ខេត្តព្រៃវែង ៖ នៅថ្ងៃព្រហស្បតិ៍ ១ កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែធ្នូ ឆ្នាំ២០១៩ លោក ស្រ៊ុន ដារិទ្ធិ រដ្ឋលេខាធិការក្រសួងបរិស្ថាន អញ្ចើញជាអធិបតីបើកកិច្ចពិគ្រោះយោបល់ថ្នាក់ខេត្តស្តីពី «ការដាក់បញ្ចូលតំបន់ដី សើមបឹងស្នេហ៍ជាតំបន់ការពារធម្មជាតិ» នៅក្នុងខេត្តព្រៃវែង។
វេទិកានេះមានការអញ្ជើញចូលរួមផងដែរពីលោកស្រី លៀង ស្រីម៉ុល អភិបាលរងនៃគណៈអភិបាលខេត្តព្រៃវែង ថ្នាក់ដឹកនាំ មន្រ្តីជំនាញក្រសួងបរិស្ថាន ក្រសួង ស្ថាប័នពាក់ព័ន្ធ តំណាងរដ្ឋបាលខេត្ត រដ្ឋបាលស្រុក អាជ្ញាធរមូលដ្ឋាន និងតំណាងសហគមន៍ជាច្រើននាក់។
លោកស្រី លៀង ស្រីម៉ុល បានឱ្យដឹងថា ប្រព័ន្ឋអេកូឡូស៊ីតំបន់បឹងស្នេហ៍បានដើរតួនាទីយ៉ាងសំខាន់ និងជាប្រភពទឹកសម្រាប់ប្រជាពលរដ្ឋរស់នៅជុំវិញប្រមាណជាង១៤ឃុំដែលប្រើប្រាស់ពីបឹងនេះ សម្រាប់ស្រោចស្រព្វដំណាំស្រូវប្រាំងជាងរាប់ម៉ឺនហិកតា ដែលអាចបង្កបង្កើនផល២ ទៅ៣ដងក្នុងមួយឆ្នាំ។ លោកស្រីបានបញ្ចាក់ដែរថា កន្លងមកមានកំណើនប្រជាជនដែលរស់នៅជុំវិញបឹងស្នេហ៍ កំណើនតម្រូវការអុសដុត និងរុករានដីព្រៃលិចទឹក ដើម្បីធ្វើកសិកម្ម។
ក្នុងឱកាសនោះ លោក ស្រ៊ុន ដារិទ្ធិ បានលើកឡើងថា ប្រភេទសត្វស្លាបមួយចំនួនជាប្រភេទជិតផុតពូជ និងកំពុងរងការគំរាមកំហែងនៅលើពិភពលោក ដូចជាប្រភេទស្មោញ ទុងប្រផេះ រនាលណ៍ ត្រយ៉ងខ្លួនស ត្រដក់តូច និងជាពិសេសប្រភេទ ចង្កៀលខ្យង ដែលកំពុងបន្តពូជពងកូនរាប់ពាន់ក្បាល នៅចំណុចទួលពាន់តាឡី នៃតំបន់ដីសើមបឹងស្នេហ៍នេះ។ ក្រសួងបរិស្ថានមានគោលបំណងអភិរក្សប្រភេទជីវៈចម្រុះ សត្វស្លាបទាំអងស់នេះ ដើម្បីប្រយោជន៍គោលដៅទេសចរណ័ធម្មជាតិដ៏សំខាន់មួយ សម្រាប់សហគមន៍ ។
លោកបន្តទៀតថា ដោយឈរលើតម្លៃសេដ្ឋកិច្ច និងតម្លៃជីវៈចម្រុះ រដ្ឋបាលខេត្តបានស្នើការសហការពីក្រសួងបរិស្ថានក្នុងការដាក់បញ្ចូលតំបន់ដីសើមបឹងស្នេហ៍នេះ ទៅជាតំបន់ការពារធម្មជាតិ ដើម្បីលើកកម្ពស់ជីវភាពសហគមន៍មូលដ្ឋាន ក៏ដូចជាការប្រើប្រាស់ដោយឈ្លាសវៃ និងនិរន្តភាពនូវធនធានតំបន់ដីសើមនេះ។
តាមរយៈការងារនេះ សក្តានុពលតំបន់បឹងស្នេហ៍ នឹងទទួលបានការចូលរួមការពារធនធានធម្មជាតិ និងការអភិវឌ្ឍសហគមន៍មូលដ្ឋាន។ ក្រសួងបរិស្ថានបានការគាំទ្រជាឯកឆន្ទ ចំពោះការដាក់បញ្ចូលតំបន់ដីសើមបឹងស្នេហ៍នេះ ទៅជាតំបន់ការពារធម្មជាតិ ដើម្បីធានាដល់កិច្ចការពារ ការថែរក្សា ធនធានធម្មជាតិតំបន់ដីសើមបឹងស្នេហ៍នេះ ឱ្យនៅគង់វង្ស សម្រាប់ផលប្រយោជន៍ និងកាអភិវឌ្ឍរបស់សហគមន៍មូលដ្ឋាន ក៏ដូចជាសម្រាប់មនុស្សលោកទាំងបច្ចុប្បន្ន និងអនាគត។
គួរបញ្ជាក់ថា កិច្ចពិភាក្សានៅថ្ងៃនេះរៀបចំឡើងក្នុងគោលបំណងគឺដើម្បី១)ចែករំលែកព័ត៌មានអំពីសក្តានុពលតំបន់ដីសើមបឹងស្នេហ៍ ដែលមានទីតាំងនៅខេត្តព្រៃវែង និង ២) ពិភាក្សា និងទទួលអនុសាសន៍ បន្ថែមពីអ្នកពាក់ព័ន្ធ លើដំណើរការដាក់បញ្ចូលតំបន់ដីសើមបឹងស្នេហ៍នេះទៅជាតំបន់ការពារធម្មជាតិ។បន្ទាប់មកអ្នកចូលរួម និងចុះពិនិត្យផ្ទាល់ដល់សក្តានុពលនៃតំបន់ដីសើម និងការរស់នៅរបស់ហ្វូងសត្វស្លាបនៅទីកន្លែងផ្ទាល់ផងដែរ៕
ប្រតិបត្តិការនេះធ្វើឡើងតាមបញ្ជានាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ, នាយឧត្តមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងគ្រឿងញៀន និងឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ដែលដឹកនាំដោយផ្ទាល់ដោយលោកឧត្តមសេនីយ៍ត្រី អ៊ិន សុង នាយករងមន្ទីរប្រឆាំងគ្រឿងញៀន និងលោករវសេនីយ៍ទោ ជា សំអឿន នាយរងការិយាល័យ ក១ ចូលរួមសហការពីកម្លាំងជំនាញ នៃស្នងការដ្ឋាននគរបាលខេត្តព្រះវិហារ សម្របសម្រួលដោយពីលោក ទី សុវិនថាល់ ព្រះរាជអាជ្ញា នៃអយ្យការអមសាលាដំបូង ខេត្តព្រះវិហារ។
ជនរងគ្រោះមានឈ្មោះ មុំ សាន អាយុ៤៣ឆ្នាំ មុខរបររត់រថយន្តឈ្នួល មានទីលំនៅភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង ។ សម្ភារៈបាត់បង់ ទូរស័ព្ទដៃ ម៉ាកOPPO មួយគ្រឿង ។
បើតាមមន្ត្រីជំនាញរដ្ឋបាលជលផល បានឲ្យដឹងថា៖ មានត្រីផ្សោតសមុទ្រមួយក្បាល មានទម្ងន់ជាង ២០០គីឡូក្រាម បានស្លាប់អណ្តែតមកទើរ នៅលើឆ្នេរខ្សាច់ ត្រង់ចំណុចម្តុំក្រោមស្ពានកោះពស់ កាលពីព្រឹកថ្ងៃទី២៥ ខែធ្នូ ឆ្នាំ២០១៩។
ជនសង្ស័យដែលបន្លំជាលោកសង្ឃ ១.ឈ្មោះ គឹម ម៉ាត អាយុ៣៣ឆ្នាំ ទី២.ឈ្មោះសឿន ចិត្រា អាយុ២១ឆ្នាំ ទាំងពីរនាក់ រស់នៅភូមិ.ឃុំ.ស្រុកអង្គរជ័យ ខេត្តបាត់ដំបង និងទី៣.ឈ្មោះ ភី សារិទ្ធិ អាយុ២៧ឆ្នាំ រស់នៅក្នុងភូមិខ្វៀវ ឃុំបេង ស្រុកបន្ទាយស្រី ខេត្តសៀមរាប។
នៅក្នុងពិធីសម្ពោធអគារស្នាក់ការ គណបក្សប្រជាជនកម្ពុជា នៅឃុំថ្មី ស្រុកគូលែន ខេត្តព្រះវិហារ នៅព្រឹកថ្ងៃទី២៥ ខែធ្នូ ឆ្នាំ២០១៩ នេះ លោក មាស សុភា បានថ្លែងថា ដើម្បីពង្រឹងគណបក្សយើង ឲ្យដល់មូលដ្ឋាន គឺយើងត្រូវពង្រឹងផ្នែកនយោបាយ យល់ដឹងអំពីមាគ៌ានយោបាយរបស់គណបក្ស និងត្រូវពង្រឹងនូវគោលជំហរសតិអារម្មណ៍ ពង្រឹងអង្កការចាត់តាំងរបស់បក្ស ដូចសម្តេចប្រធានតែងពោលថា៖ «យើងពង្រឹងចាស់ ពង្រីកថ្មី»។
