ខេត្តមណ្ឌលគិរី ៖ឪពុក និងកូន៣នាក់រួមនឹងអ្នកភូមិជនជាតិភាគតិចម្នាក់ត្រូវបានចាប់បញ្ជូនទៅតុលាការខេត្តមណ្ឌលគិរីរឿងបាញ់សម្លាប់ និងដឹកជញ្ជូនសាច់សត្វទន្សោងទម្ងន់ជាង១០០គីឡូក្រាមមួយក្បាលកាលពីម្សិលមិញ។
បាល់ទាត់ ៖កីឡាករ Riyad Mahrez ខ្សែប្រយុទ្ធដ៏ឆ្នើមរបស់ក្រុមកញ្ជ្រោងព្រៃ Leicester City ត្រូវបានបោះឆ្នោតជាប់ជាកីឡាករល្អបំផុតប្រចាំឆ្នាំ២០១៦នៅក្នុងក្របខ័ណ្ឌ Premier League នារដូវកាលនេះ។
រាជធានីភ្នំពេញ ៖បើគ្មានការប្រែប្រួលទេ នៅវេលាម៉ោង១ និង៣០នាទីរសៀលថ្ងៃទី២៥ មេសា ២០១៦ នៅអង្គភាពប្រឆាំងអំពើពុករលួយ (ACU) នឹងរៀបចំសន្និសីទកាសែតស្តីពីការចាប់ខ្លួន លោក ស៊ាង ចែត មេឃុំស្រក ស្រុកកំពង់សៀម ខេត្តកំពង់ចាម នារសៀលនេះក្រោមវត្តមានលោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ ។
រាជធានីភ្នំពេញ ៖នៅព្រឹកនេះ លោក កឹម សុខា ប្រធានស្តីទីគណបក្សសង្គ្រោះជាតិ បានបើកកិច្ចប្រជុំមន្ត្រីជាន់ខ្ពស់ CNRP បន្ទាន់មួយ បន្ទាប់ពីលោកវិលចូលស្រុកវិញ កាលពីម្សិលមិញ។
យូអិន ៖ក្រុមប្រឹក្សាសន្តិសុខនៃអង្គការសហប្រជាជាតិ បានធ្វើការថ្កោលទោសកម្រិតធ្ងន់បំផុត ចំពោះប្រទេសកូរ៉េខាងជើង ដែលបានធ្វើតេស្តបាញ់ក្បាល់គ្រាប់មីស៊ីល ចេញពីនាវាមុជទឹក។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ិនហួរ នៅមុននេះបន្តិចនាព្រឹកថ្ងៃចន្ទ ទី២៥ ខែមេសា ឆ្នាំ២០១៦។
ខេត្តកំពង់ស្ពឺ ៖បុរសម្នាក់បានស្លាប់យ៉ាងអាណោចអធម ដោយសារជិះម៉ូតូសណ្តោងរ៉មកទៅបុក និងរថយន្ត ដឹកប្រេងដែលឈប់ស្ងៀមនៅលើផ្លូវត្រង់ភូមិព្រះស្រែ ឃុំព្រះស្រែ ស្រុកឧត្តុង្គ ខេត្តកំពង់ស្ពឺ នាយប់ថ្ងៃទី២៤ ខែមេសា ឆ្នាំ២០១៦នេះ។
រាជធានីភ្នំពេញ ៖យោងតាមរបាយការណ៍នគរបាលជាតិឲ្យដឹងថា នៅថ្ងៃទី២៤ ខែមេសា ឆ្នាំ២០១៦ ម្សិលមិញនេះ កម្លាំងសមត្ថកិច្ចនគរបាលបានបង្ក្រាបបទល្មើស ជួញដូរ រក្សាទុក និងប្រើប្រាស់ គ្រឿងញៀន ៤ករណី ឃាត់មនុស្ស ១០នាក់ (ប្រុស) ដោយឃាត់ខ្លួន មុខសញ្ញាជួញដូរ ៤នាក់ មុខសញ្ញាប្រើប្រាស់ ៦នាក់ និងរឹបអូស គ្រឿងញៀនប្រភេទ មេតំហ្វេតាមីន (ice) ៥,៤ក្រាម និង៥កញ្ចប់តូច មេតំហ្វេតាមីន (wy) ៦ចំណិត។
រាជាធានីភ្នំពេញ ៖យោងតាមនាយកដ្ឋាននគរបាល ចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិនៅថ្ងៃទី២៤ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ១៥លើក ក្នុងនោះយប់ ៩លើក បណ្តាលអោយ មនុស្សស្លាប់ ១៤នាក់ រងរបួសធ្ងន់ ៣៤នាក់ (ស្រី៨នាក់) និងរបួសស្រាល ១៤នាក់ (ស្រី៥នាក់)។
រាជធានីភ្នំពេញ ៖ក្រសួងបរិស្ថាន និងក្រសួងកសិកម្ម រុក្ខាប្រមាញ់ និងនេសាទ នៅព្រឹកនេះបានរៀបចំសិក្ខាសាលា ពិគ្រោះយោបល់ ដើម្បីដាក់បញ្ចូល ព្រៃឡង់ ក្រវ៉ាញខាងត្បូង ព្រះរកា សៀមប៉ាងខាងលិច និងវ៉ឺនសៃ ជាតំបន់ ការពារធម្មជាតិ។
រាជធានីភ្នំពេញ ៖តំណាងរាស្ត្រមកពីគណបក្សសង្គ្រោះជាតិ បានសរសេរនៅលើ Facebook កាលពីម្សិលមិញដោយបញ្ជាក់ថា នៅព្រឹកថ្ងៃទី២៤ ខែមេសា ឆ្នាំ២០១៦នេះ អង្គភាពប្រឆាំងអំពើពុករលួយ បានឃាត់ខ្លួនមេឃុំរបស់គណបក្សសមរង្ស៊ី នៅស្រុកកំពង់សៀម ខេត្តកំពង់ចាម ដែលបានយកលុយ៥០០ដុល្លារ ទៅឱ្យគ្រួសារស្រីមុំ ដែលពាក់ព័ន្ធរឿងអាស្រូវផ្លូវភេទជាមួយលោក កឹម សុខា។
ដោយ៖ខេមរា
ភ្នំពេញ៖ កញ្ញា ខុម ចាន់តារាទី ហៅស្រីមុំ នៅថ្ងៃទី២២ ខែមេសា កន្លងមកនេះ បានសម្រេចដាក់ពាក្យបណ្តឹងចោទប្រកាន់លោក កឹម សុខា ប្រធានស្តីទីគណបក្សសង្គ្រោះជាតិដោយទាមទារសំណងជំងឺចិត្តចំនួន៣០ ម៉ឺនដុល្លារ។
កញ្ញា ខុម ចាន់តារាទី ហៅស្រីមុំ ដែលធ្លាប់ស្វែងរកសេវាផ្លូវច្បាប់ពីអង្គការសង្គមស៊ីវិលនានាដើម្បីប្រឆាំងនឹងការចោទប្រកាន់ថានាងមានទំនាក់ទំនងស្នេហាលួចលាក់ជាមួយលោក កឹម សុខា អនុប្រធានគណបក្សសង្គ្រោះជាតិនោះ ពេលនេះកញ្ញាបានប្តូរចិត្តដោយប្តឹងទាមទារសំណងជំងឺចិត្តពីលោក កឹម សុខា ចំនួន ៣០ម៉ឺនដុល្លារ។
គួរបញ្ជាក់ថា កញ្ញា ខុម ចាន់តារាទី ហៅស្រីមុំ ពេលកន្លងទៅធ្លាប់បានស្វែងរកមេធាវីនៅសមាគមការពារសិទ្ធិមនុស្សអាដហុក ឲ្យជួយរកយុត្តិធម៌ដោយអះអាងថា នាងមិនធ្លាប់មានទំនាក់ទំនងស្នេហាលួចលាក់ជាមួយឯកឧត្តម កឹម សុខា ដូចការចោទប្រកាន់ពាក់ព័ន្ធនឹងខ្សែអាត់សំឡេងសន្ទនាដែលគេបង្ហោះតាមបណ្តាញហ្វេសប៊ុកនោះទេ។
កញ្ញា ខុម ចាន់តារាទី ហៅស្រីមុំ បានអះអាងក្នុងពាក្យបណ្តឹងចុះថ្ងៃទី២២ ខែមេសា ឆ្នាំ២០១៦ ដែលដាក់ទៅសាលាដំបូងរាជធានីភ្នំពេញថា ការប្តឹងទារសំណងជំងឺចិត្តនោះដោយសារនាងយល់ថា ក្នុងទំនាក់ទំនងជាមួយឯកឧត្តម កឹម សុខា ធ្វើឲ្យនាងខាតបង់ពេលវេលា បាត់ការងារ ខាតបង់សេដ្ឋកិច្ចគ្រួសារ ប៉ះពាល់កិត្តិយស និងសេចក្តីថ្លៃថ្នូរ។
សូមជំរាបជូនថា នៅថ្ងៃទី២២ មេសា នេះដែរ សមាគមការពារសិទ្ធិមនុស្សអាដហុក ដែលធ្លាប់ផ្តល់មេធាវីការពារក្តីឲ្យកញ្ញា ខុម ចាន់តាតាទី ហៅស្រី មុំ បានប្រកាសឈប់ផ្តល់មេធាវីសម្រាប់ជួយការពារក្តីឲ្យកញ្ញា ស្រីមុំ បន្តទៀតហើយ ។ការដកខ្លួនចេញលែងជួយការពារក្តីឲ្យកញ្ញា ស្រីមុំ របស់អង្គការសិទ្ធិមនុស្សអាដហុក ត្រូវគេមើលឃើញថា បន្ទាប់ពីកញ្ញា ស្រីមុំ បានឆ្លើយបំភ្លឺចំពោះមុខសភាស៊ើបសួរសាលាដំបូងរាជធានីភ្នំពេញដោយទទួលស្គាល់សំឡេងសន្ទនាក្នុងខ្សែអាត់ថា ពិតជាសំឡេងរបស់ខ្លួនរួចមក៕
លីប៊ី ៖ក្រុមទាហានរដ្ឋអ៊ីស្លាម ត្រូវបានដកថយចេញពីទីក្រុងដ៏សំខាន់នៅភាគខាងកើតប្រទេសលីប៊ី បន្ទាប់ពីការវាយប្រហារគ្នា យ៉ាងយូរកន្លងមក ។ នេះបើយោងតាមការផ្សាយរបស់ទូរទស្សន៍ប៊ីប៊ីស៊ី នាថ្ងៃទី២២មេសា ឆ្នាំ២០១៦នេះ។
ឥណ្ឌា ៖មនុស្សជាង១៦០នាក់បានស្លាប់ និងរាប់រយនាក់ផ្សេងទៀតបានធ្លាក់ខ្លួនឈឺ ក្នុងរយៈពេលជិតមួយសប្តាហ៍កន្លងមកនេះ នៅប្រទេសឥណ្ឌា ដោយសារតែរលកកំដៅក្នុងកម្រតិលើ ៤៥អង្សាសេ បានវាយប្រហារទៅលើប្រទេសនេះ។
បាល់ទាត់ ៖បើយោងតាមសេចក្ដីរាយការណ៍របស់សារព័ត៌មាន Don Balon បានឲ្យដឹងថា ក្រុមបិសាចក្រហម Manchester United អាចនឹងអស់ឱកាសក្នុងការចុះកុងត្រានាំយកកីឡាករ Cristiano Ronaldo មកកាន់កីឡាដ្ឋា Old Trafford វិញ ខណៈពេលដែលកីឡាករ រូបនេះ កំពុងពិចារណាក្នុងការបន្តកុងត្រានៅលេងឲ្យ Real Madrid។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
