រាជធានីភ្នំពេញ ៖ជនបររទេសចំនួន១៧៤នាក់ដែលលួចឆ្លងដែន និងកំពុងលួចស្នាក់នៅគ្មានលិខិតឆ្លងដែន ធ្វើការងារខុសច្បាប់ នៅការដ្ឋានសំណង់ (CSCEC) ក្នុងបរិវេណបឹងកក់ សង្កាត់ស្រះចក ខណ្ឌដូនពេញត្រូវបានកម្លាំងនគរបាលអន្តោប្រវេសន៍សហការជាមួយស្នងការដ្ឋាននគរបាលរាជធានីភ្នំពេញឃាត់ខ្លួន។
ខេត្តបាត់ដំបង ៖កម្លាំងរបស់ទីបញ្ជាការកងរាជអាវុធហត្ថក្រុងខេត្តបាត់ដំបងនៅព្រឹកថ្ងៃទី០៩ ខែសីហានេះបានបញ្ជូនជនសង្ស័យម្នាក់ទៅកាន់តុលាការបន្ទាប់ពីស្រាវជ្រាវកំណត់មុខសញ្ញាច្បាស់លាស់ យោងតាមពាក្យបណ្តឹងរបស់ជនរងគ្រោះកាលពីថ្ងៃទី០៦ ខែសីហា ឆ្នាំ២០១៦។
វ៉ាស៊ីនតោន ៖អាមេរិកបានចោទប្រកាន់ប្រទេសចិនថា កំពុងកសាងព្រលានយន្តហោះយោធា នៅលើប្រជុំកោះ ស្ព្រាតលី ដែលកំពុងមានជម្លោះក្នុងតំបន់សមុទ្រចិនខាងត្បូង ដោយផ្អែកលើរូបភាពដែលថតបានតាមប្រព័ន្ធផ្កាយរណប។ នេះបើតាមកាសែត New York Times ចេញផ្សាយនាព្រឹកថ្ងៃអង្គារ ទី០៩ ខែសីហា ឆ្នាំ២០១៦។
រាជធានីភ្នំពេញ ៖រដ្ឋមន្ត្រីក្រសួងការពារជាតិឥណ្ឌូនេស៊ី លោក RYAMIZARD RYACUDU នឹងបំពេញទស្សនកិច្ចផ្លូវការ នៅកម្ពុជារយៈពេល ៣ថ្ងៃ ចាប់ពីថ្ងៃទី០៩ ដល់ថ្ងៃទី ១១ ខែ សីហានេះ។ នេះបើយោងតាមសេចក្តីប្រកាសព័ត៌មានក្រសួងការពារជាតិ។
រាជធានីភ្នំពេញ ៖នៅថ្ងៃទី០៨ ខែសីហា ឆ្នាំ២០១៦ មានករណីគ្រោះថ្នាក់ចរាចរណ៍នៅទូទាំង ប្រទេសកើតឡើងចំនួន ៦លើក (យប់៤លើក) បណ្តាលឲ្យមនុស្សស្លាប់២នាក់ រងរបួសធ្ងន់៨នាក់ និងរបួសស្រាល២នាក់។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
បាល់ទាត់ ៖Paul Pogba បានផ្លាស់ចេញពីក្លិបសេះបង្កង់ Juventus ទៅចូលរួមជាមួយក្លឹបបិសាចក្រហម Manchester United ជាផ្លូវការហើយនៅព្រឹកនេះ ក្នុងតម្លៃបំបែកកំណត់ត្រា ថ្លៃបំផុតលើពិភពលោក ៨៩លានផោន លើកកិច្ចសន្យារយៈពេល ៥ឆ្នាំនៅកីឡដ្ឋាន Old Trafford។
រាជធានីភ្នំពេញ ៖នៅថ្ងៃទី០៩ ខែសីហា ឆ្នាំ២០១៦នេះក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម៕
ខេត្តកំពង់ឆ្នាំង ៖យ៉ាងហោចណាស់មនុស្ស៧នាក់បានរងរបួសធ្ងន់ស្រាល បន្ទាប់រថយន្តដឹកកម្មករពី៤០ទៅ៥០នាក់ មួយគ្រឿងបុកចូលផ្ទះប្រជាពលរដ្ឋ រួចក្រឡាប់។ ហេតុការណ៍នេះកើតឡើងនាព្រឹកថ្ងៃទី៩ ខែសីហា ឆ្នាំ២០១៦នេះស្ថិតនៅតាមផ្លូវជាតិលេខ៥ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
ខេត្តសៀមរាប ៖កម្លាំងនគរបាលអន្ដោប្រវេសន៍ សហការជាមួយនាយកដ្ឋានច្រកទ្វារទី១ ប្រចាំអាកាសយាន្ដដ្ឋាន អន្ដរជាតិសៀមរាប នៅល្ងាចថ្ងៃទី០៨ ខែសីហា ឆ្នាំ២០១៦ បានធ្វើការឃាត់ខ្លួនជនជាតិអង់គ្លេស២នាក់ប្ដីប្រពន្ធ ដែលរស់នៅខុសច្បាប់។
រាជធានីភ្នំពេញ ៖យោងតាមគេះទំព័រអគ្គស្នងការនគរបាលជាតិបានឲ្យដឹងថា នៅថ្ងៃទី៨ ខែសីហា ឆ្នាំ២០១៦ម្សិលមិញនេះ កម្លាំងនគរបាលជាតិបានបង្ក្រាបបទល្មើសជួញ ដូររក្សាទុក និងប្រើប្រាស់គ្រឿងញឿនចំនួន៣ករណី ឃាត់មនុស្សចំនួន ៤នាក់ (ស្រីម្នាក់) ក្នុងនោះមុខសញ្ញាជួញដូរ៤នាក់ រឹបអូសបានមេតំហ្វេតាមីន (ice) ០.០៣ក្រាម និង៣កញ្ចប់តូច។
រាជធានីភ្នំពេញ ៖សាលាឧទ្ធរណ៍ នាថ្ងៃទី០៨ ខែសីហា ឆ្នាំ២០១៦នេះ បានច្រានចោល បណ្តឹងសុំមោឃភាពការចាប់ខ្លួនលោក នី ចរិយា ហើយសម្រេចឲ្យមានការបន្តឃុំខ្លួនទៀត ។
ខេត្តកំពង់ស្ពឺ ៖សមត្ថកិច្ចនៅព្រឹកថ្ងៃទី៨ ខែសីហានេះ បានបញ្ជូនគ្រូមន្តអាគមន៍ម្នាក់ ដែលល្បួងយកកូនអ្នកស្រុកទៅរំលោភ បានសម្រេចទៅកាន់តុលាការ ដើម្បីចាត់ការតាមនីតិវិធីច្បាប់។
រាជធានីភ្នំពេញ ៖លោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យដែលជាស្ថាប័នគ្រប់គ្រងវិទ្យុ VOD ត្រូវបានតុលាការកោះហៅឲ្យចូលបំភ្លឺ នៅថ្ងៃទី៩ ខែសីហានេះ ពាក់ព័ន្ធនឹងសំណុំរឿងអាស្រូវផ្លូវភេទរបស់ លោក កឹម សុខា ដែលមានស្នេហាលួចលាក់ ។
អង់ការ៉ា ៖ថ្លែងទៅកាន់អ្នកគាំទ្រលោកប្រធានាធិបតីតួកគីបានបានអះអាងថា លោកនឹងអនុម័តឲ្យមានការយកច្បាប់កាត់ទោសប្រហារជីវិត មកអនុវត្តន៍ឡើងវិញ ប្រសិនបើរដ្ឋសភា និងសាធារណជនបង្ហាញការគាំទ្រលើរឿងនេះព្រមៗគ្នា។ នេះបើតាមសារព័ត៌មាន BBC ចេញផ្សាយនៅព្រឹកថ្ងៃនេះ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
