រាជធានីភ្នំពេញ ៖តំណាងរាស្ត្រ CNRP ២រូបទៀត ត្រូវបានព្រះរាជអាជ្ញាចេញដីកាកោះហៅពាក់ព័ន្ធករណីរឿងរ៉ាវផ្លូវភេទរវាងលោក កឹម សុខា អនុប្រធានគណបក្សសង្គ្រោះជាតិជាមួយកញ្ញា ខុម ចាន់តារ៉ាទី ហៅស្រីមុំ។
សិល្បៈ ៖រលកព័ត៌មាននៃការលែងលះគ្នារវាងលោក ប៉ែន ចំរ៉ុង និងនាង ភិន សុដាលីស នៅមិនរសាយកំដៅនៅឡើយទេសម្រាប់មហាជន ខណៈមួយរយៈពេលចុងក្រោយនេះសំឡេងនៃការរិះគន់ដូចទឹកបាក់ទំនប់ទៅលើតារាសម្តែងលោក ប៉ែន ចំរ៉ុង បន្ទាប់ពីបែកធ្លាយព័ត៌មាន តារារូបនេះបានដាក់ពាក្យបណ្តឹងលែងលះភិន សុដាលីស ពេលកំពុងមានផ្ទៃពោះ។
រ៉ង់ហ្គូន ៖ប្រធានាធិបតីមីយ៉ាន់ម៉ាលោក U Htin Kyaw នឹងបំពេញទស្សនកិច្ចផ្លូវរដ្ឋលើកដំបូងក្នុងតំណែងរបស់លោកទៅកាន់ប្រទេសឡាវដែលជាប្រទេសក្បែរខាងរបស់ខ្លួន។ នេះបើតាមការចេញផ្សាយរបស់សារព័ត៌មានព័ត៌មានស៊ិនហួរ នៅថ្ងៃអង្គារ ទី០៣ ខែឧសភា ឆ្នាំ២០១៦នេះ។
ខេត្តព្រៃវែង ៖ដោយបានការយកចិត្តទុកដាក់ពី លោក ជា សុមេធី អភិបាលខេត្តព្រៃវែង និងលោក ហ៊ឺ បាវី ប្រធានក្រុមការងារស្រុកព្រះស្តេច បានធ្វើអោយប្រជាពលរដ្ឋមានការងារធ្វើនៅក្នុងស្រុកតាមរយៈធ្វើស្រូវរដូវប្រាំង និងទប់ស្កាត់ការធ្វើចំណាកស្រុក។
រាជធានីភ្នំពេញ ៖នាព្រឹកថ្ងៃទី០៣ ខែឧសភា ឆ្នាំ២០១៦នេះ ក្លឹបអ្នកកាសែតកម្ពុជាសហការជាច្រើនស្ថាប័នរៀបចំ ទិវាសេរីភាពសារព័ត៌មានក្រោមប្រធានបទ «សិទ្ធិទទួលព័ត៌មានជាសិទ្ធិរបស់អ្នក» នៅសណ្ឋាគារកាំបូឌីយ៉ាណា។ ពិធីនេះក្រោមវត្តមានលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន លោកស្រីអាននី លីម៉េសទ្រី Anne Lemaistre តំណាងអង្គការយូនីស្កូប្រចាំនៅកម្ពុជា រួមនឹងអ្នកសារព័ត៌មានជាច្រើនរូបទៀតផងដែរ។
រាជធានីភ្នំពេញ ៖ ជនរងគ្រោះម្នាក់បានស្លាប់ នៅលើដងផ្លូវ ភ្លាមៗ ក្រោយពីត្រូវជនមិនស្គាល់ មួយក្រុមមិនមានគ្នា ៦នាក់ ជិះម៉ូតូដេញវាយហើយប្លន់យកម៉ូតូមួយគ្រឿងទៅបាត់ថែមទៀត កាលពីវេលាម៉ោង៣និង៤០ នាទីទៀបភ្លឺ ថ្ងៃទី០៣ ខែឧសភា ឆ្នាំ ២០១៦ តាមបណ្តោយផ្លូវ សហព័ន្ធរុស្ស៊ី កែងផ្លូវលេខ ២៣៣ ខាងកើតស្ពានអាកាស៥មករា ក្នុងសង្កាត់ផ្សារដេប៉ូទី៣ ខណ្ឌទួលគោក ។
សុខភាព ៖ថ្មីៗនេះសារព័ត៌មាន Rian របស់រុស្ស៊ីបានផ្តល់ព័ត៌មានឱ្យដឹងថា គ្រាប់ឈូករ័ត្នមានគ្រោះថ្នាក់ចំពោះសុខភាព។ វាមានលទ្ធភាពធ្វើឱ្យច្របូកច្របល់សកម្មភាពរបស់ក្រលៀន, បំផ្លាញកាចាធ្មេញ និងជាមូលហេតុរបស់បាតុភូតភើជូរ ភើក្តៅ។
បាល់ទាត់ ៖ក្រុមបិសាក្រហម Man Utd បានត្រៀមដាក់សំណើរជាលើកទីពីរទៅកាន់ក្រុម Dortmund និងគ្រោងចំណាយប្រហែល ៧០លានផោន ដើម្បី ប្រមាញ់យក ខ្សែប្រយុទ្ធ Pierre Emerick Aubameyang មកកាន់ទឹកដី Old Trafford នារដូវកាលក្រោយខណៈដែល Real Madrid លែងចាប់អារម្មណ៍។
រាជធានីភ្នំពេញ ៖យោងតាមនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិ បានឲ្យដឹងថា នៅថ្ងៃទី២ ខែឧសភា ឆ្នាំ២០១៦ មានករណី គ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ១០លើក ក្នុងនោះយប់ ៣លើក បណ្តាលឲ្យមនុស្សស្លាប់ ២នាក់ រងរបួសធ្ងន់ ១៣នាក់ (ស្រី៣នាក់) និងរបួសស្រាល ៧នាក់ (ប្រុស)។
បាល់ទាត់ ៖Leicester បានឈ្នះពានលីគកំពូលអង់គ្លេស Premier League លើកដំបូងក្នុងប្រវត្តិសាស្ត្ររបស់ក្លឹប កាលពីយប់មិញនេះ ក្រោយក្រុមឈរនៅចំណាត់លេខ២ Tottenham Hotspur បញ្ចប់លទ្ធផលត្រឹមស្មើ ២-២ ទល់នឹងតោខៀវ Chelsea នៅកីឡដ្ឋាន Stamford Bridge។
រាជធានីភ្នំពេញ ៖នៅយប់រំលងអធ្រាត្រឈានចូល ថ្ងៃទី៣ ខែឧសភា ឆ្នាំ២០១៦នេះ កម្លាំងនគរបាលផ្នែកព្រហ្មទណ្ឌ ខ័ណ្ឌដូនពេញ បានបង្ក្រាប និងចាប់ខ្លួនក្រុមចោរប្លន់ម៉ូតូ ពេលរាត្រី៣នាក់ ខណៈដែលពួកគេកំពុងធ្វើសកម្មភាព ដោយប្រើខ្សែក្រវ៉ាត់វាយជនរងគ្រោះ ប៉ងប្លន់យកម៉ូតូ នៅចំណុចផ្លូវ២០០ កែង៥១ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ។
ខេត្តកោះកុង ៖ស្ត្រីម្នាក់បានសម្រាលកូននៅលើទូក ខណៈដែលប្តី និងសាច់ញាតិ បានដឹកមកកាន់មន្ទីរពេទ្យបង្អែកខេត្តកោះកុង នារសៀលថ្ងៃទី២ ខែឧសភា ឆ្នាំ២០១៦នេះ ។ ប៉ុន្តែស្ត្រីរងគ្រោះ និងទារកបានរួចផុតពីគ្រោះថ្នាក់ហើយ នៅពេលដែលក្រុមគ្រូពេទ្យ បានជួយសង្គ្រោះទាន់ពេលវេលា។
រាជធានីភ្នំពេញ ៖កាលពីយប់មិញកើតមានករណីបើករថយន្តបុកម៉ូតូផ្ទុះឆេះ ទាំងរថយន្ត និងម៉ូតូបណ្តាលឲ្យមនុស្ស ២នាក់ស្លាប់ និងរបួសធ្ងន់ស្រាល៤នាក់។ ហេតុការណ៍នោះបានកើតឡើងនៅតាមផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ។
ដោយ ៖ ខេមរិន្ទ ភ្នំពេញ ៖ តុលាការក្រុងភ្នំពេញនៅល្ងាចថ្ងៃចន្ទ ទី ២ ខែឧសភា នេះ បានចេញដីការបញ្ជូនមន្ត្រី៤រូបនៃសមាគមការពារសិទ្ធិមនុស្សអាដហុក និងអគ្គលេខាធិការរង គ.ជ.ប មួយរូប ទៅឃុំខ្លួនបណ្តោះអាសន្ននៅពីកន្លៃងផ្សេងគ្នាគឺពន្ធនាគារព្រៃ ស និងមន្ទីរឃុំឃាំងរបស់ស្នងការដ្ឋាននគរបាលរាជធានីភ្នំពេញ ដោយចោទពីបទសូកប៉ាន់សាក្សី និងសមគំនិត។
ក្រោយពេលស៊ើបសួរអស់រយៈពេលពីរថ្ងៃរួចមក នៅម៉ោងប្រមាណជិត៦ល្ងាច ថ្ងៃចន្ទនេះ អ្នកទាំង៥ រូបត្រូវបានបញ្ជូនខ្លួនចេញពីតុលាការក្រុងភ្នំពេញទៅកាន់ពន្ធនាគារព្រៃស និងមន្ទីរឃុំឃាំងរបស់នគរបាលរាជធានីភ្នំពេញ។
សូមជម្រាបថា អ្នកទាំង៥ រូបដែលត្រូវបានអង្គភាពប្រឆាំងអំពើពុករលួយកោះហៅទៅសាកសួរ និងចោទប្រកាន់ថា ជាប់ពាក់ព័ន្ធនឹងការណែនាំឲ្យកញ្ញាស្រីមុំ ផ្តល់ចម្លើយក្លែងក្លាយដល់សមត្ថកិច្ចរួមមាន មន្ត្រីអាដហុក៤ រូបគឺលោក នី សុខា លោក យី សុខសាន្ត លោក ណៃ វ៉ងដា និង លោកស្រី លឹម មុនី។ ចំណែកអគ្គលេខាធិការរង គ.ជ.ប គឺលោក នី ចរិយា ដែលជាអតីតមន្ត្រីរបស់សមាគមអាដហុកក៏ជាប់ចោទក្នុងបទដូចគ្នាដែរ។
គួររំឭកថា អង្គភាពប្រឆាំងអំពើពុករលួយបានកោះហៅមន្ត្រីសង្គមស៊ីវិលដើម្បីសាកសួរបន្ទាប់ពីកញ្ញា ខុម ចាន់តារាទី ហៅស្រីមុំ ដែលនាងបានអះអាងថា មានទំនាក់ទំនងស្នេហាជាមួយលោក កឹម សុខា ដោយបានសរសេរលិខិតចំហរមួយច្បាប់លើកឡើងថា មានមន្ត្រីសង្គមស៊ីវិលមួយចំនួន (រួមមានមន្ត្រីទាំង៦រូបដែលទើបត្រូវតុលាការចោទប្រាកាន់) ថាបានបង្ខំនាងឲ្យផ្តល់ចម្លើយក្លែងក្លាយនៅពេលចូលឆ្លើយបំភ្លឺនៅតុលាការ។
យោងតាមក្រមព្រហ្មទណ្ឌមាត្រា២៩ និង៥៤៨ ស្តីពីបទសមគំនិត និងបទសូកប៉ាន់សាក្សី អ្នកទាំង៥រូប រួមនឹងមន្ត្រីសិទ្ធិមនុស្ស UN ប្រចាំនៅកម្ពុជាម្នាក់ផងនោះ អាចប្រឈមនឹងការផ្ដន្ទាទោសជាប់ពន្ធនាគារពី៥ឆ្នាំ ទៅ១០ឆ្នាំ៕
រូប៖RFA
រាជធានីភ្នំពេញ ៖តាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម បានអោយដឹងថា ចាប់ពីថ្ងៃទី០៣-០៤ ខែឧសភា សីតុណ្ហភាពអតិបរមា អាចនឹងកើនឡើងនៅតំបន់វាលទំនាបមានពី៣៧-៤០អង្សាតំបន់ខ្ពង់រាបមានពី៣៦-៤០អង្សាតំបន់មាត់សមុទ្រមានពី៣៥-៣៧អង្សារសេ៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
