ភ្នំពេញ ៖ នៅថ្ងៃទី១១ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេសបានរកឃើញ យានយន្តល្មើសចំនួន១,២២៩គ្រឿង ក្នុងនោះមានម៉ូតូ៨៩៤គ្រឿង និងរថយន្ត ៣៣៥គ្រឿង។ នេះបើតាមរបាយការណ៍ របស់អគ្គស្នងការដ្ឋាននគរបាលជាតិ។

របាយការណ៍បញ្ជាក់ថា សម្រាប់បទល្មើសម៉ូតូ គឺភាគច្រើនមិនពាក់មួកសុវត្ថិភាព និងល្មើសផ្សេងៗ។ ដោយឡែកបទល្មើសរថយន្តភាគច្រើនអត់ខ្សែក្រវាត់ បើកលើសល្បឿន ផ្ទុកលើសចំណុះ និងមិនគោរពភ្លើងសញ្ញា។

បើរបាយការណ៍ដដែលបង្ហាញថា សរុបយានយន្តល្មើសទាំងរយៈពេល ១១ថ្ងៃ (ថ្ងៃទី០១-១១ ខែឧសភា) មានចំនួន ១៩,៦៧៩រឿងក្នុងនោះម៉ូតូចំនួន១៤,៤៩៧គ្រឿង និងរថយន្ត៥,១៨២គ្រឿង៕

ព្រះវិហារ ៖ កម្លាំងជំនាញ​ នៃស្នងការដ្ឋាននគរបាលខេត្តព្រះវិហារ​បាន បំបែក​សំណុំរឿងស្រាវជ្រាវឈានដល់ទៅបង្ក្រាប​និងចាប់ឃាត់ខ្លួន​ជនសង្ស័យ​ម្នាក់ពាក់ព័ន្ធ​ករណីចោរកម្មលួចទ្រព្យសម្បត្តិ​ កាលពីថ្ងៃទី​១០ខែឧសភា​ឆ្នាំ២០២០​ ម្សិលមិញនេះ ជនសង្ស័យត្រូវបានសមត្ថកិច្ចនគរបាលឃាត់ខ្លួននៅវេលាម៉ោង១២ និង០៥នាទី នាព្រឹកថ្ងៃទី១១ខែឧសភាឆ្នាំ២០២០នេះ។

ជនសង្ស័យដេកស្នាក់នៅចំណុចផ្ទះសំណាក់ត្បូងពេជ្រ​ពីរ​ស្ថិតនៅភូមិអណ្ដូងពោធិ៍​ សង្កាត់កំពង់ប្រណាក​ ក្រុងព្រះវិហារ​ ខេត្តព្រះវិហារ​ បានមកធ្វេីសកម្មភាព របស់​ក្រុមហ៊ុនមី​ក្រូ​ហិរញ្ញវត្ថុ​ អេ.អឹម.ខេ
(​AMK)។

សមត្ថកិច្ចនគរបាលបានឱ្យដឹងថាជនសង្ស័យ​ឈ្មោះ​ កៅ​ វ៉ាន់សុខ​ ភេទប្រុស​ អាយុ​២៤ឆ្នាំ​ ជនជាតិខ្មែរ​ មុខរបរ​ មិនពិតប្រាកដ​(ធ្លាប់ជាបុគ្គលិកចាស់បានបញ្ឈប់នៅឆ្នាំ២០១៩)​ រស់នៅភូមិចំរេីន​ ឃុំច្រាច់​ ស្រុកជ័យសែន​ ខេត្តព្រះវិហារ។

បច្ចុប្បន្នសមត្ថកិច្ច​នគរបាលជំនាញកំពុងឃាត់ខ្លួន​ជនសង្ស័យ​ខាងលើ​រួមទាំងវត្ថុតាងដើម្បីកសាងសំណុំរឿង​បញ្ចូនទៅកាន់សាលាដំបូងខេត្ត​ចាត់ការ​តាម​និតិវិធី៕ កូវ ប៊ុនហេង

កំពង់​ចាម​ ÷ ថ្ងៃទី១១ ខែឧសភា ឆ្នាំ២០២០​ វេលាម៉ោង​ ១១និង២០​ នាទី​ លើ​បណ្តោយ​ផ្លូវជាតិលេខ៦ ចំណុចមុខមន្ទីរស្រុកបាធាយ ក្នុងភូមិបាធាយ​ ឃុំបាធាយ ស្រុកបាធាយ ខេត្ត​កំពង់ចាម​ មានកណីអគ្គិភ័យ​កើតឡើង ដោយរថយន្ត​មួយ​គ្រឿងម៉ាកហីណូបត់ក្បាលប៉ះនិងកាដុងប្រេង។

ប្រភពពីសមត្ថកិច្ចបានអោយដឹងថាណីអគ្គិភ័យ​កើតឡើង ដោយរថយន្ត​មួយ​គ្រឿងម៉ាកហីណូណ៍ស ពាក់ស្លាកលេខ កំពង់ចាម​ 3A​-8193បត់ក្បាលប៉ះនិងដុងប្រេង បើកបរដោយឈ្មោះ​ អ៊ុន សុផាត ភេទ​ ប្រុស អាយុ​ ២៩​ ឆ្នាំ​ មានទីលំនៅបច្ចុប្បន្ន ភូមិឬស្សីវាល​ ឃុំកក់ ស្រុកបរសេដ្ឋ ខេត្តកំពង់ស្ពឺ មានទិសដៅពីជើងទៅត្បូង ដល់ចំណុចខាងលើ បានវាក់និងកូនឡានក៏បង្អង់ល្បឿនបត់ឆ្វេង ហើយបានចាប់ហ្វាំងពេលនោះ សឺមីរឺម៉កក៏បានរុញបត់ក្បាលប៉ះនិងពីដុងប្រេងចំនួន​ ០៣​ កាន​ ដែលដាក់នៅខាងក្រោយកាប៊ីន បណ្តាលឲ្យធ្លាយឆេះតែម្តង​ ។

ក្រោយពេលកើតហេតុ បានហៅអ្នកបើកបរ មកសាកសួរត្រួតពិនិត្យ ។
ក្នុងហេតុការណ៍នេះប្រើប្រាស់រថយន្តពន្លត់អគ្គិភ័យ ប្រើប្រាស់ទឹកអស់ចំនួន ០៣​ រថយន្ត ៕ ដោយ ៖ ប៉ែន សុផល

ខេត្តព្រះវិហារ​ ៖ នៅក្នុងកិច្ចជំនួបពិភាក្សារកដំណោះស្រាយបញ្ហាដីធ្លីជាមួយតំណាងប្រជាពលរដ្ឋនៅភូមិពោធិទាប ឃុំម្លូរព្រៃ១ស្រុកឆែបនាព្រឹកថ្ងៃទី១១ខែឩសភាឆ្នាំ២០២០នេះលោកអ៊ុង វុទ្ធីអភិបាលរងខេត្តព្រះវិហារតំណាងដ៏ខ្ពង់ខ្ពស់លោកប្រាក់ សុវណ្ណអភិបាលនៃគណអភិបាលខេត្តព្រះវិហារបានលើកឡើងថាក្នុងនាមលោកដែលជាថ្នាក់ដឹកនាំដែលប្រសូត្រចេញពីប្រជាពលរដ្ឋលោកចង់អោយបងប្អូនប្រជាពលរដ្ឋធ្វើយ៉ាងណានៅពេលមានបញ្ហាអ្វី១នឹងកើតឡើងត្រូវនៅអោយកៀករវាងថ្នាក់ដឹកនាំនឹងបងប្អូនប្រជាពលរដ្ឋដោយលោកបានសង្កត់ធ្ងន់ថាបើសិនបងប្អូនមានបញ្ហាអ្វី១នឹងកើតឡើងហើយបងប្អូននៅគម្លាតឆ្ងាយពីថ្នាក់ដឹកនាំនោះអញ្ចឹងផលលំបាក់សម្រាបថ្នាក់ដឹកនាំក្នុងការកដំណោះស្រាយជូនបងប្អូននោះៗវាដោះស្រាយមិនចេញនោះឡើយ។

លោកអភិបាលរងខេត្តបានលើកឡើងទៀតថា យ៉ាងណាមិញដូចជាបងប្អូនប្រជាពលរដ្ឋក្នុងភូមិឃុំខាងលើនេះជាដើមដែលបងប្អូនកំពុងមានបញ្ហារឿងដីធ្លីសព្វថ្ងៃនេះក្នុងនាមលោកដែលជាថ្នាក់ដឹកនាំខេត្តគឺលោកចង់អោយបងប្អូនលើកយកបញ្ហារបស់បងប្អូនទាំងអស់យកមកដាក់លើតុដើម្បីជជែកពិភាក្សានឹងរកដំណោះស្រាយក៏ប៉ុន្តែក្នុងកាជជែកដោះស្រាយនេះទៀតសោតលោកអភិបាលរងខេត្តក៏សូមសំណូមពរដល់បងប្អូនប្រជាពលរដ្ឋដោយធ្វើយ៉ាងណាត្រូវចូលរួមគោរពច្បាប់អោយបានទាំងអស់គ្នាយ៉ាងណាមិញដូចករណីដែលបងប្អូនកំពុងទន្ទ្រានកាន់កាប់ដីរដ្ឋដោយខុសច្បាប់នាពេលបច្ចុប្បន្ននេះជាដើមក្នុងនាមអាជ្ញាធរតែងតែព្យាយាមរកដំណោះស្រាយជូនបងប្អូនតាមកាដោះដូរដោយរកកន្លែងដីណាមួយដែលមិនមានផលប៉ះពាល់នឹងដីរបស់រដ្ឋនោះដើម្បីជាថ្នូរសម្រាបដោះដូរជូនបងប្អូនដោយមិនទុកអោយបងប្អូនណាម្នាក់រស់នៅដោយអត់ដីនៅនោះឡើយ។

ជាមួយគ្នានោះលោក សុខ សាន្តដារា អភិបាលស្រុកឆែបក៏បានលើកឡើងផងដែរថាដោយមួយរយះកាលកន្លងមកមានក្រុមប្រជាពលរដ្ឋសំណាក់មកពីបណ្តាខេត្តផ្សេងបាននាំគ្នាមកចាប់នឹងទន្រ្ទានដីរបស់រដ្ឋក្នុងស្រុករបស់លោកហើយក៏មានពាក្យចរចាបអារ៉ាមថាលោកជាអ្នកនាក់នៅពីក្រោយខ្នងប្រជាពលរដ្ឋដើម្បីគៀងគរប្រជាពលរដ្ឋទាំងនេះអោយទៅចាប់ទន្ទ្រានដីរដ្ឋនោះទៀតផងចំនុចត្រង់នេះលោកអភិបាលស្រុកក៏បានបដិសេធដោយដាច់អហង្កាថាលោកមិនបានជាប់ពាក់ពន្ធ័នឹងករណីដូចអ្វីដែលមតិមួយចំនួនបានលើកឡើងមកនោះឡើយតែក្នុងករណីនេះលោកអភិបាលស្រុកកំពុងស្រាវជ្រាវរកឃើញតំរុយអ្នកនៅពីក្រោយខ្នងនេះខ្លះៗហើយ ៕ ដោយ ៖ កូវ ប៊ុនហេង

បន្ទាយមានជ័យ : វាពិតជាលឿនពេកហើយផ្ទះមួយខ្នងសង់អំពីឈើលើថ្មក្រោមត្រូវបានអគ្គីសភ័យលេបត្របាក់អស់ត្រឹមតែមួយប៉ព្រិចភ្នែក ដែលធ្វើអោយម្ចាស់យំក៏មិនចេញ ស្រែកក៏មិនចេញ។ហេតុការណ៍នេះកើតឡើងនៅវេម៉ោង៩ព្រឹកថ្ងៃទី១១ខែឧសភាឆ្នាំ២០២០ស្ថិតក្នុងភូមិគោរដ្ឋានសង្កាត់អូរអំបិលក្រុងសិរីសោភ័ណខេត្តបន្ទាយមានជ័យក្រោយផ្សារអូរអំបិល។

អ្នកឃើញហេតុការណ៍និយាយថា គេបានសម្លេងទុស្សេខ្សែភ្លើង ក្រោយមកក៏ឃើញមានផ្សេងហុយចេញរួមនិងអណ្តាតភ្លើងផងដែរបង្កជាអគ្គីសភ័យកើតឡើង។ក្រោយឆាបឆេះសន្ធោសន្ធៅ រថយន្តសង្គ្រោះរបស់ក្រុមអគ្គីសភ័យនៃស្នងការដ្ឋានក៏បានមកដល់ ចាប់ផ្តើមប្រតិបត្តិការបាញ់ពន្លត់។តែដោយស្ថានភាពភ្លើងមានទំហំធំ រថយន្តពន្លត់មិនអាចគ្រប់គ្រងបាន ធ្វើអោយផ្ទះមួយខ្នងនេះឆេះគ្មានសល់អ្វី។

លោក អេម ពៅ អ្នកយកព័ត៌អោយទូរទស្សន៍ ខ្មែរប៉ុស្តិលេខ៩ ប្រចាំខេត្តបាត់ដំបង និងជាម្ចាស់ផ្ទះដែលរងការឆេះបានអោយដឹងថា ភ្លើងបានចាប់ផ្តើមពីផ្នែកខាងលើចំនុចគុបភ្លើង នឹងចាប់ផ្តើមឆេះរាលពេញក្នុងផ្ទះ។លោកបន្ថែមថា លោកមិនអាចអាចធ្វើអ្វីដើម្បីបញ្ឈប់កុំអោយភ្លើងឆេះរាលបានទេ ព្រោះអំណាចនៃភ្លើងហាក់មានសន្ទុះខ្លាំងក្លា ។ ទ្រព្យសម្បត្តិដែលមានរួមនឹងឯកសារពាក់ពន្ធ័ត្រូវបានក្លាយជាចំណីព្រះអគ្គី។

លោក ប៊ុន ផេង ស្នងការរងនៃស្នងការដ្ឋាននគរបាលខេត្តបន្ទាយមានជ័យទទួលផែនអគ្គីសភ័យបានអោយដឹងថានៅក្នុងប្រតិបត្តិការអន្តរាគមន៍ជួយពន្លត់នោះ កម្លាំងជួយមានមកពីតំបន់ប្រតិបត្តិការសឹករងខេត្ត យោធាទិសទី១ អាវុធហត្ថខេត្ត កម្លាំងស្នងការដ្ឋាន។ក្នុងនោះបានបញ្ចេញរថយន្តពីរគ្រឿងនឹងប្រើប្រាស់ទឹកដើម្បីជួយបាញ់ពន្លត់អស់ជិត១០រថយន្តទើបរលត់ទៅទាំងស្រុង។

សូមបញ្ជាក់ផងដែរ នៅក្នុងហេតុការណ៍ឆេះនោះដែរ ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ លោក ហ៊ិល រ៉ាយ៉ា អភិបាលក្រុងសិរីសោភ័ណ ក៏បានមានវត្តដឹកនាំផ្ទាល់ក្នុងការជួយបាញ់ពន្លត់ផងដែរ​​៕

ភ្នំពេញ ៖ នៅព្រឹកថ្ងៃចន្ទ ៥រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១១ ខែឧសភា ឆ្នាំ២០២០ នាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិលបានអនុញ្ញាតឱ្យលោក លូ វី (Lu Wei) ប្រធានក្រុមប្រឹក្សាភិបាលក្រុមហ៊ុនសាងសង់អាកាសយានដ្ឋានអន្តរជាតិសៀមរាបអង្គរថ្មី (AIAI) និងសហការីចូលជួបសំដែងការគួរសម និងពិភាក្សាការងារ។
ក្នុងជំនួប លោកបណ្ឌិតរដ្ឋមន្រ្តីបានលើកឡើងអំពីកិច្ចសហប្រតិបត្តិការជិតស្និតរវាងរដ្ឋាភិបាលកម្ពុជា និងរដ្ឋាភិបាលប្រទេសចិន ដោយប្រទេសកម្ពុជាប្រកាន់ភ្ជាប់នូវគោលនយោបាយប្រទសចិនតែមួយ និងជាពិសេសបើទោះបី ក្នុងពេលប្រទេសចិនកំពុងមានជំងឺ COVID19 ក្តី រដ្ឋាភិបាលប្រទេសចិនបានទទួលនូវការធ្វើទស្សកិច្ចផ្លូវការពីសំណាក់ប្រមុខរាជរដ្ឋាភិបាលកម្ពុជា ដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាដែលជាការបញ្ជាក់នូវចំណងមិត្តភាពពិសេស «ស្គាល់មិត្តល្អ ក្នងគ្រាលំបាក»។ លោកបណ្ឌិតរដ្ឋមន្រ្តីបានគូសបញ្ជាក់បន្ថែមថា ក្នុងនាមថ្នាក់ដឹកនាំរបស់រដ្ឋលេខាធិការដ្ឋានអាកាសចរស៊ីវិល លោកតែងតែគាំទ្រយ៉ាងពេញទំហឹង និងជំរុញដំណើរសារសង់អាកាសយានដ្ឋានអន្តរជាតិសៀមរាបថ្មីទៅតាមផែនការដែលបានកំណត់។

ក្នុងឱកាសនោះដែរ លោក លូ វី (Lu Wei) ប្រធានក្រុមប្រឹក្សាភិបាលក្រុមហ៊ុនសាងសង់អាកាសយានដ្ឋានអន្តរជាតិសៀមរាបអង្គរ (AIAI) បានថ្លែងអំណរគុណលោកបណ្ឌិតរដ្ឋមន្រ្តីដែលបានចំណាយពេលវេលាដ៏មានតម្លៃអនុញ្ញាតឱ្យរូបលោក និងសហការីចូលជួបសំដែងការគួរសម និងពិភាក្សាការងារ។

ជាមួយគ្នានោះដែរ លោក លូ វី (Lu Wei) បានរាយការណ៍អំពីវឌ្ឍនភាពការងារថា ពេលបច្ចុប្បន្ននេះក្រុមហ៊ុនបានកំពុងចាប់ផ្តើមដំណើរការសាងសង់អាកាសយានដ្ឋានអន្តរជាតិសៀមរាបថ្មី ចាប់តាំងពីថ្ងៃទី១៥ ខែមីនា ឆ្នាំ២០២០មកម្ល៉េះ និងគ្រោងបញ្ចប់ការសាងសង់ឱ្យរួចរាល់ជាស្ថាពរនៅថ្ងៃទី១៤ ខែមីនា ឆ្នាំ២០២៣ ដោយប្រើពេលវេលាទាំងអស់រយៈពេល៣៦ខែ។ លោកបញ្ជាក់ថា ចំពោះដំណើរការសាងសង់ក្រុមហ៊ុនបានសហការយ៉ាងជិតស្និទ្ធជាមួយក្រុមការងារបច្ចេកទេសរបស់រដ្ឋលេខាធិការដ្ឋានអាកាសចរស៊ីវិល ដោយផ្តោតសំខាន់ទៅនឹងការបំពាក់ឧបករណ៍បច្ចេកទេស និងរចនាបទអាកាសយានដ្ឋាន។
នាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល បានជំរុញ និងឯកភាពឱ្យក្រុមហ៊ុនសាងសង់អាកាសយានដ្ឋានអន្តរជាតិសៀមរាបអង្គរ (AIAI) និងក្រុមការងារបច្ចេកទេសរបស់រដ្ឋលេខាធិការដ្ឋានអាកាសចរស៊ីធ្វើការសហការគ្នាជាប្រចាំ ដើម្បីត្រូតពិនិត្យការងារបញ្ហប្រឈម រកដំណោះស្រាយ និងឱ្យមានការរៀបចំប្រជុំជារៀងរាល់ថ្ងៃទី២៥ ប្រចាំខែ ដើម្បី ពិនិត្យ លើវន្ឍនភាពការងារបច្ចេកទេស និងការសាងសង់អាកាសយានដ្ឋាន៕

ភ្នំពេញ ៖ ថ្លែងក្នុងសន្និសីទសារព័ត៌មានស្តីពីបច្ចុប្បន្នភាពជំងឺកូវីដ-១៩ នៅក្នុងប្រទេសកម្ពុជា នាព្រឹកថ្ងៃទី១១ ខែឧសភា ឆ្នាំ២០២០នេះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងថា ក្រសួងនឹងរឹតបន្តឹងឱ្យបានខ្លាំងក្លាបន្ថែមទៀតនៅព្រលានយន្តហោះ ដើម្បីទប់ស្កាត់ការនាំជំងឺកូវីដ-១៩ មកពីខាងក្រៅ។

លោករដ្ឋមន្ត្រីបានលើកឡើងថា “ខ្ញុំកំពុងចេញគោលការណ៍ប្រតិបត្តិនៅតាមអាកាសយាន្តដ្ឋាន ដើម្បីត្រួតពិនិត្យអ្នកចេញ-ចូលអាកាសយានដ្ឋាន ករណីនៅស្រុកខ្មែរ គឺករណីនាំចូល អញ្ចឹងត្រូវធ្វើឱ្យបានតឹងរឹងថែមទៀត”។ លោកបញ្ជាក់ថា ការរឹតបន្តឹងនេះ និងធ្វើឡើងដោយដាក់ម៉ាស៊ីនត្រួតពិនិត្យអ្នកធ្វើដំណើរទាំងអស់ ដើម្បីស្វែករកអ្នកជំងឺកូវីដ-១៩ ហើយដាក់ពង្រឹងការតាមដានជំងឺនេះបន្ថែមទៀតពីព្រោះ ករណីចូលស្រុកខ្មែរជាករណីនាំចូល ដូច្នេះយើងពង្រឹងឱ្យបានហ្មត់ចត់ថែមទៀត។

លោកម៉ម ប៊ុនហេង បានបន្តទៀតថា ការពង្រឹងនោះ ក្រសួងនឹងដាក់ប៉ាន័រ នៅតាមព្រលានយន្តហោះ ហើយអ្នកចេញ-ចូលព្រលានយន្ដហោះ ត្រូវមានលិខិតបញ្ជាក់ថាមិនមានវីរុសកូវីដ-១៩នោះទេ ហើយត្រូវពិនិត្យក្នុងរយៈពេល៧២ម៉ោង។ ចំពោះអ្នកទាំងនោះត្រូវធ្វើចក្តាឡីស័ក១៤ថ្ងៃ ហើយត្រូវបង់លុយទុក បន្ទាប់មកក្រុមចក្តាឡី ស័ក នឹងធ្វើការជាមួយអាកាសយាន្តដ្ឋានក្នុងការអនាម័យឱ្យកាន់តែល្អថែមទៀតដើម្បីធានាថា កម្ពុជាគ្មានជំងឺកូវីដ-១៩៕

ខេត្តកំពង់ចាម ៖ ដើម្បីចូលរួមប្រយុទ្ធប្រឆាំងនឹងជំងឺកូវីដ១៩ ក្រុមអ្នកជំនាញស្ម័គ្រចិត្តអង្គការសង្គ្រោះមេឃពណ៌ខៀវ នៃសាធារណរដ្ឋប្រជាមានិតចិនសហការជាមួយអាជ្ញាធរខេត្តកំពង់ចាមចុះបាញ់ថ្នាំសម្លាប់មេរោគទៅលើទីតាំងសំខាន់ៗ នៅទូទាំងខេត្តកំពង់ចាមរយៈពេល២ថ្ងៃចាប់ពីថ្ងៃទី១០-១១ ខែឧសភា ឆ្នាំ២០២០។

លោក ហាន កុសល អភិបាលរងខេត្តកំពង់ចាមបានឲ្យដឹងថា ការចុះបាញ់ថ្នាំសម្លាប់មេរោគដើម្បីចូលរួមបង្ការទប់ស្កាត់ការឆ្លងរីករាលដាលនៃជំងឺកូវីដ១៩នេះ គឺបានធ្វើឡើងនៅទីតាំងសំខាន់ៗ ចំនួន៥ទីតាំងក្នុងនោះរួមមាន ៖ ទីតាំងទី១ នៅវិហារឥស្លាម ស្ថិតក្នុងភូមិស្វាយតាហែន ឃុំរកាគយ ស្រុកកងមាស ជាទីកន្លែងដែលជនជាតិម៉ាឡេស៊ី ធ្វើពិធីសាសនានៅទីនោះ។ ទីតាំងទី២ វិហារឥស្លាម និងតាមផ្ទះប្រជាពលដ្ឋ នៅភូមិសាច់សូរ ឃុំពាមជីកង ស្រុកកងមាស ជាទីកន្លែងដែលរកឃើញបុរសជនជាតិខ្មែរ០១រូប បានឆ្លងជម្ងឺកូវីដ១៩ និងជនជាតិម៉ាឡេស៊ី ៨រូប មានផ្ទុកជម្ងឺកូវីដ១៩ ដែលមកស្នាក់នៅបណ្តោះអាសន្ន ដើម្បីធ្វើពិធីសាសនានៅទីនោះ។ ទីតាំងទី៣ នៅសណ្ឋាគាមេគង្គដែលជាទីកន្លែងសម្រាប់ដាក់ឲ្យនៅដាច់ដោយឡែកសម្រាប់អ្នកដែលបានប៉ះពាល់ដោយផ្ទាល់ជាមួយអ្នកជម្ងឺកូវីដ១៩។ទីតាំងទី៤ នៅចំណតរថយន្ត ផ្សារកំពង់ចាម និងទីតាំងទី៥ នៅមន្ទីរពេទ្យខេត្តកំពង់ចាម ដែលជាទីតាំងព្យាបាលអ្នកជំងឺកូវីដ១៩។  ក្នុង ការ បាញ់ ថ្នាំ សម្លាប់ មេរោគ នេះ ដែរ  ក្រុមអ្នកស្ម័គ្រចិត្តអង្គការសង្គ្រោះមេឃពណ៌ខៀវចិន មិនអនុញ្ញាតឲ្យប្រជាពលរដ្ឋ នៅលើផ្ទះ ឬបុគ្គលិក នៅតាមបន្ទប់ធ្វើការ ក្នុងកំឡុងពេលបាញ់ថ្នាំនោះឡើយ គឺត្រូវទុករយ:ពេលពី២០ទៅ ៣០នាទី ទើបអាចចូលផ្ទះ ឬធ្វើការងារ ធម្មតា វិញ បាន។ ក្រុមគ្រូពេទ្យចិនក៏បានបង្ហាត់បង្ហាញ និងបង្រៀនដល់ មន្ត្រី សុខាភិបាល  នៃមន្ទីរពេទ្យខេត្តកំពង់ចាម ដើម្បី ឲ្យពួកគាត់ចេះបាញ់ថ្នាំ ខណ:ថ្នាំនេះមានកម្រិតខ្ពស់ ដោយបាញ់ថ្នាំក្នុងបន្ទប់ ចំហាយវាអាចទៅសម្លាប់មេរោគបានដោយងាយផងដែរ។

ជាមួយ គ្នានោះ  លោក ហាន កុសល អភិបាលរងខេត្ត តំណាងលោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជម្ងឺកូវីដ១៩ បានទទួលស្វាគមន៌យ៉ាងកក់ក្តៅ និងថ្លែងអំណរគុណ  ចំពោះរដ្ឋាភិបាល និងប្រជាជនចិន, ក្រុមអ្នកជំនាញស្ម័គ្រចិត្តអង្គការសង្គ្រោះមេឃពណ៌ខៀវ នៃសាធារណរដ្ឋប្រជាមានិតចិន ដែលបានមកជួយបាញ់ថ្នាំសម្លាប់មេរោគ ដើម្បី ចូលរួម បង្ការ ទប់ស្កាត់ការឆ្លងរាតត្បាតនៃជម្ងឺកូវីដ១៩ នៅខេត្តកំពង់ចាម។

គួរបញ្ជាក់ផងដែរថា ក្រុមគ្រូពេទ្យជំនាញស្ម័គ្រចិត្តអង្គការសង្គ្រោះមេឃពណ៌ខៀវ នៃសាធារណរដ្ឋប្រជាមានិតចិនមានចំនួន១៨នាក់ បន្ទាប់ពីបានចុះបេសកម្មបាញ់ថ្នាំក្នុងខេត្តកំពង់ធំ រួចចុះបាញ់ថ្នាំនៅខេត្ត កំពង់ចាមនេះ ហើយនឹងបន្តដំណើរទៅបាញ់ថ្នាំសម្លាប់មេរោគកូវីដ១៩ នៅខេត្តត្បូងឃ្មុំផងដែរ៕ ដោយ ៖ ប៉ែន សុផល

ភ្នំពេញ ៖ ក្រសួងធនធានទឹក នៅថ្ងៃទី១១ ខែឧសភា ឆ្នាំ២០២០នេះ បានចេញសេចក្តីជូនដំណឹង ស្តីពី ស្ថានភាពធាតុអាកាស ចាប់ពីថ្ងៃទី១៣ ដល់ថ្ងៃទី១៩ ខែឧសភា ឆ្នាំ ២០២០។

ក្រសួងធនធានទឹក បានឲ្យដឹងថា តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើញថា ជ្រលង នៃសម្ពាធទាបបង្កើនឥទ្ធិពល មកលើភាគពាយ័ព្យ និងខាងជើងកម្ពុជា។ នៅថ្ងៃទី១៥ ខែឧសភា របបខ្យល់មូសុងនិរតីបក់មកលើកម្ពុជា ជាមួយនឹងការចាប់ផ្តើមមកដល់នូវរដូវវស្សា៕

ខេត្តកណ្ដាល ៖ នៅថ្ងៃអាទិត្យ០៤រោច ខែពិសាខ ឆ្នាំជូត ទោស័ក ព ស ២៥៦៤ត្រូវនឹងថ្ងៃទី១០ ខែឧសភា ឆ្នាំ២០២០ វេលាម៉ោង១០ និង៣០នាទីព្រឹក នៅចំណុច ដីចំការរបស់រដ្ឋមន្ត្រី ស៊ុន ចាន់ថុល ស្ថិតនៅក្នុងភូមិព្រែកបិ ឃុំកោះធំខ ស្រុកកោះធំ ខេត្តកណ្ដាល ត្រូវបានគេប្រទះឃើញរថយន្តម៉ាក FORD RANGER ពណ៌ក្រហមបាញ់ពណ៌ត្រេអ៊ីពីលើ ០១គ្រឿង គ្មានស្លាកលេខចង្កូតស្ដាំមានបែកចង្កៀងមុខខាងឆ្វេង មាន តង់ជ័រសំរាប់គ្របពីលើជិត។

យោងតាមការបំភ្លឺរបស់ឈ្មោះ ព្រំ គីមសេង ភេទស្ រីអាយុ៤៧ឆ្នាំ ជាអ្នកចាំដី បានឲ្យដឹងថា ខ្លួនបានឃើញរថយន្ដនេះនៅចតចោល នៅក្នុងដីនេះចាប់តាំងពីថ្ងៃទី២៥ ខែមេសាឆ្នាំ២០២០មក តែគាត់នឹកស្មានតែរថយនក្រុមឯកឧត្ដមរឺរថយន្ដរបស់មេជាងសំណង់ដែលកំពុងធ្វើសំណង់នៅក្នុងដីនេះ ម្លោះហើយក៏មិនបានសួរនាំដែរ លុះដល់ថ្ងៃទី០៩-ឧសភា-២០២០ខ្លួនគាត់បានចូលទៅបើកតង់មើលឃើញបែកចង្កៀងមុខខាងឆ្វេង រួចក៏បានទូរសព្ទ័រាយការជូនឯកឧត្ដមស៊ុនចាន់ថុល។

ប្រភពបន្តថា នៅពេលនោះលោកបានឲ្យរាយការណ៍ជូនសមត្ថកិច្ច រួចក៏បានរាយការណ៍ជូនមេឃុំ លុះថ្ងៃទី១០-ឧសភា-២០២០ទើបមេឃុំកោះធំបញ្ជូនគរបាលប៉ុស្ដិ៍កោះធំឲ្យចុះមកពិនិត្យ ក្រោយពីសមត្ថកិច្ចនគរបាលស្រុក ប៉ុស្ដិ៍ និងមេឃុំ ចុះមកពិនិត្យដល់កន្លែងរថយន្ដ ឃើញរថយន្ដមានភិនភាគដូចខាងលើ និងបានចាក់សោបិទគន្លឹះជាប់៕

ភ្នំពេញ ៖ នៅថ្ងៃទី១១ ខែឧសភា ឆ្នាំ២០២០នេះក្រសួងសុខាភិបាល បានចេញសេចក្តីប្រកាសថា មិនមានករណីឆ្លងជំងឺកូវីដ១៩ ហើយក៏ពុំមានករណីជាសះស្បើយដែរ ខណៈអ្នកជំងឺកូវីដ១៩ បានជាសះស្បើយសរុបចំនួន១២០នាក់។

ចំណែកអ្នកកំពុងសម្រាកព្យាបាលជំងឺកូវីដសរុបចំនួន២នាក់ នៃអ្នកឆ្លងសរុប១២២នាក់។ បើគិតត្រឹមព្រឹកថ្ងៃទី១១ ខែឧសភា ឆ្នាំ២០២០នេះ។ នេះបើតាមការប្រកាសរបស់ក្រសួងសុខាភិបាលដែលទទួលបានមុននេះបន្តិច៕