All posts by មេគង្គ ប៉ុស្តិ៍

កូរ៉េខាងជើង បើកសមាជបង្ហាញពីនយោបាយអភិវឌ្ឍន៍កម្មវិធីនុយក្លេអ៊ែរ

March 31, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ព្យុងយ៉ាង៖លោក គីម ជុងអ៊ុន មេដឹកនាំកំពូលកូរ៉េខាងជើង នឹងប្រកាសចេញនូវនយោបាយដឹកនាំដ៏ច្បាស់លាស់មួយអំឡុងពេលសមាជកំពូលរបស់គណបក្សនៅខែឧសភាខាងមុខនេះ។ សមាជបែបនោះត្រូវបានគេអះអាងថា មិនធ្លាប់មានទេក្នុងរយៈពេល ៣៦ឆ្នាំមកហើយ។
អ្នកជំនាញខាងវិភាគស្ថានការណ៍កូរ៉េខាងជើង នៅកូរ៉េខាងត្បូងបានអះអាងទៀតថា កូរ៉េខាងជើងទំនង ជានឹងប្រារព្ធសមាជកំពូលដ៏កម្របំផុតនោះឡើង ដើម្បីបង្ហាញពីការប្តេជ្ញាអភិវឌ្ឍន៍កម្មវិធីនុយក្លេអ៊ែរ និង សេដ្ឋកិច្ចស្របពេលជាមួយគ្នាតែម្តង។ វាក៏ជាការបង្ហាញពីសម័យកាលដឹកនាំរបស់ត្រកូល គីម ជំនាន់ទីបី សម្រាប់សមាជបក្សលើកទី៧ ដើម្បីបង្ហាញថា កូរ៉េខាងជើងនៅតែប្រកបដោយជោគជ័យ និង ភាពត្រចះត្រចង់ ជានិច្ចក្រោមការដឹកនាំរបស់ត្រកូលគីម៕

រុស្ស៊ីចាប់សមាជិកថ្មីក្រុម ISIS ២០នាក់ក្នុងទីក្រុងមូស្គូ

March 31, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ម៉ូស្គូ៖សមត្ថកិច្ចចម្រុះរបស់រុស្ស៊ីបានចាប់ខ្លួនសមាជិកថ្មីរបស់ក្រុមឧទ្ទាម ISIS ប្រមាណ២០នាក់នៅក្នុងទីក្រុងម៉ូស្គូ ប្រទេសរុស្ស៊ី ខណៈពួកគេកំពុងព្យាយាម ជ្រើសរើសក្រុមសកម្មប្រយុទ្ធថ្មីបន្ថែមទៀត។ នេះបើយោងតាមការចេញផ្សាយរបស់សារព័ត៌មានស៊ិនហួ។
ប៉ូលិសបានបញ្ជាក់ថា ការចាប់ជនសង្ស័យពាក់ព័ន្ធជាមួយក្រុម ISIS ប្រមាណ២០នាក់នេះធ្វើឡើងក្នុងអំឡុងពេលប្រតិបត្តិការរួមគ្នាមួយ នៃក្រុមសហព័ន្ធភ្នាក់ងារសន្តិសុខ (FSB) និងក្រុមកងកម្លាំងប៉ូលិស គ្រាដែលក្រុមមនុស្សដែលត្រូវបានចាប់ខ្លួននេះ គឺកំពុងស្វែងរក និងជ្រើសរើសសមាជិកថ្មីនៅក្នុងទីក្រុងម៉ូស្គូ ដើម្បីចូលទៅក្នុងក្រុម ISIS៕

សមត្ថកិច្ចជំនាញចម្រុះដុតបំផ្លាញសាច់សត្វព្រៃខុសច្បាប់ជាង១០០គីឡូក្រាម

March 31, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តព្រះវិហារ៖រដ្ឋបាលព្រៃឈើ ម្លូរព្រៃកំពង់ស្រទ្បៅ និងផ្នែករដ្ឋបាលព្រៃឈើឆែបសហការគ្នា ចុះបង្ក្រាបបទល្មើស ព្រៃឈើនិងសត្វព្រៃដែលជនល្មើស កំពុងដឹកជញ្ជូន តាមដងផ្លូវ កាលពីព្រឹកថ្ងៃទី៣០ ខែមីនា ឆ្នាំ២០១៦ ស្ថិតនៅចំណុចត្រពាំងព្រីងភូមិដងផ្លិតឃុំឆែបស្រុកឆែប ។
តាមដឹងសត្វព្រៃដែលព្រានព្រៃបាញ់សម្លាប់និងដាក់អន្ទាក់ដើម្បីយកសាច់លក់អោយឈ្មួញគឺវាមានប្រភពចេញពីតំបន់ព្រៃឈើការពារព្រះវិហារឬព្រៃព្រះរការដែលស្ថិតនៅក្នុងភូមិសាស្ដ្រស្រុកឆែប។
សមត្ថកិច្ចបានអោយដឹងនៅល្ងាចថ្ងៃទី៣០ ខែមីនាថា ពេលនោះកំលាំងរដ្ឋបាលព្រៃឈើសហការជាមួយនគរបាលស្រុកឆែបបានឃាត់ខ្លួនជនសង្ស័យចំនួន០៦នាក់ដើម្បីកសាងសំណុំរឿងបញ្ជូនទៅកាន់តុលាការខេត្ត។វត្ថុតាងបទល្មើសដែលដកហូតបានរួមមានរណាយន្តចំនួន០២គ្រឿងម៉ូតូជិះធ្វើសកម្មភាពចំនួន០៣គ្រឿងគោយន្តកន្ត្រៃចំនួន០១គ្រឿងស្នាតេះ០២ដើមត្រូវបានបញ្ជូនទៅកាន់ខណ្ឌរដ្ឋបាលព្រៃឈើខេត្ត។
សមត្ថកិច្ចបញ្ជាក់ថាក្នុងនោះសមត្ថកិច្ចរឹបអូសបានសាច់ជ្រូកព្រៃស្រស់ៗចំនួន៥៥គីទ្បូក្រាមនិងសាច់ឈ្លូសស្រស់ៗចំនួន៥៦គីទ្បូក្រាមដែលជនសង្ស័យបានលួចលាក់ច្រកការុងដឹកតាមម៉ូតូក៏ត្រូវកំលាំងសមត្ថកិច្ចចុះស្ទាក់ចាប់បង្ក្រាបបានតែម្តង។ជនសង្ស័យ៣នាក់ក្នុងចំណោម៦នាក់ត្រូវគេស្គាល់ទី១ឈ្មោះផូផាន់ណាភេទប្រុសម្ចាស់គោយន្តកន្ត្រៃរណាយន្តមួយគ្រឿងនិងឈើតាប់ប្រណីត០៣សន្លឹក។ទី២ឈ្មោះឌឿនសួនភេទប្រុសម្ចាស់ម៉ូតូម៉ាកវ៉េវពណ៌ខ្មៅដឹកសាច់សត្វព្រៃខុសច្បាប់និងរណាយន្ត០១គ្រឿងពណ៌ស្លាទុំនិងទី៣ឈ្មោះជាឆេនភេទប្រុសម្ចាស់ម៉ូតូដឹករណាយន្ត០១គ្រឿង។ ចំណែកជនសង្ស័យ៣នាក់ទៀតជំនាញមេព្រៃមិនទាន់ប្រាប់ឈ្មោះអោយដឹងនៅទ្បើយទេនៅរសៀលថ្ងៃទី៣១មីនានេះ។
នៅរសៀលថ្ងៃទី៣០ ខែមីនា ឆ្នាំ២០១៦ លោក អ៊ិត ភូម្រា នាយខណ្ឌរដ្ឋបាលព្រៃឈើព្រះវិហារ និងកំលាំងសមត្ថកិច្ចចុះបង្ក្រាបបានធ្វើពិធីដុតបំផ្លាញចោលនូវសាច់សត្វព្រៃខុសច្បាប់ទម្ងន់សរុបចំនួន១១១គីទ្បូក្រាមផងដែរ៕

អគ្គិភ័យឆេះរោងសិប្បកម្មជនជាតិវៀតណាមមួយកន្លែងនៅក្រុងបានលុង

March 31, 2016ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តរតនគិរី៖រោងសិប្បកម្មមួយកន្លែង ត្រូវបានឆាបឆេះអស់ទាំងស្រុង រួមទាំងគ្រឿងសង្ហារឹមជាច្រើន និងម៉ាស៊ីនកែច្នៃឈើប្រណីតផងដែរ ហេតុការណ៍អគ្គិភ័យបានកើតឡើង នៅវេលាម៉ោង១ និង៣០នាទីយប់ឈានចូលថ្ងៃទី៣១ ខែមីនា ឆ្នាំ២០១៦នេះ នៅត្រង់ចំណុចអូរសុភមង្គល ស្តិតក្នុងភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី ។
បើតាមកម្មករបានឲ្យដឹងថា រោងសិប្បកម្មដែលភ្លើងឆេះនោះ មានឈ្មោះ ឡំ ធៀងហុងភេទប្រុសអាយុ៥៣ឆ្នាំជនជាតិវៀតណាមមានមុខរបរធ្វើរោងសិប្បកម្ម បានជួលដីពីលោកយូ កាវិមានជាមន្ត្រីខណ្ឌរដ្ខបាលព្រៃឈើខេត្ត ទៅឲ្យបុរសម្នាក់ជាជនជាតិវៀតណាម។
កម្មករបានបន្តទៀតថា ផ្ទះដែលឆេះមានទំហំ៥ម៉ែត្រគុណ៨ម៉ែត្រ ធ្វើអំពីឈើ ជញ្ជាំងបាំងក្តារ ដំបូលប្រក់ស័ង្កសី សម្ភារៈខូចខាត ម៉ាស៊ីតាប១គ្រឿង (ម៉ាស៊ីតាបសំរាបឈូស និងឃូងឈើ) ទី២.ម៉ាស៊ីនជ្រៀក១គ្រឿង ទី៣ខូចខាតគ្រឿង សង្ហារឹមមួយចំនួនធំផងដែរ។ នៅពេលកើតហេតុនេះ រថយន្តពន្លត់អគ្គិភ័យរបស់ស្នងការនគបាលខេត្តមួយគ្រឿង បានទៅជួយពន្លត់ផងដែរ ក៏ប៉ុន្តែទៅជួយមិនទាន់ទេ ដោយសារតែផ្លូវតូចចង្អៀត ចូលមិនដល់កន្លែងកើតហេតុ។
យ៉ាងណាក៏ដោយ នៅមិនទាន់មានប្រភពណាមួយ បញ្ជាក់អំពី ករណីឆេះសិប្បកម្ម នេះទេ តែគ្រាន់តែដឹងថា នៅថ្ងៃកើតហេតុ ម្ចាស់សិប្បកម្មឈ្មោះហុង ជាជនជាតិវៀតណាម មិននៅផ្ទះនោះទេគឺទៅភ្នំពេញ។
តាមប្រភពពីកន្លែងកើតហេតុបាននិយាយថា គេសង្ស័យគឺផ្តើមចេញពីទូសេចរន្តអគ្គិសនីខ្សែភ្លើងដែលជនរងគ្រោះបើកភ្លើងចោលមិននៅផ្ទះ៕

U16 កម្ពុជា ប៉ះ ក្រុម PVF របស់វៀតណាម នៅម៉ោង១២ និង៣០ថ្ងៃត្រង់នេះ

March 31, 2016កីឡាមេគង្គ ប៉ុស្តិ៍

បាល់ទាត់៖នៅវេលា១២ និង៣០ថ្ងៃត្រង់នេះ ក្រុមជម្រើសជាតិកម្ពុជាក្រោយអាយុ១៦ឆ្នាំ ត្រូវប៉ះជាមួយក្រុម PVF មកពីប្រទេសវៀតណាមក្នុងការប្រកួតដណ្តើមរង្វាន់ J.League U16 Challenge 2016 នៅប្រទេសជប៉ុន។ ចំណែកថ្ងៃស្អែកវិញ ក្រុមកម្ពុជាក៏មានការប្រកួតទៀតដែរ ដោយត្រូវប៉ះជាមួយក្រុម Roasso Kumamoto FC របស់ជប៉ុន នៅវេលាម៉ោង៨ និង៣០ នាទីព្រឹក ហើយនៅវេលាម៉ោង ១២ និង៣០នាទីត្រូវប្រកួតចុងក្រោយជាមួយក្រុមជប៉ុនមួយទៀតគឺក្រុម Avispa Fukuoka FC។នេះបើតាមការឲ្យដឹងពីសហព័ន្ធបាល់ទាត់កម្ពុជា។
គួរបញ្ជាក់ថា ការប្រកួតពានរង្វាន់យុវជននេះមានការចូលរួមពីក្រុម Pohang Steelers របស់កូរ៉េខាងត្បូង ក្រុម Chonburi FC របស់ថៃ ក្រុម PVF របស់វៀតណាម Frenz United របស់ម៉ាឡេស៊ី និងក្រុមជប៉ុនជាច្រើន ការប្រកួតនេះធ្វើលើពីតាំងថ្ងៃទី៣០ ខែមីនា ដល់ថ្ងៃទី៦ ខែមេសា៕

លោកស្រី រ៉ូណា ស្មីត នឹងធ្វើសន្និសីទកាសែតរសៀលនេះ

March 31, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖អ្នករាយការណ៍ពិសេស របស់អង្គការសហប្រជាជាតិ ទទួលបន្ទុកផ្នែក សិទ្ធិមនុស្សនៅកម្ពុជា លោកស្រី រ៉ូណា ស្មីត នឹងរៀបចំសន្និសីទកាសែតមួយ នៅម៉ោង៣ និង០០រសៀល ថ្ងៃទី៣១ ខែមីនា ឆ្នាំ២០១៦នេះដើម្បីបង្ហាញពីលទ្ធផលនៃដំណើរទស្សនកិច្ច របស់លោកស្រី នៅកម្ពុជារយៈពេល១០ថ្ងៃមកនេះ។
គួរបញ្ជាក់ថា លោកស្រី រ៉ូណា ស្មីត ផ្តើមបំពេញទស្សនកិច្ចជាលើកទី២នៅកម្ពុជា ពីថ្ងៃទី២១ ខែមីនា ឆ្នាំ២០១៦ ហើយគ្រោងនឹងបញ្ចប់នៅថ្ងៃ ព្រហស្បត្តិ៍នេះតែម្តងដោយក្នុងនោះ លោកស្រីមានបានជួបជាមួយ សមាជិកជាន់ខ្ពស់រាជរដ្ឋាភិបាលកម្ពុជា អង្គការសង្គមស៊ីវិល មន្ត្រីគណបក្សប្រឆាំង រួមទាំងពលរដ្ឋរងគ្រោះរឿងដីធ្លីផងដែរ៕

Valencia បណ្តេញ Gary Neville ចេញពីតួនាទីជាគ្រូបង្វឹក

March 31, 2016កីឡាមេគង្គ ប៉ុស្តិ៍

បាល់ទាត់៖អតីតកីឡាករក្រុមបិសាចក្រហម Man Utd លោក Gary Neville ត្រូវបានក្លឹប Valencia របស់អេស្ប៉ាញបណ្តេញញចេញពីតួនាទីជាគ្រួបង្វឹករបស់ក្លិបកាលពីយប់មិញបន្ទាប់ពីដឹកនាំក្រុមមិនបានល្អក្នុងរយៈពេល៤ខែកន្លងមក។
អតីតខ្សែការពារក្រុមបិសាចក្រហមសញ្ជាតិអង់គ្លេសវ័យ៤១ឆ្នាំរូបនេះ បានមកកាន់តំណែងដ៏គួរឲ្យភ្ញាក់ផ្អើលដំបូងកាលពីខែឆ្នូ បន្ទាប់ពីប្រធានក្លឹបលោក Peter Lim គិតថា គាត់អាចដឹកនាំក្រុមទទួលបានជោគជ័យនៅ La Liga បន្តពីលោក Nuno ។ ប៉ុន្តែក្រុម Valencia រយៈពេល៤ខែកន្លងមក ដែលស្ថិតនៅក្រោយការដឹកនាំរបស់លោក Gary Neville ឈ្នះ៣ដងប៉ុណ្ណោះក្នុងចំណោម១៦ប្រកួតនៅក្នុង La Liga តែវាមិនដូចការរំពឹងទុក មហាសេដ្ឋីជនជាតិសិង្ហបុរីរូបនេះ។
គួរបញ្ជាក់ថា ក្រុម Valencia បច្ចុប្បន្នឈរនៅចំណាត់ថ្នាក់ទី១៤នៅតារាងលីគកំពូលរបស់អេស្ប៉ាញ ដែលមានត្រឺមតែ៦ពិន្ទុប៉ុណ្ណោះពីតំបន់ត្រូវគេកាត់ចោល៕

Pele ប្ដឹងទារជំងឺចិត្ត៣០លានដុល្លារពីក្រុមហ៊ុន Samsung

March 31, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាមេរិក៖ក្រុមហ៊ុនអេឡិចត្រូនិកដ៏ធំរបស់កូរ៉េខាងត្បូង Samsung បានរងនូវការប្តឹងផ្តល់ពីវីរបុរសបាល់ទាត់របស់ប្រេស៊ីលលោក Pele ដោយចោទថា ក្រុមហ៊ុននេះបានប្រើតួអង្គដែលមានមុខមាត់ស្រដៀងគាត់ នៅក្នុងការផ្សាយពាណិជ្ជកម្ម។ នេះបើយោងតាមការផ្សាយពីសារព័ត៌មាន BBC។
ប្រភពដដែលបញ្ជាក់ថា បើយោងតាមឯកសារផ្លូវច្បាប់ដែលបានដាក់នៅ តុលាការអាមេរិក ក្នុងទីក្រុងChicagoបានឲ្យដឹងថា វីរបុរសរូបនេះបានប្តឹងទាមទារជំងឺចំនួន ២១ លានផោនឬ៣០លានដុល្លារ។លោក Pele បានអះអាងថា ការផ្សាយពាណិជ្ជកម្មនោះបានធ្វើឲ្យប៉ះពាល់ដល់តម្លៃកម្មសិទ្ធិបញ្ញា ហើយអាចឲ្យមហាជនយល់ច្រឡំថា គាត់ត្រូវបានគេជួលទៅប្រើក្នុងការផ្សព្វផ្សាយ ផលិតផលរបស់ ក្រុមហ៊ុន Samsung ផងដែរ។
គួរបញ្ជាក់ថា ការផ្សាយពាណិជ្ជកម្មរបស់ Sumsung គឺបានធ្វើទៅលើទូរទស្សន៍ស៊េរីទំនើប ដែលបានចុះផ្សាយនៅលើកាសែត New York Times ដោយមិនមានការអនុញ្ញាតពីសាមីខ្លួន៕

Remi Garde លាលែងពីតំណែងជាអ្នកចាត់ការក្រុម Aston Villa

March 31, 2016កីឡាមេគង្គ ប៉ុស្តិ៍

បាល់ទាត់៖គេហទំព័រផ្លូវការរបស់ក្លិប Aston Villa បានចុះផ្សាយថា អ្នកចាត់ការ Remi Garde បានសម្រេចចិត្តលាលែងពីតំណែងដោយខ្លួនឯង បន្ទាប់ពីមានការព្រមព្រៀងគ្នាទៅវិញទៅមករវាងក្លិប និងរូបគាត់ផ្ទាល់។
អ្នកចាត់ការសញ្ជាតិបារាំង វ័យ៤៩ឆ្នាំរូបនេះបានផ្លាស់មកដឹកនាំក្លិប Aston Villa កាលពីខែវិច្ឆិកា ឆ្នាំ២០១៥ បានសម្រេចចិត្តលាលែងពីតំណែងជាគ្រូបង្វឹក បន្ទាប់ពីនៅតែមិនអាចជួយស្រោចស្រង់ក្លិប Aston Villa ឲ្យរួចផុតពីតំបន់ដែលត្រូវកាត់ចោលក្នុងតារាងចំណាត់ថ្នាក់ក្របខ័ណ្ឌ Premier League របស់អង់គ្លេស។
សេចក្ដីថ្លែងការណ៍ខាងលើបានឲ្យដឹងទៀតថា ក្លិប Aston Villa ក៏បានធ្វើការអរគុណដោយស្មោះចំពោះការខិតខំប្រឹងប្រែងនាពេលកន្លងមករបស់អ្នកចាត់ការ Remi Garde ក្នុងពេលវេលាដ៏ពិបាកមួយចាប់តាំងពីអ្នកចាត់ការរូបនេះផ្លាស់មកដឹកនាំក្លិប Aston Villa ហើយក្លិបក៏បានជូនពរឲ្យអ្នកចាត់ការ Remi Garde ទទួលបានជោគជ័យនៅពេលដែលដឹកនាំក្លិបផ្សេងទៀត។
គេហទំព័រផ្លូវការរបស់ក្លិប Aston Villa បានបញ្ចាក់ថា ក្រោយពីការចាកចេញចេញរបស់លោក Remi Garde ក្លិបបានដាក់លោក Eric Black ឲ្យដឹកនាំក្លិប Aston Villa ជាគ្រូបង្វឹកបណ្ដោះអាសន្ន ហើយក្នុងនោះផងដែរក្លិប Aston Villa ក៏កំពុងតែមានបេក្ខភាព៣រូបដែលអាចនឹងត្រូវតែងតាំងធ្វើជាអ្នកចាត់ការផ្លូវការរួមមាន អតីតគ្រូបង្វឹករបស់ក្លិបទូកក្ដោង Everton គឺលោក David Moyes អតីតគ្រូបង្វឹករបស់ក្លិបក្ងានព្រៃ Swansea City លោក Gary Monk និងអតីតគ្រូបង្វឹករបស់ក្លិបកញ្ជ្រោង Leicester City លោក Nigel Pearson៕

រថយន្តឡិចស៊ីសបុកអ្នកជិះម៉ូតូ៣នាក់ស្លាប់នៅលើស្ពានអ្នកលឿង

March 31, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖មានករណីគ្រោះថ្នាក់ចរាចរគួរឲ្យរន្ធត់មួយ កាលពីរសៀលម្សិលមិញបណ្តាលឲ្យ មនុស្ស៣នាក់ បានស្លាប់ភ្លាមៗ នៅលើស្ពានអ្នកលឿង ដោយសារតែរថយន្តលុច្សស៊ីសមួយគ្រឿង បានបុកម៉ូតូពេញទំហឹង នៅលើស្ពានអ្នកលឿង។
សាក្សីនៅកន្លែងកើតហេតុបានអោយដឹងថា គ្រោះថ្នាក់នេះបានបណ្តាលអោយ មនុស្ស៣នាក់ស្លាប់ក្នុងនោះមានម្នាក់ជាក្មេង ហើយគ្រោះថ្នាក់ពិតជារន្ធត់ណាស់ក៏ព្រោតែជនរងគ្រោះខ្លះត្រូវបានរថយន្តបុកទៅទើរលើរថយន្តកុងតឺន័រផ្សេងដែលបានឆ្លងកាត់ស្ពាន៕

ISIS បង្ហោះវីដេអូ កាត់កប្រហារជីវិត ទាហាន៣នាក់ នៅកណ្តាលទីក្រុង

March 31, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អន្តរជាតិ៖ ពួក ISIS បានបង្ហាញពីវីដេអូថ្មីមួយទៀត ដែលបង្ហាញពីការ ប្រហារជីវិតអ្នកទោសសញ្ជាតិ Peshmerga បីនាក់យ៉ាងសាហាវឃោរឃៅ។ តាមប្រភពព័ត៌មានបានឲដឹងថា បុរសទាំងបីនាក់នេះ គឺជាកងកម្លាំងក្រុម Kurds ដែលជាក្រុមពិសេសបង្កើតឡើង ដើម្បីប្រយុទ្ធដណ្ដើមជុំរំ និងប្រឆាំងពួក ISIS។
ក្រុមមួយនេះទទួលនូវការហ្វឹកហាត់ជើងអាកាសដ៏ពិសេស ហើយធ្វើការច្បាំងឈ្នះក្រុម ISIS ដោយដណ្ដើមបានក្រុងមួយនៃប្រទេស Al-Shadadi។ ក្រោយពីដណ្ដើមជុំរំបានជ័យជំនះ ពួក ISIS ចាប់ខ្លួនបានមនុស្សបីនាក់ពីក្រុម Kurds នេះ ហើយធ្វើការថតវីដេអូប្រហារជីវិត ដើម្បីជាការសងសឹកឲ្យ ក្រុមអាកាសរបស់ខ្លួនដែលបានច្បាំងចាញ់ និងបាត់បង់ជីវិតនោះ៕

ស្លាប់២នាក់ និងរបួស៦នាក់ ដោយសារគ្រោះថ្នាក់ចរាចរណ៍ម្សិលមិញ

March 31, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖យោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី៣០ ខែមីនា ឆ្នាំ២០១៦ មានករណីគ្រោះថ្នាក់ចរាចរណ៍នៅទូទាំងប្រទេស កើតឡើងចំនួន ៦លើក ក្នុងនោះយប់ ២លើក បណ្តាលឲ្យមនុស្សស្លាប់ ២នាក់ រងរបួសធ្ងន់ ៥នាក់ (ស្រី១នាក់) និងរបួសស្រាលម្នាក់ (ស្រី)។
របាយការណ៍បន្តថា នៅក្នុងហេតុការណ៍ គ្រោះថ្នាក់ចរាចរណ៍ ទាំង ៦លើកនេះ បណ្ដាលឲ្យខូចខាតយានយន្ត សរុប ចំនួន ១១គ្រឿង រួមមាន ម៉ូតូចំនួន ៦គ្រឿង, រថយន្តធុនតូច ៣គ្រឿង ,រថយន្តធុនធំ ២គ្រឿង , ថ្មើរជើង ១នាក់។ របាយការណ៍បញ្ជាក់ថា មូលហេតុដែលបណ្តាល ឲ្យកើតមានករណី គ្រោះថ្នាក់ចរាចរណ៍ រួមមាន ល្មើសល្បឿន៤លើក , ស្រវឹង ១លើក (ស្លាប់២នាក់), មិនគោរពសិទ្ធិ ១លើក។ ក្នុងនោះ អ្នកមិនពាក់មួក សុវត្ថិភាព ពេលគ្រោះថ្នាក់ចរាចរណ៍ ៥នាក់ (យប់៤នាក់)។ គ្រោះថ្នាក់លើដងផ្លូវ រួមមាន ផ្លូវជាតិ ចំនួន ៧លើក និងផ្លូវខេត្ត/ក្រុង ចំនួន២លើក យានយន្តបង្កហេតុ រួមមាន ម៉ូតូ ៤លើក រថយន្តធុនតូច ១លើក, រថយន្តធុនធំ ១លើក។
ជាមួយគ្នានោះលទ្ធិផលត្រួតពិនិត្យ អនុវត្តច្បាប់ ចរាចរណ៍ផ្លូវគោក ឃើញថា យានយន្តដែលល្មើស សរុបទូទាំងប្រទេសមាន ចំនួន ៥.៧៦០គ្រឿង ក្នុងនោះ បានធ្វើការអប់រំ ចំនួន ២.៤២២គ្រឿង ពិន័យសរុប ៣.៣៣៨គ្រឿង៕

ឃាត់ស្ត្រីជនជាតិថៃម្នាក់ដកហូតថ្នាំញៀនជាង២គីឡូក្រាម

March 31, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ចាប់ស្ត្រីជនជាតិថៃម្នាក់ដែលលួចនាំចូលថ្នាំញៀនប្រភេទកូកាអ៊ីនទម្ងន់ជាង ២,៥គីឡូក្រាមដោយបង្កប់ក្នុងសូកូឡាតាមចក្រអាកាសយានដ្ឋានអន្តរជាតិភ្នំពេញ។ ការឃាត់ខ្លួននេះធ្វើឡើងនៅវេលាម៉ោង ៨យប់ថ្ងៃទី៣០ ខែមីនា ឆ្នាំ២០១៦។
យោងតាមប្រភពព័ត៌មានមន្ត្រីគយប្រចាំព្រលានយន្តហោះអន្តរជាតិភ្នំពេញបានឲ្យដឹងថា ប្រតិបត្តិការនេះធ្វើឡើងដោយមានការសហការពីកម្លាំងគយ និងរដ្ឋាករប្រចាំផ្នែកច្រកអ្នកដំណើរមកដល់ រួមនិងនគរបាលអន្តោប្រវេសន៍ ព្រមទាំងសមត្ថកិច្ចពាក់ព័ន្ធដឹកនាំ ដោយព្រះរាជអាជ្ញារង អមសាលាដំបូងរាជធានីភ្នំពេញ លោក សៀង សុខ។ ប្រភពបន្តថា ស្ត្រីជនជាតិថៃនេះ មានឈ្មោះ KAEWKANLAYA AMPHAWAN ធ្វើ ដំណើរមកពីប្រទេសកាតា តាមជើងយន្តហោះលេខ QR970 (ដូហា-ភ្នំពេញ)។
ប្រភពបញ្ជាក់ថា ក្រោយការឆែកឆេររកឃើញវត្ថុតាងជាសារធាតុញៀន ប្រភេទកូកាអ៊ីនជាក់ស្តែងទម្ងន់ ២,៥៩៤.៥១ក្រាម ទាំងស្ត្រីសង្ស័យរួមនិងថ្នាំញៀនត្រូវបានប្រគល់ជូនលោកវរសេនីយ៍ទោ សារី បុត្រសត្យា នាយការិយាល័យជំនួញគ្រឿងញៀនខុសច្បាប់ ដើម្បីគ្រប់គ្រងថែ រក្សា និង អនុវត្តនីតិវិធីបន្ត៕

U16 កម្ពុជា យកឈ្នះលើ ក្រុម Kagoshima United របស់ជប៉ុន ២-០

March 30, 2016កីឡាមេគង្គ ប៉ុស្តិ៍

បាល់ទាត់៖ការប្រកួតពានរង្វាន់ J.League U16 Challenge 2016 មុននេះបន្តិច ក្រុមជម្រើសជាតិកម្ពុជាអាយុក្រោម១៦ឆ្នាំ (U16) ឈ្នះក្រុមម្ចាស់ផ្ទះ Kagoshima United FC របស់ជប៉ុន ដោយលទ្ធផល ២-០ ។នេះបើយោងតាមការឲ្យដឹងពី Page ផ្លូវការរបស់សហព័ន្ធបាល់ទាត់កម្ពុជា។
គួរបញ្ជាក់ដែរថា ក្រុម U16 របស់កម្ពុជានៅថ្ងៃស្អែកនឹងមានការប្រកួត២ប្រកួត ដោយប៉ះជាមួយក្រុម Kamatamare Sanuki FC វេលាម៉ោង៩ព្រឹក ហើយដល់ម៉ោង ២:៣០នាទីរសៀលនៅថ្ងៃ ពួកគេត្រូវប្រកួតជាមួយក្រុម PVF របស់វៀតណាម។ ខណៈដែលថ្ងៃទី១ខែមេសា ក្រុម U16 ត្រូវបន្ដប្រកួតជាមួយក្រុម Roasso Kumamoto FC របស់ជប៉ុន នៅវេលាម៉ោង១០:៣០ នាទីព្រឹកហើយនៅវេលាម៉ោង ២:៣០ នាទីត្រូវប្រកួតចុងក្រោយជាមួយក្រុមជប៉ុនមួយទៀតគឺក្រុម Avispa Fukuoka FC៕

Inter Milan កំពុងតាមប្រមាញ់ Nani របស់ក្លិប Fenerbahc

March 30, 2016កីឡាមេគង្គ ប៉ុស្តិ៍

បាល់ទាត់៖អតីតខ្សែបម្រើស្លាបក្រុម Manchester United កីឡាករ Nani ត្រូវបានរាយការណ៍ថាក្លិបយក្សអ៊ីតាលី Inter Milan រៀបចំបញ្ជីរឈ្មោះក្នុងការទិញយកកីឡាកររូបនេះមកកាន់ ក្របខ័ណ្ឌអ៊ីតាលី Serie A នៅពេលរដូវក្តៅខាងមុខនេះ។
ខ្សែបម្រើសា្លបសញ្ជាតិព័រទុយហ្គាល់វ័យ២៩ឆ្នាំរូបនេះ បានផ្លាស់ចេញពីកីឡាដ្ឋាន Old Trafford មកកាន់ក្រុម Fenerbahce ដោយបានស៊ុតបាល់បញ្ចូលទីបាន១០គ្រាប់ និងជួយបញ្ជូនបាល់ឲ្យដៃគូបានចំនួន ប្រាំបីលើកសម្រាប់ក្រុមទួរគីមួយនេះ។
បើយោងតាមការចុះផ្សាយរបស់គេហទំព័រ Tuttosport បានឲ្យដឹងថា លោក គ្រួបង្វឹករបស់ក្រុម Inter Milan លោក Roberto Mancini កំពុងតែសម្លឹងមើលយ៉ាងយកចិត្តទុកដាក់ចំពោះកីឡាកររូបនេះនៅពេលដែល ក្លិបមាន ផែនការរុះរើរចនាសម្ព័ន្ធរបស់ក្លិបនៅរដូវកាលក្រោយ ។ របាយការណ៍នេះបានបន្ថែមថា កីឡាករវ័យ២៩ឆ្នាំរូបនេះនឹងត្រូវបានបើកចំហចំពោះការរំពឹងទុកនៃការផ្លាស់ប្តូរទៅកាន់ទឹកដី San Siro វិញ។
គួរបញ្ជាក់ថា កិច្ចសន្យារបស់កីឡាកររូបនេះនៅពហុកីឡដ្ឋាន Sukru Saracoglu មិនផុតកំណត់រហូតដល់ចុងបញ្ចប់នៃរដូវកាល ២០១៧-១៨ ឯងណោះ៕