All posts by មេគង្គ ប៉ុស្តិ៍

ក្លិប២នៅអង់គ្លេសចាប់អារម្មណ៍ Honda របស់ AC Milan

November 19, 2015កីឡាមេគង្គ ប៉ុស្តិ៍

បាល់ទាត់៖យោងតាមសារព័ត៌មានDaily Express បានផ្សាយថា ក្លិប២នៅ Premier League កំពុងតែចាប់អារម្មណ៍ខ្លាំងលើ Keisuke Honda ដែលជាកីឡាករ playmaker របស់ក្រុម AC Milan ខណៈដែលកីឡាកររូបជប៉ុនរូបនេះបានបង្ហាញការខកចិត្តជាមួយក្រុមយក្សអ៊ីតាលី ហើយអាចនឹងចាកចេញនៅខែមករាខាងមុខនេះ។
តាមប្រភពដដែលបន្តថា កីឡាករវ័យ២៩ឆ្នាំរូបនេះបានជាប់ជម្រើស១១នាក់ដំបូងរបស់ក្រុមលោក Sinisa Mihajlovic តែ៣ប្រកួតប៉ុណ្ណោះនៅក្របខ័ណ្ឌកំពូលអ៊ីតាលី Serie A ក្នុងរដូវកាលនេះ។
ប្រភពបញ្ជាក់ថា ក្រុមមាន់ខ្នាយមាស Tottenham Hotspur គឺជាក្រុមដែលចាប់អារម្មណ៍ខ្សែបម្រើប្រយុទ្ធរូបនេះជាច្រើនលើកច្រើនសាមកហើយ ខណៈដែល Everton ក៏កំពុងតែតាមដានស្ថានការណ៍ តារាឆ្នើមក្រុមសាម៉ូរ៉ៃខៀវជប៉ុនរូបនេះដូចគ្នា។
គួរបញ្ជាក់ថា Honda ដែលធ្លាប់លេងឲ្យក្រុមរុស្សី CSKA Moscow ៤រដូវកាលមុនផ្ទេរទៅ AC Milan និងស៊ុតឲ្យជម្រើសជាតិជប៉ុនបាន៣៤គ្រាប់ ក្នុងការបង្ហាញខ្លួន៧៩ប្រកួត រួមទាំងគ្រាប់បាល់ចុងក្រោយ ដែលតែតចូលក្រុមជម្រើសជាតិកម្ពុជា កាលពីយប់ថ្ងៃអង្គារផងដែរ៕

MILAN, ITALY – MARCH 07: Keisuke Honda of AC Milan looks on during the Serie A match between AC Milan and Hellas Verona FC at Stadio Giuseppe Meazza on March 7, 2015 in Milan, Italy. (Photo by Marco Luzzani/Getty Images)

ក្រុម ISIS គំរាមកម្ទេចរអគារ Time Square របស់អាមេរិក

November 19, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ញូវយ៉ក៖ក្រុមឧទ្ទាមរដ្ឋឥស្លាម ISIS បានចេញពីវីដេអូថ្មីមួយទៀតដោយគំរាមវាយប្រហារអគារTime Square ស្ថិតក្នុងទីក្រុងញូវយ៉កសហរដ្ឋអាមេរិក។ នេះបើយោងតាមសារព័ត៌មានFox Newsចេញផ្សាយព្រឹកថ្ងៃព្រហស្បតិ៍ ទី១៨ វិច្ឆិកានេះ។
គួរបញ្ជាក់ថា នេះជាការវីដេអូគំរាមលើកទី២ របស់ ISIS គ្រាដែលលើកទី១ បានគំរាមវាយប្រហារទីក្រុងវ៉ាស៊ីនតោន ក្រោយវាយប្រហារទីក្រុងប៉ារីស៣ថ្ងៃ ហើយក៏បានលើកឡើងថា «ការវាយប្រហារប៉ារីស គឺជាចំណុចចាប់ផ្តើមតែប៉ុណ្ណោះ»។
ទន្ទឹមនោះក្រុមឧទ្ទាម ISIS ក៏បានគំរាមកំហែងវាយប្រហារទីតាំងជាច្រើនទៀតផងដែរ ក្នុងនោះក៏មានអង់គ្លេស ប៊ែលហ្ស៊ិក និងអាល្លឺម៉ង់ផងដែរ ជាពិសេសនៅតាមទីប្រជុំជន មួយចំនួនផ្សេងៗទៀត៕

Francois Hollande៖ ពិភពលោកកំពុងរងការគំរាមកំហែងពីក្រុមឧទ្ទាមISIS

November 19, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បារាំង៖ប្រធានាធិបតីបារាំងលោក Francois Hollande បានថ្លែងថា ក្រុមឥស្លាមជ្រុលនិយម ISIS បានកំពុងតែគំរាមកំហែងដល់ពិភពលោកទាំងមូល បន្ទាប់ពីបើកការវាយប្រហារទ្រង់ទ្រាយធំ នៅក្នុងទីក្រុងប៉ារីសកាលពី ថ្ងៃសុក្រ ទី១៣ វិច្ឆិកា ដែលបានបណ្តាលឲ្យមនុស្សស្លាប់១២៩នាក់។
លោក Hollande បានថ្លែងថា បារាំងបាននឹងកំពុងធ្វើសង្គ្រាមប្រឆាំងពួកភេរវកម្ម ISIS នៅ ក្នុងប្រទេសស៊ីរីតាមរយៈការបញ្ជូនយន្តហោះចម្បាំងជាបន្តបន្ទាប់ និងអំពាវនាវឲ្យសម្ព័ន្ធមិត្តជួយជ្រោមជ្រែងក្នុងយុទ្ធនាការនេះផងដែរ។
គួររម្លឹកថា ក្រោយការវាយប្រហារនៅប៉ារីស ក្រុម ISIS បានចេញមកប្រកាសថា ជាអំពើរបស់ពួកគេ។ ទន្ទឹមនោះក្រុមឧទ្ទាមនេះក៏បានប្រកាសផងដែរថា គោលដៅវាយប្រហារបន្ទាប់របស់ពួកគឺទីក្រុងវ៉ាស៊ីងតោន របស់អាមេរិក និងអង់គ្លេសជាគោលដៅបន្ទាប់។ នេះបើតាមសារ និងវីដេអូឃ្លីបជាបន្តបន្ទាប់ នៅលើបណ្តាញសង្គម Facebook ដែលអាចនឹងវាយប្រហារ នៅតាមទីប្រជុំជននានាមានដូចជា ផ្សារទំនើប រោងភាពយន្ត សួនកម្សាន្ត និងពហុកីឡដ្ឋានធំៗមួយចំនួន ៕

ជនសង្ស័យម្នាក់បានលួចម៉ូតូពីចាក់អង្រែលើត្រូវបានម្ចាស់ម៉ូតូរកឃើញនៅជ្រោយចង្វារចាប់បានប្រគល់អោយសមត្ថកិច្ច

November 18, 2015Uncategorized, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញៈជនសង្ស័យម្នាក់ត្រូវបានម្ចាស់ម៉ូតូចាប់បានខណៈដែលធ្វើសកម្មភាពលួចម៉ូតូបានសម្រច។ ហេតុការណ៍កើតឡើងកាលពីវេលាម៉ោង៨និង៣៥នាទីថ្ងៃទី១៨ខែវិច្ចិកា ស្ថិតនៅខណ្ខជ្រោយចង្វារខណៈដែលបានជិះម៉ូតូចេញពីខន់ដូរមួយកន្លែងហើយចាប់យកទៅប្រគល់អោយសម្ថតកិច្ចចាក់អង្រែលើវិញ។

តាមសម្តីពីជនរងគ្រោះដែលមានឈ្មោះថា ម៉េត សុភក្ត ប្រុសអាយុ២៣ឆ្នាំ ស្នាក់នៅផ្ទះលេខ២២១ សង្កាត់ផ្សារដេប៉ូ៣ ខណ្ខទួលគោក ជនរងគ្រោះបានប្រាប់អោយដឹងថាជិះម៉ូតូចេញពីក្លឹបថោនមកផ្ទះមិត្តស្រីដែលនៅភូមិព្រែកតានូរ សង្កាត់ចាក់អង្រែលើមកដល់បានទុកម៉ូតូនៅមុខបន្ទប់ដោយពុំបានចាក់សោរត្រឹមត្រូវនោះទេ រួចបានចូលទៅដេកលុះព្រឹកឡើងបានចេញមកមើលក៏ត្រូវគេលួចម៉ូតូបាត់ រួចក៏បានខ្ចីម៉ូតូរបស់មិត្តភក្តិដើររកក៏បានឃើញនៅក្នុងកន្លែងផ្ញើរម៉ូតូនៅខន់ដូរដែលជនសង្ស័យបានបណ្តើរចេញមកក៏បានឃាត់នៅខណ្ខជ្រោយចង្វារហើយបាននាំខ្លួនយកមកអោយប៉ុស្តិ៍នគរបាលចាក់អង្រែលើទាំងម៉ូតូនិងជនសង្ស័យ។

សម្ថតកិច្ចបានអោយដឹងថាជនសង្ស័យមានឈ្មោះ ថាំ សុខចាន់ ប្រុសអាយុ២០ឆ្នាំ ស្នាក់នៅផ្ទះលេខ២៤ ភូមិសាមគ្គីសង្កាត់ត្រពាំងក្រសាំង ខណ្ខពោធិ៍សែនជ័យ មុខរបរមិនពិតប្រាកដបានប្រាប់អោយដឹងថារូបគេបានទិញម៉ូតូពីបុរសម្នាក់ ក្នុងតម្លៃ២២០ដុលា្លរ ដោយមិនមានក្រដាស់ស្នាមទេ ហើយបាននាំសម្ថតកិច្ចទៅរកអ្នកលក់អោយត្រូវបានរត់បាត់ហើយ។

បច្បបន្ន ជនសង្ស័យខាងលើត្រូវបានឃុំខ្លួនបណ្តោះអាសន្ននៅអធិការដ្ឋានខណ្ខមានជ័យ ដើម្បីកសាងសុំណុំរឿងបញ្ចូនទៅតុលាការ ៕ អត្ថបទទាំងស្រុង សួង សាម

លោក សម រង្ស៊ី ថា ប្រទេសកម្ពុជាវិលត្រឡប់ទៅរកប្រព័ន្ធបក្សតែមួយមុនថ្ងៃ២៣តុលា១៩៩១

November 18, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖Facebook លោក សម រង្ស៊ី នៅព្រឹកនេះ បានបង្ហាញសារមួយតាមនៅលើ Facebook របស់លោក ដោយបានរៀបរាប់និងបានចោទប្រកាន់ថា គណបក្សប្រជាជនកម្ពុជា បានធ្វើរដ្ឋប្រហាររដ្ឋធម្មនុញ្ញ និងបានលើកឡើងថា ប្រទេសកម្ពុជាបានវិលត្រឡប់ទៅរកប្រព័ន្ធបក្សតែមួយ មុនថ្ងៃ២៣ តុលា ១៩៩១។

សូមអានសាររបស់លោក សម រង្ស៊ី ដែលបានបង្ហោះនៅលើ Facebook ប៉ុន្មាននាទីមុននេះ ដូចខាងក្រោម៖

បន្ទាប់ពីទង្វើយ៉ាងយង់ឃ្នងមួយចំនួនថ្មីៗនេះ ពីសំណាក់គណបក្សប្រជាជនកម្ពុជា មកលើគណបក្សសង្គ្រោះជាតិ ក្នុងនោះមានការចាប់ខ្លួនសមាជិកព្រឹទ្ធសភាលោក ហុង សុខហួរ ដាក់ពន្ធនាគារមកទល់នឹងថ្ងៃនេះ, ការវាយដំយ៉ាងសាហាវមកលើតំណាងរាស្ត្រគណបក្សប្រឆាំង២ រូបគឺលោក ញ៉យ ចំរើន និងលោក គង់ សភា, ការដកលោក កឹម សុខា ចេញពីតំណែងអនុប្រធានទី១ នៃរដ្ឋសភា មានទង្វើបន្ថែមទៀតជាចុងក្រោយ គឺការចេញដីកាឲ្យចាប់រូបខ្ញុំ ក្នុងឋានៈខ្ញុំជាប្រធានគណបក្សសង្គ្រោះជាតិ ទោះជាខ្ញុំមានអភ័យឯកសិទ្ធិសភាយ៉ាងណាក៏ដោយ ហើយនៅទីបញ្ចប់ការបណ្តេញខ្ញុំចេញពីរដ្ឋសភា បន្ទាប់ពីការបោះឆ្នោតសម្រេចបែបនេះ ធ្វើឡើងដោយតំណាងរាស្ត្រមកពីគណបក្សប្រជាជនកម្ពុជា តែប៉ុណ្ណោះក៏ដោយ ។

ទង្វើ ទាំងអស់នេះ ឈានទៅដល់ការបញ្ចប់តួនាទីរបស់គណបក្សប្រឆាំងតែមួយគត់ ដែលមានអសនៈក្នុងរដ្ឋសភា ហើយបង្ហាញថាប្រទេសកម្ពុជា បានវិលត្រឡប់ទៅរកប្រព័ន្ធបក្សតែមួយ ដូចមុនថ្ងៃចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ឆ្នាំ ១៩៩១។

ទង្វើ ទាំងអស់នេះ ពីសំណាក់គណបក្សប្រជាជនកម្ពុជា គឺជារដ្ឋប្រហាររដ្ឋធម្មនុញ្ញ ដែលនាំមកនូវផលប៉ះពាល់ផ្លូវច្បាប់ និងផ្លូវនយោបាយ ដូចរដ្ឋប្រហារយោធា ដែលពួកគេបានធ្វើនៅថ្ងៃ ៥-៦ កក្កដា ឆ្នាំ ១៩៩៧ អញ្ចឹងដែរ។ ផលប៉ះពាល់ចម្បង គឺបំផ្លាញដំណើរការប្រជាធិបតេយ្យ ដែលមានធានាក្នុងកិច្ចព្រមព្រៀងសន្តិភាពទីក្រុងប៉ារីស ចុះហត្ថលេខាដោយ ១៨ ប្រទេសជាមិត្ត ដោយមានការគាំទ្រពីអង្គការសហប្រជាជាតិ ផងដែរ។ កិច្ចព្រមព្រៀងទីក្រុងប៉ារីស តម្រូវឲ្យប្រទេសកម្ពុជាប្រកាន់នូវរបបនយោបាយប្រជាធិបតេយ្យ សេរី ពហុបក្ស។

យ៉ាងណាក៏ដោយ យើងមិនទាន់ទទួលបានការបកស្រាយណាមួយទាក់ទងសារនយោបាយប្រកបដោយ ការប្រមាថរបស់លោក សម រង្ស៊ី ពីសំណាក់ថ្នាក់ដឹកនាំឬក៏មន្ត្រីCPPនៅឡើយនោះទេ៕

អត្ថប្រយោជន៍ផ្លែមៀនចំពោះសុខភាព

November 18, 2015សុខភាពមេគង្គ ប៉ុស្តិ៍

ផ្លែមៀនជាអាហារដែលផ្តល់ថាមពល និងប្រយោជន៍ច្រើនយ៉ាងចំពោះសុខភាពបើអ្នកយល់ដឹងពីការពិសារវាឲ្យត្រឹមត្រូវ។
ផ្លែមៀនគឺជាផ្លែឈើមួយប្រភេទដែលមានរសជាតិឈ្ងុយ ផ្អែមឆ្ងាញ់ ប្រសិនបើទទួលទានស្រស់ៗក្នុងបរិមាណច្រើន អាចធ្វើអោយអ្នកកើតមានអាការក្តៅក្នុង បានយ៉ាងងាយ ។ ប៉ុន្តែ នៅពេលដែលគេយកវាមកធ្វើជាផ្លែមៀនស្ងួត នោះកម្តៅនឹងបាត់អស់នៅសល់តែជាតិស្ករ និងគ្លុយកូស យ៉ាងច្រើនដែលរាងកាយអាចស្រូបយកទៅប្រើប្រាស់បានភ្លាមៗ ហើយវាជួយឲ្យរាងកាយស្រស់ថ្លា បំបាត់អារម្មណ៍នឿយហត់យ៉ាងស័ក្តិសិទ្ធិ ។
ជាពិសេស ផ្លែមៀន សម្បូរដោយសារធាតុអាហារច្រើនយ៉ាងដូចជា កាល់ស្យូម ផូស្វ័រ ជាតិដែក វីតាមីនB នឹងវីតាមីនC ដែលសារធាតុទាំងអស់នេះមានប្រយោជន៍ដល់ប្រព័ន្ធប្រសាទ ជួយបំប៉នឈាមបន្ថែមភាពរឹងមាំដល់ឆ្អឹង និងធ្មេញ ។
ចំពោះសាច់មៀន មានប្រយោជន៍ដល់លំហូរឈាម ជួយឲ្យស្បែកស្រស់ថ្លា សមស្របសម្រាប់ស្ត្រីដែលមានបញ្ហារដូវ ។ ម្យ៉ាងទៀត វាជួយបំប៉នបេះដូង បំប៉នផាល និងជួយធ្វើឲ្យប្រព័ន្ធប្រសាទមានការធូរស្រាល ។
រីឯគ្រាប់មៀន នៅពេលហាលស្ងូត រួចបុកផ្សំជាមួយទឹកឃ្មុំ ប្រើសម្រាប់បំបាត់ការឈឺចាប់និងព្យាបាលជំងឺស្បែក ។ ដោយឡែកផ្កាមៀនគឺជាថ្នាំបញ្ចុំទឹកនោម និងអាចជួយរំលាយក្រួសក្នុងតម្រងនោមបាន៕

បុរសម្នាក់ត្រូវម្ចាស់ម៉ូតូចាប់ខ្លួនប្រគល់អោយសម្ថកិច្ចប៉ុស្តិស្ទឹងមានជ័យ បន្ទាបពីរយកម៉ូតុទៅបញ្ចាំជច្រេីនថ្ងៃ

November 18, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖បុរសម្នាក់ត្រូវបានម្ចាស់ម៉ូតូចាប់ខ្លួនប្រគល់អោយសមត្ថកិច្ចប៉ុស្តិ៍ស្ទឹងមានជ័យ កាលវេលាម៉ោង៥ល្ងាច ថ្ងៃទី១៧ ខែវិច្ឆិកា ឆ្នាំ២០១៥
តាមសម្ដីជនសង្ស័យមានឈ្មោះ ចាយ សុភ័ក្ត្រា ភេទប្រុស អាយុ៣៣ឆ្នាំមុខរបរមិនពិតប្រាកដ និងមានទីលំនៅភូមិព្រែកទល សង្កាត់ស្ទឹងមានជ័យ ខណ្ឌស្ទឹងមានជ័យ បានប្រាបអោយដឹងថា នៅថ្ងៃសៅទី១៤ ខែវិច្ឆិកា ឆ្នាំ២០១៥ រូបគេបានខ្ចីម៉ូតូពីរឈ្មោះ កង ម៉ាឡុង ប្រាប់ថាខ្ជីទៅរកប្រពន្ធ តែរូបគេមិនមែនទៅរកប្រពន្ធទេគឺយកទៅបញ្ចាំនៅឃ្លាំងរំស៊ែវ ក្នុងតំលៃ៦០០ដុលាហេីយលុយនោះគេបានយកទៅផឹកសុីជាមួយមិត្តភ័ក្រអស់ហេីយ។ ម៉ូតូដែលគេយកទៅបញ្ចាំនោះម៉ាក MSX ពណ៌ខ្មៅពាក់ស្លាកលេខភ្នំពេញ FE 9770
បច្ចុប្បន្ន ជនសង្ស័យត្រូវបានប៉ូលិកប៉ុស្តិ៍ស្ទឹងមានជ័យ កសាងសំណុមរឿងបញ្ចួនខ្លួនទៅអធិការដ្ឋានខណ្ឌមានជ័យដេីម្បីចាត់ការទៅតាមផ្លូវច្បាប់៕ ដោយ គ.បញ្ញា

ផ្ទុះគ្រាប់បែកនៅនីហ្សេរីយ៉ាសម្លាប់មនុស្ស៣២នាក់ និង៨០នាក់របួស

November 18, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

នីហ្សេរីយ៉ា៖មនុស្ស ៣២នាក់បានស្លាប់ និង ៨០នាក់រងរបួស នៅក្នុងហេតុការណ៍បំផ្ទុះ គ្រាប់បែក នៅសួនឧទ្យានម៉ូតូ ចំកណ្តាលទីក្រុង អាដាម៉ាវ៉ា នៃប្រទេសនីហ្សេរីយ៉ា ភាគខាងកើត កាលពីថ្ងៃអង្គារ ទី១៧ ខែវិច្ឆិកា ឆ្នាំ ២០១៥ម្សិលមិញនេះ។បើយោងតាមទីភ្នាក់ងារព័ត៌មានចិនដែលបានចេញផ្សាយនៅថ្ងៃពុធ ទី១៨ ខែវិច្ឆិកា ឆ្នាំ២០១៥នេះ។
ក្រុមសន្តិសុខបានប្រាប់ទីភ្នាក់ងារព័ត៌មានចិនថា ការផ្ទុះគ្រាប់កាំជ្រួចនៅឧទ្យានម៉ូតូ បានកើតឡើងនៅវេលាម៉ោង ៨យប់ ក្នុងខណៈពេលដែល ទីកន្លែងនោះពោរពេញ ដោយ មនុស្សជាច្រើនកុះករ ព្រមទាំងអ្នកលក់ដូររបស់ របរផ្សេងៗនៅទីនោះផងដែរ។
គួរបញ្ជាក់ដែលថា លោក Saadu Bello ដែលជាភ្នាក់ងារសង្គ្រោះបន្ទាន់ជាតិ ( NEMA) បានអះអាងថា មានមនុស្ស៣២នាក់ ស្លាប់ និង ៨០នាក់រងរបួស ព្រមទាំង មនុស្ស៣១នាក់បានបាត់បង់ទីលំនៅហើយអាជ្ញាធរបាននិយាយដថារហូតមក ដល់ពេលនេះ នៅមិនបង្ហាញពី សញ្ញា នៃជនសង្ស័យនៅឡើយទេ៕

ជនភៀសខ្លួនស៊ីរីមកដល់អង់គ្លេសម្សិលមិញ

November 18, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អង់គ្លេស៖ជនភៀសស៊ីរីខ្លួន១០០នាក់នៃចំនួនជនភៀសខ្លួនស៊ីរី២ម៉ឺននាក់ ដែលរដ្ឋាភិបាលអង់គ្លេសបានសន្យាឲ្យពួកគេជ្រកកោនរហូតដល់ ឆ្នាំ២០២០បានមកដល់ចក្រភពអង់គ្លេសលើកដំបូងកាលពីម្សិលមិញ។
ក្រុមជនភៀសខ្លួនខាងលើបានមកដល់ចក្រភពអង់គ្លេសម្សិលមិញ តាមរយៈជើងហោះក្នុងព្រលានយន្តហោះ Glasgow ហើយរំពឹងថានឹងតាំងទីលំនៅក្នុងទឹកដីប្រទេសស្កុតឡែន។ ក្រុមជនភៀសទាំងនោះគឺមកពីជំរំជនភៀសខ្លួនក្នុងប្រទេស ស៊ីរិ លីបង់ និង ហ្ស៊កដានី ដើម្បីគេចចេញពីសង្គ្រាម។
ជនភៀសខ្លួនជាច្រើនទៀតនឹងបន្តមកដល់ចក្រភពអង់គ្លេសក្នុង រយៈពេលប៉ុន្មានសប្ដាហ៍ទៀត។ ប្រទេសស្កុតឡែននឹងទទួលពួកគេទាំងនោះ៣៥០នាក់បន្ថែមទៀត។
លោកនាយករដ្ឋមន្ត្រីអង់គ្លេស David Cameron បានថ្លែងកាលពីម្សិលមិញថា ជនភៀសខ្លួនចំនួន១០០០នាក់នឹងមកដល់តាំងលំនៅនៅអង់គ្លេសមុនពិធីបុណ្យគ្រីសម៉ាសមកដល់ ហើយលោកជឿជាក់ថា ជនភៀសខ្លួនដែលរងទុក្ខវេទនាដោយសារសង្គ្រាម រ៉ាំរ៉ៃក្នុងប្រទេសកំណើតខ្លួន នឹងមានសុវត្ថិភាពស្ថិតក្រោមការមើលថែពីសំណាក់រដ្ឋាភិបាលអង់គ្លេស៕

ក្រុមឧទ្ទាមISISព្រមានវាយប្រហារអង់គ្លេស

November 18, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អង់គ្លេស៖ក្រុមឧទ្ទាមរដ្ឋឥស្លាម ISIS បានព្រមានតាមប្រព័ន្ធទំនាក់ទំនងសង្គម Twitters ថា ចក្រភពគឺជាគោលដៅវាយប្រហារបន្ទាប់។ នេះបើយោងតាមសារព័ត៌មាន Express របស់ចក្រភពអង់គ្លេសផ្សាយកាលពីម្សិលមិញ។
ការគំរាមកំហែងតាមរយៈប្រព័ន្ធទំនាក់ទំនងសង្គម Twitter នេះត្រូវបានធ្វើឡើង បន្ទាប់ពីហេតុការណ៍វាយប្រហារនៅទីក្រុងប៉ារីសកាលពីថ្ងៃសុក្រសប្តាហ៍មុនដែលបណ្តាលឲ្យមនុស្ស១៣២នាក់ស្លាប់។
ប្រភពព័ត៌មានដដែលបានបញ្ជាក់ថា មិនតែប៉ុណ្ណោះក្នុងនោះក៏ព្រមាននឹងមានការវាយប្រហារ នៅរដ្ឋធានីធំៗពីរផ្សេងទៀត គឺរដ្ឋធានីវ៉ាស៊ីនតោន និងរ៉ូមក្នុងពេលខាងមុខ៕

បង្ហាញខ្លួនជនសង្ស័យដែលដុតសំលាប់ប្រពន្ធនៅខណ្ឌសែនសុខ

November 17, 2015Uncategorized, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញៈ ឃាត់ករសម្លាប់ប្រពន្ធយ៉ាងសហាវឃោឃៅ រួចយកសាកសពចាក់សាំងដុតក្នុងពាងកាលពីយប់ថ្ងៃទី ១២ខែវិច្ឆកា ឆ្នាំ២០១៥ នៅក្នុងភូមិសាស្រ្តខណ្ឌសែនសុខ ត្រូវបានអាវុធហត្ថរាជធានីភ្នំពេញ សហការជាមួយ អាវុធហត្ថខេត្តព្រះសីហនុ ឃាត់ខ្លួនបានហើយនៅវេលាម៉ោង៧ៈ៣០នាទី ថ្ងៃទី១៦ ខែវិច្ឆិកា ឆ្នាំ២០១៥ នៅចំណុចទំនប់រលក ខេត្តព្រះសីហនុ។

តាមចំម្លើយសារភាពរបស់ឃាត់ករបានអោយដឹងថា រូបគេឈ្មោះ សុង ទូច អាយុ ៤៨ឆ្នាំ មានមុខរបរជាមន្ត្រីយោធា និងជាពោះម៉ាយមានកូន២នាក់ មានទំនាក់ទំនងស្នេហាជាមួយនឹងជនរងគ្រោះដែលជាស្ត្រីមេម៉ាយ ឈ្មោះ ទឹម សោភា ហៅ ក្រញ៉ាញ អាយុ៣៤ឆ្នាំ មានមុខរបរជាអ្នកគួកជេដីតាំងពីឆ្នាំ២០១២មកម្លេះ ហើយខ្លួនគេ និងប្រពន្ធតែងតែ ឈ្លោះប្រកែកគ្នាជាញឹកញាប់ ដោយចោទប្រពន្ធខ្លួនថាលួចមានសាហាយជាមួយប្រុសថ្មីទៀតដែលជាអ្នកគួកជេដីដូចគ្នា ទើបកើតមានចិត្តប្រច័ណ្ឌជាខ្លាំង រហូតដល់រៀបចំផែនការសម្លាប់ប្រពន្ធកាលវេលាម៉ោង ២២ៈ០០នាទីយប់ ថ្ងៃទី១២ ខែវិច្ឆកា ឆ្នាំ២០១៥ ខណៈដែលប្រពន្ធខ្លួនកំពុងដេកលង់លក់នៅលើគ្រែក្នុងបន្ទប់ ខ្លួនគេក៏បានយកពូថៅដែលត្រៀមទុកជាស្រេចវាយនឹងខ្នងចំសៀតថ្កាម្ខាងៗ៣ទៅ៤ពូថៅ និងដោយខ្លាចជនរងគ្រោះមិនទាប់ស្លាប់រូបគេក៏បានកាប់បន្ថែមចំបំពងក៣ទៅ៤ពូថៅន្ថែមទៀត រួចហើយក៏លើសាកសពចុះមកក្រោមផ្ទះ បន្តយកសាកសពទៅដាក់ចូលក្នុងពាង ហើយក៏បានទៅទិញសាំងចំនួន ២០លីត្រ ត្រលប់មកដុតជនរងគ្រោះ បន្ទាប់ពីចាក់សាំងដុតសាកសព ហើយឆេះមិនទាន់អស់នោះ ខ្លួនគេក៏ចាក់សាំងដែលនៅសល់ពីក្នុងកាដុងនោះបន្ថែមទៀតក៏ត្រូវខ្នាតសាំងឆាបឆេះមុខ និងដៃខ្លួនឯង។

ក្រោយពីធ្វើសកម្មភាពរួច ខ្លួនគេក៏យកលុយចំនួន៦០០ដុលា្លរ ជញ្ជៀនពេជ្រមួយវង និងម៉ូតូម៉ាកគុបជ្រុង១គ្រឿងដែជាកម្មសិទ្ធរបស់ជនរងគ្រោះ រត់គេចខ្លួនទៅដេកនៅផ្ទះសំណាក់ម្តុំទំនប់ទួលគោកមួយយប់ជាមួយស្រី ហើយត្រូវបានស្រ្តីរូបនោះលួចលុយអស់ទើបម៉ោង ១០ៈ៣០នាទីព្រឹក ថ្ងៃទី១៣ ខែវិច្ឆិកា ឆាំ្ន២០១៥ ក៏បន្តជិះម៉ូតូចេញពីផ្ទះសំណាក់ សំដៅមកខេត្តកំពុងស្ពឺ ហើយបានយកម៉ូតូផ្ញើរមិត្តភកិ្ត ហើយក៏បានស្នាក់នៅមួយយប់ លុះស្អែកថ្ងៃទី១៤ ក៏បន្តដំណើរជិះឡានតាក់ស៊ីឆ្ពោះទៅលាក់ខ្លួននៅផ្ទះមិត្តភកិ្តម្នាក់ទៀត ដែលមានមុខរបរជាអ្នកនេសាទ នៅទំនប់រលក ខេត្តព្រះសីហនុ បន្ទាប់មកបានស្នាក់នៅមួយយប់ នៅថ្ងៃទី១៦ ខែវិច្ឆិកា ឆ្នាំ២០១៥ ក៏ត្រូវបានសមត្ថកិច្ចអាវុធហត្ថចាប់ឃាត់ខ្លួនបានបញ្ជូនមកទីបញ្ជាការដ្ឋានកងរាជអាវុធហត្ថរាជធានីភ្នំពេញ។

បច្ចុប្បន្នអាវុធហត្ថរាជធានីភ្នំពេញ កំពុងតែប្រមូលវត្ថុតាង និងកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕ ដោយ គ.បញ្ញា

ការប្រកួតជម្រុះ World Cup ក្រុមជម្រើស ជាតិកម្ពុជា 0-2 ក្រុមជម្រើសជាតិជប៉ុន

November 17, 2015កីឡា, ព័ត៌មានថ្មីចុងក្រោយមេគង្គ ប៉ុស្តិ៍

ភ្នំពេញ៖ ក្រុមជម្រើសជាតិជប៉ុនបានយកឈ្នះក្រុមជម្រើសជាតិកម្ពុជា ២-០ ក្រោយពេលបញ្ចប់រយៈពេល ៩០នាទី ថ្ងៃទី១៧ ខែវិច្ឆកា ឆ្នាំ២០១៥ នៅពហុកីឡាដ្ឋាជាតិអូឡាំពិច ។

កម្ពុជា ទប់ទល់បានលទ្ធផល ០-០ ក្នុងវគ្គទី១ ទោះបីជប៉ុនព្យាយាមដាក់សម្ពោធយ៉ាងណាក៏ដោយ លទ្ធផនៅតែរក្សាដដែលដោយមានការជួយសង្រ្គោះជាច្រើនគ្រាប់ពីអ្នកចាំទីកម្ពុជា តែបានរបូត២គ្រាប់នៅនាទី៥២ និងនាទី៩០ ដោយកីឡាករ Shinji Okazaki និង Kerisuke Honda លទ្ធផលបានបញ្ចប់ ២-០ ។

កម្ពុជាប្រចាំពូលE នៅទឹកដីជប៉ុនជើងទី១ កម្ពុជា បានចាញ់ ៣-០ នៅទឹកដីកម្ពុជាជើងទី២នៅ កម្ពុជាបានចាញ់ ២-០ ៕

វណ្ណ វល័ក្ខ សម្ញែងភាពហ៊ឺហា ក្រោយលេចឮមានអ្នកចាំទំនុកបម្រុុង

November 17, 2015សិល្បៈ / កម្សាន្តមេគង្គ ប៉ុស្តិ៍

ភ្នំពេញ៖តារាសម្តែង និងបង្ហាញម៉ូដ ដែលចូលចិត្តស្ទាយ៍លេងខ្លួនបែបសិចស៊ីកញ្ញា វណ្ណ វល័ក្ខ ត្រូវបានមហាជនមើលឃើញថា អាជីពសិល្បៈរបស់នាងហាក់កំពុងមានហាងឆេង ទីផ្សារច្រើនគ្រាន់បើក្នុងការចេញតួសម្តែង និងដើរបង្ហាញម៉ូដតាមកម្មវីធីតូចធំនានា។
ចាប់តាំងពីលេចដំណឹងស្នេហ៍ជាមួយបុរសមន្ត្រីធំក្នុងស្រុកនោះមកកញ្ញា វណ្ណ វល័ក្ខ ឃើញថា ដូចជាមានយីអ៊ុនឡើងខ្ពស់ដូចខ្សែខ្លែងតែម្ដង។ មិនតែប៉ុណ្ណោះ មើលពីជីវភាពរស់នៅប្រចាំថ្ងៃរបស់តារាស្រីស្រស់ម្នាក់នេះវិញ ក៏កំពុងតែមានសេចក្តីសុខជាមួយនឹងភាពហ៊ឺហា ការលេងខ្លួនក្នុងការប្រើប្រាស់សម្ភារៈមានតម្លៃថ្លៃៗ ដែលអាចចាត់ទុកថា ជាតារាស្រីមានសំណាងផងដែរ។
មានបណ្ដាញសារព័ត៌មានក្នុងស្រុកជាច្រើនបានចាប់អារម្មណ៍លើ រឿងរ៉ាវផ្ទាល់ខ្លួនជីវិតស្នេហាក្រៅឆាកបន្ទាប់ពីបង្ហាញពីភាពហ៊ឺហា កញ្ញា វណ្ណ វល័ក្ខ បានធ្វើឲ្យមតិមួយទស្សនិកជនគាំទ្រមួយចំនួនបានបលើកឡើងថា តារារូបនេះទំនងទទួលបានការឧបត្ថម្ភជ្រោមជ្រែងពីបុរសគូស្នេហ៍ជា អ្នកធំនៅក្រោយខ្នងណាម្នាក់ហើយមើលទៅនោះ។
ជាក់ស្តែងថ្មីៗនេះ កញ្ញា វណ្ណ វល័ក្ខ ត្រូវបានគេកត់សម្គាល់មើលឃើញថា នាងតែងបង្ហាញសកម្មភាពតាមរយៈការថតរូបបង្ហោះលើបណ្តាញសង្គមហ្វេសប៊ុកជាច្រើនស្លឹកជាបន្តបន្ទាប់ ព្រមជាមួយការលេងស្ទាយ៍ម៉ូដសំលៀកបំពាក់ និងការសម្ញែងសម្ភារៈមានតម្លៃថ្លៃបង្អួតមិត្តភក្ដិនៅក្នុងហ្វេសប៊ុក៕

ចាប់បុរសម្នាក់ពេលកំពុងគាស់ផ្ទះ ប្រជាពលរដ្ឋនៅសង្កាត់ស្ទឹងមានជ័យ

November 17, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ជនសង្សយ័ម្នាក់ត្រូវបានកំលាំងអាវុធហត្ថខណ្ឌមានជ័យឃាត់ខ្លួនខណៈកំពុងធ្វើសកម្មភាពគាស់ផ្ទះប្រជាពលរដ្ឋប៉ងលួចទ្រព្យសម្បត្តិកាលពីវេលាម៉ោង៨និង០០នាទីព្រឹកថ្ងៃទី១៧ ខែវិច្ឆិកា ឆ្នាំ២០១៥ នៅម្តុំលូ ៥ភូមិ ដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ។

សមត្ថកិច្ចបញ្ជាក់ថា ជនសង្ស័យខាងលើមានឈ្មោះ សេង រស្មី អាយុ ៣៣ឆ្នាំ មុខរបរមិនពិតប្រាកដស្នាក់នៅបន្ទប់ជួលម្តុំលូ៥។ក្រោយពីការ ឃាត់ខ្លួនជនសង្ស័យខាងលើកំលាំងអាវុធហត្ថបានឆែកឆេររកឃើញ វត្ថុតាំងសោរ និងទូរវិសសំរាប់គាស់ផ្ទះមួយចំនួន។

ជនសង្ស័យត្រូវសមត្ថកិច្្ចបញ្ជូនទៅកាន់បញ្ជាការដ្ឋានអាវុធហត្ថរាជធានីភ្នំពេញដើម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវចច្បាប់៕ ដោយ សួង សាម

ឆែកឆេរទីតាំងសង្ស័យ១៥០កន្លែងក្រោយព្រឹត្តិការណ៍ភេរវកម្មនៅក្រុង ប៉ារីស

November 17, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បារាំង៖ប៉ូលិសបារាំងបានចាប់ផ្តើមយុទ្ធនាការចុះឆែកឆេរទីតាំងសង្ស័យ១៥០កន្លែងចាប់តាំងពីមានហេតុការណ៍វាយប្រហារភេរវកម្មក្នុងក្រុងប៉ារីសដែលសម្លាប់មនុស្សជាង១០០នាក់។ នេះបើតាមការបញ្ជាក់ពីនាយករដ្ឋមន្ដ្រីបារាំង Manuel Valls កាលពីម្សិលមិញ។
ប្រភពពីប៉ូលិសបារាំងបានឲ្យដឹងទៀតថា ការចុះឆែកឆេរក៏បានធ្វើឡើងនៅក្នុងទីក្រុងមួយចំនួនទៀតរបស់បារាំង ក្នុងនោះមានទីក្រុងBobigny និងនៅតំបន់ជាយក្រុងភាគខាងកើត។ ការចុះឆែកឆេរ១៣លើកត្រូវបានធ្វើឡើងនៅជុំវិញភាគអាគ្នេយ៍ទីក្រុង Lyonប្រទេសបារាំង។ នេះបើតាមការបញ្ជាក់ពីប៉ូលិសក្នុងតំបន់។ ប្រភពដដែលបន្តថា ការធ្វើយុទ្ធនាការនេះបានឈានដល់ការចាប់ខ្លួនមនុស្ស៥នាក់ និងរឹបអូសបានឃ្លាំងអាវុធ ឧបករណ៍បាញ់គ្រាប់រ៉ុកក្កែតមួយ កាំភ្លើង អាវក្រោះ និងឧបករណ៍ផ្សេងៗទៀត។
ប៉ូលិសបានចុះឆែកឆេរផងដែរនៅក្នុងទីក្រុងToulouseនៅភាគនិរតី ប្រទេសបារាំង ជាកន្លែងដែលយ៉ាងហោចណាស់មានមនុស្ស៣នាក់ត្រូវបានចាប់ខ្លួន។ នេះបើតាមការបញ្ជាក់ពីការិយាល័យព្រះរាជអាជ្ញាក្នុងតំបន់។ ដោយឡែកនៅក្នុងទីក្រុងGrenoble មានមនុស្សជាច្រើននាក់ទៀតត្រូវបានចាប់ខ្លួន រួមទាំងរឹបអូសយកកាំភ្លើងនិងប្រាក់មួយចំនួនផងដែរ។
គួរបញ្ជាក់ថា ការចុះឆែកឆេរនេះ ក្រោយមានការវាយប្រហារ៧កន្លែងផ្សេងគ្នាក្នុងក្រុងប៉ារីស សម្លាប់មនុស្ស១២៩នាក់ និងជាង៣៥០នាក់រងរបួស៕

PARIS, FRANCE – JANUARY 09: Police mobilize with reports of a hostage situation at Port de Vincennes on January 9, 2015 in Paris, France. According to reports at least five people were taken hostage in a kosher deli in the Port de Vincennes area of Paris. A huge manhunt for the two suspected gunmen in Wednesday’s deadly attack on Charlie Hebdo magazine has entered its third day. (Photo by Antoine Antoniol/Getty Images)