ភ្នំពេញ ៖ ក្រសួងការបរទេសកម្ពុជា នៅថ្ងៃទី១៦ ខែកុម្ភៈនេះ បាន ប្រតិកម្មយ៉ាងម៉ឺងមាត់ចំពោះការលើកឡើងពីបញ្ហាលោក កឹម សុខា ពីសំណាក់ស្ថានតំណាងសហរដ្ឋអាមេរិកប្រចាំកម្ពុជា និងបានតម្រូវឲ្យស្ថានតំណាងនេះ គោរពច្បាប់ និងបទប្បញ្ញតិនានានៃអនុសញ្ញាទីក្រុងវីយែន ឆ្នាំ១៩៦១ ស្តីពីទំនាក់ទំនងការទូត រួមនិងការទាមទារឲ្យបញ្ឈប់ជាបន្ទាន់ពីសកម្មភាពដែលមានហេតុផលនយោបាយ។

ក្រសួងការបរទេស និងសហប្រតិបត្ដិការអន្ដរជាតិកម្ពុជា បានចេញសេចក្តីថ្លែងការណ៍ នេះ នៅបន្ទាប់ពីស្ថានទូតសហរដ្ឋអាមេរិកប្រចាំកម្ពុជា បានបង្ហោះសារឆ្កឹះឆ្កៀលជាថ្មីទៀត ពាក់ព័ន្ធនឹងករណីលោក កឹម សុខា ដែលកំពុងស្ថិតក្នុងដំណើរការនៃនីតិវិធីរបស់តុលារ។

គួរជម្រាបថា ស្ថានទូកអាមេរិកប្រចាំកម្ពុជា នៅថ្ងៃទី១៥ ខែកុម្ភៈ នេះ បានបង្ហោះសារមួយតាមរយៈហ្វេសប៊ុកផ្លូវការរបស់ខ្លួនថា លោក កឹម សុខា ប្រធានអតីតគណបក្សសង្គ្រោះជាតិ ជាមនុស្សស្អាតស្អំ ដែលត្រូវបានឃុំខ្លួនដោយអយុត្តិធម៌ ក្រោមការចោទប្រកាន់មិនពិត។

បើតាមស្ថានទូតអាមេរិក គូសបញ្ជាក់ថា លោក កឹម សុខា បានជាប់ក្នុងការឃុំឃាំងរយៈពេល ៥៣០ថ្ងៃ ក្រោមការចោទប្រកាន់មិនពិត។ មិនមានភស្តុតាងណាមួយប្រឆាំងនឹងលោកឡើយ ហើយក៏មិនទាន់ការកំណត់បើកសវនាការកាត់ទោសលោកដែរ។ ទូតអាមេរកបន្តថា «គ្មានភស្តុតាង គ្មានសវនាការកាត់ទោស គ្មានយុត្តិធម៌»។

ក្រសួងការបរទេសចាត់ទុកសារអត្ថាធិប្បាយតែមួយជ្រុងលើរឿងក្តីរបស់លោក កឹម សុខា នេះ បង្ហាញនូវចេតនាយ៉ាងច្បាស់ ដើម្បីបំភាន់សាធារណៈមតិ និងបានសម្តែងនូវការព្រួយបារម្ភយ៉ាងខ្លាំង ហើយចាត់ទុកកាយវិការនេះថា មិនមានលក្ខណៈការទូត និងមិនគោរពចំពោះអធិបតេយ្យភាពរបស់កម្ពុជា និងបានទាមទារឱ្យស្ថានទូតសហរដ្ឋអាមេរិកនៅភ្នំពេញបញ្ឈប់ជាបន្ទាន់នូវសកម្មភាពដែលមានហេតុផលនយោបាយ និងគ្មានការទូតនេះផងដែរ។

គួររំឭកថា លោក កឹម សុខា ប្រធានអតីតគណបក្សសង្គ្រោះជាតិ ត្រូវបានអាជ្ញាធរមានសមត្ថកិច្ចចាប់ខ្លួននៅផ្ទះរបស់លោកស្ថិតនៅក្នុងខណ្ឌទួលគោក រាជធានីភ្នំពេញ។ ការចាប់ខ្លួននេះធ្វើឡើងក្រោយមានការចុះផ្សាយ និងចែងរំលែកតៗគ្នានូវវីឌីអូខ្លីរបស់លោក កឹម សុខា ថ្លែងទៅកាន់ពលរដ្ឋរស់នៅបរទេសមួយក្រុម អំពីយុទ្ធសាស្ដ្រនយោបាយរបស់លោក ដែលលោកថាមានការគាំទ្រពីសហរដ្ឋអាមេរិក។

ការលើកឡើងរបស់លោក កឹម សុខា ត្រូវបានចាត់ទុកថា ជាអំពើឃុបឃិតជាសម្ងាត់ និងអំពើក្បត់ជាតិ ដូចមានចែង និងផ្តន្ទាទោសតាមបទប្បញ្ញតិនៃមាត្រា ៤៤៣ ក្នុងផ្នែកទី១ ស្តីពីអំពើក្បត់ជាតិ និងអំពើចារកម្ម។ មកដល់ពេលនេះ លោក កឹម សុខា កំពុងត្រូវឃុំខ្លួននៅក្នុងផ្ទះរបស់លោក ដោយមានការយាមកាមយ៉ាងតឹងរ៉ឹងពីសមត្ថកិច្ច៕

ខេត្តកំពង់ចាម ៖ នៅរសៀលថ្ងៃសុក្រ ទី១៥ ខែកុម្ភ: ឆ្នាំ២០១៩ នៅសាលសន្និសីទសាលាខេត្តកំពង់ចាម បានបើកកិច្ចប្រជុំបូកសរុបលទ្ធផលការអនុវត្តចលនាប្រឡងប្រណាំងឃុំ សង្កាត់ បម្រើសេវាល្អ ក្នុងខេត្តកំពង់ចាម ប្រចាំឆ្នាំ២០១៨ និងទិសដៅកាងារ ភារកិច្ចឆ្នាំ២០១៩។

ពិធីនេះប្រព្រឹត្តទៅ ក្រោមអធិបតីភាព លោក គួច ចំរើន អភិបាល នៃគណៈអភិបាលខេត្តកំពង់ចាម និងលោក ខ្លូត ផន ប្រធានក្រុមប្រឹក្សាខេត្តដោយមានការអញ្ជើញចូលរួមពី  លោកជំទាវ អភិបាលរងខេត្ត លោក លោកស្រី ប្រធានមន្ទីរជុំវិញខេត្ត អភិបាល អភិបាលរងស្រុក ក្រុងទាំង១០ លោក លោកស្រី មេឃុំ ចៅសង្កាត់ ទាំង១០៩ លោកនាយប៉ុស្តិ៍នគរបាលរដ្ឋបាលទាំង១០៩។

ជាកិច្ចចាប់ផ្តើម លោក ហាន កុសល អភិបាលរងខេត្ត និងជាប្រធានគណៈកម្មការវាយតម្លៃ ការអនុវត្តចលនាប្រឡងប្រណាំង អានរបាយការណ៍បូកសរុបការអនុវត្តចលនាប្រឡងប្រណាំងឃុំ សង្កាត់ បម្រើសេវាល្អ ទទួលចំណាត់ថ្នាក់លេខ១ ឃុំព្រែកក្របៅ ស្រុកកងមាស ចំណាត់ថ្នាក់លេខ២ ឃុំមេសជ្រៃ ស្រុកស្ទឹងត្រង់ ចំណាត់ថ្នាក់លេខ៣ ឃុំសូគង ស្រុកកងមាស និងចំណាត់ថ្នាក់លេខ៤ សង្កាត់វាលវង់ ក្រុងកំពង់ចាម ចំណាត់ថ្នាក់លេខ៥ ឃុំគគរ ស្រុកកំពង់សៀម ចំណាត់ថ្នាក់លេខ៦ ឃុំមហាខ្ញូង ស្រុកកោះសូទិន ចំណាត់ថ្នាក់លេខ៧ ឃុំតុងរ៉ុង ស្រុកព្រៃឈរ ចំណាត់ថ្នាក់លេខ៨ សង្កាត់កំពង់ចាម ចំណាត់ថ្នាក់លេខ៩ ឃុំខ្ចៅ ស្រុកកងមាស ចំណាត់ថ្នាក់លេខ១០ ឃុំព្រែកកក់ ស្រុកស្ទឹងត្រង់៕ ដោយ ៖ សុផល

កណ្តាល ៖ សត្វគោ ឈ្មោលមួយក្បាល ក្នុងចំណោមគោ៥ក្បាល ដែលម្ចាស់ទុកក្នុងក្រោល ត្រូវបានចោរលួចដឹកចេញទាំងយប់ នាំយកទៅសម្លាប់ពន្លះយកសាច់ភ្លៅ និងសាច់សំខាន់ៗដែលងាយៗលះយកទៅលក់ រួចទុកគ្រោងឆ្អឹងចោលដ៏គួរឲ្យតភ្ញាក់ផ្អើល ។

ហេតុការណ៍នេះត្រូវបានគេប្រទះឃើញកាលពីម៉ោងជិត ៨ព្រឹកថ្ងៃទី១៤ ខែកុម្ភៈ ឆ្នាំ២០១៩ នៅចំណុចគម្ពោតព្រៃ ភូមិកណ្តាល ឃុំឆក់ឈើនាង ស្រុកអង្គស្នួល ខេត្តកណ្តាល។

សមត្ថកិច្ចបានឲ្យដឹងថា ជនរងគ្រោះម្ចាស់ផ្ទះ ឈ្មោះកុយ សារី ភេទប្រុស អាយុ៥៣ឆ្នាំ មុខរបរកសិករ រស់នៅភូមិបឹងគ្រើល សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានបន្តថា មុនពេលកើតហេតុមានប្រជាពលរដ្ឋម្នាក់ឈ្មោះ ស៊ុម សំណាង ភេទប្រុស អាយុ៤៦ឆ្នាំនៅ ភូមិឈូកធំ ឃុំឆក់ឈើនាង ស្រុកអង្គស្នួល ខេត្តកណ្តាល បានដើរទៅវាលស្រែ ចំណុចកើតហេតុ ក៏បានប្រទះឃើញសត្វគោដែលគេសម្លាប់រួចពន្លះយកសាច់ភ្លៅ ខាងឆ្វេងម្ខាង និងសាច់ចំឡក ១ចំហៀងខ្លួន យកទៅលក់បាត់ បន្សល់ទុកទាំងសាច់ឈាមស្រស់ញញឹមនៅចោលកណ្តាលវាលស្រែដ៏ គួរឲ្យភ្ញាក់ផ្អើល។

ម្ចាស់គោបានប្រាប់ឲ្យដឹងថា កាលពីល្ងាចថ្ងៃទី១៣ ខែកុម្ភៈនេះ គាត់បានដឹកគោចំនួន៥ក្បាល ចូលក្រោលហើយគាត់បានឡើងទៅដេកនៅលើផ្ទះ លុះព្រឹកឡើងគាត់ ចុះពីលើផ្ទះទើបដឹងថា បាត់គោលឈ្មួល១ក្បាល ស ហើយគាត់ និងក្រុមគ្រួសារបានដើររកមិនឃើញ លុះបន្តិចក្រោយមក
ទើបដឹងថា មានគេលួចដឹកសត្វគោនោះយកទៅសម្លាប់យកសាច់ ក៏នាំគ្នាទៅមើលទើបដឹងថា ជាគោរបស់ខ្លួន ។ ក្រោយមកបានដាក់ពាក្យបណ្តឹងឲ្យសមត្ថកិច្ចជួយស្វែងរកជនខិលខូចទាំងនោះនាំយកមកផ្តន្ទាទោសឲ្យសមនឹងទង្វើដែលគេបានប្រព្រឹត្ត៕ ដោយ ៖ សុផល

ក្រចេះ ៖ អនុវត្តតាមបទបញ្ជាលោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ នៅថ្ងៃទី១៣ ខែកុម្ភៈ ឆ្នាំ២០១៩ កម្លាំងមូលដ្ឋានកងរាជអាវុធហត្ថស្រុកចិត្របុរី ដឹកនាំដោយលោកវរសេនីយ៍ត្រី អ៊ឹម ចិត្រា មេបញ្ជាការស្រុក សហការជាមួយជំនាញសង្កាត់រដ្ឋបាលព្រៃឈើថ្មគ្រែ និងកម្លាំងនគរបាលប៉ុស្តិ៍រដ្ឋបាលឃុំដារ បានចុះបង្រ្កាបឈើប្រភេទសុក្រំចំនួន ៤៨១ដុំ ស្មើនឹង ៣,៩០០ម៉ែត្រគូប នៅចំណុច UTM (62227-1385714 ក្នុងភូមិអញ្ជាញ ឃុំដារ ស្រុកចិត្របុរី ខេត្តក្រចេះ។

បច្ចុប្បន្នវត្ថុតាងខាងលើ ត្រូវបានដឹកយកមករក្សារទុក នៅស្ថានីយ៍បណ្តុះកូនឈើខ្សារ៕ ដោយ ៖ សុផល

ខេត្តកំពង់ស្ពឺ ៖ រថយន្ដធុនតូចដឹកប្រេងឥន្ធនៈមួយគ្រឿង ត្រូវបានភ្លើងឆាបឆេះយ៉ាងសន្ធោសន្ធៅ នៅក្នុងស្ថានីយលក់ប្រេងសូគីមិច លឹម ឈុនទ្រី នៅផ្លូវជាតិលេខ៤ សង្កាត់រការធំ ក្រុងច្បារមន ខេត្តកំពង់ស្ពឺ កាលពីវេលាម៉ោង១៖៥៧នាទីរសៀលថៃ្ងទី១៤ ខែកុម្ភៈ ឆ្នាំ២០១៩ នេះ។

លឹម ឈុនទ្រី ដែលជាម្ចាស់ស្ថានីយ បានបញ្ជាក់ថា ស្ថានីយរបស់គាត់ ធ្លាប់ត្រូវបានអគ្គិភ័យឆាបឆេះម្ដងរួចមកហើយ កាលពីឆ្នាំទៅ ដោយសារតែជាងផ្សាដែកប្រក់ដំបូល ខ្ទាតផ្កាភ្លើងទៅប៉ះជាមួយប្រេងហៀរនៅលើឥដ្ឋបណ្ដាលឲ្យឆេះតែម្ដង។

ម្ចាស់ស្ថានីយ បន្តថា លើកនេះ គឺបណ្ដាលមកពីរថយន្ដដឹកប្រេងខ្នាតតូច (ដឹកតាមប៊ីដុង)បង្កឲ្យហៀប្រេងចេញក្រៅប៉ះជាមួយកំដៅម៉ាស៊ីន ក៏កើតមានការឆាបឆេះទៅជាអគ្គិភ័យតែម្ដង។

តាមការបញ្ជាក់ពីលោកឧត្តមសេនីយ៍ត្រី អ៊ុម ប៊ុនធឿន ស្នងការរង បានឲ្យដឹងថា ក្នុងហេតុការណ៍គ្រោះថ្នាក់ឆេះឡានដឹកប្រេងនេះ រថយន្តអគ្គិភ័យរបស់ស្នងការដ្ឋាននគរបាលខេត្តកំពង់ស្ពឺ ចេញជួយអន្ដរាគមន៍ចំនួន៣គ្រឿង និងរថយន្ដរបស់ម្ចាស់ស្ថានីយចំនួន២គ្រឿង ប្រើទឹក និងទឹកសាប៊ូ អស់ចំនួន ១០ឡាន ទើបអាចគ្រប់គ្រងស្ថានការបានទាំងស្រុង។

សូមជម្រាបថា ករណីអគ្គីភ័យនេះ គឺបណ្ដាលមកពីរថយន្ដដឹកប្រេងខ្នាតតូច (ដឹកតាមប៊ីដុងសាំង)បង្កឲ្យហៀរប្រេងចេញក្រៅប៉ះជាមួយកំដៅម៉ាស៊ីនរថយន្ត ក៏កើតមានការឆាបឆេះទៅជាអគ្គិភ័យតែម្ដង៕

ភ្នំពេញ ៖ ក្រុមអ្នកលក់ដូរតាមចញ្ចើមថ្នល់ បានរិះគន់ និងងឿងឆ្ងល់ថា អាជ្ញាធរខណ្ឌមានជ័យ រយៈពេល២ថ្ងៃជាប់ៗគ្នានេះ គេឃើញមានកម្លាំងសណ្តាប់សាលាសង្កាត់ស្ទឹងមានជ័យទី១ និងកម្លាំងសន្តិសុខ សណ្តាប់ធ្នាប់សាលាខណ្ឌមានជ័យ បានចុះរៀបចំសណ្តាប់ធ្នាប់នៅតាមបណ្តោយផ្លូវ២១៧ ចាប់ពីចំនុចមុខវត្តស្ទឹងមានជ័យ រហូតដល់ច្រមុះជ្រូកស្ទឹងមានជ័យ ដើម្បីបញ្ជៀសការកកស្ទះចរាចរណ៏បានល្អប្រសើរ ពួកគាត់ចូលរួមអបអរមិនមានអ្វីតវ៉ាជាមួយនឹងសមត្ថកិច្ចឡើយ ដោយពួកគាត់យល់ថា នេះជាបញ្ហាសង្គមដែលអាជ្ញាធរត្រូវតែរៀបចំ.

ប្រជាពលរដ្ឋបានរិះគន់ធ្ងន់ៗថា តើហេតុអ្វីអាជ្ញាធររបស់ខណ្ឌមានជ័យមិន ចុះទៅហាមឃាត់ទីតាំងផ្ញើម៉ូតូយកលុយដាក់ហោប៉ៅ ជាប្រយោជន៍ផ្ទាល់ខ្លួនរបស់លោក ជា សារ៉េត ដែលគេស្គាល់ថា ជាប្រធានផ្សារស្ទឹងមានជ័យចាស់ផង ដែលគាត់យកចំណីផ្លូវមួយចំហៀងផ្លូវបើកផ្ញើម៉ូតូនៅមុខផ្សារស្ទឹងមានជ័យចាស់ ឬក៏មានអ្វីនៅពីក្រោយភាពអនាធិបតេយ្យនេះ៕