លោក រតនៈ
ភ្នំពេញ៖ទើបនឹងស្ងប់ស្ងាត់ជុំវិញរឿងរ៉ាវបណ្តឹងជាមួយទូរទស្សន៍ហង្សមាសមិនបានប៉ុន្មានផង តារាចម្រៀងប្រុសទើបនឹងល្បីឈ្មោះម៉ៅ ហាជី បានលេចចេញដំណឹងលែងលះប្រពន្ធដែលធ្លាប់រួមរស់កម្រតិកម្រជាមួយគ្នាជាង៥ឆ្នាំកន្លងមក។
អតីតបេក្ខជនកម្មវិធីCambodia idol បានបង្កើតឲ្យមានការភ្ញាក់ផ្អើលជាថ្មីលើបញ្តាញទំនាក់ទនងសង្គមហ្វេសប៊ុក ក្រោយមានអ្នកទម្លាយថា លោកធ្លាប់មានប្រពន្ធ និងកូនវ័យ៥ឆ្នាំម្នាក់ ហើយពេលនេះទើបនឹងសម្រេចចិត្តលែងលះប្រពន្ធជាអ្នកចម្រៀងច្រៀងតាមតន្ត្រីសម័យតាមខេត្តដែលធ្លាប់ស៊ីអត់ស៊ីឃ្លានជាមួយគ្នាកន្លងមក។ ប្រភពក្រៅផ្លូវការបានលើកឡើងថាតារាចម្រៀងលោក ម៉ៅ ហាជី បានលែងលះប្រពន្ធឈ្មោះ ស្រីមុំ ដែលធ្លាប់តស៊ូជាអ្នកចម្រៀងអកកេះជាមួយគ្នា ដោយមិនស្ដាយស្រណោះអនុស្សាវរីយជួរចត់ និងអាណិតកូនប្រុសម្នាក់មានវ័យប្រមាណ៥ឆ្នាំនោះទេ។
ប្រភពដដែលបន្តថា ប្រពន្ធឈ្មោះ ស្រីមុំ ដែលជាអ្នកចម្រៀងតាមខេត្តមានរូបសម្រស់មិនសូវស្អាតម្នាក់នេះ មានរយៈពេលជាងមួយខែមកហើយ ប៉ុន្តែសម្រាប់ព័ត៌មានលម្អិតតារាចម្រៀងរូបនេះលែងប្រពន្ធ ដោយមូលហេតុអ្វីនោះ គេមិនហ៊ានបញ្ជាក់ច្បាស់ទេ ដោយគ្រាន់តែឮអ្នកស្រុកនិយាយថា នៅពេលលោក ម៉ៅហាជី ល្បីទៅមាននារីថ្មីមានរូបសម្រស់ និងទ្រព្យសម្បត្តិស្តុក ជួយជ្រោមជ្រែង ដូច្នេះហើយទើបគេជិនណាយប្រពន្ធដើមដែលធ្លាប់តស៊ូរួមរស់ជាមួយគ្នាជាយូមកហើយ។
ទោះជាយ៉ាងណាគេនៅមិនទាន់ស្វែងរកការបញ្ជាក់ពីតារាចម្រៀង ម៉ៅ ហាជីបាននៅឡើយទេកាលពីល្ងាចថ្ងៃទី១ខែមេសានេះ។ តារាចម្រៀងរូបនេះបានចុចផ្តាច់ទូរស័ព្ទក្រោយពេលោកដឹងថាអ្នកដែលទូរស័ព្ទចូលគឺជាអ្នកសារព័ត៌មាន។ ទោះជាយ៉ាងណាកន្លងមកលោក ម៉ៅ ហាជី និង លោក ប៊ុត សីហាដែលជាអតីបេក្ខជន Cambodia Idol សុទ្ធតែធ្លាប់មានប្រពន្ធកូនរួចមកហើយមុនពេលចូលប្រឡងនិងក្លាយជាតារាចម្រៀងអាជីពនោះ៕
ឥណ្ឌា៖ចំនួនអ្នកស្លាប់ក្នុងហេតុការណ៍បាក់សំណង់ស្ពានអាកាសនៅក្នុងទីក្រុង Kolkata ក្បែរឧទ្យាន Girish Park ប្រទេសឥណ្ឌាបានកើនឡើងដល់២៥នាក់ ខណៈអ្នករបួសកើនដល់ជាង ១០០នាក់។ នេះបើយោងតាមការចេញផ្សាយរបស់សារព័ត៌មានចិនស៊ិនហួ មុននេះបន្តិច។
អាជ្ញាធរឥណ្ឌបានបញ្ជាក់ថា ភ្នាក់ងារជួយសង្គ្រោះបានប្រតិបត្តិការជួយសង្គ្រោះមនុស្សជាប់គាំងនៅក្រោមគំនរបាក់បែក ត្រូវបានធ្វើឡើងដោយចំណាយពេលប្រមាណ៤ម៉ោង ដោយមានការចូលរួមពីក្រុមពន្លត់អគ្គិភ័យ និងប្រជាពលរដ្ឋដែលរស់នៅក្បែរកន្លែងកើតហេតុ៕
បាល់ទាត់៖ខ្សែប្រយុទ្ធរបស់ក្លិប Juventus កីឡាករ Paul Pogba បានដាក់តម្លៃខ្លួនថ្លៃជាងគេលើពិភពលោកបើសិនជាគាត់សម្រេចចិត្តចាកចេញពីក្របខណ្ឌ Serie A ។ នេះបើយោងតាមខ្សែបម្រើជើងចាស់ Andrea Pirlo។
ខ្សែប្រយុទ្ធសញ្ជាតិបារាំងវ័យ២៣រូបនេះ ទាញចំណាប់អារម្មណ៍ខ្លាំងបន្ទាប់ពីលេងឡើងជើងប៉ុន្មានរដូវកាលចុងក្រោយ ដោយមានក្លឹបធំជាច្រើនកំពុង ព្យាយាមទាក់ទង តែយ៉ាងណាមិញ បើយោងតាមការបញ្ជាក់ពីភ្នាក់ងារផ្ទាល់របស់កីឡាកររូបនេះ បានឲ្យដឹងថារូបគេ ត្រៀមខ្លួនបន្តកុងត្រាថ្មីជាមួយ Juventus ក្នុងពេលឆាប់ៗ។
Pirlo ជឿជាក់ថាក្លឹបដែលចង់បាន Pogba ត្រូវហ៊ានចំណាយច្រើនជាង១០០លានដុល្លារ ឬ១១៣លាន អឺរ៉ូ ពោលគឺស្មើគ្នានឹងតម្លៃខ្លួន Gareth Bale ដែលផ្ទេរទៅ Real Madrid ក្នុងឆ្នាំ ២០១៣៕
រាជធានីភ្នំពេញ៖យ៉ាងហោចណាស់ មនុស្ស៧នាក់បានស្លាប់ ខណៈ១៥នាក់រងរបួសធ្ងន់ និង៩នាក់ផ្សេងទៀតរងរបួសស្រាល ក្នុងករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១៤លើក ក្នុងនោះយប់៧លើក នៅថ្ងៃទី៣១ ខែមីនា ឆ្នាំ២០១៦ម្សិលមិញនេះ។
ប្រភពព័ត៌មានដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ទាំង១៤លើកនេះ បណ្តាលឲ្យខូចខាតយានយន្ត សរុបចំនួន២៤គ្រឿង រួមមានម៉ូតូចំនួន១៣គ្រឿង រថយន្តធុនតូចចំនួន៧គ្រឿង រថយន្តធុនធំចំនួន៣គ្រឿង និងយានផ្សេងៗចំនួន១គ្រឿង ហើយមូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន៨លើក, ស្រវឹង២លើក, ប្រជែងគ្រោះថ្នាក់២លើក និងកត្តាយានយន្ត១លើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍១១នាក់ (យប់២នាក់)៕
ខេត្តក្រចេះ៖តំបន់អភិរក្សបឹងកូនសត្វនិងព្រៃលិចទឹក ដែលនៅតាមដងផ្លូវជាតិលេខ៧៣ ពីស្ពានព្រែកឆ្លូងរហូតមកដល់ស្ពានព្រែកជីកដែលជាកន្លែងជំរកត្រីគ្រប់ប្រភេទ ហើយក៏ជាតំបន់ទាក់ទាញភ្នែកទេសចរជាតិ និងអន្តរជាតិនោះឥឡូវនេះត្រូវបានជនខិលខូចឃុបឃិតគ្នារុករាន គាស់កាយ និងកាប់ទន្ទ្រាន រួមទាំងឈូសឆាយខ្ទេចគ្មានសល់ដើម្បីយកដីធ្វើកម្មសិទ្ធិផ្ទាល់ខ្លួន។ តំបន់នោះគឺស្ថិតនៅក្នុង បឹងព្រែ បឹងផ្តៅ បឹងស្រែអាង និងបឹងបាក់ផ្តៅបឹងកូនសត្វ ស្ថិតនៅក្នុងឃុំព្រែកសាម៉ាន់ និងឃុំកញ្ជរ ខេត្តក្រចេះ។
តាមប្រភពព័ត៌មានពីពលរដ្ឋបានឲ្យដឹងថា មេខ្លោងដែលកាប់បំផ្លាញព្រៃឈើយកដីខាងលើមានឈ្មោះ ឃុត ម៉េង អនុប្រធានសហគមន៍ ដែលបានឈូសឆាយ និងជិកប៊ៀរ បាតបឹងកូនសត្វ បាតបឹងស្រែអាង និងបាតបឹងដទៃ រួមបក្សពួកមួយចំនួនទៀត។ ចំណែកប៊ៀរដែលពួកគាត់បានជីកប្រហែល ពី៤០ទៅ៥០ប៊ៀរ ដើម្បីយកត្រី ជាកម្មសិទ្ធិផ្ទាល់ខ្លួន។ ប្រជាពលរដ្ឋបញ្ជាក់ថា កាលពីដើមខែ ឧសភា ឆ្នាំ២០១៥ មេឃុំព្រែកសាម៉ាន់ ងួន សេង បានស្តារព្រែកឈ្នៃ ហើយមិនបានធ្វើទ្វារទឹកបណ្តាលឱយហូរទឹកអស់ពីបឹងកូនសត្វស្ងួតដាច់ពូជត្រី និងធ្វើឱយប្រជាពលរដ្ឋខ្វះទឹកដាក់ស្រែប្រាំង ឥឡូវស្រាប់តែបើកដៃឱយសហគមន៍និងបក្សពួកមួយចំនួនជីកប៊ៀរបាតបឹងទៀត ។
បើតាមសំដីប្រជាពលរដ្ឋបានឲ្យដឹងថា បឹងកូនសត្វតាំងពីដូនតា មកពុំដែលរីងស្ងួតទេ ប្រជាពលរដ្ឋគ្រប់ឃុំមករកត្រីនៅក្នុងបឹងនេះទាំងអស់ឥឡូវនេះពួកគាត់ត្រូវជួបការលំបាកហើយ ព្រោះជនខិលខូចជីកប៊ៀរបាតបឹងយកជាកម្មសិទ្ធិរបស់ខ្លួនអស់ទៅហើយ។
ប្រជាពលរដ្ឋទាមទារឲ្យស្ថាប័នជំនាញពាក់ព័ន្ធមេត្តាជួយធ្វើអន្តរាគមន៍ផង ពុំដូច្នោះទេបឹងធម្មជាតិ និងលិចទឹកតាមដងផ្លូវលេខ ៧៣ (ឆ្លូងក្រចេះ) នឹងទៅជាកម្មសិទ្ធិរបស់ជនខិលខូចអស់ហើយ៕
ខេត្តកំពត៖ប្រជាពលរដ្ឋនៅភូមិជំរក ឃុំតេជោអភិវឌ្ឍន៍សែន ស្រុកឈូក ខេត្តកំពត ត្រូវបានក្រុមហ៊ុន ចាន់ សុធា រលោភយកដីរបស់គាត់ និងគំរាមកំហែងរកចាប់ពួកគាត់ដាក់គុកទៀត ហេតុការណ៍នេះបានកើតឡើងនៅរសៀលថ្ងៃទី២៥ ខែមីនា ឆ្នាំ២០១៦កន្លងទៅ។
ប្រជាពលរដ្ឋបានប្រាប់អោយដឹងថា ដីរបស់គាត់ត្រូវបានខាងសូរយោដី និងអជ្ញាធរភូមិ ឃុំ ទទួលស្គាល់ហើយនៅតែក្រុមហ៊ុន ចាន់ សុធា រំលោភយកទៀត ប្រជាពលរដ្ឋបន្តទៀតថា ដីដែលក្រុមហ៊ុនរំលោភយកនោះពួកគាត់បានកាន់កាបយូរឆ្នាំហើយ គឺតាំងពីក្រុមហ៊ុន ចាន់ សុធា ចូលមកតែងតែរំលោភយកដីប្រជាពលរដ្ឋធ្វើអោយប្រជាពលរដ្ឋក្តៅក្រហាយយ៉ាងខ្លាំង។
លោក សាន គ្រីយ៉ា មេឃុំតេជោអភិវឌ្ឍន៍ បានប្រាប់អ្នកយកព័ត៌មានយើងថា លោកនិងរកដំណោះស្រាយជូនប្រជាពលរដ្ឋរបស់គាត់ មិនបណ្តែតបណ្តោយ អោយក្រុមហ៊ុនធ្វើតាមតែអំពើចិត្តទេ ព្រោះលោកស្រលាញ់ប្រជាពលរដ្ឋរបស់គាត់។
តែខាងអ្នកសារព័ត៌មានក៏បានភ្ជាប់ទូរស័ព្ទទៅលោក វ៉ែន ស៊ីថា អភិបាលស្រុកឈូកដើម្បីសុំការបំភ្លឺ ពាក់ព័ន្ធនិងក្រុមហ៊ុន ចាន់ សុធា រំលោភយកដីរបស់ប្រជាពលរដ្ឋនៅចំណុចភូមិ ជម្រក ឃុំតេជោអភិវឌ្ឍន៍ តែទូរស័ព្ទរបស់លោកអភិបាលស្រុកមិនទំនាក់ទំនងបានទេ ចំណែកម្ចាស់ក្រុមហ៊ុន ចាន់ សុធា ក៏មិនសុំការបំភ្លឺបានដែរ ដោយខាងសារព័ត៌មានយើងមិនស្គាល់លេខទូរស័ព្ទរបស់គាត់។
រីឯលោក យិន រ៉ាវុធ ប្រធានមន្ទីរសូរិយោដីខេត្តកំពត ទូរស័ព្ទរបស់គាត់ទាក់ទងបាន តែពុំមានអ្នកទទួល។
ប្រជាពលរដ្ឋរស់នៅភូមិជម្រក ឃុំតេជោអភិវឌ្ឍន៍ ស្រុកឈូក ខេត្តកំពត សូមអំពាវនាវអោយឯកឧត្តម ចាន់ ចេស្តា អភិបាលខេត្តកំពត ជួយរកយុត្តិធម៌ជូនពួកគាត់ផង ជាពិសេស សម្តេចតេជោ ហ៊ុន សែន ត្រូវជួយកូនចៅប្រមាណ ជាង៣០គ្រួសារដែលរស់នៅភូមិឃុំខាងលើនេះផង ដែលកំពុងរងការរំលោភបំពានពីសំណាក់ក្រុមហ៊ុន ចាន់ សុធា ដែលរំលោភយកដីរបស់ពួកគាត់ និងប្រើកូនចៅមកគំរាមចាប់ពួកគាត់ដាក់គុកទៀត៕
លោក រតនៈ
ភ្នំពេញ៖អតីតកញ្ញា ឯក Bridgerstone ឆ្នាំ២០០៨ នាង កែវ ស្រីនិច្ច បានចាកចេញពីភិភពសិល្បៈយ៉ាងស្ងៀមស្ងាត់ក្រោយពេលនាងប្រឡូកក្នុងវិស័យនេះបានត្រឹម២ឆ្នាំ។ ទោះជាយ៉ាងណាថ្មីនេះនាងបានបង្ហាញឲ្យមានការភ្ញាក់ផ្អើលក្រោយពីគេសង្កេតឃើញនាងបង្ហាញវត្តមានក្នុងការងារសិល្បៈជាថ្មី គឺក្រោយពេលលែងប្តីឥតខាន់ស្លា។
ការបាត់មុខរបស់តារាសម្តែងស្រីល្បីឈ្មោះ កែវ ស្រីនិច្ច បានបង្កើតឲ្យមានការងឿងឆ្ងល់ រហូតលេចដំណឹងថានាងបានជ្រើសរើសបុរសម្នាក់ដើម្បីរួមរស់ជាមួយគ្នាដោយមិនបានរៀបការ។ គេចាំបានថា តារាសម្តែងកែវ ស្រីនិច្ចបានឱកាសកញ្ជ្រោកក្នុងពិភពសិល្បៈក្រោយពេលនាងប្រឡងជាប់ជាកញ្ញាឯក្នុងកម្មវិធីមួយរបស់ស្ថានីយទូរទស្សន៍ខ្មែរប៉ុស្តិលេខ៩ និងក្រោមក្រោមការជួយជ្រោមជ្រែងពីម្តាយដែលជាអ្នកសិល្បៈជើងចាស់ ។ នាងទទួលបានឱកាសការងារសិល្បៈច្រើនគួរសមប៉ុន្តែនាងបានបានបាត់មុខដោយស្ងប់ស្ងាត់ខណៈដែលនការងារសិល្បៈជាច្រើនសំរុករត់រកនាងទៅវិញ។ការបាត់មុខក្នុងសង្គមសិល្បៈគឺក្រោយពេលនាងបញ្ចប់ការថតខ្សែភាពយន្តរឿង “នាងឈូកស” របស់ស្ថានីយទូរទស្សន៍ប៉ុស្តិ៍លេខ៥ ។ ការបាត់មុខក្នុងវិស័យសិល្បៈភ្លាមៗកែវ ស្រីនិច្ចបានបង្ហាញខ្លួនភ្លាមដែរក្នុងនាមជាអាជីករនៅផ្សារអូរឬស្សីទៅវិញ។
តារាស្រីរូបនេះបញ្ជាក់ថាការវិលមកកាន់ការងារសិល្បៈជាថ្មីនេះគឺក្រោយពីនាងផ្អាកមុខជំនួញដែលធ្លាប់បានធ្វើកន្លងមក។ នាងទទួលស្គាល់ថា កន្លងមកនាងបានជួយលក់ដូរមាសនៅក្នុងផ្សារអូឬស្សីជាមួយនឹងម្តាយក្មេក ប៉ុន្តែពេលនេះនាងឈប់ហើយក្រោយពីបញ្ចប់ទំនាក់ទំនងជាមួយបុរសជាប្តី។ នាងថាក្រោយប្រឡូកការងារសិល្បៈបានជាង២ឆ្នាំនាងបានស្រលាញ់ជាមួយនឹងបុរសម្នាក់ហើយ ក៏បានរួមរស់ជាមួយគ្នាក្នុងនាមជាប្តីប្រពន្ធ និងស្នាក់នៅផ្ទះខាងប្រុសដោយនាងបានបញ្ចប់ការងារសិល្បៈរួចងាកទៅចាប់របររកស៊ី។ នាងបញ្ជាក់ថាក្នុងរយៈពេលប៉ុន្មានឆ្នាំចុងក្រោយនេះគ្រួសារនាងលេចចេញនូវភាពរកាំរកូសច្រើនពិសេសទាក់ទងនឹងប្រាក់ចំណូលដែលមានទាប។ នាងបន្តថាក្រៅពីបញ្ហាប្រាក់ចំណូល ក៏មានបញ្ហាមួយចំនួនជាមួយនឹងអតីតស្វាមីនាងដែរ។ នាងបានស្នើស្វាមីក្នុងការវិលចូលសិល្បៈដើម្បីបន្ថែមចំណូលដែលមានស្រាប់ ប៉ុន្តែស្វាមីនាងជំទាស់។ ដោយមានរឿងរ៉ាវជាច្រើនខាងលើទើបនាងនិងស្វាមីសម្រេចចែកផ្លូវគ្នាដើររៀងៗខ្លួន។ បញ្ជាក់ក្នុងន័យស្តាយក្រោយនូវអ្វីដែលនាងបានជ្រើសរើសបញ្ចប់អាជីពសិល្បៈដោយទទួលយកស្នេហាដែលសាច់ញាតិមិនសូវជាពេញចិត្ត។ នាងថា ទីផ្សារការងារសិល្បៈនាងអាចនឹងមានច្រើនប្រសិននាងបន្តចាប់ការងារសិល្បៈ។បញ្ជាក់ក្នុងន័យរៀងចាលនឹងរឿងរ៉ាវស្នេហាអ្នកមេម៉ាយរូបនេះបញ្ជាក់ថា នឹងបិតបេះដូងត្រឹមនេះសិន ព្រោះតែចង់យកពេលវេលាគិតពីរឿងការងារឲ្យបានច្រើន។ តារាស្រីរូបនេះរំពឹងថាការវិលមកកាន់សង្វៀនសិល្បៈជាថ្មីនឹងទទួលបានការគាំទ្រលើកទឹកចិត្តពីទស្សនិកជនជាថ្មី។ នាងបន្តថា នាងទើបនឹងវិលមកប្រឡូកសិល្បៈជាថ្មីបានរយៈពេលជាង៥ខែប៉ុណ្ណោះ ប៉ុន្តែនាងទទួលបានការងារសម្តែងមួយចំនួនជាថ្មីផងដែរ បើទោះបីជាមិនមានតំណែងជាតួឯកដូច៦ឆ្នាំមុនក្តី។ តារាស្រីវ័យ២៤ឆ្នាំរូបនេះបញ្ជាក់ដែរថា មិនប្រកាន់ក្នុងការសម្តែងជាតួអង្គអ្វីទេគឺនាងពេញចិត្តនឹងការសម្តែងហើយក៏យល់ច្បាស់ពីស្ថានភាព ផលិតខ្សែភាពយន្តហើយតារាសម្តែងស្រស់ក្មេងជាច្រើនក៏មានឱកាសដណ្តើមតំណែងតួឯកដែរ៕
រាជធានីភ្នំពេញ៖ស្ត្រីខ្មែរ៣រូបទៀតហើយ ដែលបានចេញទៅធ្វើការងារនៅប្រទេសចិន និងម៉ាឡេស៊ី អស់ជាច្រើនឆ្នាំ ត្រូវបានក្រសួងការ បរទេសកម្ពុជា តាមរយៈឯកអគ្គរាជទូតប្រចាំនៅប្រទេសចិន និងម៉ាឡេស៊ី ជួយអន្តរាគមន៍ឲ្យបានវិលមកស្រុកកំណើតវិញ៕ សូមអានព័ត៌មានលម្អិតខាងក្រោម៖
រាជធានីភ្នំពេញ៖តំណាងឱ្យក្រុមនិស្សិត និងយុវជន លោក ស្រី ចំរើន នៅថ្ងៃទី០១ ខែមេសា ឆ្នាំ២០១៦នេះ នៅវេលាម៉ោង៣រសៀលនឹងដឹកនាំក្រុមយុវជន និស្សិត ឲ្យទៅកាន់គណបក្សសង្គ្រោះជាតិ ដើម្បីស្នើសុំឲ្យលោក កឹម សុខា ឬគណបក្សជួយបកស្រាយ៣ចំណុចពាក់ព័ន្ធនឹងគម្រោងប្តឹងរូបលោក។
គួរបញ្ជាក់ថា តំណាងឱ្យក្រុមនិស្សិត និងយុវជនរូបនេះបានអះអាងកាលពីម្សិលមិញថា លោកជឿជាក់ថា គណបក្សសង្គ្រោះជាតិ មិនហ៊ានប្តឹងលោកទេ ដោយលោកបញ្ជាក់ថា គណបក្សប្រឆាំងគ្រាន់តែគំរាមលោកប៉ុណ្ណោះ មិនមានចិត្តតតាំងជាមួយរូបលោកទេ និងបញ្ជាក់ថា CNRP មិនមែនជាកម្មសិទ្ធិបញ្ញា របស់បុគ្គលណាម្នាក់ទេ៕ សូមអានព័ត៌មានល្អិតក្នុងញត្តិខាងក្រោម៖
អន្តរជាតិ៖រដ្ឋាភិបាលក្រុងប៉េកាំង និងរដ្ឋាភិបាលក្រុងវ៉ាស៊ិនតោនបានសហការគ្នាធ្វើការលើបញ្ហាគ្រាប់មីស៊ីលរបស់កូរ៉េខាងជើង និងដើម្បីធានាឲ្យបានសេរីភាពក្នុងតំបន់ឧបទ្វីបកូរ៉េ។ នេះបើយោងតាមការផ្សាយរបស់សារព័ត៌មាន BBC នៅថ្ងៃសុក្រនេះ។
លោក បារ៉ាក់អូបាម៉ា បានប្រកាសថា ប្រទេសចិន និងសហរដ្ឋអាមេរិកបានយល់ព្រមគ្នាក្នុងការធ្វើការរួមគ្នាក្នុងការសាកល្បងដោះស្រាយបញ្ហាការធ្វើតេស្តសាកល្បងគ្រាប់មីស៊ីលរបស់កូរ៉េខាងជើងដែលតែងតែធ្វើឡើងជារឿយៗ។ ការប្រកាសបែបនេះធ្វើឡើងអំឡុងពេលលោកជួបទស្សនកិច្ចមួយរបស់លោក ប្រធានាធិបតីចិនលោក Xi នៅក្នុងកិច្ចប្រជុំកំពូលស្តីពីបញ្ហាអាវុធនុយក្លេអ៊ែរកាលពីថ្ងៃម្សិលមិញ នៅវ៉ាស៊ិនតោន៕
តួកគី៖ប៉ូលិស៦នាក់បានស្លាប់ និងមនុស្ស២០នាក់ផ្សេងទៀតបានរងរបួស នៅក្នុងករណីបំផ្ទុះរថយន្តអត្តឃាតក្នុងទីប្រជុំជនមួយនាទីក្រុង Diyarkakir ប្រទេសតួកគី។ នេះបើយោងតាមការចេញផ្សាយរបស់សារព័ត៌មាន Reuters។
សាក្សីនៅកន្លែងកើតហេតុបានបញ្ជាក់ឲ្យដឹងថា មានរថយន្តមួយគ្រឿងបានបើកបុករថយន្តក្រុងដឹកប៉ូលិស បន្ទាប់មកក៏មានសំឡេងផ្ទុះកើតឡើង ដោយសំឡេងនោះត្រូវបានគេស្គាល់ច្បាស់ថា ជាសំឡេងគ្រាប់បែក។ ប៉ូលិសប្រចាំតំបន់ បានបញ្ជាក់បន្ថែមទៀតថា ករណីបផ្ទុះនេះ បានកើតឡើងនៅចំតំបន់ប្រជុំជន ដូច្នេះហើយ អ្នករបួស អាចច្រើនជាង ២០នាក់៕
ឥណ្ឌា៖យោងតាមសារព័ត៌ India Today បានផ្សាយថា មនុស្សចំនួន២១នាក់បានស្លាប់ និង៨៥នាក់រងរបួសក្នុងហេតុការណ៍បាក់ស្រុតសំណង់ស្ពានអាកាសមួយកន្លែង នៅទីក្រុងកុលកាតា រដ្ឋ West Bengal ប្រទេសឥណ្ឌាកាលពីរសៀលថ្ងៃទី៣១ ខែមិនាម្សិលមិញ។
ឧប្បត្តិហេតុនេះបានកើតឡើងក្នុងតំបន់ក្បែរសួន Girish Park ជាសង្កាត់មួយដែលមានមនុស្សរស់នៅច្រើន មានច្រកផ្លូវតូចចង្អៀត មានហាងលក់ទំនិញនិងផ្ទះសង់ជាប់ៗគ្នា។ ស្ពានអាកាសបាក់ស្រុតខាងលើមានប្រវែង ១,២ម៉ាយ (២គីឡូម៉ែត្រ) និងស្ថិតក្រោមការសាងសង់ចាប់តាំងពីឆ្នាំ២០០៩ និងមិនទាន់សង់រួចរាល់ជាស្ថាពរនៅឡើយរហូតមកដល់បច្ចុប្បន្ន។
ទោះជាយ៉ាងណា មិនទាន់មានការបញ្ជាក់ច្បាស់លាស់នៅឡើយទេពីមូលហេតុដែលបណ្ដាលឲ្យបាក់ស្រុតសំណង់ស្ពានអាកាសនៅឡើយទេ ប៉ុន្តែក្រុមហ៊ុនIVRCL ដែលទទួលបន្ទុកម៉ៅការសាងសង់ស្ពានខាងលើ បានឲ្យដឹងថាពួកគេនឹងសហការជាមួយក្រុមស៊ើបអង្កេតដើម្បីរកមូលហេតុឲ្យឃើញ៕
ខេត្តសៀមរាប៖បុរសម្នាក់បានស្លាប់ និង៧នាក់ទៀតបានពុលក្អួតចង្អោរ ហើយសម្រាកព្យាបាលនៅមណ្ឌលសុខភាព ព្រោះតែពួកគាត់នាំគ្នាហូបស្រាសក្លែមស្រីកំពតកាលពីវេ លាម៉ោង៥ល្ងាចថ្ងៃទី៣០ ខែមីនា ឆ្នាំ២០១៦នៅក្នុងភូមិគោកវត្ត ឃុំស្រែណូយ ស្រុកវ៉ារិន។
តាមសមត្ថកិច្ចមូលដ្ឋានបានឲ្យដឹងថា បុរសដែលស្លាប់ឈ្មោះ មឿត ម៉ែន អាយុ៤៥ឆ្នាំ រស់នៅក្នុងភូមិ-ឃុំខាងលើ។ សមត្ថកិច្ចបញ្ជាក់ថា មុនពេលកើតហេតុមនុស្សប្រុសស្រី៨នាក់រាប់ទាំងអ្នកស្លាប់ បានទៅបាចត្រីនៅចំណុចត្រពាំងរុនខាងជើង ភូមិល្វា ឃុំស្រែណូយ និងបានត្រីកំពតយកទៅបំពងហូបផ្ទាប់ជាមួយជ្រក់ស្វាយធ្វើជាម្ហូបក្លែមស្រា.ស និងបណ្តាលឲ្យពុលស្លាប់ម្នាក់និង៧នាក់ទៀតក្អួតចង្អោរ ហើយបានធូរស្រាលវិលទៅផ្ទះវិញអស់ដែរនៅព្រឹកថ្ងៃទី៣១ មីនានេះ។
សមត្ថកិច្ចអះអាងថា មនុស្សប្រុសស្រីទាំង៨នាក់នេះពិតជាពុលត្រីកំពតប្រាកដមែន មិនមែនពុលស្រា.សនោះទេ៕
ខេត្តស្ទឹងត្រែង៖ក្មេងៗចំនួន៣០នាក់បានពុលនំអន្សមបណ្តាលឲ្យមានអាការៈក្អួតចង្អោរ ទន់ដៃជើង អស់កម្លាំង ហើយត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរសុខភាពស្រុក។ ហេតុការណ៍នេះកើតឡើងនៅយប់ថ្ងៃទី៣១ ខែមីនា ឆ្នាំ២០១៦ ស្ថិតនៅភូមិពងគ្រាល ឃុំព្រែកមាស ស្រុកសៀមប៉ាង។ ប៉ុន្តែក្មេងរងគ្រោះទាំង៣០នាក់នេះ មិនបណ្តាលឲ្យរងគ្រោះថ្នាក់ ដល់អាយុជីវិតនោះឡើយ។
តាមប្រភពព័ត៌មានបានឲ្យដឹងថាថា ក្មេងៗរងគ្រោះ ក្រោយពេលហូបនំអន្សម ហើយស្រាប់តែមានអាការៈក្អួត ហើយភ្លាមៗនោះត្រូវបានបញ្ជូនទៅព្យាបាលនៅមន្ទីរសុខភាពស្រុក។ បច្ចុប្បន្នក្មេងៗទាំងអស់នោះបាន ធូរស្រាល ហើយវិលត្រឡប់ទៅផ្ទះវិញអស់ហើយ។ ទោះយ៉ាងណាក៏ដោយពាក់ព័ន្ធករណីនេះ កម្លាំងជំនាញកំពុងចុះធ្វើការស្រាវជ្រាវដើម្បីរកមូលហេតុដែលបណ្តាលឲ្យពុល៕
រាជធានីភ្នំពេញ៖ទោះបីជារហូតមកដល់ពេលនេះ ឃាតករមិនទាន់ត្រូវបានវែកមុខ ប៉ុន្តែអតីតតារាចម្រៀងស្រី កញ្ញា ពៅ បញ្ញាពេជ្រ បានបង្ហោះនូវឃ្លីបវីដេអូមួយ គួរឲ្យស្រណោះ ព្រោះតែនាងបានបកស្រាយ បទចម្រៀងមួយបទ ជាចង្វាក់តាលុងដែលមានចំណងជើងថា «ឱក្លិនផ្កាម្អម» ជាចំណងដៃ ក្នុងឱកាសបុណ្យ ចូលឆ្នាំប្រពៃណីខ្មែរ ដែលកាន់តែខិតជិតមកដល់៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
