All posts by មេគង្គ ប៉ុស្តិ៍

ស្តេចប្រដាល់ Pacquiao នឹងឡើងសង្វៀនម្ដងទៀតនៅថ្ងៃទី១៩ មករា នេះ

January 6, 2019ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

កីឡា ៖ កីឡាករ Manny Pacquiao ស្តេចប្រដាល់សកលហ្វីលីពីន វ័យ ៣៩ឆ្នាំ នឹងឡើងប្រកួតការពារខ្សែក្រវាត់ទម្ងន់មធ្យម WBA របស់ខ្លួនជាមួយកីឡាករ Adrien Broner នៅទីរដ្ឋ Las Vegas នាថ្ងៃទី១៩ ខែមករា ឆ្នាំ២០១៩ ខាងមុខ។

គួរបញ្ជាក់ថា Pacquiao ប្រកួតឈ្នះ៦០ ចាញ់៧ និងស្មើ ២ វាយគូប្រកួតឲ្យសន្លប់ ៣៩លើក ខណៈ Broner អ្នកប្រដាល់ជនជាតិអាមេរិក ប្រកួតឈ្នះ៣៣ ចាញ់៣ និងស្មើ១ វាយគូប្រកួតឲ្យសន្លប់ចំនួន ២៤លើក។

Pacquiao បាននិយាយថា: “ខ្ញុំបានខកខានការប្រកួត Las Vegas រយៈពេល២ឆ្នាំហើយ។ ការវិលត្រឡប់មកកាន់សង្វៀន MGM Grand Garden Arena របស់ខ្ញុំដើម្បីការពារខ្សែក្រវ៉ាត់ ពិភពលោករបស់ខ្ញុំពេលតតាំងជាមួយ Adrien Broner ហើយវាគឺជា វិធីដ៏គួរឱ្យរំភើបមួយសម្រាប់ការវិលត្រឡប់របស់ខ្ញុំ៕

គ្រោះថ្នាក់ទៀតហើយ រថយន្ត៥គ្រឿងបុកបន្តកន្ទុយគ្នា នៅផ្លូវចំណោទលោកយាយម៉ៅ

ខេត្តកំពង់ស្ពឺ ៖ រថយន្តចំនួន៥គ្រឿង បើកបុកបន្តកន្ទុយគ្នា បណ្តាលឲ្យមនុស្ស៥នាក់រងរបួស ក្នុងនោះរបួសធ្ងន់៤នាក់ បន្ទាប់ពីរថយន្តធន់ធំដឹកឥដ្ឋបុកចុះចំណោទ លឿនជ្រុលបុករះជាបន្តបន្ទាប់ កាលពីវេលាម៉ោង ២និង១០នាទី រសៀល ថ្ងៃទី៥ ខែមករា ឆ្នាំ២០១៩ នៅតាមផ្លូវជាតិលេខ៤ ចន្លោះគីឡូម៉ែត្រលេខ ១០៦-១០៧ ចំណុចស្ពានអូរគគីរ ស្ថិតក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ជាប់ព្រំប្រទល់ជាមួយស្រុកកំពង់សិលា ខេត្តព្រះសីហនុ ។

តាមប្រភពព័ត៌មាន បានឲ្យដឹងថា ករណីបង្កគ្រោះថ្នាក់ចរាចរណ៍លើកនេះ ផ្តើមចេញពីរថយន្តធុនធំដឹកឥដ្ឋមួយគ្រឿង បើកចុះចំណោទ លឿនជ្រុលទៅបុករះរថយន្តផ្សេងទៀតជាបន្តបន្ទាប់ចំនួន៥គ្រឿង បណ្តាលឲ្យមនុស្ស ៥នាក់រងរបួស។

នេះជាលើកទីពីរហើយ នៅក្នុសប្តាហ៍ទីមួយ នៃខែមករា ដើមឆ្នាំ២០១៩ ខណៈដែល គ្រោះថ្នាក់លើកទីមួយ បានកើតឡើងកាលពីរសៀលថ្ងៃទី៣ ខែមករា បណ្តាលរថយន្តចំនួន ១៧គ្រឿង បុករះបន្តគ្នា៕

ប៉ូលិសសេដ្ឋកិច្ចខេត្តក្រចេះ ចាប់រថយន្ដសាំងយ៉ុងដឹកឈើ៣គ្រឿង ប្រគល់ជូនរដ្ឋបាលព្រៃឈើ

ខេត្តក្រចេះ៖ ចាប់រថយន្ដសាំងយ៉ុងដឹកឈើចំនួន៣គ្រឿង ដែលប៉ុនប៉ងដឹកចេញទៅប្រទេសវៀតណាម ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តក្រចេះ ចាប់ប្រគល់រដ្ឋបាលព្រៃឈើចាត់ការតាមផ្លូវច្បាប់។

ករណីចាប់ឃាត់រថយន្តដឹកឈើនេះ ធ្វើឡើងនៅយប់ថ្ងៃទី៣ ខែមករា ឆ្នាំ២០១៩ ដោយរថយន្ដចំនួន២គ្រឿង ឃាត់នៅចំណុច ឃុំបុសលាវ និង១គ្រឿងទៀត ឃាត់នៅឃុំដា ស្រុកចិត្របុរី ខេត្តក្រចេះ។

មន្ត្រីសង្កាត់រដ្ឋបាលព្រៃឈើកន្ទួត បានឲ្យដឹងថា រថយន្ដ២គ្រឿងនគរបាលសេដ្ឋកិច្ចជាអ្នកឃាត់ប្រគល់ជូនជំនាញរដ្ឋបាលព្រៃឈើ និង១គ្រឿងទៀតនគរបាលសេដ្ឋកិច្ចសហការជាមួយជំនាញរដ្ឋបាលព្រៃឈើបង្ក្រាបបាន។ រថយន្ដទាំងនោះ ដឹកទ្វារបង្អួច ដឹកឈើកកោះ ឈើធ្នង់ជាច្រើនសន្លឹក និង១គ្រឿងទៀតដឹកឈើឈ្លីក។

មន្ត្រីរដ្ឋបាលព្រៃឈើរូបនោះបន្ដទៀតថា បច្ចុប្បន្នរថយន្ដទាំង៣គ្រឿងនោះ ត្រូវបានកម្លាំងរដ្ឋបាលព្រៃឈើនាំយកទៅរក្សាទុកនៅស្ថានីយបណ្ដុះកូនឈើខ្សា ដើម្បីចាត់ការតាមច្បាប់របស់រដ្ឋបាលព្រៃឈើ៕

ឈ្មួញរិះគន់លោក សាំង ណន មេគយចល័តក្រុងប៉ោយប៉ែត យ៉ាងចាស់ដៃ

January 5, 2019ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ប៉ោយប៉ែត ៖ លោក សាំង ណន កំពុងរងការិះគន់ថា បានយកតួនាទីជាមេគមេគយចល័តឈរជើងនៅចំណុចផ្លូវ៥០ភូមិកូនដំរីស សង្កាត់និមិត្ត ក្រុងប៉ោយប៉ែត ខេត្តបន្ទាយមាន ជ័យ ឃុបឃិគ្នាជាមួយក្រុមឈ្មួញធំៗ ដោយមិនចាត់វិធានការបង្ក្រាបនោះឡើយ ខណៈ ដែលដឹកជញ្ជូនទំនិញគេចពន្ធ និងទំនិញខុសច្បាប់តាមរថយន្តតូច ធំ ជាថ្នូរនឹងប្រាក់សំណូក។ នេះបើតាមការបញ្ជាក់ ពីមន្ត្រីព្រំដែនមួយរូបដោយសុំមិនបញ្ចេញឈ្មោះ។

ប្រភពព័ត៌មាននេះ បានឲ្យដឹងថា នៅពេលឈ្មួញតូចតាចនាំចូលទំនិញគេចពន្ធ ឬទំនិញបង់ពន្ធមិនគ្រប់បន្តិចបន្តួច គឺត្រូវលោក សាំង ណន ប្រើអំណាចគាបយកលុយយ៉ាងចាស់ដៃមិនលើកលែងឡើយ។សួម្បីតែក្រុមឈ្មួញដឹកត្រីក្លាសេតាមរថយន្តពីប្រទេថៃចូលមកកម្ពុជាយកទៅធ្វើម្ហូបឬឲ្យក្រពើរស៊ីក៏ក្រុមគយចល័តរបស់លោកសាំងណនសកទាក់ចាប់បង់ប្រាក់ដែរ បច្ចុប្បន្នលោក សាំង ណន កំពុងប្រើអំណាចប្រមូលលុយតាមរបៀបពុករលួយដោយគ្មានវិក្កយបត្រ ឬគល់បញ្ជីសំរាប់បញ្ជាក់ពីចំណូលចូលរដ្ឋនោះទេ។

ប្រភពដដែលបានឲ្យដឹងទៀតថា ទោះបីជាឈ្មួញ និងអាជីវករដឹកជញ្ជូនទំនិញដែលបង់ពន្ធត្រឹមត្រូវយ៉ាងណាក៏ដោយ ក៏ចៀសមិនផុតពីត្រូវបង់ប្រាក់ក្រោមតុ ដែលក្រុមលោកគយហៅថា លុយថ្លៃបាយថ្លៃទឹក សម្រាប់ទុកជូនលោក សាំង ណន ដែរ បើមិនដូច្នេះទេ គឺមិនអាចដឹកឆ្លងកាត់មុខលោកបានដោយងាយនោះឡើយ។

ព័ត៌មានដែលទទួលបានពីភ្នាក់ងារគយក្នុងខេត្តបន្ទាយមានជ័យ បានឲ្យដឹងថា ថ្នាក់លើកំពុងពិនិត្យ ករណីលោក សាំង ណន ដែលល្បីល្បាញថា កំពុងបង្កើនសកម្មភាពគាបយកលុយពីឈ្មួញយ៉ាងចាស់ដៃតាមរូបភាពផ្សេងៗ ហើយឃុបឃិតឲ្យឈ្មួញធំៗ បើកដៃឲ្យដឹកជញ្ជូនទំនិញគេចពន្ធពីច្រកទ្វារព្រំដែនអន្តរជាតិប៉ោយប៉ែត ដើម្បីបញ្ជូនទៅតាមបណ្ដាខេត្តផ្សេងៗ ដោយពុំមានវិក្កយបត្រ ឬបិទតែមកំណត់សំគាល់ការបង់ពន្ធជូនរដ្ឋនោះឡើយ ហើយបើទោះជាមានការបង់ពន្ធ ក៏ទំហំទឹកប្រាក់មិនត្រឹមត្រូវតាមចំនួនមុខទំនិញនោះដែរ គឺគេហៅថា បន្លំតម្លៃពន្ធតែម្តង។

ប្រភពនេះបន្ថែមថា ក្រុមមន្ត្រីគយក្រោមឱវាទរបស់លោក សាំង ណន កំពុងបង្កើនភាពអនាធិបតេយ្យ ខណ:ក្រុមឈ្មួញដឹកទំនិញឆ្លងកាត់កុងត្រូលដោយខកខានមិនបានចូលបង់ប្រាក់ គឺលោក សាំង ណន បានបញ្ជាឲ្យកូនចៅបើករថយន្តប្រដេញដូចដេញចាប់ចោរប្រសេចប្រសាច មិនថាយប់ មិនថាថ្ងៃទេ ធ្វើប្រជាពលរដ្ឋ និងក្រុមឈ្មួញ រិះគន់តិះដៀលពេញមាត់ៗថា លោកគយ សាំង ណន ដ៏មហិមា សកម្មនឹងការងារខ្លាំងណាស់ តែមិនមែនយកលុយចូលរដ្ឋទេ គឺចូលហោប៉ៅ។

ប្រភពព័ត៌មានបន្តថា ករណីខ្លះ លោក សាំង ណន បានបញ្ជាឲ្យកូនចៅ រាប់ក្បាលឡានក្រុងដែលដឹកផ្លែឈើចេញពីក្រុងប៉ោយប៉ែត ឆ្លងកាត់ស្នាក់ការគយចល័ត ក្នុងមួយរថយន្តត្រូវបង់ចំនួន ២០ម៉ឺនរៀល។ ចំណែករថយន្តប្រភេទ សាំយ៉ុង ចំនួន១០ម៉ឺនរៀល រីឯរថយន្តម៉ាកកាមរី ពីរ៥ម៉ឺនរៀល ឡើងទៅ។

ប្រភពដដែលបន្តថា បច្ចុប្បន្ននេះ នៅក្រុងប៉ោយប៉ែត មានកុងត្រូលតាមដងផ្លូវជាតិជាច្រើនកន្លែងមាន ដូចជា គយចល័ត នគរបាលសេដ្ឋកិច្ចខេត្ត និងថ្នាក់ក្រសួង ដែលលបដាក់ក្នុងពេលយប់ ហើយបង្ខំទារប្រាក់ក្រៅច្បាប់ពីក្បាលឡានដឹកទំនិញ និងផ្លែឈើយ៉ាងចាស់ដៃ គ្មានស្តាប់ការអង្វរករបស់អាជីវករឡើយ ហើយបើទោះបីជា បានបង់ពន្ធរួចហើយក្តី ក៏ចៀសមិនផុតលោកគយតម្រូវឲ្យបង់លុយក្រោមតុ ជាថ្លៃបាយ ថ្លៃទឺកតែ សម្រាប់ជូនក្រុមគយលោក សាំង ណន ដែរ។

នៅរសៀលថ្ងៃទី៥ ខែមករា នេះ មេគង្គប៉ុស្តិ៍ មិនអាចសុំការពន្យល់ពីលោក សាំង ណន បានទេ ពាក់ព័ន្ធនឹងការរិះគន់ខាងលើនេះ ។ យ៉ាងណាក៏ដោយ មេគង្គប៉ុស្តិ៍ រង់ចាំការឆ្លើយតបជាវិជ្ជមាននៅរៀងរាល់ម៉ោងធ្វើការ៕

ប៉េអឹមចាប់រថយន្តដឹកឈើពីរគ្រឿង និងមនុស្ស៤នាក់ក្នុងតំបន់គ្រប់គ្រងដោយមេព្រៃក្រវ៉ាញ

ខេត្តពោធិ៍សាត់ ៖ ជនសង្ស័យចំនួន០៤នាក់ ព្រមទាំងរថយន្តចំនួន២គ្រឿង ត្រូវបានកម្លាំងមូលដ្ឋានកងរាជអាវុធហត្ថស្រុកភ្នំក្រវាញ ដែលដឹកនាំដោយលោកវរសេនីយ៍ត្រី ចាន់ សុខា មេបញ្ជាការរងមូលដ្ឋានកងរាជអាវុធហត្ថស្រុក សហការជាមួយកម្លាំងកងរាជអាវុធហត្ថលើផ្ទៃប្រទេស ដឹកនាំដោយលោកឧត្តមសេនីយ៍ត្រី ចាន់ សុខឿន ស្នងការរង ស្នងការដ្ឋានបច្ចេក ទេសសន្តិសុខកងរាជអាវុធហត្ថ ចុះបង្ក្រាបបន្ទាប់ពីរកឃើញថា ដឹកជញ្ជូនផលអនុផលព្រៃឈើគ្មានលិខិតអនុញ្ញាត។

សូមជំរាបដែរថា ការចុះប្រតិបត្តិការបង្ក្រាបនេះបានធ្វើឡើងកាលពីវេលាម៉ោង១៧ ថ្ងៃទី០៤ ខែមករា ឆ្នាំ២០១៩ម្សិលមិញនេះនៅចំណុចភូមិក្សេត្របុរី ឃុំសន្ទ្រែ ស្រុកភ្នំក្រវាញ ខេត្តពោធិ៍ សាត់ដោយឃាត់បានរថយន្តម៉ាករ៉េវចំនួន០២គ្រឿង ដឹកឈើប្រភេទ(រាជកុល)ចំនួន១១កំណាត់ និងឃាត់ខ្លួនជនសង្ស័យចំនួន០៤នាក់ផងដែរ។

បច្ចុប្បន្នជនសង្ស័យ រួមនិងនិងវត្ថុតាង ត្រូវបានប្រគល់ឲ្យផ្នែករដ្ឋបាលព្រៃឈើស្រុកភ្នំក្រវាញ ដើម្បីចាត់ការបន្តតាមនីតិវិធី៕

ឃាត់ខ្លួនបុរសម្នាក់ករណីរំលោភសេពសន្ថវៈលើក្មេងស្រីអាយុ៧ឆ្នាំនៅស្រុកស្នួល

ខេត្តក្រចេះ ៖ សមត្ថកិច្ចស្រុកស្នួលបានឃាត់ខ្លួនបុរសល្មោភកាមម្នាក់ពាក់ ព័ន្ធករណីរំលោភសេពសន្ថវៈលើក្មេងស្រីអាយុទើបតែ៧ឆ្នាំនៅចំណុចភូមិតាពុំ ឃុំស្វាយជ្រះ ស្រុកស្នួល ខេត្តក្រចេះកាលពីពីល្ងាចថ្ងៃទី០៤ខែមករា ឆ្នាំ២០១៩នេះ។

សមត្ថកិច្ចស្រុកស្នួលបានឲ្យដឹងថាជនសង្ស័យឈ្មោះញឹមវណ្ណដា (ហៅញោម)ភេទប្រុសអាយុ ៥៦ឆ្នាំរស់នៅក្នុងភូមិតាពុំ ឃុំស្វាយជ្រះស្រុកស្នួលខេត្តក្រចេះបានធ្វើសកម្មភាពរំលោភកុមារីរងគ្រោះឈ្មោះ ខ ន អាយុ ៧ ឆ្នាំ រស់នៅភូមិឃុំជាមួយជនសង្ស័យខាងលើរហូតបានសម្រេច ១លើក ខណះពេលដែលក្មេងស្រីរងគ្រោះដើរទៅងូតទឹកខាងក្រោយផ្ទះ ហើយត្រូវបានជនសង្ស័យខាងលើធ្វើសកម្មភាពរំលោភទៅលើក្មេងស្រីរងគ្រោះរហូតបានសម្រេចតែម្តង។

សមត្ថកិច្ចរូបនោះបានបន្តទៀតថា ក្រោយពីទទួលបានព័ត៌មាននេះពីលោកមេភូមិភ្លាម កម្លាំងប៉ុស្តិ៍នគរបាលរដ្ឋបាលឃុំស្វាយជ្រះចុះទៅដល់កន្លែងកើតហេតុធ្វើការឃាត់ខ្លួនជនសង្ស័យយកមកសាកសួរនៅប៉ុស្តិ៍រដ្ឋបាលតែម្តង។

ក្រោយកម្លាំងនគរបាលបានសាកសួរជនសង្ស័យរួចជនសង្ស័យបានសារភាពថាខ្លួនពិតជាបានរំលោភសេពសន្ថវៈទៅលើក្មេងស្រីរងគ្រោះនោះប្រាកដមែន។

ក្រោយពីកេីតហេតុ ក្មេងស្រីរងគ្រោះត្រូវបានឪពុកម្ដាយយកទៅសង្គ្រោះនៅមន្ទីរពេទ្យបង្អែកស្រុកស្នួលភ្លាមៗ ។

បច្ចុប្បន្ននេះបុរសល្មោភកាមខាងលើត្រូវបានឃាត់ខ្លួនបណ្ដោះអាសន្ននៅប៉ុស្ត៌នរគបាលឃុំស្វាយជ្រះដេីម្បីកសាងសំណុំរឿងទៅការិយាល័យជំនាញចាត់ការបន្ដ៕

តុលាការបង្គាប់ឲ្យឃុំខ្លួនថៅកែហាងកែសម្ផស្ស «ឌែម៉ូគ្លីនិក» និងគ្រូពេទ្យវះកាត់ម្នាក់

ភ្នំពេញ ៖ អ្នកស្រី ហូវ ដាណេ ថៅកែហាងកែសម្ផស្ស «ឌែម៉ូគ្លីនិក» និងស្ត្រីម្នាក់ទៀត ដែលជាគ្រូពេទ្យផ្នែកវះកាត់កែសម្ភស្ស ប្រចាំគ្លីនិកដែលមានទីតាំងក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ត្រូវបានចៅក្រមស៊ើបសួរសាលាដំបូងរាជធានី ភ្នំពេញ លោក ម៉ុង មុនីសោភា ចេញដីកាបង្គាប់ឲ្យឃុំខ្លួនអ្នកទាំង២ ដាក់ពន្ធនាគារជាបណ្តោះ អាសន្ន នារសៀលថ្ងៃទី៥ ខែមករា ឆ្នាំ២០១៩ នេះ។ នេះបើតាមបញ្ជាក់ឲ្យដឹងពី លោក តាំង ស៊ុនឡាយ ប្រធានសាលា ដំបូងរាជធានីភ្នំពេញ ។

បើតាមមន្ដ្រីជាន់ខ្ពស់ប្រចាំនៅសាលាដំបូងរាជធានីភ្នំពេញ បានបញ្ជាក់ថា ថៅកែហាងកែសម្ផស្ស «ឌែម៉ូគ្លីនិក» និងគ្រូពេទ្យខាងលើនេះ ត្រូវបញ្ជូនទៅពន្ធនាគារ PJ នារសៀលថ្ងៃទី៥ ខែមករា ឆ្នាំ ២០១៩ នេះតែម្ដង។
សូមជម្រាបថា ស្ត្រីថៅកែហាងកែសម្ផស្ស«ឌែម៉ូគ្លីនិក»អ្នកស្រី ហូវ ដាណេ និងស្ត្រីម្នាក់ទៀតឈ្មោះ ពៅ ស៊ីណាត ដែលជាគ្រូពេទ្យផ្នែកវះកាត់ប្រដាប់ភេទ ប្រចាំគ្លីនិក នៅរសៀលថ្ងៃទី៤ ខែមករា ឆ្នាំ ២០១៩ ត្រូវ បាន ព្រះរាជអាជ្ញារងអមសាលាដំបូងរាជធានីភ្នំពេញ លោក សឿន មុនីរ័ត្ន សម្រេច ចោទប្រកាន់ពីបទ «គំរាមកំហែងហែកកេរ្តិ៍ បទកំហែងយក និងបទប៉ះពាល់សិទ្ធិខាងរូបភាព នៃ បុគ្គល» រួចបញ្ជូន សំណុំរឿងនេះ ទៅចៅក្រមស៊ើបសួរ ចាត់ការបន្តតាមនីតិវិធី។

បើតាមរបាយការណ៍ បានឲ្យដឹងថា ថៅកែហាងកែសម្ផស្ស «ឌែម៉ូគ្លីនិក» ឈ្មោះ ហូវ ដាណេ ជា ស្ត្រីមេម៉ាយកូន២ ទើបតែចូលរោងការជាថ្មី ជាមួយសេដ្ឋីថៃ វ័យក្មេងម្នាក់ឈ្មោះ Thammarat Thurathong នៅក្នុងវីឡាដ៍ស្កឹមស្កៃមួយ ស្ថិតនៅក្នុងបុរី វិមានភ្នំពេញ កាលពីថ្ងៃទី៣១ ខែធ្នូ ឆ្នាំ២០១៨។

គួររំលឹកថា កម្លាំងកងរាជអាវុធហត្ថលើផ្ទៃប្រទេស នៅរសៀលថ្ងៃទី០២ ខែមករា ឆ្នាំ២០១៩ បាន ចុះឃាត់ខ្លួនកូនប្រសារសេដ្ឋីថៃ ម្ចាស់ហាងកែសម្ផស្ស «ឌែម៉ូគ្លីនិក» ដែលទើបរៀបការបានពីរថ្ងៃ ពោលនៅថ្ងៃទី៣១ ខែធ្នូ ឆ្នាំ២០១៨ ក្រោយមានបណ្ដឹងរឿងជំរិតទារប្រាក់ពីអតិថិជន ដែលបាន ចូលទៅទទួលសេវាកែសម្ផស្ស។ ការដាក់ពាក្យបណ្ដឹងនេះបន្ទាប់ពីជនរងគ្រោះ បានចូលទៅកែ សម្ផស្សនៅក្នុងគ្លីនិកខាងលើ ហើយត្រូវបានម្ចាស់គ្លីនិករៀបចំបង្កប់កាមេរ៉ា ថតសកម្មភាពកែ សម្ផស្ស ដែលក្នុងនោះរួមមាន ទាំងការកែរកេរភេទផងដែរ៕

អាជ្ញាធរ ណែនាំឲ្យពង្វាងចរាចរណ៍ក្នុងទិវាបុណ្យ៧មករា ជុំវិញពហុកីលដ្ឋានអូឡាំពិក

January 4, 2019ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ រដ្ឋបាលរាជធានីភ្នំពេញ កាលពីថ្ងៃទី៣ ខែមករា ឆ្នាំ២០១៩ បានសេចក្ដីសេចក្ដីជូន ដំណឹង ស្ដីពីការបញ្ចៀសចរាចរណ៍ក្នុងអំឡុងពេលប្រារព្ធ បុណ្យខួបលើកទី៤០ នៃទិវាជ័យជម្នះ ៧មករា ឆ្នាំ២០១៩ ស្ថិតនៅតំបន់ជុំវិញពហុកីឡដ្ឋានជាតិអូឡាំពិក នាថ្ងៃទី៧ ខែមករា ឆ្នាំ២០១៩។

សេចក្ដីជូនដំណឹងដដែលឲ្យដឹងថា រដ្ឋបាលរាជធានីភ្នំពេញ នឹងធ្វើការបញ្ចៀសចរាចរណ៍ ជុំវិញបរិវេណពហុកីឡដ្ឋានជាតិអូឡាំពិក ចាប់ពីម៉ោង ៦ព្រឹក រហូតដល់កម្មវិធីនៃទិវានេះ ត្រូវបានបញ្ចប់។

រដ្ឋបាលរាជធានីភ្នំពេញ បានអំពាវនាវដល់ប្រជាពលរដ្ឋ និងម្ចាស់អាជីវកម្មទាំងអស់ យោគយល់អធ្យាស្រ័យ និងចូលរួមអនុវត្តតាមការជូនដំណឹងខាងលើ ដើម្បីធានាសន្តិសុខ និងសុវត្ថិភាព ពិសេសបញ្ចៀសបាននូវការកកស្ទះចរាចរណ៍។

សូមជម្រាបថា បុណ្យខួបលើកទី៤០ នៃទិវាជ័យជម្នះ៧មករា ឆ្នាំ២០១៩ នឹងមានអ្នកចូលរួមប្រមាណ ៤ម៉ឺននាក់ មកពីអ្នកពាក់ព័ន្ធគ្រប់ស្ថាប័ន និងប្រជាពលរដ្ឋគ្រប់ទិសទី៕

រដ្ឋមន្ត្រីក្រសួងដែនដី ជំរុញការគ្រប់គ្រងប្រព័ន្ធសម្រោះទឹកស្អុយ

ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ចាប់ផ្តើមគ្រប់គ្រងសំណង់ទាំងអស់ឲ្យមានប្រព័ន្ធចម្រោះទឹកស្អុយ ហើយណែនាំឲ្យមន្ត្រីក្រោមឱវាទ មុននឹងអនុញ្ញាតឲ្យក្រុមហ៊ុនធ្វើការសាងសង់ ត្រូវភ្ជាប់ជាមួយឯកសារសំខាន់១ គឺប្លង់គំរូប្រព័ន្ធលូសម្រាប់ធ្វើប្រព្រឹត្តិកម្មទឹកកខ្វក់ជាមុនសិន ទើបក្រសួងអនុញ្ញាតចេញច្បាប់សាងសង់។

ការធ្វើដូច្នេះ គឺដើម្បីការពារកុំឲ្យទឹកកខ្វក់ ហូរចូលដោយផ្ទាល់ទៅក្នុងទន្លេ ស្ទឹង បឹងបួរ និងសមុទ្រ នាំឲ្យប៉ះពាល់សុខភាពប្រជាពលរដ្ឋ នឹងភ្ញៀវទេសចរដែលបានទៅងូតទឹកលេងកម្សាន្ត។ នេះបើតាមការចុះផ្សាយរបស់ក្រសួងព័ត៌មាន កាលពីថ្ងៃទី៣ មករា ឆ្នាំ២០១៩។

លោកឧបនាយករដ្ឋមន្ត្រីបានអះអាងថា ប្រសិនបើប្រធានមន្ទីរ ឬមន្ត្រីក្រោមឱវាទរូបណា ហ៊ានចុះហត្ថលេខាដោយពុំបានសិក្សាពីបច្ចេកទេសនៃប្រព័ន្ធចម្រោះទឹកស្អុយនេះ នឹងត្រូវប្រឈមការទទួលខុសត្រូវចំពោះមុខច្បាប់៕

រដ្ឋមន្ត្រីក្រសួងអភិវឌ្ឍន៍ជនបទ ហាមមិនឲ្យយករថយន្តស្លាកលេខរដ្ឋចូលក្លឹបកម្សាន្ត

ភ្នំពេញ ៖ លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានណែនាំឱ្យថ្នាក់ដឹកនាំ និងមន្ត្រីរាជការ នៃក្រសួង មិនត្រូវប្រើប្រាស់ទោចក្រយានយន្ត និងយានយន្តពាក់ស្លាកលេខរដ្ឋរបស់ក្រសួង ក្រៅពីម៉ោងដែលខ្លួនបំពេញការងារឡើយ ជាពិសេសកន្លែងសប្បាយគ្រប់ប្រភេទ រួមមានក្លឹបកម្សាន្ត កន្លែងខារ៉ាអូខេ និងកន្លែងម៉ាស្សាជាដើម។

ក្នុងសេចក្តីណែនាំមួយចុះហត្ថលេខាដោយលោក អ៊ុក រ៉ាប៊ុន កាលពីថ្ងៃទី២៧ ខែធ្នូ ឆ្នាំ២០១៨
បានឲ្យដឹងថា មិនត្រូវអនុញ្ញាតឱ្យអ្នកដទៃប្រើប្រាស់ទោចក្រយានយន្ត និងយានយន្ត ដែលមានស្លាកលេខរដ្ឋ ក្នុងគោលបំណងផ្សេងដែលមិនពាក់ព័ន្ធទៅនឹងការបំពេញភារកិច្ចរបស់ខ្លួនឡើយ៕

ក្រុងសៀមរាប ទទួលធ្វើជាម្ចាស់ផ្ទះរៀបចំកិច្ចប្រជុំក្រុមប្រឹក្សាវប្បធម៌អាស៊ីនៅពាក់កណ្តាលខែមករា នេះ

សៀមរាប ៖ សមាជិកក្រុមប្រឹក្សាវប្បធម៌អាស៊ីនឹងមកជួបប្រជុំគ្នានៅក្រុងសៀមរាបនៅថ្ងៃទី១៥ ខែ មករា ឆ្នាំ ២០១៩ ដោយមានជាង ១០ប្រទេសចូលរួម និងមានជិកសរុបជាង ៣០០នាក់។ នេះ បើតាមការ បញ្ជាក់ពីគណៈកម្មការផ្សព្វផ្សាយ និងព័ត៍មាន ទីស្តីការគណៈរដ្ឋមន្ត្រី នាព្រឹក ថ្ងៃទី៤ មករានេះ។

ក្នុងឱកាសនៃពិធីផ្តល់ព័ត៍មានបឋមដល់អ្នកសារព័ត៍មានកាលពីព្រឹកមិញ លោក ប៉ៃ សំបូរ ប្រធានគណៈកម្មការផ្សព្វផ្សាយ និងព័ត៍មាន និង លោក ឯក ថា អនុប្រធានគណៈ កម្មការឲ្យ ដឹង ថា កម្ពុជា ក្នុងនាមជាប្រធានក្រុមប្រឹក្សាវប្បធម៌អាស៊ីបានអញ្ជើញបណ្តា ប្រទេសនានាដែល ជាសមាជិកឲ្យមកចូលរួមនៅក្នុងកិច្ចប្រជុំនៅខេត្តសៀមរាប នាថ្ងៃទី១៥ ខែមករា ឆ្នាំ២០១៩ ហើយ អាចមានប្រទេសជាង ១០នឹងមកចូលរួមក្នុងកិច្ចប្រជុំនេះដែល នឹងមានសមាជិកសរុបជាង ៣០០ នាក់។

លោកថា កិច្ចប្រជុំនេះបានផ្តោតទៅលើបញ្ហាវប្ប ធម៌ ខណៈដែលកម្ពុជាបានជាប់ឈ្មោះ ជាមហាអំណាចខាងវប្បធម៌នៅអាស៊ី ដែលមាន ប្រសាទបុរាណជាង ១ពាន់ប្រាសាទ និងមួយ ចំនួន បានដាក់បញ្ចូលទៅក្នុងបញ្ជីបេតិកភណ្ឌ ពិភពលោករួចទៅហើយ។

ក្រៅពីនេះកម្ពុជាក៏មានសម្បត្តិវប្បធម៌ទាំងរូបិយ និងអរូបិយ ជាច្រើនទៀត ដែលជាហេតុនាំឲ្យ កម្ពុជា ក្លាយទៅជាមហាអំណាចខាងផ្នែកវប្បធម៌នៅអាស៊ី។

លោកថា ឲ្យដឹងថា សមាជិកក្រុមប្រឹក្សាវប្បធម៌អាស៊ី គឺជាសមាជិកនៃសន្និសីទ អន្តរជាតិ នៃ បណ្តាគណបក្សនយោបាយនៅអាស៊ី ដែលមាន ៥២ប្រទេស ហើយក្រុមប្រឹក្សា វប្បធម៌អាស៊ី នេះ ពេលនេះ ត្រូវបានទទួលស្គាល់ដោយអង្គការយូណេស្កូ ជាដៃគូសហ ប្រតិបត្តិការ តាមរយៈ សន្និសីទអន្តរជាតិនៃបណ្តាគណបក្សនយោបាយនៅអាស៊ី ដែលមាន សមាជិកចំនួន ៣៥២គណ បក្ស រួមទាំងគណបក្សកំពុងកាន់អំណាច និងគណបក្សប្រឆាំង មកពី ៥២ប្រទេសនៅអាស៊ី។

សូមជម្រាបជូនថា ក្រុមប្រឹក្សាវប្បធម៌អាស៊ីត្រូវបានបង្កើតឡើងក្នុងគោលបំណងលើក កម្ពស់ ការយល់ដឹងពីគ្នាទៅវិញទៅមក និងការផ្លាស់ប្តូរវប្បធម៌ក្នុងចំណោមបណ្តាប្រទេសជា សមាជិក លើកកម្ពស់សាមគ្គីភាពក្នុងភាពសម្បូរបែប លើកកម្ពស់សម្បត្តិវប្បធម៌ជាប្រភពនៃការអភិវឌ្ឍប្រកប ដោយចីរភាព និងកិច្ចសហប្រតិបត្តិការអន្តរជាតិ និងការផ្សារភា្ជប់អារ្យធម៌ និងកសាងទ្វីបអាស៊ីមួយ ប្រកបដោយសុខុដុម៕

អាជ្ញាធររាជធានី ៖ គ្មានការរុះរើផ្សារដើមគរទេ តែអ្នកលក់បន្លែ ផ្លែឈើ ត្រូវប្តូរទៅលក់នៅតំបន់បឹងតាមោក

ភ្នំពេញ ៖ អភិបាលរងរាជធានីភ្នំពេញលោក នួន ផារ័ត្ន បានបញ្ជាក់នៅថ្ងៃនេះថា សាលារាជធានីភ្នំពេញ មិនមានគម្រោងវិនិយោគ រឺរុះរើផ្សារដើមគរនោះឡើយ ប៉ុន្តែ រាល់ការលក់បន្លែ ផ្លែឈើទាំងអស់ ត្រូវ ប្តូរទៅលក់នៅតំបន់បឹងតាមោកជំនូសវិញ គ្រាដែលក្រុង នឹងបង្កើតផ្សារបន្លែ ផ្លែឈើនៅទីបឹង តាមោក។ ការបង្កើតទីតាំងលក់បន្លែ ផ្លែឈើបោះដុំនៅទីនោះ គឺដើម្បីធ្វើការរំដោះការកកស្ទះ ចរាចរណ៍នៅផ្លូវមុនីរ៉េត និងផ្លូវម៉ៅសេទុង និងរក្សាសោភ័ណ្ឌភាពបរិស្ថាន។

ការចេញមុខមកបញ្ជាក់ថា មិនមានការរុះរើផ្សារដើមគរនាពេលនេះ នៅគ្រាដែល មាន ការ បំផុស ព័ត៌មានថា សាលារាជធានីភ្នំពេញ ចង់យកតំបន់ផ្សារដើមគរមកធ្វើការវិនិយោគ ជាផ្សារ ទំនើប។

អភិបាលរងរាជធានីភ្នំពេញ លោក នួន ផារ័ត្ន ក្នុងសន្និសីទសារព័ត៌មាន នៅព្រឹកថ្ងៃទី៤ ខែមករា ឆ្នាំ២០១៩ នៅសាលារាជធានីភ្នំពេញ បានច្រានចោលចំពោះព័ត៌មានខាងលើនេះ និង បានអះអាងថា អាជ្ញាធរគ្មានគម្រោងក្នុងរុះរើផ្សារដើមគរនោះឡើយ។

ប៉ុន្តែរាល់ការលក់ដូរ បន្លែ ផ្លែឈើផ្សេងៗនៅតាមដងផ្លូវនឹងមិនអនុញ្ញាតទៀតឡើយ ដោយអាជីវ ករទាំងនោះនឹងត្រូវបង្វែរឲ្យ ទៅលក់ដូរនៅទីតាំងថ្មី ក្នុងតំបន់បឹងតាមោកជំនួសវិញ។ កាលពីថ្ងៃទី០២ សីហាកន្លងទៅ រាជរដ្ឋា ភិបាលបានចេញ ស.ជ.ណ បង្កើតផ្សារលក់បន្លែ ផ្លែឈើ បោះដុំលើផ្ទៃដី២០ហិកតា បឹងតាមោក ដើម្បីសម្រួលការកកស្ទះនៅជុំវិញផ្សារដើមគរ។

លោកអភិបាលរង បញ្ជាក់ទៀតថា អ្វីដែលអាជ្ញា ធរ កំពុងធ្វើ ឬ អ្វីដែលរដ្ឋបាលរាជធានីភ្នំពេញ កំពុងធ្វើការស្នើសុំទៅរាជរដ្ឋាភិបាល ដើម្បីរៀប ចំ ការសាងសង់ផ្សារមួយ នៅបឹងតាមោក ដែលជាផ្សារលក់បោះដុំ បន្លែ ផ្លែឈើ និងជាចំណត រថយន្ត។

មូលហេតុដែលយើងត្រូវរៀបចំ ដោយសារយើងមានតម្រូវការចាំបាច់ មួយចំនួននៅក្នុង ក្របខណ្ឌរាជធានីភ្នំពេញ ត្រូវមានទីតាំងមួយសមស្រប សម្រាប់ការបោះដុំ បន្លែ និងផ្លែឈើ គ្រប់ ប្រភេទ សម្រាប់ផ្គត់ផ្គង់ ប្រជាពលរដ្ឋ នៅក្នុងរាជធានីភ្នំពេញ ក៏ដូចជារៀបចំ ធ្វើជាចំណត់សមស្រប ។

លោក នួន ផារ័ត្ន បានឲ្យដឹងទៀតថា កន្លងមកនេះ ដោយសារតែយើង មិនទាន់មានទីតាំង ធ្វើអាជី វ កម្ម បោះដុំ បន្លែ និងផ្លែឈើនេះ គឺបងប្អូនប្រជាពលរដ្ឋមួយចំនួន បានធ្វើការលក់បោះដុំ បន្លែផ្លែ ឈើ ទៅតាមដងផ្លូវ និងប្រើប្រាស់ទ្រូងផ្លូវ និងចញ្ចើមផ្លូវ សាធារណៈ ដែលបង្កឲ្យមានការកក ស្ទះ ចរាចរ និងបង្កជាបញ្ហាបរិស្ថាន អនាម័យ និងបញ្ហាផ្សេងៗទៀត ផងដែរ” ។

ការរៀបចំបង្កើត ផ្សារ លក់បន្លែ ផ្លែឈើ បោះដុំ នៅលើផ្ទៃដី២០ហិកតា នៅបឹងតាមោកនេះ ដើម្បីឲ្យអាជីវករ ដែលមិន មាន ទីតាំងត្រឹមត្រូវ ប្រកបអាជីវកម្មរបស់ខ្លួន ឲ្យមានរបៀបរៀបរយ ដោយឡែក សម្រាប់អាជីវករ លក់ដូរ នៅក្នុងផ្សារ អាចធ្វើការបន្តអាជីវកម្មរបស់ខ្លួនជាធម្មតា ដោយកុំមានការព្រួយបារម្ភ ចំពោះ មតិ លើកឡើងណាមួយ ដែលផ្ទុយពីគម្រោងអភិវឌ្ឍន៍របស់រដ្ឋបាលរាជធានីភ្នំពេញ។

ពិសេសទៅ ទៀតនោះ ការបង្កើតផ្សារនៅទីតាំងថ្មីម្តុំបឹងតាមោក គឺដើម្បីអាជ្ញាធរអាចធ្វើការរៀបចំ នៅតាមដង ផ្លូវមុនីរ៉េត និងផ្លូវជុំវិញ និងទ្រូងផ្លូវក្នុងរាជធានីភ្នំពេញឲ្យមាន សណ្តាប់ធ្នាប់ របៀបរៀបរយបានល្អ ជាពិសេសសម្រួលចរាចរណ៍ ក៏ដូចជាធានាបាន នូវបរិស្ថាន និងអនាម័យតាមផ្លូវ សាធារណៈបាន ស្អាតល្អផងដែរ៕

មន្ត្រីស្ថាប័នជំនាញ ផ្អាកសិប្បកម្មអំបិលអ៊ីយ៉ូត២កន្លែង នៅខណ្ឌព្រែកព្នៅ

ភ្នំពេញ ៖ សិប្បមកម្មផលិតអំបិល១កន្លែង ក្នុងចំណោមពីរទីតាំង ត្រូវបានបិទអាជីវកម្ម បន្ទាប់ពីសមត្ថកិច្ចជំនាញកាំកុងត្រូល ចុះធ្វើការពិសោធន៍រកឃើញថា គ្មានគុណភាពត្រឹមត្រូវតាមបទដ្ឋានបច្ចេកទេស។

ប្រតិបត្តិការនេះ ធ្វើឡើងនៅថ្ងៃទី៤ ខែមករា ឆ្នាំ២០១៩ ដោយមន្រ្តីសាខាកាំកុងត្រូលផែស្ងួតចុងទីភ្នំពេញ និងសាខាកាំកុងត្រូលរាជធានីភ្នំពេញ ដោយមានការចូលរួមពីមន្រ្តីមន្ទីរពិសោធន៍ លោកអភិបាលរងខណ្ឌព្រែកព្នៅ មន្រ្តីមន្ទីរឧស្សាហកម្ម និងសិប្បកម្ម មន្ទីរពាណិជ្ជម្ម រាជធានីភ្នំពេញ បានចុះពិនិត្យសិប្បកម្ម ផលិតអំបិលអ៊ីយ៉ូត ចំនួន២ ទីតាំង ដូចជា ៖

ទីតាំងទី១/. សិប្បកម្មផលិតអំបិលអ៊ីយ៉ូត ស្ថិតនៅផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មន្ត្រីជំនាញបានត្រួតពិនិត្យ និងពិសោធន៍ឃើញមាន ៖ អំបិលអ៊ីយ៉ូតម៉ត់មានជាតិអ៊ីយ៉ូត ៩០ PPM (លើសអ៊ីយ៉ូត) និងអំបិលគ្រោះគ្មានជាតិអ៊ីយ៉ូត។

ក្រោយពីការត្រួតពិនិត្យឃើញថា សិប្បកម្មនេះពុំមានច្បាប់ត្រឹមត្រូវ និងគ្មានអនាម័យ ត្រូវបានគណៈមន្រ្តីជំនាញសម្រេចឱ្យផ្អាកដំណើរការជាបណ្តោះអាសន្ន និងឱ្យម្ចាស់សិប្បកម្ម បំពេញបែបបទស្នើសុំច្បាប់ អនុញ្ញាត និងរៀបចំសង្វាក់ផលិតកម្ម ឱ្យមានអនាម័យឱ្យបានល្អ។
ទីតាំងទី២/. សិប្បកម្មផលិតអំបិលអ៊ីយ៉ូត ស្ថិតនៅផ្លូវជាតិលេខ៥ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មន្ត្រីជំនាញបានត្រួតពិនិត្យឃើញមាន ៖ អំបិលអ៊ីយ៉ូតម៉ត់មានជាតិអ៊ីយ៉ូត ២០ PPM (ខ្វះជាតិអ៊ីយ៉ូត), អំបិលគ្រោះមានជាតិអ៊ីយ៉ូត ៧០ PPM (លើសអ៊ីយ៉ូត)។

ក្រោយពីការត្រួតពិនិត្យ ឃើញថាសិប្បកម្មនេះមានច្បាប់ត្រឹមត្រូវ ហើយបានធ្វើការណែនាំដល់ម្ចាស់សិប្បកម្មឱ្យផលិតប្រកបដោយអនាម័យ និងឱ្យដំណើរការធម្មតា ព្រមទាំងយកគំរូមួយចំនួនបញ្ជូនទៅមន្ទីរពិសោធន៍នៃអគ្គនាយកដ្ឋានកាំកុងត្រូល៕

អាជ្ញាធរ ប្រាប់ឲ្យអាជីវិករផ្សារដើមគរស្ងប់ស្ងាត់ ព្រោះគ្មានករណីផ្លាស់ប្តូរទីតាំងទេ

ភ្នំពេញ ៖ សន្និសីទសារព័ត៌មានមួយ ស្តីពីការរៀបចំផ្សារបន្លែ ផ្លែឈើបោះដុំ និងចំណតរថយន្តនៅតំបន់បឹងតាមោក ត្រូវបានដោយរដ្ឋបាលរាជធានីភ្នំពេញ នៅថ្ងៃទី៤ ខែមករា នេះ ដោយពន្យល់ថា រដ្ឋបាលរាជធានីភ្នំពេញ ពុំមានគម្រោងរុះរើផ្សារដើមគ ផ្លាស់ប្តូរទៅទីតាំងថ្មីណាមួយឡើយ។

លោក នួន ផារ័ត្ន អភិបាលរងរាជធានីភ្នំពេញ បានអំពាវនាវដល់ប្រជាពលរដ្ឋ ពិសេសអាជីវករផ្សារដើមគ រក្សាភាពស្ងប់ស្ងាត់ ប្រកបរបរទទួលទានជាធម្មតា និង ផ្តល់ជំនឿទុកចិត្តមកលើអាជ្ញាធរ ដែលយកចិត្តទុកដាក់ ចំពោះជីវភាពប្រជាពលរដ្ឋ ក៏ដូចជាអាជីវករលក់ដូរ នៅតាមទីរួមផ្សារនានា ក្នុងរាជធានីភ្នំពេញ។

លោកអភិបាលរងរាជធានីភ្នំពេញ បានគូសបញ្ជាក់ថា រដ្ឋបាលរាជធានីភ្នំពេញ ពុំមានគម្រោងរុះរើផ្សារដើមគ ឬតម្រូវឱ្យអាជីវករកំពុងលក់ដូរ ប្តូរទៅទីតាំងថ្មីណាមួយឡើយ។ លោកពន្យល់ថា គម្រោងសាងសង់ផ្សារនៅ«បឹងតាមោក» គឺសាងសង់ជាផ្សារ ផ្គត់ផ្គង់បន្លែ ផ្លែឈើ និង ជាចំណតរថយន្តប៉ុណ្ណោះ ដើម្បីជួយសម្រួលដល់ការប្រកបអាជីវកម្ម ក៏ដូចជាកាត់បន្ថយ និង ឈានដល់ការលុបបំបាត់ការរំលោភយកចិញ្ចើមផ្លូវ ទ្រូងផ្លូវសាធារណៈ បង្កការកកស្ទះចរាចរណ៍ ប៉ះពាល់ដល់បរិស្ថាន សណ្តាប់ធ្នាប់ និង អនាម័យតាមដងផ្លូវ។

គួរជម្រាបថា យោងលិខិតចេញដោយទីស្តីការគណៈរដ្ឋមន្ត្រី រដ្ឋាភិបាលកម្ពុជា បានសម្រេចយកដីបឹងតាមោកស្ថិតក្នុងសង្កាត់ព្រែកព្នៅ ចំនួន២០ ហិកតា ធ្វើជាផ្សារផ្គត់ផ្គង់បន្លែ ផ្លែឈើ និងចំណតរថយន្ត។ ជាពិសេសកន្លែងចែកចាយបន្លែនៅផ្សារដើមគរនឹងត្រូវដូរមកទីតាំងថ្មីនេះដែរ៕

បឹងតាមោកទំហំ ២០ហិកតា នឹងត្រួវចាក់ដីលុបអភិវឌ្ឍន៍ជាផ្សារចែកចាយបន្លែ

ភ្នំពេញ ៖ បឹងតាមោកស្ថិតក្នុងសង្កាត់ព្រែកព្នៅ ចំនួន២០ ហិកតា ធ្វើជាផ្សារផ្គត់ផ្គង់បន្លែ ផ្លែឈើ និងចំណតរថយន្ត។ ជាពិសេសកន្លែងចែកចាយបន្លែនៅផ្សារដើមគរនឹងត្រូវដូរមកទីតាំងថ្មីនេះដែរ។ នេះបើយោងលិខិតចេញដោយទីស្តីការគណៈរដ្ឋមន្ត្រី រដ្ឋាភិបាលកម្ពុជា។

ទីស្តីការគណៈរដ្ឋមន្ត្រី បានចេញលិខិតដោយគូសបញ្ជាក់ថា ការសម្រេចបង្កើតផ្សារផ្គត់ផ្គង់បន្លែផ្លែឈើ និងចំណតរថយន្តនៅបឹងតាមោកនេះ ទទួលបានចំណារពីលោកនាយករដ្ឋមន្ត្រីហ៊ុន សែន តាំងពីថ្ងៃទី០៨ ខែមិថុនា ឆ្នាំ២០១៨។ ថ្ងៃទី០២ សីហា ឆ្នាំ២០១៨ ទើបទីស្តីការគណៈរដ្ឋមន្ត្រី ធ្វើសំណើមួយទៅកាន់ក្រសួងរៀបចំដែនដី នគរូបនីយកម្ម និងសំណង់ ស្នើសុំដីនៅបឹងតាមោកចំនួន ២០ហិកតា ដើម្បីសាងសង់ផ្សារផ្គត់ផ្គង់បន្លែ ផ្លែឈើ និងចំណតរថយន្ត។ ប៉ុន្តែលិខិតនេះ ទើបនឹងបែកធ្លាយ នៅថ្ងៃទី០៣ ខែមករា ឆ្នាំ២០១៩នេះ។
ជាការកត់សម្គាល់ កន្លងមកនៅក្នុងវេទិកាជាតិលើកទី២ ស្តីពីការការពារ និងអភិរក្សធនធានធម្មជាតិ ថ្ងៃទី២២ សីហាឆ្នាំ២០១៧ តារាចម្រៀង ដែលកំពុងមានឈ្មោះបោះសំឡេងនៅក្នុងប្រទេសកម្ពុជា គឺកញ្ញាមាស សុខសោភា ធ្លាប់បានស្នើសុំដោយផ្ទាល់ដល់លោកនាយករដ្ឋមន្ត្រីហ៊ុន សែន កុំឲ្យលុបបឹងតាមោកនេះ។ ការស្នើនេះ ក៏ត្រូវបានលោកហ៊ុន សែន បញ្ជាក់ថា បឹងតាមោក មិនមែនគ្រាន់តែត្រូវការពារទេ តែត្រូវជីកយកជម្រៅ ដើម្បីបង្កើនធារទឹកថែមទៀតផង។

គួររំលឹកជូនថា បើតាមអនុក្រឹត្យរបស់រដ្ឋាភិបាល ឆ្នាំ២០១៦ បឹងតាមោក ឬបឹងកប់ស្រូវនេះ មានផ្ទៃ ៣២៣៩ ហិចតាជាបឹងធម្មជាតិដ៏ធំមួយដែល មានទីតាំងឋិតនៅក្នុងខណ្ឌព្រែកព្នៅ ជាយរាជធានីភ្នំពេញ។ បឹងនេះ ជាបឹងធម្មជាតិ ហើយក៏ជាអាងស្តុកទឹកធំបំផុតនៃរាជធានីភ្នំពេញ ខណៈ បច្ចុប្បន្នបឹងមួយចំនួនត្រូវបានអភិវឌ្ឍទៅជាទីក្រុងរណប អស់ហើយ។

តែអ្នកនាំពាក្យរដ្ឋាភិបាលកម្ពុជា លោកផៃ ស៊ីផាន អះអាថា មូលហេតុដែលលោកនាយករដ្ឋមន្ត្រីហ៊ុន សែន យល់ព្រមឲ្យយកចំណែកខ្លះ នៃបឹងតាមោក សម្រាប់សាងសង់ផ្សារផ្គត់ផ្គង់បន្លែផ្លែឈើ និងធ្វើចំណតរថយន្ត គឺដោយសារផ្សារផ្គត់ផ្គង់បន្លែផ្លែឈើ នៅផ្សារដើមគបច្ចុប្បន្ន មានសភាពចង្អៀត ធ្វើឲ្យកកស្ទះចរាចរណ៍៕