ខេត្តបាត់ដំបង ៖ កម្លាំងមន្ទីរបច្ចេកទេសសន្តិសុខនៃបញ្ជាការដ្ឋានកងរាជអាវុធហត្ថខេត្តបាត់ដំបង បានចុះ បង្ក្រាប និងឃាត់យករ៉ឺម៉កដឹកឈើ០១គ្រឿងខណៈ ដែលកំពុងដឹកជញ្ជូនឈើខុសច្បាប់ក្នុងបទល្មើ សជាក់ស្តែង។

លោកវរសេនីយ៍ត្រី ឡាច ប្រុស ប្រធានមន្ទីរបច្ចេកទេសសន្តិសុខ នៃទីបញ្ជាការដ្ឋានកងរាជអាវុធហត្ថខេត្តបាត់ដំបងបានអោយដឹងថា នៅក្នុ ងកិច្ចប្រតិបត្តិការខាងលើនេះធ្វើឡើងនៅវេលាម៉ោង ១៤និង០០នាទី ថ្ងៃទី២៦ ខែកុម្ភៈ ឆ្នាំ២០២០ នៅចំណុច ភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង។

ជាមួយគ្នាទៅនឹងកិច្ចប្រតិបត្តិការខាងលើនេះដែរ សមត្ថកិច្ចជំនាញបានធ្វើការឃាត់យករឺ ម៉កឈើ០១គ្រឿង ដែលក្នុងនោះមានឈើចំនួ ន០៦ដុំស្មើនឹង ០,៥៧០ ម៉ែត្រត្រីគុណជាប្រភេទឈើ សុក្រម និងម្ចាស់រឺម៉កឈ្មោះ រួប ថា ភេទប្រុស អាយុ៦១ឆ្នាំ មុខរបរធ្វើស្រែ រស់ នៅភូមិបាឡាត់ ឃុំនរា ស្រុកសង្កែ ខេត្តបាត់ដំបង។

ក្រោយប ង្ក្រាប ឈ្មោះ រួប ថា ជាម្ចាស់រ៉ឺម៉ កខាងលើបានអោយដឹងថា ឈើទាំងអស់នេះគឺលោកបានដឹកចេញពីរោងសិប្បកម្មមួយកន្លែងដែលមានម្ចាស់ឈ្មោះ ស្នា ដែលមានទីតាំងនៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ដើម្បីយកទៅអោយឈ្មួញដែលគេបានកម្ម៉ង់ទិញ។

ប ច្ចុប្បនរ៉ឹម៉កដឹកឈើជាមួយនិងឈើប្រណិតរួម ទាំងម្ចាស់ផងនោះត្រូវបានកម្លាំងមន្ទីរជំនាញរៀបចំសំណុំឯកសារដើម្បីប្រគល់ជូនអោ យទៅជំនាញរដ្ឋបាលព្រៃឈើចាត់ការបន្តតាមនីតិវិធី។

គួរបញ្ជាក់ផងដែរថា ក្រោយមានការចុះបង្ក្រាបយ៉ាងក្តៅគគុក ផ្អើលខេត្តបាត់ដំបងពីសំណាក់ក្រុមមន្ត្រីជំនាញរយៈ ពេលកន្លងមកនេះ គេសង្កេតឃើញថាទីតាំ ងរោងកែច្នៃអនុផលព្រៃឈើច្រើនកន្លែងបាន បិទទ្វារ និងមិនមានការដឹកជញ្ជូនឈើចេញ ចូលបន្ថែមនោះទេ ដោយឡែកទីតាំងដែលមានម្ចាស់ឈ្មោះ ស្នា ដែលគេស្គាល់ថាជាមន្ត្រីយោធាម្នាក់ផងនោះ នៅតែបន្តបើក ដំណើរការបានយ៉ាងរលូនជារៀងរាល់ថ្ងៃ ទាំងការកែច្នៃ ទាំងការជួ ញដូរដឹកជញ្ជូនចល័តឈើតាមរយៈ រឺម៉ក និងរ ថយន្តទំនើបៗផងដែរ៕ ដោយ ៖ ប៉ែនសុផល

ភ្នំពេញ ៖ សភាកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ ពីថ្ងៃទី២៦ ដល់ថ្ងៃទី២៧ ខែតុលា ឆ្នាំ២០២០ ហើយដើម្បីរៀបចំកិច្ចប្រជុំនេះឲ្យទទួលបានជោគជ័យ គណៈកម្មការ រៀបចំកិច្ចប្រជុំភាពជាដៃគូសភាអាស៊ី-អឺរ៉ុបលើកទី១១នេះ បានប្រជុំត្រួតពិនិត្យលទ្ធផលការងារ ដែលបាន អនុវត្តនាពេលកន្លងមក និងដាក់ទិសដៅអនុវត្តបន្តក្នុងការត្រៀមរៀបចំកិច្ចប្រជុំ។

លោកបណ្ឌិត ងួន ញ៉ិល អនុប្រធានទី១ នៃរដ្ឋសភា និងជាប្រធានគណៈកម្មការរៀបចំកិច្ចប្រជុំ ភាពជាដៃគូសភាអាស៊ី-អឺរ៉ុបលើកទី១១ បានគូសបញ្ជាក់ថា បន្ទាប់ពីបានត្រៀមរៀបចំចាត់ចែងអស់រយៈ ពេលជាច្រើនខែមក ពេលនេះ គឺជាពេលវេលាផ្តើមអនុវត្តការងារជាក់ស្តែងដូចជា ការកក់សណ្ឋាគារ សម្រាប់កន្លែងរៀបចំកិច្ចប្រជុំ និងរថយន្តដឹកគណៈប្រតិភូជាដើម។ ចំពោះខ្លឹមសារ និងទម្រង់លិខិត អញ្ជើញគណៈប្រតិភូបរទេសចូលរួមប្រជុំ និងសារលិខិតស្វាគមន៍របស់ប្រធានកិច្ចប្រជុំភាពជាដៃគូសភា អាស៊ី-អឺរ៉ុបលើកទី១១ បានដាក់ជូនថ្នាក់ដឹកនាំពិនិត្យសម្រេចហើយ។

បន្ទាប់ពីការជជែកលើបញ្ហាច្រើន ពិសេសនីតិវិធីនិងគោលការណ៍របស់កិច្ចប្រជុំរួចមក ឯកឧត្តមបណ្ឌិត ងួន ញ៉ិល បានណែនាំដល់សមា ជិកទាំងអស់បន្តខិតខំបំពេញការងារគ្រប់មុខសញ្ញា ក្នុងស្មារតីហ្មត់ចត់ គ្រប់ជ្រុងជ្រោយ ប្រកបដោយការទទួលខុសត្រូវ ដើម្បីជាផលប្រយោជន៍ជាតិទំាងមូល៕

ភ្នំពេញ ៖ ពីទីក្រុងម៉ាឌ្រីដ ប្រទេសអេស្ប៉ាញ និង ទីក្រុងហ្សឺណែវ ប្រទេសស្វ៊ីស ថ្ងៃទី២៦ ខែកុម្ភៈ ឆ្នាំ២០២០ អង្គការទេសចរណ៍ពិភពលោក និងអង្គការសុខភាពពិភពលោក បានចេញនូវសេចក្ដីថ្លែងការណ៍រួមមួយ ស្ដីពីទេសចរណ៍ និង Covid-19 ខណៈដែលការរីករាយដាលនៃជំងឺនេះនៅតែបន្តកើតមាន ដោយអង្គការ ពិភពលោកទាំងពីរនេះបានប្តេជ្ញាធ្វើការរួមគ្នាក្នុងការណែនាំតម្រង់ទិសទៅលើការឆ្លើយតបរបស់វិស័យទេសចរណ៍ និងការធ្វើដំណើរទៅនឹងវិបត្តិ Covid-19 នេះ ព្រមទាំងបានអំពាវនាវឲ្យមានការទទួលខុសត្រូវ និង កិច្ចសម្របសម្រួលពីគ្រប់ភាគីពាក់ព័ន្ធ។

គួររំលឹកថា ៖ កាលពីថ្ងៃទី៣០ ខែមករា ឆ្នាំ២០២០ អគ្គនាយកអង្គការសុខភាពពិភពលោក បាន ប្រកាសអំពីការរាតត្បាតនៃ Covid-19 ជាភាពអាសន្នសម្រាប់សុខភាពសាធារណៈដែលជាកង្វល់អន្តរជាតិ
ហើយបានដាក់ចេញនូវអនុសាសន៍បណ្តោះអាសន្នមួយចំនួន។

អង្គការសុខភាពពិភពលោកមិនបានផ្តល់ អនុសាសន៍ឲ្យមានការរឹតបន្តឹងលើពាណិជ្ជកម្ម ឬការធ្វើដំណើរណាមួយឡើយ ហើយបច្ចុប្បន្ន អង្គការ សុខភាពពិភពលោកកំពុងបំពេញការងារជាមួយនឹងអ្នកជំនាញពិភពលោក រដ្ឋាភិបាល និងដៃគូរនានា យ៉ាងជិតស្និទ្ធ សំដៅពង្រីកឲ្យបានឆាប់រហ័សនូវការយល់ដឹងបែបវិទ្យាសាស្រ្តស្តីពីមេរោគថ្មីនេះ ដោយធ្វើ ការតាមដានអំពីការឆ្លង និងឥទ្ធិពលអាក្រក់របស់វា ព្រមទាំងផ្តល់ការណែនាំដល់ប្រទេសនានា និង សហគមន៍សកលលោកស្តីពីវិធានការការពារសុខភាព និងទប់ស្កាត់ការឆ្លងនៃការផ្ទុះឡើងនៃមេរោគនេះ។

ដោយឡែកចំពោះកិច្ចសហប្រតិបត្តិការជាគន្លឹះក្នុងវិស័យទេសចរណ៍ គឺមានការប្តេជ្ញាយ៉ាងមុតមាំ តម្កល់ពលរដ្ឋ និងសុខុមាលភាពរបស់ពលរដ្ឋជាអាទិភាព ដែលកិច្ចសហប្រតិបត្តិការអន្តរជាតិមានតួនាទី ស្នូលយ៉ាងសំខាន់ក្នុងការធានាឲ្យវិស័យនេះអាចចូលរួមទប់ស្កាត់ជម្ងឺ Covid-19 ប្រកបដោយប្រសិទ្ធភាព។ អង្គការទេសចរណ៍ពិភពលោក និងអង្គការសុខភាពពិភពលោក កំពុងសហការប្រឹក្សាយោបល់គ្នា យ៉ាងជិតស្និទ្ធជាមួយនឹងដៃគូរផ្សេងៗទៀត សំដៅជួយដល់បណ្តារដ្ឋទាំងឡាយឲ្យធានាបានការអនុវត្តវិធានការសុខភាពប្រកបដោយប្រសិទ្ធភាព និងកាត់បន្ថយឲ្យនៅតិចបំផុតនូវការរារាំងមិនចាំបាច់ដល់ចរាចរណ៍ និងពាណិជ្ចកម្មអន្តរជាតិ ដោយការឆ្លើយតបពីវិស័យទេសចរណ៍ទាមទារឲ្យមានការថ្លឹងថ្លែង សមស្របទៅតាមភាពគម្រាមកំហែងសុខភាពសាធារណៈ និងផ្អែកទៅលើការវាយតម្លៃហានិភ័យក្នុងស្រុក តាមរយៈការជំរុញឲ្យមានការចូលរួមពីគ្រប់ផ្នែកទាំងអស់នៃសង្វាក់តម្លៃទេសចរណ៍មានដូចជា ស្ថាប័នសាធារណៈ ក្រុមហ៊ុនឯកជន និងភ្ញៀវទេសចរ ស្របតាមអនុសាសន៍ និងគោលការណ៍ណែនាំជាទូទៅ របស់អង្គការសុខភាពពិភពលោក ហើយថា អង្គការទេសចរណ៍ពិភពលោក និងអង្គការសុខភាពពិភព លោកត្រៀមខ្លួនរួចជាស្រេចដើម្បីបំពេញការងារយ៉ាងជិតស្និទ្ធជាមួយគ្រប់សហគមន៍ទាំងអស់ និងប្រទេស ទាំងឡាយដែលរងការប៉ះពាល់ដោយភាពអាសន្នសុខភាពបច្ចុប្បន្ន សំដៅចូលរួមកសាងអនាគតមួយកាន់តែប្រសើរ និងកាន់តែរឹងមាំ៕

ភ្នំពេញ ៖ ក្រសួងការងារ និង បណ្តុះបណ្តាលវិជ្ជាជីវៈ នៅព្រឹកថ្ងៃទី២៧ ខែកុម្ភៈ ឆ្នាំ២០២០ នេះ បានរៀបចំអបអរសាទរ ទិវានារីអន្តរជាតិ ៨មីនា ខួបលើកទី១០៩ ឆ្នាំ២០២០ ក្រោមប្រធានបទ “មានសន្តិភាពមានការលើកកម្ពស់សមភាពយេនឌ័រ” ក្នុងចេតនាបន្តរំលេចពីតម្លៃ ដែលមិនអាចកាត់ថ្លៃបាននៃសន្តិភាព និង“អរគុណសន្តិភាព” ដែលបានប្រែក្លាយប្រទេសកម្ពុជា ពីគំនរផេះផង់បែកបាក់ជាតិ និងបែងចែកទឹកដីទៅជាទឹកដីប្រកបដោយសន្តិភាព ស្ថិរភាព សេរីភាព ប្រជាធិបតេយ្យ នីតិរដ្ឋ និងកំពុងអភិវឌ្ឍដ៏ខ្លាំងក្លាលើគ្រប់វិស័យ ព្រមទាំងចូលរួមដោយស្មើភាព និងស្មើសិទ្ធិជាមួយបណ្តាប្រទេសនានា ទាំងក្នុងតំបន់ និងលើសកលលោក។

ក្នុងឱកាសអញ្ជើញ សំណេះសំណាលជាមួយ មន្ត្រីរាជការជាស្ត្រីនៃក្រសួងការងារ និង បណ្តុះបណ្តាលវិជ្ជាជីវៈ លោកបណ្ឌិត អ៊ិត សំហេង បានគាំទ្រពេញទំហឹង ពោះប្រធានបទ សម្រាប់ទិវាអន្តរជាតិនារី ៨មីនាឆ្នាំនេះ ឆ្លើយតបទៅនឹងបរិបទបច្ចុប្បន្នរបស់ប្រទេសកម្ពុជា ព្រោះថា ការរក្សាបាននូវសុខសន្តិភាព និងស្ថេរភាពនយោបាយ គឺជាបុរេលក្ខខណ្ឌដ៏ចាំបាច់ ដើម្បីអនុញ្ញាតិឱ្យរដ្ឋាភិបាលមួយ មានលទ្ធភាពផ្តោតការយកចិត្តទុកដាក់លើកិច្ចអភិវឌ្ឍសេដ្ឋកិច្ច សង្គម និងសុខមាលភាពប្រជាជន។ បើគ្មានសន្តិភាព នោះអ្វីៗគ្រប់យ៉ាងនឹងត្រូវបាត់បង់។

លោករដ្ឋមន្រ្តីបានគូសបញ្ជាក់ថា សមភាពយេនឌ័រ ជាកត្តាចម្បង ក្នុងការធានានូវចីរភាព នៃសន្តិភាព បរិយាប័ន្ន និងនិរន្តរភាពយូរអង្វែងនៃសន្តិភាព។ សមភាពយេនឌ័រ និងការបង្កើនភាពអង់អាចដល់ស្ត្រី និងក្មេងស្រី គឺជារបៀបវារៈ ដែលត្រូវបានរាជរដ្ឋាភិបាលផ្តោតការយកចិត្តទុកដាក់ និងគាំទ្រយ៉ាងខ្លាំងក្លា ដើម្បីជំរុញឱ្យពួកគេក្លាយជាកម្លាំងចលករចូលរួមចំណែកយ៉ាងសកម្ម ក្នុងកិច្ចអភិវឌ្ឍ និងក្លាយជាឆ្អឹងខ្នងដ៏រឹងមាំនៃសេដ្ឋកិច្ច និងសង្គមជាតិ។

ឆ្លើយតបទៅនឹងការលើកកម្ពស់សមភាពយេនឌ័រនេះ ក្រសួងការងារ និងបណ្តុះបណ្តាលវិជ្ជាជីវៈ បានបញ្រ្ជាបការងារយេនឌ័រ ទៅក្នុងផែនការយុទ្ធសាស្រ្តអភិវឌ្ឍ វិស័យការងារ និងបណ្តុះបណ្តាលវិជ្ជាជីវៈ ឆ្នាំ២០១៩-២០២៣ ត្រង់កម្មវិធី ទី៤ នៃយុទ្ធសាស្រ្តទី០៥ ចង្កោមសកម្មភាពទី៧ និងបានរៀបចំផែនការយុទ្ធសាស្ត្របញ្ជ្រាបយេនឌ័រ ក្នុងវិស័យការងារ និងបណ្តុះបណ្តាលវិជ្ជាជីវៈ ដំណាក់កាលទី៤ ឆ្នាំ២០១៩-២០២៣ ដែលបង្ហាញនូវ ការប្តេជ្ញាចិត្តក្នុងការចូលរួមលើកកម្ពស់សមភាពយេនឌ័ររបស់ក្រសួងការងារ។
តាមរបាយការណ៍របស់ស្ថាប័នវេទិកាសេដ្ឋកិច្ចពិភពលោក បានបង្ហាញថា គម្លាតយេនឌ័រ នៅក្នុងប្រទេសកម្ពជាត្រូវបានកាត់បន្ថយគួរជាទីកត់សម្គាល់ ដោយថយចុះពីចំណាត់ថ្នាក់ទី១១២ ក្នុងឆ្នាំ២០១៦ មកត្រឹមចំណាត់ថ្នាក់ទី ៨៩ ក្នុងឆ្នាំ២០២០។ ការផ្តល់ចំណាត់ថ្នាក់នេះផ្អែកលើកត្តាចំបងៗ៤ គឺការបង្កើនការចូលរួមរបស់ស្រ្តី ក្នុងវិស័យសេដ្ឋកិច្ច សមភាពយេនឌ័រ ក្នុងវិស័យអប់រំ,ស្ថានភាពសុខភាពស្រ្តី និងសមភាពយេនឌ័រ ក្នុងតួនាទីជាអ្នកធ្វើសេចក្តីសម្រេចក្នុងវិស័យសាធារណៈនិងនយោបាយ៕

ខេត្តក្រចេះ ៖ កូនសត្វផ្សោតទើបកើតថ្មីមួយក្បាល អាយុកាលប្រហែល ២ថ្ងៃ ត្រូវបានគេប្រទះឃើញក្នុងហ្វូងផ្សោតធំ ចំនួន៤ក្បាល នៅត្រង់ដំណុចអន្លង់ផ្សោតកាំពី ស្ថិតក្នុងភូមិកាំពី ឃុំសំបុក ស្រុកចិត្របុរី ខេត្តក្រចេះ ដោយក្រុមការងារស្រាវជ្រាវសត្វផ្សោត។នេះបើយោងតាមការចុះផ្សាយរបស់អង្គការ WWF-កម្ពុជា នៅថ្ងៃទី២៥ ខែកម្ភ: ឆ្នាំ២០២០។
WWF-កម្ពុជា បញ្ជាក់ថា កូនសត្វផ្សោតថ្មីនេះ ជាកូនផ្សោតទីបីហើយ ដែលត្រូវបានអ្នកវិទ្យាសាស្ត្រកត់ត្រាថាទុកនៅដើមឆ្នាំ២០២០។
គួររំឭកថា កាលពីដើមខែកុម្ភៈ កន្លងទៅនេះ ក្រុមការងារស្រាវជ្រាវ និងតាមដានសត្វផ្សោតទន្លេមេគង្គ នៃរដ្ឋបាលជលផល ខណ្ឌរដ្ឋបាលជលផលខេត្តក្រចេះ ស្ទឹងត្រែង និងអង្គការ WWF-កម្ពុជា បានចុះសិក្សា និងតាមដានចំនួនសត្វផ្សោតទន្លេមេគង្គ ដើម្បីធ្វើការវិភាគអត្តសញ្ញាណរបស់សត្វផ្សោត ដែលរស់នៅតាមដងទន្លេមេគង្គចម្ងាយ ១៩០ គ.ម ចាប់ពីទីរួមខេត្តក្រចេះ រហូតដល់ព្រំប្រទល់ឡាវ ក្នុងខេត្តស្ទឹងត្រែង។ ខណៈនោះ ក្រុមការងារក៏បានកត់ត្រាទុកនូវកំណើតកូនផ្សោតថ្មីចំនួន ២ក្បាលខាងលើនេះរួចហើយ ដែរ៕

ខេត្តព្រះសីហនុ ៖ ថ្ងៃពុធ ៤កើត ខែផល្គុនឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី២៦ ខែកុម្ភៈ​ ឆ្នាំ​២០២០​ ​ លោក គួច​ ចំរើន​ អភិបាល​ នៃ​គណៈអភិបាល​ខេត្ត​ព្រះសីហនុ​ និងមន្រ្តីក្រោមឱវាទត្រូវបានអញ្ជើញចូលរួមពិសារអាហារសាមគ្គី ដែលរៀបចំឡើងដោយក្រុមនាវឹករបស់នាវា Westerdam ដើម្បីជាការថ្លែងអំណរគុណ មុនពេលនាវាចាកចេញពីកំពង់ផែក្រុងព្រះសីហនុ។

ក្នុងពិធីនេះ​ លោកមេបញ្ជាការនាវា បានថ្លែងកោតសរសើរដល់​សម្តេចតេជោ​ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រកម្ពុជា ថ្នាក់ដឹកនាំម​ន្ត្រីរាជការគ្រប់លំដាប់ថ្នាក់ ជាពិសេសប្រជាពលរដ្ឋកម្ពុជានូវទឹកចិត្តមនុស្សធម៌ និងគ្មានការរើសអើងដោយបានអនុញ្ញាត​ទទួលយកនាវា Westerdam នាវឹកនិងភ្ញៀវទេសចរណ៍ទាំងអស់​ចូលមកកាន់កំពង់ផែក្រុងព្រះសីហនុ​ និងជួយសម្របសម្រួលនូវសេចក្តីត្រូវការគ្រប់បែបយ៉ាង ជាពិសេសជួយដល់ដំណើរត្រលប់ទៅកាន់ប្រទេសកំណើតរបស់ភ្ញៀវទេសចរណ៍នៅលើទទួលបានជោគជ័យលើសពីការរំពឹងទុក។ យើងខ្ញុំទាំងអស់គ្នានឹងចងចាំអំពីកម្ពុជា នឹងប្រាប់ដល់កូនចៅជំនាន់ក្រោយពីទឹកចិត្តដ៏ល្អប្រពៃនេះ។

ជាមួយនេះផងដែរ​ លោក គួច​ ចំរើន​ អភិបាល នៃគណៈអភិបាលខេត្តព្រះសីហនុ​ បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់នាវឹកទាំងអស់​ និងបានជូនពរដល់ក្រុមនាវឹក និងអ្នករួមដំណើរទាំងអស់ទទួលបានសេចក្តីសុខសុវត្ថិភាព ក្នុងដំណើរវិលត្រលប់កាន់គោលដៅបន្តនាពេលខាងមុខនេះ ហើយយើងខ្ញុំរីករាយស្វាគមន៏ដល់ក្រុមនាវឹក និងភ្ញៀវទេសចរទាំងអស់​នៃនាវា​ Westerdam មកកំសាន្តនៅខេត្តព្រះសីហនុ​ជាបន្តទៀត​៕

ខេត្តស្ទឹងត្រែង ៖ ក្រុមឈ្មួញមុខសញ្ញាចាស់នៅតែបន្តធ្វើសកម្មភាព ដឹកជញ្ចូនបទល្មើសអនុផលព្រៃឈើ ដឹកតាមរថយន្តគ្រប់ធុនគ្រប់ម៉ាកចេញពីស្រុកសៀមប៉ាង មកកាន់ខេត្តសឹ្ទងត្រែង ដើម្បីយកមកចែកចាយតាមរោងសិប្បកម្មកែច្នៃអត់ច្បាប់ដែលលាក់នៅតាមផ្ទះ និងក្នុងដីឡូត៍មួយកន្លែងរបស់អ្នកធំម្នាក់សុំមិនបញ្ចេញឈ្មោះ ស្ថិតនៅភូមិស្រែពោធិ៍ សង្កាត់ស្រះឫស្សី ក្រុង- ខេត្តស្ទឹងត្រែង  ក្នុងទីតាំងដីឡូត៍ខាងលើនេះ រួចធ្វើការរឹបអូសបានឈើជាច្រើនម៉ែត្រគីប នាពេលព្រេឹកថ្ងៃទី២៦ ខែកុម្ភៈឆ្នាំ ២០២០ នេះ។

នាយការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទឹងត្រែង បានឲ្យដឹងថា កម្លាំងនគរបាលប្រឆាំងបទល្មើសសេដ្ឋកិច្ច បានអង្កេតតាមដាន សកម្មភាពដឹក ឈើ និងបើកសិប្បកម្មកែច្នៃឈើអត់ច្បាប់នៅក្នុងដីឡូត៍នេះ ជាលក្ខណៈធ្វើអាជីវកម្ម ដឹកទៅលក់នៅក្រៅតំបន់ ទើបបានសមត្ថកិច្ច សម្រេចបង្ក្រាប។

នាយរងផ្នែករដ្ឋបាលព្រៃឈើ លោក សុខ ស៊ីដា បានឪ្យដឹងនៅរសៀលថ្ងៃទី២៦ ខែកុម្ភ: ថា ករណីបង្រ្កាបបទល្មើសអនុផលព្រៃឈើ ខាងលើនោះ សហការជាមួយកងកម្លាំងអាវុធ ហត្ថ និងនាយការិយាល័យប្រឆាំងបទល្មើសសេដ្ឋនគរបាលស្នងការខេត្ត សម្របសម្រួលដោយព្រះរាជអាជ្ញារងអមសាលាដំបូង ខេត្តសឹ្ទងត្រែង។

លោកបានបញ្ជាក់ថា ការបង្រ្កបបទល្មើសក្នុងទីតាំងដីឡូត៍របស់អ្នកធំម្នាក់ខាងលើនេះ គឺជាប្រភេទឈើប្រណីត ដែលក្រុមឈ្មួញយកមកធ្វើអាជីវកម្មមិនមែនឈើធ្វើផ្ទះនោះទេ។

លោកបានបន្តទៀតថា រដ្ឋបាលព្រៃឈើ កំព ងតែដឹកជញ្ជូនឈើ នៅមិនទាន់ដឹងចំនួនឈើពិត្រប្រាកដនោះទេ ហើយនិងកំពុងតែស្រាវ ជ្រាវរកបក្ខអ្នកពាក់ព័ន្ធក្នុងរឿងនេះ ៕

ម៉ាឌ្រីដ, អេស្ប៉ាញ និងហ្សឺណែវ, ស្វីស ៖ កាលពីថ្ងៃទី ២៦ ខែកុម្ភៈ ឆ្នាំ២០២០ អង្គការទេសចរណ៍ពិភពលោក (UNWTO) និងអង្គការសុខភាពពិភពលោក (WHO) បានចេញសេចក្តីថ្លែងការណ៍រួមស្តីពីទេសចរណ៍ និង Covid-19 ដោយបានអំពាវនាវឲ្យមានការទទួលខុសត្រូវ និងកិច្ចសម្របសម្រួល។ សេចក្តីថ្លែងការណ៍នេះ មានខ្លឹមសារដូចខាងក្រោម៖

ក្នុងខណៈដែលការរីករាយដាលនៃជម្ងឺវីរុសកូរ៉ូណាបច្ចុប្បន្ននៅតែបន្តកើតមាន អង្គការសុខភាពពិភពលោក និងអង្គការទេសចរណ៍ពិភពលោកប្តេជ្ញាធ្វើការរួមគ្នាក្នុងការណែនាំតម្រង់ទិសទៅលើការឆ្លើយតបរបស់វិស័យទេសចរណ៍ និងការធ្វើដំណើរ ទៅនឹងវិបត្តិ Covid-19 នេះ។

នៅថ្ងៃទី៣០ ខែមករា ឆ្នាំ២០២០ អគ្គនាយកអង្គការសុខភាពពិភពលោក បានប្រកាសអំពីការរាតត្បាតនៃ Covid-19 ជាភាពអាសន្នសុខភាពសាធារណៈដែលជាកង្វល់អន្តរជាតិ ហើយបានដាក់ចេញនូវអនុសាសន៍បណ្តោះអាសន្នមួយចំនួន។ អង្គការសុខភាពពិភពលោកមិនបានផ្តល់អនុសាសន៍ ឲ្យមានការរឹតបន្តឹងលើពាណិជ្ជកម្ម ឬការធ្វើដំណើរណាមួយឡើយ ផ្អែកតាមព័ត៌មានទទួលបាននាពេលបច្ចុប្បន្ន។ អង្គការសុខភាពពិភពលោកកំពុងបំពេញការងារជាមួយនឹងអ្នកជំនាញពិភពលោក រដ្ឋាភិបាល និងដៃគូរនានាយ៉ាងជិតស្និទ្ធ សំដៅពង្រីកឲ្យបានឆាប់រហ័សនូវការយល់ដឹងបែបវិទ្យាសាស្រ្តស្តីពីមេរោគថ្មីនេះ តាមដានអំពីការឆ្លងនិងឥទ្ធិពលអាក្រក់របស់វា ព្រមទាំងផ្តល់ការណែនាំដល់ប្រទេសនានា និងសហគមន៍សកលលោក ស្តីពីវិធានការការពារសុខភាព និងទប់ស្កាត់ការឆ្លងនៃការផ្ទុះឡើងនៃមេរោគនេះ។

កិច្ចសហប្រតិបត្តិការជាគន្លឹះ

វិស័យទេសចរណ៍មានការប្តេជ្ញាមុតមាំ តម្កល់ប្រជាពលរដ្ឋ និងសុខមាលភាពរបស់ពលរដ្ឋជាអាទិភាព ហើយកិច្ចសហប្រតិបត្តិការអន្តរជាតិមានតួនាទីស្នូលយ៉ាងសំខាន់ក្នុងការធានាឲ្យវិស័យនេះ អាចចូលរួមទប់ស្កាត់ជម្ងឺ Covid-19 ប្រកបដោយប្រសិទ្ធភាព។ អង្គការទេសចរណ៍ពិភពលោក និងអង្គការសុខភាពពិភពលោកកំពុងសហការប្រឹក្សាយោបល់គ្នាយ៉ាងជិតស្និទ្ធ ជាមួយនឹងដៃគូផ្សេងៗទៀត សំដៅជួយដល់បណ្តារដ្ឋទាំងឡាយឲ្យធានាបានការអនុវត្តវិធានការសុខភាពប្រកបដោយប្រសិទ្ធភាព និងកាត់បន្ថយឲ្យនៅតិចបំផុតនូវការរារាំងមិនចាំបាច់ដល់ចរាចរណ៍ និង ពាណិជ្ចកម្មអន្តរជាតិ។ ការឆ្លើយតបពីវិស័យទេសចរណ៍ ទាមទារឲ្យមានការថ្លឹងថ្លែងសមស្របទៅតាមភាពគម្រាមកំហែងសុខភាពសាធារណៈ និងផ្អែកទៅលើការវាយតម្លៃហានិភ័យក្នុងស្រុក តាមរយៈការជំរុញឲ្យមានការចូលរួមពីគ្រប់ផ្នែកទាំងអស់នៃសង្វាក់តម្លៃទេសចរណ៍ មានដូចជា ស្ថាប័នសាធារណៈ ក្រុមហ៊ុនឯកជន និងភ្ញៀវទេសចរ ស្របតាមអនុសាសន៍ និងគោលការណ៍ណែនាំជាទូទៅរបស់អង្គការសុខភាពពិភពលោក។

អង្គការទេសចរណ៍ពិភពលោក និងអង្គការសុខភាពពិភពលោកត្រៀមខ្លួនរួចជាស្រេច ដើម្បីបំពេញការងារយ៉ាងជិតស្និទ្ធ ជាមួយគ្រប់សហគមន៍ទាំងអស់ និងប្រទេសទាំងឡាយដែលរងការប៉ះពាល់ដោយភាពអាសន្ននៃសុខភាពបច្ចុប្បន្ន សំដៅចូលរួមកសាងអនាគតមួយកាន់តែប្រសើរ និងកាន់តែរឹងមាំ។ ការរឹតបន្តឹងលើការធ្វើដំណើរទាំងឡាយណាដែលឃ្លាតឆ្ងាយពីស្មារតីខាងលើ អាចបណ្តាលឲ្យមានការរំខានមិនចាំបាច់ដល់ចរាចរណ៍អន្តរជាតិ រួមទាំងផលប៉ះពាល់អវិជ្ជមានលើវិស័យទេសចរណ៍ផងដែរ។

ស្ថិតក្នុងដំណាក់កាលប្រឈមនេះ អង្គការសុខភាពពិភពលោកសូមចូលរួមជាមួយសហគមន៍អន្តរជាតិទាំងអស់ ដើម្បីរក្សាសាមគ្គីភាពជាមួយប្រទេសរងផលប៉ះពាល់នានា៕