ប៉ោយប៉ែត៖ ជនសង្ស័យម្នាក់ដែលធាក់ផ្តួលប្លន់យកម៉ូតូសិស្សសាលា នាពេលថ្មីៗនេះ បានចងក សម្លាប់ខ្លួននៅមន្ទីរឃុំឃាំងអធិការក្រុងប៉ោយប៉ែតកាលពីយប់ថ្ងៃទី២៣ ខែមករា ឆ្នាំ២០១៨ នេះ ។សមត្ថកិច្ចបង្ហើបថា សពជនសង្ស័យឈ្មោះ គឹម ស្រេង ភេទប្រុស អាយុ៤០ឆ្នាំ រស់នៅក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។
ជនសង្ស័យក្នុងហេតុការណ៍ចងកប្រភពប្រាប់ថា ចងកនឹងខ្សែភ្លើងក្នុងមន្ទីរឃុំឃាំង។ ក្រោយពីការស្លាប់ជនសង្ស័យរូបនេះ ត្រូវបានកម្លាំងអធិការក្រុងប៉ោយប៉ែតដឹកទាំងយប់យកមកទុកនៅឈាបនដ្ឋានក្នុងវត្តនារាម ហៅវត្តផ្សារកណ្ដាល ដើម្បីរង់ចាំសាច់ញាតិ។
ការស្លាប់របស់ជនសង្ស័យរួបនេះប្រភពបានបង្ហើបថាមានការធ្វេសប្រហែសរបស់កម្លាំងជំនាញនៃអធិការក្រុងខាងលើដោយយកជនសង្ស័យទៅឃុំឃាំងមិនបានដោះសំលៀកបំពាក់ជាប់ចេញពីខ្លួន បណ្ដោយឧ្យជនសង្ស័យរួបនោះអសចចង ក សម្លាប់ខ្លួនបាន។
សួមបញ្ជាក់ថាៈ ជនសង្សយ័ម្នាក់នេះ ត្រូវបានកម្លាំងនគរបាលក្រុងប៉ោយប៉ែតឃាត់ខ្លួនបន្ទាប់ពីធ្វើសកម្មភាពធាក់ម៉ូតូសិស្សសាលាចេញចេញពីរៀនហើយដណ្តើមយកជិះរត់ កាលពីថ្ងៃទី ២១ ខែ មករា ឆ្នាំ២០១៨ នៅចំណុចខាងជើងភោជនីយ៍ដ្ឋាននាគទិព្វ២ប្រហែល៥០ម៉ែត្រ។
មុនពេលកើតហេតុជនសង្ស័យ បានជិះម៉ូតូ១គ្រឿង ម៉ាកវេវ ពាក់អាវពណ៌ខ្មៅដៃវែង ខោខ្លីក្រោមជង្គង់ ពាក់មួកខ្លប់ពណ៌ខ្មៅពីក្រោយជនរងគ្រោះឈ្មោះ ប៉ាល់ សុថារី ភេទស្រី អាយុ ១៣ឆ្នាំ(ជាសិស្ស) រស់នៅភូមិបាលិលេយ្យ២ សង្កាត់ប៉ោយប៉ែត ពីទិសខាងជើងទៅទិសខាងត្បូងស្របទិសគ្នា ពេលដល់ចំណុចកើតហេតុជនសង្ស័យបានជិះហួសម៉ូតូជនរងគ្រោះបានប្រហែល១០ម៉ែត្រ ក៏ជិះត្រឡប់បកក្រោយមកវិញរួចធាក់ផ្តួលម៉ូតូជនរងគ្រោះដែលកំពុងជិះបណ្តាលអោយដួល ហើយដណ្យើមយកម៉ូតូជនរងគ្រោះម៉ាកស៊ូមមឺអេច ពណ៌ទឹកក្រូចលាយខ្មៅ សេរី២០១៥ ទៅទិសខាងត្បូងគេចខ្លួនបាត់ ទុកម៉ូតូកញ្ជាស់របស់ខ្លួនចោលនៅនឹងចំណុចកើតហេតុខាងលើ ។
ក្រោយពីធ្វើកំណត់ហេតុកម្លាំងសមត្ថកិច្ចក្រុងយកម៉ុទូជនសង្ស័យមករក្សាទុកនៅអធិការដ្ឋាននគរបាលក្រុងប៉ោយប៉ែត។
ក្រោយពីកម្លាំងជំនាញនិងប៉ុស្តិ៍ធ្វើការស្រាវជ្រាវលុះដល់វេលាម៉ោង20នឹង23នាទីថ្ងៃខែឆ្នាំដដែល ទើបកំលាំងរកឃើញនៅកន្លែងផ្ញើម៉ូតូក្នុងកាស៊ីណូនឹងចាប់មុខសញ្ញាបាន នៅចំណុចបរិវេណការស៊ីហ្គោឌិននៅនឹងកន្លែងផ្ញើម៉ូតូស្តិតក្នុងភូមិក្បាលស្ពាន1សង្កាត់/ក្រុងប៉ោប៉ែត ខេត្តបន្ទាយមានជ័យ ហើយបានយកមកធិការរដ្ឋានដើម្បីសួរនាំ ក្រោយពីការសាកសួរជនសង្ស័យបានឆ្លើយសារភាពថាខ្លួនពិតជាបានធាក់យកម៉ូតូពីជនរងគ្រោះពិតមែន ។
ជុំវិញជនសង្ស័យស្លាប់ក្នុងមន្ទីឃុំឃាំងរបស់អធិការក្រុងប៉ោយប៉ែត មិនអាចសុំការបំភ្លឺពីលោក ព្រុំ ពិសិទ្ធ អធិការរងទទួលបន្ទុកព្រហ្មទណ្ឌបានឡើយដោយទូរសព្ទចូលគ្មានអ្នកទទួល៕
