All posts by មេគង្គ ប៉ុស្តិ៍

តុលាការមិនអនុញ្ញាតឱ្យមានការជួបលោក កឹម សុខា ក្នុងពន្ធនាគារទេ

January 20, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ លោកគីឫទ្ធីចៅក្រមស៊ើបសួរសាលាដំបូងរាជធានីភ្នំពេញសម្រេចមិនអនុញ្ញាតឱ្យអតីតតំណាងរាស្ត្រគណបក្សសង្គ្រោះជាតិចូលជួបលោកកឹមសុខានៅពន្ធនាគារត្រពាំងផ្លុង នោះទេ។

លោក គី ឬទ្ធី អះអាងថា”ដោយសារសំណុំរឿងកំពុងស្ថិតក្រោមចំណាត់ការស៊ើបសួរនិងស្រាវជ្រាវប្រមូលភស្តុតាងនានា ហេតុនេះការចូលជួបឬសួរសុខទុក្ខឱ្យបានតែមេធាវីនិងក្រុមគ្រួសារជនត្រូវចោទដែលមិនទាក់ទងក្នុងសំណុំរឿងតែប៉ុណ្ណោះ។ សម្រាប់អ្នកដទៃផ្សេងទៀត ការចូលសួរសុខទុក្ខអាចអនុញ្ញាតឱ្យបានក្រោយពីចៅក្រមបានបំពេញកិច្ចចាំបាច់មួយចំនួនរួចរាល់សិន”។

លិខិតលោកម៉ៅ មុនីវណ្ណ បញ្ជាក់ថា រូបលោក រួមទាំង អតីតតំណាងរាស្ត្រ៤រូបទៀត មានលោកអ៊ូ ច័ន្ទរ័ត្នលោកជាម ចន្នីលោកកងគឹមហាក់ និងលោកស្រី តែ ច័ន្ទមុនី រួមទាំងសហការី១០រូបទៀត បានស្នើសុំការអនុញ្ញាតដើម្បីចូលជួបសួរសុខទុក្ខលោកកឹម សុខានៅព្រឹកថ្ងៃទី១៩ មករា ឆ្នាំ២០១៨ ខាងមុខ។

ជាការកត់សម្គាល់ ការស្នើសុំចូលជួបសួរសុខទុក្ខលោកកឹម សុខា ពេលនេះ ធ្វើឡើងបន្ទាប់ពី មានតម្រុយពីភាពប្រេះស្រាំផ្ទៃក្នុងនៃក្រុមអតីតគណបក្សសង្គ្រោះជាតិបន្ទាប់ពីលោកសម រង្ស៊ី ប្រកាសបង្កើតចលនាសង្គ្រោះជាតិដោយមិនឆ្លងយោបល់ពីលោក កឹម សុខា៕

លោក ពេជ្រ ស្រស់ ចាត់ទុកសំដីអ្នកឃ្លាំមើលសិទ្ធិមនុស្សប្រចាំកម្ពុជា ថា កំពុងរំលោភសិទ្ធិមនុស្សឆ្លងទ្វីប

January 19, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ លោក ពេជ្រ ស្រស់ ប្រធានគណបក្សយុវជនកម្ពុជា ដែលទើបមានវត្តមានក្នុង ឆាកនយោបាយនៅកម្ពុជា បានបញ្ចេញប្រតិកម្មធ្ងន់ៗ ដោយចាត់ទុកការថ្លែងរបស់លោក ភីល រ៉ូប៊ឺតសុន (Phil Robertson )នាយករង នៃអង្គការឃ្លាំមើលសិទ្ធិមនុស្សអន្តរជាតិ( Human Rights Watch) បាន និងកំពុងរំលោភសិទ្ធិមនុស្សឆ្លងទ្វីប ។

ប្រធានគណបក្សយុវជនកម្ពុជា លោក ពេជ្រ ស្រស់ បានប្រតិកម្មថា «លោក Phil Robert son បាន នឹងកំពុងរំលោភសិទ្ធិមនុស្សឆ្លងទ្វីបហើយ ដោយលោកធ្វើការប្រកាន់ខ្ញុំទាំង លោកមិន បានដឹងអំពីស្ថានភាពរបស់ខ្ញុំច្បាស់លាស់ ម្យ៉ាងទៀតលោកបានបញ្ជាតុលាការកម្ពុជា ឲ្យមកកាត់ ទោសខ្ញុំ វាគឺជាការរំលោភសិទ្ធិយ៉ាងធ្ងន់ធ្ងរបំផុត» ។

សូមជម្រាបថា ការលើកឡើងរបស់ប្រធានគណបក្សយុវជនកម្ពុជានេះ ធ្វើឡើងបន្ទាប់ពី លោក Phil Robertson នាយករងនៃអង្គការឃ្លាំមើល សិទ្ធិមនុស្សអន្តរជាតិ Human Rights Watch ត្រូវបានកាសែតភ្នំពេញប៉ុស្តិ៍ ស្រង់សំដីផ្សាយថា លោក ពេជ្រ ស្រស់ ជាអ្នកនយោបាយ មិនដឹងអ្វីសោះទាក់ទងនឹងរឿង លោក កែម ឡី។ លោក Phil Robertson ក៏បានថ្លែងវាយប្រហារ ទៅលោក ពេជ្រ ស្រស់ ផងដែរថា» ផ្លូវដែលនាំទៅរកយុត្តិធម៌ មានតែមួយគត់គឺផ្តន្ទាទោស ពេជ្រ ស្រស់ ដោយសារតែការដាក់ពាក្យបណ្ដឹងក្លែងក្លាយនេះ ហើយបំផ្លាញពេលវេលារបស់តុលាការ»។

ឆ្លើយតបទៅនឹងការថ្លែងរបស់នាយករងនៃអង្គការឃ្លាំមើលសិទ្ធិមនុស្សអន្តរជាតិ លោក ពេជ្រ ស្រស់ បានលើកឡើងថា លោក Phil Robertson គួរតែបិទអង្គការ Human Rights watch ចោលទៅ ដោយហេតុថា លោកមិនសមធ្វើជាមនុស្សពត់តម្រង់ឲ្យមនុស្ស គោរពសិទ្ធិមនុស្សបាន នោះទេ ។

លោក ពេជ្រ ស្រស់ បញ្ជាក់បន្ថែមថា ក្នុងនាមបរទេស មិនគួរញុះញង់ជាតិសាសន៍ដទៃឲ្យ បែកបាក់ផ្ទៃក្នុងនោះឡើយ ។ ចំណែកប្រព័ន្ធតុលាការបានព្យាយាមដោះស្រាយបណ្តឹងជូន គ្រប់ ជនរងគ្រោះ ដោយឈរលើគោលការណណ៍ស្មើភាពនៅចំពោះមុខច្បាប់ ដើម្បីឲ្យជនរងគ្រោះ ទទួលបាននូវភាពយុត្តិធម៌។

លោក ពេជ្រ ស្រស់ បញ្ជាក់ទាក់ទិនទៅនឹងរឿងបច្ច័យបុណ្យសពលោក កែម ឡី ថា តុលាការបានរកឃើញពីតម្រុយនៃការប្រពឹត្តបទល្មើសរបស់ជនទាំងបីនោះ ដែលជាអតីតអ្នកដឹកនាំការងារបុណ្យសពលោកបណ្ឌិត កែម ឡី គឺព្រះតេជគុណ ប៊ុត ប៊ុនតិញ លោក ប៉ា ងួនទៀង និងលោក មឿន តុលា៕

ស្ថាប័នគ្រប់គ្រងគ្រោះមហន្តរាយអំពាវនាវដល់ឲ្យចូលរួម ទប់ស្កាត់គ្រោះអគ្គីភ័យ

January 19, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ដោយមើលឃើញថា គ្រោះអគ្គីភ័យបានកើតមានឡើងជាបន្តបន្ទាប់ នាំឲ្យគណៈកម្មាធិការជាតិ គ្រប់គ្រងគ្រោះមហន្តរាយ ជាថ្មីម្តងទៀតបានអំពាវនាវដល់បងប្អូនប្រជាពលរដ្ឋឲ្យចូល រួម ក្នុងការទប់ ស្កាត់ ការកើតមានគ្រោះអគ្គីភ័យដែលត្រូវបានគេចាត់ទុកថាជាគ្រោះមហន្តរាយដែលបង្ក ឡើង ដោយ សារមនុស្ស។

នៅក្នុងរបាយការណ៍ស្តីពីការងារគ្រប់គ្រងគ្រោះមហន្តរាយឆ្នាំ២០១៧ និងទិសដៅឆ្នាំ២០១៨ គណៈកម្មាធិការជាតិគ្រប់គ្រងគ្រោះមហន្តរាយបានគូសបញ្ជាក់ ថា អគ្គីភ័យគឺជាគ្រោះថ្នាក់ដ៏កាច សាហាវមួយដែលជាបញ្ហាប្រឈមរបស់សមត្ថកិច្ច ក្នុងការអនុវត្តគោលនយោបាយភូមិ ឃុំមាន សុវត្ថិ ភាពជូនដល់ប្រជាពលរដ្ឋ ដោយសារតែអគ្គីភ័យនេះតែងតែកើត មានច្រើននៅតាមបណ្តាទី ប្រជុំជន ដែលកំពុងមានការអភិវឌ្ឍន៍ និងមានការប្រើប្រាស់ថាមពល និងសំភារៈអគ្គិសនីដែលងាយ បង្កអោយ មានគ្រោះអគ្គីភ័យ ប្រសិនបើមានការធ្វេស ប្រហែស ឬមិនប្រុងប្រយ័ត្ននោះ។

ដូច្នេះទាមទារអោយមានការចូលរួមពីប្រជាពលរដ្ឋក្នុងការបង្ការ និងទប់ស្កាត់អោយបានគ្រប់ៗគ្នា ជាពិសេសអង្គភាពជំនាញ ត្រូវបង្កើនការផ្សព្វផ្សាយ អប់រំដល់ប្រជាពលរដ្ឋ គ្រឹះស្ថានសាធារណៈ និងឯកជននូវចំណេះដឹងក្នុងការប្រើប្រាស់បំពង់ ពន្លត់អគ្គីភ័យបានត្រឹមត្រូវ រួមនឹងបំពាក់នូវ ឧបករណ៍ ទាំងនេះអោយបានគ្រប់គ្រាន់។

គណៈកម្មាធិការជាតិគ្រប់គ្រងគ្រោះមហន្តរាយបានលើកឡើងថា រាជរដ្ឋាភិបាលបាន ដាក់ចេញនូវអនុក្រឹត្យលេខ១៣១អនក្រ.បក ស្តីពីលក្ខខណ្ឌ និងវិធានការនានាស្តីពីការគ្រប់គ្រង ការបង្ការ និង ការ ពន្លត់អគ្គីភ័យ ចុះថ្ងៃទី១៦ ខែសីហា ឆ្នា២០១៧ ដែលមានគោលបំណង កំណត់ពីការគ្រប់គ្រង ការបង្ការ និងការពន្លត់អគ្គីភ័យអោយមានប្រសិទ្ធភាពខ្ពស់លើការស្តុក ទុក ការដឹកជញ្ជូន ការលក់ ការផលិត ការកែច្នៃ ការប្រើប្រាស់សារធាតុងាយឆេះ ឬងាយផ្ទុះ ឆេះចេញជាប្រភពភ្លើង ឬប្រភពកម្តៅ ដែលអាចបង្កអោយមានអគ្គីភ័យ៕

អាជ្ញាធរខេត្តកំពង់ឆ្នាំង ចុះត្រួតពិនិត្យសុវត្ថិភាពចរាចរណ៍ នៅស្រុកកំពង់លែង

កំពង់ឆ្នាំង ៖ លោក ចេង ញ៉ាន់ អភិបាលរងខេត្តកំពង់ឆ្នាំង និងជាអនុប្រធានគណៈ កម្មា ធិការ សុវត្ថិភាពចរាចរណ៌ ផ្លូវគោកខេត្ត បានអំពាវអោយប្រជាពលរដ្ឋ ចូលរួមគោរពច្បាប់ចរាចរណ៌ ជាប្រចាំ ដើម្បីសុខសុវត្ថិភាព ខ្លួនយើង និងអ្នកដទៃ ។

មានប្រសាសន៍បែបនេះ នៅក្នុងការចុះ ពង្រឹង សុវត្ថិភាពចរាចរណ៍ ផ្លូវគោក នៅស្រុកកំពង់លែង កាលពីព្រឹកថ្ងៃទី១៩ ខែមករា ឆ្នាំ២០១៨ ។ លោក ចេង ញ៉ាន់ អភិបាលរងខេត្តបានថ្លែង ថាៈ នៅស្រុកកំពង់លែងយើងនេះ កាលដើម ឡើយមិនសូវមានផ្លូវខ្វាត់ខ្វែង និងមានផ្លូវ ក្រាលកៅស៊ូដូចសព្វថ្ងៃនេះទេ ។

ប៉ុន្តែសព្វថ្ងៃមានផ្លូវក្រាល កៅស៊ូ ផ្លូវក្រាលគ្រួស ក្រហមខ្វាត់ខ្វែង រីឯប្រជាពលរដ្ឋមានជីវភាពសមរម្យ មានម៉ូតូជិៈស្ទើគ្រប់ផ្ទះ ម្លោះហើយចរាចរណ៌ តាមដងផ្លូវក៍មមាញឹកដែរ ។ ហេតុនេះហើយ ក្នុងនាមគណៈកម្មការសុវវត្ថិភាព ចរាចរណ៌ផ្លូវគោកខេត្ត សូមអំពាវនាវ ដល់បងប្អូនប្រជាពលរដ្ឋ សូមចូលរូមគោរពច្បាប់ចរាចរណ៌ ទាំង អស់គ្នា ដូចជាមិនត្រូវបើកបរហួសល្បឿនកំណត់ មិនត្រូវបើកបរក្រោមឥទ្ឋិពលជាតិស្រវឹង មិនត្រូវប្រើ ប្រាស់សាធាតុញៀន ក្នុងពេលបើកបរ និងមិនត្រូវបើកបរក្នុងស្ថានភាព ងងុយដេកជាដើម ព្រោះតាម ការស្រាវជ្រាវរបស់ក្រសួងសាធារណៈការ ក៍ដូចជា គណៈកម្មាជាតិ សុវត្ថិភាពចរាចរណ៌ បានអោយ ដឹងថាៈ កត្តាគ្រោះថ្នាក់កើតឡើងច្រើន គឺបណ្តាលមកពីចំណុចទាំងអស់ខាងលើនេះ ។ ជាមួយគ្នានេះ គណៈកម្មការជាតិសុវត្ថិភាពចរាចរណ៌ផ្លូវគោក ក៍បានអំពាវនាវអោយបងប្អូនអ្នកបើកបរយានយន្ត ទាំង អស់សូមបើកបរមានការប្រុងប្រយ័ត្នអោយបានខ្ពស់ ដូចជាការបើកវ៉ាជែង បត់ឆ្វេង បត់ស្តាំ ជា ដើម ។ ក្រៅពីនោះអ្នកបើករថយន្តត្រូវពាក់ខ្យែក្រវ៉ាត់ អ្នកជិៈម៉ូតូត្រូវពាក់មួកសុវត្ថិភាព និងមានកញ្ចក់ មើលក្រោយ បើកបរសូមត្រូវប្រកាន់ស្តាំ ។

ទន្ទឹមនោះ ម្ចាស់យានយន្តត្រូវត្រួតពិនិត្យរថយន្តរបស់ ខ្លួន មុន ចេញដំណើរនឹងសូមប្រកាន់ខ្ជាប់នូវក្រមសិលធម៌របស់អ្នកបើកបរ ដោយចេះយោគយល់ អធ្យា ស្រ័យគ្នាទៅវិញទៅមក ។ . ក្នុងឱកាសនោះដែរ លោក កែវ ពៅ ប្រធានមន្ទីរសាធារណៈការនិងដឹកជញ្ជូនខេត្តកំពង់ឆ្នាំង បាន អោយដឹងថាៈថ្ងៃនេះ យើងបានធ្វើការអប់រំនិងផាកពិន័យទៅតាមច្បាប់ចរាចរណ៌ផ្លូវគោក ចំពោះ អ្នកបើកបរមិនពាក់មួកសុវត្ថិភាពចំនួន១ម៉ឺន៥ពាន់រៀល បន្ទាប់មកយើងបានប្រគល់ជូន មួកសុវត្ថិភាព ថ្មី ទៅគាត់វិញចំនួន១ ។ លោកក៍បានបញ្ជាក់ទៅបងប្អូនប្រជាពលរដ្ឋ ដែលមិនពាក់មួកទាំងនោះថាៈ ថ្ងៃនេះផាកពិន័យអស់ប្រាក់តែបានមួក ហើយបើថ្ងៃក្រោយមិនពាក់មួកទេ តែកាលណាចាប់ផាកពិន័យ គឺពិន័យហើយគ្មានមួកអោយទៀតនោះទេ ។

លោកក៍បានបញ្ជាក់ដែរថាៈ គណៈកម្មការសុវត្ថិភាព ចរាចរណ៌ផ្លូវគោកខេត្តកំពង់ឆ្នាំង បានទទួលមួកសុវត្ថិភាព ដែលជាអំណោយរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចំនួន២៥០មួកហើយបានចែកលើកទី១ នៅក្រុង កំពង់ឆ្នាំងមានចំនួន ៩៣មួក និងលើកទី២នៅស្រុកកំពង់លែងនេះ ចំនួន៨៥មួក សល់ប៉ុន្មាននឹងបន្ត ចែកតាមស្រុកដទៃទៀត៕

ថៅកែរណ្តៅដីក្នុងឃុំស្វាយរលំ រងការចោទប្រកាន់ថា បាញ់គំរាមសមត្ថកិច្ចពេលចុះពិនិត្យរណ្តៅដី

January 19, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កណ្តាល ៖ ថៅកែរណ្តៅដីឈ្មោះ រឿង សំអាង ហៅពៅ ទំនងគេចមិនផុតពីសំណាញ់ច្បាប់ទេ បើទោះបីមន្ត្រី PM ឈ្មោះ លី ចាន់សុខុម ដែលជាកូនចៅថៅកែរណ្តៅដីរូបនេះ បានឆ្លើយបង្វែររឿងថា ថៅកែ របស់ខ្លួនមិនមែនជាអ្នកបាញ់ក៏ដោយ ពោលគឺចង់បង្វែររឿងពីខ្មៅទៅជាស ។ បញ្ហានេះ អធិការស្រុកស្អាងក៏បានព្រមានថាអ្នកព្យាយាមផ្តល់ព័ត៌មានមិនពិតក៏ត្រូវមានទោសព្រហ្មទណ្ឌដែរ ។

បើតាមប្រភពព័ត៌មានពីប្រជាពលរដ្ឋបានឲ្យដឹងថា កាលពីល្ងាចថ្ងៃទី ១៨ ខែ មករា ឆ្នាំ ២០១៨ បានលឺស្នូរកាំភ្លើងជាច្រើនគ្រាប់លាន់យ៉ាងខ្លាំងចេញពីទីតាំងកន្លែងរណ្តៅស្ថិតនៅភូមិលេខ៣ឃុំស្វាយ រលំ ស្រុកស្អាង នៅចំពីខាងក្រោយបន្ទាយសឹករងខេត្តកណ្តាល ។ ប្រភពបានសង្ស័យថា ជនបង្ក ឈ្មោះ រឿង សំអាង ហៅពៅ ជាម្ចាស់រណ្តៅដីនោះ។ ករណីនេះ មិនទាន់ទទួលការបំភ្លឺពីឈ្មោះ រឿង សំអាង ហៅ ពៅនៅឡើយទេ ដោយសារទូរស័ព្ទរបស់ថៅកែរូបនេះ ទាក់ទងមិនចូលនៅរសៀលថ្ងៃទី ១៩ មករា នេះ ។

លោក សេង សុជាតិ អធិការនគរបាលស្រុកស្អាង ឱ្យដឹងថា ពាក់ព័ន្ធករណីនេះសមត្ថកិច្ចបានហៅឈ្មោះ លី ចាន់សុខុម អាយុ៣០ឆ្នាំ រស់នៅភូមិដីថ្មី សង្កាត់តាខ្មៅ ក្រុងតាខ្មៅ ជាមេការរណ្ដៅដីឈ្មោះ រឿង សំអាង ហៅ ពៅ ដោយជននេះបានព្យាយាមឆ្លើយបង្វែងដាន បើទោះសមត្ថកិច្ចសួរ នាំ យ៉ាងណាក៏ដោយ។

លោក សេង សុជាតិ បញ្ជាក់ថា ការឆ្លើយបំភ្លឺរបស់មេការរូបនេះ ប្រសិនបើឆ្លើយបំភ្លឺបង្វែរ រឿង ពិតនោះ ប៉ុន្តែបើសិនជានគរបាលធ្វើការស្រាវជ្រាវរកឃើញថា ថៅកែរបស់ខ្លួនជាអ្នកប្រព្រឹត្តិ បាញ់ រហូតដល់២០គ្រាប់នោះ ឈ្មោះ លី ចាន់សុខុម នេះគឺត្រូវជាប់ទោស ពីបទលាក់បំបាំងការពិត ត្រូវ ទទួលទោសតាមផ្លូវច្បាប់ ហើយឈ្មោះ រឿង សំអាង ហៅ ពៅនេះក៏មិនអាចគេចផុត ពីច្បាប់ផ្តន្ទា ទោស ផងដែរ ៕

រាំធុងបាស់ប៉ះគ្នា ព្រួតវាយយុវជនម្នាក់ស្លាប់នៅស្រុកគងពិសី

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ស្ពឺះយុវជន២នាក់ក្នុងចំណោមបក្សពួកមួយក្រុមត្រូវបានកម្លាំងនគរបាលស្រុកគងពិសីសហការជាមួយជំនាញព្រហ្មទណ្ឌខេត្តធ្វើការស្រាវជ្រាវឃាត់បាន កាលពីរសៀលថ្ងៃទី១៨ខែមករាឆ្នាំ២០១៨នៅភូមិស្វាយជ្រំ ឃុំស្រង់ ស្រុកគងពិសី ខេត្តកំពង់ស្ពឺ។

នគរបាលបាននិយាយអោយដឹងថា យុវជន២នាក់ដែលនគរបាលឃាត់មានឈ្មោះទី១ កាន សាន អាយុ២២ឆ្នាំ មុខរបរមិនពិតប្រាកដ រស់នៅក្នុងភូមិស្វាយជ្រំ ឃុំស្រង់ ស្រុកគងពិសី ខេត្តកំពង់ស្ពឺ ទី២ឈ្មោះ សាន់ សំណាង អាយុ១៨ឆ្នាំ មុខរបរមិនពិតប្រាកដ រស់នៅក្នុងភូមិស្រែមាន់ ឃុំស្រង់ ស្រុកគងពិសី ខេត្តកំពង់ស្ពឺ បក្សពួកក្រុមជនដៃដល់ជាច្រើនអ្នកកំពុងរត់គេចខ្លួន។ចំណែកយុវជនរងគ្រោះមានឈ្មោះស៊ីម ឧសភា ភេទប្រុស អាយុ១៧ឆ្នាំរស់នៅក្នុងភូមិអង្វែ ឃុំក្រាំងអំពិល ស្រុកសំរោងទង ខេត្តកំពង់ស្ពឺ។

សូមរំលឹកផងដែរថា កាលពីវេលាម៉ោង១១និង៣០នាទីយប់ ថ្ងៃទី១៥ ខែមករា ឆ្នាំ២០១៨ នៅលើផ្លូវបេតុង ខាងត្បូងវត្តអង្គតាភេម ប្រហែល២៥០ម៉ែត្រ ភូមិស្រែមាន់ឃុំស្រង់ ស្រុកគងពិសី ខេត្តកំពង់ស្ពឺ មានករណីហិង្សាចេតនាស្ថានទម្ងន់ទោសដោយសារមរណៈភាពនៃជនរងគ្រោះ បង្កដោយជនល្មើស១ក្រុមបានស្ទាក់គប់ និងវាយជនរងគ្រោះឈ្មោះ ស៊ីម ឧសភា ភេទប្រុសអាយុ១៧ឆ្នាំ នៅភូមិអង្វែ ឃុំក្រាំងអំពិល ស្រុកសំរោងទង បណ្តាលឲ្យរបួសក្បាលខាងស្តាំ ផុងលលាដ៏ ថ្ងាស់ និងរលាត់ដៃជើង ១១កន្លែង ។

មុនពេលកើតហេតុជនរងគ្រោះនិងមិត្តភក្តិបានជិះម៉ូតូចេញពីរាំក្លិប ក្នុងវត្តអង្គតាភេម ពិធីបុណ្យឆ្លងសមិទ្ធផល ពេលមកដល់ចំនុចកើតក្រុមជនល្មើស បានស្ទាក់គប់និងវាយឱរបួសធ្ងន់ហើយគេចខ្លួនបាត់ ។ ជនរងគ្រោះត្រូវបានក្រុមគ្រួសារ បញ្ជូនមកសង្គ្រោះបន្ទាន់នៅមន្ទីរពេទ្យព្រះកុសុមៈ ហើយស្លាប់ ។នគរបាលបានសន្និដ្ឋាន ជាករណីរាំប៉ះគ្នា។រហូតដល់ ថ្ងៃទី១៧.០១.២០១៨ ការិ.ធ្ងន់បានចុះសហការស្រាវជ្រាវ ឃាត់ខ្លួនជនល្មើស២នាក់:

១.កាន សាន ភេទប្រុស២២ឆ្នាំ នៅភូមិស្វាយជ្រំ ឃុំស្រង់ ស្រុកគងពិសី២.សាន់ សំណាង ភេទប្រុស១៨ឆ្នាំ នៅភូមិស្រែមាន់ ឃុំស្រង់ ស្រុកគងពិសី ។

ចំណែកជនសង្ស័យ២នាក់ត្រូវបានកសាងសំណុំរឿងបញ្ជូនទៅសាលាដំបូងខេត្ត ហើយបន្តស្រាវជ្រាវបក្ខពួកនៅសេសសល់កសាងសំណុំរឿងបញ្ជួនទៅតុលាការចាត់ការតាមផ្លូវច្បាប់៕

អាជ្ញាធរខណ្ឌព្រែកព្នៅ ថា ការទន្ទ្រានកាន់កាប់បឹងតាមោគ មានអ្នកនៅពីក្រោយខ្នង

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ ក្នុងឱកាសចុះប្រតិបត្តិការបង្ក្រាបការទន្ទ្រានកាន់កាប់បឹងតាមោគ នាថ្ងៃទី១៨ ខែមករានេះ លោក សុខ សម្បត្តិ ប្រធានគណៈបញ្ជាការឯកភាពខណ្ឌព្រែកព្នៅ បានបញ្ជាក់ថាការទន្ទ្រានកាន់កាប់ផ្ទៃបឹងនេះរដ្ឋបាលខណ្ឌ ព្រែកព្នៅបានដាក់កំណត់ និងមានការយល់ព្រមពីសាម៉ីខ្លួនផង ថារុះរើសំណង់ដែលសង់រំលោភទន្រា្ទន លើដីបឹងតាមោគនោះចេញតែក្នុងរយៈពេល២ថ្ងៃប៉ុណ្ណោះ ។ប៉ុន្ដែមកទល់ពេលនេះរយៈពេល២សប្ដាហ៍ហើយ សំណង់ទាំងនោះពុំទាន់បានរុះរើនៅឡើយ ហាក់ដូចជាមានអ្នកនៅពីក្រោយខ្នង។

លោក សុខ សម្បត្តិ បានបញ្ជាក់ថា បើតាមព៌តមានពីអាជ្ញាធរសង្កាត់ សំរោង និងពីភា្នក់ងាររបស់យើង អ្នកដែលនៅពីក្រោយខ្នងនោះគឺ ជាអ្នកមានឋានន្ដរៈស័ក្ដិថែមទៀតផង សមត្ថកិច្ចខណ្ឌកំពុងស្រាវជ្រាវ បន្ថែមទៀតឲ្យបាន ច្បាស់លាស់ ។

លោកអភិបានខណ្ឌបានសំណូមពរដល់បងប្អូនទាំងនោះ សូមកុំលូកដៃ ធ្វើឲ្យរាំងស្ទះដល់អាជ្ញាធរ ត្រូវយល់ថា នេះជាដីរបស់រដ្ឋ ជាបឹងរបស់រដ្ឋ អាចធ្វើអាជីវកម្មបានក្នុងកម្រឹត១ ដោយការដាក់មង ចងសន្ទូច ក្នុងលក្ខណៈគ្រួសារ ប៉ុន្ដែមិនអនុញ្ញាតិ អោយសាងសង់សំណង់ទាំងឡាយ ដែលបម្រុងកាន់កាប់ធ្វើជាកម្មសិទ្ធរបស់ខ្លួន ឡើយ។ សូមកុំលូកដៃ ត្រូវដកខ្លួនឲ្យឆ្ងាយចៀសវៀងនូវភាពប្រឈមដោយប្រការណា១ ដើម្បីទុកឲ្យរដ្ឋបាលខណ្ឌ បំពេញការងាររបស់ខ្លួន ប្រកបដោយប្រសិទ្ធភាព ។ ប្រសិនបើ ក្នុងករណីនៅតែបន្ដលូកដៃ បែបនេះ អាជ្ញាធរខណ្ឌ និងចាត់វិធានការរដ្ឋបាល ឬវិធានការច្បាប់ហើយ ។

ជាមួយនេះ សម្រាប់ប្រជាពលរដ្ឋដែលមិនទាន់រុះរើ សូមរុះរើ នៅថ្ងៃនេះជាកំហិត ព្រោះសមត្ថកិច្ចបានទុកពេលឲ្យយូរហើយ តែពួកគាត់មានចេតនា មិនព្រមរុះរើ ដោយសារមានអ្នកនៅពីក្រោយខ្នង ។ ចំពោះស៊ងត្រី អាជ្ញាធរទុកពេលឲ្យ៤ខែ ដើម្បីធ្វើការរុះរើ។

ទោះជាយ៉ាងណាអាជ្ញាធរសំណូមពរយ៉ាងទទូចសូមឲ្យបងប្អូនរុះរើដោយខ្លួនឯង និង ឈប់រំលោភ ទន្ទ្រានកាន់កាប់ដីដោយខុសច្បាស់ តទៅទៀត ។ ក្នុងករណីមិនព្រមរុះរើរដ្ឋបាលខណ្ឌនឹងប្រើកម្លាំងរបស់ខ្លួន ដើម្បីរុះរើ ដោយមិនទទួលខុសត្រូវចំពោះការបាត់បង់ឬខូចខាតសម្ភារៈ របស់បងប្អូនឡើយ។គួរបញ្ជាក់ថា នៅព្រឹកថ្ងៃទី១៨ ខែ មករានេះ សមត្ថកិច្ចចម្រុះ ខណ្ឌព្រែកព្នៅដែលមានកម្លាំងសរុបប្រមាណជាង១០០នាក់ បាន បង្ក្រាបដកហូត និងទប់ស្កាត់សកម្មភាព រំលោភយកផ្ទៃបឹងតាមោគមកធ្វើជាកម្មសិទ្ធផ្ទាល់ខ្លួន ស្ថិតក្នុងភូមិសាស្ដ្រ សង្កាត់ព្រែកព្នៅ និង សង្កាត់សំរោង ដែលការទន្ទ្រានកាន់កាប់ នេះ អ្នកខ្លះបានធ្វើស៊ងចិញ្ចឹមត្រីមានអ្នកខ្លះបោះបង្គោល ធំៗ ដើម្បីកាន់កាប់ អ្នកខ្លះបានធ្វើស៊ងចិញ្ចឹមត្រី ជាលក្ខណៈគ្រួសារ និងជាលក្ខណៈអាជីវកម្មទ្រង់ទ្រាយធំ និងមានសង់ជាសំណង់ស្នាក់នៅថែមទៀត៕

ភ្លើងឆេះឃ្លាំងលក់រថយន្តលេខ៥៨៨ តាមផ្លូវ២០០៤

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ឃ្លាំងលក់រថយន្ត យីហោ ៥៨៨ ស្ថិតនៅតាមផ្លូវ២០០៤ ក្នុងភូមិទ្រុងមាន់ សង្កាត់អូរបែកក្អម ខណ្ឌសែនសុខត្រូវបានអគ្គីភ័យ ឆាបឆេះបណ្តាលអោយ សម្ភារះ ចាស់ ៗ ដែលកាសសំណល់ ត្រូវភ្លើង ឆេះរងការខូចខាត ។ទោះបីជាយ៉ាង ណា រថយន្ត ដែលដាក់តាំងលកនៅផ្នែកខាងមុខ ពុំត្រូវភ្លើង ឆេះឡើយ ។

អគ្គីភ័យ នេះបង្កអោយមានការភ្ញាក់ផ្អើលកាលពីវេលាម៉ោង ប្រមាណ៣និង៣០នាទីរសៀលថ្ងៃទី១៨ខែមករា ឆ្នាំ ២០១៨ នេះ ហើយ រថយន្តទឹកជាច្រើនគ្រឿងបានទៅអន្តរាគមន៍ ពន្លត ់ទាន់ពុំបណ្តាលអោយ ឆេះរាលដាល់ឡើយ ។

តាមព័ត៌មានអោយដឹងថា នៅវេលា មុនពេលកើតហេតុគេឃើញបានឆេះចេញពីផ្នែកខាងក្រោយ នៅឃ្លាំង ផ្សែងហុយ ទ្រលោម និងអណ្តាត់ភ្លើង យ៉ាង សន្ធោសន្ឌៅ បង្កអោយមានការភ្ញាក់ផ្អើល ។

តាមនគរបាល បានអោយដឹងថា នៅក្នុងហេតុការណ៍នេះរថយន្តពន្លត់អគ្គីភ័យចំនួន១២គ្រឿងទៅអន្តរាគមន៍បាញ់ពន្លត់បាញ់ទឹកអស់៥រថយន្ត ពុំបណ្តាលអោយឆេះរាលដាលរថយន្តឡើយ។
តាមនគរបាល បានអោយដឹងថា អគ្គីភ័យនេះបណ្តាលអោយកាកសំណល់ចាស់ៗ ក្នុងឃ្លាំងផ្នែកខាងក្រោយដូចជា ទ្រុងរថយន្ត កៅអី ពូករថយន្តចាស់ៗជាដើម ទុកគរ ជាមួយខ្មៅដុះទ្រុប នោះត្រូវភ្លើង ឆេះរងការខូច។

ទាក់ទិនកាកើតមានអគ្គីភ័យ នេះ គេមានការសង្ស័យថាបណ្តាលមកពីកន្ទុយបារី ដែលគេបោះចោល ហើយ ក្លាយជាអគ្គីភ័យ តែម្តង ៕

ជប៉ុន បើកវិទ្យាស្ថានបណ្តុះបណ្តាលជំនាញថែទាំមនុស្សចាស់នៅកម្ពុជាចំណាយទុនជាង៣លានដុល្លារ

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ស្របទៅនឹងព្រឹត្តិការណ៍ ដែលប្រមុខរាជរដ្ឋាភិបាល បានប្រកាសនូវគោលនយោបាយជាតិស្តីពី មនុស្សចាស់នៅកម្ពុជា មានក្រុមហ៊ុន មកពីប្រទេសជប៉ុនមួយឈ្មោះថា(ProcastCAMBODIA Co., Ltd.)បានចំណាយទុនជាង៣លានដុល្លារ បង្កើតវិទ្យាស្ថានបណ្តុះបណ្តាល សេវាថែទាំមនុស្សចាស់នៅក្នុងប្រទេសកម្ពុជា ដែលគ្រោងនឹងបើកឱ្យដំណើរក្នុងពេលដ៏ខ្លីខាងមុខនេះ។

លោក បណ្ឌិត អ៊ិត សំហេង រដ្ឋមន្ត្រីក្រសួងការងារ បានប្រាប់ក្រុមអ្នកសារព័ត៌មាននៅក្រោយជំនួបជាមួយ លោកKondo Yoshio ប្រធានក្រុមហ៊ុនProcast CAMBODIA Co., Ltd. នៅព្រឹកថ្ងៃទី១៨ខែមករា នាទីស្តីការក្រសួងថា កម្ពុជានឹងមានការបណ្តុះបណ្តាលសេវាថែទាំមនុស្សចាស់ ដំបូងបំផុត ដែលពុំធ្លាប់មាន។ អគារវិទ្យាស្ថានសេវាថែទាំមនុស្សចាស់ បានដំណើរការសាងសង់រួចរាល់ ហើយបាននិងកំពុងកសាងហេដ្ឋារចនាសម្ព័ន្ធនានា និងបំពាក់សម្ភារៈផ្សេងៗដើម្បីចាប់ផ្តើមដំណើរការដែលមានអ្នកឯកទេស បង្រៀនមកពីប្រទេសជប៉ុន ។ វិទ្យាស្ថានមួយនេះ គ្រោងនឹងដាក់ឱ្យដំណើរការនៅអំឡុងខែមេសាឆ្នាំ២០១៨ខាងមុខនេះ។

លោក រដ្ឋមន្ត្រីបញ្ជាក់ថា សេវាមួយនេះពិតជាត្រូវការ បណ្តុះបណ្តាជំនាញច្បាស់លាស់អាចនិយាយបានថា មានសមត្ថភាពប្រហាក់ប្រហែលនិងគិលានុប្បថ គិលានុប្បយិកា ព្រោះថាការថែទាំមនុស្សចាស់គឺត្រូវការមានចិត្តសាស្ត្រ វិទ្យាសាស្ត្រ ក្រមសីលធម៌ និងជំនាញជាចាំបាច់។ ការបញ្ជូនកម្មសិក្សាការីទៅធ្វើសេវានេះនៅប្រទេសជប៉ុនជារឿងមួយ ប៉ុន្តែកម្ពុជាក៏មានតម្រូវការសេវាបែបនេះចាំបាច់ផងដែរ ដោយសារអត្រាមនុស្សចាស់នៅកម្ពុជាកាន់តែច្រើន ហើយក្រុមគ្រួសារ កូនចៅ រវល់ ពិសេសកំណើនសេដ្ឋកិច្ចនិងសុខមាលភាពរបស់ប្រជាជនកម្ពុជា មានភាពល្អប្រសើរ ទាមទារឱ្យមានសេវាថែទាំ មនុស្សចាស់ឱ្យបានល្អនៅពេលខាងមុខនេះ។

ជាមួយគ្នានោះដែរ លោក Kondo Yoshioបានបញ្ជាក់តាមរយៈការបកប្រែឱ្យដឹងថា ក្រុមហ៊ុនបានចំណាយទុនប្រមាណ៣លានដុល្លារអាមេរិក ក្នុងការកសាងមជ្ឈមណ្ឌលដែលមានកំពស់៥ជាន់ ស្ថិតនៅតាមបណ្តោយផ្លូវឧកញ៉ាម៉ុងឬទ្ធី ក្នុងរាជធានីភ្នំពេញ។ នៅឆ្នាំដំបូងនេះ ក្រុមហ៊ុនគ្រោងនឹងបណ្តុះបណ្តាលមនុស្សប្រមាណ១៨០នាក់នៅកម្ពុជា។ ចំពោះសេវាថ្លៃសិក្សាក្រុមហ៊ុននឹងរកដៃគូរនៅប្រទេសជប៉ុនដើម្បីផ្តល់ថ្លៃសិក្សាជូននិស្សិតកម្ពុជា ដែលមានបំណងរៀនជំនាញនេះ។ នៅពេលរៀនចប់ពួកគេនឹងទៅធ្វើការនៅប្រទេសជប៉ុន។

លោកបញ្ជាក់ទៀតថាសាលាមួយនេះ នឹងបង្រៀនកម្រិតបរិញ្ញាបត្ររង ដែលមាន៣មហាវិទ្យាល័យគឺ មហាវិទ្យាល័យ ថែទាំ ចាស់ជរា មហាវិទ្យាល័យ អក្សរសាស្ត្រភាសារជប៉ុន និងមហាវិទ្យាល័យ អាយធី ដែលត្រូវប្រើពេល២ឆ្នាំ ដោយមិនកំណត់ពីអាយុនោះទេ ពោលគឺតាមតម្រូវការជាក់ស្តែង និងចាំបាច់៕

សាលាឧទ្ធរណ៍ដោះលែងមេធាវី អ៊ិត ពិសិដ្ឋរង្សី ដែលបាញ់គេរបួស

ភ្នំពេញ ៖ មេធាវី អ៊ិត ពិសិដ្ឋរង្សី ដែលបាញ់គេរបួសឥឡូវនេះ ត្រូវបានសភាស៊ើបសួរសាលាឧទ្ធរណ៍ដោះលែងឱ្យនៅក្រៅឃុំបណ្តោះអាសន្នហើយ។

ប្រភពព័ត៌មានច្បាស់ការណ៍មួយបង្ហើបឱ្យដឹងនៅថ្ងៃទី១៨ ខែមករា ថា មេធាវី អ៊ិត ពិសិដ្ឋរង្សី ត្រូវបានចៅក្រមស៊ើបសួរសាលាដំបូងរាជធានីភ្នំពេញបដិសេធការសុំនៅក្រៅឃុំបណ្តោះអាសន្ន រួចបានប្តឹងបន្តទៅសភាស៊ើបសួរសាលាឧទ្ធរណ៍ ហើយត្រូវសភាស៊ើបសួរសាលាឧទ្ធរណ៍ ដោះលែងឱ្យនៅក្រៅតែម្ដង។

ដោយឡែកមន្ត្រីពន្ធនាគារប៉េហ្ស៊ី ឱ្យដឹងថា ពេលនេះមេធាវី អ៊ិត ពិសិដ្ឋរង្ស៊ី នៅក្នុងឃុំដដែល ដោយពុំទាន់ទទួលបានដីកាសម្រេចពីខាងសាលាឧទ្ធរណ៍ដូចការលើកឡើងនោះទេ ។

សូមជម្រាបថា លោក អ៊ិត ពិសិដ្ឋរង្សី អាយុ៣៥ឆ្នាំ ត្រូវបានចៅក្រមស៊ើបសួរ បង្គាប់ឱ្យយកទៅឃុំខ្លួន ជាបណ្តោះអាសន្ននៅពន្ធនាគារព្រៃ ស ក្រោមការចោទប្រកាន់ពីបទហិង្សាដោយចេតនា។

គួររំឭកថា តាមរបាយការណ៍របស់នគរបាលខណ្ឌ៧មករា បានឲ្យដឹងថា មុនកើតហេតុ ជនសង្ស័យបានចេញពីហូបការរួចជិះរថយន្តរបស់ខ្លួនម៉ាកLexus470ពណ៌សពាក់ស្លាកលេខភ្នំពេញ2AP-8254តែម្នាក់ឯងមកផឹកបន្តជាមួយមិត្តភក្តិនៅចំណុចកើតហេតុផ្លូវលេខ២១១ កែងផ្លូវ២១៧ ក្នុងសង្កាត់វាលវង់ ខណ្ឌ៧មករា។ ពេលកំពុងផឹកស៊ីនោះ ស្រាប់តែពួកគេមានជម្លោះជាមួយគ្នា ហើយជនសង្ស័យបានទៅយកកាំភ្លើងនៅក្នុងរថយន្តមកបាញ់ជនរងគ្រោឈ្មោះ លី តុលា អាយុ២២ឆ្នាំ បណ្តាលឲ្យរងរបួសជើង និងបាញ់ឡើងលើមួយគ្រាប់។ បន្ទាប់មក ជនសង្ស័យក៏បានយកកាំភ្លើងទៅភ្ជង់ក្បាលជនរងគ្រោះម្នាក់ឈ្មោះ ខុន បញ្ចាសិទ្ធិ អាយុ២០ឆ្នាំ នាំឲ្យភ័យឡើងព្រលឹងចុងសក់។

ដោយឡែកតាមព័ត៌មានដែលភ្នាក់ងារព័ត៌មានបានទទួលនៅកន្លែងកើតហេតុនាពេលនោះ បានឲ្យដឹងថា ដំបូងឡើងលោកមេធាវីបង្កនិងជនរងគ្រោះទាំង២នាក់ជាមនុស្សស្គាល់គ្នា ហើយបានញ៉ាំការជាមួយគ្នា នៅយប់កើតហេតុ។ តែពេលហូបការរួចជនបង្កចេញមកមុនហើយបានទូរស័ព្ទហៅជនរងគ្រោះទៅទទួលទានបន្តនៅហាងទាខ្វៃ នៅជិតផ្ទះអគ្គស្នងការនគរបាលជាតិស្ថិតនៅតាមផ្លូវ២១១ ក្នុងសង្កាត់វាលវង់ ខណ្ឌ៧មករា ស្រាប់តែមានទំនាស់ក៏បាញ់តែម្តង។ ក្រោយបាញ់ជនរងគ្រោះហើយ ស្រាប់តែលោកមេធាវី បានប្រើពាក្យសំដីថា «ហ្អែង កុំចេះប្រយ័ត្នអញបាញ់ងាប់»៕

សំណុំរឿងបាត់បច្ច័យបុណ្យសពលោក កែម ឡី តុលាការសម្រេចចោទប្រកាន់មនុស្សបីនាក់

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ ព្រះរាជអាជ្ញារង នៃអយ្យការអមសាលា ដំបូងរាជធានីភ្នំពេញ លោក គុជ គីមឡុង បានសម្រេចចោទប្រកាន់ និងដាក់ព្រះតេជគុណប៊ុត ប៊ុនតិញ លោក មឿន តុលា និងលោក ប៉ា ងួនទៀង ដែលជាសមាជិកគណៈកម្មការ បុណ្យសពលោក កែម ឡី ឲ្យស្ថិត នៅក្រោមការ ឃុំខ្លួនបណ្តោះអាសន្ន ដើម្បីបង្ការ ឬបញ្ចប់បទល្មើសកុំឲ្យកើតមានឡើងជា ថ្មី ។

ការដាក់ក្រោមការឃុំខ្លួនបណ្តោះអាសន្ននេះ បន្ទាប់ពីលោក ពេជ្រ ស្រស់ ប្រធាន គណ បក្សយុវជនកម្ពុជា បានដាក់ពាក្យបណ្តឹងទៅតុលាការ ដោយអះអាងថា គណៈកម្ម ការ បុណ្យសពលោក កែម ឡី បានធ្វើឲ្យបាត់លុយបច្ច័យបុណ្យ ហើយមិនឃើញប្រគល់ ថវិកាដែលប្រមូលបានពីសប្បុរសជននានា ជូនក្រុមគ្រួសារសព លោក កែម ឡី នោះទេ។

យោងតាមដីកាសន្និដ្ឋាន បញ្ជូនរឿងឲ្យស៊ើបសួររបស់ លោក គុជ គីមឡុង នៅថ្ងៃទី ៤ ខែមករា ឆ្នាំ២០១៨ ចេញផ្សាយនៅថ្ងៃ១៨ ខែមករា នេះ បានឲ្យដឹងថា “បទល្មើសនេះ គឺរំលោភលលើទំនុកចិត្ត ប្រព្រឹត្តនៅចំណុចនៅរាជធានីភ្នំពេញ កាលពីអំឡុងឆ្នាំ២០១៦ តាមបទបញ្ញត្តិមាត្រា ៣៩១, ៣៩២ ក្រមព្រហ្មទណ្ឌនៃព្រះរាជាណាចក្រកម្ពុជា។ ដាក់ឲ្យ ស្ថិតនៅក្រោមការឃុំខ្លួនបណ្តោះអាសន្ន លើឈ្មោះខាងលើ ដើម្បីបង្ការ ឬបញ្ចប់បទ ល្មើស កុំឲ្យកើតមានឡើងជាថ្មី និងធានារក្សាជនត្រូវចោទ ទុកឲ្យតុលាការ ចាត់ការតាម នីតិវិធី” ។

គួររំលឹកថា កាលពីថ្ងៃទី០៨ ខែកញ្ញា ឆ្នាំ២០១៧លោក ពេជ្រ ស្រស់ បានសម្រេចប្តឹងព្រះតេជគុណ ប៊ុត ប៊ុនតិញ លោក ប៉ា ងួនទៀង និងលោក មឿន តុលា ដោយស្នើឲ្យអយ្យការអមសាលាដំបូងរាជធានីភ្នំពេញស៊ើបអង្កេតស្វែងរកការពិតលើគណៈកម្មការចំពោះថវិកាដែលបងប្អូនប្រជាពលរដ្ឋ ទាំងក្នុងនិងក្រៅប្រទេស ចូលបុណ្យសពលោកបណ្ឌិត កែម ឡី។

ការប្តឹងរបស់លោក ពេជ្រ ស្រស់ បានធ្វើឡើងបន្ទាប់ពីម្តាយ និងប្អូនប្រុសសពលោក កែម ឡី បានលើកឡើងពីការបាត់បង់ថវិកា និងមិនទទួលបានថវិកាពីពិធីបុណ្យសពដែល មានប្រជាពលរដ្ឋបានចូលបុណ្យយ៉ាងច្រើននោះ។

សូមបញ្ជាក់ថា លោក កែម ឡីត្រូវបានឃាតកបាញ់សម្លាប់ កាលពីថ្ងៃទី១០ ខែកក្កដា ឆ្នាំ ២០១៦ ក្នុងហាងលក់ទំនិញរបស់ស្ថានីយ៍ប្រេងមួយកន្លែង នៅជិតស្តុបបូកគោ ខណ្ឌចំការ មន៕

ដំរីព្រៃ១ក្បាលឆ្លងដែនពីថៃ ជាន់ស្ត្រីស៊ីឈ្នួលដកដំឡូងម្នាក់ស្ទើរស្លាប់

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ប៉ោយប៉ែត ៖ ស្ត្រីម្នាក់រងរបួសធ្ងន់បន្ទាប់ពីការវាយប្រហាពីដំរីព្រៃឈ្មោលមួយក្បាល បានជាន់ទាំងកម្រោល កាលពីវេលារំលងអាធ្រាត្រឈានចូលព្រឹកថ្ងៃទី១៨ ខែមករា ឆ្នាំ ២០១៨ នៅភូមិដំណាក់ក្សាន ឃុំបួរ ស្រុកភ្នំព្រឹក ខេត្តបាត់ដំបង។ ជនរងគ្រោះក្នុងហេតុការណ៍នេះ ឈ្នោះ ចក់ គឹមណៃ អាយុ៣២ឆ្នាំ ស្នាក់នៅកន្លែងកើតហេតុ និងមានទីលំនៅភូមិទួលពង្រឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។

ស្ត្រីរងគ្រោះរងរបួសធ្ងន់បាក់ឆ្អឹងជំនីខាងស្តាំខ្ទេចតែម្តងខណៈកំពុងដេកមនិដឹហខ្លួន ហើយត្រូវដំរីខាងលើធាក់មួយជើង និងយកប្រមោយទាញសំពត់តង់កៅស៊ូដំពូលរោងស្នាក់នៅកម្ទេចចោលថែមទៀត។

តាមបុរសជាប្តីស្ត្រីរងគ្រោះឈ្មោះ តក់ ស្រស់ អាយុ៣១ឆ្នាំ និយាយថា គាត់ និងគ្រួសារមកពីខេត្តឧត្តរមានជ័យ មកចំណុចកើតហេតុកាលពីថ្ងៃទី២ ខែមករា ឆ្នាំ២០១៨ ប៉ុន្តែទើបរកការងារបានធ្វើ(កាប់ដំឡូង)រយៈពេល៧ថ្ងៃ លុះព្រឹកថ្ងៃទី១៨ នេះ ក៏ជួបរឿងអកុសលកំពុងដោយដេកលង់លក់ត្រូវសត្វដំរីព្រៃដ៌ធំមួយក្បាលខាងលើ ធ្វើការវាយប្រហារបង្ករបួសធ្ងន់ធ្ងរតែម្តង។ក្រោយកើ
តហេតុ ជនរងគ្រោះត្រូវបានគេបញ្ជូនទៅកាន់មន្ទីរពេទ្យបង្អែកសំពៅលូន ក្នុងស្រុកសំពៅលូន ដើម្បីជួយសង្គ្រោះបឋមបន្ទាប់មកក៏ត្រូវក្រុមគ្រូពេទ្យបញ្ជូនបន្តទៅមន្ទីរពេទ្យខេត្តបាត់ដំបង។

តាមប្តីជនរងគ្រោះអះអាថា គ្រួសារគាត់ក្រីក្រណាស់មានកូនស្រីតូចៗ៣នាក់ ផ្ញើនៅជាមួយប្អូនស្រីឱ្យជួយមើលថែទាំនៅឯស្រុកកំណើត សូម្បីតែទូរស័ព្ទកញ្ចាស់មួយក៏គ្មានប្រើដែរ និងសំណូមពរដល់សប្បុរសជនក្នុងនិងក្រៅប្រទេសមេត្តាជួយដល់គ្រួសារគាត់ផង។
សួមបញ្ជាក់ផងដែរថា ថ្មីនេះ ដំរីព្រៃឈ្មោលមួយក្បាលនេះ បានទៅឈនៅមុខសាលារៀនបឋមសិក្សាថ្មបាំង ឋិតក្នុងឃុំបឹងបេង ស្រុកម៉ាឡៃ ខេត្តបន្ទាយមានជ័យ រំខានដល់សិស្សមិនបានទៅសិក្សាអស់មួយរយៈ លុះពេលយប់ដំរីនេះបានទៅដេកនៅព្រៃបរិថាពេលថ្ងៃទើបវាចេញមកអុកឡុកអ្នកស្រុកវិញ៕

ភ្លើងឆេះផ្ទះឈើ១ខ្នង និងសម្ភារៈសរុបជាង៧០លានរៀល

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ព្រៃវែង ៖ ផ្ទះឈើ១ខ្នងរួមជាមួយសម្ភារៈជាច្រើនត្រូវអគ្គីភ័យលេបត្របាក់អស់ទាំងស្រុង។ហេតុការណ៍នេះបង្កឲ្យមានការភ្ញាក់ផ្អើលឡើងកាលវេលាម៉ោង១០និង៣០នាទីយប់ថ្ងៃទី១៦ខែមករាឆ្នាំ២០១៨ស្ថិតក្នុងភូមិព្រៃស្នួល.ឃុំគោខ្ទក.ស្រុកកំពង់ត្របែក.ខេត្តព្រៃវែង។

បើតាមរបាយការណ៍របស់សមត្ថកិច្ចបានឲ្យដឹងថា ផ្ទះដែលត្រូវអគ្គីភ័យឆាបឆេះអស់ទាំងស្រុងនេះមានទំហំ៨×៧ម៉ែត្រធ្វើអំពីឈើសរសរបេតុង.ប្រក់ក្បឿង.ជញ្ជាំងដែកម្ចាស់ឈ្មោះខៀវ.សូភេទស្រីអាយុ៦៧ឆ្នាំ។

តាមរបាយការណ៍ឲ្យដឹងបន្តថាហេតុការណ៍នេះមិនបណ្តាលឲ្យមានមនុស្សគ្រោះថ្នាក់ និងប៉ះពាល់ដល់ផ្ទះពលរដ្ឋជិតខាងនោះទេ គឺគ្រាន់តែបាត់បង់នូវសម្ភារៈដែលអគ្គីភ័យលេបត្របាក់រួមមានស្រូវចំនួន៤តោន.ម៉ាស៊ីនកិនស្រូវ១គ្រឿង.ម៉ាស៊ីនបូបទឹក១គ្រឿង.មាស៣តម្លឹង៥ជី.ប្រាក់រៀល៣លានរៀល.ប្រាក់ដុល្លារ៣.៥០០ដុល្លារ.កង់១គ្រឿង.កង្ហា៤គ្រឿង.ទូដាក់ខោអាវ២.ជង្រុកស្រូវទំហំ៤×៥ម៉ែត្រសង់អំពីឈើប្រក់ដែក១ខ្នង.ទូរទស្សន៍កូល័រ១គ្រឿង.បន្ទះសូឡាអាគុយ១កំប្ល៉េរ.ប្លង់ដី.សំបុត្រកំណើត និងឯកសារសំខាន់ៗជាច្រើនទៀតសរុបជាទឹកប្រាក់ប្រហែលជាង៧៤លានរៀល។

ករណីនេះសមត្ថកិច្ចបានសន្និដ្ឋានថាមូលហេតុមកពីឆ្លងចរន្តអគ្គីសនីផ្ទុះស្សេខ្សែភ្លើងទើបបណ្ដាលឲ្យឆាបឆេះបែបនេះ៕

ជិតដល់ថ្ងៃរៀបការ បែរជាត្រូវប៉ូលិសចាប់កូនកម្លោះដោយសារគ្រឿងញៀន

ភ្នំពេញ ៖ បុគ្គលិកក្រុមហ៊ុនស្មាតហ្វូនម្នាក់ជាប់អន្ទាក់សមត្ថកិច្ចខណ្ឌដង្កោ ខណៈសមត្ថកិច្ចកំពុងដាក់គោលដៅឆែកអាវុធជាតិផ្ទុះ និងបានឆែកឆេររកឃើញថ្នាំញៀនចំនួន១០កញ្ចប់តូច និងលុយចំនួន១.០០០ដុល្លារ កាលពីវេលាម៉ោង៧ និង៣០នាទី ថ្ងៃទី១៧ ខែមករា ឆ្នាំ២០១៧ នៅតាមបណ្តោយផ្លូវ២១៧ ភូមិមល័ សង្កាត់ដង្កោ ខណ្ឌដង្កោ។

សមត្ថកិច្ចបានអោយដឹងថា ជនសង្សយ័ខាងលើនេះ មានឈ្មោះ ឆាយ ប៊ុនថា អាយុ៣៤ឆ្នាំ មុខរបរបុគ្គលិកក្រុមហ៊ុនស្មាតហ្វូន ស្នាក់នៅសង្កាត់បឹងកេងកង ខណ្ឌចំការមន។ ជនសង្ស័យបានប្រាប់សមត្ថកិច្ចថា រូបគេនឹងរៀបមង្គលការនាពេលដ៏ខ្លីខាងមុខនេះ។

នៅចំពោះមុខសមត្ថកិច្ចជនសង្សយ័បានសារភាពថា ថ្នាំញៀនខាងលើនេះ រូបគេបានយកទៅផ្ញើតាមឡានអោយម៉ូយនៅឯខេត្តកំពង់ចាម។

បច្ចុប្បន្នជនសង្ស័យខាងលើ ត្រូវបានឃុំខ្លួនបណ្តោះអាសន្ននៅអធិការដ្ឋានខណ្ឌដង្កោ ដើម្បីកសាងសុំណុំរឿងបញ្ជូនទៅតុលាការចាត់ការតាមនីតិវិធិ៕

កម្ពុជាចាប់ផ្តើមអនុវត្តគោលនយោបាយ ទ្រទ្រង់មនុស្សវ័យចាស់

January 18, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គម, សេដ្ឋកិច្ចមេគង្គ ប៉ុស្តិ៍

ភ្នំពេញ ៖ នាយករដ្ឋមន្ត្រីកម្ពុជា បានយល់ព្រមទទួលធ្វើជាប្រធានមូលនិធិទ្រទ្រង់មនុស្សចាស់ ដែលនឹងជួយគាំទ្រកាន់តែខ្លាំងដល់ការអនុវត្តសកម្មភាពនៃគោលនយោបាយជាតិស្តីពីមនុស្សចាស់ ឆ្នាំ២០១៧-២០៣០។

នាព្រឹកថ្ងៃទី១៨ ខែមករា ឆ្នាំ២០១៨ រាជរដ្ឋាភិបាលកម្ពុជា បានប្រកាសដាក់អោយចាប់ផ្តើមអនុវត្តគោលនយោបាយជាតិ ស្ដីពីមនុស្សវ័យចាស់ឆ្នាំ២០១៧-២០៣០ ដោយប្រគល់ភារកិច្ច នៃការអនុវត្តគោលនយោបាយនេះ ទៅអោយក្រសួងសង្គមកិច្ច អតីតយុទ្ធជន និងយុវនិតិសម្បទា។

គោលនយោបាយជាតិថ្មីនេះ បង្កើតប្រព័ន្ធគាំពារសុខុមាលភាពរយៈពេលវែងសម្រាប់មនុស្សវ័យចាស់នៅកម្ពុជា អោយទទួលបាននូវគុណភាពជីវិត និងការគាំពារយ៉ាងពេញលេញ ខណៈដែលកាលពីក្នុងឆ្នាំ២០១៣ កម្ពុជាមានមនុស្សវ័យចាស់ អាយុពី៦០ឆ្នាំឡើង ប្រមាណ១លាន២សែននាក់ គឺស្មើនឹង៨%នៃចំនួនប្រជាជនសរុប១៥លាននាក់។ ហើយចំនួនមនុស្សវ័យចាស់នៅកម្ពុជា ត្រូវបានព្យាករណ៍ថានឹងកើនឡើងដល់ប្រមាណ ២លាននាក់ នៅឆ្នាំ២០៣០ ស្មើនឹង ១១% នៃប្រជាជនសរុប១៨លាននាក់ នាពេលនោះ។

តាមការបញ្ជាក់របស់ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនិតិសម្បទា បង្ហាញថា គោលនយោបាយជាតិ ស្តីពីមនុស្សវ័យចាស់ឆ្នាំ២០១៧-២០៣០ ត្រូវបានអនុម័តពីរាជរដ្ឋាភិបាល នៅក្នុងកិច្ចប្រជុំពេញអង្គគណៈរដ្ឋមន្ដ្រី នាថ្ងៃទី២៥ ខែសីហា ឆ្នាំ២០១៧ កន្លងទៅ។ គោលនយោបាយនេះ ត្រូវបានរៀបចំយ៉ាងយកចិត្តទុកដាក់ដោយមានកិច្ចសហការរវាងក្រសួងស្ថាប័នពាក់ព័ន្ធ និងដៃគូអភិវឌ្ឍន៍នានា ដូចជាអង្គការមនុស្សចាស់កម្ពុជា (HELP AGE CAMBODIA) និង អង្គការសហប្រជាជាតិសម្រាប់ការអភិវឌ្ឍប្រជាជន ហៅថា(UNFPA) ។ លោក វង សូត ក៏បានបញ្ជាក់ដែរថា ការរៀបចំគោលនយោបាយជាតិស្ដីពីមនុស្សវ័យចាស់ ឆ្នាំ២០១៧-២០៣០នេះ ក៏ធ្វើឡើងស្របតាមយុទ្ធសាស្ដ្រចតុកោណដំណាក់កាលទី៣! ផែនការយុទ្ធសាស្ដ្រអភិវឌ្ឍន៍ជាតិ២០១៤-២០១៨! ក្របខ័ណ្ឌគោលនយោបាយជាតិគាំពារសង្គម ២០១៦-២០២៥ ផងដែរ។

នៅក្នុងពិធីប្រកាសផ្សព្វផ្សាយគោលនយោបាយជាតិ ស្ដីពីមនុស្សវ័យចាស់ឆ្នាំ២០១៧-២០៣០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា បានយល់ព្រមទទួលធ្វើជា ប្រធានមូលនិធិទ្រទ្រង់មនុស្សចាស់នៅកម្ពុជា ដោយសម្តេចបាន កត់សំគាល់ថា បើទោះបីជា តាមប្រពៃណីទំនៀមទម្លាប់របស់កម្ពុជា មនុស្សវ័យចាស់ ត្រូវបានមើលថែទាំដោយកូនចៅ ក្រុមគ្រួសារក្តី ប៉ុន្តែជារួមមនុស្សវ័យចាស់ក៏ត្រូវតែទទួលបាននូវការគាំពារសុខមាលភាព និងការយកចិត្តទុកដាក់ ពីគោលនយោបាយរបស់រាជរដ្ឋាភិបាលផងដែរ។
សម្តេចនាយករដ្ឋមន្ត្រី បានចាត់ទុកថា ការបង្កើតគោលនយោបាយ គាំពារសុខមាលភាពដល់ប្រជាពលរដ្ឋ គឺជារៀងចាំបាច់បំផុត នាពេលនេះ។

សូមបញ្ជាក់ថា គោលនយោបាយជាតិស្តីពីមនុស្សវ័យចំណាស់ឆ្នាំ២០១៧-២០៣០ នឹងផ្តោតលើសកម្មភាពនិងការងារអាទិភាពចំនួន៩ សម្រាប់មនុស្សវ័យចាស់ រួមមាន៖ សន្ដិសុខហិរញ្ញវត្ថុ, សុខភាព និងសុខុមាលភាព, របៀបរបបការរស់នៅ, បរិស្ថានដែលអំណោយផល, សមាគមមនុស្សចាស់ និងវ័យចាស់, ទំនាក់ទំនងអន្ដរជំនាន់, ការរំលោភបំពាន និងអំពើហិង្សាលើមនុស្សចាស់, ស្ថានភាពមានអាសន្ន និង ការត្រៀមខ្លួនមនុស្សវ័យក្មេងសម្រាប់ឈានចូលវ័យចាស់។

គួរបញ្ជាក់ថា នាពេលកន្លងមក រាជរដ្ឋាភិបាលកម្ពុជា ក៏បានដាក់ចេញនិងកំពុងអនុវត្ត នូវក្របខណ្ឌគោលនយោបាយគាំពារសង្គមមួយចំនួនរួចមកហើយ ដើម្បីលើកកម្ពស់ជីវភាព សុខមាលភាពនិងកាត់បន្ថយភាពក្រីក្រ របស់ប្រជាពលរដ្ឋ ក្នុងនោះមានដូចជា ៖ គោលនយោបាយជាតិគាំពារសង្គម ឆ្នាំ២០១៦-២០២៥! បេឡាជាតិរបបសន្តិសុខសង្គម (ប.ស.ស) បេឡាជាតិសន្តិសុខសង្គមសម្រាប់មន្ត្រីរាជការស៊ីវិល (ប.ជ.ស) បេឡាជាតិអតីតយុទ្ធជន (ប.ជ.អ) មូលនិធិជនពិការ(ម.ជ.ព) មូលនិធិគាំពារសុខុមាលភាព សម្រាប់មន្ត្រីរាជការ កងកម្លាំងប្រដាប់អាវុធ អតីតយុទ្ធជន ក្រុមប្រឹក្សាឃុំសង្កាត់ មូលនិធិគាំពារសង្គមសម្រាប់កម្មករក្នុងប្រព័ន្ធនិងក្រៅប្រព័ន្ធ! មូលនិធិមន្ទីរពេទ្រគន្ធបុប្ផា និងមូលនិធិត្រីចក្រយានកម្ពុជា រឺមូលនិធិសីក្លូ ជាដើម៕