All posts by មេគង្គ ប៉ុស្តិ៍

ស្ត្រីវ័យ២៣ឆ្នាំម្នាក់ បានស្លាប់ពេលសម្រាលកូននៅមន្ទីរពេទ្យបង្អែកស្រុកអន្លង់វែង

January 3, 2019ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

អន្លង់វែង ៖ បុរសម្នាក់បានចូលទៅប្តឹងនៅក្នុងអធិការដ្ឋាននគបាលស្រុកអន្លង់វែងនៅថ្ងៃទី២ ខែមករា ឆ្នាំ ២០១៩ ដើម្បីអោយជួយរកយុត្តិធម៌ និងទាមទារសំណងជំងឺចិត្តចំនួន ១ម៉ឺន៥ពាន់ ដុល្លារ ដល់ ស្ដ្រីរងគ្រោះដែលត្រូវជាប្រពន្ធបានស្លាប់ក្នុងពេលសំរាលកូន នៅមន្ទីពេទ្យបង្អែក ស្រុក អន្លង់វែង ខេត្តឧត្តរមានជ័យ កាលពីយប់ឆ្លងឆ្នាំ២០១៩។

បុរសជាប្តីឈ្មោះ ហេង ខេង អាយុ ៣៧ឆ្នាំរស់នៅភូមិថ្មី ឃុំត្រពាំងប្រាសាទ ស្រុកត្រពាំងប្រសាទ ខេត្តឧត្ដរមានជ័យ ចំណែកស្ត្រីជាប្រពន្ធដែលស្លាប់ឈ្មោះ ឃឿម សុធា អាយុ ២៨ឆ្នាំ រស់ នៅភូមិ ឃុំជាមួយគ្នា។ បុរសជាប្តីអះអាងថា ប្រពន្ធរបស់ខ្លួនបានស្លាប់ក្រោយពេលសម្រាលកូនរួច ហើយ ឈាមបន្តធ្លាក់ឥតឈប់រហូតខ្សោះខ្លួនស្លាប់។

សមត្ថកិច្ច បានបញ្ជាក់ថា ពិតជាមានករណី បុរសជាប្តីស្ត្រីរងគ្រោះ បានដាក់ពាក្យប្តឹងឲ្យសមត្ថកិច្ច ជួយរកយុត្តិធម៌ និងទាមទារឲ្យពេទ្យបង្អែកសងជុំងឺចិត្ត ១ម៉ឺន៥ពាន់ដុល្លា តែមិនទាន់មានការ ឆ្លើយ តបពីខាងមន្ទីរពេទ្យនៅឡើយទេ៕

ពលរដ្ឋប្រមាណ១៥០គ្រួសារតវ៉ានៅតុលាការ ប្រឆាំងការលក់ដីសហគមន៍នៅស្រុកបាធាយ(Video)

ខេត្តកំពង់ចាម ៖ ប្រជាពលរដ្ឋប្រមាណ១៥០នាក់ រស់នៅភូមិអកទៀង ឃុំតាំងក្រាំង ស្រុកបាធាយ ខេត្តកំពង់ចាម បាននាំគ្នាជិះរថយន្ត៣គ្រឿងចេញពីផ្ទះមកតុលាការខេត្តកំពង់ចាម ដើម្បីតវ៉ាសូមអោយតុលារជួយអន្តរាគមន៍ និងបដិសេធការលក់ដីទំនប់មេទឹកកណ្តៀងដែលមានជន ខិលខូចឃុបឃិតគ្នាលក់ អោយឈ្មួញមិន ស្គាល់អត្តសញ្ញាណ។

ការជួបជុំតវ៉ានេះចាប់ផ្តើមតាំងពីម៉ោង១១ថ្ងៃទី៣ខែខមករាឆ្នាំ ២០១៩ នៅមុខសាលាដំបូងខេត្តកំពង់ចាម។ លោក យន់ សារឹម ជាប្រជាពលរដ្ឋ នៅភូមិអកទៀងបានអោយដឹងថា ពួកគាត់មានគ្នាប្រមាណ១៥០នាក់ តំណាងអោយបងប្អូនចំនួន ៤៥០ គ្រួសារនៅភូមិ ឃុំខាងលើ បានមកធ្វើការតវ៉ា សុំអោយ តុលាការខេត្តកំពង់ចាម បញ្ឈប់ការលក់ដីនៅតំបន់មេទឹកកណ្តៀងមានទំហុំ៤០ហិចតា ដែលមានជនខិខូចចំនួន៣នាក់មាន ១. ឈ្មោះ គឹម លី ភេទប្រុស អាយុ៥១ឆ្នាំ ២. គឹម លាវ ភេទប្រុស អាយុ៤៨ឆ្នាំ ។ អ្នកទាំ២ នាក់នេះជាបងប្អូន មានទីលំនៅ ភូមិអក ទៀង និងជនទី៣ ឈ្មោះ លឿង ម៉ាលី ភេទប្រុសអាយុ៣៥ឆ្នាំ មានទីលំនៅភូមិតាំងគោគ ឃុំតាំងក្រាំងស្រុកបាធាយ ខេត្តកកំពង់ចាម។

លោក យន់ សារឹម , លោក ហេងសុគា និងលោក វឿន ថុល ព្រមទាំងប្រជាពលរដ្ឋមួយចំនួនទៀត ដែលមកធ្វើការតវ៉ានៅមុខសាលាដំបូង ខេត្តកំពង់ចាម បានផ្តល់បទសម្ភាសន៍ មានន័យប្រហាក់ប្រហែលគ្នាថា កាលពីយប់ថ្ងៃទី២០ ខែធ្នូ ឆ្នាំ២០១៨ ពួកគាត់មានការភ្ញាក់ផ្អើលយ៉ាងខ្លាំងដែលមានឈ្មោះ គឹម លី ឈ្មោះ គឹម លាវ និងឈ្មោះ លឿង ម៉ាលី បានហៅប្រជាពលរដ្ឋប្រមាណជាង១០គ្រួសារ មកប្រគល់ប្រាក់ ក្នុងមួយគ្រួសារទទួលបានចំនួន៤០០ដុល្លារ អាមេរិក ជាប្រាក់ថ្លៃលក់ដីតំបន់ទំនប់មេទឹកប្រាំងកណ្តៀង ។

ប្រជាពលរដ្ឋដដែល បានបញ្ជាក់ថា ទំនប់ទឹកដែលគេលក់នេះ ជារបស់សហគមន៍ សំរាប់បងប្អូនប្រជាពលរដ្ឋក្នុងភូមិអកទៀក យកទឹកប្រើប្រាស់អាស្រ័យផល ដាក់ទឹកស្រែប្រាំង ប៉ុន្តែបើគេលក់់ ហើយមានគេឈូសឆាយទំនប់អស់ទឹកខានធ្វើស្រែប្រាំង តើពួកគាត់រំពឹងអីទៀត ។

ដោយយល់ឃើញគ្រោះមហន្តរាយដល់របរកសិកម្មបែបនេះ ទើបពួកគាត់នាំគ្នាមកតវ៉ាមិនទទួលស្គាល់ការលក់ដូរខុសច្បាប់បែបនេះឡើយ។

គេពុំទាន់ដឹងថា ខាងព្រះរាជអាជ្ញា អមសាលាដំបូងខេត្តកំពង់ចាម មានចំណាត់ការបែបណា លើជនសង្សយ័ទាំង ៣នាក់មានឈ្មោះខាងលើនៅឡើយទេ ពាក់ព័ន្ធនឹងការចោទប្រកាន់ ថា បានយកដីរដ្ឋលក់ ព្រោះទំនងជាត្រូវសាកសួរ និងស្រាវជ្រាវយូរពេលបន្ថែមទៀត៕ ដោយ ៖ សុផល

តំបន់ការពារធម្មជាតិត្រូវបានបង្កើនបន្ថែមពី ២៣តំបន់ ដល់ ៥៤តំបន់ នៅទូទាំងកម្ពុជា

ភ្នំពេញ ៖ ក្រសួងបរិស្ថានបានសម្រេចបង្កើនតំបន់ការពារធម្មជាតិពី ២៣ តំបន់ដល់ចំនួន ៥៤ តំបន់ធ្វើឲ្យផ្ទៃដីតំបន់ការពារធម្មជាតិទូទាំងប្រទេសសរុបប្រមាណជាង ៧,៥ លានហិកតា ឬស្មើនឹង ៤១ភាគរយ នៃផ្ទៃដីប្រទេសទាំងមូល ។

តាមខ្សែវីដេអូរដែលក្រសួងបរិស្ថានបង្ហាញនៅក្នុងពិធីសម្ពោធវិមានឈ្នះឈ្នះកាលពីពេលកន្លងទៅបានបញ្ជាក់ថា រយៈពេលជាង ២០ ឆ្នាំមកនេះវិស័យបរិស្ថានបានរីកចម្រើនគួរឲ្យកត់សម្គាល់ ជាពិសេសការចូលរួមពីភាគីពាក់ព័ន្ធមនុស្សគ្រប់ស្រទាប់ចូលរួមការពារ និងអភិរក្សធនធានធម្មជាតិ និងការថែរក្សាបរិស្ថានបានល្អប្រសើរ។

តាមរយៈគោលនយោបាយឈ្នះឈ្នះដឹកនាំដោយសម្តេច ហ៊ុន សែន ប្រមុខរាជរដ្ឋាភិបាលកម្ពុជា ចាប់ពីឆ្នាំ១៩៩៨ មកបានជំរុញឲ្យវិស័យបរិស្ថានត្រូវបានទទួលស្គាល់យ៉ាងទូលំទូលាយថា ជាបញ្ហារួម ហើយត្រូវបានយកចិត្ដទុកដាក់ និងចូលរួមពីគ្រប់មជ្ឈដ្ឋានដើម្បីការពារ និងអភិរក្សធនធានធម្មជាតិ កិច្ចគាំពារបរិស្ថាន និងការអភិវឌ្ឍដោយចីរភាព៕

ក្រសួងការងារ អំពាវនាវកុំឲ្យកម្មករកុំបារម្ភការទូទាត់ប្រាក់បំណាច់ និងប្រាក់អតីតភាព

ភ្នំពេញ ៖ ការងារ និងបណ្តុះបណ្តាលវិជ្ជាជីវៈ បានអំពាវនាវស្នើឲ្យកម្មករកុំមានការបារម្ភទាក់ទងនឹងអត្ថប្រយោជន៍របស់កម្មករអំឡុងពេលនៃការទូទាត់ប្រាក់បំណាច់ ប្រាក់អតីតភាព និងជំរុញឲ្យកម្មករចៀសវាងការចាញ់បោក ការញុះញង់របស់ក្រុមមនុស្សមួយចំនួន ។

តាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈបានបង្ហាញថា កម្មករនិយោជិតមានកិច្ចសន្យារយៈពេលវែង នឹងទទួលបានការទូទាត់ប្រាក់បំណាច់អតីតភាពការងារ២ ដងក្នុង ១ឆ្នាំគឺ ក្នុងខែមិថុនា និងខែធ្នូដោយនឹងត្រូវចាប់ផ្តើមអនុវត្តចាប់ពីខែមិថុនាឆ្នាំ ២០១៩ តទៅ។

សេចក្តីប្រកាសព័ត៌មានដដែលបានបន្ថែមថា ចំពោះការទូទាត់បើករំឭកប្រាក់បំណាច់អតីតភាពការងាររបស់កម្មករនិយោជិត ដែលមានមុនឆ្នាំ ២០១៩ ក្រសួងកំពុងធ្វើការពិភាក្សាជាមួយវិស័យឯកជន ដើម្បីកំណត់កាលវិភាគជាក់លាក់មួយក្នុងការតម្រូវឲ្យសហគ្រាស គ្រឹះស្ថានអនុវត្តកាតព្វកិច្ចបើករំឭកប្រាក់បំណាច់អតីតភាពការងារ ។

ទន្ទឹមនោះក្នុងអំឡុងពេលនៃការទូទាត់បើករំឭកប្រាក់បំណាច់អតីតភាពការងារនេះក្រសួងសូមធានាចំពោះអត្ថប្រយោជន៍ស្របច្បាប់នានាដែលបងប្អូនកម្មករនិយោជិតមានហើយដែលសហគ្រាស គ្រឹះស្ថានក្ស័យធន ឬបិទទ្វារណាមួយមិនទាន់បានទូទាត់ជូនបងប្អូនកម្មករនិយោជិត។

ប៉ុន្តែក្រសួងក៏បានអំពាវនាវដល់បងប្អូនកម្មករកុំឲ្យចាញ់បោកជនខិលខូចមួយចំនួនដែលមានបំណងញុះញង់ បង្កអស្ថិរភាពក្នុងសហគ្រាសដែលអាចបំផ្លាញការងារបាន៕

ទិវាឆ្លងឆ្នាំសកលថ្មី២០១៩ មានទេសចរដើរកម្សាន្តនៅទូទាំងប្រទេសជាង ៣លាននាក់

ភ្នំពេញ ៖ លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ឱ្យដឹងថា នាឱកាសឆ្លងឆ្នាំសកល ២០១៨-២០១៩ មានភ្ញៀវទេសចរជាតិ-អន្តរជាតិចំនួន ៣.១៤៤.៤៣៤នាក់ បានចេញដំណើរទស្សនា កម្សាន្តនៅតាមតំបន់ទេសចរណ៍ និងរមណីយដ្ឋាននានានៅទូទាំងប្រទេស កើនឡើង ២៥,៧៨% បើ ធៀបនឹងឆ្នាំមុន។

យោងតាមរបាយការណ៍របស់មន្ទីរទេសចរណ៍រាជធានី-ខេត្ត ក្នុងចំនួនភ្ញៀវទេសចរ និងប្រជាពល រដ្ឋដែលបានដើរកម្សាន្តនាឱកាសឆ្លងឆ្នាំសាកល ២០១៨ ឆ្លងចូល ២០១៩ ប្រមាណជាង ៣លាន នាក់ មានភ្ញៀវអន្តរជាតិចម្រុះជាតិសាសន៍ចំនួន ៩៩.១១៨នាក់ កើនឡើង ៤១.៦០% បើធៀបទៅ នឹងឆ្នាំមុន។

របាយការណ៍ដដែល ឲ្យដឹងថា ភ្ញៀវទេសចរ និងប្រជាពលរដ្ឋដែលបានចូលរួមកម្សាន្តសប្បាយឆ្លង ឆ្នាំ នៅរាជធានីភ្នំពេញ មានប្រមាណ ២,២លាននាក់ ក្នុងនោះពួកគេបានទៅទស្សនាកម្សាន្ត នៅ « វិមានអនុស្សាវរីយ៍នយោបាយ ឈ្នះ-ឈ្នះ» មានចំនួនប្រមាណ ២លាននាក់៕

ឆ្នាំ២០១៨ រកឃើញអដ្ឋិធាតុទាហានវៀតណាម នៅកម្ពុជាជិត ៦០០ធាតុ

ភ្នំពេញ ៖ ក្នុងឆ្នាំ២០១៨ កន្លងទៅនេះ កិច្ចសហប្រតិបត្តការរវាងកងទ័ពកម្ពុជា និងក្រុមរកអដ្ឋិធាតុវៀតណាម បានរកឃើញអដ្ឋិធាតុទាហានស្ម័គ្រចិត្តវៀតណាម ចំនួនជិត ៥៩០ធាតុបន្ថែមទៀត ។ នេះបើតាម ការលើកឡើងលើទំព័រហ្វេសប៊ុកផ្ទាល់របស់ ឯ.ឧ.នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ។

យោងតាមរបាយការណ៍របស់គណៈកម្មាធិការពិសេសស្វែងរកអដ្ឋិធាតុបង្ហាញថា បច្ចុប្បន្ន គឺនៅសល់អដ្ឋិធាតុរបស់ជនជាតិវៀតណាមជិត៤ពាន់នាក់ទៀតនៅកម្ពុជា ដែលមិនទាន់ត្រូវបានរកឃើញនៅឡើយ ។ កម្ពុជា-វៀតណាម បានកំណត់គោលដៅបញ្ចប់ការស្វែងរកអដ្ឋិធាតុជនជាតិវៀតណាមឱ្យអស់ នៅត្រឹមឆ្នាំ២០២០។

គួរជម្រាបថា គិតមកទល់នឹងពេលនេះ ការរុករក និងប្រមូលផ្តុំអដ្ឋិធាតុ នៃកងទ័ពស្ម័គ្រចិត្តវៀតណាម ត្រូវបានរកឃើញចំនួនជាង ១៧.៨៥០ អដ្ឋិធាតុ ហើយក៏បានធ្វើមាតុភូមិនិវត្តទៅកាន់ទីបញ្ចុះនៅប្រទេសវៀតណាម៕

ថ្នាក់ដឹកនាំកំពូលៗនៃកម្ពុជា នឹងអញ្ជើញចូលរួមវេទិកាសភាអាស៊ី-ប៉ាស៊ីហ្វិក

ភ្នំពេញ ៖ តាមការគ្រោងទុក សម្តេចតេជោ ហ៊ុន សែន នាយករដ្ឋមន្ត្រីនៃកម្ពុចា,សម្តេចភក្តី សាយ ឈុំ និងសម្តេចពញាចក្រី ហេង សំរិន ថ្នាក់ដឹកនាំស្ថាប័នកំពូលៗនៃព្រះរាជាណា ចក្រកម្ពុជា រួមមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា សម្តេចវិបុលសេនាភក្តី សាយ ឈុំ ប្រធានព្រឹទ្ធសភា,និងសម្តេចអគ្គមហាពញាចក្រី ហេងសំរិន ប្រធានរដ្ឋសភា និងជាប្រធានវេទិកាសភាអាស៊ី-ប៉ាស៊ីហ្វិក នឹងអញ្ជើញចូលរួមវេទិកាសភាអាស៊ី-ប៉ាស៊ីហ្វិក រយៈពេល៤ថ្ងៃ នៅពាក់កណ្តាលខែមករា ខាងមុខនេះ។

គួរជម្រាបជូនថា សម្តេចទាំងបី នឹងអញ្ជើញថ្លែងសុន្ទរកថាគន្លឹះ ពេលបើកវេទិកាសភាអាស៊ី-ប៉ាស៊ីហ្វិក (APPF) លើកទី២៧ ដែលធ្វើជាម្ចាស់ផ្ទះដោយរដ្ឋសភា នៃព្រះរាជាណាចក្រកម្ពុជា ពីថ្ងៃទី១៤ ដល់ថ្ងៃទី១៧ ខែមករា ឆ្នាំ២០១៩ នៅសណ្ឋាគារសុខាសៀមរាប ខេត្តសៀមរាប ៕

ឆ្នាំ២០១៨ រដ្ឋាភិបាលចំណាយជាង ៦លានដុល្លារ ដើម្បីឧបត្ថម្ភដល់ស្ត្រីឆ្លងទន្លេ

ភ្នំពេញ ៖ គិតចាប់ពីខែមករា រហូតដល់ខែធ្នូ ឆ្នាំ២០១៨ រាជរដ្ឋាភិបាលកម្ពុជា តាមរយៈបេឡាជាតិរបបសន្តិសុខសង្គម(ប.ស.ស) នៃក្រសួងការងារនិងបណ្តុះបណ្តាលវិជ្ជាជីវៈ បានផ្តល់ប្រាក់ឧបត្ថម្ភបន្ថែមដល់កម្មករ និយោជិតជាស្ត្រីសម្រាលកូន សរុបចំនួន២៦.២១៣.៦០០.០០០រៀល ស្មើនឹងប្រមាណ ៦លាន ៥សែន ដុល្លារអាមេរិក។

តាមរបាយការណ៍កម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាល បានឲ្យដឹងថា ក្នុងឆ្នាំពេញ២០១៨មានស្ត្រីសម្រាលកូនចំនួន ៦៥.០៥៤នាក់។សម្រាលបានកូនចំនួន ៦៥.៥៣៤នាក់ ក្នុងនោះស្ត្រីសម្រាលកូនភ្លោះពីរ មានចំនួន២៣៥នាក់ សម្រាលបានកូនចំនួន៤៧០នាក់ និងស្ត្រីសម្រាលកូនភ្លោះបី មានចំនួន ៥នាក់ សម្រាលបានកូនចំនួន១៥នាក់។

សូមរំលឹកថា សម្រាប់ស្ត្រីជាកម្មការិនីទាំងក្នុង និងក្រៅប្រព័ន្ធ នឹងទទួលប្រាក់ឧបត្ថម្ភបន្ថែមដូចជា អ្នកសម្រាលបានកូនម្នាក់ទទួលបាន ៤០ម៉ឺនរៀល។កូនភ្លោះ២នាក់ ទទួលបាន ៨០ម៉ឺនរៀលនិងសម្រាលកូនភ្លោះ ៣នាក់ទទួលបាន ១លាន ២សែនរៀល៕

តម្លៃប្រេងសាំងធម្មតា និងម៉ាស៊ូត ធ្លាក់មកនៅត្រឹម ៣.២០០រៀលក្នុងលីត្រ ដូចគ្នា

ភ្នំពេញ ៖ ក្រសួងពាណិជ្ជកម្ម បានចេញសេចក្តីជូនដំណឹង ស្តីពីការកំណត់តម្លៃប្រេងឥន្ធនៈតាមស្ថានីយ ចាប់ ពីថ្ងៃនេះ ដល់ថ្ងៃទី១៥ ខែមករា ឆ្នាំ២០១៨ ដោយតម្លៃសាំងធម្មតា និងម៉ាស៊ូត ធ្លាក់ចុះបន្ថែមទៀត គឺមកនៅត្រឹម ៣.២០០រៀលក្នុងមួយលីត្រ ដូចគ្នា។

សេចក្តីជូនដំណឹង ក៏បានលើកឡើងផងដែរថា ដើម្បីជួយសម្រួលដល់ជីវភាពប្រជាពលរដ្ឋ និង ដោយមានការចូលរួមពីក្រុមហ៊ុនចែកចាយប្រេងឥន្ថនៈនៅកម្ពុជា សម្តេចនាយករដ្ឋមន្ត្រី ហ៊ុន សែន បានសម្រេចបញ្ចុះតម្លៃលក់រាយប្រេងឥន្ថនៈចំនួន ៤សេន ក្នុងមួយលីត្រ ដែលត្រូវអនុវត្តន៍ចាប់ពីថ្ងៃ ទី១ ដល់ថ្ងៃទី១៥ ខែមករា ឆ្នាំ២០១៩៕

ព្រះរាជសុខភាពសម្តេចក្រុមព្រះ បានល្អប្រសើរ និងវិលមកកម្ពុជាវិញឆាប់ៗនេះ

ភ្នំពេញ ៖ ព្រះរាជសុខភាពរបស់សម្តេចក្រុមព្រះ នរោត្តម រណឫទ្ធិ អតីតព្រះប្រធានគណបក្សរាជានិយមហ្វ៊ុនស៊ិនប៉ិច បានវិលត្រឡប់មករកភាពល្អប្រសើរវិញហើយ បន្ទាប់ពីព្រះអង្គបានទទួលការព្យាបាលរបួសនៅក្រៅប្រទេសអស់រយៈពេលជាច្រើនខែ ដោយសារព្រះអង្គបានជួបគ្រោះថ្នាក់ចរាចរណ៍ កាលពីខែ មិថុនា ឆ្នាំ២០១៨កន្លងទៅ។

លោក ណុប សុធារិទ្ធិ អ្នកនាំពាក្យគណបក្សហ្វ៊ុនស៊ិនប៉ិច នៅថ្ងៃទី២ ខែមករា ឆ្នាំ២០១៩នេះ បាន អះអាងថា ស្ថានភាពព្រះរាជសុខភាពរបស់សម្តេចក្រុមព្រះ មានភាពល្អប្រសើរឡើងវិញហើយ ដោយព្រះអង្គអាចសោយ និងយាងបានធម្មតាឡើងវិញ។

នៅសប្តាហ៍ក្រោយព្រះអង្គ នឹងចូលទៅពិនិត្យសុខភាពចុងក្រោយ ហើយអាចយាងមកប្រទេសកម្ពុជាវិញក្នុងពេលឆាប់ៗនេះ។

លោកថា នៅសប្តាហ៍ក្រោយក្រុមគ្រូពេទ្យ នឹងពិនិត្យព្រះរាជសុខភាពព្រះអង្គលើកចុងក្រោយ ហើយបើមានការអនុញ្ញាត ព្រះអង្គនឹងយាងត្រឡប់មកប្រទេសកម្ពុជាវិញ ក្នុងពេលឆាប់ៗនេះ៕

ភរិយាអ្នកថតភាពយន្តរឿង “ម្តាយខ្ញុំលក់ខ្ញុំ” ទាមទារឲ្យរដ្ឋាភិបាលរុស្ស៊ី ជួយប្តីរបស់ខ្លួន

January 2, 2019ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ នៅព្រឹកថ្ងៃទី០២ ខែមករា ឆ្នាំ២០១៩នេះ អ្នកស្រី ឡុង គឹមហ៊ាង ភរិយាលោក រ៉ាត់ រត្នមុនី ប្រធានសហព័ន្ធសហជីពកម្មករសំណង់ និងជាអ្នកជួយថតខ្សែភាពយន្តឯកសារ “ម្តាយខ្ញុំ លក់ខ្ញុំ” ឱ្យសារព័ត៌មាន Russia Today (RT) និងសកម្មជនដីធ្លី សកម្មជន និងបរិស្ថាន ប្រមាណជាង១០នាក់ បាននាំ គ្នាធ្វើការតវ៉ានៅមុខស្ថានទូតរុស្ស៊ី នារាជធានីភ្នំពេញ ដើម្បីទាមទារឲ្យរដ្ឋាភិបាលរុស្ស៊ី ធ្វើអន្តរាគមន៍ទៅរដ្ឋាភិបាលកម្ពុជា ឱ្យមានការដោះលែងប្តី របស់អ្នកស្រី លោក រ៉ាត់ រ័ត្នមុនី ចេញពីពន្ធនាគារ។

សូមបញ្ជាក់ថា ក្រុមគ្រួសារលោក រ៉ាត់ រ័ត្នមុនី ប្រធានសហព័ន្ធសហជីពកម្មករសំណង់ និងជាអ្នកជួយថតខ្សែភាពយន្តឯកសារ “ម្តាយខ្ញុំ លក់ខ្ញុំ” ឱ្យសារព័ត៌មាន Russia Today (RT) នៅព្រឹកថ្ងៃទី១៨ ខែធ្នូ នេះ បានដាក់ញ្ញត្តិនៅស្ថានទូតរុស្ស៊ី ដើម្បីជួយអន្តរាគមន៍ឲ្យមានការដោះលែងលោក រ៉ាត់ រ័ត្នមុនី ចេញពីពន្ធនាគារ។

អ្នកស្រី ឡុង គឹមហ៊ាង ភរិយាលោកលោក រ៉ាត់ រ័ត្នមុនី បានថ្លែងប្រាប់អ្នកកាសែតនៅមុខស្ថានទូតរុស្ស៊ីថា វិដេអូនេះ វាគ្រាន់តែបង្ហាញពីក្មេងស្រីទុក្ខវេទនារបស់ក្មេងស្រីជួបរឿងទុក្ខសោក ដើម្បីបានរស់ត្រូវបានម្តាយយកទៅលក់ឲ្យបម្រើសេវាផ្លូវភេទ។ ជាមួយគ្នានេះ អ្នកស្រី ឡុង គឹមហ៊ាង បានស្នើឲ្យរដ្ឋាភិបាលរុស្ស៊ីបង្ហាញជាសាធារណៈពីភាពត្រឹមត្រូវរបស់សារព័ត៌មាន Russia Today (RT)។

ចៅក្រមស៊ើបសួរតុលាការក្រុងភ្នំពេញ សម្រេចឃុំខ្លួនសកម្មជនសិទ្ធិការងារលោក លោក រ៉ាត់ រត្នមុនី បណ្ដោះអាសន្ន ពីបទញុះញង់ឲ្យមានការរើសអើង ក្រោយបញ្ចប់ការសាកសួរកាលពីល្ងាចថ្ងៃទី ១៣ ធ្នូ ឆ្នាំ២០១៨ ៕

ភ្នំពេញ និងខេត្តជាប់មាត់សមុទ្រនឹងមានភ្លៀងធ្លាក់ ពីថ្ងៃទី៣ ដល់ទី៤ ខែមករា

ភ្នំពេញ ៖ បើតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី២ ខែមករា ឆ្នាំ២០១៨ ម្សិលមិញនេះ បានឲ្យដឹងថា ចាប់ពីថ្ងៃទី៣ ដល់ ៤ ខែមករា ឆ្នាំ២០១៩ ផ្នែកខ្លះនៃរាជធានីភ្នំពេញ និងខេត្តបែកខាងក្រោម និងខេត្តកែប កំពត និងខេត្តព្រះសីហនុ អាចមានភ្លៀងធ្លាក់ពីតិចទៅមធ្យម។

សេចក្តីជូនដំណឹងបានឲ្យដឹងថា ចាប់ពីថ្ងៃទី២ ដល់ ៣មករា ធាតុអាកាសត្រជាក់បន្តកើតមាននៅ តែបណ្តាខេត្តជាប់ជួរភ្នំក្រវាញ ខេត្តភាគឦសាន និងខេត្តប៉ៃលិនប៉ុណ្ណោះ (ត្រជាក់តែពេលយប់ និងពេលព្រឹកព្រលឹម)។

ក្រសួងធនធានទឹក ក៏បានអំពាវនាវឱ្យប្រជានេសាទ អ្នកដំណើរតាមសមុទ្រ ជាពិសេសកងទ័ពដែលឈរជើងនៅតាមបណ្តាកោះនានា បង្កើនការប្រុងប្រយ័ត្នចំពោះបាតុភូតព្យុះ ដែលអាចនឹងបង្កឱ្យកើតមានភ្លៀងលាយឡំជាមួយខ្យល់បក់បោកខ្លាំង និងរលកសមុទ្រខ្ពស់ៗ។

គួរជម្រាបថា ជ្រលងសម្ពាធខ្ពស់ បានចាប់ផ្តើមចុះខ្សោយ ហើយនៅក្នុងសមុទ្រចិនខាងត្បូង មានកើតនូវព្យុះឈ្មោះ PABUK (ព្យុះទី១ ប្រចាំឆ្នាំ២០១៩) ហើយព្យុះនេះ នឹងវិវត្តខ្លួនទៅជាព្យុះទីហ្វុង (TY PABUK) រួចបន្តដំណើរទៅកាន់ភាគខាងត្បូងនៃប្រទេសថៃ៕

ស្លាប់៦នាក់ និងរបួស២៨នាក់ ក្នុងគ្រោះថ្នាក់ចរាចរណ៍នៅថ្ងៃទី១ ខែមករា ម្សិលមិញ

នៅថ្ងៃទី១ ខែមករា ឆ្នាំ២០១៩ ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេស កើត ឡើងចំនួន១៦លើក បណ្ដាលឲ្យមនុស្សស្លាប់៦នាក់, របួសធ្ងន់ស្រាល ចំនួន ស្រាល ២៨នាក់។

តាមរបាយការណ៍ ពីនាយកដ្ឋាននគរបាលចរាចរណ៍ នៃអគ្គស្នងការដ្ឋាននគរបាលជាតិ បាន បញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង ១៦លើកនេះ បណ្ដាលឲ្យខូតខាតម៉ូតូ ចំនួន ២៥គ្រឿង, រថយន្តតូច ២គ្រឿង និងរថយន្ដធុនធំ ១គ្រឿង ហើយមូលហេតុដែលបណ្ដាល ឲ្យកើត មានគ្រោះថ្នាក់ចរាចរណ៍រួមមានល្មើសល្បឿន, មិនប្រកាន់ស្ដាំ, ប្រជែង,កត្តាយានយន្ត, មិនប្រកាន់ស្តាំ និងស្រវឹង៕

ក្រសួងពាណិជ្ជកម្ម ស្នើពាណិជ្ជករនាំចេញទំនិញទៅទីផ្សារអឺរ៉ុប ត្រូវមកចុះឈ្មោះ

ក្រសួងពាណិជ្ជកម្មកម្ពុជា នៅថ្ងៃទី៣១ ខែធ្នូ ឆ្នាំ២០១៨ បានជូនដំណឹងដល់ផលិតករ និងអ្នកនាំចេញទាំងអស់ដែលមានបំណងនាំចេញ ទំនិញគ្រប់ប្រភេទពីប្រទេសកម្ពុជា ទៅកាន់សហភាពអឺរ៉ុបស្ថិតក្រោមគម្រោងការអនុគ្រោះ ពន្ធលើមុខទំនិញគ្រប់មុខទាំងអស់ លើកលែងតែសព្វាវុធ (EBA) រួមទាំងប្រព័ន្ធអនុគ្រោះពន្ធទូទៅ (GPS) របស់ប្រទេសណ័រវេស ស្វីស និងប្រទេសតួកគី អញ្ជើញ ទៅចុះបញ្ជីប្រព័ន្ធអនុគ្រោះពន្ធនៅក្រសួងពាណិជ្ជកម្ម។

សេចក្តីជូនដំណឹងដដែល បានអំពាវនាវឲ្យអាជីវករ ផលិតករ មកដាក់ពាក្យចុះឈ្មោះក្នុងប្រព័ន្ធចុះ បញ្ជីអ្នកនាំចេញ របស់សហភាពអឺរ៉ុប នៅនាយកដ្ឋាននាំចេញ-នាំចូល នៃក្រសួងពាណិជ្ជកម្ម ដើម្បីមាននីតិសម្បទាក្នុងការប្រកាសប្រភពដើម ជំនួសឲ្យការប្រើប្រាស់វិញ្ញាបនបត្របញ្ជាក់ប្រភពដើមទំនិញទម្រង់ អេ ចាប់ពីថ្ងៃទី១ ខែមករា ឆ្នាំ២០១៩ តទៅ៕

ពេញ១ឆ្នាំ២០១៨ មានយានយន្ត បើកបញ្ច្រាសទិសដៅចរាចរណ៍នៅរង្វង់មូលវិមានឯករាជ្យចំនួន ៣.៦១៨ គ្រឿង

កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃ ស្នងការដ្ឋាននគរបាលរាជធានីភ្នំពេញ អនុវត្តយុទ្ធនាការឃាត់ម៉ូតូ និងរថយន្ត បើកបញ្ច្រាសទិស ដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹតស្ថិតក្នុងសង្កាត់ចតុមុខ ខណ្ឌ ដូនពេញរយៈពេលពេញ១ ឆ្នាំ២០១៨ សរុបចំនួន ៣.៦១៨ គ្រឿង។ នេះបើយោងតាម ផេក ហ្វេសបុក ផ្លូវការ របស់រដ្ឋបាលសាលាខណ្ឌដូនពេញ។

ប្រភពបញ្ជាក់ថា ពេញ១ឆ្នាំ ២០១៨ នៃការអនុវត្តយុទ្ធនាការឃាត់យានយន្ត បើកបញ្ច្រាសទិសដៅ ចរាចរណ៍ នៅរង្វង់មូលជុំវិញវិមានឯករាជ្យ សរុបចំនួន ៣.៦១៨ គ្រឿង។ រួមមាន ៖ ១- ម៉ូតូចំនួន ៣.១០៤ គ្រឿង។ ២- រ៉ឺម៉កម៉ូតូកង់បីចំនួន ៣៨២គ្រឿង និងរថយន្តចំនួន១៣២ គ្រឿង៕