បាល់ទាត់៖ប្រធានក្រុមជម្រើសជាតិអង់គ្លេសកីឡាករ Wayne Rooney បានសារភាពថា រូបលោកចង់ឲ្យលោក Roy Hodgson បន្តដឹកនាំក្រុមជម្រើសជាតិអង់គ្លេស បើទោះបីដឹកនាំនៅក្នុងព្រឹត្តិការណ៍បាល់ទាត់ Euro 2016 មិនចឲសូវបានល្អក៏ដោយចុះ។
គ្រួបង្វឹកវ័យ៦៨ឆ្នាំរូបនេះ កិច្ចសន្យារបស់គាត់ក្នុងការដឹកនាំក្រុមតោកំណាចអង់គ្លេសនឹងផុតកំណត់ នៅពេលការប្រកួត Euro ក្នុងប្រទេសបារាំងត្រូវបានបញ្ចប់នោះ។
លោក Greg Dyke ប្រធានសហព័ន្ធបាល់ទាត់អង់គ្លេស កំពុងមានគម្រោងចចារណ៍លើកិច្ចសន្យាថ្មីជាមួយលោក Hodgson បើប្រសិនដឹកនាំក្រុមតោកំណាចបានឆ្លងផុតពីវគ្គបែងចែកពូលនោះ ប៉ុន្តែ កីឡាករ Rooney ដែលជាប្រធានក្រុមបានឲ្យយល់បល់អំពីមូលហេតុនៃការរដឹកនាំរបស់គាត់។
យ៉ាងណាមិញ ប្រទេសអង់គ្លេសនឹងធ្វើការប្រកួតសម្រាប់វគ្គជំរុះចុងក្រោយ Euro 2016 នៅថ្ងៃចន្ទ នះជាមួយ ស្លូវ៉ាគី នៅក្នុងការប្រកួតពូល B ចុងក្រោយ៕
ប៉េកាំង៖សារព័ត៌មានស៊ិនហួចេញផ្សាយនៅព្រឹកថ្ងៃនេះថា អ្នកនេសាទចិនមួយចំនួនរងរបួសបន្ទាប់អាជ្ញាធរដែនសមុទ្រឥណ្ឌូណេស៊ីបាញ់ប្រហារមកលើទូកនេសាទរបស់ពួកគេដោយចោទប្រកាន់ថាចូលមកនេសាទក្នុងដែនសមុទ្រដោយខុសច្បាប់។
ក្រសួងការបរទេសចិន បានចេញសេចក្តីថ្លែងការណ៍នៅថ្ងៃចន្ទនេះដោយបញ្ជាក់ពីជំហររបស់ រដ្ឋាភិបាលចិន ដែលមិនសុខចិត្តនោះឡើយ ចំពោះយោធាឥណ្ឌូណេស៊ី ដែលបានប្រើប្រាស់អាវុធ បំពានទាំងកម្រោល មកលើអ្នកនេសាទរបស់ខ្លួន។
សេចក្តីថ្លែងការណ៍របស់អ្នកនាំពាក្យ Hua Chunying បានបញ្ជាក់ដូច្នេះថា «ចិន សូមជំទាស់យ៉ាងដាច់ខាត ចំពោះការប្រើប្រាស់អាវុធ មកលើទូកនេសាទនានា ដោយគ្រាន់តែជាជម្លោះរឿងនេសាទ នោះ។ ជាក់ស្តែងហេតុការណ៍ បានកើតឡើងនៅលើដែនទឹក ដែលចិនតែងតែធ្វើការនេសាទតាំងពីបុរាណ»។
គួរបញ្ជាក់ថា ក្រសួងការបរទេសចិនបានថ្លែងសារព្រមានមកកាន់ឥណ្ឌូណេស៊ី ឲ្យឈប់បង្កហេតុដូច្នេះទៀត ពីព្រោះថាវានឹងអាចបង្កឲ្យទំនាក់ទំនងរវាងប្រទេសទាំងពីរកាន់តែអាក្រក់៕
ខេត្តកំពង់ស្ពឺ៖នៅព្រឹកកម្មករ-កម្មការិនីប្រមាណជិត៥០នាក់ធ្វើការនៅរោងចក្រដាលីហ្គាម៉ិន កាត់ដេរសំលៀកបំពាក់ ស្ថិតនៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ បាននាំគ្នាធ្វើកូដកម្មមិនចូលធ្វើការ ដោយទាមទារលក្ខខណ្ឌការងារ ១២ចំណុច ខណៈដែលកូដកម្មនេះដឹកនាំដោយលោក សយ ចន្ធូ សហជីពឧស្សាហកម្ម កាត់ដេរកម្ពុជា។
នាឱកាសនោះគេឃើញលោក សយ ចន្ធូ ស្រែកអំពាវនាវតវ៉ា ទាមទារលក្ខខណ្ឌការងារ ១២ចំណុច និងឲ្យកម្មទាំងអស់ ចូលរួមធ្វើកូដកម្ម។
គួរបញ្ជាក់ថា កម្មករប្រមាណជិត៥០០នាក់ ដែលកំពុងធ្វើការនៅក្នុងរោងចក្រមួយនេះ ហើយកម្មករភាគច្រើនលើសលុបមិនបានចូលរួមក្នុងកូដកម្មនៅថ្ងៃនេះទេ៕
ខេត្តប៉ៃលិន៖ផ្ទះប្រជាពលរដ្ឋចំនួន៥០ខ្នងបានរងការខូចខាត ក្នុងនោះមាន១៩ខ្នង ត្រូវខ្យល់ប៉ើងខូចខាងធ្ងន់ធ្ងរ បន្ទាប់ពីមានភ្លៀងធ្លាក់ខ្លាំងលាយជាមួយខ្យល់កន្ត្រាក់នៅព្រលប់ថ្ងៃទី១៩ ខែមិថុនា ឆ្នាំ២០១៦។ ហេតុការណ៍នេះកើតឡើងនៅសង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
សមាជិក ក្រុមប្រឹក្សាសង្កាត់អូរតាវ៉ៅ លោកស្រី ពេញ ម៉ូយ ឲ្យដឹងថា នៅល្ងាចមិញ មានភ្លៀងធ្លាក់លាយខ្យល់កន្ត្រាក់ ពីទិសខាងកើត ធ្វើអោយផ្ទះប្រជាពលរដ្ឋចំនួន៥០ខ្នង ត្រូវខ្យល់ប៉ើងដំបូល, ក្នុងនោះមាន១៩ខ្នង ត្រូវខ្យល់ប៉ើងខូចខាងធ្ងន់ធ្ងរ ដោយក្នុងនោះមានភូមិខ្លុង ភូមិដីក្រហម ភូមិកូនភ្នំ ភូមិអូតាវ៉ៅ និងភូមិក្បាលព្រលាន៕
កាប៊ុល៖មានករណីការវាយប្រហារដោយគ្រាប់បែកលើរថយន្តមួយគ្រឿង ដែលផ្ទុកទៅដោយមន្ត្រីរដ្ឋាភិបាលនៃប្រទេសអាហ្វហ្គានីស្ថានបណ្តាលឲ្យមនុស្សជាច្រើននាក់បានស្លាប់ និងរងរបួសធ្ងន់ស្រាល ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២០ ខែមិថុនា។
សារព័ត៌មានដដែលបញ្ជាក់ថា ករណីកើតឡើងនៅកណ្ដាលទីក្រុងកាប៊ុល ដោយក្នុងនោះមានមន្ត្រីរដ្ឋាភិបាលជាច្រើនរូបបានស្លាប់ និងរបួស។ ដោយឡែកបើតាមប្រភពព័ត៌មាននៅកន្លែងកើតហេតុបាននិយាយថា គេឃើញជនរងគ្រោះជាច្រើននាក់ ត្រូវបានបញ្ជួនទៅព្យាបាលនៅមន្ទីរពេទ្យក្បែរកន្លែងកើតហេតុ៕
ខេត្តបន្ទាយមានជ័យ៖ទណ្ឌិតជាជនជាតិថៃម្នាក់បានព្យាយាមរត់ចេញពីពន្ធនាគារខេត្តបន្ទាយមានជ័យ តែមិនបានសម្រេចត្រូវមន្ត្រីអនុរក្សពន្ធនា គារ និងកងកម្លាំងនគរបាលខេត្តស្រាវជ្រាវតាមដេញប្រផាប់ចាប់ប្រភីងត្រឡប់មកវិញ ។ ហេតុការណ៍បង្កឲ្យមានការភ្ញាក់ផ្អើលនេះកើតឡើងនៅវេលាម៉ោង១០និង២០នាទីព្រឹក ថ្ងៃទី១៩ ខែមិថុនា ឆ្នាំ២០១៦។
តាមមន្ត្រីពន្ធនាគារខេត្តបានឲ្យដឹងថា ទណ្ឌិតដែលព្យាយាមរត់ចេញពីពន្ធនាគារនោះមាន ឈ្មោះ គៀងកៃ ស៊ីសាវ៉ាត់ ភេទប្រុស អាយុប្រហែល៣៧ឆ្នាំ ទណ្ឌិតនេះត្រូវបានតុលាការខេត្តបន្ទាយមានជ័យ កាត់ទោសឲ្យជាប់ពន្ធនាគារចំនួន៧ឆ្នាំពីបទប៉ុនប៉ងធ្វើមនុស្សឃាតដោយចេតនា ឥឡូវជាប់ពន្ធនាគារទើបបាន២ឆ្នាំហើយ។
ប្រភពដដែលបានបញ្ជាក់បន្តថា នៅពេលដែលបញ្ចេញទណ្ឌិត និងពិរុទ្ធជនមកធ្វើពលកម្មសម្អាតអនាម័យនៅទីធ្លាខាងក្រៅ ក៏ស្រាប់តែឈ្មោះគៀងកៃ ស៊ីសាវ៉ាត់ បានលួចរត់ ហើយបានផ្តល់ព័ត៌មាននេះ ដល់លោកអាត់ ខែម ស្នងការនគរបាលខេត្តបន្ទាយមានជ័យ ដើម្បីសុំកម្លាំងសហការស្រាវជ្រាវ រហូតដល់ម៉ោងជាង១១ព្រឹកថ្ងៃដដែល ទើបរកឃើញឈ្មោះគៀងកៃ ស៊ីសាវ៉ាត់ នេះ នៅមាត់ស្ទឹងចម្ងាយពីពន្ធនាគារប្រហែល៣០០ម៉ែត្រ ហើយបានចាប់យកមកដាក់ក្នុងពន្ធនាគារវិញ៕
ខេត្តបន្ទាយមានជ័យ៖នៅយប់ថ្ងៃទី១៩ ខែមិថុនា ឆ្នាំ២០១៦ វេលាម៉ោង៧ និង៣០នាទីយប់ជនសង្ស័យម្នាក់ចងកសម្លាប់ខ្លួននៅបន្ទប់ឃុំខ្លួនបណ្តោះអាសន្ននៅក្នុងអធិការក្រុងប៉ោយប៉ែត ខេត្តបន្ទាយមានជ័យ។
ជនសង្ស័យចងកសម្លាប់ខ្លួននេះឈ្មោះ វ៉ា សាន់ ហៅ ហូ អាយុ ៤៦ឆ្នាំ ភេទប្រុស មានទីលំនៅ ភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យបានយកខោជើងវែងរបស់ខ្លួនយកមកចងកនៅនិងជង្រឹងទ្វារខាងមុខ ហើយខណៈពេលនោះកម្លាំងប្រចាំការនៅទីនោះបានឃើញក៏ស្ទុះទៅជួយភ្លាមៗ តែជួយសង្គ្រោះមិនទាន់ក៏ដាច់ខ្យល់ស្លាប់តែម្តង។
គួរបញ្ជាក់ផងដែរថា៖ មុនពេលកើតហេតុជនសង្ស័យខាងលើត្រូវបានសមត្ថកិច្ចចាប់មកឃុំខ្លួនបណ្តោះអាសន្ន លើករណី ឆបោក ហើយមុនពេលឃុំខ្លួនកម្លាំងជំនាញបានដោះអាវទុកមិនអោយពាក់ ទុកតែខោជើងវែងស្លៀកប៉ុណ្ណោះ។
ក្រោយពីកើតហេតុសមត្ថកិច្ចបានយកសពទៅតំកល់ទុកនៅវត្តបាលិលេយ្យដើម្បីរកចាំក្រុមគ្រួសារនិងសាច់ញាតិយកទៅធ្វើបុណ្យតាមប្រពៃណី៕
ខេត្តបន្ទាយមានជ័យ៖មានករណីគ្រោះអគ្គិភ័យឆេះផ្សាររុងក្លឿ ប្រទេសថៃ ដោយបានបំផ្លាញតូបលក់ដូរ របស់អាជីវករខ្មែរមួយចំនួន កាលពីវេលាម៉ោងប្រមាណជា២យប់ឈានចូលថ្ងៃទី២០ ខែមិថុនា ឆ្នាំ២០១៦នេះ។
តាមប្រភពព័ត៌មានបានឲ្យដឹងថា បន្ទាប់ពីមានគ្រោះអគ្គិភ័យនេះ គេឃើញអាជ្ញាធរថៃ បានយករថយន្តពន្លត់អគ្គិភ័យជួយអន្តរាគមន៍ បាញ់ទឹកពន្លត់ផងដែរ ប៉ុន្តែដោយមើលឃើញ ពីស្ថានការណ៍កាន់តែខ្លាំងឡើងនោះ អាជ្ញាធរថៃបានសម្រេចប្រើប្រាស់ អេស្កាវទ័រ កាយផ្តាច់តូចឆេះ ជាមួយនឹងតូបមិនទាន់ឆេះចោល ដើម្បីកុំរាលដាលកាន់តែខ្លាំង។
បើតាមរបាយការណ៍ជំហានដំបូងថា អគ្គិភ័យនេះបានឆេះបំផ្លាញតូបលក់ដូរ របស់អាជីវករខ្មែរ ប្រមាណជាង៣-៤តូប ហើយក្នុងមួយតូបៗ មានតម្លៃមិនក្រោម២លានបាតឡើយ។
គួរបញ្ជាក់ថា ទីតាំងឆេះនេះធ្លាប់កើតមានគ្រោះអគ្គិភ័យម្តងរួចមកហើយ កាលពីប៉ុន្មានឆ្នាំមុន៕
រាជធានីភ្នំពេញ៖នៅថ្ងៃទី១៩ ខែមិថុនា ឆ្នាំ២០១៦ម្សិលមិញនេះកម្លាំងនគរបាលជាតិបាន បង្ក្រាបបទល្មើសជួញដូរ រក្សាទុក និងប្រើប្រាស់គ្រឿងញៀន៣ករណី ឃាត់ខ្លួនជនសង្ស័យ៥នាក់ ក្នុងនោះមានមុខសញ្ញាជួញដូរ៣នាក់ និងមុខសញ្ញាប្រើប្រាស់២នាក់ ដកហូតថ្នាំញៀនប្រភេទ មេតំហ្វេតាមីនមួយចំនួនុ។ របាយការណ៍របស់អគ្គស្នងការនគរបាលជាតិ។
ប្រភពដដែលបញ្ជាក់ថា ជនសង្ស័យទាំង៥នាក់ ត្រូវបានឃាត់ខ្លួននោះ៖ ខេត្តកណ្ដាលបង្ក្រាប១ករណី ឃាត់ខ្លួន២នាក់, ខេត្តបាត់ដំបង បង្ក្រាប១ករណី ឃាត់ខ្លួនម្នាក់ និងខេត្តក្រចេះបង្ក្រាប១ករណី ឃាត់ខ្លួន២នាក់៕
រាជធានីភ្នំពេញ៖យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា នៅថ្ងៃទី១៩ ខែមិថុនា ឆ្នាំ២០១៦ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១២លើក (យប់៥លើក) បណ្តាលឲ្យមនុស្សស្លាប់៤នាក់ រងរបួសធ្ងន់១៤នាក់ និងរបួសស្រាល២នាក់។
ប្រភពដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍១២លើកនេះ បណ្តាលឲ្យខូចខាតយានយន្ត សរុបចំនួន២៤គ្រឿង រួមមានម៉ូតូចំនួន១៥គ្រឿង រថយន្តធុនតូចចំនួន៥គ្រឿង, រថយន្តធុនធំ៣គ្រឿង, កង់១គ្រឿង។ប្រភពបញ្ជាក់ថា មូលហេតុដែលបណ្តាលឲ្យកើតមាន ករណីគ្រោះថ្នាក់ចរាចរណ៍ រួមមាន ល្មើសល្បឿន៥លើក, ប្រជែង៤លើក, បត់គ្រោះថ្នាក់២លើក, កត្តាយានយន្ត១លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍១៥នាក់ (យប់៧នាក់)។
ជាមួយគ្នានោះនៅថ្ងៃទី១៩ ខែមិថុនា ឆ្នាំ២០១៦ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមាន ចំនួន២,៧៥៤គ្រឿង ក្នុងនោះបានធ្វើការអប់រំចំនួន១,១២៨គ្រឿង និងពិន័យសរុប១,៦២៦គ្រឿង៕
ដោយ៖ ភី ធូ
ខេត្តត្បូងឃ្មុំ៖ អ្នកគ្រូបង្រៀនជាប់កិច្ចសន្យាម្នាក់បានស្លាប់បាត់បង់ជីវិតក្នុងថ្លុកឈាមយ៉ាងអាណោចអាធម៌ បំផុត បន្ទាប់ពីត្រូវឃាតករកំណាចចាប់អា ក និងកាំបិតផ្គាក់ ហើយជនដៃដល់ត្រូវបានសមត្ថកិច្ចដាក់ការសង្ស័យជំហានដំបូងទៅលើ ប្រុសស្នេហ៍ត្បាញអាយរបស់នារីរងគ្រោះដែលគេដឹងថាទើបស្គាល់គ្នាតាមហ្វេកប៊ុក ហើយមករួមរស់ជាមួយគ្នាក្នុងរយៈពេលប៉ុន្មានខែនេះ។
ហេតុការភ្ញាក់ផ្អើលនេះកើតឡើង នៅវេលាម៉ោង៨និង២០នាទី ថ្ងៃទី១៨ ខែមិថុនា ឆ្នាំ២០១៨ នៅផ្ទះចាំចំការកៅស៊ូខាងកើតភូមិលោ ឃុំកំពាន់ ស្រុកមេមត់ ចំងាយប្រហែល៣គីឡូម៉ែត្រពីភូមិ ។
លោកអធិការស្រុកមេមត់ ហុង គឹមហឿន បានបញ្ជាក់ឲ្យដឹងថា ជនរងគ្រោះមានឈ្មោះ អ៊ុល សុខណា ភេទស្រី អាយុ២៥ឆ្នាំ ជនជាតិខ្មែរ ជាគ្រូបង្រៀនជាប់កិច្ចសន្យា នៅភូមិឃុំខាងលើ។
តាមការបំភ្លឺពីម្តាយនារីរងគ្រោះថានៅថ្ងៃទី១៧ ខែមិថុនាឆ្នាំ២០១៦ វេលាម៉ោងប្រហែលម៉ោង១៧ ជនរងគ្រោះឈ្មោះអ៊ុល សុខណា និងប្តីទើបនិងស្គាល់ ឈ្មោះ តុន មករា ហៅនីត អាយុ៣០ឆ្នាំ បានមកស្នាក់នៅផ្ទះកើតហេតុ។ដោយបាត់មិនឃើញកូនមកផ្ទះ ម្តាយក៏មកផ្ទះចំការក៏ឃើញកូនស្រីដេកស្លាប់ដោយអារកនៅលើផ្ទះយ៉ាងអាណោចអាធ័មបាត់ទៅហើយ។
លោកអធិការបានបញ្ជាក់ឲ្យដឹងថា ករណីនេះតាមការសន្និដ្ឋាន ជំហ៊ានដំបូង អាចជាប់ពាក់ជាមួយប្តីត្បាញអាយទើបនិងស្គាល់គ្នានិងមិនបាបរៀបការ ឈ្មោះ តុន មករា ហៅនីត មានស្រុកកំណើតនៅឃុំធាយ ស្រុកបាភ្នំ ខេត្តព្រៃវែង ដែលកំពុងគេចខ្លួន។ ហើយប្តីប្រពន្ធនេះរស់នៅជាមួយគ្នាក្នុងរយៈពេលប៉ុន្មានខែមកនេះដោយមិនបានរៀបការ ស្គាល់គ្នាតាមរយៈទូរស័ព្ទ មិនដែលស្គាល់ប្រវត្តិគ្នាឡើយ។
ករណីនេះសម្មត្ថកិច្ចកំពុងបើកការសើុបអង្កេតស្រាវជ្រាវដើម្បីស្វែងរកចាប់ខ្លួនជនសង្ស័យជាឃាតករយកមកផ្តន្ទាទោសតាមច្បាប់៕
ដោយ៖ លោក ប . វិធិន
ក្រចេះ៖ មន្ត្រីអង្គការ ការពារបរិស្ថាន និងសិទ្ធិពលរដ្ឋកម្ពុជា ជំរិតទារប្រាក់ ១ពាន់ដុល្លាពីឈ្មួញរកស៊ីសត្វព្រៃ ក្រោយពេលដែលឃាត់រថយន្តលួចដឹកសត្វព្រៃមួយគ្រឿង យកទៅទុកអស់រយៈពេលជាច្រើនម៉ោង ប៉ុន្តែដោយសារចរចាគ្នាមិនត្រូវ ក៏ចាប់យករថយន្តទៅទុកនៅទីស្នាក់ការរបស់ខ្លួនដែលមានទីតាំងនៅចំណុចភូមិដីសម្បទាន ឃុំសំបុក ស្រុកចិត្របុរី ខេត្តក្រចេះ។
សេចក្ដីរាយបានឲ្យដឹងថា មន្ត្រីអង្គការ ការពារ បរិស្ថាន និងសិទ្ធិពលរដ្ឋកម្ពុជាម្នាក់ ដែលមាន ឈ្មោះ ភឿន ប៊ុនធឿន ហៅ តូច ជានាយករងទី២ នៃអង្គការ ការពារបរិស្ថាន និងសិទ្ធិពលរដ្ឋកម្ពុជា និងបក្ខពួក៦នាក់ផ្សេងទៀត បានឃាត់រថយន្តនោះទុក តាំងពីវេលាម៉ោង០៩ព្រឹក ថ្ងៃទី១៨ ខែមិថុនា ឆ្នាំ២០១៦ ដោយជំរឹតទារប្រាក់ពីឈ្មួញរកស៊ីដឹកសាច់សត្វព្រៃ ចំនួន ៥ពាន់ដុល្លារ ជាថ្នូរទៅនឹងការដោះលែង។
សេចក្ដីរាយការណ៍បានបន្តថា ក្រោយពីមានការចរចាគ្នារវាងមន្ត្រីអង្គការ ការពារបរិស្ថានរូបនោះ និងខាងឈ្មួញរកស៊ីសាច់សត្វព្រៃ អស់រយៈពេលជាច្រើនម៉ោង ប៉ុន្តែប្រហែលជាចរចាមិនត្រូវគ្នា ហើយបែកការណ៍ ទើបមានការចាប់ឃាត់រថយន្តដឹកសាច់សត្វព្រៃយ៉ាងដូច្នេះ ចំណែកឯម្ចាស់បទល្មើស ក៏បានរត់គេចខ្លួនបាត់។
ក្រោយពេលដែលអង្គការ ការពារបរិស្ថាន និងសិទ្ធិពលរដ្ឋកម្ពុជា ឃាត់រថយន្តបទល្មើសនោះទុករួចមក ក៏បានធ្វើកំណត់ហេតុប្រគល់ទាំងរថយន្ត និងវត្ថុតាំង ឲ្យមន្ត្រីជំនាញរដ្ឋបាលព្រៃឈើសង្កាត់ថ្មគ្រែ ដើម្បីកសាងសំណុំរឿង និងបញ្ជូនទៅតុលាការខេត្តក្រចេះ ដើម្បីបន្តតាមនីតិវិធី។
ដោយឡែក ប្រភពពីប្រជាពលរដ្ឋរស់នៅចំណុចនោះ បានបង្ហើបឲ្យដឹងថា កន្លងមក មន្ត្រីអង្គការ ការពារបរិស្ថានមួយនេះ តែងតែធ្វើសកម្មភាពដាក់កុងត្រូលជជុះ និងបើករថយន្តកាក់ស្ទាក់ចាំចាប់រថយន្តដឹកបទល្មើសផ្សេងៗដោយឯកឯង មិនដែលឃើញសហការជាមួយមន្ត្រីជំនាញ អាជ្ញាធរ និងសមត្ថកិច្ចណាម្នាក់ឡើយ ។
សូមជម្រាបថា កន្លងមកក្រុមមន្ត្រីអង្គការមួយចំនួនមានដូចជាខាង ការពារបរិស្ថានជាដើម តែងតែធ្វើសកម្មភាពនៅតាមដងផ្លូវជាតិលេខ ៧អារ នៅចំនុចដីសម្បទាន ក្នុងឃុំសំបុក ស្រុកចិត្របុរី ខេត្តក្រចេះ ដើម្បីជំរិតទារប្រាក់ពីក្រុមឈ្មួញរកស៊ីដឹកបទល្មើសទាំងនោះយ៉ាងចាស់ៗដៃតែម្ដង ដោយថ្នូរទៅនឹងការដោះលែង ឧទាហរណ៍ដូចជាករណីខាងលើនេះជាដើម៕
ភ្នំពេញ៖ ឃាតកម្មមួយបានកើតឡើង ដោយសារបុរសជាប្តីម្នាក់បានបាញ់សម្លាប់ប្រពន្ធខ្លួនរួច ដើរចូលក្នុងបន្ទប់ទឹកបាញ់សម្លាប់ខ្លនងងតាមក្រោយ កាលពីវេលាម៉ោង ៨៖២០នាទីយប់ ថ្ងៃទី១៧ ខែមិថុនា ឆ្នាំ២០១៦ នៅចំណុចភូមិព្រៃបឹង សង្កាត់កន្ទោក ខណ្ឌពោធិ៍ សែនជ័យ ។នេះបើតាមសេចក្តីរាយការណ៍ពីសមត្ថកិច្ច និងសាក្សីនៅកន្លែងកើតហេតុ។
សមត្ថកិច្ចបញ្ជាក់ថា អាចផ្តើមចេញពីភ្លើងប្រច័ណ្ឌខ្លាំងក្លាទើបបុរសជាប្តីសម្រេចចិត្តលើកដៃបាញ់សម្លាប់ស្ក្រីជាប្រពន្ធ ដោយបន្សល់ទុកកូន២នាក់ ឲ្យនៅកំព្រា។
យ៉ាងណាក៏ដោយ មូលហេតុពិតប្រាកដនោះ មិនទាន់ដឹងនៅឡើយទេ ពីព្រោះនៅក្នងផ្ទះមានតែកូនតូចៗ២នាក់ និងឈ្នួលម្នាក់ តែតាមការសន្និដ្ឋាន គឺអាចផ្តើមចេញពីរឿងប្រច័ណ្ឌ។
លោក យឹម សារ៉ាន់ អធិការនគរបាលខណ្ឌពោធិ៍សែនជ័យ បានបញ្ជាក់ថា មុនពេលកើតហេតុ ប្តីប្រពន្ធទាំង២នាក់ឈ្លោះគ្នា ហើយដេញកូនអោយចេញក្រៅផ្ទះ រួចក៏ឮផ្ទុះ២គ្រាប់ ពេលនោះកម្លាំងល្បាតរបស់លោកនៅក្បែរ បានទៅជួយអន្តរាគមន៍ ហើយបុកទម្លុះទ្វារ ស្រាប់តែឃើញពួកគេ ស្លាប់ទាំង២នាក់តែម្តងទៅ។
សមត្ថកិច្ចឲ្យដឹងថា ជនរងគ្រោះជាប្រពន្ធមានឈ្មោះ ប្រាក់ សុភក្ត្រា អាយុ៣៤ឆ្នាំ មុខរបរបើក Wing យីហោប្រជាប្រិយ រីឯបុរសជាប្តីមានឈ្មោះ លី អៀងសៅ អាយុជាង ៤០ ឆ្នាំមុខរបរមន្ត្រីរដ្ឋបាលព្រៃឈើ៕
អត្ថបទ៖ លោក ប. វិធិន
ក្រចេះ៖កម្លាំងនគរបាលនៃអធិការរដ្ឋានស្រុកឆ្លូង ដឹកនាំដោយលោក ដួង សុធី អធិការនគបាលស្រុកឆ្លូងបើកយុទ្ធនាការចុះបង្ក្រាបទីតាំងមាន់ជល់ និងវង្សបៀមួយកន្លែង ឃាត់បានម៉ូតូជាច្រើនគ្រឿង និងមាន់ជល់ រីឯមនុស្សរត់បាតជើងសព្រាត យករួចខ្លួនមួយពេលសិន។
សមត្ថកិច្ច បានអោយដឹងថា ការចុះបង្ក្រាបនេះ គឺធ្វើឡើងកាលពីវេលាម៉ោង ១០និង៣០នាទីព្រឹកថ្ងៃទី១៧ ខែមិថុនា ឆ្នាំ២០១៦ នៅចំនុចភូមិឈើទាលភ្លោះក្រោម ឃុំកញ្ជរ ស្រុកឆ្លូង ខេត្តក្រចេះ។
នគរបាលស្រុកឆ្លូង បានបន្តឲ្យដឹងថា ប្រតិបត្តការបង្គ្រាបនេះ សមត្ថកិច្ច ដកហូតម៉ូតូបានចំនួន ១៤គ្រឿង និងសំភារះប្រជល់មាន់មួយចំនួន ចំណែកអ្នកដែលញៀនល្បែងប្រជល់មាន់ទាំងនោះ បានផ្អើលនាំគ្នារត់បាតជើងសព្រាត ចោលម៉ូតូ និងសម្ភារះនៅកន្លែងកើតហេតុ។
បច្ចុប្បន្ន វត្ថុតាង និងម៉ូតូ ត្រូវអធិការរដ្ឋាននគរបាលស្រុកឆ្លូង បញ្ជូនទៅការិយាល័យព្រហ្មទណ្ឌ កំរិតស្រាលនៃស្នងការដ្ឋាននគរបាល ខេត្តក្រចេះ ដើម្បីចាត់ការបន្តស្រាវជ្រាវរកម្ចាស់ឲ្យចូលខ្លួនមកដោះស្រាយតាមផ្លូវច្បាប់ ក្នុងនោះក៏មានម្ចាស់ទីតាំងផងដែរ៕
វ៉ាស៊ីនតោន៖ទីភ្នាក់ងារព័ត៌មានចិនស៊ិនហួដែលបានដកស្រង់សំដី លោក John Brennan នាយកទីភ្នាក់ងារស៊ើបអង្កេតសហរដ្ឋអាមេរិក (CIA) បញ្ជាក់ថា ក្រុមរដ្ឋអ៊ីរ៉ាក់ និងស៊ីរី កំពុងតែធ្វើការហ្វឹកហាត់ យ៉ាងសកម្មនិងប៉ុនប៉ងធ្វើការ វាយប្រហារជាបន្តបន្ទាប់ នៅបណ្តាប្រទេស នៅលោកខាងលិច។ ជាក់ស្តែងការ វាយប្រហារមួយនៅក្នុងរដ្ឋ Orlando នាពេលថ្មីៗនេះ ។
លោក Brennan បានថ្លែងថា “ក្រុមរដ្ឋឥស្លាម ជាក្រុមភេរវករដ៏ធំ ហើយក្រុមនេះមានសក្តានុពលខ្លាំងក្លា ដែលបើកប្រតិបត្តិការ វាយប្រហារមកលើ លោកខាងលិច” ខណដែលក្រុមនេះមានក្រុមតូចៗ ចំនួន០៦ក្រុមទៀត ។
លោក John Brennan បានលើកឡើងថា ការពិតជាអកុសលណាស់ ទោះបីជាមានប្រឆាំងនឹង ក្រុមរដ្ឋឥស្លាម ISIL ចេះតែប្រសើរឡើង តែការខិតខំប្រឹងប្រែង របស់យើងមិនបានកាត់បន្ថយ អំពើភេរវកម្មពី សំណាក់ក្រុមនេះ នៅឡើយទេ ដែលពួកគេមានសមត្ថភាព និងចេះតែកើនឡើង នៅទូទាំងពិភពលោក “និងកំពុងគំរាមវាយប្រហារយ៉ាងធ្ងន់ធ្ងរដល់បណ្តាប្រទេសលោកខាងលិច៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
