ភ្នំពេញ ៖ ផ្ទះប្រជាពលរដ្ឋជាង១០០ខ្នងត្រូវបានអគ្គិភ័យលេបត្របាក់អស់ទាំងស្រុង បង្កការភ្ញាក់ផ្អេីលដល់ប្រជាពលរដ្ឋនិងសមត្ថកិច្ចចេញរថយន្តពន្លត់អគ្គិភ័យមកអន្តរាគមន៍បាញ់ពន្លត់កាលពីវេលាម៉ោង១ និង៤០នាទីរំលងអាធ្រាត្រ ឈានចូលថ្ងៃទី៦ ខែមករា ឆ្នាំ២០២០ នៅតាមអតីតផ្លូវរថភ្លើង កែងនិងទំនប់៧០ ស្ថិតក្នុងសង្កាត់ទួលសង្កែទី១ខណ្ឌឫស្សីកែវ រាជធានីភ្នំពេញ។

តាមប្រភពព័ត៌មានបានឲ្យដឹងថា មុនកើតហេតុគេឃើញមានផ្សែងហុយចេញពីផ្ទះជាពលរដ្ឋមួយកន្លែងរួចបង្កចេញជាអណ្ដាតភ្លើងឆាបឆេះយ៉ាសន្ធោសន្ធៅរួចបានរាលដាលដល់ផ្ទះផ្សេងៗទៀតរួចបងប្អូនជាពលរដ្ឋបានរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកជាច្រេីនគ្រឿងមកបាញ់ពន្លត់។

សមត្ថកិច្ចបានឲ្យដឹងថា ក្នុងករណីគ្រោះអគ្គិភ័យខាងលេីនេះគឺរងការខូចខាតផ្ទះប្រជាពលរដ្ឋអស់១៥១ខ្នងដោយសារផ្ទះប្រជាពលរដ្ឋនៅទីតាំងកើតហេតុខាងលើនេះតូចៗនិងសម្បូរទៅដោយសង់អំពីឈើប្រក់ស័ង្កសី ចំណែកទ្រព្យសម្បត្តិវិញសមត្ថកិច្ចមិនហ៊ានសន្និដ្ឋានថាអស់ប៉ុន្មាននៅឡើយទេ តែក្នុងករណីនេះមិនបណ្ដាលឲ្យមនុស្សណាម្នាក់រងរបួសនោះដែរ។

សមត្ថកិច្ចបានបញ្ជាក់ថា មូលហេតុនៃការឆាបឆេះខាងលេីនេះ សង្ស័យបណ្តាលមកពីឆ្លងចន្តអគ្គិសនី ។ ចំណែករថយន្តពន្លត់អគ្គិភ័យចុះមកអន្តរាគមន៍ចំនួន៤១គ្រឿងនិងប្រេីប្រាស់អស់៤១គ្រឿងផងដែរ ដោយរលត់ទៅវិញនៅវេលា៣ និង២០នាទីរំលងអាធ្រាត ថ្ងៃដដែល ៕

ខេត្តបាត់ដំបង ៖ យុវជនម្នាក់ត្រូវបានរថភ្លើងកិនដាច់ជើងនិងបែកក្បាលប្រកាច់ស្លាប់ភ្លាមៗ នៅវេលាម៉ោង ០៤និង០០ នាទី ទៀបភ្លឺថ្ងៃទី០៦ ខែមករា ឆ្នាំ២០២០ នៅតាមបណ្តោយផ្លូវរថភ្លើង ស្ថិតក្នុងក្រុមទី០៨ ភូមិទួលតាឯក សង្កាត់ទួលតាឯក ក្រុងបាត់ដំបង។

សមត្ថកិច្ចបានអោយដឹងថា យុវជនត្រូវបានរថភ្លើងកិនស្លាប់ឈ្មោះ អ៊ុន សុគន្ធា ភេទប្រុស អាយុ ៣១ឆ្នាំ មុខរបរកាប់ជ្រូក មានទីលំនៅក្នុងភូមិទួលតាឯក សង្កាត់ទួលតាឯក ក្រុងបាត់ដំបង។

ប្រភពនៅកន្លែងកើតហេតុបានប្រាប់ថា យុវជនរងគ្រោះខាងលើអោយតែពេលផឹកស្រាស្រវឹងម្តងៗគឺតែងតែមកដេកនៅលើផ្លូវរថភ្លើងជាប្រចាំ ហើយនៅយប់កើតហេតុយុវជនរងគ្រោះក៏បានផឹកស្រាស្រវឹងហើយទំនងបានទៅដេកលើផ្លូវរថភ្លើងដូចសព្វដងដែរ លុះព្រឹកឡើងក៏ស្រាប់តែមានការភ្ញាក់ផ្អើលត្រូវបានរថភ្លើងកិនស្លាប់តែម្តង។

បច្ចុប្បន្នសាកសពយុវជនរងគ្រោះត្រូវបានសាច់ញាតិយកទៅរៀបចំចាត់ចែងធ្វើបុណ្យតាមប្រពៃណី៕

ភ្នំពេញ ៖ រដ្ឋសភាកម្ពុជានៅថ្ងៃទី០៦ ខែមករា ឆ្នាំ២០២នេះ បានចេញសេចក្តីជូនដំណឹងមួយស្តីពីបិទបញ្ចប់សម័យប្រជុំលើកទី៣ នីតិកាលទី៦ បន្ទាប់ពីបានអនុម័តលើសេចក្តីព្រាងច្បាប់ចំនួន២០ ដែលស្នើឡើងដោយរាជរដ្ឋាភិបាល។

សេចក្តីជូនដំណឹងបានបញ្ជាក់ថា សម័យប្រជុំរដ្ឋសភាលើកទី៣ នីតិកាលទី៦ មានរយៈពេល៣ខែ ដោយបានចាប់ផ្តើមដំណើរការនៅថ្ងៃទី៤ ខែតុលា ឆ្នាំ ២០១៩ មកដល់ថ្ងៃទី៤ ខែមករា ឆ្នាំ២០២០។ ក្នុងរយៈពេលនេះ រដ្ឋសភាបានអនុម័តសេចក្តីព្រាងច្បាប់បានចំនួន២០ ហើយថ្នាក់ដឹកនាំ និងសមាជិករដ្ឋសភាក៏បានចុះមូលដ្ឋានសួរសុខទុក្ខប្រជាពលរដ្ឋនៅទូទាំងប្រទេស ព្រមទាំងបានបំពេញការងារការទូតសភា ដើម្បីបង្កើនមិត្តភាព និងកិច្ចសហប្រតិបត្តិការជាមួយប្រទេសជាច្រើនទៀតផង៕

ខាងក្រោមនេះជាសេចក្តីប្រកាសរបស់រដ្ឋសភា៖

ខេត្តកែប ៖ ប្រតិបត្តិការសង្គ្រោះជីវិតកម្មករសំណង់ក្នុងឧបទ្ទវហេតុបាក់ស្រុតអគារកំពុងសាងសង់មួយខ្នងកម្ពស់ ៧ជាន់ បានបិទបញ្ចប់ហើយគិតត្រឹមម៉ោង ១១ ៖ ៤០នាទីព្រឹក ថ្ងៃទី៥ ខែមករា ឆ្នាំ២០២០ នេះ តាមរយៈសេចក្តីប្រកាសដោយលោកទេសរដ្ឋមន្ត្រី គន់ គីម អនុប្រធានទី១ អាជ្ញាធរជាតិគ្រប់គ្រងគ្រោះមហន្តរាយ។

តុល្យការចុងក្រោយជនរងគ្រោះសរុបទាំងអស់ ៥៩នាក់ ចេញពីគំនរអគារនៅខេត្តកែប ក្នុងនោះមានជនរងគ្រោះស្លាប់ចំនួន៣៦នាក់បានស្លាប់ (ស្រី១៤នាក់) នៅមានជីវិតចំនួន ២៣នាក់ (ស្រី៨នាក់)។

សូមរម្លឹកថា កាលពីម៉ោង ៤ និង ១៥នាទី រសៀលថ្ងៃទី៣ ខែមករា ឆ្នាំ២០២០ អគារកម្ពស់ ៧ជាន់ ដែលកំពុងសាងសង់ ស្ថិតនៅតាមផ្លូវឡើងទៅមណ្ឌលវិប្បសនាធុរៈ ស្ថិតក្នុងភូមិកែប សង្កាត់កែប ក្រុងកែប ខេត្តកែប បានបាក់រលំទាំងស្រុង។ ភ្លាមៗ ប្រតិបត្តិការជួយសង្គ្រោះ ត្រូវបានធ្វើឡើងជាបន្ទាន់ ក្រោមការដឹកនាំបញ្ជាដោយផ្ទាល់ពីសំណាក់ សម្តេចតេជោ ហ៊ុន សែន ហើយសម្តេចក៏បានអញ្ជើញមកដល់ខេត្តកែប ទាំងយប់ភ្លាមៗផងដែរ។

ដើម្បីជួយសម្រាលការលំបាកដល់ក្រុមគ្រួសារជនរងគ្រោះក្នុងឧបទ្ទវហេតុបាក់អគារកម្ពស់ ៦ជាន់នៅខេត្តកែប សម្តេចនាយករដ្ឋមន្រ្តីតេជោ ហ៊ុនសែនបានបែងចែកថវិកាសម្រាប់ ឧបត្ថម្ភដល់ជនរងគ្រោះ ដោយប្រគល់ថវិកាជូន ៥ម៉ឺនដុល្លារ ដល់គ្រួសារអ្នកដែលស្លាប់ បាត់បង់ជីវិតម្នាក់ៗ និងជូនថវិកា ១ម៉ឺនដុល្លារ ដល់អ្នករបួសម្នាក់ៗ។សម្តេចតេជោនាយក រដ្ឋមន្រ្តី សរសេរក្នុងទំព័រហ្វេសបុកផ្លូវការថា ថវិកាទាំងនោះ គឺបានមកពីការរួមចំណែក របស់សប្បុរសជន និងមួយចំនួនទៀត គឺជាថវិការបស់រដ្ឋ។

ដោយឡែក សម្ដេចតេជោ ហ៊ុន សែន ក៏ បានប្រកាសឧបត្ថម្ភថវិកា បន្ថែមជូនជនរងគ្រោះ ដែលជាប្ដីប្រពន្ធ ២គូរ( ចំនួន៤នាក់) ដោយក្នុងម្នាក់ៗទទួលបាន ២ម៉ឺនដុល្លារអាមេរិក សរុប ៨ម៉ឺនដុល្លារ ពីលើថវិកាដែលឧបត្ថម្ភដំបូងម្នាក់ៗ១ម៉ឺនដុល្លារ។

ការប្រកាសបែបនេះ បានធ្វើឡើងនាព្រឹកថ្ងៃទី៤ ខែមករា តាមរយៈហ្វេសប៊ុកផ្លូវការរបស់សម្តេច ដោយសម្តេចបញ្ជាក់ថា៖ «ដើម្បីសម្រាលនៅការ លំបាកសម្រាប់ជនរងគ្រោះទាំងអ្នករបួសនិងគ្រួសារអ្នកដែលបានស្លាប់ខ្ញុំសម្រេចជួយឧបត្ថម្ភអ្នករបួសក្នុងម្នាក់ ៤០លានរៀលស្មើនឹង១ម៉ឺនដុល្លារ ។សម្រាប់អ្នក ស្លាប់សាកសពមួយថវិកាចំនួន ២០០លានរៀលស្មើនឹង ៥ ម៉ឺនដុល្លារ និងបន្ថែម ១០លានរៀលសម្រាប់បុណ្យសពនិមួយៗ ។ ថវិការដ្ឋ និងថវិកាសប្បុរសជន ត្រូវបានប្រើប្រាស់សម្រាប់ការងារនេះ ។

នៅរសៀលថ្ងៃទី៥ ខែមករា ឆ្នាំ២០២០ នេះ សម្តេចតេជោ ហ៊ុន សែន បានចេញលិខិតថ្លែងអំណរព្រះរាជគុណ ដល់ព្រះមហាក្សត្រ ព្រះករុណជាអរម្ចាស់ជីវិតលើត្បូង និងសម្តេចម៉ែ ព្រមទាំងសប្បុរសជនទាំងអស់ ដែលបានចូលរួមជួយឧបត្ថម្ភដល់ជនរងគ្រោះ ក្នុងឧបទ្ទវហេតុបាក់រលំអគារនេះ ដែលគិតត្រឹម ម៉ោង១៤ ៖ ៣០នាទី សរុប ១,៩៦៣,៩៥០ដុល្លារ៕

ខេត្តកែប ៖ ក្រុមអ្នកសង្រ្គោះ បានកាយរកឃើញជនរងគ្រោះសរុបទាំងអស់ចំនួន ៥២នាក់ ចេញពីគំនរអគារបាក់បែកនៅខេត្តកែប ក្នុងនោះមានជនរងគ្រោះដល់ស្លាប់ចំនួន ២៩នាក់ បានស្លាប់ ( ស្រី១៣នាក់) នៅមានជីវិតចំននួ ២៣នាក់ ( ស្រី៨នាក់) គិតត្រឹមម៉ោង ១០ ៖ ២៥នាទីព្រឹក ថ្ងៃទី៥ ខែមករា ឆ្នាំ២០២០នេះ ខណៈការរុករកកំពុងបន្តយ៉ាងសកម្ម ដើម្បីរកអ្នកផ្សេងៗទៀតដែលគិតថា កំពុងកប់ក្នុងគំនរថ្មអគារនោះនៅឡើយ។

សកម្មភាពជួយសង្គ្រោះជនរងគ្រោះ របស់កម្លាំងក្រុមការងារជួយសង្គ្រោះ នៅតែបន្តសង្គ្រោះរហូតយកជនរងគ្រោះចេញអស់ពីក្រោមគំនរអគារបាក់បែក ក្រោមការដឹកនាំ និងបញ្ជាផ្ទាល់ដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ប្រសិនបើបងប្អូនបាត់សាច់ញាតិ ហើយសង្ស័យមានគ្រោះថ្នាក់ក្នុងឧបទ្ទវហេតុនេះ សូមទាក់ទងមកលេខទូរស័ព្ទ ០៩២ ៨៦០ ៨៨៨ ឬ ០៩៦៣៤៨២១៦៨៕

ភ្នំពេញ ៖ សម្តេចតេជោនាយករដ្ឋមន្ត្រី បានអញ្ជើញពិនិត្យផ្ទាល់ដល់កន្លែងកើតហេតុ ខណៈការរុករកជនរងគ្រោះក្នុងឧបទ្ទវហេតុគ្រោះថ្នាក់ដោយការរលំបាក់អគារកម្ពស់ ៧ជាន់ នៅខេត្តតាកែវ គិតត្រឹមម៉ោង៨យប់ ថ្ងៃទី៣ ខែមករា ឆ្នាំ២០២០ នេះ ក្រុមសមត្ថកិច្ចចម្រុះបានជួយសង្រ្គោះជនរងគ្រោះចំនួន ១៩នាក់ ក្នុងនោះមាន ៤នាក់បានស្លាប់ (ប្រុស១ ស្រី៣នាក់)។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក៏បានថ្លែងអំណរគុណដល់ ក្រុមហ៊ុន ជីប ម៉ុង ដែលបានជួយជាថវិកាចំនួន ១០ម៉ឺនដុល្លារ ដើម្បីជួយដល់ជនរងគ្រោះក្នុងឧបទ្ទវហេតុស្រុតបាក់អគារកម្ពស់ ៧ជាន់ នៅខេត្តកែប។

បើតាមព័ត៌មានពីសាក្សី សមត្ថកិច្ចបានសន្និដ្ឋានថា នៅមានជនរងគ្រោះមួយចំនួនទៀតកំពុងស្ថិតនៅក្រោមគំនរថ្មអគារបែកបាក់នោះនៅឡើយដែលគេបារម្ភថា អាចប៉ះពាល់អាយុជីវិត។ តែទោះជាយ៉ាងនេះក្តី សមត្ថកិច្ចបានព្យាយាមប្រើប្រាស់គ្រប់មធ្យោបាយផ្សេងៗ ដើម្បីបន្តរុករកជនរងគ្រោះដែលគេគិតថា នៅសេសសល់ក្រោមផ្ទាំងថ្មនោះនៅឡើយ។

សូមបញ្ជាក់ថា អគារកម្ពស់៧ជាន់ ស្ថិតនៅក្បែរវត្តសមាធិ ក្នុងក្រុងកែប ខេត្តកែប បានបាក់រលំនៅវេលាម៉ោងប្រមាណ ៤៖៣០នាទីល្ងាចថ្ងៃទី៣ ខែមករា ឆ្នាំ២០២០នេះ។ របាយការណ៍ជាក់លាក់សមត្ថកលិច្ចនៅមិនទាន់បង្ហាញនៅឡើយ តែបើតាមការសាកសួរពីជនរងគ្រោះដែលមានវាសនាខ្ពស់រួចពីសេចក្តីស្លាប់បានឲ្យដឹងថា មនុស្សនៅក្នុងការដ្ឋានសំណង់នេះមានប្រមាណពី២០ ទៅ៣០នាក់ ដែលសុទ្ធតែជាកម្មករសំណង់។

សំណង់អគារនេះ ត្រូវបានគេអះអាងថា បានសាងសង់រយៈពេលជាងមួយឆ្នាំមកហើយ ដោយសម្រេចបានប្រមាណជា ៩០ភាគរយ ហើយការបាក់ស្រុតនេះ ខណៈដែលកម្មករកំពុងចាក់ប្លង់សេនៅផ្នែកខាងលើបង្អស់។

គួររំលឹកថា នេះជាឧបទ្ទវហេតុបណ្តាលឲ្យមនុស្សស្លាប់ដ៏រន្ធត់លើកទី២ហើយ បន្ទាប់មានករណីដូចគ្នានេះ បានកើតឡើងចំពោះអគារកម្ពស់ ៧ជាន់ ស្ថិតនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ បណ្តាលឲ្យមនុស្សស្លាប់ចំនួន ២៨នាក់ និងរបួសចំនួន ២៦នាក់កាលពីវេលាព្រឹកថ្ងៃទី២២ ខែមិថុនា ឆ្នាំ២០១៩៕

បន្ទាយមានជ័យ ៖ អ្នករត់ម៉ូតូកង់បីPassapp ប្រមាណជិត១០០នាក់ បានមកផ្តុំគ្នានៅមុខសលាក្រុងប៉ោយប៉ែត នាព្រឹកថ្ងៃទី០២ ខែមករា ឆ្នាំ២០២០ ដើម្បីស្នើសុំឲ្យអាជ្ញាធរក្រុងជួយរកដំណោះបន្ទាប់ពីសន្តិសុខក្រុមហ៊ុនកាស៊ីណូ Paramax មិនឲ្យចូលដឹកភ្ញៀវ ខណៈមានភ្ញៀវបានbookingជិះ។

ក្រុមអ្នករត់ម៉ូតូកង់បី(passapp)បានឲ្យដឹងថា ការផ្តុំគ្នានៅមុខសាលាក្រុងប៉ោយប៉ែតនេះ គឺដើម្បីស្នើសុំឲ្យអាជ្ញាធរ ជួយរកដំណោះស្រាយ ឲ្យពួកគាត់បានចូលទៅដឹកភ្ញៀវតាមការbookingរបស់ភ្ញៀវ នៅបរិវេណកាស៊ីណូ ផារេមិក ដោយកន្លងមក សន្តិសុខ ក៏ដូចជាម៉ូតូរត់ឌុបនៅទីនោះ មិនអនុញ្ញាតិឲ្យជិៈម៉ូតូកង់បី Passappរបស់ពួកគាត់ និងបានទាញភ្ញៀវចុះ ដោយសំអាងថា ខ្លួនជាអ្នករត់ម៉ូតូឌុបបានបង់ខែឲ្យទៅក្រុមហ៊ុនកាស៊ីណូខាងលើផងដែរ។

ពួកគាត់សំណូមពរឲ្យលោក គាត ហ៊ុល អភិបាលក្រុងប៉ោយប៉ែត ជួយរកដំណោះស្រាយដោយអនុញ្ញាតឲ្យពួកគាត់បានរកស៊ីចិញ្ចឹមជីវិតផង ព្រោះពួកគាត់ចូលទៅដឹកភ្ញៀវតាមការ booking របស់ភ្ញៀវ និងនៅលើផ្លូវសាធារណៈដែលភ្ញៀវបានដើរចេញមកក្រៅជិៈម៉ូតូកង់បី(Passapp)តែប៉ុណ្ណោះ។

លោក គាត ហ៊ុល អភិបាលក្រុងប៉ោយប៉ែត បានឲ្យដឹងថា សំណើរនេះ លោកទទួលយក និងធ្វើហៅតំណាងក្រុមហ៊ុនកាស៊ីណូខាងលើ ធ្វើការជជែកគ្នា ដើម្បីរកដំណោះស្រាយ ហើយក៏អរគុណដល់បងប្អូនជាអ្នករត់ម៉ូតូកង់បី(Passapp) ដែលមកធ្វើការស្នើសុំរកដំណោះស្រាយតាមនីតិវិធី មិនធ្វើបាតុកម្ម និងមិនបង្កឲ្យមានអំពើហិង្សា។

ពាក់ព័ន្ធនឹងបញ្ហាហាមឃាត់ក្រុមអ្នករត់ម៉ូតូកង់បី (Passapp) មិនឲ្យដឹកភ្ញៀវនេះ អ្នកសារព័ត៌មានមិនអាចទំនាក់ទំនង ទៅកាន់ប្រធានសន្តិសុខក្រុមហ៊ុនធ្វើការបំភ្លឺបានឡើយ ដោយគ្មានលេខទំនាក់ទំនង៕

ខេត្តបាត់ដំបង ៖ ទីតាំងល្បែងស៊ីសងមួយកន្លែងមិនដែលមានការបង្ក្រាបទេ។ ម្ចាស់ទីតាំងមានឈ្មោះ សុង សុខា ហៅ ម៉ែ អាង៉ោល មានឈ្មោះល្បីពេញក្រុងបាត់ដំបង ស្ថិតនៅភូមិចំការសំរោង១  សង្កាត់ចំការសំរោង ក្រុងបាត់ដំបង ខេត្តបាត់ដំបង តែគេឧស្សាហ៍ឃើញមន្ត្រីសមត្ថកិច្ចចេញចូលទៅជួបម៉ែអាង៉ោលជាញឹកញាប់ដែរ។  

ប្រភពពីប្រជាពលរដ្ឋបានអោយដឹងថា ទីតាំងល្បែងស៊ីសងមួយកន្លែងនេះ បានបើកលេងជាយូរណាស់មកហើយ តែគ្មានអាជ្ញាធរ ឬសមត្ថកិច្ចនៅក្នុងមូលដ្ឋានណាម្នាក់ចុះធ្វើការបង្ក្រាបឡើយ បណ្ដោយឲ្យក្រុមអ្នកញៀនល្បែងទាំងនោះ បើកលេងយ៉ាងអនាធិបតេយ្យ ដោយមិនគិតពីភាពអសន្តិសុខ និងសុវត្ថិភាពនៅក្នុងភូមិ ឃុំនោះឡើយ។

ប្រជាពលរដ្ឋជាច្រើននៅជិតទីនោះ បានអំពាវនាវទៅដល់ លោកអភិបាលនៃគណៈអភិបាលខេត្តលោក ងួន រតនៈ និងលោកឧត្ដមសេនីយ៍ទោ អ៊ុច សុខុន ស្នងការខេត្ត សូមមេត្ដាមានចំណាត់ការចំពោះមន្ត្រីក្រោមឱវាទឲ្យធ្វើការចុះចាប់បង្ក្រាបទីតាំងនេះផង។

ពលរដ្ឋរិះគន់ថា ទំនងជាអាជ្ញាធរ និងសមត្ថកិច្ចនៅក្នុងមូលដ្ឋាន ត្រូវថ្នាំសណ្តំរបស់ម្ចាស់ទីតាំងហើយ ទើបមិនហ៊ានបង្ក្រាបល្បែងស៊ីសង អាប៉ោងមួយកន្លែងនេះ ឬខ្លាចបែកឆ្នាំងទើបមិនហ៊ានបង្ក្រាបបែបនេះ។

នាពេលកន្លងទៅថ្មីៗនេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ  បានបង្គាប់ដល់សមត្ថកិច្ចពាក់ព័ន្ធទាំងអស់ ឱ្យបន្តផ្សព្វផ្សាយពន្យល់ប្រជាពលរដ្ឋ ឲ្យយល់ដឹងបន្តទៀតអំពី គោលនយោបាយ ភូមិ-ឃុំ មានសុវត្ថិភាពតាមមូលដ្ឋាន។

ជាមួយគ្នានេះផងដែរ  ការលើកឡើងនូវប្រសាសន៍ដ៏ខ្ពង់ខ្ពស់ របស់ថ្នាក់ដឹកនាំក្រ សួងមហាផ្ទៃ ត្រូ វបា  នប្រជាពលរដ្ឋគាំទ្រយ៉ាងខ្លាំង។ តែផ្ទុយទៅវិញ ទន្ទឹមនឹងការ គាំទ្រនេះ អ្វីដែលប្រជាពលរដ្ឋមិនសប្បាយចិត្ត និងបានសម្តែងនូវក្តីបារម្មណ៍ ពីភាពអសន្តិសុខនៅក្នុងភូមិឃុំ ត្រង់ថាល្បែងសុីសងមួយកន្លែង ដែលមានទីតាំងនៅភូមិចំកាសំរោង ១  សង្កាត់ចំការសំរោង ក្រុងបាត់ដំបង ខេត្តបាត់ដំបង បាននឹងកំពុងបើកលេងរាល់ថ្ងៃ។

ជុំវិញករណីខាងលើនេះ លោកអធិការក្រុងបាត់ដំបង បានប្រាប់ថា លោកមានកិច្ចសន្យានៅក្នុងដៃអស់ហើយចំពោះករណីល្បែងស៊ីសងខាងលើនេះ ប៉ុន្ដែមួយរយៈពេលនេះគឺលោកជាប់រវល់ការងារ។

ទោះជាយ៉ាងណាក្ដីពលរដ្ឋរង់ចាំមើល ថាតើអាជ្ញាធរ និងសមត្ថកិច្ចមានចំណាត់ការបែបណាទៅលើល្បែងស៊ីសងនិងអាប៉ោងមួយកន្លែងនេះ៕

ខេត្តកែប ៖ ក្រុមសមត្ថកិច្ចចម្រុះ និងក្រុមជំនាញជួយសង្រ្គោះ បានរុករកឃើញមនុស្សស្លាប់ក្រោមគំនរថ្មអគារបាក់បែកកើនដល់៤នាក់ (ស្ត្រី៣នាក់ បុរសម្នាក់) និងជួយសង្គ្រោះបានចំនួន១៩នាក់ ក្នុងចំណោមមនុស្សដែលជាប់នៅខាងគំនរថ្មប្រហែលពី ៣០ទៅ ៤០នាក់ គិតត្រឹមនៅវេលាម៉ោង ៨ និង១០នាទីយប់ ថ្ងៃទី៣ ខែធ្នូ ឆ្នាំ២០២០ នេះ។ 

ភ្លាមៗពេលអគាររលំបាក់រាបដល់ដី គេឮសំឡេងស្រេកទ្រហោយំ រាប់ទាំងកូនក្មេងផងដែរ ប៉ុន្តែនៅពេលនេះ បានស្ងាត់សំឡេងទៅវិញ ដោយសង្ស័យថា អាចស្លាប់ ឬសន្លប់។សមត្ថកិច្ចកំពុងបន្តរុករកមនុស្សដែលនៅបាត់ខ្លួនក្រោមផ្ទាំងថ្មនៅឡើយ។

មន្ត្រីខេត្តបានអះអាងថា មានជនរងគ្រោះប្រមាណជា៣០ ទៅ៤០នាក់ បានជាប់នៅក្រោមអគារដែលបាក់រលំនេះ ពេលពួកគេកំពុងធ្វើការ ដែលភាគច្រើនជាកម្មករសំណង់។

សូមបញ្ជាក់ថា នៅវេលាម៉ោងប្រមាណ ៤ និង៣០នាទី ល្ងាចថ្ងៃទី៣ ខែមករា ឆ្នាំ២០២០ នេះ អគារមួយកន្លែងមានកម្ពស់ប្រមាណ ៧ជាន់ ស្ថិតនៅក្បែរវត្តសមាធិ ក្នុងក្រុងកែប ខេត្តកែប បានបាក់រលំ។ សំណង់អគារនេះ ត្រូវបានគេអះអាងថា បានសាងសង់រយៈពេលជាងមួយឆ្នាំមកហើយ ដោយសម្រេចបានប្រមាណជា ៩០ភាគរយ ហើយការបាក់ស្រុតនេះ ខណៈដែលកម្មករកំពុងចាក់ប្លង់សេនៅផ្នែកខាងលើបង្អស់។

បន្ទាប់កើតហេតុភ្លាមៗ នៅព្រលប់ថ្ងៃទី៣ ខែមករា ដដែលនេះ សម្តេចតេជោ នាយករដ្ឋមន្រ្តី បានសរសេរនៅក្នុងផេកហ្វេសប៊ុកផ្លូវការថា«…. ខ្ញុំនឹងចេញទៅខេត្តកែប នៅពេលបន្តិចទៀតនេះ ដើម្បីចូលរួមដឹកនាំការរុករកសង្រ្គោះកម្មករ ដែលកំពុងជាប់នៅក្រោមអគារដែលដួលរលំ…..»។

គួររំលឹកថា នេះជាឧបទ្ទវហេតុបណ្តាលឲ្យមនុស្សស្លាប់ដ៏រន្ធត់លើកទី២ហើយ បន្ទាប់មានករណីដូចគ្នានេះ បានកើតឡើងចំពោះអគារកម្ពស់ ៧ជាន់ ស្ថិតនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ កាលពីវេលាព្រឹកថ្ងៃទី២២ ខែមិថុនា ឆ្នាំ២០១៩ បណ្តាលឲ្យមនុស្សស្លាប់ចំនួន ២៨នាក់ និងរបួសចំនួន ២៦នាក់៕

ភ្នំពេញ ៖ មហាជនជាង ៣ម៉ឺននាក់ នឹងចូលរួមអបអរខួបលើកទី៤១ នៃទិវាជ័យជំនៈ ៧ មករា ១៩៧៩-២០២០ ខណៈពិធីប្រារព្ធធ្វើឡើងនៅមុខសាលមហោស្រពកោះពេជ្រ ក្រោមកិច្ច ការពារសន្តិសុខ និងសណ្តាប់ធ្នាប់ពីអាជ្ញាធរមានសមត្ថកិច្ច។

នេះបើតាមការអោយដឹងពី លោក នាយឧត្តមសេនីយ៍ ទូច ណារ៉ុថ អគ្គស្នងការរង នគរបាលជាតិ និងជាប្រធាននាយកដ្ឋានអង្គរក្ស ក្នុងពេលអញ្ជើញជាអធិបតីតំណាងឱ្យ លោក នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ក្នុង កិច្ចប្រជុំត្រួតពិនិត្យ ការងាររៀបចំទិវាជ័យជំនៈ ៧មករា ខួបលើកទី៤១ នៅសាលារាជ ធានីភ្នំពេញ។

លោក នាយឧត្តមសេនីយ៍ ទូច ណារ៉ុថ បានបន្ថែមថា កម្លាំងសមត្ថកិច្ចចំរុះ រួមមាន កម្លាំងនគរបាលជាតិ កងរាជអាវុធហត្ថ និងកម្លាំងអង្គរក្ស ត្រូវបានដាក់ពង្រាយ នៅតាម ទីតាំងជុំវិញប្រារព្ធពិធី សំដៅជួយសំរួលធ្វើយ៉ាងណា ឱ្យពិធីមិទ្ទិញ ប្រារព្ធទៅដោយ រលូន ដែលក្នុងនោះមានការចាត់ចែង ពីទីតាំង ចំណតរថយន្ត ច្រកសុវត្ថិភាព ចេញចូលផង ដែរ ។ លោក នាយឧត្តមសេនីយ៍ ក៏បានឱ្យដឹងពាក់ព័ន្ធនិងការបង្ហោះដ្រូន ដែលគ្មានការ អនុញ្ញាត និងត្រូវហាមឃាត់ ឬដកហូតមករក្សាទុកផងដែរ។

ជាមួយគ្នានោះ លោក ឃួង ស្រេង អភិបាលរាជធានីភ្នំពេញ ក៏បានលើកឡើងផងដែរ ថា ទិសដៅសំខាន់ គឺការពារពិធី ថ្នាក់ដឹកនាំ និងមហាជន ដែលចូលរួម ក្នុងពិធីបុណ្យ លោកក៏បានណែនាំ អោយអភិបាលខណ្ឌ ដែលពាក់ព័ន្ធ ធ្វើយ៉ាងណារៀបចំ បរិស្ថាន និង សណ្តាប់ធ្នាប់ ជុំវិញទីតាំងប្រារព្ធពិធី ក្នុងនោះ ក៏បានណែនាំ អោយអាជ្ញាធពាក់ព័ន្ធ យកចិត្តទុកដាក់ខ្ពស់ សំដៅការពារសុខសុវត្ថិភាព មហាជនអោយបានល្អបំផុត ។

ឯកឧត្តម អភិបាលរាជធានី បន្តអោយដឹងថា ក្នុងនាមរដ្ឋបាលរាជធានីភ្នំពេញ ត្រូវតែមាន ការចូលរួមសហការពីអាជ្ញាធជំនាញពាក់ព័ន្ធទាំងអស់ ទើបអាចទទួលបានជោគជ័យ បើ ទោះបីជាពិធីបុណ្យនេះ យើងធ្លាប់បានប្រារព្ធធ្វើជាច្រើនដងហើយ ទទួលបានជោគជ័យ ជាបន្តបន្ទាប់ក៏ដោយ អាជ្ញាធមិនគួរ មានការធ្វេសប្រហែសណាមួយ ក្នុងការ ការពារ សន្តិ សុខ សុវត្ថិភាព និងសណ្តាប់ធ្នាប់ ជូនប្រជាពលរដ្ឋ និងថ្នាក់ដឹកនាំ ដែលចូលរួមក្នុងពិធី បុណ្យ ខាងលើឡើយ។

លោក អភិបាល ក៏បានថ្លែងអំណរគុណដល់ អាជ្ញាធពាក់ព័ន្ធទាំងអស់ ដែលបានយក ចិត្តទុកដាក់ការពារសន្តិសុខ សុវត្ថិភាពនិងសណ្តាប់ធ្នាប់ ក្នុងការប្រារព្ធពិធី ដើម្បីទទួល បានភាពជោគជ័យ១០០ភាគរយ៕

ភ្នំពេញ ៖ ព្រឹទ្ធសភាកម្ពុជា នៅព្រឹកថ្ងៃទី៣ ខែធ្នូ នេះ បានបន្តប្រជុំពិនិត្យពិភាក្សា និងគាំទ្រ ទាំងស្រុងលើសេចក្តីព្រាងច្បាប់ចំនួន ៧ ពាក់ព័ន្ធ ការធានាទូទាត់របស់រាជរដ្ឋាភិបាល ទៅឲ្យក្រុមហ៊ុនឯកជនចំនួន ៦ និងការទាក់ទងនឹង ការគ្រប់គ្រង និងការអភិរក្សផល ស្តុកត្រី ដើម្បីបើកផ្លូវឲ្យរាជរដ្ឋាភិបាល យកច្បាប់នេះ ទៅបម្រើផលប្រយោជន៍របស់ ប្រជាពលរដ្ឋ និងអភិវឌ្ឍន៍ប្រទេសជាតិ។

លោក ម៉ង ប៊ុននាង សមាជិក និងជាអ្នកនាំពាក្យព្រឹទ្ធសភា បានមានប្រសាសន៍ថា ព្រឹទ្ធ សភា បានពិនិត្យ និងឱ្យយោបល់ដោយឯកភាពទាំងស្រុង លើសេចក្តីព្រាងច្បាប់ទាំងមូល ដោយឥតកែប្រែចំនួន៥៨សំឡេង នៃចំនួនសមាជិកព្រឹទ្ធសភាទាំងមូល បន្ទាប់ពីច្បាប់ទាំង អស់នេះ គឺមានលក្ខណត្រឹមត្រូវតាមទម្រង់និងគតិយុត្ដិច្បាប់ ។

ប្រាប់អ្នកសារព័ត៌មាន ក្រោយកិច្ចប្រជុំពេញអង្គដឹកនាំដោយ សម្តេច វិបុលសេនាភក្តី សាយ ឈុំ ប្រធានព្រឹទ្ធសភា នាព្រឹកថ្ងៃទី៣ ខែមករា នេះ លោក បានបញ្ជាក់ថា ការ អនុម័តច្បាប់ទាំងអស់នេះ ដើម្បីឆ្លើយតបនៃកំណើនសេដ្ឋកិច្ចរបស់កម្ពុជា ដែលកំពុងមាន ការរីកចម្រើនពីមួយថ្ងៃទៅមួយថ្ងៃ ជាពិសេស ដើម្បីប្រែក្លាយប្រទេសកម្ពុជា ជាប្រទេស មធ្យមកម្រិតខ្ពស់នៅឆ្នាំ២០៣០ខាងមុខនេះ។

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមាន ប្រសាស ន៍ ថា សេចក្តីព្រាងច្បាប់ការទាក់ទងនឹងការគ្រប់គ្រង និងការអភិរក្សផលស្តុកត្រីនេះ បាន តាក់តែងឡើងក្នុងគោលបំណង ដើម្បីធានានូវការប្រើប្រាស់ និងអភិរក្សផលស្តុកត្រីផ្លាស់ ទី មធ្យម និងផលស្តុកត្រីផ្លាស់ទីឆ្ងាយ ប្រកបដោយចីរភាព តាមរយៈការអនុវត្ត បទប្បញ្ញត្តិ ពាក់ព័ន្ធនៃកិច្ចព្រមព្រៀងប្រកបដោយប្រសិទ្ធភាព។

ជាមួយគ្នានេះ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល បានមានប្រសាសន៍ ថា សេចក្តីព្រាងច្បាប់ការធានាទូទាត់របស់រាជរដ្ឋាភិបាលទៅឲ្យក្រុមហ៊ុនឯកជនចំនួន ៦ នេះ នឹងផ្តល់ឲ្យកម្ពុជាទទួលបាននូវអត្ថប្រយោជន៍យ៉ាងធំធេង ដែលអាចរួមចំណែក ក្នុង ការអនុវត្តគោលនយោបាយរបស់រាជរដ្ឋាភិបាល ក្នុងការអភិវឌ្ឍសេដ្ឋកិច្ច សង្គម និងលើក កម្ពស់កម្រិតជីវភាពរបស់ប្រជាពលរដ្ឋ ក្នុងការធានាដល់ការផ្គត់ផ្គង់ អគ្គិសនីប្រើប្រាស់ឱ្យ បានគ្រប់គ្រាន់ ទាំងនៅទីប្រជុំជន និងជនបទ ប្រកបដោយនិរន្តរភាព ស្ថិរភាព ប្រសិទ្ធ ភាព និងមានតម្លៃសមរម្យ៕

ខេត្តកំពង់ឆ្នាំង ៖ គួរឲ្យអាណោចអាធ័មបំផុត ដែលស្ត្រីជាម្ដាយរួមទាំងកូនទើបនឹងសម្រាលស្លាប់ទាំងពីរនាក់ ខណៈឮ ស្ត្រីរងគ្រោះ ទៅ សម្រាលកូននៅគ្លីនិកឯកជនមួយកន្លែងឈ្មោះ យឹមផល្លា មានទីតាំងនៅក្នុងភូមិ ត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ។ ហេតុការណ៍នេះ បានកើតឡើងនៅវេលា ម៉ោងជាង ១១ យប់ថ្ងៃទី២ ខែមករា ឆ្នាំ ២០២០ ។

បុរសជាប្តីបន្តថា មុនពេលកើតហេតុ ប្រពន្ធរបស់គាត់មានធ្លាក់ឈាម ដោយសារគាត់គ្រប់ ខែត្រូវឆ្លងទន្លេផងនោះ គាត់ក៍បានជូនប្រពន្ធទៅពិនិត្យផ្ទៃពោះនៅបន្ទប់ថែទាំជំងឺឯកជន យឹម ផល្លា ហើយអ្នកគ្រូពេទ្យនៅទីនោះ បានបញ្ជាក់ប្រាប់ថា ប្រពន្ធគាត់ មិនអីទេ អាច សម្រាលនៅកន្លែងនេះបាន ដោយត្រូវបង់ថ្លៃសេវា អស់តែមួយលានរៀលប៉ុណ្ណោះ។ ឮដូច្នេះដោយមានទំនុកចិត្តលើអ្នកគ្រូពេទ្យ យឹមផល្លា ក្រុមគ្រួសារស្ត្រីរងគ្រោះ ក៏សម្រេច ចិត្តឲ្យស្ត្រីជាប្រពន្ធឆ្លងទន្លេនៅទីនោះតែម្ដងទៅ ដោយយល់ថា អ្នកគ្រូពេទ្យ យឹមផល្លា គឺជាគ្រូពេទ្យ ធ្វើការប្រចាំនៅមន្ទីរពេទ្យបង្អែក ខេត្តកំពង់ឆ្នាំង។

ក្រោយពេលសំរាល រួច កូននោះ បានស្លាប់បាត់ទៅហើយ ចំណែកឯស្ត្រីជាម្តាយ មាន អាការៈខ្សោយទៅៗ ឃើញសភាព ដូច្នេះក្រុមគ្រួសារក៏បានជំរុញឱ្យអ្នកគ្រូពេទ្យ បញ្ជូន ប្រពន្ធគាត់ទៅមន្ទីរពេទ្យបង្អែក ខេត្តកំពង់ឆ្នាំង ព្រោះប្រពន្ធគាត់មិនស្រួលទេ ខ្សោយខ្លាំង ណាស់ ពេលនោះអ្នកគ្រូពេទ្យក៍សំរេចបញ្ជូន ប្រពន្ធគាត់ទៅកាន់មន្ទីរពេទ្យ តែរឿងដែល នឹកស្មានមិនដល់ពេល ទៅដល់មន្ទីរពេទ្យបង្អែកខេត្តកំពង់ឆ្នាំង គឺហួសពេលអស់ទៅ ហើយ ។
ក្រុមគ្រូពេទ្យដែលប្រចាំការនៃមន្ទីរពេទ្យបង្អែក ខេត្តកំពង់ឆ្នាំង ក៏បានរៀបចំបញ្ជូន សព ម្ដាយ និងកូនតាមរថយន្ដសាម៉ុយ ត្រឡប់មកផ្ទះវិញ ។ បុរសជាប្ដីបានបញ្ជាក់ដោយកក្តីសោកសៅថា គាត់មានការហួសចិត្ត ប្រសិនបើគ្រូពេទ្យ ឯកជនគ្មានលទ្ធភាព ម្ដេចមិនបញ្ជូនប្រពន្ធគាត់ទៅសម្រាល នៅមន្ទីរពេទ្យខេត្ត តាំងពី ពេលដំបូង បញ្ហានេះលោកមិនសុខចិត្តឡើយ លោកនឹងរៀបចំដាក់ពាក្យប្ដឹងទៅកាន់ តុលាការតាមផ្លូវច្បាប់ នៅពេលបន្ទាប់ពីធ្វើបុណ្យសពប្រពន្ធ និងកូនគាត់រួច ។

ជុំវិញបញ្ហានេះដែរ លោក ប្រាក់ វ៉ុន ប្រធានមន្ទីរសុខាភិបាលខេត្ត មិនអាចទាក់ទងសុំ ការ បំភ្លឺបានទេ ព្រោះពេលទូរស័ព្ទចូល លោកគ្រាន់តែប្រាប់ថា លោកជាប់រវល់ខ្លាំងណាស់ ហើយក៏បិទទូរស័ព្ទទៅវិញ ។ដោយឡែកលោក សូរិន្ទ ទីរ៉ាវុឌ្ឍី ប្រធានមន្ទីរពេទ្យបង្អែក ខេត្តកំពង់ឆ្នាំង បានបញ្ជាក់ថា អ្នកជំងឺឆ្លងទន្លេ ពេលមកដល់មន្ទីរពេទ្យ គឺខ្សោយណាស់ ទៅហើយ ក្រុមគ្រូពេទ្យ បានប្រឹងប្រែងជួយសង្គ្រោះណាស់ដែរ ក៏ប៉ុន្តែវាហួសពេល ទៅ ហើយ និងបានជួយរៀបចំបញ្ជូនសាកសពជនរងគ្រោះត្រឡប់ទៅផ្ទះវិញ ដើម្បីឲ្យក្រុម គ្រួសារធ្វើពិធីបុណ្យតាមប្រពៃណី៕