រាជធានីភ្នំពេញ៖នារីគម្នាក់ត្រូវមិត្តប្រុសស្គាល់គ្នារយៈពេលខ្លីចាប់រំលោភមិនបានសម្រេចរួចជិះឡានគេចខ្លួនបាត់ស្រមោល។ ហេតុការណ៍នេះកើតឡើងកាលពីវេលាម៉ោង១០ និង៥០នាទីយប់ថ្ងៃទី២១ ខែមេសា ឆ្នាំ២០១៦ ស្ថិតនៅក្នុងភូមិ១ សង្កាត់ជ្រោយចង្វា ខណ្ឌជ្រោយចង្វា។
នារីរងគ្រោះខាងលើ ឈ្មោះ ប ស ហ (ប៊ុន សីហា) អាយុ២៣ឆ្នាំ ស្នាក់នៅ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ប្រភពពត៌មានបានអោយដឹងថា មុនពេលកើតហេតុ នារីរងគ្រោះបានជិះម៉ូតូម៉ាក TODAY ពីភ្នំពេញថ្មី តែម្នាក់ឯងទៅវត្តភ្នំ ហើយពេលទៅដល់វត្តភ្នំក៏បានផ្ញើរម៉ូតូនៅទីនោះ រួចបបួលមិត្តភក្តិស្រីម្នាក់ទៀត អង្គុយលេង ក្រោយមកក៏មានបុរសម្នាក់ ដែលនាងទើបនឹងស្គាល់គ្នា បានបបួលនាងជិះឡានម៉ាក ហាយព្រីត មិនចាំពណ៌ និងស្លាកលេខ ទៅដើរលេងត្រើយម្ខាង។
នារីរងគ្រោះគិតថា ប្រហែលបុរសនោះគិតថា នាងគ ហើយប្រហែលជាអាណិតនាង ទើបនាងព្រមទៅជាមួយ លុះដល់កន្លែងកើតហេតុ បុរសនោះក៏បានលួងលោមសុំ នាងរួមភេទ តែនាងមិនព្រម ទើបរូបគេចាប់សម្រាតសំលៀកបំពាក់នាង បំរុងនឹងរំលោភ តែដោយសារ មានមនុស្សឃើញទាន់ ពេលនោះជនសង្ស័យ ក៏ច្រាននាងទំលាក់ពីលើរថយន្ត បើករត់គេចខ្លួនបាត់ស្រមោលតែម្តង។
ក្រោយពេលកើតហេតុប្រជាពលរដ្ឋ ដែលរស់នៅក្បែរនោះ បានយកសំលៀកបំពាក់អោយនាង ហើយបានដឹកជនរងគ្រោះមកប៉ុសិ៍្តជ្រោយចង្វារ តែជនរងគ្រោះមិនបានដាក់ពាក្យបណ្តឹងនោះទេ៕
ប៉េកាំង៖ខណៈដែលជម្លោះក្នុងដែនសមុទ្រចិនខាងត្បូងកំពុងតានតឹងប្រទេសចិនគ្រោងនឹងសាងសង់ រោងចក្រថាមពលនុយក្លេអ៊ែរក្នុងដែនសមុទ្រចិនខាងត្បូងដោយអះអាងថា ថ្ងៃណាមួយវានឹងត្រូវបានគេប្រើប្រាស់ដើម្បីអភិវឌ្ឍន៍គម្រោងនានា របស់ចិន នៅលើដែនសមុទ្រដែលកំពុងមានជម្លោះនោះ។ នេះបើតាមការចេញផ្សាយពីសារព័ត៌មាន Channel News Asia នាព្រឹកថ្ងៃសុក្រ ទី២២ ខែមេសា ឆ្នាំ២០១៦។
ប្រភពដដែលបញ្ជាក់ថា រោងចក្រនុយក្លេអ៊ែរ ដែលចិនគ្រោងធ្វើការសាងសង់នោះ គឺជាប្រភេទរោងចក្រចល័តនៅលើផ្ទៃសមុទ្រ ដែលធ្វើការចែកចាយថាមពល ទៅគ្រប់ទីកន្លែងប្រកបដោយប្រសិទ្ធភាព។ ក្រុមហ៊ុន China Shipbuilding Industry Corp ដែលទទួលខុសសម្រាប់គម្រោងនេះបានអះអាងថា វាកំពុងដំណើរការទៅមុខហើយ ដែលការសិក្សាលម្អិតនឹងបញ្ចប់នៅឆ្នាំ ២០១៨៕
អេក្វាទ័រ៖សារព័ត៌មានស៊ិនហួរ ផ្សាយនីមុននេះបន្តិចថា ចំនួនមនុស្សស្លាប់ដោយសារគ្រោះធម្មជាតិរញ្ជួយដីនៅប្រទេសអេក្វាទ័របានកើនឡើងដល់ ៥៨៧នាក់ ហើយក្នុងចំណោមនោះ ២៧នាក់គឺជាជនបរទេស ខណៈអ្នករបួសកើនដល់៥,៧៣៣នាក់ និង១៦៣នាក់ទៀតកំពុងបាត់ខ្លួន។
តាមរបាយការណ៍ពីរដ្ឋាភិបាលអេក្វាទ័របញ្ជាក់ថា សាកសពចំនួនប៥៣៩នាក់ត្រូវបានគេកំណត់អត្តសញ្ញាណរួចរាល់ ដោយឡែកនៅ ៤៨នាក់ទៀត ក្រុមជំនាញកំពុងតែធ្វើត្រួតពិនិត្យបន្ត។
ដោយឡែកសម្រាប់ជនបរទេសដែលបានស្លាប់ទាំង ២៧នាក់នោះមាន ជនជាតិកូឡុំប៊ី១០នាក់, គុយបា០៦នាក់, កាណាដាពីរនាក់, ដូមីណីក២នាក់, អង់គ្លេស២នាក់, អ៊ីតាលី ជាមួយនឹងអាល្លឺម៉ង់ បារាំង អៀរឡង់ ម្នាក់ៗដូចគ្នា, និងម្នាក់ទៀតនៅកំពុងត្រូវគេកំណត់អត្តសញ្ញាណនៅឡើយ៕
រាជធានីភ្នំពេញ៖នៅព្រឹកថ្ងៃទី២២ ខែមេសា ឆ្នាំ២០១៦នេះ កម្មកររោងចក្រ ឌីហ្វាង ហ្គាមែនអាគារលេខ ២៨ និង ២៩ ប្រមាណជាង ៤០០នាក់ បាននាំគ្នាធ្វើកូដកម្ម ដោយបិទច្រកចូល សួនឧទ្យាន កាណាឌីយ៉ា ដើម្បីសុំការដោះស្រាយ ឲ្យបើកប្រាក់ ខែជូនពួកគាត់ បន្ទាប់ពីថៅកែរោងចក្រ បានរត់ចោលតាំងពីដើម ខែមេសា ឆ្នាំ២០១៦កន្លងមកនេះ៕
រាជធានីភ្នំពេញ៖យោងតាមរបាយការណ៍នគរបាលជាតិបានឲ្យដឹងថា នៅថ្ងៃទី២១ ខែមេសា ឆ្នាំ២០១៦ ម្សិលមិញនេះកម្លាំងសមត្ថកិច្ចនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់ ២ករណី ឃាត់ មនុស្ស ៤នាក់ (ស្រី២នាក់) និងរឹបអូសគ្រឿងញៀន ប្រភេទមេតំហ្វេតាមីន (ice) ១កញ្ចប់ និងមេតំហ្វេតាមីន (wy) ២៣គ្រាប់។
របាយការណ៍ដដែលបញ្ជាក់ថា ទីតាំងបង្ក្រាប ទី១ខេត្តឧត្តរមានជ័យបង្រា្កប ១ករណី ឃាត់ខ្លួន ១នាក់ (ស្រី) មេតំហ្វេតាមីន (wy) ២៣គ្រាប់ និងទី២. កំពង់ស្ពឺ បង្រា្កប ១ករណី ឃាត់ខ្លួន ៣នាក់ (ស្រី១នាក់) មេតំហ្វេតាមីន (ice) ១កញ្ចប់៕
រាជធានីភ្នំពេញ៖យោងតាមនាយកដ្ឋាននគរបាលចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការ នគរបាលជាតិ បានឲ្យដឹងថានៅថ្ងៃទី២១ ខែមេសា ឆ្នាំ២០១៦ ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៦លើក ក្នុងនោះយប់ ៣លើក បណ្តាលឲ្យមនុស្សស្លាប់ ៣នាក់ រងរបួសធ្ងន់ ៣នាក់ (ប្រុស) និងរបួសស្រាល ៣នាក់ (ប្រុស) ។
ប្រភពដដែលបន្តថា នៅក្នុងហេតុការណ៍ គ្រោះថ្នាក់ចរាចរណ៍ ទាំង ៦លើកនេះ បណ្តាលឲ្យខូចខាត យានយន្ត សរុប ចំនួន ១២គ្រឿង រួមមាន ម៉ូតូចំនួន ៩គ្រឿង, រថយន្តធុនតូច ១គ្រឿង ,រថយន្តធុនធំ ១គ្រឿង ។ ប្រភពបញ្ជាក់ថា មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន៣លើក (ស្លាប់១នាក់), មិនប្រកាន់ស្តាំ ១លើក (ស្លាប់១នាក់), ស្រវឹង១លើក (ស្លាប់១នាក់), ប្រជែង ១លើក ។ ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៥នាក់ (ថ្ងៃ) ។ គ្រោះថ្នាក់លើដងផ្លូវ រួមមាន ផ្លូវជាតិ ចំនួន ៥លើក, ផ្លូវខេត្តក្រុង ១លើក ។ យានយន្តបង្កហេតុ រួមមាន ម៉ូតូ ៥លើក រថយន្តធុនតូច ១លើក។ ប្រភពបញ្ជាក់បន្ថែមថា ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ច្រើន រួមមាន កំពង់ស្ពឺ ២លើក ស្លាប់១នាក់ របួស១នាក់,ព្រះសីហនុ ១លើក ស្លាប់១នាក់ របួស២នាក់, និងសៀមរាប ១លើក ស្លាប់១នាក់៕
អាមេរិក៖បើយោងតាមការចេញផ្សាយរបស់សារព័ត៌មាន News Week កាលពីម្សិលមិញដោយដកស្រង់ឯកសារវិភាគថ្មីបានឲ្យដឹងថា សកម្មប្រយុទ្ធក្រុមឧទ្ទាម ISIS មានប្រភពមកពី ៧០ប្រទេស នៅក្នុងពិភពលោក ដោយក្នុងនោះភាគច្រើនគឺមកពីអារ៉ាប់ប៊ី សាអ៊ូឌី។
ឯកសារសម្ងាត់នេះ ត្រូវបានផ្ដល់ដោយសកម្មប្រយុទ្ធក្រុមឧទ្ទាម ISIS ម្នាក់ដែលរត់ចោលជួរ ហើយបានយកមកលាតត្រដាង ដល់ស្ថានីយទូរទស្សន៍មួយ ហើយត្រូវបានផ្ទៀងផ្ទាត់ដោយបណ្ឌិតយោធាសភាអាមេរិក West Point។
West Point បានបញ្ជាក់ថា ឯកសារដែលអតីតសកម្មប្រយុទ្ធ ISIS ផ្ដល់មកគឺដូចគ្នាទៅនឹងឯកសាររបស់ខ្លួន ៩៨ភាគរយ បើទោះបីជាឯកសារសម្ងាត់នោះ ភាគច្រើនជាងឯកសារចម្លងក្ដី។ សកម្មប្រយុទ្ធក្រុមឧ្ទាម ISIS ត្រូវបានគេដឹងថាគឺមានអាយុចាប់ពី ១២ ដល់៧០ឆ្នាំ ហើយក្នុងនោះភាគច្រើនគឺមានអាយុ ២៦ ឬ២៧ឆ្នាំ។
ឯកសារសម្ងាត់ និងដ៏មានតម្លៃនេះ បានលាតត្រដាងបន្ថែមទៀតថា សកម្មប្រយុទ្ធ ISIS ភាគច្រើនមកពី អារ៉ាប់ប៊ីសាអ៊ូឌី (៥៧៩នាក់), ទុយនេស៊ី (៥៥៩នាក់), ម៉ូរ៉ូកូ (២៤០នាក់), តួកគី (២១២នាក់), អេហ្ស៊ីប (១៥១នាក់), រុស្ស៊ី (១៤១នាក់), បារាំង (៤៩នាក់), អាល្លឺម៉ង់ (៣៨នាក់) និងមកពីអង់គ្លេស ២៦នាក់៕
បាងកក៖សារព័ត៌មាន Channel News Asia បានផ្សាយថា នាយករដ្ឋមន្ត្រីថៃ លោក ប្រាយុទ្ធ ចាន់អូចា បានចោទអតីតនាយករដ្ឋមន្ត្រីដែលកំពុង និរទេសខ្លួននៅឯក្រៅប្រទេសគឺ លោក ថាក់ស៊ីន ស៊ីណាវ៉ាត់ ថាជាអ្នកនៅពីក្រោយការតវ៉ាទ្រង់ទ្រាយតូចនានា ប្រឆាំងនឹងរូបលោកនៅទីក្រុងបាងកកក្នុងសប្តាហ៍នេះ។
ចាប់តាំងពីថ្ងៃចន្ទដើមសប្តាហ៍នេះមកសកម្មជនមួយចំនួនបានប្រមូលផ្តុំនៅទីតាំងនានាក្នុង ទីក្រុងបាងកក ដោយបានសម្តែងការប្រឆាំងចំពោះសេចក្តីព្រាងនៃរដ្ឋធម្មនុញ្ញដែលរៀបចំឡើង ដោយយោធា ហើយក៏ពួកគេក៏បានប្រកាសគាំទ្រចំពោះអតីតនាយករដ្ឋមន្ត្រីថៃ ដែលធ្លាប់ប្រកែក ចំពោះការកែប្រែរដ្ឋធម្មនុញ្ញដោយយោធានោះដែរ។
គួរបញ្ជាក់ថា ចាប់ពីអតីតមេបញ្ជាការយោធាលោក ប្រាយុទ្ធ ធ្វើរដ្ឋប្រហារទម្លាក់លោកស្រី យីងឡាក់ ស៊ីណាវ៉ាត់ ចេញពីតំណែងនាយករដ្ឋមន្ត្រីនោះ សន្តិសុខជាតិត្រូវបានរឹតបន្តឹង ជាពិសេសរដ្ឋាភិបាល យោធាបានហាមមិនឲ្យមានការជួបប្រជុំ ឬតវ៉ាអ្វីនោះឡើយ ដោយខ្លួនបានអះអាងថានឹងរៀបចំ សង្គមមួយនេះឡើងវិញ ដើម្បីត្រៀមធ្វើការបោះឆ្នោតជាថ្មីនៅឆ្នាំ ២០១៧៕
រាជធានីភ្នំពេញ៖បុរសម្នាក់បានស្លាប់ភ្លាមៗនៅនឹងកន្លែង ខណៈម្នាក់ទៀតរងរបួសធ្ងន់ ដោយសង្ស័យជិះម៉ូតូលឿនជ្រុលបុករថយន្តកុងតឺន័រពីក្រោយបណ្តាលឲ្យដួលបោកក្បាលនឹងថ្នល់។ ហេតុការណ៍នេះកើតឡើងវេលាម៉ោងជាង ៤ទៀបភ្លឺ ថ្ងៃទី២២ ខែមេសា ឆ្នាំ២០១៦ នៅលើផ្លូវលេខ២១៧ ភូមិម័ល ក្បែរវត្តសំបួរមាស សង្កាត់ដង្កោ ខណ្ឌដង្កោ។
ប្រជាពលរដ្ឋបាននិយាយថា ករណីគ្រោះថ្នាក់នេះ គឺទំនងបុរសពីរនាក់នោះ ជិះម៉ូតូឌុបគ្នាលឿន ហើយជ្រុលល្បឿនបុកឡានកុងទឺន័រ ពីក្រោយបណ្តាលឲ្យដួលម៉ូតូ ហើយបុរសម្នាក់ដួលបោកក្បាល នឹងបាក់កស្លាប់ ភ្លាមៗតែម្តង ចំណែកម្នាក់ទៀតរងរបួសធ្ងន់ ត្រូវបានរថយន្តសង្គ្រោះបន្ទាន់នៃមន្ទីរបង្អែកខណ្ឌដង្កោអន្តរាគមន៍ ដឹកយកទៅសង្គ្រោះ នៅមន្ទីរពេទ្យភ្លាមៗ។ ប្រភពបន្តថា មុនពេលកើតហេតុ ជនរងគ្រោះជិះម៉ូតូ១គ្រឿង ម៉ាកស្មាស់វី ពណ៌ក្រហម ពាក់ស្លាកលេខភ្នំពេញ1AR-790២ឌុបគ្នា ធ្វើដំណើរត្បូងទៅជើង លុះមកជិះដល់ក្លោងទ្វារបត់ចូលវត្តសំបួរ ស្រាប់កើតមានហេតុនេះ តែម្តងទៅ ។
ដោយឡែកសមត្ថកិច្ចប្រាប់ថា ករណីគ្រោះចរាចរណ៍នេះ ស្លាប់ម្នាក់របួសធ្ងន់ម្នាក់ ហើយពុំឃើញមានអត្តសញ្ញាណសម្គាល់ទេ ក្រោយពីឆែកទៅឃើញតែវិក្កយបត្រខារ៉ាអូខេតែប៉ុណ្ណោះ៕
ដោយ ខេមរិន្ទ
ភ្នំពេញះអង្គការការពារអ្នកកាសែតគ្មានព្រំដែន(Reporters Without Borders) នៅថ្ងៃពុធទី២០ ខែមេសា កន្លងមកនេះ បានចេញរបាយការណ៍ពីចំណាត់ថ្នាក់លើវិស័យសារព័ត៌មានដោយបានចាត់ទុកប្រទេសកម្ពុជាថាប្រសើរជាងប្រទេសទាំងអស់ជាសមាជិកអាស៊ាន លើសេរីភាពសារព័ត៌មាន ប៉ុន្តែសេរីភាពនេះស្ថិតនៅក្នុងស្ថានភាពមិនទាន់ល្អដដែល។
ប្រទេសចំនួន១៨០នៅក្នុងពិភពលោក ត្រូវបានអង្គការការពារអ្នកកាសែតគ្មានព្រំដែនធ្វើចំណាត់ថ្នាក់កម្រិតពីសេរីភាពសារព័ត៌មានដោយផ្អែកលើសេរីភាព និងសុវត្ថិភាពរបស់អ្នកសារព័ត៌មាន ចំនួនប្រព័ន្ធផ្សព្វផ្សាយ ឯករាជ្យភាពនិងបរិយាកាសបំពេញតួនាទីរបស់អ្នកសារព័ត៌មាន។ តាមរបាយការណ៍នេះបង្ហាញថា កម្ពុជាទទួលចំណាត់ថ្នាក់លេខ១២៨សម្រាប់សេរីភាពសារព័ត៌មានក្នុងឆ្នាំ២០១៥ គឺមានកម្រិតប្រសើរជាងឆ្នាំ២០១៤ ដែលស្ថិតក្នុងលំដាប់លេខ១៣៩ ។
អង្គការការពារអ្នកកាសែតគ្មានព្រំដែនចាត់កម្រិតនៃស្ថានភាពសារព័ត៌មានជា៥កម្រិតគឺស្ថានភាពល្អ ស្ថានភាពដែលអាចទទួលយកបាន កម្រិតមានបញ្ហាគួរឲ្យកត់សម្គាល់ ស្ថានភាពអាក្រក់ និងស្ថានភាពអាក្រក់ខ្លាំង ។ កម្ពុជាទទួលបានចំណាត់ថ្នាក់ប្រសើរជាងប្រទេសឥណ្ឌូនេស៊ី(ទទួលចំណាត់ថ្នាក់១៣០) ថៃ(១៣៦) មីយ៉ាន់ម៉ា(១៤៣) ហ្វីលីពីន(១៣៨) ម៉ាឡេស៊ី(១៤៦) សិង្ហបុរី(១៥៤)និងព្រុយនេ(១៥៥)ឡាវ(១៧៣)និងវៀតណាម(១៧៥)។ កាលពីឆ្នាំមុន កម្ពុជាឈរនៅលំដាប់ល្អជាងប្រទេសហ្វីលីពីន មីយ៉ានម៉ា ម៉ាឡេស៊ី សិង្ហបុរី ឡាវនិងវៀតណាមតែប៉ុណ្ណោះ។ ចំណែកប្រទេសដែលទទួលបានចំណាត់ថ្នាក់ល្អជាងគេ រួមមានប្រទេសហ្វាំងឡង់ ហូឡង់និងន័រវ៉េ។
លោក ពុយ គា អគ្គលេខាធិការក្លឹបអ្នកកាសែតកម្ពុជា បានបញ្ជាក់ថា សេរីភាពអ្នកសារព័ត៌មាននៅកម្ពុជាមិនល្អពេកនិងមិនអន់ពេកនោះទេ បើធៀបនឹង១៨០ប្រទេស។ លោកបន្តថាដើម្បីឲ្យសេរីភាពសារព័ត៌មានល្អប្រសើរជាងនេះ លុះត្រាតែអ្នកសាព័ត៌មាននិងរដ្ឋាភិបាលអនុវត្តការងាររបស់ខ្លួនប្រកបដោយភាពចាស់ទុំ។
គួរបញ្ជាក់ថា កាលពីថ្ងៃទី១៦ខែមីនា លោកនាយករដ្ឋមន្ត្រី ហ៊ុន សែន បានថ្លែងថា”កម្ពុជាពិត និងកម្ពុជាលើបណ្តាញសារព័ត៌មានខុសគ្នា” ។ការលើកឡើងរបស់សម្តេចសំដៅ រិះគន់សារព័ត៌មាន និងអ្នកនយោបាយមួយចំនួនដែលសរសេរ និងនិយាយធ្វើឲ្យខូចកេរ្តិ៍ឈ្មោះកម្ពុជា”។
លោកនាយករដ្ឋមន្ត្រីមានប្រសាសន៍ថា៖ “ប៉ុន្តែនេះដោយសារវាជាកម្ពុជាពិត ទើបខ្ញុំនិយាយលេងសើច។ បើសិនជាកម្ពុជាលើទំព័រលើសារព័ត៌មាន គឺយើងគ្មានឱកាសនឹងលេងសើចទេ ព្រោះវាជាឋាននរកលោកិយរបស់អ្នកនយោបាយខ្លះដែលដើរសម្អុយកេរ្តិ៍ឈ្មោះកម្ពុជា ស្របនឹងសារព័ត៌មានដែលមិនសុចរិតភាព តែហ្នឹងជាសិទ្ធិបញ្ចេញមតិរបស់គេទេ ” ៕
រាជធានីភ្នំពេញ៖មេធាវីការពារក្តីឲ្យតំណាងរាស្ត្រ CNRP បានថ្លែងប្រាប់អ្នកសារព័ត៌មានថា លោកនឹងដាក់ពាក្យស្នើសុំឲ្យដោះលែងលោក អ៊ុំ សំអាន នៅក្រៅឃុំ ដោយសារគាត់ជាតំណាងរាស្ត្រនៅមានអភ័យឯកសិទ្ធិសភា នៅឡើយ។
លោក ជួង ជូងី មេធាវីការពារលោក អ៊ុំ សំអាន បានបញ្ជាក់ថា ការបញ្ចេញមតិរបស់លោក អ៊ុំ សំអាន នាពេលកន្លងទៅ គឺគាត់ប្រើសិទ្ធិក្នុងការបញ្ចេញមតិ ក្នុងនាមជាតំណាងរាស្ត្រ និងមិនបានញុះញង់អោយមានការរើសអើងទេ ហើយក៏មិនមានបញ្ហាចលាចលអ្វីកើតឡើងដោយសារការបញ្ចេញមតិរបស់លោក អ៊ុំ សំអាន នោះដែរ៕
ភ្នំពេញ៖អតីតអគ្គនាយករងស្ថានីយ៍ទូរទស្សន៍បាយ័ន ទទួលបន្ទុកកម្មវិធីសិល្បៈម្នាក់គឺលោក ទិត ថាវរិទ្ធ ត្រូវបានដកហូតមុខតំណែងពីជំនួយការសម្តេចតេជោនាយករដ្ឋ មន្ត្រីហើយ បន្ទាប់ពីដកហូតមុខងារជាអគ្គនាយករងទូរទស្សន៍បាយ័នភ្លាមៗរួចមក ដោយអនុក្រឹត្យរបស់រាជរដ្ឋាភិបាលលេខ១៦១អនក្រ.តត ចុះថ្ងៃទី១២ ខែកុម្ភៈ ឆ្នាំ២០១៦ ។
អតីតអគ្គនាយករងទូរទស្សន៍បាយ័នទទួល បន្ទុកកម្មវិធីសិល្បៈ ដែលគេស្គាល់ថា ជាទូរទស្សន៍គ្រប់គ្រងដោយកូនស្រីរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលត្រូវបានបញ្ចប់ភារកិច្ចពីជំនួយការនាយករដ្ឋមន្ត្រីនោះ គឺលោក ទិត ថាវរិទ្ធ ។លោក ទិត ថាវរិទ្ធ ធ្លាប់ត្រូវបានតែងតាំងជាជំនួយការសម្តេចតេជោ មានឋានៈស្មើអគ្គនាយករង ដោយអនុក្រឹត្យរបស់រាជរដ្ឋាភិបាលលេខ៩៤២អនក្រ.តត ចុះថ្ងៃទី២៧ ខែកញ្ញា ឆ្នាំ២០១៣ ខណៈអតីតអគ្គនាយករងទូរទស្សន៍បាយ័នរូបនេះបានដឹកនាំកម្មវិធីសិល្បៈ យ៉ាងសកម្ម បម្រើសកម្មភាពឲ្យរាជរដ្ឋាភិបាល និងគណបក្សប្រជាជនកម្ពុជានាពេលកន្លងមក ។
គេមិនអាចដឹងពីបញ្ហាពិតប្រាកដរបស់លោក ទិត ថាវរិទ្ធ ដែលធ្វើឲ្យមានការសម្រេចដកហូតមុខងារពីអគ្គនាយករងទូរទស្សន៍បាយ័ន និងរាជរដ្ឋាភិបាលសម្រេចបញ្ចប់ភារកិច្ចពីជំនួយការឲ្យនាយករដ្ឋមន្ត្រីបន្តទៀតនោះទេ៕
????
រាជធានីភ្នំពេញ៖អតីតតារា Facebook និងជាអ្នកគាំទ្របក្សប្រឆាំងយ៉ាងប្តូរផ្តាច់ កញ្ញា ធី សុវណ្ណថា បានសរសេរនៅលើបណ្តាញទំនាក់ទំនងសង្គម (Facebook) នៅព្រឹកថ្ងៃទី២១ ខែមេសា ឆ្នាំ២០១៦ មានខ្លឹមសារខ្លីថា “ខ្ញុំនឹងចូលបំភ្លឺ ថ្ងៃ២៧នេះ តាមដីកាហោះរបស់តុលាការតាមចំលើយសារភាពរបស់ស្រីមុំ លោក កឹម សុខាបានប្រព្រឹត្តិបទល្មើសជាក់ស្តែង ពីបទជួញដូរផ្លូវភេទ… ដែលអាចត្រូវជាប់គុកពី៥ឆ្នាំ ទៅ១០ឆ្នាំ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
