All posts by មេគង្គ ប៉ុស្តិ៍

បង្ក្រាបគ្រឿងញៀនទ្រងទ្រាយធំឃាត់ជនសង្ស័យ៨នាក់ រឹបអូសថ្នាំញៀនជិត១០គ.ក្រ

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ៖ ជនសង្ស័យជួញដូរគ្រឿង ញៀន ចំនួន ៨នាក់ត្រូវបានកម្លាំងកងរាជអាវុធហត្ថ ខេត្តស្វាយរៀងសហការជាមួយកម្លាំងកងរាជអាវុធហត្ថ លើផ្ទៃប្រទេស ,រាជធានីភ្នំពេញ និងកងរាជអាវុធតាមបណ្តាលខណ្ឌនានាស្រាវជ្រាវឃាត់ជាបន្តបន្ទាប់ ដោយដកហូត បានគ្រឿងញៀន ប្រមាណជិត ១០គីឡូក្រាម កាំភ្លើងខ្លីចំនួន ២ដើម ។ការឈានទៅបង្ក្រាបគ្រឿងញៀនទ្រង់ទ្រាយធំនេះបន្ទាប់ពីកងរាជអាវុធខេត្តស្វាយរៀង ឃាត់ខ្លួនបក្សពួកនៅឋេត្តស្វាយរៀង ។

តាម ព័ត៌មានអោយដឹងថាជនសង្ស័យចំនួន ៧នាក់ ត្រូវបានកម្លាំង សមត្ថកិច្ចកងរាជអាវុធហត្ថឃាត់ខ្លួន កាលពីវេលាពា់កកណ្តាលយប់ថ្ងៃទី២០ខែ មករា នៅចំណុច សណ្ឋាគារមេគង្គវីយូថោវើ ស្ថិតនៅភូមិ៣ សង្កាត់ជ្រោយចង្វារ ខណ្ឌជ្រោយចង្វារ ។ក្នុងប្រតិបត្តិការ ដោយមានការសម្រួលពីលោក សឿន មុនីរ័ត្ន ព្រះរាជអាជ្ញារងអមសាលាដំបូងរាជធានីភ្នំពេញ ។

តាមព័ត៌មានអោយ ដឹងថា សមត្ថកិច្ចបានធ្វើការឆែកឆេរ បន្ទប់ ជាន់ទី១៤ នៃ ខុន ដូនិងសណ្ឋាគារ ខាងលើ ដោយរកឃើញ កាំភ្លើងខ្លី មួយដើម និងថ្នាំញៀន ប្រមាណជិត១គីឡូក្រាម។

ជនសង្ស័យទាំង ៧នាក់ រួមមាន ១-ឈ្មោះ ង្វៀង ធីទឿងអាន ភេទស្រី អាយុ ២១ឆ្នាំ ជនជាតិវៀតណាម, ២-ឈ្មោះ ង្វៀង ហុងដាំ ភេទប្រុស អាយុ ៣១ឆ្នាំ ជនជាតិវៀតណាម, ៣-ឈ្មោះ ង្វៀង ថៃសឺន ភេទប្រុស អាយុ ៣០ឆ្នាំ ជនជាតិវៀតណាម, ៤-ឈ្មោះ ហ្វង់ ហុងហ្វី ភេទប្រុស អាយុ ៤០ឆ្នាំ ជនជាតិវៀតណាម, ៥-ឈ្មោះ ជ័យ សុភាព ភេទប្រុស អាយុ ៤០ឆ្នាំ ជនជាតិខ្មែរ, ៦-ឈ្មោះ ពៅ លក្ខិណា ភេទប្រុស អាយុ ៣៥ឆ្នាំ ជនជាតិខ្មែរ និង ៧-ឈ្មោះ ឃិន វិសាល ភេទប្រុស អាយុ ៣៤ឆ្នាំ ជនជាតិខ្មែរ ។

វត្ថុតាង ដកហូតរួមមាន រុក្ខជាតិក្រៀម ២កញ្ចប់, ម្សៅក្រាមពណ៌សថ្លា ចំនួន ៦កញ្ចប់ធំ ទម្ងន់ ៤៩,១ ក្រាម, ថ្នាំគ្រាប់ពណ៌ទឹកក្រូច មានទម្ងន់ ១៨៩,៦ ក្រាម, អាវុធខ្លី ១ដើម ម៉ាក P២៣០ គ្រាប់ ៧ បង់១, ម៉ូតូ ១គ្រឿង, រថយន្ត ១គ្រឿង, ប្រាក់ ៨៥០០ដុល្លារ និង ៤៥០ ០០០រៀល និងលុយដុងមួយចំនួន ។

ដោយឡែកនៅវេលាម៉ោងប្រមាណ១និង៣០នាទីរសៀល ថ្ងៃទី២២ ខែមករា ឆ្នាំ២០១៨សមត្ថកិច្ចកងរាជអាវុធហត្ថ បានចុះទៅសហការ ឆែកឆែរ ផ្ទះជួលមួយកន្លែង ក្នុងសង្កាត់ចាក់អង្រែលើ ខណ្ឌមានជ័យ ដោយឃាត់ខ្លួនបានជនសង្ស័យ ម្នាក់ទៀត ព្រមទាំងដកហូតបានគ្រឿង ប្រមាណជាង ៦គីឡូក្រាមទៀត រួមនិងអាវុធម៉ាក K59ចំនួន១ដើម។

តាមព័ត៌មានអោយដឹងថា មេក្លោង ដែលជាម្ចាស់កាំភ្លើង គេចខ្លួនបាត់។បន្ទាប់ពីឃាត់ខ្លួន ជនសង្ស័យរួមនឹងវត្តុតាំង ត្រូវបាននាំខ្លួន បញ្ជូនទៅកាន់ទីបញ្ជាការកងរជអាវុធហត្ថ ខេត្តស្វាយរឿង សាកសួរ ។ទោះបីជាយ៉ាងណា ជុំវិញការបង្ក្រាបគ្រឿងញៀននេះសម្ថកិច្ចពុំទាន់បានផ្តល់ព័ត៌មានលំអិតឡើយ ៕

កម្ពុជា អាមេរិក ចុះហត្ថលេខាលើអនុស្សរណៈការយោគយល់គ្នា និងសហប្រតិបត្តិការ

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សេដ្ឋកិច្ចមេគង្គ ប៉ុស្តិ៍

ភ្នំពេញ ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈនៅថ្ងៃច័ន្ទ ទី២២ ខែមករា ឆ្នាំ២០១៨ បាន អញ្ជើញអធិបតីក្នុងពិធីចុះហត្ថលេខាលើអនុស្សរណៈ នៃការយោគយល់គ្នា រវាងក្រសួងការងារ និងបណ្តុះបណ្តាលវិជ្ជាជីវៈ ជាមួយមជ្ឈមណ្ឌល អាមេរិកាំងសម្រាប់សាមគ្គីភាពការងារអន្តរជាតិ (ACILS) នៅសណ្ឋាគារកាំបូឌីយ៉ាណា។

ថ្លែងក្នុងពិធីចុះអនុស្សារណៈយោគយល់គ្នានោះ ឯកឧត្តមបណ្ឌិត អ៊ិត សំហេង បានមានប្រសាសន៍សាទរ ចំពោះកិច្ចសហការ រវាង ក្រសួងការងារ និង អង្គការ ACILS នាពេលកន្លងមក រហូតឈានដល់ការចុះហត្ថលេខាលើអនុស្សរណៈ នៃការយោគយល់គ្នាក្នុងថ្ងៃនេះ។

ឯកឧត្តមបណ្ឌិតបញ្ជាក់ទៀតថា កន្លងមកក្រសួង ក៏មានកិច្ចសហប្រតិបត្តិការល្អជាមួយអង្គការ ACILS បើទោះជាមិនមានក្របខណ្ឌជាអនុស្សរណៈនៃការយោគយល់គ្នាក៏ដោយ។ តែនេះជាលើកដំបូង ដែលកិច្ចសហប្រតិបត្តិការនេះឈានដល់ការរៀបចំឱ្យមានពិធីចុះហត្ថលេខាលើអនុស្សរណៈនៃការយោគយល់គ្នា ដែលនឹងធ្វើឱ្យភាពជាដៃគូរវាងក្រសួង និងអង្គការ ACILS កាន់តែល្អប្រសើរ។ អនុស្សរណៈនៃការយោគយល់គ្នានេះ នឹងក្លាយជាក្របខណ្ឌដ៏សំខាន់មួយនៃកិច្ចសហប្រតិបត្តិការរវាងក្រសួងការងារ និងបណ្ដុះបណ្ដាលវិជ្ជាជីវៈ និងអង្គការ ACILS ដែលនឹងចូលរួមចំណែកក្នុងការអនុវត្តគោលនយោបាយរបស់រាជរដ្ឋាភិបាល ក្នុងការអភិវឌ្ឍវិស័យការងារនៅកម្ពុជា។

ឯកឧត្តមបណ្ឌិតរដ្ឋមន្ត្រីបញ្ជាក់បន្ថែមថា តាមរយៈក្របខណ្ឌ នៃកិច្ចសហប្រតិបត្តិការពេលនេះ យើងនឹងរួមគ្នាពង្រឹងការអនុវត្តគោលនយោបាយពាក់ព័ន្ធនឹងវិស័យការងារ សំដៅឆ្លើយតបទៅនឹងគោលបំណងដែលបានកំណត់ក្នុងអនុស្សរណៈ ដែលនឹងចុះហត្ថលេខារួមគ្នានេះ ជាពិសេស កិច្ចសហប្រតិបត្តិការលើផ្នែកសុខភាពនិងសុវត្ថិភាពការងារ និងការអភិវឌ្ឍសុវត្ថិភាពនៃការដឹកជញ្ជូនកម្មករនិយោជិតក្នុងវិស័យវាយនភណ្ឌ និងកាត់ដេរ ដែលជាជំហានដំបូងនៃការអនុវត្តក្របខណ្ឌនេះ។

ជាមួយគ្នានោះឯកឧត្តមបណ្ឌិតរដ្ឋមន្ត្រីមានជំនឿយ៉ាងមុតមាំថា អនុស្សរណៈនេះ នឹងក្លាយជាក្របខណ្ឌសំខាន់មួយ សម្រាប់ប្រតិបត្តិការរបស់អង្គការ ACILS កាន់តែទូលំទូលាយក្នុងវិស័យការងារ ក៏ដូចជាផ្ដល់នូវភាពស្របច្បាប់សម្រាប់ប្រតិបត្តិការការងាររបស់ខ្លួន អនុលោមតាមច្បាប់ជាធរមានរបស់ព្រះរាជាណាចក្រកម្ពុជា។

គួររំឭកផងដែរថា កម្ពុជាបាននិងកំពុងសហការយ៉ាងជិតស្និទ្ធជាមួយសហរដ្ឋអាមេរិក ក្នុងការអនុវត្តការផ្សាភ្ជាប់ពាណិជ្ជកម្មទៅនឹងលក្ខខណ្ឌការងារ។ តាមរយៈកិច្ចសហការនេះ កម្ពុជាបានខិតខំពង្រឹងការអនុវត្តលក្ខខណ្ឌការងារល្អប្រសើរ ដែលឆ្លើយតបទៅនឹងកង្វល់របស់គ្រប់ភាគីពាក់ព័ន្ធទាំងអស់ រួមទាំងអ្នកបញ្ជាទិញធំៗរបស់សហរដ្ឋអាមេរិក សហជីព និយោជក កម្មករនិយោជិត។

ជាលទ្ធផល កម្ពុជានៅតែរក្សាបានទីផ្សារ និងកិត្យានុភាពទំនិញដែលផលិតនៅកម្ពុជា ព្រមទាំងការអនុគ្រោះនានា។ តាមរយៈនេះ យើងសង្ឃឹមយ៉ាងមុតមាំថា ការបញ្ជាទិញពីសហរដ្ឋអាមេរិកនៅតែបន្តកើនឡើងជាលំដាប់ ទាំងផលិតផលវាយនភណ្ឌ កាត់ដេរ និងផលិត ស្បែកជើង ក៏ដូចជាទំនិញសម្ភារៈធ្វើដំណើរ៕

៖បុរសម្នាក់ត្រូវចាប់ខ្លួនពីបទរំលោភនារីកម្មកររោងចក្រ

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ព្រះសីហនុ៖បុរសម្នាក់ត្រូវចាប់ខ្លួនពីបទរំលោភនារីកម្មកររោងចក្រ នៅក្នុងព្រៃ ដោយបញ្ឆោតហៅជនរងគ្រោះ NB NBឲ្យជូនទៅមេីលប្រពន្ធជួបគ្រោះថ្នាក់ចរាចរណ៍នៅវេលាម៉ោង០៧និង១០នាទីព្រឹកថ្ងៃទី២១ ខែមករា ឆ្នាំ២០១៨ ស្ថិតនៅ សង្កាត់លេខ១ ក្រុង.ខេត្តព្រះសីហនុ។តាមប្រភពព័ត៌មានពីកន្លែងកើតហេតុបានឲ្យដឹងថាបុរសកម្មកររោងចក្រកាត់ដេរម្នាក់ បានបោកបញ្ឆោត នាំនារីកម្មកររោងចក្រកាត់ដេរ ដែលជួលបន្ទប់ក្បែរគ្នា យកទៅរំលោភបានសំរេច នៅក្នុងព្រៃផ្លូវចូលក្បាលឆាយ។ប្រភពបន្តថានារីរងគ្រោះឈ្មោះស ជ រ អាយុ២០ ឆ្នាំ មុខរបរកម្មកររោងចក្រ និងនិងស្នាក់នៅផ្ទះជួលជិតរោងចក្រកាត់ដេរញ៉ូស្តារ។ចំនែក

ជនសង្ស័យមានឈ្មោះថន ប៊ុណ្ណា ហៅម៉ាប់ ភេទប្រុស អាយុ៣២ឆ្នាំ មុខរបរកម្មកររោងចក្រកាត់ដេរញ៉ូnស្តារ។នារីរងគ្រោះបានឲ្យដឹងថាជនសង្ស័យបាននិយាយកុហកប្រាប់ថាប្រពន្ធរបស់គាត់ជួបគ្រោះថ្នាក់ចរាចរណ៍ នៅស្ពានទឹកសាប ហេតុដូច្នេះសូមជួយទៅមើលជាមួយខ្លួនផង ក្នុងពេលនោះនារីរងគ្រោះ ក៏បានឡើងជិះម៉ូតូទៅជាមួយជនសង្ស័យបានឌុបនាង ចូលទៅក្នុងព្រៃផ្លូវចូលទៅក្បាលឆាយ ហេីយធ្វើសកម្មភាពចាប់រំលោភ រហូតបានសម្រេច បន្ទាប់មក ក៏បានឌុបនារីរងគ្រោះ ត្រឡប់មកបន្ទប់ជួលវិញ។

ក្រោយពេលកើតហេតុនារីរងគ្រោះបានប្តឹងសមត្ថកិច្ច និងទៅចង្អុលមុខចាប់ខ្លួនជនសង្ស័យបានតែម្តង។
ករណីនេះសមត្ថកិច្ចកំពង់កសាងសំណំុរឿងបញ្ជូនទៅសាលាដំបូងតាមនីតិវិធី៕

កំពុងជិះម៉ូតូលើស្ពានគីហ្ស៊ូណា ត្រូវរថយន្តបុកស្លាប់

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ចាម ៖ កំលាំងចរាចរ ខេត្តកំពង់ចាម បាននិងកំពុង តាមស្រាវជ្រាវ រករថយន្តមួយគ្រឿងដែលបានបើករត់គេចបន្ទាប់ពី ប៉ះទង្គិចជាមួយម៉ូតូមួយកាល ពី ថ្ងៃទី21វិច្ឆិការ ឆ្នាំ 2018 វេលាម៉ោង 21.និង40នាទី នៅចំណុច លើស្ពានគីហ្ស៊ូណា ចន្លោះ សរសេរស្ពានទី10និង11ស្ថិតក្នុងភូមិទី3 សង្កាត់វាលវង់ ក្រុងកំពង់ចាម ។

ប៉ូលីស ការពារស្ពាន បានអោយដឹងថា ករណីគ្រោះថ្នាក់ចរាចរនេះកើតទ្បើងរវាង ម៉ូតូម៉ាក ស៊ុយហ្ស៊ូគីស្មាស់ពណ៏ខ្មៅ ពាក់ស្លាកលេខ កំពង់ចាម1B.4338 បើកបរដោយឈ្មោះ រី ភេទប្រុសអាយុ26ឆ្នាំ ស្នាក់ភូមិទន្លេបិតលើ ឃុំទន្លេបិត ស្រុកត្បូងឃ្មុំ ខេត្តត្បូងឃ្មុំ(បើកពីកើតទៅលិច) និងរថយន្តមិនស្គាល់ម៉ាក (បើកពីលិចទៅកើត)។ ប៉ូលីសបានអោយដឹងថាក្រោយពេលកើតហេតុ រថយន្តបានបើករត់គេចបាត់ សមត្ថកិច្ច បានធ្វើការប្រដេញតាមរុករក រថយន្តមិនស្គាលម៉ាក់ តែដោយយប់ងងឹត និងបញ្ហាចរាចរ មានរងយន្តច្រើនពេក ទើប រថយន្ត បង្ករគេចរួច។

ចំណែកអ្នកបើកបរ ម៉ូតូ ឈ្មោះ បានស្លាប់ នៅកន្លែងកើតហេតុ។
ប៉ូលីសបានបញ្ជាក់ថា មូលហេតុ អោយមានគ្រោះថ្នាក់ខាងលើនេះ គឺការបើកបរមិនប្រកាន់ស្តាំហើយអ្នកបើកបរម៉ូតូមិនពាក់ពួកសុវត្ថិភាព ។ ករណីនេះផ្នែកជំនាញកំពុងធ្វើកំពុងធ្វើការស្រាវជ្រាវ៕ សុភណ្ឌ័

រថយន្តសាំយ៉ុងព្រលះរថយន្តហ៊ីយ៉ាន់ ដាយ របួស៨នាក់ស្លាប់១នាក់

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ចាម ៖ ជនជាតិ កូរេចំនួន៨នាក់ បានរងរបួសធ្ងន់ និង ជនជាតិ ខ្មែរ១នាក់ បានស្លាប់នៅកន្លែងកើតហេតុ ដោយគ្រោះថ្នាក់ចរាចរកាលពីថ្ងៃទី ២២ខែមករា ឆ្នាំ២០១៨ វេលាម៉ោង៧ នៅលើផ្លូវជាតិលេខ៦ នៅចំណុចភូមិជាលា ឃុំជាលា ស្រុកបាធាយ ខេត្តកំពង់ចាម។

លោក សំ ណាល់ អធិការ នគរបាល ស្រុក បាធាយ បានអោយដឹងថាករណីគ្រោះថ្នាក់ចរាចរមួយនេះកើតឡើងរវាង រថយន្ដ ម៉ាកសាំយ៉ុង ពណ៍សរ ពាក់ផ្លាកលេខភ្នំពេញ 2R 8015 . បើកបរដោយឈ្មោះ សៀ លីវន្ដ ប្រុសអាយុ២១ មានទីលំនៅ ភូមិខ្នា ឃុំជ្រាវ ខេត្ត សៀមរាប ដែលមានទិសដៅពីជើងទៅត្បូង ។

ពេលមកដល់ចំណុចខាងលើបាន ប៉ះទង្គិចជាមួយរថយន្ត ០១គ្រឿង ម៉ាកហុីយ៉ាន់ដាយពណ៏សរ ក្រហមពាក់ផ្លាកលេខ ភ្នំពេញ3B5084 និងមានលេខសណ្ដោយរុឺម៉ក បាត់ដំបង 4A 0003 ដែលឈប់នៅ ចិញ្ចើមថ្នល់ ។
លោក អធិការ បានអោយដឹងថា ករណីនេះបណ្ដាលឲ្យ :
-ខូចរថយន្ត ២គ្រឿង លក្ខណះ ធ្ងន់
-របួសជនជាតិកូរ៉េ 8នាក់ ( ធ្ងន់ 7នាក់)
-របួសជនជាតិខ្មែរ ១នាក់ ស្រាល
-ស្លាប់ខ្មែរ០១នាក់
ចំណែក អ្នកបើកបរ រថយន្តបង្ករបានរត់គេចខ្លួនបាត់ មុនសមត្ថកិច្ចទៅដល់។
សពជនរងគ្រោះត្រូវបាន ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ សុ ភណ្ឌ័

មានជំងឺប្រចាំកាយធ្វើអត្តឃាដតលែងស្តាយជីវិត

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ចាម ៖ ស្រីចំណាស់ម្នាក់បានសំរេចចិត្ត ធ្វើអត្តឃាត ដោយយកកាំបិតចាក់ខ្លួនឯង បង្ករអោយមានការភ្ញាក់ផ្អើល កាលពីថ្ងៃទី 20 ខែ មករា ឆ្នាំ2018វេលាម៉ោង11.10នាទី នៅភូមិកំពង់រាបក្រោម ឃុំកំពង់រាប ស្រុកកោះសូទិន ខេត្តកំពង់ចាម។

ប៉ូលីស បានអោយដឹងថា ជនរងគ្រោះឈ្មោះសាន់ វន្នីភេទស្រី អាយុ59ឆ្នាំ នៅភូមិកេីតហេតុខាងលេី បានយកកាំចិតបន្លែចុងស្រួចមកចាក់ ក ខ្លួនឯងនិងចាក់ចំពោះមួយកន្លែងបណ្ដាលអោយរយះចេញឈាម។

ប្រភពពត៍មាន នៅកន្លែងកើតហេតុ បានអោយដឹងថា ជនរងគ្រោះមានជំងឺរាំរ៉ៃ យូរមកហើយ ព្យាបាលយ៉ាងណា ក៏មិនជាដែរ ទំនង ជាអស់សង្ឃឹម ទើបស្ត្រី រងគ្រោះ(គិតខ្លី)បានប្រលយ័ជីវិតខ្លួនឯង ។

ក្រោយកើតហេតុភ្លាម បងប្អូនជនរងគ្រោះ ឃើញក៏ នាំជនរងគ្រោះបញ្ជូនទៅមន្ទីពេទ្យខេត្ត កំពង់ចាម។ សុភណ្ឌ័

បង្ក្រាបល្បែងអាប៉ោង១វង់ ឃាត់មនុស្ស៤នាក់ និងអាប៉ោង៤គ្រាប់នៅឃុំភ្នំសំពៅ

បាត់ដំបង ៖ កម្លាំងអន្តរាគមន៍បង្ការបង្ក្រាបនៃស្នងការដ្ឋាននគរបាលខេត្តបាត់ដំបង បានចុះប្រតិបតិ្តការបង្ក្រាបទីតាំងល្បែងស៊ីសងអាប៉ោង១កន្លែងឃាត់ខ្លួនមនុស្សចំនួន៤នាក់។

លោក ឈឿង គឹមសុង មេក្រុមបង្ការបង្ក្រាបនិងជាអនុប្រធានការិយាល័យនគរបាលព្រហ្មទណ្ឌកំរិតស្រាលបានប្រាប់អោយដឹងថា ក្នុងកិច្ចប្រតិបត្តិការខាងលើនេះបានធ្វើឡើងនៅវេលាម៉ោង១៦-២០នាទី ថ្ងៃទី២០ ខែមករា ឆ្នាំ២០១៨ នៅចំណុចភូមិក្រពើជើង ឃុំភ្នំសំពៅ ស្រុកបាណន់ ។

ជាលទ្ធផលសមត្ថកិច្ចជំនាញបានឃាត់ខ្លួនមនុស្សចំនួន ៤នាក់ ,១. ឈ្មោះ អៀក គឹមហេង ភេទប្រុស អាយុ៤៤ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ជាមេបាញ់អាប៉ោង ។២. ឈ្មោះ ឆុញ ឈាន ភេទប្រុស អាយុ៥៦ឆ្នាំ មានទីលំនៅភូមិភ្នំសំពៅកើត ឃុំភ្នំសំពៅ ស្រុកបាណន់ ជាអ្នកលេង។៣. ឈ្មោះ ហួត ហ៊ុច ភេទប្រុស អាយុ៥៧ឆ្នាំ មានទីលំនៅភូមិភ្នំសំពៅ ឃុំភ្នំសំពៅ ស្រុកបាណន់ ជាអ្នកលេង ។៤.សឿន ឌឿន ភេទប្រុស អាយុ៣៨ឆ្នាំ មានទីលំនៅភូមិអូរខ្ជាយ ឃុំអូរដំបង១ ស្រុកសង្កែ ជាអ្នកលេង ។

វត្ថុតាងដកហូតរួមមាន ៖ ចានសម្រាប់បាញ់គ្រាប់អាប៉ោងចំនួន១មេគ្រាប់អាប៉ោងចំនួន ៤គ្រាប់ កម្រាលសម្រាប់ចាក់អាប៉ោងចំនួន១។

បច្ចុប្បន្ន ក្រុមអ្នកញៀនលេងល្បែងស៊ីសងខាងលើ រួមនិងវត្ថុតាងត្រូវបានឃាត់ប្រគល់អោយទៅការិយាល័យជំនាញដើម្បីចាត់ការតាមនីតិវិធី ៕ សុផល

ស្លាប់កម្មករម្នាក់ ពេលប៉ូលិសផ្ទុះអាវុធបង្ក្រាបកន្លែងជល់មាន់នៅសង្កាត់ចោមចៅ២

January 22, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ កម្មកររោងចក្រម្នាក់បានរងគ្រាប់កាំភ្លើងចំនួន ២គ្រាប់បណ្តាលអោយស្លាប់ នៅពេលបញ្ជូនទៅមន្ទីរពេទ្យ ខណៈដែលកំពុងតែឈរលេងនៅលើផ្ទះជាន់ទី៣ហើយ កម្លាំងនគរបាលខណ្ឌពោធិ៍សែនជ័យ ចុះទៅបង្រាបសង្វៀនជល់មាន់ និងបាញ់អាប៉ោង ផ្ទុះអាវុធជាច្រើនគ្រាប់ ហើយគ្រាប់កាំភ្លើងបានហោះទៅត្រូវចំបំពងក ជនរងគ្រោះតែម្តង។

ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១១នាទីព្រឹកថ្ងៃទី២១ ខែមករា ឆ្នាំ២០១៨ នៅចំណុចខាងក្រោយផ្សារ កាណាស៊ីធី ស្ថិតនៅក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ។បន្ទាប់ពីស្លាប់ ស្ត្រីជាប្រពន្ធបានយំសោកបោកខ្លួនហើយទាមទារឲ្យក្រុមនគរបាលទទួលខុសត្រូវ ។
ជនរងគ្រោះដែលអះអាងថាបានស្លាប់ដោយគ្រាប់កាំភ្លើង នគរបាល ឈ្មោះសៀក រ៉ន ភេទប្រុស អាយុ៣៣ឆ្នាំ ជាកម្មកររោងចក្រស្នាក់នៅកន្លែងកើតហេតុ និងមានស្រុកកំណើតនៅក្នុងឃុំដុង ស្រុកបរសេដ្ឋ ខេត្តកំពង់ស្ពឺ ត្រូវគ្រាប់កាំភ្លើងចំនួន ២គ្រាប់ចំបំពង់ក ធ្លាយមួយគ្រាប់ និងបៀមមួយគ្រាប់។ ជនរងគ្រោះមានប្រពន្ធឈ្មោះ នុប ផាន្នី អាយុ២៧ឆ្នាំ មុខរបរកម្មការិនីរោងចក្រកាត់ដេរមានកូនប្រុសម្នាក់ និងកូនស្រីម្នាក់នៅក្នុងបន្ទុក។

តាមព័ត៌មានអោយដឹង ថា នៅមុនពេលកើតហេតុកម្លាំងនគរបាលក៍បានចុះទៅបង្ក្រាបសង្វៀនជល់មាន់មួយកន្លែងនៅក្នុងភូមិ កើតហេតុក៍បានផ្ទុះអាវុធជាច្រើនគ្រាប់គំរាមឡើងលើ ហើយក្រុមអ្នកញៀនល្បែងបាននាំគ្នារត់ប្រសាច ចៃដន្យគ្រាប់កាំភ្លើងហោះទៅត្រូវជនរងគ្រោះដែលកំពុងតែឈរនៅលើផ្ទះជាន់ទី៣។
តាមស្ត្រីជាប្រពន្ធបុរសរងគ្រោះបានអោយដឹងថា បន្ទាប់ត្រឡប់មកពីផ្សារ ប្តីរបស់ខ្លួនបានទៅឈរនៅយ៉ខាងមុខផ្ទះជាន់ទី៣ មុខបន្ទប់ប្អូន ស្រាប់តែឮស្នូរផ្ទុះអាវុធជាច្រើនគ្រាប់។ ភ្លាមៗនោះ ស្រាប់តែឃើញប្តីរបស់ខ្លួនបានបានទៅដួលតែម្តង។

តាមព័ត៌មានអោយដឹងថា ក្រុមអ្នកញៀនល្បែងភ្នាល់មាន់ចំនួន២នាក់ត្រូវបានឃាត់ខ្លួន សមត្ថកិច្ចដកហូតបានមាន់៦ក្បាល ទ្រុង និងកៅអីមួយចំនួន ។
តាមព័ត៌មានអោយដឹងថា ខណៈនោះ បង្កអោយមានការភ្ញាក់ផ្អើលជាថ្មីបន្ថែមទៀត ហើយកម្លាំងនគរបាលក៍បាននាំជនរងគ្រោះបញ្ជូនទៅកាន់មន្ទីរពេទ្យ ព្រះកុសុមៈ នៅពេលទៅដល់មន្ទីរពេទ្យ ក៍បានដាច់ខ្យល់ស្លាប់ ។សពជនរងគ្រោះត្រូវបានក្រុមគ្រួសារបញ្ជូនមកតម្កល់ធ្វើបុណ្យនៅវត្តពោធិ៍តុងក្រោយមកបញ្ជូនទៅស្រុកកំណើត។

តាមព័ត៌មានអោយដឹងថា បន្ទាប់ពីផ្ទុះអាវុធបណ្តាលអោយមនុស្សស្លាប់ សមត្ថកិច្ចជំនាញចុះទៅពិនិត្យ កន្លែងកើតហេតុ រើសបានសំបកគ្រាប់កាំភ្លើងខ្លី ចំនួន ៤គ្រាប់ ។ចំណែកកម្លាំងនគរបាលដែលចុះទៅបង្ក្រាប មានគ្នា ៦នាក់មានកាំភ្លើងខ្លីចំនួន៥ដើម ត្រូវបានឃាត់ខ្លួននៅអធិការដ្ឋាន ខណ្ឌផងដែរ ៕

រឹបអូសឈើជិត១រយម៉ែត្រគីប ដែលលាក់ទុកក្នុងព្រៃខាងក្រោយឃុំអូរគ្រៀង ស្រុកសំបូរ

January 21, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តក្រចេះ ៖ នាយសង្កាត់រដ្ឋបាលព្រៃឈើអូរគ្រៀង ចំណុះឱ្យផ្នែករដ្ឋបាលព្រៃក្រចេះ បានឱ្យ ដឹងនៅថ្ងៃទី១៩ខែមករា នេះ ថា មានឈើអារលេខ១ឈ្លីក មានចំនួនរាប់រយកំណាត់ ត្រូវបានក្រុម មន្ត្រីសង្កាត់រុករកឃើញ នៅក្នុងព្រៃខាងក្រោយឃុំអូរគ្រៀង ស្រុកសំបូរ ខេត្តក្រចេះ ។

លោក កែវ ចំណាន នាយសង្កាត់រដ្ឋបាលព្រៃឈើអូរគ្រៀង បានបន្តទៀតថា ជាមួយ និងការ ចុះបង្ក្រាបឈើល្មើសច្បាប់ជាច្រើនគំនរ ដែលក្រុមឈ្មួញលាក់ទុកនៅក្នុងព្រៃនេះ គឺមានការចូល រួម ពីកម្លាំងអាវុធហត្ថស្នាក់ការសន្តិសុខលេខ៩១០ និងកម្លាំងនគរបាលសេដ្ឋកិច្ចខេត្តក្រចេះ ។

លោកនាយសង្កាត់បន្តថា ជាមួយនិងយុទ្ឋនាការពេញមួយថ្ងៃទី១៨ខែមករា នេះ ក្រុមមន្ត្រី ជំនាញ បានរកឃើញឈើអារលេខ១ឈ្លីក មានចំនួន២៦៩ដុំ នឹងត្រូវចាប់បង្ក្រាបរឹបអូសទាំងស្រុង រួចនាំមករក្សាទុកនៅសង្កាត់រដ្ឋបាលព្រៃឈើ ដើម្បីចាត់វិធានការ និងវាស់វែង។

ជាមួយនឹងការបង្ក្រាបឈើល្មើសច្បាប់រាប់រយកំណាត់ នឹងជាច្រើនម៉ែត្រគីប ពីសំណាក់ កម្លាំង ចម្រុះ របស់មេព្រៃអូរគ្រៀងនាថ្ងៃនោះ គឺសមត្ថកិច្ចមិនបានបញ្ជាក់ថា ឈើល្មើសច្បាប់ ទាំង នេះ ជារបស់មេឈ្មួញរូបណានោះទេ ដោយសមត្ថកិច្ចអះអាងថា ឈើទាំងនេះគឺក្រុមឈ្មួញ ដឹក យក មកលាក់ទុកជាច្រើនគំនរនៅក្នុងព្រៃ ខាងក្រោយភូមិអូរគ្រឿង ស្រុកសំបូរ ដើម្បីរក ឱកាសដឹក ចេញ។

នាយសង្កាត់រដ្ឋបាលព្រៃឈើ អូរគ្រៀង លោក កែវ ចំណាន បានបញ្ជាក់ឱ្យដឹងថា ឈើទាំង នេះសុទ្ឋសឹងជាឈើអារលេខ១ឈ្លីក មានចំនួន២៦៩ដុំធំៗ និងបានវាស់វែងឃើញថា មាន បរិមាណ ស្មើរនិងជិត១រយម៉ែត្រគីប និងបានរក្សាទុកបណ្តោះអាសន្ន ក្នុងសង្កាត់រដ្ឋបាលព្រៃឈើ អូរគ្រៀង ហើយកម្លាំងជំនាញនិង បន្តស្រាវជ្រាវស្វែងរកជនជាម្ចាស់ឈើឱ្យចូលខ្លួនមកដោះស្រាយ តាមច្បាប់ស្តីពីព្រៃឈើ ៕

រដ្ឋបាលខេត្តព្រះសីហនុគ្រោងប្តឹងម្ចាស់ហ្វេសប៊ុកឈ្មោះ មាស សឿន រឿងបរិហាកេរ្តិ៍

January 21, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ព្រះសីហនុ ៖ បើយោងតាមការអោយដឹងពីលោកមេធាវីប្រចាំសាលាខេត្តព្រះសីហនុកាលពីរសៀលថ្ងៃ១កើត ខែមាឃ ឆាំ្នរកា នព្វស័ក ពស២៥៦១ត្រូវនឹងថ្ងៃទី១៧ ខែមករា ឆាំ្ន២០១៨ បានបញ្ជាក់ថា រដ្ឋបាលខេត្តនឹងដាក់ពាក្យប្តឹងម្ចាស់គណនីfacebookឈ្មោះ មាស សឿន ដែលបានផ្សព្វផ្សាយ ព័ត៌មានមិនពិតបង្ខូចកិត្តិយសថ្នាក់ដឹងនាំខេត្តព្រះសីហនុលោក យន្តមីន អភិបាលខេត្ត និង លោក ផៃ ប៊ុនវណ្ណៈ អភិបាលរងខេត្តព្រះសីហនុ ដោយបានវាយប្រហារធ្ងន់ៗមកលើថ្នាក់ដឹកនាំខេត្តព្រះសីហនុ។

នេះជាសារទាំងស្រុងដែលបានបង្ហោះ “លោក យន្ត មីន និងលោក ផៃ ប៊ុនវណ្ណៈ.កំពុងប្រព្រឹត្តអំពើពុករលួយនៅខេត្តព្រះសីហនុ ហើយរំលោភលើដីការក្សាការពាររបស់តុលាការ ហើយឈូសឆាយយកដីលក់នៅចំណុចអូរត្រេះបានលុយរាប់លានដុល្លា សូមសម្តេចទានជ្រាប”។

សារបែបនេះបាននឹងកំពុងធ្វើអោយមតិមហាជនមានការយល់ច្រឡំនិងប៉ៈពាល់ដល់សេចក្តីថ្លៃថ្នូររបស់ថ្នាក់ដឹកនាំខេត្តយ៉ាងធ្ងន់ធ្ងរ។
បញ្ហានេះដែរថ្នាក់ដឹកនាំខេត្តបានធ្វើការបដិសេធថានេះជារឿងមិនពិតទេហើយការផ្សព្វផ្សាយរឿងនេះជាទង្វើទុច្ចរិតដែលមិនអាចទទួលយកបានឡើយ។

ករណីនេះ ថ្នាក់ដឹកនាំខេត្តព្រះសីហនុបានត្រៀមដាក់ពាក្យប្តឹងម្ចាស់គណនីfacebook ឈ្មោះ មាស សឿន ដែលបានផ្សព្វផ្សាយព័ត៌មានមិនពិតញុះញង់អោយសាធារណជនយល់ច្រឡំនិងស្នើសុំអោយមត្ថកិច្ចនគរបាលនិងតុលាការផ្តល់ភាពយុត្តិធម៌ដល់ពួកគាត់ផង។

លោក ផៃ ប៊ុនវណ្ណៈ ថាករណីដីនៅតំបន់ពយម៉ាចូវនេះតាមពិតរដ្ឋបាលខេត្តព្រះសីហនុបានទទួលដីនេះពីលោក នាក់ សាវ៉ាត ទំហំ១ ហកតា ដើម្បីធ្វើការបែងចែកជូនប្រជាពលរដ្ឋ២៦គ្រួសារដែលមួយចំនួនរស់នៅសំណង់មិនរៀបរយតាមដងផ្លូវសាធារណៈនៅចំនុចភូមិ៦សង្កាត់៤ក្រុងព្រះសីហនុនិងមួយចំនួនទៀតតាំងលំនៅលើដីកម្មសិទ្ធិរបស់លោកឧកញ៉ា គង់ ទ្រីវ។

ករណីនេះដែរ រដ្ឋបាលបានបែងជាឡូតិ៍ៗសំរាប់ផ្តល់ជូនបងប្អូនប្រជាពលរដ្ឋទាំងនោះដោយមានការផ្តល់លុយមួយចំនួនទៀតផងសំរាប់បងប្អូនប្រជាជនមានលទ្ធភាពធ្វើផ្ទះនៅបន្ទាប់ពីរើចេញពីកន្លែងចាស់មកនៅកន្លែងថ្មីនេះមានទីតាំងនៅក្បែរវត្តអូរត្រេះ ស្ថិតក្នុងភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។

ក៍ប៉ុន្តែផ្ទុយទៅវិញមានមា្ចស់គណនី ហ្វេសប៊ុកឈ្មោះមាស សឿន បែរជាផ្សាយបំភ្លើសការពិតថា ថ្នាក់ដឹកនាំខេត្តព្រះសីហនុយកដីទៅលក់យកលុយរាប់លានដុល្លារដាក់ហោប៉ៅទៅវិញដែលនេះជារឿងខុសពីការេពិតទាំងស្រុង៕

អគ្គីភ័យលេបត្របាក់ផ្ទះប្រជាពលរដ្ឋអស់៤ល្វេែងនៅព្រែកប្រា

January 21, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ អគ្គីភ័យឆាបឆេះផ្ទះអស់៤ល្វេងដោយមិនដឹងមូលហេតុអ្វីនៅឡើកាលវេលាម៉ោង៣និង១០នាទីយប់ រំលងអធ្រាត្រឈានចូល ថ្ងៃទី២១ខែមករាឆ្នាំ២០១៨ នៅចំនុចមុខ ប៉ុស្តិ៏នគរបាលរដ្ឋបាល ព្រែកប្រាស្ថិតនៅក្នុងភូមិព្រះពន្លា សង្កាត់ព្រែកប្រា ខណ្ឌ ច្បារអំពៅ រាជធានីភ្នំពេញ។

ប្រភពពីកន្លែងកើតហេតុបានអោយដឹងថាមុនដំបូងគេឃើញអណ្តាតភ្លើងឆេះចេញពីខាងក្រោយផ្ទះមានអ្នកជិតខាងមកគួសទ្វារ ហៅម្ចាស់ផ្ទះដែរតែដោយសារដេកលក់ក្រងើបពេកទំរ៉ាំដឹងភ្លើងឆេះពេញផ្ទះទៅហើយក៏រៀលដាលដល់ផ្ទះផ្សេងៗទៀត យ៉ាងសន្ធោសន្ធៅឆេះអស់ផ្ទះ៤ល្វេង។មានផ្ទះលក់ កាហ្វេ ទិញអេតចាយ ផ្ទះលក់គុយទាវ ផ្ទះលក់ ស៊ុបនិងផ្ទះលក់បាយ នំបញ្ចុក រងកាខូចខាតទាំងស្រុង ប្រភេទផ្ទះល្វេងក្រោមថ្មលើឈើប្រក់ស័ង្កសី មួយល្វេងៗទំហ៊ុទទឹង៤ម៉ែត្របណ្តោយ១២ ម៉ែត្រចំណែក ទ្រព្យសម្បត្តិខូចខាតយ៉ាងច្រើន រលត់ទៅវិញ នៅម៉ោង៤និង២០នាទីនៅថ្ងៃដដែល។តែសំណាងល្អមិនមានមនុស្សរងរបួសនោះទេ។មូលហេតុឆាបឆេះខាងលើ សមត្ថកិច្ចពុំទាន់ដឹងនៅឡើយ។

ប្រើប្រាស់ឡានទឹកអស់ចំនួន១៦គ្រឿង ឡានទឹកសាលារាជធានីភ្នំពេញទាំងអស់៕

ឆ្នាំ២០១៧ បង្ក្រាបគ្រឿងញៀនជាង ៨ពាន់ករណី ឃាត់ខ្លួនមនុស្សជិត ១ម៉ឺន៨ពាន់នាក់

January 21, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ ក្នុងយុទ្ធនាការនៃការប្រយុទ្ធប្រឆាំងគ្រឿងញៀនឆ្នាំ២០១៧ សមត្ថកិច្ចបង្ក្រាបករណីប្រើប្រាស់ និងជួញដូរគ្រឿងញៀនបាន ៨ពាន់ ១៥១ករណី ឃាត់ខ្លួនមនុស្ស ១៧ពាន់ ៨៧៧នាក់។

គណៈកម្មាធិការជាតិគ្រប់គ្រងគ្រោះមហន្តរាយ បានចាត់ទុកការរងគ្រោះដោយសារ ឥទ្ធិពលគ្រឿងញៀនថាជាគ្រោះមហន្តរាយមួយដែលបង្កឡើងដោយកត្តាមនុស្ស ព្រមទាំង បានបង្ហាញនូវរបាយការណ៍ប្រចាំឆ្នាំ២០១៧កន្លងទៅនេះថា ក្នុងយុទ្ធនាការនៃការប្រយុទ្ធ ប្រឆាំងគ្រឿងញៀនឆ្នាំ២០១៧ សមត្ថកិច្ចបង្ក្រាបករណីប្រើប្រាស់ និងជួញដូរគ្រឿងញៀនបាន ៨ពាន់ ១៥១ករណី ឃាត់ខ្លួនមនុស្សបាន ១៧ពាន់ ៨៧៧នាក់ ព្រមទាំងបានរឹបអូសគ្រឿង ញៀនគ្រប់ប្រភេទ មធ្យោបាយប្រើប្រាស់រួមទាំងអាវុធវែងខ្លីមួយចំនួន ក្នុងនោះអ្នកញៀនថ្នាំ មួយចំនួនធំត្រូវបញ្ជូនទៅទទួលការព្យាបាលនៅតាមមណ្ឌលសុខភាពនានាទូទាំងប្រទេស។

បើយោងតាមការលើកឡើង របស់អាជ្ញាធរជាតិប្រយុទ្ធប្រឆាំងគ្រឿងញៀននាពេល កន្លងទៅថា កម្ពុជាមិនមែនជាប្រទេសដែលផលិតគ្រឿងញៀនទេ ប៉ុន្តែឈ្មួញទុច្ចរិតបានប្រើ ប្រាស់ជាទីតាំងដើម្បីដឹកជញ្ជូនបន្តទៅកាន់ប្រទេសទី៣ ដែលសមត្ថកិច្ចបានធ្វើការត្រួតពិនិត្យ និងចាប់បានជាបន្តបន្ទាប់នាពេលកន្លងមក ហើយក្នុងនេះបណ្តាខេត្តនៅភូមិភាគឦសាននៅ តែប្រឈមនឹងសកម្មភាពលួចចរាចរនាំចូលគ្រឿងញៀនឆ្លងដែនខុសច្បាប់ ទោះបីសមត្ថកិច្ច បានបង្ក្រាប និងកាត់ផ្តាច់ខ្សែរយៈទាក់ទងជាច្រើនក៏ដោយ ដែលនាំអោយយុទ្ធនាការប្រយុទ្ធ ប្រឆាំងគ្រឿងញៀននឹងត្រូវអនុវត្តបន្តទៀត ដោយសារតែការប្រើប្រាស់សារធាតុញៀនបាន បន្តរាលដាលដល់ទីជនបទ ហើយការបង្ក្រាបបទល្មើសក៏មានការកើនឡើងលើសឆ្នាំកន្លង មក។ ជាលទ្ធផលនៃការបង្ក្រាបបានធ្វើអោយបទល្មើសព្រហ្មទណ្ឌមានការថយចុះ និងជះ ឥទ្ធិពលវិជ្ជមានដល់បរិយាកាសសន្តិសុខសណ្តាប់ធ្នាប់សង្គមជាទូទៅ និងបានជួយកាត់បន្ថយ ទុក្ខលំបាក និងក្តីបារម្ភរបស់ប្រជាពលរដ្ឋក៏ដូចជាអាណាព្យាបាលក្នុងមូលដ្ឋាន៕

លោក កឹម សុខា ប្រកាសមិនចូលរួមក្នុងចលនាសង្គ្រោះជាតិ របស់លោក សម រង្ស៊ី ទេ

January 21, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ លោក កឹម សុខា អតីតប្រធានគណបក្សសង្គ្រោះជាតិ ដែលកំពុងត្រូវបានឃុំខ្លួន នៅពន្ធនាគារត្រពាំងផ្លុង បានប្រកាសជំហររបស់លោកថា លោកមិនចូលរួមជាមួយចលនាសង្គ្រោះ ជាតិ ដែលបង្កើតឡើងដោយ លោក សម រង្ស៉ី នោះទេ។ នេះបើតាមការអះអាងរបស់លោក ផែង ហេង មេធាវីរបស់លោក កឹម សុខា ដែលបានជួប លោក កឹម សុខា កាលពីថ្ងៃទី១៩ មករា ឆ្នាំ ២០១៨ ។

លោក ផែង ហេង បានប្រាប់បណ្តាញព័ត៌មាន ក្នុងស្រុក កាលពីម្សិលមិញនេះថា លោក កឹម សុខា បានបញ្ជាក់ប្រាប់លោកថា គាត់មិនចូលរួមជាមួយចលនាណា ហើយក៏មិនបង្កើតចលនាថ្មី ទៀតដែរ គាត់បន្តនៅជាមួយប្រជាពលរដ្ឋ ដែលបោះឆ្នោតឱ្យគណបក្សសង្គ្រោះជាតិ»។

លោកបញ្ជាក់ថា លោក កឹម សុខា បានដឹង អំពីការបង្កើតចលនាសង្គ្រោះជាតិ តាមរយៈ ភរិយារបស់លោក ដែលបានចូលសួរសុខទុក្ខលោកញឹកញាប់ ហើយលោកបានប្រកាសជំហរ របស់លោកយ៉ាងច្បាស់ថា លោកមិនចូលរួមជាមួយចលនាសង្គ្រោះជាតិនោះទេ។

ការប្រកាសជំហររបស់ លោក កឹម សុខា បានធ្វើឡើងស្របពេលដែលក្រុមអ្នកគាំទ្ររបស់ លោកជាច្រើននាក់ ក្នុងនោះមាន លោក យ៉ែម បុញ្ញឫទ្ធិ ផងបានជំទាស់ និងមិនចូលរួមជាមួយ «ចលនាសង្គ្រោះជាតិ» ដែលបង្កើតឡើងដោយ លោក សម រង្ស៉ី, លោកស្រី មូ សុខហួរ និង លោក អេង ឆៃអ៊ាង កាលពីថ្ងៃទី១២ ខែមករា ឆ្នាំ២០១៨ កន្លងទៅនេះដែរ។

ក្រុមអ្នកគាំទ្រ លោក កឹម សុខា និងអ្នកវិភាគមួយចំនួន បានលើកឡើងថា ការបង្កើតចលនា សង្គ្រោះ ជាតិនេះ គ្រាន់តែដើម្បីដណ្តើម អំណាចពីលោក កឹម សុខា តែប៉ុណ្ណោះ ហើយចលនានេះ អាចជាបន្ទុកមួយថ្មីដែលលោក សម រង្ស៊ី និងអ្នកគាំទ្រលោកបង្កើតឡើង ដើម្បីបន្ថែមបន្ទុកទោស កំហុសដល់ លោក កឹម សុខា ដែលកំពុងជាប់ចោទអំពីរឿងក្បត់ជាតិ នៅក្នុងប្រទេសកម្ពុជា ប៉ុណ្ណោះ៕

បុណ្យទន្លេឆ្នាំនេះ រៀបចំនៅក្រុងតាខ្មៅ ពីថ្ងៃទី៩ ដល់ថ្ងៃទី១១ ខែមីនា

January 20, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្្នំពេញ ៖ តាមការគ្រោងទុក ឆ្នាំ២០១៨ នេះ ខេត្តកណ្តាលនឹងត្រូវទទួលធ្វើជាម្ចាស់ផ្ទះក្នុងការរៀបចំ ប្រារព្ធពិធីបុណ្យទន្លេ បន្ទាប់ពីខេត្តស្ទឹងត្រែង ដែលបានរៀបចំធ្វើយ៉ាងអធិកអធម៌កាលពីឆ្នាំ២០១៧ កន្លងទៅ។ បើតាមមន្ត្រីទេសចរណ៍ បានប្រាប់ឱ្យដឹងថា ថ្ងៃកំណត់បុណ្យទន្លេ នឹងប្រារព្វធ្វើឡើង រយៈពេលបីថ្ងៃ គឺថ្ងៃទី ៩ -១០ និងថ្ងៃទី១១ ខែមីនា ខាងមុខនេះ ។

លោក ជួប សោភ័ណ្ឌ ប្រធានមន្ទីរទេសចរណ៍ខេត្តកណ្តាល បានប្រាប់ឱ្យដឹងថា ទីតាំងធ្វើ បុណ្យទន្លេគ្មានជម្រើសណាក្រៅពីមាត់ទន្លេនាទីក្រុងតាខ្មៅ នេះទេ ពីព្រោះកន្លែង ដែលរៀបចំធ្វើ បុណ្យទន្លេហ្នឹង ត្រូវមានទំហំធំ វែងទូលាយជាងកន្លែងដទៃៗទៀត ។ យើងអាចរៀបចំជា វេទិការ បុណ្យ ការសម្តែងសិល្បៈ និងស្តង់ពិព័រណ៍ផលិតផល សម្រាប់ភ្ញៀវទស្សនាបាន ។

លោកបន្តថា បញ្ហាស្តង់តាំងពិព័រណ៍ ផលិតផលដែលបានដឹងមិនទាន់ប្រាកដជាផ្លូវការ មាន ប្រមាណ៥០០ស្តង់។ ចំណែកកម្មវិធីកីឡាមានច្រើនប្រភេទ ដែលត្រូវបានដាក់បញ្ជូលក្នុង កម្មវិធី សំដែងនាឱកាសនោះ ។ ប៉ុន្តែក្រសួងទេសចរណ៍នឹងខំជំរុញឱ្យមាននាំយកទូកដឹកទេសចរមក ចូល រួមដង្ហែក្នុងឱកាសបុណ្យទន្លេនេះដែរ ។ លោក ជួប សោភ័ណ្ឌ បន្ថែមថា បុណ្យទន្លេនាក្រុងតាខ្មៅ ឆ្នាំនេះ នឹងមាននាំយកក្រុមសិល្បៈល្អៗ និងល្បីៗ ទៅសំដែងជូនភ្ញៀវ ទស្សនាផងដែរ ។

មន្ត្រីទេសចរណ៍ចាត់ទុកថា ជាព្រឹត្តិការណ៍ទាក់ទាញទេសចរក្នុងស្រុក និងទេសចរ បរទេស ឱ្យចូលទស្សនាកម្សាន្ត និងស្វែងយល់ពីពិព័រណ៍ផលិតផលក្នុងស្រុកនិងជំរុញញលើកកម្ពស់ ផលិត ផលក្នុងស្រុក សម្រាប់បម្រើឱ្យទីផ្សារ ។ លោកប្រធានមន្ទីរបានប្រាប់ទៀតថា បុណ្យទន្លនៅក្រុង តាខ្មៅនេះ សង្ឃឹមថា និងមានទេសចរក្នុងស្រុកមកកម្សាន្តច្រើន ពីព្រោះ ក្រុងតាខ្មៅនៅជិតរាជ ធានីភ្នំពេញ ដូច្នេះអ្នកមកលេងច្រើន ហើយផលប្រយោជន៍ការហូបចុកការស្នាក់នៅមួយចំណែកធំ បានមកក្រុងភ្នំពេញ ។ ពិសេសផ្ទះសំណាក់ សណ្ឋាគារ និងហាងបរិភោគមួយចំនួន ។

សូមជម្រាបថា ឆ្នាំនេះ ខេត្តកណ្តាលធ្វើជាម្ចាស់ផ្ទះរៀបចំបុណ្យទន្លេលើកទី៤ បន្ទាប់ពីបុណ្យ ទន្លេនៅខេត្តក្រចេះ ខេត្តកំពង់ចាម ខេត្តស្ទឹងត្រែង ហើយបើផ្អែកតាមកម្មវិធី ដែលធ្លាប់ធ្វើបុណ្យទន្ល មុនៗ គឺមានកម្មវិធីសែនព្រេនក្បួនដង្ហែ សុំម្ចាស់ទឹកម្ចាស់ដី មុននឹងចាប់ផ្តើមកម្មវិធីបុណ្យ ។ ក្រៅពី នោះ នៅមានកម្មវិធីកីឡារត់ប្រណាំង និងជិះកង់ប្រណាំងដើម្បីសុខភាព និងការសំអាតបរិស្ថាន ធ្វើឱ្យទីក្រុងស្អាត ។ ព្រមទាំងមានកម្មវិធី ដាំដើមឈើ អាពាហ៍ពិពាហ៍ សំរាប់ គូស្វាមី ភរិយាថ្មីថ្មោង ផងដែរ៕

បញ្ជូនថៅកែស្រីម្នាក់ទៅតុលាការរឿងបើកម៉ាស្សាបង្កប់សេវាផ្លូវភេទ

January 20, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ស្ត្រីម្នាក់ជាថៅកែហាងម៉ាស្សាបង្កប់សេវាកម្មផ្លូវភេទ នៅថ្ងៃទី១៩ ខែមករា ត្រូវបាននគរបាល ការិយាល័យ ប្រឆាំងការជួញដូរមនុស្ស និងការពារអនីតិជននៃស្នងការ ដ្ឋាននគរបាលរាជធានីភ្នំពេញ បញ្ជូនមកអយ្យការអមសាលាដំបូងរាជធានីភ្នំពេញ ដើម្បីចាត់ការតាមច្បាប់។ បច្ចុប្បន្ន ស្ត្រីរូបនេះ កំពុងស្ថិតក្រោមការសាកសួររបស់លោក គុជ គឹមឡុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។

ស្ត្រីរូបនេះឈ្មោះ ប៉ែន រ៉ានី អាយុ ៣៩ ឆ្នាំ ស្នាក់នៅផ្ទះ លេខ6F ផ្លូវលឹម ឈាងហាក់ ទី៣ ភូមិកន្ទោក ខាងជើង សង្កាត់កន្ទោក ខណ្ឌពោធិ៍សែនជ័យ ។

គួរបញ្ជាក់ថា កាលពីយប់ថ្ងៃទី ១៧ ខែមករា ឆ្នាំ២០១៨ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការ ដ្ឋាននគរបាល រាជធានី ភ្នំពេញបានចុះប្រតិបត្តិការបង្ក្រាបហាងម៉ាស្សាមួយកន្លែ ងយីហោ“តំលៃ៣$”ដែលស្ថិតនៅផ្ទះលេខ 6F ផ្លូវលឹម ឈាងហាក់ទី៣ភូមិកន្ទោកខាងជើងសង្កាត់កន្ទោក ខណ្ឌពោធិ៍សែនជ័យនិងឃាត់ ខ្លួនថៅកែស្រីម្នាក់និងមនុស្សស្រី៥នាក់ក្នុងនោះក្មេងស្រីម្នាក់ជាអនីតិជនដែលជាប់ពាក់ព័ន្ធទៅនឹងករណីប្ពព្រឹត្តសញ្ចារកម្ម៕