អាមេរិក៖បុរសម្នាក់ត្រូវបានចោទប្រកាន់ពីបទព្យាយាមដណ្តើមយកកាំភ្លើងពីមន្ត្រីប៉ូលិសម្នាក់នៅកន្លែងជួបជុំអ្នកគាំទ្ររបស់លោក ដូណាល់ ត្រាំ នៅទីក្រុងឡាសវេហ្គាសដើម្បីសម្លាប់ លោក ដូណាល់ ត្រាំ បេក្ខជនប្រធានាធិបតីអាមេរិក។
បុរសនេះឈ្មោះ ម៉ៃឃើល សេនហ្វត (Michael Sandford) អាយុ១៩ឆ្នាំបានព្យាយាមដកយកកាំភ្លើងពីមន្ត្រីប៉ូលិសនៅកន្លែងជួបជុំរបស់លោក ដូណាល់ ត្រាំ កាលពីថ្ងៃទី១៨ខែមិថុនានៅទីក្រុងនេះនៅមុនពេលបុរសនេះត្រូវបានចាប់ខ្លួន។ នេះបើយោងតាមតុលាការនៅរដ្ឋនេវ៉ាដា។
បន្ទាប់ពីត្រូវបានចាប់ខ្លួននោះ បុរសនេះបាននិយាយប្រាប់មន្ត្រីស៊ើបការណ៍សម្ងាត់ម្នាក់ថា គាត់បានបើកឡានពីរដ្ឋកាលីហ្វ័រញ៉ា ទៅទីក្រុងឡាសវេហ្គាសដើម្បីសម្លាប់លោក ដូណាល់ ត្រាំ។
ក្រុមមន្ត្រីមិនបានបញ្ជាក់អំពីសញ្ជាតិរបស់បុរសនេះទេ ដោយគ្រាន់តែនិយាយថា គាត់បានប្រាប់ក្រុមអ្នកស៊ើបអង្កេតថា គាត់បាននៅសហរដ្ឋអាមេរិកអស់រយៈពេលជិត១៨ខែមកហើយៗថា គាត់បានរស់នៅទីក្រុងបូបូខេន (Hoboken) ក្នុងរដ្ឋញូវជើស៊ី មុនពេលធ្វើដំណើរទៅរដ្ឋកាលីហ្វ័រញ៉ា៕
រាជធានីភ្នំពេញ៖ឃាតកម្មដ៏សាហាវមួយបានកើតឡើង នៅវេលាម៉ោង១០ និង១០នាទីព្រឹកថ្ងៃទី២១ ខែមិថុនា ឆ្នាំ២០១៦ ស្ថិតនៅផ្លូវលេខ២១៩ កែង១៦៥ ក្នុងសង្កាត់ផ្សារដេប៉ូ១ ខណ្ឌទួលគោក ខណៈដែលឃាតករបានយកកាំបិតចុងស្រួចចាក់ពីក្រោយខ្នងសម្លាប់ស្ត្រីម្នាក់ជាយោធាបំរើការងារក្នុងក្រសួងការពារជាតិ ។
ប្រភពព័ត៌មានបានឲ្យដឹងថា មុនពេលកើតហេតុគេឃើញស្ត្រីរងគ្រោះ បានដើរលើដងផ្លូវលេខ២១៩ តែម្នាក់ឯង ក៏ស្រាប់តែមានបុរសមាឌធំម្នាក់ អាយុប្រហែលជាង៤០ឆ្នាំ ជិះម៉ូតូមួយគ្រឿងមកដល់ក៏ដកកាំបិតមុខស្រួចចាក់ ទៅលើស្ត្រីរងគ្រោះ ពីក្រោយបណ្តាលឲ្យដួលស្លាប់មួយរំពេច ហើយជនសង្ស័យក៏ជិះម៉ូតូគេចខ្លួនបាត់ស្រមោលតែម្តង ។
ស្ត្រីរងគ្រោះមានឈ្មោះ លី ដាវី អាយុ៣៧ឆ្នាំ រស់នៅផ្ទះលេខ៣២បេ ផ្លូវ១៦២ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ៕
សុខភាព៖បច្ចុប្បន្ននេះគេសង្កេតឃើញថា ចំនួនមនុស្សដែលកើតមានអាការស្ងួតក្រហាយនៅក្នុងគ្រាប់ភ្នែកមានចំនួនកាន់តែកើនឡើងដោយសារមនុស្សភាគច្រើននៅក្នុងសម័យនេះវីវក់នៅមុខកុំព្យូទ័រ និងទូរស័ព្ទជាច្រើនម៉ោង។
លោកវេជ្ជបណ្ឌិត នីក អេតគីន ចក្ខុពេទ្យ និងជាអ្នកជំនាញខាងអាការស្ងួតភ្នែកព្រមទាំងជាប្រធានសមាគម ខន់ថេគឡេន របស់ប្រទេសអង់គ្លេស បានពោលថា ប្រហែលជា១ភាគរយ៣របស់មនុស្សយើងកើតមានអាការភ្នែកស្ងួតហើយភាគច្រើនមិនព្រមទៅជួបគ្រូពេទ្យដើម្បីពិនិត្យព្យាបាលទេ។
អាការភ្នែកស្ងួតនេះ បណ្តាលមកពីស្រទាប់ទឹកភ្នែកដែលបំពេញនាទីជួយរំអិលគ្រាប់ភ្នែកផលិតទឹកបានតិចពេក រហូតដល់ពេលខ្លះក្លាយទៅជាអាការស្ងួតគ្រាប់ភ្នែកតែម្តង។
លោកគ្រូពេទ្យបានផ្តល់ទិន្នន័យទៀតថា កាលពីពេលថ្មីៗកន្លងទៅនេះ គេបានរកឃើញសារជាតិចម្រាញ់ពីគ្រាប់អម្ពិល អាចការពារអាការភ្នែកស្ងួត។ សារជាតិចម្រាញ់មួយនេះបំពេញតួនាទីចម្លងយកប្រព័ន្ធការងាររបស់ទឹកចិញ្ចឹមគ្រាប់ភ្នែក ជួយសំណើមដល់កែវភ្នែកនិងបណ្តាអាការស្ងួតភ្នែក។
ការពិសោធន៍បានរកឃើញថា សារជាតិចម្រាញ់ពីគ្រាប់អម្ពិលជួយការពារអាការភ្នែកស្ងួតមានប្រសិទ្ធភាពបានយូរជាងវិធីព្យាបាលទូទៅទ្វេដង ដោយសារជាតិចម្រាញ់ខាងលើនេះអាចតោងគ្រាប់ភ្នែកបានយូរជាង។
គ្រូពេទ្យសរុបថា ការព្យាបាលអាការស្ងួតភ្នែកដោយសារជាតិចម្រាញ់ពីគ្រាប់អម្ពិលស្រុកនេះជួយឲ្យឆាប់ជាសះស្បើយ ប៉ុន្តែបច្ចុប្បន្ននេះកំពុងស្ថិតនៅក្នុងដំណាក់កាលសិក្សាពិសោធនៅឡើយ៕
រាជធានីភ្នំពេញ៖សង្ឃដែលបង្ហោះរូបភាព អាសអាភាស និងសម្ញែងលុយដុល្លារធ្វើឲ្យផ្អើលពេញ Facebook និងរងការរិះគន់យ៉ាងចាស់ដៃនាពេលកន្លងមកនោះ បានចេញមុខទទួលកំហុស និងត្រៀមលាចាកសិក្ខាបទ នៅថ្ងៃទី២២ ខែមិថុនា ឆ្នាំ២០១៦នេះ។
យោងតាមទំព័រហ្វេសប៊ុក របស់សាលាគណរាជធានីភ្នំពេញបញ្ជាក់ថា « សូមទូលថ្វាយ ប្រគេន និងជម្រាបជូនថា រឿងរ៉ាវដែលទាក់និងភិក្ខុ វ៉ា ស៊ីណាន បានបង្ហោះរូបភាពមិនគប្បី និងធ្វើឲ្យមានការភ្ញាក់ផ្អើលដល់សាធារណជន និងប៉ះពាល់ដល់កិត្តិយសព្រះពុទ្ធសាសនា ពេលនេះសាលាគណរាជធានីភ្នំពេញ បានឲ្យភិក្ខុអង្គនេះលាចាកដិក្ខាបទ(សឹក)នៅថ្ងៃទី២២ ខែមិថុនា ឆ្នាំ២០១៦ស្អែកនេះហើយ»។
សាលាគណរាជធានីភ្នំពេញបានស្នើសុំទៅព្រះករុណាម្ចាស់គ្រប់អង្គ និងសាធារណជនព្រះមេត្តា និងមេត្តាជ្រាប ហើយដើម្បីរក្សាកិត្តិយសព្រះពុទ្ធសាសនា សូមកុំយករូបភាព ទាំងនេះធ្វើជាកម្មវត្ថុទៀត រឿងនេះគ្រាន់តែជារឿង របស់បុគ្គលតែប៉ុណ្ណោះ៕
បាល់ទាត់៖សហព័ន្ធកីឡាបាល់ទាត់របស់ប្រទេសប្រេស៊ីល បានប្រកាសតែងតាំងលោក Adenor Leonardo Bacchi ជាគ្រួបង្វឹកថ្មីរបស់ក្រុមជម្រើសជាតិប្រេស៊ីលជាផ្លូវការហើយកាលពីម្សិលមិញនេះ។
គ្រូបង្វឹកសញ្ជាតប្រេស៊ីលវ័យ៥៥ឆ្នាំរូបនេះបានក្លាយជាគ្រូបង្វឹកថ្មីរបស់ក្រុមជម្រើសជាតិប្រេស៊ីល បន្ទាប់ពី លោក Dunga ត្រូវបានបណ្តេញពីតំណែង ក្រោយពីដឹកនាំក្រុមសាំបាលប្រេស៊ីលធ្លាក់ត្រឺមវគ្គសន្សំពិន្ទុតាមពូល ក្នុងព្រឹត្តិការណ៍ Copa America 2016 នេះ ។
យ៉ាងណាមិញ លោក Adenor Leonardo Bacchi នឹងមកចូលកាន់តំណែងក្នុងក្រុមជម្រើសជាតិសាំបាលប្រេស៊ីល ក្រោយចប់ព្រឹត្តិការណ៍កីឡាអូឡាំពិករដូវក្ដៅនៅទីក្រុងរីយ៉ូ៕
រាជធានីភ្នំពេញ៖នៅថ្ងៃទី២០ មិថុនា ២០១៦ គ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៤លើក (យប់១លើក) បណ្តាលឱ្យមនុស្សស្លាប់ម្នាក់ (ប្រុស) រងរបួសធ្ងន់៣នាក់ (ប្រុស) របួសស្រាលម្នាក់ (ប្រុស)។នេះបើយោងតាមការផ្សាយរបស់គេហទំព័រអគ្គស្នងការនគរបាលជាតិ។
ប្រភពដដែលបន្តថា ក្នុងគ្រោះថ្នាក់ចរាចរណ៍ទាំង៤លើកនេះ បណ្តាលឱ្យខូចខាតយានយន្ត សរុបចំនួន៨គ្រឿង រួមមានម៉ូតូចំនួន៤គ្រឿង, រថយន្តធុនតូច១គ្រឿង,រថយន្តធំគ្រឿង,កង់១គ្រឿង ។ ប្រភពខាងលើបញ្ជាក់ថា មូលហេតុបណ្តាលឱ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន១លើក, មិនគោរពសិទ្ធិ១លើក ស្លាប់ម្នាក់, ប្រជែង១លើក, បត់គ្រោះថ្នាក់១លើក។ ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍២នាក់ (យប់ម្នាក់)។
គ្រោះថ្នាក់លើដងផ្លូវ រួមមាន ផ្លូវជាតិចំនួន៣លើក ផ្លូវលំ១លើក ដោយឡែក យានយន្តបង្កហេតុ រួមមានម៉ូតូ១លើក , រថយន្តធុនតូច១លើក ,រថយន្តធំ២លើក ។ គ្រោះថ្នាក់ប៉ះទង្គិចម៉ូតូ និងម៉ូតូ១លើក, ម៉ូតូនិងរថយន្តធំ២លើក, រថយន្តតូច និងកង់១លើកស្លាប់១នាក់ ។ ខេត្តដែលមានគ្រោះថ្នាក់ និងរងគ្រោះច្រើនខេត្តកំពង់ចាម១លើក ស្លាប់១នាក់ និងខេត្តកំពង់ធំ២លើក របួស២នាក់៕
រាជធានីភ្នំពេញ៖អនុរក្សពន្ធនាគារព្រៃសរនៅព្រឹកនេះបាននាំខ្លួន លោក ណៃ រ៉ង់ដា អនុប្រធានសមាគមអាដហុកមកសាលាដំបូងរាជធានីភ្នំពេញ ដើម្បីសាកសួរ ក្នុងនាមសាក្សី ពាក់ព័ន្ធករណី សូកប៉ា់ន់សាក្សី ក្នុងសំណុំរឿងអាស្រូវលោក កឹម សុខា ប្រធានស្តីទីគណបក្សសង្គ្រោះជាតិ។
គួរបញ្ជាក់ថា លោក ណៃ រ៉ងដា ត្រូវបានចាប់ខ្លួនរួមជាមួយមន្ត្រីអាដហុក និងមន្ត្រី គ.ជ.ប មួយចំនួនទៀតជាប់ចោទពីបទសូកប៉ាន់សាក្សីលើសំណុំរឿងអាស្រូវលោក កឹម សុខា និងកញ្ញា ខុម ចាន់ដារ៉ាទី ៕
អាមេរិក៖យន្តហោះចម្បាំងរបស់ចិនបានហោះក្រវែលជិតៗ នាវាចម្បាំងរបស់អាមេរិក ដែលកំពុងឈរជើងនៅជិតតំបន់ព្រំដែនសមុទ្រចិនខាងត្បូង គ្រាដែលនាវាចម្បាំងអាមេរិក USS John C.Stennis ក៏បានបណ្តែតខ្លួនចូលកាន់តែជិត នៅតំបន់ជម្លោះផងដែរ។
យ៉ាងណាក៏ដោយ ការចេញល្បាតរបស់យន្តហោះចម្បាំងចិននេះ មិនបង្កឲ្យមានការប៉ះទង្គិចគ្នាជាមួយកងកម្លាំងនាវាអាមេរិកនៅឡើយនោះទេ៕
បាល់ទាត់៖ខ្សែប្រយុទ្ធដ៏ឆ្នើមរបស់ក្រុមកញ្ជ្រោងព្រៃ Leicester City គឺកីឡាករ Jamie Vardy បានចេញមុខមកបដិសេធនូវសំណើរបស់ក្រុមកាំភ្លើងធំ Arsenal ក្នុងការផ្ទេរយករូបគេមកកាន់កីឡាដ្ឋាន Emirates នារដូវកាលក្រោយនេះ។
ខ្សែប្រយុទ្ធសញ្ជាតិអង់គ្លេសវ័យ២៩ឆ្នាំរូបនេះ ត្រូវបានក្រុមកាំភ្លើងធំ ត្រៀមផ្តល់ជូននូវតម្លៃខ្លួម២០លានផោននិងថ្លៃពលកម្ម ១២០០០០ ផោនក្នុងមួយសប្ដាហ៍ ប៉ុន្តែត្រូវបានកីឡាកររូបនេះបដិសេធ ខណៈរូបគេកំពុងមាន គ្រោងបន្តកុងត្រាថ្មីនៅកីឡដ្ឋាន King Power បន្តទៀត។
គួរបញ្ជាក់ដែរថា ខ្សែប្រយុទ្ធ Vardy បានចាកពីក្រុម Fleetwood Town មកកាន់ក្រុម Leicester កាលពីឆ្នាំ ២០១២ ក្នុងតម្លៃ១លានផោន នឹង បានស៊ុតបញ្ចូលទីចំនួន២៤គ្រាប់នៅរដូវកាលនេះ៕
ប៉េកាំង៖ប្រធានាធិបតីរុស្ស៊ី លោក Vladimir Putin នឹងទៅបំពេញទស្សនកិច្ចជាផ្លូវការនៅក្នុងប្រទេសចិន នាថ្ងៃទី២៥ ខែមិថុនា ខាងមុខនេះ ដើម្បីពង្រីក និងពង្រឹងទំនាក់ទំនងមិត្តភាពទ្វេភាគីរវាងប្រទេសជិតខាងទាំងពីរ។ នេះបើយោងតាមការចេញផ្សាយរបស់សារព័ត៌មានស៊ិនហួ។
អ្នកនាំពាក្យរបស់ក្រសួងការបរទេសចិន លោក Lu Kang បានឲ្យដឹងថា លោក Putin នឹងអញ្ជើញមកបំពេញទស្សនកិច្ចនៅចិនតាមការអញ្ជើញរបស់លោក Xi Jinping ប្រធានាធិបតីចិន។ លោក Lu បញ្ជាក់ថា លោក Jinping និងលោក Putin នឹងជួបពិភាក្សាលើកកិច្ចការមួយចំនួន ដោយក្នុងនោះផ្ដោតសំខាន់លើវិស័យទំនាក់ទំនង និងការអភិវឌ្ឍន៍ ដោយប្រទេសទាំងគ្រោងនឹងវិនិយោគទុនរួមគ្នា ទៅលើគម្រោងជាច្រើន។ ក្រៅពីជួបពិភាក្សា ប្រធានាធិបតីនៃប្រទេសទាំងពីរ នឹងចុះហត្ថលេខលើកិច្ចព្រមព្រៀងសំខាន់ៗមួយចំនួន ក្នុងនោះក៏មានរឿងនយោបាយផងដែរ៕
រាជធានីភ្នំពេញ៖ជនជាតិចិនចំនួន៩នាក់ត្រូវបានកម្លាំងនគរបាលអន្ដោប្រវេសន៍ របស់នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ឃាត់ពីបទចូលមកធ្វើការខុសច្បាប់ នៅក្នុងការដ្ឋានសំណង់ City Park។
ការឃាត់ខ្លួននេះធ្វើឡើងនៅរសៀលថ្ងៃទី២០ ខែមិថុនា ឆ្នាំ២០១៦នេះដែលគ្រាចុះត្រួតពិនិត្យការដ្ឋានសំណង់មួយកន្លែងឈ្មោះ City Park មានទីតាំងស្ថិតតាមបណ្ដោយផ្លូវលេខ៣៥២ ក្នុងសង្កាត់បឹងកេងកង១ ខណ្ឌចំការមន។
ប្រធាននាយកដ្ឋានស៊ើបអង្កេត និងអនុវត្តនីតិវិធី លោកឧត្តមសេនីយ៍ទោ អ៊ុក ហៃសិឡា បានឲ្យដឹងថា ក្រោយពីមានកិច្ចសហការជាមួយកម្លាំងរបស់ស្នងការដ្ឋាននគរបាលរាជធានីភ្នំពេញ និងមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ ទើបកម្លាំងរបស់លោកបានចុះត្រួតពិនិត្យការដ្ឋានសំណង់មួយកន្លែងឈ្មោះ City Park ដោយមានរកឃើញជនជាតិចិន១៩នាក់ ក្នុងនោះ១០នាក់មានលិខិតឆ្លងដែនត្រឹមត្រូវ និង៩នាក់អត់មានលិខិតឆ្លងដែន។
ក្រោយពីធ្វើការឃាត់ខ្លួនជនជាតិចិន៩នាក់ ត្រូវបានបញ្ជូនខ្លួនទៅនាយកដ្ឋានអន្ដោប្រវេសន៍ ដើម្បីធ្វើការសាកសួរ និងចាត់ការតាមនីតិវិធី៕
ខេត្តស្វាយរៀង៖បុរសម្នាក់ទិញសាំង៣លីត្រមកចាក់ស្រោចលើខ្លួន ហើយដុតធ្វើអត្តឃាតបណ្តាលឲ្យស្លាប់ យ៉ាងអាណោចអាធ័ម នៅល្ងាចថ្ងៃទី២០ ខែមិថុនា ឆ្នាំ២០១៦នេះ នៅភូមិបឹងអណ្តែង ឃុំតាសួស ស្រុកស្វាយជ្រំ ខេត្តស្វាយរៀង។
បងប្អូនអ្នកជិតខាងបានប្រាប់ឲ្យដឹងថា ជនរងគ្រោះមានឈ្មោះ ដន អាយុ ២៨ឆ្នាំ មុខរបរជាអ្នករត់រឺម៉ក់កង់បី មានទីលំនៅកន្លែងកើតហេតុខាងលើ។
ប្រភពដដែលបន្តទៀតថា ជនរងគ្រោះបានព្យាយាមចងកសម្លាប់ខ្លួន២ដងមកហើយ តែត្រូវអ្នកជិតខាងជួយសង្គ្រោះទាន់ ទើបតែពេលនេះ បានសម្លាប់ខ្លួនដោយដុតខ្លួនឯងតែម្តង។
ជនរងគ្រោះបាននិយាយថា ខ្លួនខ្មាសគេណាស់ ដោយសារម្តាយជំពាក់លុយអង្គការ និងអ្នកស្រុកច្រើនពេក៕
រាជធានីភ្នំពេញ៖បង្ក្រាបបទល្មើសគ្រឿងញៀនប្រចាំថ្ងៃទី ២០ ខែមិថុនា ឆ្នាំ២០១៦ (គិតត្រឹមម៉ោង ១៦ល្ងាច) បានឲ្យដឹងថា កម្លាំងនគរបាល បានបង្ក្រាបបទល្មើសជួញដូរ រក្សាទុក និងប្រើប្រាស់៣ករណី ឃាត់មនុស្ស៤នាក់ ក្នុងនោះមុខសញ្ញាជួញដូរ២នាក់ និង មុខសញ្ញាប្រើប្រាស់២នាក់ ដកហូតថ្នាំញៀន មេតំហ្វេតាមីន (ice) ២០០០ក្រាម និង៣កញ្ចប់តូច។
ការបង្ក្រាបនោះ រួមមានកម្លាំងនគរបាលមន្ទីរប្រឆាំងគ្រឿងញៀន បង្ក្រាប១ករណីឃាត់ខ្លួនម្នាក់ ដកហូតមេតំហ្វេតាមីន (ice) ២០០០ក្រាម, រាជធានីភ្នំពេញ បង្ក្រាប១ករណី ឃាត់ខ្លួន២នាក់ និងខេត្តកំពង់ចាម បង្ក្រាប១ករណី ឃាត់ខ្លួនម្នាក់៕
រាជធានីភ្នំពេញ៖ក្រុមសកម្មជនអាវខ្មៅចំនួន៤នាក់ ត្រូវកម្លាំងសមត្ថកិច្ចឃាត់ខ្លួនខណៈកំពុងកាន់បដាដើរស្រែកតវ៉ាទាមទារឱ្យដោះលែងមន្ត្រីសិទ្ធិមនុស្ស (គ.ជ.ប) កាលពីវេលាម៉ោង១១ និង១០នាទីព្រឹកថ្ងៃទី២០ មិថុនា ២០១៦ ស្ថិតនៅចំណុចភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ។
សកម្មជនអាវខ្មៅទាំង៤រូបត្រូវគេដឹងថា ២នាក់មកពីសហគមន៍ដីធ្លីបុរកីឡា, ម្នាក់មកពី OSO ភូមិថ្មៅគោល និងម្នាក់ទៀតមកពីបឹងកក់ ។ បច្ចុប្បន្ន ពួកគេទាំង៤នាក់ត្រូវបានបញ្ជូនទៅខណ្ឌពោធិ៍សែនជ័យ ដើម្បីធ្វើការសួរនាំ៕
អត្ថបទ៖ លោក ប៉ សុផល
បាត់ដំបង៖អាងបូរាណមួយកន្លែងឈ្មោះ”អាងភៀស” ដែលជាតំបន់ព្រៃលិចទឹកស្ថិតក្នុងភូមិគោកដូង ឃុំពាមឯក ស្រុកឯកភ្នំ ត្រូវបានក្រុមអ្នកមានលុយមួយចំនួនបាន ឃុបឃិតលួចកាយជារណ្តៅវាតទីយកធ្វើជាកម្មសិទ្ធិ តែខាងអាជ្ញាធរធ្វើមិនដឹងមិនឮក្នុងរឿងនេះទេ។
យោងតាមការលើកឡើងរបស់ប្រជាពលរដ្ឋបានអោយដឹងថា៖ អាងបូរាណខាងលើ មានទំហំរាប់ពាន់ហិកតាស្ថិតក្នុងតំបន់ពីរ ជាតំបន់ព្រៃលិចទឹករបស់រដ្ឋមិនមែនជាកម្មសិទ្ធិរបស់នរណាម្នាក់ឡើយ។ តែពេលនេះត្រូវបានអ្នកមានលុយមួយចំនួនឃុបឃិតគ្នាលួចដាក់អេស្កាវ៉ាទ័រកាយជារណ្តៅៗវាតទីរំលោភយកធ្វើជាកម្មសិទ្ធិ ដោយមិនឃើញមានមន្ត្រីជំនាញឬអាជ្ញាធរពាក់ព័ន្ធណាម្នាក់ចុះមកមើល ឬហាមឃាត់ឡើយ។ការមិនចុះហាមឃាត់ករណីដែលរំលោភយកដឺសាធារណៈខាងលើនេះ ត្រូវបានប្រជាពលរដ្ឋដាក់ការចោទប្រកាន់ទៅលើថ្នាក់ដឹកនាំខេត្ត និងមន្ទីរជំនាញក្នុងខេត្តថា ពាក់ព័ន្ធនឹងការសូកប៉ាន់ផ្តល់ឱកាសឲ្យគេរំលោភយកដីសាធារណៈរបស់រដ្ឋ។
លោក ឆយ ឈឿង ដែលម្ចាស់អេស្កាវ៉ាទ័រ កាយរណ្តៅនៅក្នុងអាងភៀសដែលជាអាងបូរាណនោះបានប្រាប់អ្នកយកព័ត៌មាននៅរសៀលថ្ងៃទី១៩មិថុនានេះថា៖ លោកគ្រាន់តែជាអ្នកស៊ីឈ្នួលកាយដីអោយគេតែប៉ុណ្ណោះ ហើយម្ចាស់គេបានប្រាប់ថា ជីកទុកចិញ្ចឹមត្រី។
ឆ្លើយតបនឹងករណីនេះ លោក ឡុង សុភឺន អភិបាលស្រុកឯកភ្នំ បានប្រាប់តាមរយៈទូរស័ព្ទនៅរសៀលថ្ងៃនេះថា ការកាយរណ្តៅខាងលើនេះ គឺមិនមានច្បាប់អនុញ្ញាតទេ ហើយលោកនឹងចាត់អោយកម្លាំងអធិការស្រុកចុះទៅមើល។
លោក ឡម ឡាន អធិការរងស្រុកឯកភ្នំទទួលបន្ទុកផ្នែកព្រហ្មទណ្ឌ ក្រោយពីបានទទួលបទបញ្ជាពីលោកអភិបាលស្រុកភ្លាមៗនោះលោកក៏បានដឹកនាំកម្លាំងចុះទៅដល់កន្លែងទីតាំងល្មើសហើយបានអោយម្ចាស់គ្រឿងចក្រទាំងនោះធ្វើកិច្ចសន្យាបញ្ឈប់ ដើម្បីធ្វើច្បាប់សិនបើខាងស្រុកអនុញ្ញាតចាំធ្វើបន្តទៀត៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
