម្ពុជា នាពេលបច្ចុប្បន្ននេះ មានការអភិវឌ្ឍន៍រីកចំរើនលើគ្រប់វិស័យ។ទន្ទឹមនៃការរីកចម្រើនរាជធានីភ្នំពេញនេះ ភ្នំពេញ ក៏មានបញ្ហាប្រឈមមួយចំនួន ដូចជា៖ បញ្ហាកកស្ទះចរាចរណ៍ និងបរិស្ថានជាដើម ដែលបញ្ហានេះរាជធានីភ្នំពេញបាននិងកំពុងធ្វើការដោះស្រាយ ។
លោក អភិបាលបញ្ជាក់ផងដែរថា ចំពោះបញ្ហាសន្តិសុខ គឺឃើញថា រាជធានីភ្នំពេញមានសន្តិសុខល្អប្រសើរ ហើយប៉ុន្តែអ្វីដែលជាបញ្ហាប្រឈមមួយទៀត ដែលជាកង្វល់ដ៏ខ្លាំងរបស់រាជធានីភ្នំពេញនោះ គឺបញ្ហាគ្រោះថ្នាក់ចរាចរណ៍ ដែលវាបានសម្លាប់និងធ្វើឱ្យខូចខាតទ្រព្យសម្បត្តិរាល់ថ្ងៃ។ ចំពោះបញ្ហាសំរាម នៅពេលខាងមុខនេះ អាចនឹងមានលក្ខណៈល្អប្រសើរជាងនេះ។

យ៉ាងណាឯកអគ្គរដ្ឋទូតសហរដ្ឋអាមេរិក ក៏បានបញ្ជាក់ផងដែរថា ទីក្រុងណាក៏ដូចជាទីក្រុងណាដែរ បញ្ហាប្រឈមនៅតែមាន ដូចជាបញ្ហាកកស្ទះចរាចរណ៍ សំណល់ បញ្ហាដីធ្លី ខ្យល់អាកាស ជាដើម ជាបញ្ហាប្រឈមរបស់យើងទាំងអស់គ្នា៕

ខេត្តបន្ទាយមានជ័យ ៖ មន្ត្រីជំនាញកាំកុងត្រូលសាខាខេត្តបន្ទាយមានជ័យ ធ្វើតេស្តលើម្ហូបអាហារ ៤៣មុខ រកឃើញ២មុខមានសារធាតុគីមីបូរ៉ាក់ និង៤មុខ សង្ស័យជាប់កាកសំណល់ថ្នាំគីមី សម្លាប់សត្វល្អិត ដែលបណ្តាលឲ្យប៉ះពាល់សុខភាពអ្នកទទួលទាន។ការធ្វើតេស្តនេះ បានធ្វើឡើងកាលពីរសៀលថ្ងៃទី៤ ខែកុម្ភៈ ឆ្នាំ២០២០ នៅក្នុងផ្សាររ៉ា ស្ថិតនៅក្នុងសង្កាត់ប៉ោយប៉ែត ក្រុងប៉ោយប៉ែត។

លោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តបន្ទាយមានជ័យបានឲ្យដឹងថា ការយកគំរូមុខទំនិញម្ហូបអាហារ មានត្រី សាច់ បន្លែ លត បាញ់ឌុក ផ្លែឈើ និងគ្រឿងសមុទ្រ ដែលបានដកហូតមកពីផ្សាររ៉ា នៅក្រុងប៉ោយប៉ោយប៉ែត ភាគច្រើនអាជីវករនាំចូលពីប្រទេសថៃ និងមួយចំនួនតូចដាំដុះក្នុងស្រុក ឃើញថា ការធ្វើតេស្តជាបឋមនៅមន្ទីរពិសោធន៍ខ្នាតតូចនៅក្រុងប៉ោយប៉ែត ទាំង៤៣មុខ រកឃើញ២មុខលាយសារធាតុគីមីបូរ៉ាក់ក្នុ ងកំរិតច្រើន ដាក់នៅលើនំបាញ់ឌុក និងសសៃលត។ ការដាក់នៅក្នុងបាញ់ឌុក និងលត នេះ ត្រូវបានរកឃើញ និងបានធ្វើការណែនាំដល់អាជីវករជាច្រើនដងមកហើយដែរ ដែលមានទីតាំងផលិតនៅក្រុងសិរីសោភ័ណ ខេត្តបន្ទាយមានជ័យ ហើយឥលូវនៅតែមានលាយសារធាតុគីមីបូរ៉ាក់នេះ នៅក្នុងនំ បាញ់ឌុក និងលត ដដែល។

លោកបន្ថែមថា ក្រុមការងារកំពុងតាមដានឲ្យស៊ីជម្រៅនៅទីតាំងផលិតនោះ ហើយនិងអនុវត្តជាក់ស្តែងទៅតាមទំហំនៃការផលិតនោះ ជាមួយនិងអាជីវករ។

លោកប្រធានសាខាកាំកុងត្រូលក៏បានបញ្ជាក់ពីការទទួលទានចំណីអាហារដែលមានសារធាតុគីមីបូរ៉ាក់ថាបានធ្វើឲ្យប៉ះពាល់ដល់ក្រពះ ពោះវៀន ងងឹតមុខ ឈឺក្បាល វិលមុខ ឆ្អល់ពោះ បើធ្ងន់ធ្ងរបាត់បង់ផ្លូវបន្តពូជ បើធ្ងន់ធ្ងរខ្លាំងនោះ អាចកើតជំងឺមហារីក បើសិនទទួលទានវាសុទ្ធត្រឹម៥ក្រាម សំរាប់កូនក្មេង និង១៥ក្រាមសំរាប់មនុស្សចាស់ វានិងក្អួតឈាមស្លាប់តែម្តង។

លោក សាន វិជ្ជសារ៉ាវុធ បញ្ជាក់ថា ក្រៅពី បាញ់ឌុក និងលត មានផ្លែឈើចំនួន ៤មុខទៀត មានផ្លែប៉ម ផ្លែស្តូបឺរី ផ្លែសារី និងក្តិបឪឡឹក ដែលការធ្វើតេស្តបឋមវាមានពណ៌ដែលធ្វើឲ្យមានការសង្ស័យថា មានជាប់កំណកថ្នាំគីមីសម្លាប់សត្វល្អិត ហើយផ្លែឈើទាំងនេះ និងយកទៅពិសោធន៍បន្ថែមទៀតនៅមន្ទីរពិសោធន៍ខ្នាតធំ នៅអគ្គនាយកដ្ឋានកាំកុងត្រូលនៅរាជធានីភ្នំពេញ។ចំពោះថ្នាំសម្លាប់សត្វល្អិតនេះ ប៉ះពាល់ដល់អ្នកទទួលទាន ធ្វើឲ្យស្រវាំងភ្នែក ក្អួតចង្អោ ថប់ដង្ហើម បើករណីធ្ងន់ធ្ងរអាចសន្លប់។

លោកបញ្ជាក់បន្ថែមថា ថ្វីត្បិតតែសមត្ថកិច្ចមន្ត្រីជំនាញកាំកុងត្រូលបានរំកិលពីព្រំដែនចូលមកក្នុងបន្តិចមែន ប៉ុន្តែ នៅតែបន្តការងារយ៉ាងសកម្ម ឈរលើតួនាទីភារកិច្ចគិតគូរដល់សុខភាព សុវត្ថិភាពបងប្អូនប្រជាពលរដ្ឋ តាមរយៈការដកហូតគំរូទំនិញពីទីផ្សារមកធ្វើតេស្តសុវត្ថិភាព៕

បន្ទាយមានជ័យ ៖ រូបចម្លាក់តោថ្មចំនួន៤ ដែលកប់ជ្រៅទៅក្នុងដីរាប់ពាន់ឆ្នាំត្រូវបាក្រុមការងាររុករកប្រទះឃើញនៅក្បែរកំពង់ទឹកបុរាណមួយកន្លែង នៅខាងជើងស្ពាន ភ្ជាប់និស្ស័យបារាយណ៍មេបុណ្យ ស្ថិតក្នុងភូមិបន្ទាយឆ្មារ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។

ការប្រទះឃើញតោថ្មបុរាណនេះ ខណៈពេលដែលក្រុមជាងសហគមន៍ប្រាសាទបន្ទាយឆ្មារ បានធ្វើការកាយ រៀបចំតំបន់ទេសចរណ៍ នៅតំបន់នោះក្រោមការឧបត្ថម្ភពី លោកជំទាវម៉ៅ ម៉ាល័យ កែ គឹមយ៉ាន ។

ជុំវិញការប្រទះឃើញនេះ លោក ម៉ៅ ស៊ី ប្រធានសហគមន៍ប្រាសាទបន្ទាយឆ្មារ បានឲ្យដឹងថា៖ រូបចម្លាក់តោថ្មទាំង៤នេះ ត្រូវបានក្រុមជាងសហគមន៍ប្រាសាទបន្ទាយឆ្មារ ធ្វើការកាយកែលម្អរសោភ័ណភាពបារាយណ៍មេបុណ្យនៅកំពង់បុរាណចាស់ក៏ប្រទះឃើញជាបន្តបន្ទាប់ ចាប់ពីថ្ងៃទី០២-០៣ ខែកុម្ភៈឆ្នាំ២០២០ ជាបន្តបន្ទាប់ ។រូបចម្លាក់សត្វតោទាំង៤នោះមានមួយនៅរក្សាបាននូវសោភ័ណភាពល្អទាំងស្រុង ។

លោក ម៉ៅ ស៊ី បានបញ្ជាក់ថា ៖ រូបចម្លាក់តោថ្មទាំងនេះ គឺត្រូវបានកសាងឡើងតាមរចនាប័ទ្មនាសម័យអង្គរ ធ្វើអំពីថ្មភក់ ដែលរូបតោនីមួយៗមានទម្ងន់ជាង ១តោន ។

សូមបញ្ជាក់ថា ក្រោយពីបានធ្វើកំណាយ និងស្ទួចយកចេញពីក្រោមដីរួចមក នៅថ្ងៃទី០៣ ខែកុម្ភៈ ឆ្នាំ២០២០ លោកជំទាវ ម៉ៅ ម៉ាល័យ កែ គឹមយ៉ាន បានដឹកនាំក្រុមការងារ រៀបចំធ្វើពិធីក្រុងពាលី សែនព្រេន បួងសួង ដើម្បីសុំសេចក្តីសុខ សេចក្តីចម្រើនដល់ប្រជាពលរដ្ឋខ្មែរទូទាំងនគរផងដែរ៕

កូរ៉េ ៖ នៅថ្ងៃទី៥កុម្ភៈស្អែកនេះ សម្តេចតេជោ នឹងអញ្ជើញទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន ប្រទេសចិន ដែលជាកន្លែងផ្ទុះឡើង មេរោគកូរូណា ដើម្បីបង្ហាញពីភាពកក់ក្តៅ និងដើម្បីកុំឲ្យនិស្សិតខ្មែរនៅទីក្រុងវូហានមានការភ័យខ្លាច ចំពោះការឆ្លងរឺការកើតរីករាល​ដាល នៃជំងឺប្រភេទថ្មីកូរ៉ណាវីរ៉ុស។

សម្តេចតេជោមានប្រសាសន៍បន្តថា នៅថ្ងៃស្អែកទី៥កុម្ភៈសម្តេចបានរាយការណ៍ជូនថ្នាក់ដឹកនាំចិនរួចហើយថា សម្តេចនឹងអញ្ជើញទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន ដើម្បីបង្ហាញពីភាពកក់ក្តៅ និងដើម្បីកុំឲ្យនិស្សិតខ្មែរនៅទីក្រុងវូហានមានការភ័យខ្លាច ចំពោះការឆ្លងរឺការកើតរីករាលដាល នៃជំងឺប្រភេទថ្មីកូរ៉ណាវីរ៉ុស។

ការ​ថ្លែងខាងលើនេះ ធ្វើឡើង​នៅក្នុង​ជំនួប​ពិភាក្សា​ការងារ​ជាមួយលោកស្រី Hak Ja Han Moon ស្ថាបនិក​អង្គការ​សហព័ន្ធ​សន្តិភាព​សកល នាព្រឹកថ្ងៃទី៤ ខែកុម្ភៈ ឆ្នាំ​២០២០។

ក្នុងជំនួបគ្នានេះ សម្តេចតេជោនាយករដ្ឋមន្រ្តី និងលោកស្រីស្ថាបនិកអង្គការសហព័ន្ធសន្តិភាពសកល បានធ្វើការពិភាក្សាគ្នាយ៉ាងយកចិត្តទុកដាក់ ទាក់ទិនទៅនឹងប្រធានបទ សន្តិភាព សន្តិសុខ និងការអភិវឌ្ឍមនុស្ស ពិសេសទាក់ទិនទៅនិងបម្រែបម្រួលអាកាសធាតុ និងការវិវត្តន៍ថ្មីៗ នៃការផ្ទុះឡើងនៃជំងឺប្រភេទថ្មី កូរ៉ូណាវីរ៉ុសនៅទីក្រុងវូហាន ប្រទេសចិន ដែលជាកង្វល់ពិតប្រាកដរបស់ពិភពលោក។

សម្តេច ហ៊ុន សែន បានមានប្រសា​សន៍ថា បញ្ហានៃការបម្រែបម្រួលអាកាសធាតុ និងការផ្ទុះឡើងនៃជំងឺប្រភេទថ្មី កូរ៉ណាវីរ៉ុស​ គឺមិនមែនតែជាកង្វល់របស់ប្រទេសចិននោះទេ គឺជាកង្វល់របស់យើងទាំងអស់គ្នា ពោលគឺយើងត្រូវរួមគ្នារិះរកវិធីសាស្រ្តក្នុងការដោះស្រាយ និងមិនត្រូវបង្កនូវការភ័យខ្លាចសម្រាប់មនុស្សជាតិនោះទេ។ សម្តេច និងលោកស្រីស្ថាបនិកអង្គការសហព័ន្ធសន្តិភាពសកល ក៏បានធ្វើការពិភាក្សាគ្នាយ៉ាងយកចិត្តទុកដាក់ទៅលើបញ្ហាផ្សេងៗទៀត ដែលជាកង្វល់ពិតប្រាកដករបស់សម្តេច និងលោកស្រី។

ក្នុងកិច្ច​សន្ទនាគ្នានោះ លោកស្រី ហាក់ ចា ហានមូន បានសំដែងនូវការវាយតម្លៃខ្ពស់ និងកោតសរសើរជូន ចំពោះសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ដែលបាន​អញ្ជើញចូលរួមកិច្ចប្រជុំកំពូលពិភពលោកឆ្នាំ២០២០ នៅទីក្រុងសេអ៊ួល សាធារណរដ្ឋកូរ៉េ ស្រប​ពេល នៃការផ្ទុះមានឡើងនៃជំងឺប្រភេទថ្មី កូរ៉ូណាវីរ៉ុស នៅទីក្រុងវូហាន សាធារណរដ្ឋប្រជាមានិតចិន​។

ទាក់ទិនទៅនឹងប្រសាសន៍លើកឡើងរបស់លោកស្រី​ស្ថាបនិកអង្គការសហព័ន្ធសន្តិភាពសកល សម្តេចតេជោនាយករដ្ឋមន្រ្តីមានប្រសាសន៍ថា សម្តេចមិនបានចាត់ទុកថាការផ្ទុះនៃជំងឺប្រភេទថ្មី មិនមែនជាឧបសគ្គសម្រាប់សម្តេចនោះទេ ប៉ុន្តែផ្ទុយទៅវិញសម្តេចមានឆន្ទៈពិតប្រាកដជាមួយមេដឹកនាំពិភពលោក ក្នុងការរួមគ្នាដោះស្រាយលើបញ្ហាដែលកើតមានឡើង ចំពោះសន្តិភាព សន្តិ​សុខមនុស្សជាតិ ការប្រែប្រួលអាកាសធាតុ និងបញ្ហាប្រឈមដទៃទៀត ដែលពិភពលោកកំពុង​ប្រឈម និងរួមគ្នាដោះស្រាយ៕

ភ្នំពេញ ៖ ដើមត្នោតពេជ្រជាច្រើនដើម ដែលរដ្ឋបាលរាជធានីភ្នំពេញបានដាំនៅលើសួនច្បារ DN ស្ថិតនៅតាមបណ្តោយផ្លូវសហព័ន្ធរុស្សីមុខក្រសួងការពារជាតិ ក្នុងខណ្ឌ ៧មករា កាលពីអំឡុងឆ្នាំ២០១៩កន្លងទៅមកដល់ ពេលនេះបាននិងកំពុងបង្អួតសម្រស់យ៉ាងស្រស់ស្អាតនិងទាក់ទាញទេសចរណ៍ និងបានធ្វើឱ្យរាជធានីភ្នំពេញលើកសោភ័ណ្ឌភាពរាជធានីរីកស្រស់បំព្រងមួយកម្រិតថែមទៀត។
លោក សំ សាមុត ប្រធានអង្គភាពសួនច្បារនិង រុក្ខជាតិនៃមន្ទីរសាធារណការនិងដឹក ជញ្ជូនរាជធានីភ្នំពេញ បានឱ្យដឹងនៅព្រឹកនេះថា អនុវត្តតាមការណែនាំពី ឯ.ឧ ឃួង ស្រេង អភិបាលរាជធានីភ្នំពេញ អង្គភាពសួនច្បារនិងរុក្ខជាតិនៃមន្ទីរសាធារណការនិងដឹកជញ្ជូន រាជធានីភ្នំពេញបានដាំកាលពីអំឡុងឆ្នាំ២០១៩ បានដាំដើមត្នោតពេជ្រជាច្រើនដើមនៅលើសួនច្បារ DN ក្រោយពីបានដាំស្មៅនិងផ្ការួច ដើម្បីលើកសោភ័ណ្ឌភាពរាជធានីឱ្យកាន់តែរីកស្រស់បំព្រងថែមមួយកម្រិតទៀត។
លោកបន្តថា ៖ ការដាំដើមត្នោតពេជ្រនៅលើសួនច្បារ DN នេះ មួយចំណែកគឺដើម្បីលើក សោភ័ណ្ឌភាពរាជធានីភ្នំពេញឲ្យកាន់តែមានភាពស្រស់បំព្រង ទាក់ទាញភ្លៀវទេចរណ៍ជាតិនិងអន្តរជាតិ ដោយសារសួនច្បារនេះ ស្ថិតនៅតាមបណ្ដោយផ្លូវសហព័ន្ធរុស្ស៊ីដែលជាមហាវិថីមួយត្រូវបានភ្ញៀវជាតិនិងអន្តរជាតិធ្វើដំណើរឆ្លងកាត់រាល់ថ្ងៃ។
ក្រៅពីលើកសោភ័ណ្ឌភាព រាជធានីភ្នំពេញ វាក៏ជាកន្លែងសម្រាប់ឲ្យប្រជាពលរដ្ឋបានហាត់ប្រាណ ទាំងពេលព្រឹកនិង ពេលល្ងាចផងដែរ ដែលតម្រូវឱ្យរដ្ឋបាលរាជធានីធ្វើការថែទាំរាល់ថ្ងៃ។
លោកបន្តថា ៖ សួនច្បារសាធារណៈមួយចំនួននៅក្នុងរាជធានីភ្នំពេញត្រូវបានមើលថែដោយមន្ទីរសាធារណការនិងដឹកជញ្ជូនរាជធានីភ្នំពេញនិងខណ្ឌចំនួន៤នៅកណ្តាលក្រុង ក្នុងនោះមានខណ្ឌដូនពេញ ចំការមន ៧មករា និងខណ្ឌទួលគោក។ចំណែកខណ្ឌ៨ខណ្ឌទៀតទទួលខុសត្រូវមើលថែទាំដោយក្រុមហ៊ុនឯកជន។
គួរបញ្ជាក់ផងដែរថា ៖ ក្រោមការដឹកនាំរបស់ លោក ឃួង ស្រេង បានធ្វើការកែសម្រួលសួនច្បារសាធារណៈនានានៅក្នុងរាជធានីភ្នំពេញជាមួយនិងការស្ថាបនាបង្គន់សាធារណៈស្អាតៗនិងមានស្តង់ដាដាក់តាមសួនច្បារជាច្រើនកន្លែង។
ដោយហេតុថា សួនច្បារមិនត្រឹមតែជាកន្លែងទាក់ទាញភ្ញៀវជាតិអន្តរជាតិប៉ុណ្ណោះទេ ប៉ុន្តែវាក៏ជាកន្លែងមួយ ទុកឱ្យប្រជាពលរដ្ឋបានអង្គុយលេងកំសាន្តនិងហាត់ប្រាណផងដែរ។ផ្តើមចេញពីបញ្ហានេះទើបរដ្ឋបាលរាជធានីភ្នំពេញបានធ្វើការកែសម្រួលធ្វើយ៉ាងណាឲ្យតាមបណ្ដាលសួនច្បារនីមួយៗគឺសុទ្ធតែ ដើមឈើ និងមានកន្លែងសំរាប់ឱ្យប្រជាពលរដ្ឋបានហាត់ប្រាណ ព្រោះថាការហាត់ប្រាណជាឱសថដ៏សក្កិសិទ្ធក្នុងការព្យាបាលជម្ងឺគ្រប់ប្រភេទ៕

ភ្នំពេញ ៖ ក្រសួង​មុខងារសាធារណៈ បានប្រកាសថា ក្រសួង​បាន​រកឃើញ​ករណី​បើក បៀវត្ស​លើស​ចំនួន ៧,១៩៨,១៣៥,៥១៤​រៀល ប៉ុន្តែ​ប្រាក់​ទាំងនេះ​ត្រូវបាន​បង្វែរ​ចូល ទៅក្នុង​រតនាគារ​វិញ​។ ការរកឃើញ​នោះ​គឺ​ក្នុងពេល​ចុះ​ធ្វើ​អធិការកិច្ច​ក្នុង​វិស័យ​មុខងារ សាធារណៈ​ពេញ​មួយឆ្នាំ​២០១៩។

​តួលេខ​នៃ​ករណី​បើក​បៀវត្ស​លើស​នោះ​ធ្វើឡើង​នៅក្នុង​ពិធី​បើក​សន្និបាត​បូកសរុប​ការងារ​របស់​ក្រសួង​មុខងារ សាធារណៈ ដែល​បាន​ធ្វើឡើង​នៅ​សណ្ឋាគារ​ភ្នំពេញ នា​ថ្ងៃទី​០៤ ខែកុម្ភៈ ឆ្នាំ​២០២០​នេះ ។​

​យោងតាម​របាយការណ៍​ក្រសួង​មុខងារសាធារណៈ​បាន​ឲ្យ​ដឹងថា មកដល់ពេលនេះ ក្រសួង​បាន​គ្រប់គ្រង​មន្ត្រីរាជការ​តាម​ប្រព័ន្ធ​ព័ត៌មានវិទ្យា​សរុប ២១៨,៤៨២​នាក់ (​ស្ត្រី ៨៨,៧០៣​នាក់​) ស្នើ​នឹង ៤០.៦១% ក្នុងនោះ​ថ្នាក់ជាតិ​ចំនួន ៤៥,៥៩៩​នាក់ (​ស្ត្រី ១២,៩៨១​នាក់​) និង​ថ្នាក់ក្រោម​ជាតិ​ចំនួន ១៧២,៨៨៣​នាក់ (​ស្ត្រី ៧៥,៧៤៩​នាក់៕