ភ្នំពេញ ៖ កម្ពុជាបានទទួលរៀបចំព្រឹត្តិការណ៍ប្រណាំងកង់ពិភពលោកតំបន់ឆ្នេរសមុទ្រកម្ពុជាលើកទី១ ចាប់ពីថ្ងៃទី០៤ ដល់ ០៦ ខែមករា ឆ្នាំ២០២០ ដោយត្រូវប្រណាំងកាត់ខេត្ដចំនួន៤ រួមមាន៖ ខេត្តកោះកុង ព្រះសីហនុ កំពត និងខេត្តកែប ហើយក៏កំពុងខិតខំសហការយ៉ាងសស្រាក់សស្រាំ ក្នុងការរៀបចំព្រឹត្តិការណ៍ពិភពលោកនេះផងដែរ។ នេះបើតាមការលើកឡើងរបស់លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា ក្នុងកិច្ចប្រជុំជាមួយក្រុមការងារជំនាញ នៅសាលាខេត្តកែប កាលពីថ្ងៃទី១៨ ខែធ្នូ ឆ្នាំ២០១៩។
ក្រសួងទេសចរណ៍កំពុងសហការជាមួយសហព័ន្ធកីឡាទោចក្រយានកម្ពុជា រៀបចំវគ្គបណ្ដុះបណ្ដាលមន្ត្រីបច្ចេកទេសកម្ពុជា ដើម្បីទទួលបានសញ្ញាបត្រទទួលស្គាល់ដោយ UCI ដែលវគ្គនេះរៀនទាំងទ្រឹស្ដី និងការអនុវត្តផ្ទាល់ ហើយការអនុវត្តនឹងយកព្រឹត្តិការណ៍នេះជាពេលវេលាសម្រាប់អនុវត្ដ។
លោក ថោង ខុន បានសង្កត់ធ្ងន់ថា ក្រៅពីការផ្សព្វផ្សាយសក្ដានុពលទេសចរណ៍របស់តំបន់ឆ្នេរកម្ពុជា និងលើកស្ទួយវិស័យកីឡាទោចក្រយានកម្ពុជា ក៏បានជួយបំប៉នសមត្ថភាពកីឡាករជាតិកាន់តែច្រើនផងដែរ ធនធានមនុស្សក្នុងផ្នែកជំនាញ ធនធានមនុស្សក្នុងផ្នែកទទួលបដិសណ្ឋារកិច្ច និងការរៀបចំព្រឹត្តិការណ៍កម្រិតពិភពលោក ដែលនឹងទទួលបានពីការរៀបចំព្រឹត្តិការណ៍ប្រណាំងកង់លំដាប់ពិភពលោកលើកដំបូងនេះ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានឱ្យដឹងថា មកដល់ពេលនេះមានក្រុមកីឡាករចុះឈ្មោះចូលរួមប្រមាណ ២០ក្រុមហើយ សរុបជាង ២០០នាក់ ក្នុងនោះក្រុមកីឡាករកម្ពុជាមានចំនួន ២ក្រុម ហើយមានក្រុមកីឡាករបរទេសមកពី១៥ប្រទេសចូលរួមផងដែរ។
គួរបញ្ជាក់ថា ព្រឹត្តិការណ៍ប្រណាំងកង់ពិភពលោកតំបន់ឆ្នេរសមុទ្រកម្ពុជាលើកទី១ ដែលធ្វើឡើងនាដើមឆ្នាំ២០២០ នឹងបែងចែកជា៣ដំណាក់កាល ទី១៖ ប្រណាំងថ្ងៃទី០៤ ចេញពីតារាសាគរ ឆ្ពោះទៅទីរួមខេត្តកោះកុង ទី២៖ ប្រណាំងថ្ងៃទី០៥ ចេញពីរង្វង់មូលសាយភូថង ឆ្ពោះទៅភ្នំបូកគោ ដោយឆ្លងកាត់ស្រុកព្រៃនប់ និងទី៣៖ ប្រណាំងថ្ងៃទី០៦ ចេញពីជើងភ្នំបូកគោក ឆ្ពោះទៅខេត្តកែប។ ព្រឹត្តិការណ៍នេះ ត្រូវបានរំពឹងយ៉ាងហោចមាន ២០ក្រុមមកពី១៥ប្រទេសគ្រប់ទ្វីបចូលរួម ស្មើនឹងកីឡាករ-កីឡាការិនីប្រមាណ២០០នាក់ ដែលសុទ្ធតែជាអ្នកជិះកង់កម្រិតអាជីព៕
យោងតាមសម្តីរបស់ពីនគរបាលចរាចរណ៍ខេត្ត បានឲ្យដឹងថា៖ ឧបទ្ទវហេតុនោះគឺផ្តើមឡើងដោយរថយន្តពីរគ្រឿងដែលបើកច្រាស់ទិសគ្នា បានបុកគ្នាពេញទំហឹង រថយន្តឆ្លាមនិងរថយន្តឆ្លាមបណ្តាលអោយស្លាប់ភ្លាមៗនៅនឹងកន្លែងចំនួនបីនាក់ក្នុងនោះម្នាក់ជាមន្ត្រីសាលាខេត្ត និងពីរនាក់ផ្សេងទៀតកំពុងសង្គ្រោះបន្ទាន់។
លោកវរសេនីយ៍ទោ រី តារា អធិការនគរបាលស្រុកសាលាក្រៅ បានរំលឹកហេតុការណ៍ថា កាលពីរសៀលថ្ងៃទី១៨ ខែធ្នូ ឆ្នាំ២០១៩ មានករណីអំពើហិង្សាមួយ កើតឡើងនៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលបង្កឡើងដោយឈ្មោះ ង៉ែត លីទី ភេទប្រុស អាយុ២២ឆ្នាំ ជាអតីតកីឡាករបាល់ទាត់ក្នុងក្រុមបឹងកេត រស់នៅភូមិផ្សារព្រំជើង ឃុំស្ទឹងកាច់ សាលាក្រៅ បានប្រើប្រាស់កំណាត់ឈើវាយជនរងគ្រោះឈ្មោះ សុខ មេសា ហៅនាយចឺម ភេទប្រុស អាយុ២២ឆ្នាំ មុខរបរជាតារាកំប្លែង និងចម្រៀង រស់នៅភូមិត្រាចកោះ ឃុំមហាឬស្សី ស្រុកគងពីសីខេត្តកំពង់ស្ពឺ បណ្តាលអោយមានរងរបួសដៃ និងបែកក្បាលដេរ ៥ថ្នេរ ព្រមទាំងបែកទូរស័ព្ទ ម៉ាកអាយហ្វូន អិច មួយគ្រឿង។
ក្នុងនោះដែរ លោកក៏បានទទួលយកឯកសារដីពីប្រជាពលរដ្ឋដោយបញ្ជាក់ប្រាប់បងប្អូនថា សូមប្រជាពលរដ្ឋរក្សាភាពស្ងៀមស្ងាត់ ក្នុងខណៈដែលលោកនឹងនាំយកឯកសារទាំងនោះ ទៅជូនសម្តេចតេជោផ្ទាល់ ដើម្បើសម្តេចមានយោបល់ ហើយរឿងរ៉ាវយ៉ាងណានោះ លោកនិងនាំយកដំណឹងមកជម្រាបជូនបងប្អូនវិញអោយបានដឹង លោកមិនអោយប្រជាពលរដ្ឋណាម្នាក់អត់ដីស្នាក់នៅនោះទេ។
