ខេត្តព្រះវិហារ ៖ លោក គោ ស៊ុមប៊ុនសឿត អភិបាលរងខេត្ត តំណាងលោក ប្រាក់ សុវណ្ណ អភិបាលនៃគណៈអភិបាលខេត្តព្រះវិហារ រួមនិងឧត្តមសេនីយ៍ទោ ច័ន្ធ សុភត្រ្តា មេបញ្ជាការតំបន់ប្រតិបត្តិការសឹករងខេត្តព្រះវិហារ បានអញ្ជើញសំណេះសំណាល និងលើកទឹកចិត្តក្មួយៗសិស្ស និស្សិតចំនួន១៨១នាក់ ដែលដាក់ពាក្យប្រលងចូលក្របខណ្ឌកងយោធពលខេមរភូមិន្ទ ។

ជារៀងរាល់ឆ្នាំ ក្មួយៗសិស្ស និស្សិតជាច្រើននាក់ តែងតែដាក់ពាក្យប្រលងចូលក្នុងក្របខណ្ឌកងយោធពលខេមរភូមិន្ទ ជាច្រើនសន្ធឹកសន្ធាប់ ដើម្បីចូលរួមក្នុងវិស័យការពារជាតិបន្តវេនពី អុំ ពូ មីង ជំនាន់មុន ជាក់ស្ដែងនៅព្រឹកថ្ងៃសៅរ៍ ទី២៣ ខែធ្នូ ឆ្នាំ២០១៩ ក្មួយៗសិស្ស និស្សិតចំនួន ១៨១នាក់ថ្មីទៀត ដែលរស់នៅក្នុងខេត្តព្រះវិហារ បានស្ម័គ្រចិត្តជាទំពាំងស្នងឫស្សីក្នុងការបន្តវេនក្នុងវិស័យការពារជាតិ បានដាក់ពាក្យប្រលងចូលក្នុងក្របខណ្ឌកងយោធពលខេមរភូមិន្ទ ហើយត្រូវបានចូលរួមក្នុងពិធីសំណេះសំណាល និងចែកសាលាកបត្រឯកជន ដើម្បីត្រៀមទៅប្រឡងនៅមណ្ឌលយោធភូមិភាគទី ៤ ខេត្តសៀមរាប ដែលពិធីនេះបានធ្វើនៅក្នុងបរិវេណទីបញ្ជាការដ្ឋានតំបន់ប្រតិបតបត្តិការសឹករងព្រះវិហារចំណុះយោធភូមិភាគទី៤។

លោកឧត្តមសេនីយ៍ទោ ច័ន្ធ សុភត្រ្តា មេបញ្ជាការបានមានប្រសាសន៍ថា នេះជាសក្ខីភាពមួយដែល គួឲ្យលើកទឹកចិត្តដល់គ្មួយៗដែលបានមកដាក់ពាក្យប្រលងចូលក្របខ័ណ្ណ នៃកងយោធពលខេមរភូមិន្ទ លើវិស័យការពារជាតិបន្តវេនជាមួយគ្នានេះដែរ ក្មួយៗ សិស្សនិស្សិតដែលបានដាក់ពាក្យប្រលងចូលក្នុងក្របខ័ណ្ឌកងយោធពលខេមរភូមិន្ទ នៅបញ្ជាការដ្ឋានតំបន់ប្រតិបត្តិការសឹករងព្រះវិហារ កន្លងមកមានក្មួយៗជាច្រើននាក់នៅខេត្តព្រះវិហារ បានប្រឡងជាប់ចូលក្នុងក្របខ័ណ្ឌកងយោធពលខេមរៈភូមិន្ទ ដោយមួយចំនួនចេញទៅបម្រើការងារនៅតាមកងឯកភាពទូទាំងប្រទេស និងមានក្មួយៗមួយចំនួនទៀត កំពុងបន្តការ សិក្សានៅក្នុងនិងក្រៅប្រទេសផងដែរ។

លោកមេបញ្ជាការតំបន់ប្រតិបត្តិការសឹករងខេត្តព្រះវិហារ បានថ្លែងនូវការកោតសរសើរចំពោះក្មួយៗ ដែលមានស្មារតីស្មោះស្ម័គ្រជាទំពាំងស្នងឬស្សី ដើម្បីចូលរួមក្នុងវិស័យការពារជាតិត្រៀមជំនួសឱ្យអ៊ី ពូមីងយើងដែលនឹងត្រៀមចូលនិវត្តន៍នៅពេលខាងមុខ ។ ក្នុងឱកាសនេះផងដែរលោក គោ ស៊ុមប៊ុនសឿតអភិបាលរងខេត្ត ក៏បានលើកឡើងផងដែរអំពីផលវិបាក ក្នុង ការកើតឡើងនូវសង្រ្គាមសុីវិលនៅកម្ពុជាក្នុងបណ្តាទស្សវត្តន៍កន្លងមក និងការបញ្ចប់សង្គ្រាមដោយនយោបាយ ឈ្នះ ឈ្នះ របស់សម្ដេចអគ្គមហាសេនាបតីតេជោ ហ៊ុន សែន នៅឆ្នាំ១៩៩៨ ជាប្រវត្តិសាស្ត្រនៅកម្ពុជា យើង ដែលមិនធ្លាប់មានពីមុនមក។

លោក អភិបាលរងខេត្តព្រះវិហារ បានសំណូមពរសូមឱ្យក្មួយៗទាំងអស់ រួមគ្នាចូលរួមថែរក្សាសន្តិភាពដែលយើងកំពុងមានសព្វថ្ងៃ ដែលបានមកដោយលំបាកនេះ ឲ្យ នៅគង់វង់ជារៀងរហូត ជាមួយនោះដែលក្មួយៗត្រូវត្រៀមលក្ខណសម្បត្តិគ្រប់យ៉ាងដេីម្បីទៅចូលរួមប្រឡងតាមវិញ្ញាសាដែលគណៈកម្មាធិការជ្រើសរើស និងត្រួតពិនិត្យលក្ខណៈសម្បត្តិសិក្ខាកាមមកបណ្ដុះបណ្ដាលនៅក្នុង និងក្រៅប្រទេស ចំណែកអុំ ពូ មីងទាំងអស់គ្នា សូមជូនពរឱ្យក្មួយៗទាំងអស់បានប្រលងជាប់គ្រប់ៗគ្នា ដើម្បីក្លាយខ្លួនជាកងយោធពលខេមរភូមិនដ៏ឆ្នើម ក្នុងវិស័យការពារជាតិ សាសនា និងព្រះមហាក្សត្រ ក្រោមការដឹកនាំប្រទេសប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

ភ្នំពេញ ៖ កាលពីថ្ងៃទី២២ ខែធ្នូ ឆ្នាំ ២០១៩ ម្សិលមិញនៅក្នុងពិធីបិទសន្និបាតគណៈចលនាមហាជន នៃគណៈកម្មាធិការកណ្តាល គណបក្សប្រជាជនកម្ពុជា នៅកោះពេជ្រ សម្តេចតេជោ ហ៊ុន សែន ប្រធានគណបក្សប្រជាជនកម្ពុជាបានថ្លែងអំណរគុណយ៉ាងជ្រាលជ្រៅបំផុតដល់សមាជិកសមាជិកាគណបក្សប្រជាជនកម្ពុជាទូទាំងប្រទេស ព្រមសមាជិកសមាជិកាចលនាមហាជននៃគណៈកម្មាធិការកណ្តាល គណបក្សប្រគណមហាជន ដែលបានចូលរួមសម្រេចបាននូវជោគជ័យធំៗជាច្រើនសម្រាប់ជាតិមាតុភូមិ។

ច្បាស់ណាស់ គឺគ្រប់កាលៈទេសៈទាំងអស់ គណបក្សប្រជាជនកម្ពុជា តែងតែនៅជិតប្រជាពលរដ្ឋ ហើយខិតខំពង្រឹងនូវសាមគ្គីភាព និងប្រមូលនូវគ្រប់ធនធានទាំងឡាយដើម្បីជំរុញការកសាង អភិវឌ្ឍន៍ និងការពាមាតុភូមិឲ្យកាន់តែរីកចម្រើនទៅមុខ។ ទន្ទឹមនឹងនោះ គឺយើងត្រូវបន្តចូលរួមថែរក្សាការពារសន្តិភាព និងស្ថិរភាពនយោបាយសង្គម អោយបានរឹងមាំដើម្បីកម្ពុជាកាន់តែមានឱកាសអភិវឌ្ឍប្រទេសជាតិ។

សម្តេចតេជោ ហ៊ុន សែន បានបញ្ជាក់ផងដែរថា ដោយសារគណបក្សមានមាគ៍ាដឹកនាំត្រឹមត្រូវ និងផ្តល់សិទ្ធិសេរីភាពពេញលេញដល់ប្រជាពលរដ្ឋ មកទល់ពេលនេះគឺមានតែ គណបក្សប្រជាជនកម្ពុជា តែមួយគត់ដែលទទួលបានការគាំទ្រពីប្រជាពលរដ្ឋគ្រប់ស្រទាប់វណ្ណៈ ក្នុងនោះក៏មានការចូលរួមពីសមាជិកគណបក្សនយោបាយនានាផងដែរ ដែលធ្វើអោយ គណបក្សប្រជាជនកាន់តែរឹងមាំ និងបន្តឈ្នះឆ្នោត និងកាន់តែរីកធំធាត់ទៅមុខជានិច្ច។

នៅក្នុងឱកាសនោះដែរ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានរំលឹកដល់មន្រ្តីគណបក្ស ជាពិសេសមន្រ្តីដែលមានតួនាទីដែលកំពុងបម្រើរាជរដ្ធាភិបាលបន្តយកចិត្តទុកដាក់បម្រើប្រជាពលរដ្ឋឲ្យទទួលបាននូវសេវាសាធារណៈក្នុងនោះគឺមានទាំងសេវាតម្រូវការ និងសេវាចាំបាច់នានា ព្រមទាំងទទួលយកនូវសំណូមពរនានាពី ប្រជាពលរដ្ឋដើម្បីបង្កើននូវជំនឿ និងភាពកក់កក្តៅកាន់តែខ្លាំងដល់ប្រជាពលរដ្ឋ។ សម្តេចតេជោ ហ៊ុន សែន ក៏បានរំលឹកផងដែរដល់មន្រ្តី គឺហាមដាច់ខាតកុំតួនាទីទៅវាតទីយកទ្រព្យសម្បត្តិរដ្ឋធ្វើជារបស់ខ្លួនដូចជាការលុបដីសមុទ្រនៅខេត្តកោះកុងយកធ្វើជាទ្រព្យសម្បត្តិផ្ទាល់ខ្លួនជាដើម។

សម្តេចតេជោ ហ៊ុន សែន ប្រធានគណបក្សប្រជាជន បានជូនពរដល់មន្រ្តីថ្នាក់ដឹកនាំ នៃគណបក្សទាំងអស់ មានសុខភាពល្អ និងទទួលបានជោគជ័យថ្មីៗជាបន្តទៀតក្នុងបេសកម្មដឹកនាំបម្រើប្រទេសជាតិ និងបម្រើប្រជាពលរដ្ឋឲ្យទទួលបានូវផលប្រយោជន៍កាន់តែច្រើនឡើងថែមទៀតនៅក្រោមអាណត្តិនៃការដឹកនាំរបស់គណបក្សប្រជាជនកម្ពុជា៕

ភ្នំពេញ ៖ ដើម្បីបំពេញឱ្យបានតាមកំណើននៃតម្រូវការអគ្គិសនីចំពោះមុខ និងទៅពេលអនាគត រាជរដ្ឋាភិ បាលបានអនុម័តគម្រោងសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យនៅខេត្តចំនួន៤ ដែលមានអានុភាពសរុប ១៤០មេហ្កាវ៉ាត់ ក្នុងនោះខេត្តបាត់ដំបង ៦០មេហ្កាវ៉ាត់ ខេត្តពោធិ៍សាត់ ៣០មេហ្កាវ៉ាត់ ខេត្តបន្ទាយមានជ័យ ៣០មេហ្កាវ៉ាត់ និងខេត្តស្វាយរៀង ២០មេហ្កាវ៉ាត់ ដោយសេចក្តីព្រាងច្បាប់ស្តីពី គម្រោងសាងសង់នេះត្រូវបានសម័យប្រជុំរដ្ឋសភាពិភាក្សា និងអនុម័តយល់ព្រម នាព្រឹកថ្ងៃទី២៣ ខែធ្នូ នេះ។

ក្នុងសេចក្តីថ្លែងហេតុរបស់រាជរដ្ឋាភិបាលបានគូសបញ្ជាក់ថា កម្ពុជាកំពុងមានការអភិវឌ្ឍឥតឈប់ឈរ។ ក្នុងគោលដៅគាំទ្រដល់ការអភិវឌ្ឍលើគ្រប់វិស័យ រាជរដ្ឋាភិបាលបានចាត់ទុកការងារអភិវឌ្ឍប្រភព ថាមពលអគ្គិសនី គឺជាការងារបន្ទាន់ និងចាំបាច់ ខណៈដែលកម្ពុជាមានប្រភពអគ្គិសនីពីវារីអគ្គិសនី ដែល ត្រូវពឹងផ្អែកលើទឹកភ្លៀង។ ស្ថានីយវារីអគ្គិសនីផលិតថាមពលអគ្គិសនីពេញសមត្ថភាពនៅរដូវវស្សាដែល មានភ្លៀងធ្លាក់ច្រើន។ ផ្ទុយទៅវិញនៅរដូវប្រាំង ការផលិតថាមពលអគ្គិសនីពីស្ថានីយវារីអគ្គិសនីត្រូវធ្លាក់ ចុះមកត្រឹមតែ ៣០% នៃសមត្ថភាពធម្មតា ឬករណីខ្លះអាចធ្លាក់ចុះទាបជាងនេះទៀតផង។ ហេតុនេះ ប្រភពថាមពលដទៃទៀតដូចជា ថាមពលដើរដោយពន្លឺព្រះអាទិត្យដែលមិនពឹងផ្អែកលើទឹកភ្លៀង គឺជា ជម្រើសដ៏ចាំបាច់ដែលត្រូវប្រកាន់យក ដើម្បីបំពេញបន្ថែមនៅរដូវប្រាំង ។

សេចក្តីថ្លែងហេតុរបស់រាជរដ្ឋាភិបាលបានសង្កត់ធ្ងន់ថា កម្ពុជាមានសក្តានុពលខ្ពស់ក្នុងការផលិត អគ្គិសនីដើរដោយពន្លឺព្រះអាទិត្យទាំងក្នុងរដូវប្រាំង និងក្នុងរដូវវស្សា។ អញ្ចឹងហើយទើបរាជរដ្ឋាភិបាល បានអនុម័តនូវគម្រោងសាងសង់ស្ថានីយផលិតអគ្គិសនីដើរដោយពន្លឺព្រះអាទិត្យនៅខេត្តចំនួន៤ រួមមាន ខេត្តបាត់ដំបង ពោធិ៍សាត់ បន្ទាយមានជ័យ និងខេត្តស្វាយរៀង ដែលមានអានុភាពសរុបប្រមាណ ១៤០ មេហ្កាវ៉ាត់ ដែលគម្រោងទាំង៤នេះបានផ្តល់សិទ្ធិទៅឱ្យក្រុមហ៊ុនចំនួន៤ ជាអ្នកទទួលបន្ទុកសាងសង់៕

ភ្នំពេញ ៖ លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា ការសម្រេចបាននូវលទ្ធផលជាទីមោទនៈនានារហូតមកដល់ថ្ងៃនេះ គឺបានបង្ហាញយ៉ាងច្បាស់ពីស្មារតីទទួលខុសត្រូវ កិច្ចខិតខំប្រឹងប្រែង និងការប្តេជ្ញាចិត្តរបស់យើងក្នុងការជំរុញវិស័យការងារ និងបណ្តុះបណ្តាលវិជ្ជាជីវៈ និងការលើកកម្ពស់ភាពជាដៃគូរវាងរដ្ឋ-ឯកជន ប្រកបដោយប្រសិទ្ធភាព និងប្រសិទ្ធផលខ្ពស់ ក្នុងគោលដៅរួមចំណែក បង្កើនល្បឿនដល់ការអភិវឌ្ឍសង្គម-សេដ្ឋកិច្ចប្រកបដោយចីរភាព។
លោកបណ្ឌិត អ៊ិត សំហេង បានថ្លែងបែបនេះ ក្នុងពិធីបើកវេទិកាសំណេះសំណាលប្រចាំឆ្នាំ រវាងតំណាងរាជរដ្ឋាភិបាល និងវិស័យឯកជន ក្រោមប្រធានបទ វឌ្ឍនភាព នៃការអនុវត្តកាតព្វកិច្ចច្បាប់ស្តីពីការងារនិងច្បាប់ស្តីពីរបបសន្តិសុខសង្គមនាព្រឹកថ្ងៃទី២៣ខែធ្នូនេះនៅសណ្ឋាគារកាំបូឌីយ៉ាណា។
លោក អ៊ិត សំហេង មានប្រសាសន៍បន្តថា ការបង្កើនកិច្ចសហប្រតិបត្តិការយ៉ាងជិតស្និត តាមរយៈការអនុវត្តយន្តការត្រីភាគី និងកិច្ចសន្ទនាសង្គមដែលយើងបានអនុវត្ត ប្រកបដោយប្រសិទ្ធភាពដែលជាមូលដ្ឋានគ្រឹះ នៅក្នុងការធានាបាននូវភាពសុខដុមផ្នែកទំនាក់ទំនងវិជ្ជាជីវៈ ដែលធ្វើឱ្យមានការថយចុះនូវវិវាទការងារបានប្រសើរជាងមុនច្រើន។
ការបន្តចូលរួមអនុវត្តយ៉ាងសកម្ម ក្នុងការគាំទ្រដល់កម្មវិធីកំណែទម្រង់របស់រាជរដ្ឋាភិបាល យុទ្ធសាស្ត្រចតុកោណ គោលនយោបាយនានា ដូចជាគោលនយោបាយជាតិស្តីពីមុខរបរ និងការងារ គោលនយោបាយជាតិស្តីពីអប់រំបណ្តុះបណ្តាលបច្ចេកទេស និងវិជ្ជាជីវៈ គោលនយោបាយជាតិអភិវឌ្ឍវិស័យឧស្សាហកម្ម និងក្របខណ្ឌគោលនយោបាយជាតិគាំពារសង្គម។
ទន្ទឹមនឹងនេះការចូលរួមអនុវត្តប្រកបដោយស្មារតីទទួលខុសត្រូវ នូវកាតព្វកិច្ចនានាដែលបានចែងក្នុងច្បាប់ស្តីពីការងារ ច្បាប់ស្តីពីសហជីព ច្បាប់ស្តីពីរបបសន្តិសុខសង្គម ច្បាប់ស្តីពីប្រាក់ឈ្នួលអប្បបរមា រួមទាំងបទដ្ឋានគតិយុត្តិនានាពាក់ព័ន្ធនឹងវិស័យការងារផងដែរ។បន្ថែមពីនេះសមាគមសហព័ន្ធនិយោជកកម្ពុជា ក៏ជាដៃគូរដ៏សំខាន់ ដែលបានចូលរួម ធ្វើឱ្យក្រសួងអាចសម្រេចបានដោយជោគជ័យ នូវការអនុវត្តផែនការយុទ្ធសាស្រ្តអភិវឌ្ឍន៍ វិស័យការងារ និងបណ្តុះបណ្តាលវិជ្ជាជីវៈ ព្រមទាំងកម្មវិធីការងារសមរម្យសម្រាប់ប្រទេសកម្ពុជា និងគម្រោងនានាផងដែរ។
ក្រសួងការងារ និងបណ្តុះបណ្តាលវិជ្ជាជីវៈ បានត្រៀមខ្លួនរួចជាស្រេចក្នុងការបន្តកិច្ចសហការជាមួយ CAFEBA សំដៅលើកកម្ពស់ភាពប្រកួតប្រជែងកម្ពុជា នៅលើឆាកអន្តរជាតិ ដើម្បីរួមចំណែកជាមួយរាជរដ្ឋាភិបាល ក្នុងការសម្រេចឱ្យបាននូវចក្ខុវិស័យកម្ពុជាឆ្នាំ២០៣០ ដែលជាប្រទេសមានចំណូលមធ្យមកម្រិតខ្ពស់ និង ឆ្នាំ២០៥០ ជាប្រទេសមានចំណូលខ្ពស់។
ស្ថិតក្នុងបរិបទដែលវិស័យឯកជន កាន់តែប្រឈមកាន់តែខ្លាំងទៅនឹង លទ្ធភាពប្រកួតប្រជែងជាមួយប្រទេសនាំចេញនានា បានធ្វើការយ៉ាងជិតស្និតជាមួយគ្នាស្វែងរកដំណោះស្រាយរួមគ្នា ដើម្បីធានាថា វិស័យឯកជន នៅតែអាចបន្តធានាបាននូវឧត្តមភាពប្រកួតប្រជែង សមាជិកទាំងអស់របស់ CAFEBA អាចរក្សាបានដំណើរផលិតកម្ម អាជីវកម្មរបស់ខ្លួនប្រកបដោយចីរភាព។ ដូចដែលអ្វីដែល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានសម្រេចនៅក្នុង វេទិការាជរដ្ឋាភិបាល-វិស័យឯកជន លើកទី១៨ កាលពីថ្ងៃទី២៩ ខែមីនា ឆ្នាំ២០១៩ សម្តេចតេជោនាយករដ្ឋមន្រ្តី បានដាក់ចេញនូវវិធានការកែទម្រង់មុតស្រួចជាកញ្ចប់ សំដៅពង្រឹងភាពប្រកួតប្រជែង និងជំរុញធ្វើពិពិធកម្មសេដ្ឋកិច្ចកាន់តែមានភាពល្អប្រសើរជាលំដាប់។
លោកឧកញ៉ា វ៉ាន់ ស៊ូអៀង ប្រធានសមាគមសហព័ន្ធនិយោជកកម្ពុជា (CAFEBA) បានវាយតម្លៃខ្ពស់ចំពោះលទ្ធផលការងារ ដែលយើងរួមគ្នាបំពេញប្រកបដោយភាពជោគជ័យ ក្នុងរយៈពេលកន្លងមក ដែលចូលរួមអភិវឌ្ឍសេដ្ឋកិច្ចជាតិព្រមទាំងធានាបាននូវការបន្តរក្សាបាននូវកំណើនសេដ្ឋកិច្ចជាមធ្យមជាង ៧% រយៈពេលពីរទស្សវត្តន៍កន្លងមកនេះ៕

ដោយ ៖ កូវ ប៊ុនហេង

ខេត្តព្រះវិហារ ៖ នៅថ្ងៃទី២៣ ខែធ្នូ ឆ្នាំ២០១៩ នៅទីបញ្ជាការកងពលតូចអន្តរាគមន៍លេខ៧ មានរៀបចំពិធីប្រជុំផ្សព្វផ្សាយ និងត្រួតពិនិត្យការងារយោធារយៈពេល ៥ឆ្នាំ គិតត្រឹមឆ្នាំ២០១៥ ដល់ឆ្នាំ២០១៩ និងលើកទិសដៅអនុវត្ត៥ឆ្នាំបន្ត សម្រាប់ឆ្នាំ២០២០ ដល់ឆ្នាំ២០២៤ ក្រោមអធិបតីភាព ឧត្តមសេនីយ៍ទោ ដួង សំនៀង មេបញ្ជាការកងពលតូចអន្តរាគមន៍លេខ៧ ដោយមានការចូលរួមពីរបណ្តាមេបញ្ជាការ វរសេនាតូចទាំង៤ចំនណុះ អោយកងពល រួមជាមួយនាយទាហាន និងពលទាហានជាច្រើនរូប។

ឆ្លៀតក្នុងឱកាសនោះ លោកឧត្តមសេនីយ៍ទោ ដួង សំនៀង បានមានប្រសាសន៍ថា ផ្អែកលើកំណែទម្រង់កងយោធពលខេមរភូមិន្ទ គឺជាជម្រើសដែលមិនអាចខ្វះបាន ដើម្បីពង្រឹង ពង្រីកសមត្ថភាព លទ្ធភាព និងសក្តានុពលភាពរបស់កងទ័ពទៅតាមការវិវត្តន៍រីកចម្រើន របស់សង្គមនៃសម័យបច្ចេកវិជ្ជាទំនើប។

លោកបានបន្តទៀតថា ដោយឈរលើប្រសិទ្ធភាព នៃការដឹកនាំបញ្ជា និងគ្រប់គ្រងកម្លាំង ត្រូវយកចិត្តទុកដាក់ ពិនិត្យនូវការកំណត់ទិសដៅភារកិច្ច សម្រាប់ពេលខាងមុខ ដើម្បីបំពេញបន្ថែម ឬសំណូមពរចាំបាច់នានា សំខាន់លើបញ្ហាធ្វើកំណែទម្រង់លើគ្រប់វិស័យ ក្នុងនោះពាក់ព័ន្ធការបុគ្គលិករួមមាន ៖

*ទី១៖ ការកែសម្រួលរចនាសម្ព័ន្ធចាត់តាំងមានលក្ខណៈសមស្រប ដែលបច្ចុប្បន្ននៅមានភាពសំពីងសំពោង ត្រួតគ្នា រវាងក្រសួងការពារជាតិ និងអគ្គបញ្ជាការ ក៏ដូចជាបណ្តាប្រភេទទ័ពនៃយោធភូមិភាគ និងទ័ពជំនាញ។
*ទី២៖ ការគ្រប់គ្រងកម្លាំង ដឹកនាំបញ្ជាកម្លាំងទ័ព ត្រូវសមស្របតាមក្របខណ្ឌកំណត់ ចៀសវាងការប្រមូលផ្តុំកម្លាំងនៅស្ថាប័នបំរើសេវាលើសការកំណត់ ការគ្រប់គ្រងកម្លាំងទ័ពត្រូវមានការឯកភាព និងការគ្រប់គ្រងតាមប្រព័ន្ធព័ត៌មានវិទ្យា។
*ទី៣៖ ការតែងតាំងផ្លាស់ប្តូរមុខងារ និងឋានន្តរស័ក្តិ កុំឲ្យពិភក្សាលម្អិតលើគម្រោងផែនការដែលជំនាញបានដាក់ឲ្យ ដោយផ្អែកលើច្បាប់ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ និងបទដ្ឋានគតិយុត្តិនានា។
*ទី៤៖ ការដាក់យោធិនឲ្យចូលនិវត្តន៍តាមច្បាប់កំណត់ តាមសេចក្តីណែនាំរបស់ក្រសួងការពារជាតិ និងអគ្គបញ្ជាការដ្ឋាន។
*ទី៥៖ ការជ្រើសរើសទ័ពបំពេញក្របខណ្ឌ ត្រូវយកចិត្តទុកដាក់សម្រិតសម្រាំងតាមលក្ខខណ្ឌកំណត់ ដើម្បីធានាបានទាំងបរិមាណ និងគុណភាណ។
*ទី៦៖ ការបណ្តុះបណ្តាល ត្រូវជ្រើសរើសនាយទាហាន នាយទាហានរង និងពលទាហាន មានស្នាដៃល្អ និងមានអនាគតរីកចម្រើន និងប្រើប្រាស់សមស្របតាមមុខជំនាញ ដែលបានបណ្តុះបណ្តាល។
*ទី៧៖ ការងារសន្តិសុខផ្ទៃក្នុងត្រូវយកចិត្តទុកដាក់ជ្រើសរើស និងប្រើប្រាស់យោធិនឲ្យគោរពច្បាប់ មានភាពស្មោះត្រង់ចំពោះជាតិ សាសនា ព្រះមហាក្សត្រ និងគោរពច្បាប់បង្ការ ទប់ស្កាត់ការជ្រៀតចូលកម្លាំងអមិត្តក្នុងកងយោធពលខេមរភូមិន្ទ ៕

ខេត្តកំពត ៖ នារាត្រីថ្ងៃអាទិត្យ ១១រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២២ ខែធ្នូ ឆ្នាំ២០១៩ លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការរៀបចំបុណ្យសមុទ្រលើកទី៨បានអញ្ជើញជាអធិបតីក្នុងពិធីបិទព្រឹត្តិការណ៍បុណ្យសមុទ្រនៅខេត្តកំពត។

ពិធីនេះក៏មានការអញ្ជើញចូលរួមពីលោក​ ជាវ​ តាយ​ អភិបាលនៃគណៈអភិបាលខេត្តកំពត និងលោក​ ជឹង​ ផល្លា​ ប្រធានក្រុមប្រឹក្សាខេត្តកំពត ព្រមទាំងថ្នាក់ដឹកនាំ ប្រជាពលរដ្ឋ កងកម្លាំងប្រដាប់អាវុធ សិស្ស និស្សិត ភ្ញៀវជាតិ អន្តរជាតិយ៉ាងច្រើនកុះករ។

លោក ជាវ តាយ អភិបាលនៃគណៈអភិបាលខេត្តកំពតបានមានប្រសាសន៍ថា រយៈពេលបីថ្ងៃនៃពិធីបុណ្យសមុទ្រលើកទី៨ ជុំទី២ ចាប់ពីថ្ងៃទី២០ ដល់ថ្ងៃទី២២ ខែធ្នូ ឆ្នាំ២០១៩ ភ្ញៀវជិតឆ្ងាយបានអញ្ជើញមកចូលរួមកម្សាន្តប្រមាណ៩០ម៉ឺននាក់។ ក្នុងនោះ សម្រាប់ថ្ងៃដំបូងមានប្រហែល២០ម៉ឺននាក់។ ចំណែកថ្ងៃបន្ទាប់ចំនួនភ្ញៀវបានកើនឡើងរហូតដល់ប្រមាណ៤០ម៉ឺននាក់។ ដោយឡែកថ្ងៃបញ្ចប់ បរិមាណភ្ញៀវមានប្រហែល៣០ម៉ឺននាក់។

ថ្លែងក្នុងឱកាសនេះ លោក ថោង ខុន បានមានប្រសាសន៍ថា ពិធីបុណ្យសមុទ្រលើកទី៨ នៅខេត្តកំពតពោរពេញដោយភាពជោគជ័យសម្រាប់ជាគំរូដល់បណ្តាខេត្តដទៃទៀត។ ភាពជោគជ័យនេះត្រូវបានសម្តេចតេជោ​ ពោលកោតសរសើរ និងគាំទ្រពេញទំហឹង។

លោករដ្ឋមន្ត្រីបានបន្តថា តាមរយៈពិធីបុណ្យដ៏អធិកអធមនេះបានធ្វើឱ្យសាធារណជនទូទៅស្គាល់ខេត្តកំពតកាន់តែច្បាស់ ពិសេសជ្រួតជ្រាបអំពីសក្តានុពលដែលមានទាំងប៉ុន្មានក្នុងខេត្ត ដូចជាការនាំយកផលិតផលដែលខេត្តដទៃមិនអាចធ្វើបានមកដាក់តាំងបង្ហាញឱ្យភ្ញៀវបានឃើញបានស្គាល់នូវរសជាតិដោយផ្ទាល់៕ ដោយ ៖ ទ្រី ហៀន

ភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី២៣ ខែធ្នូ ឆ្នាំ២០១៩នេះ បានចេញសេចក្តី ជូនដដំណឹងស្តីពីស្ថានភាពអាកាសនៅក្នុងប្រទេសកម្ពុជា ដោយបញ្ជាក់ថា ដោយសារឥទ្ធិពល នៃជ្រលងសម្ពាធខ្ពស់ខ្សោយ ធ្វើឲ្យស្ថានភាពអាកាសធាតុនៅកម្ពុជា ចាប់ពីថ្ងៃទី២៦ដល់២៩ ខែធ្នូ ឆ្នាំ២០១៩ នៅខេត្តចំនួន៥ ធាតុអាកាសនឹងចុះត្រជាក់ដល់១៧អង្សាសេ ខណៈខេត្តដទៃផ្សេងទៀត នឹងចុះត្រជាក់ដល់២០អង្សាសេ។

ក្រសួងធនធានទឹក បានបញ្ជាក់យ៉ាងដូច្នេះថា៖

ភ្នំពេញ ៖ នាយករដ្ឋមន្ដ្រីកម្ពុជា ប្រកាសប្តេជ្ញាថា រាជរដ្ឋាភិបាលមិនឲ្យមានហ្គេមអនឡាញ នៅប្រទេសកម្ពុជាទៀតជាដាច់ខាត ដើម្បីកុំឲ្យកម្ពុជាក្លាយកន្លែងលាងលុយកខ្វក់ និងជង្រុកពួកម៉ាហ្វីយ៉ា ដែលកើតចេញពី ហ្គេមស៊ីសង អនឡាញ។ សម្តេចតេជោ ថ្លែងអះអាងថា កម្ពុជា នឹងលុបបំបាត់ហ្គេមអនឡាញ ទាំងស្រុងនៅដំណាច់ឆ្នាំ២០១៩ នេះ។

ថ្លែងនៅក្នុងពិធីបុណ្យសមុទ្រលើកទ៨ ជុំទី២ នៅខេត្តកំពត សម្ដេចតេជោ ហ៊ុន សែន បានមានប្រសាសន៍ថា វត្តមានហ្គេមអនឡាញកម្ពុជា នឹងធ្វើឲ្យបញ្ហា អសន្ដិសុខជាតិ និងស្ថិតនៅក្រោមការគំរាមកំហែង នៃក្រុមម៉ាហ្វីយ៉ា ដែលជ្រៀតចូលមកក្នុងប្រទេស ដើម្បីធ្វើសកម្មភាព នានា។ កម្ពុជា ក៏នឹងក្លាយទៅជាប្រទេសនៃគោលដៅ នៃការលាងលុយកខ្វក់ តាមរយៈអនឡាញផងដែរ។ ការលុបបំបាត់ហ្គេមអនឡាញនេះ គឺដើម្បីទទួល បានមកវិញនូវវិនិយោគ និងជំនួញធំៗ ដែលសុច្ចរិត និងសុវត្ថិភាពសម្រាប់ អភិវឌ្ឍសង្គមកម្ពុជា។ ការធ្លាក់ចុះនៃវិស័យសំណង់នៅកម្ពុជា គឺមិនពាក់ព័ន្ធទៅនឹងការធ្វើដំណើរចាកចេញរបស់ជនជាតិនោះទេ នោះគ្រាន់តែចំណែកតូចមួយប៉ុណ្ណោះ ព្រោះវិស័យសំណង់នៅប្រទេសកម្ពុជា មិនមែនបម្រើឲ្យតែហ្គេមអនឡាញនោះទេ ប្រសិនបើគេឈប់ជួលផ្ទះ ឬអគារគួរតែយកទីតាំងនោះ ទៅប្រកបអាជីវកម្មផ្សេង ព្រោះអ្វីក៏ដោយត្រូវតែមានការបង់ថ្លៃ។

គួរបញ្ជាក់ដែរថា សម្តេចតេជោ ហ៊ុន សែន កាលពីនៅថ្ងៃទី១៨ ខែសីហា កន្លងទៅ បានចុះហត្ថលេខាលើសារាចរណែនាំមួយដោយបញ្ឈប់ការ ផ្តល់គោលការណ៍ និងអាជ្ញាប័ណ្ណអនុញ្ញាតឲ្យប្រកបអាជីវកម្មល្បែងភ្នាល់តាមម៉ាស៊ីនអេឡិចត្រូនិចអនឡាយ ( Internet Online) ទាំងក្នុង និងក្រៅប្រទេស ទាំងស្រុង។ សារាចរណែនាំ បានណែនាំ ឲ្យមន្រ្តីនគរបាលយុត្តិធម៌ និងអាជ្ញាធរមានសមត្ថកិច្ចគ្រប់លំដាប់ថ្នាក់ ត្រូវបង្កើនការស្រាវជ្រាវ និងបង្រ្កាបអាជីវកម្មល្បែងភ្នាល់តាមម៉ាស៊ីនអេឡិចត្រូនិចតាមរយៈអ៊ីនធើណេនអនឡាយ ក្នុងនិងក្រៅប្រទេសគ្រប់ប្រភេទ និងគ្រប់រូបភាព ដែលធ្វើសកម្មភាពដោយមិនមានអាជ្ញាប័ណ្ណពីក្រសួង ស្ថាប័នមានសមត្ថកិច្ច។ ចំពោះអាជីវកម្មល្បែងភ្នាល់តាមម៉ាស៊ីន អេឡិចត្រូនិចតាមរយៈអិនធើណែតអនឡាយ ក្នុងនិងក្រៅប្រទេសដែលមានអាជ្ញាប័ណ្ណ ត្រូវបានអនុញ្ញាតឲ្យធ្វើសកម្មភាពរហូតផុតសុពលភាព ដែលបានកំណត់ក្នុងអាជ្ញាប័ណ្ណ។ បន្ទាប់ពីនេះក្រសួងសេដ្ឋកិច្ច និងហិរញ្ញវត្ថុមិនបន្តសុពលភាព នៃអាជ្ញាបណ្ណអនុញ្ញាត ឲ្យប្រកបអាជីវកម្មល្បែងភ្នាល់ប្រភេទនេះតទៅទៀតឡើយ។ រាជរដ្ឋាភិបាល បញ្ឈប់ការផ្តល់គោលការណ៍ និងអាជ្ញាបណ្ណអនុញ្ញាតឲ្យប្រកបអាជីវកម្មល្បែងភ្នាល់តាមម៉ាស៊ីន អេឡិចត្រូនិច តាមរយៈអិនធើណេតអនឡាយទាំងក្នុង និងក្រៅព្រះរាជាណាចក្រកម្ពុជា ចាប់ពីថ្ងៃចុះហត្ថលេខាលើសារាចរណែនាំនេះតទៅ៕

ភ្នំពេញ ៖ នាយករដ្ឋមន្ត្រីនៃព្រះរាជាណាចក្រកម្ពុជា សម្តេចតេជោ ហ៊ុន សែន បានថ្លែង នៅក្នុងពិធីបុណ្យសមុទ្រលើកទី៨ ជុំទី២ ដែលខេត្តកំពតធ្វើជាម្ចាស់ផ្ទះ កាលពីយប់ម៉ិញ នេះដោយ ជំរុញដាស់តឿនដល់អាជ្ញាធរខេត្តជាប់សមុទ្រទាំងអស់ ត្រូវខិតខំថែរក្សា ធនធានសមុទ្រ និងធនធានបាតសមុទ្រ របស់កម្ពុជាឲ្យស្ថិតស្ថេរគង់វង្ស ដើម្បីជាប្រយោជន៏ ក្នុងការទាក់ទាញទេសចរណ៍ជាតិ និងអន្តរជាតិ។

នាយករដ្ឋមន្ត្រីនៃព្រះរាជាណចក្រកម្ពុជា បានស្នើឲ្យទៅក្រសួងកសិកម្ម ក្រសួងបរិស្ថាន និងរដ្ឋបាលខេត្តជាប់ឆ្នេរសមុទ្រទាំង៤ ត្រូវយកចិត្តទុកដាក់ បំផុតចំពោះការថែរក្សា និងអភិរក្សធនធានបាតសមុទ្ររបស់កម្ពុជា ឲ្យគង់ វង្សជានិរន្ត៏។ជាកត់សំគាល់សម្តេចតេជោនាយក រដ្ឋមន្ត្រីតែងតែធ្វើការជំទាស់ ជាច្រើនលើកចំពោះបំណង នៃការវិនិយោគក្នុងដាំសារាយនៅក្នុងសមុទ្រ នៅក្នុងខេត្តព្រះសីហនុ និងខេត្តកំពត ដើម្បីការពារ ធន ធានបាតសមុទ្ររបស់កម្ពុជាឲ្យបានល្អ។ ការជំទាស់ការបូមខ្សាច់នៅបាតសមុទ្រ ក៏បានធ្វើឲ្យ ធនធាន សមុទ្រកាន់តែសំបូរបែប។ សម្តេចតេជោ ជំរុញឲ្យក្រសួងបរិស្ថាន ដាក់តំបន់បាត សមុទ្រ នានាឲ្យក្លាយជាតំបន់អភិរក្ស។ សម្តេចតេជោ ក៏បានជំរុញឲ្យ ខេត្តជាប់សមុទ្រថែរក្សា ឆ្នេរឲ្យ បាន ស្អាត ដើម្បីរក្សាឆ្នេរសមុទ្ររបស់កម្ពុជា នៅក្នុងក្លឹបឆ្នេរដែលស្អាតជាងគេបំផុតលើលោក។

សម្តេចតេជោ នាយករដ្ឋមន្ត្រី បានបញ្ជាក់ថា ខេត្តកំពតជាខេត្តសក្តានុពេលជាច្រើន សម្រាប់ជំរុញ កំណើនសេដ្ឋកិច្ច។ ខេត្តកំពតមានសក្តានុពលទេសចរ ធម្មជាតិ មានរោងចក្រផលិតស៊ីម៉ង់ មាន កំពង់ ផែ ពិសេសជាខេត្តមានដែល សក្តានុពលអំបិល និងកសិកម្មជាច្រើនផ្សេងទៀត ឯ.ឧ ជាវ តាយ អភិបាលខេត្តកំពត មានប្រសាសន៏ថា ពិធីបុណ្យសមុទ្រលើកទី៨ ក្នុងជុំទី២ ក្នុងខេត្តកំពត នេះ ក្រោមប្រធានបទ «ទីក្រុងស្អាត ឆ្នេរល្អ ទេសចរណ៍រុងរឿង»។ ព្រឹត្តិការណ៍បុណ្យសមុទ្រ ឆ្នាំ នេះ មានការតាំងពិព័រណ៍សមិទ្ធផល មហោស្រពម្ហូបអាហារ និងភេសជ្ជៈ និងគម្រោងអភិវឌ្ឍ តំបន់ ឆ្នេរ សរុបចំនួន ៤៦១ស្តង់ ក្នុងនោះរួមមាន ស្តង់គម្រោងអភិវឌ្ឍទេសចរណ៍សំខាន់ៗនៅតំបន់ឆ្នេរ ផលិតផលទេសចរណ៍ផលិតផលក្នុងស្រុក និងសហគ្រាសធុនតូច និងមធ្យម ស្តង់ពិព័រណ៍បរទេស ហើយពិសេសការរៀបចំវិថីម្ហូបអាហារ (Food Street) អាចសម្រាប់ជាគំរូដល់ខេត្តដទៃ។ ក្រៅពីនោះ ក៏មានការសម្តែងទស្សនីយភាពសិល្បៈចម្រុះបូរាណ-សម័យ ដែលមានការចូលរួម ពី សិល្បករ-សិល្បការីជាតិ និងបណ្តាប្រទេសជាមិត្ត រួមមានប្រទេសចិន ថៃ ឥណ្ឌូនេស៊ី ឥណ្ឌា និង វៀតណាម។ សកម្មភាពកីឡាវិញ រួមមាន៖ កីឡារត់កម្សាន្ត ការប្រណាំងកង់ បាល់ទះលើឆ្នេរខ្សាច់ ចាំបាប់លើឆ្នេរខ្សាច់ កីឡាប្រណាំងម៉ូតូទឹកលក្ខណៈអន្តរជាតិ ប្រដាល់គុនខ្មែរអន្តរជាតិ ដណ្តើម ខ្សែក្រវ៉ាត់អន្តរជាតិ គុនល្បុក្កតោ ការប្រកួតអុកចត្រង្គ និងកីឡាផ្សងព្រេងលើភ្នំ។ល។

លោក រដ្ឋមន្ត្រី ថោង ខុន រដ្ឋមន្ត្រីក្រសួងទេសចរណ៏ បានបញ្ជាក់ថា ឆ្នាំ២០១៩ ខេត្តតំបន់ឆ្នេរ ទទួល ទេសចរណ៏អន្តរជាតប្រមាណ១លាន ៣សែននាក់កើន ឡើង ៤,៥ភាគរយ រួមចំនែក១៥ភាគរយ នៃទេសចរសរុប។ ខេត្តកំពតក្នុង រយៈពេល១១ខែ ២០១៩ នេះ ទទួលបានទេសចរណ៏អន្តរជាតិ ប្រមាណ១៨ ម៉ឺននាក់ មានកំណើន១០.២៨ភាគរយ និងទេសចរជាតិប្រមាណ១លាន៤សែននាក់ ក្នុងកំណើន៥,៧ភាគរយ។

យោងតាមការព្យាករ នៅឆ្នាំ២០២០ តំបន់ឆ្នេរ សមុទ្រនឹងទទួលបាន ទេសចរ អន្តរជាតិ ប្រមាណ១លាន ៧សែននាក់ និងភ្ញៀវទេសចរជាតិប្រមាណ៣លាន ៥សែន នាក់ ហើយនៅឆ្នាំ២០៣០ តំបន់ ឆ្នេរសមុទ្រនឹងទទួលបានទេសចរអន្តរជាតិ៤លាន ៥សែននាក់ និងទេសចរ ជាតិ៥លាន ៥សែននាក់។ លោក រដ្ឋមន្ត្រីកត់សំគាល់ថា ការរៀបពិធីបុណ្យសមុទ្រ ពី មួយឆ្នាំទៅមួយឆ្នាំ មានការចូលរួមយ៉ាងផុសផុលពីសំណាក់ប្រជាពលរដ្ឋ ទាំងជាតិ និងអន្តរជាតិ។ រដ្ឋមន្ត្រីទេសចរ រំពឹងថា បុណ្យសមុទ្រនៅខេត្តកំពតនៅឆ្នាំនេះ នឹងអាចទទួលបានទេសចរ ៥០ ម៉ឺន នាក់៕

ភ្នំពេញ ៖ នៅក្នុងពិធីបុណ្យសមុទ្រនេះដែរ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាទៅឧបនាយករដ្ឋមន្ត្រី រដ្ឋមន្ត្រីក្រសួងដែនដី លោក ជា សុផារ៉ា និងអភិបាលខេត្តកោះកុង ឲ្យពិនិត្យករណីចាក់ដីលុបចូលសមុទ្រនៅខេត្តកោះកុង ជាបន្ទាន់ និងចាត់វិធានការ ឲ្យបានតឹងរ៉ឹង។ ភ្ជាប់ជាមួយនឹងបញ្ហានេះ សម្តេចតេជោ ក៏បានព្រមានដកស័ក និងចាប់ខ្លួនមន្ត្រីយោធាមួយរូប ដែលនៅពីក្រោយខ្នងនៃការលុបដីចូលសមុទ្រនេះដែរ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រាប់ដល់អភិបាល ខេត្តទាំងអស់ត្រូវទប់ ស្កាត់ឲ្យមានប្រសិទ្ធភាពចំពោះការលុបនិងចាក់ដីចូល ក្នុងសមុទ្រធ្វើជាកម្មសិទ្ធិ និងផលប្រយោជ ន៏ផ្ទាល់ខ្លួន។ សម្តេចតេជោ បានស្នើទៅ លោក ជា សុផារ៉ា និងលោកជំទាវអភិបាលខេត្តកោះកុង ពិនិត្យឲ្យបាន ច្បាស់លាស់ករណីចាក់ដីលុបសមុទ្រនៅខេត្តកោះកុង។ ករណីបើសម្តេចរក ឃើញ មានពាក់ព័ន្ធជាមួយមន្ត្រីយោធាណាម្នាក់ នៅពីក្រោយខ្នងនៃការលុបចូលសមុទ្រមែននោះ សម្តេច នឹងមិនទុកមន្ត្រីបែបនេះនៅក្នុងជួរកងទ័ពនោះឡើយ។
យ៉ាងណាសម្តេចតេជោ បានបញ្ជាក់ថា រាជរដ្ឋាភិបាល ក៏មានការអនុញ្ញាតិ ឲ្យ មានការចាក់ដី លុប សមុទ្រក្នុងករណីចាំបាច់បំផុត ពិសេសទៅលើការកសាង ខ្លះ ដូចជាការកសាងកំពង់ផែ ការចាក់ថ្ម ចូលតំបន់កំសាន្តខ្លះ ដើម្បីរារំាង និងទប់ទឹករលក តែមិនមែនជាការធ្វើដោយបំពាននោះទេ។ សម្តេចតេជោ បានផ្តល់ពាក្យស្លោកមួយថា «កុំសម្លាប់មេមាន់ ដើម្បីគ្រាន់តែឆ្ងាញ់មួយពេល មាន ន័យថា កុំបំផ្លាញធនធានធម្មជាតិសមុទ្រ និងមិនត្រូវបំផ្លាញតំបន់ឆ្នេរ ដើម្បីគ្រាន់តែយកមក ផលប្រយោជន៍រយៈពេលខ្លី៕

ខេត្តស្វាយរៀង ៖ បើតាមការអះអាងពីសម្ថកិច្ចបានអោយដឹងថា ស្រ្តីម្ចាស់ហាង «តន្រ្តីសំណាងអាណេ» ដែលត្រូវជនសង្ស័យជាអធិការរងបាញ់ចំក្បាលកាលវេលាម៉ោង ៦ ៖ ៣០នាទីយប់ នៅថ្ងៃទី២១ ខែធ្នូ ឆ្នាំ២០១៩ បានស្លាប់បាត់បង់ជីវិតហើយ បន្ទាប់ពីបានបញ្ជូនទៅព្យាបាលនៅមន្ទីពេទ្យចារីក្នុងប្រទេសវៀតណាម ដោយសាររបួសធ្ងន់ពេកមិនអាចសង្គ្រោះបាន។

គួ​របញ្ជាក់ថា កាលវេលាម៉ោងប្រមាណជាង ៦យប់ថ្ងៃទី២១ ខែឆ្នូ ឆ្នាំ២០១៩ មានករណីបាញ់ទៅ លើថៅកែស្រីម្នាក់ ឈ្មោះ អាណេ អាយុ៣៨ឆ្នាំ រស់នៅភូមិតាពៅ សង្កាត់បាវិត ក្រុងបាវិត ខេត្ត ស្វាយរៀង។ មានមុខរបជាម្ខាស់ហាងផឹកស៊ី និងខារ៉ាអូខេ ខាងលើ ចំណែកជនបង្កជា អធិការរង ក្រុងបាវិត មានឈ្មោះ កែវ ចិត្រា ហៅចិត្ត ដែលទើបឡើងកាន់តំណែងជាអធិការងក្រុងបាវិតទទូល បន្ទុកការិយាល័យគ្រឿងញៀនថ្មីៗ ទើបតែ៦ថ្ងៃតែប៉ុណ្ណោះ។

បើតាមសាក្សីនៅកន្លែងកើតហេតុបានអោយដឹងថា កន្លងមកជនសង្ស័យតែងតែមកផឹកស៊ីជាញឹក ញាប់ណាស់ដែរ ហើយក្នុងថ្ងៃកើតហេតុ ជនសង្ស័យ មកផឹកស៊ីដូចធម្មតា ពេលស្រីបំរើការ ងារ លើកស្រា និងម្ហូបដាក់លើតុ រួចជនសង្ស័យបានហូបស្រាបៀរអស់តែពីរ ទៅបីកំប៉ុងប៉ុណ្ណោះ ស្រាប់ តែជនសង្ស័បានដកកាំភ្លើងខ្លីបាញ់ចំនួន២គ្រាប់ ដោយមួយគ្រាប់បាញ់ឡើងលើ និងមួយគ្រាប់ទៀត បាញ់ចំស្ត្រីជាម្ចាស់ហាង បណ្តាលឲ្យរងរបួសធ្ងន់ត្រង់ក្បាល ហើយ ត្រូវបាននារីបំរើការទៅបីត្រកង លើកស្រ្តីរងគ្រោះបញ្ជូនទៅកាន់មន្ទីរពេទ្យវៀតណាម ទាំងយប់។ ចំណែកជនដៃដល់ដែលជាអធិកា រងក្រុង ពេលបាញ់រួចដើរចេញ ទៅរថយន្តជិះចេញបាត់។

បើតាមលោក គឹម ឡៃ ប្រធានការិយាល័យព្រហ្មទណ្ឌកម្រិតធ្ងន់ នៃស្នងការនគរបាលខេត្តស្វាយ រៀង បានប្រាប់តាមទូរសព្ទពីចម្លើយសារភាពជនបង្កហេតុ ដោយសារតែជនដៃដល់ខឹងម្ចាស់ហាង យកម្ហូបមកយឺតពេក ហើយម្ចាស់និយាយថា ក៏ប្រិតម្លិះ ហូបតែមីឆា សោះ ហើយនិយាយច្រើន ដង ពេក ទើបជនសង្ស័យខឹង ដកកាំភ្លើងបាញ់ឡើងលើមួយគ្រាប់ និងបាញ់ជនរងគ្រោះចំស្នៀតផ្កា មួយគ្រាប់តែម្តង។

បើតាមអោយដឹងពីប្រជាពលរដ្ឋបានអោយដឹងថា ស្ត្រីរងគ្រោះមានឈ្មោះ សឿន ដាណេ វ័យ៣៨ ឆ្នាំ ស្រុកកំណើតភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ មករកស៊ីបើក ហាង នៅក្រុងបាវិត ជាច្រើនឆ្នាំមកហើយ ហើយកន្លងមក ហាងនេះធ្លាប់មានស្ត្រីម្នាក់ចងក ធ្វើអត្ត ឃាត ម្តងមកហើយ ប៉ុន្តែដោយសាតែម្ចាស់ហាង បានស្គាល់អ្នកមានមុខមាត់ធំៗ ទើបបានបើក ដំណើរការរហូតមកដល់ថ្ងៃនេះ។

បើតាមប្រជាពលរដ្ឋដែលរស់នៅក្រុងបាវិតបានដឹងថា ជនសង្ស័យកាលពីមុនជាជនពាល តែងតែ វ៉ៃគេវ៉ៃឯងស្ទើររាល់ថ្ងៃ ហើយពេលខ្លួនស្រវឹងស្រាម្តងៗ គ្មានអ្នកណាហ៊ានមើលមុខទេ ព្រោះគេនឹង វ៉ៃមិនថា មន្ត្រីរាជការ រឺថ្នាក់ណា រឺប្រជាពលរដ្ឋនោះឡើយ។ ដោយឃើញអាកប្បកិយាកូន ប្រព្រឹត្តិ ដូចក្មេងទំនើង ទើបលោក កែវ គង់ បានបញ្ជូនកូនឲ្យចូលបំរើជាមន្ត្រីនគរបាល បន្ទាប់មកបានចាត់ បញ្ជូនឲ្យទៅរៀននៅប្រទេសវៀតណាម ៦ឆ្នាំ ក៏វិលមកអង្គភាពវិញ ហើយត្រូវបានប្រកាសឲ្យ ចូល កាន់តំណែងថ្មី ជាអធិការរងក្រុងបាវិត ទើបតែបាន ៥ទៅ ៦ថ្ងៃប៉ុណ្ណោះ ដោយទទួលផែនគ្រឿង ញៀន ។ បច្ចុប្បន្នសង្ស័យត្រូវបានកម្លាំងជំនាញឃាត់ខ្លួននៅស្នងការនគរបាលខេត្តស្វាយរៀង និង រៀបចំឯកសារដើម្បីបញ្ជូនទៅកាន់តុលាការខេត្តស្វាយរៀង ដើម្បីចាត់ការបន្តទៀត៕

ដោយ ៖ ប៉​.​សុផល

ខេតកំពង់ចាម ៖ លោកអភិបាលនៃគណៈអភិបាលខេត្តកំពង់ចាម លោក អ៊ុន ចាន់ដា នៅថ្ងៃទី២០ ខែធ្នូ ឆ្នាំ២០១៩ នេះ បានដឹកនាំមន្ត្រីជំនាញពាក់ព័ន្ធ និងអាជ្ញាធរមូលដ្ឋានចុះពិនិត្យ និងសិក្សាតាមតំបន់ដងទន្លេ ក្នុងស្រុកកោះសូទិន ស្រុកកងមាស និងស្រុកស្រីសន្ធរ ដើម្បីរកវិធានការទប់ស្កាត់បង្ការ កុំឲ្យមានការបាក់ស្រុតច្រាំងទន្លេធ្ងន់ធ្ងរ ដូចឆ្នាំកន្លងទៅទៀត។

បើតាមមន្ត្រីរដ្ឋបាលសាលាខេត្តកំពង់ចាម បានឲ្យដឹងថា បន្ទាប់ពីបានទទួលបទពិសោធន៍នៃការបាក់ច្រាំងទន្លេយ៉ាងធ្ងន់ធ្ងរនាឆ្នាំកន្លងទៅ ទើបថ្ងៃនេះ លោក អ៊ុន ចាន់ដា អភិបាលខេត្តកំពង់ចាម បានដឹកនាំមន្ត្រីជំនាញចុះធ្វើការពិនិត្យសិក្សាស្រាវជ្រាវ នៅតាមតំបន់ជួរដងទន្លេ ស្ថិតក្នុងស្រុកកោះសូទិន ស្រុកកងមាស និងស្រុកស្រីសន្ធរ ក្នុងគោលបំណងដើម្បីរិះរកវិធានការធ្វើ ក្នុងការទប់ស្កាត់កុំឲ្យមានការបាក់ច្រាំងទន្លេធ្ងន់ធ្ងរ ដូចឆ្នាំកន្លងទៅនោះទៀត ។

ស្ថិតក្នុងដំណើរចុះពិនិត្យ និងសិក្សាតាមតំបន់ដងទន្លេនេះ លោកអភិបាលខេត្ត តែងតែបានជួបសំណេះសំណាល យ៉ាងជិតស្និទ្ធិជាមួយបងប្អូនប្រជាពលរដ្ឋ ដែលរស់នៅក្នុងតំបន់នោះផងដែរ ដើម្បីស្វែងយល់អំពីសុខទុក្ខ ដូចជាការរស់នៅនិងការប្រកបមុខរបររបស់បងប្អូនប្រជាពលរដ្ឋ តាមតំបន់ជួរដងទន្លេនៃស្រុកទាំងបីនេះផងដែរ ៕