ភ្នំពេញ: លោកនាយករថ្ឋមន្ត្រី ហ៊ុន សែន បានគាំទ្រចំពោះការផលិតភាពយន្តឯកសាររបស់តារាភាពយន្ត Hollywood ល្បី គឺលោកស្រី Angelina Jolie ស្តីពីសោកនាដកម្មក្នុងរបបខ្មែរ ក្រហម ដើម្បីអប់រំផ្សព្វផ្សាយអំពីរបបវាលពិឃាតពិតនៅកម្ពុជា ។
តាម ស៊ីអ៊ីអិន បានផ្សាយនៅថ្ងៃនះថា នៅវិមានសន្តិភាពនៅថ្ងៃទី១៧ខែកញ្ញាឆ្នាំ២០១៥នេះលោកនាយនរដ្ឋមន្ត្រី ហ៊ុន សែន បានផ្តល់កិត្តិយសដល់តារាភាពយន្ត Hollywood ល្បីរបស់អាមេរិកគឺ លោកស្រី Angelina Jolie បានជួបសម្តែងការគួរសម និងជម្រាបអំពីគោល បំណងថតផ្សព្វផ្សាយ ភាពយន្តឯកសារដែលមានចំណងជើង “First They Killed My Father: A Daughter of Cambodia Remembers”ភាសាខ្មែរ “ពីដំបូងខ្មែរក្រហមសម្លាប់ប៉ារបស់ខ្ញុំ” ដែលនិយាយអំពីការចងចាំរបស់កុមារីខ្មែរមួយរូបដែលបានរស់រានឆ្លងផុត ពីរបបខ្មែរ ក្រហម (១៩៧៥-១៩៧៩) ហើយសព្វថ្ងៃកំពុងរស់នៅសហរដ្ឋអាមេរិក។
សម្តេចតេជោ ហ៊ុន សែន គាំទ្រចំពោះការផលិតភាពយន្តឯកសារដ៏មានសារៈប្រយោជន៍នេះ ដើម្បីអប់រំផ្សព្វផ្សាយអំពីរបបវាលពិឃាតពិតនៅកម្ពុជា ក្នុងការទប់ស្កាត់កុំអោយរបបបែបនេះកើតមានឡើងទៀត ទោះបីនៅទីណាក៏ដោយ។
សូមបញ្ជាក់ថា ការចូលរួមផលិតខ្សែភាពយន្តផ្សព្វផ្សាយអំពីប្រវត្តិរឿងពិតមួយ “ពីដំបូងខ្មែរក្រហមសម្លាប់ប៉ារបស់ខ្ញុំ” នៅក្នុងរបបប្រល័យពូជសាសន៍នៅកម្ពុជា ដោយលោកស្រី Angelina Jolie និង លោក ប៉ាន់ រិទ្ធី គឺជាការរួមចំណែកផ្សព្វផ្សាយដល់យុវជនខ្មែរ និងពិភព លោកបានស្គាល់កាន់តែច្បាស់ នូវរបបប្រល័យពូជសាសន៍ ដែលកម្ពុជាបានឆ្លងកាត់កាល ពីជាង៤០ ឆ្នាំមុន។
កំំពូល តារាភាពយន្តហូលីវូត អ្នកស្រី Angelina Jolie Pitt បានអះអាងថា យើងនឹងចំណាយ ពេលវេលាពីរបីខែខាងមុខនេះ ក្នុងការស្វែងរកទីកន្លែងថត ជ្រើសរើសតួសម្តែង ដើម្បីផលិតរឿង ” ពីដំបូងខ្មែរក្រហមសម្លាប់ប៉ារបស់ខ្ញុំ ” ហើយអ្វីដែលសំខាន់ខ្លាំងបំផុតនោះ គឺការស្រាវជ្រាវរាល់ព្រឹត្តិការណ៍ទាំងអស់ ដើម្បីឱ្យប្រាកដថា វាត្រឹមត្រូវតាមប្រវត្តិសាស្ត្រនោះ ព្រោះថា ខ្សែភាពយន្តនេះ ផលិតឡើងជាមួយប្រជាជនកម្ពុជា និងដើម្បីប្រជាជនកម្ពុជា។ ខ្ញុំទន្ទឹងរង់ចាំឱកាសនេះ ដើម្បីរួមការងារជាមួយក្រុមផលិតកម្មកម្ពុជា និងសិល្បករ ដ៏មានទេពកោសល្យរបស់កម្ពុជា។
អ្នកស្រី Angelina Jolie Pitt តារាភាពយន្តហូលីវូតរបស់សហរដ្ឋអាមេរិករួមជាមួយលោក ប៉ាន់ រិទ្ធី ជាសមិទ្ធករភាពយន្តរបស់កម្ពុជា នឹងសហការដឹកនាំនិងថតខ្សែភាពយន្តរឿង ” ពីដំបូងខ្មែរក្រហមសម្លាប់ប៉ារបស់ខ្ញុំ ” នៅក្នុងខែវិច្ឆិកាខាងមុខ។
អ្នកស្រី Angelina Jolie Pitt បានបញ្ជាក់ថា យើងបានរៀបចំចាប់ពីខែកក្កដានេះទៅ ហើយ នឹងចាប់ផ្ដើមថតនៅខែវិច្ឆិកាដល់ចុងខែមករា។ ខ្សែភាពយន្តនេះនឹងថតនៅក្នុងស្រុកជា មួយតួសម្ដែង និងក្រុមការងារកម្ពុជា ហើយនិយាយជាភាសាខ្មែរ។ ខ្សែភាពយន្តនេះផលិត ឡើងជាមួយប្រជាជនកម្ពុជា និង ដើម្បីប្រជាជនកម្ពុជា។ ខ្ញុំទន្ទឹងរង់ចាំ ឱកាសនេះដើម្បីរួមការងារជាមួយក្រុមផលិតកម្មកម្ពុជា និងសិល្បករដ៏មានទេពកោសល្យរបស់កម្ពុជា។
យោងតាមប្រភពពី មជ្ឈមណ្ឌលបុប្ផាណាបានឱ្យដឹងថា បន្ទាប់ពីការទស្សនាមជ្ឈមណ្ឌលបុប្ផាណា ដែលជាទីកន្លែងប្រមូលផ្ដុំការចងចាំរបស់កម្ពុជា កាលពីថ្ងៃទី២៨ខែកក្កដាឆ្នាំ២០១៥ អ្នកស្រី Angelina Jolie Pitt បានថ្លែងថា ” ខ្ញុំមានកិត្តិយស និងមោទនភាពណាស់ក្នុងការនាំយករឿង “ពីដំបូងខ្មែរក្រហមសម្លាប់ ប៉ារបស់ខ្ញុំ” មកបង្ហាញជាខ្សែភាពយន្ត “។
អ្នកស្រី Angelina Jolie បានបន្តថា ខ្សែភាពយន្តនេះផ្អែកលើការចងចាំដ៏ក្ដុកក្ដួលរបស់អ្នក និពន្ធ លឿង អ៊ឹង ដែលកាលនោះគាត់មានអាយុ៥-៨ឆ្នាំ ដែលនឹងថតចេញពីការចងចាំរបស់ក្មេងស្រីរូបនេះ ៖ វាគឺជាការមើលឃើញរបស់កុមារម្នាក់ពីសង្គ្រាម ការយល់ និងទស្សនៈរបស់កុមារម្នាក់នោះអំពីសង្គ្រាម។ ដោយ ហេតុថា នៅសម័យនោះ លឿង អ៊ឹង នៅជាកុមារនៅឡើយ ហេតុនេះយើងនឹងធ្វើការងារជាមួយមជ្ឈមណ្ឌលបុប្ផាណា និងប្រវត្តិវិទូផ្សេង ទៀត ព្រមទាំងជជែកជាមួយមនុស្សជាច្រើនទៀតដែលបានហែលឆ្លងកាត់សង្គ្រាម ដើម្បី ឱ្យប្រាកដថា ព្រឹត្តិការណ៍ដែលយើងបង្ហាញនៅក្នុងខ្សែភាពយន្ត គឺត្រឹមត្រូវពិតប្រាកដមែន។
អ្នកស្រី Angelina Jolie Pitt មានប្រសាសន៍ថា យើងនឹងចំណាយពេលវេលាពីរបីខែខាង មុខនេះ ក្នុងការស្វែងរកទីកន្លែងថត ជ្រើសរើសតួសម្តែង ហើយអ្វីដែលសំខាន់ខ្លាំងបំផុតនោះ គឺការស្រាវជ្រាវរាល់ព្រឹត្តិការណ៍ទាំងអស់ ដើម្បីឱ្យប្រាកដថាវាត្រឹមត្រូវតាមប្រវត្តិ សាស្ត្រនោះ។ យើងមិនត្រឹមតែគោរពដល់ លឿង អ៊ឹង និងគ្រួសាររបស់គាត់ប៉ុណ្ណោះទេ ប៉ុន្តែគឺយើងគោរពដល់អ្នកទាំងឡាយ ដែលទទួលរងការឈឺចាប់ក្នុងសម័យខ្មែរក្រហមទៀតផង ។ សៀវភៅនោះរៀប រាប់ពីរឿងរ៉ាវរបស់កុមារីម្នាក់ ហើយយើងនឹងដាក់បញ្ចូលបទពិសោធន៍របស់អ្នកដទៃៗទៀតនៅក្នុងខ្សែភាពយន្ត នេះផងដែរ ។ តាមរយៈសាច់រឿងរបស់គាត់ គឺយើងកំពុងតែបង្ហាញពីរឿងជាច្រើនទៀត ដូច្នេះខ្សែភាពយន្តនេះមិនត្រឹមតែបង្ហាញពីការ ចងចាំរបស់ក្មេងស្រីតែ ម្នាក់ទេ ប៉ុន្តែវាជាការចងចាំរួមរបស់ប្រជាជនកម្ពុជាផងដែរ ។
អ្នកស្រី Angelina បានថ្លែងថា គោលបំណងរបស់គម្រោងភាពយន្តនេះ គឺមិនមែនដើម្បីរំលឹកដល់ការភ័យខ្លាច រន្ធត់ នៃសង្គ្រាមនោះទេ តែគឺដើម្បីនាំយកតួអង្គជាច្រើនមកបង្ហាញជូនទស្សនិកជនជុំវិញពិភព លោកនូវរឿងប្រវត្តិសាស្ត្ររបស់ខ្លួន ដើម្បីប្រាប់ទៅមនុស្សទាំង ឡាយឱ្យស្គាល់ពីប្រទេសកម្ពុជាដែលខ្ញុំ ស្រឡាញ់ និងគោរព ហើយក៏បង្ហាញពីវប្បធម៌ និងជីវភាពគ្រួសារខ្មែរដែលខ្ញុំតែងតែកោតសរសើរ។
អ្នកស្រី Angelina Jolie Pitt មានប្រសាសន៍ថា “ខ្ញុំសង្ឃឹមថា ខ្ញុំនឹងទទួលបានការណែនាំផ្លូវពីសំណាក់ប្រជាជនកម្ពុជា ដើម្បីប្រាប់រឿងរ៉ាវរបស់ពួកគេតាមបែបផែនមួយដែលល្អ ។ ដូច្នេះ ខ្ញុំពិតជារំពឹងទុកខ្លាំងណាស់ក្នុងការជួបជាមួយអ្នកដែលមកជួយខ្ញុំ ដើម្បីឱ្យខ្ញុំយល់ថែម ទៀតពីអ្វីដែលប្រជាជនកម្ពុជាមានអារម្មណ៍ថា សំខាន់ក្នុងចែករំលែក។ ខ្ញុំមានក្តីរំភើបចំពោះអ្វីៗគ្រប់យ៉ាង និងអ្នកគ្រប់គ្នាដែលខ្ញុំបានជួប ហើយខ្ញុំដឹងថា កត្តានេះនឹងរួមចំណែកធ្វើឱ្យគម្រោងភាព យន្តមួយនេះជោគជ័យ។ ខ្ញុំសង្ឃឹមថា ពិភពលោកអាចមើលឃើញអ្វីៗដែលមជ្ឈមណ្ឌលបុប្ផាណាបានកសាងឡើង និងអ្វីដែលមជ្ឈមណ្ឌលកំពុងធ្វើ”។
ការងារដ៏ល្អិតល្អន់របស់ពួកគេក្នុងការស្ដារឡើងវិញនូវបណ្ណសារពីអតីតកាល និងធ្វើការជាមួយយុវជនក្មេងៗ រួមទាំងអ្នកធ្វើការស្ម័គ្រចិត្ត ដើម្បីឆ្ពោះទៅរកអនាគតដ៏ល្អប្រពៃមួយរួមគ្នា គឺពិតជាគួរឱ្យយកគំរូតាមណាស់ ហើយខ្ញុំមានកិត្តិយសណាស់ក្នុងការរួមការងារជា មួយលោក ប៉ាន់ រិទ្ធី ដែលជាបុគ្គលមួយរូប ខ្ញុំត្រូវរៀនសូត្រតាមច្រើន។ ខ្ញុំពិតជាមានការដឹង គុណណាស់ ចំពោះការជួយជ្រោមជ្រែងរបស់ក្រសួងវប្បធម៌ និងវិចិត្រសិល្បៈ ហើយនិងមជ្ឈមណ្ឌលបណ្ដុះបណ្ដាលជំនាញ និងទទួលការថតភាពយន្តនៅកម្ពុជា៕
